Jealous of the the Angel

[Tluangpuii Ck]

( Khatiag hmeichhe fel leh nunnem lutuk neitu chan ka chang kha van Angel te leh siamtu chung Pathian meuh pawh khian min thik em maw ni le? Tiin ka ngaihtuah fo thin.)



Ka lam pan a lo kal mek hmeichhe hmeltha zet chu ka thlir a ,hring mi te lak atang a chhuak hmangaihna awm thei zawng2 in ka hmangaih a ,ka hmagaihna chu tawngkam mai a sawi lo inchetzia nen lam lantir ka duh a .A harsatna leh hreawmna te a hlimna thleng a tawmpui tu nih ka duh a chutiang tur chuan theihtawp ka chhuah thin.

Ni e ...ka hmeichhe hmagaih ber chuan kawrfual var mawi tak ha in ka lam alo pan mek a ,damchhug a ka kawppui ni turin. Hetiang a hmeichhe hmeltha leh duhawm lutuk ka nupui a ni tur hi awi har kala ti a tlangval a pumpa lawm loh in ka nui ka nui mai .



Inneih thutiam kan chham lai te , nupa kan ni tawh tih nem ngheh nana a kut a zungbun ka bun tir laite chuan keimah ang tho in a hlim ani tih a hmelah a lang thei a, chu chuan a lehpek awm thei tawhlo hial tur a hlimna min pe ani.


Pathianin a zawm tawh chu mihring in then suh se .


Ka nupui hmel chu ka en a ka en nawn leh thin a ,ka lung hi a awi hliah2.He hmeichhia hi ka hmangaih em a tin ni.



Ka nupui Kimtei nen a kanin neihna pawh thla khat alo tling ve reng tawh a ,nitin in hmu in dawhkan pakhat kan kil dun a ,zantin ka bulah min kuah chial in tui takin a muhil thin .Engkimah min hrethiam em2 a ,kei chauh pawh nilo in ka nu leh pa te pawh a duat thiam em2 a ka tan chuan khawvel a nupui tha ber ani.



" Lo mu rawh,vawin ah inbul vel kan ti fai sia inbual lo a mu chu ka nilo" tiin ka nupui chuan bathroom lam a pan a " rei suh aw ,i hritlang ang" tiin ka au zui a .Zan a inbual chin hi a tha lo asin mawle ka hau fo a ,kala hau sim theilo chu nih hi .Ka rin ai chuan ka nupui chu a rei reuh zek a.



Alo chhuah hnu chuan a rawn mu ve mai dawn maw ka tih laiin darthlalang hma ah rei ngial a thu leh rih a. A rawn mut ve meuh chuan ka lo muhil ti tih tawh a,ka hmui ah rawn fawp zeuhin good night a ti sep a.



Ka muhil lai chu ka harh hlawl a Sana ka en chuan zing lam dar 3 alo ri tawh a ,ka bula mu ka nupui chu alo la mutui khawp mai..Thei leh theilo in min khan ve chial a ,a sam a hnawk deuh niai bawk nen a landan chuan ka nuih a ti za angreng.


Ka muhil leh mai thei tawhlo chuan kimtein nen a kanin tawn dan te ka ngaihtuah let neuh2 a; Kimtei ka hmuhsak ber ni nen lam ka la hrechiag viau mai,
Delhi airport ah a ni a chumi ni chu keipawh mizoram a haw ka tum ni a nghe2 a..Ka din na bul mai a hmeichhe purse sen lar zet lo let bal chu ka chhar vat a ,a nei tu awm ka zawn ngial hnu pawn tu ta nge ka hre thei hauhlo tuman ka ta ani an ti bawk silo a.


Ka dinna atang a kalsawnin thutna awl ah chuan ka thu a ,rei pawh ka thu hmanlo ang tih ah chuan ka lam panin hmeichhe pakhat hi alo kal phei hlawk2 a.Ka bul a lo thlen rual chuan"thianpa ,helai velah hian purse sen chhar an awm leh awmloh I hre mial em? A rawn ti a. A hmel ah chuan a mangan hmel viau bawk a.


Hei hi ani em tih leh nichin lawk a ka purse chhar chu lek kan ka rual a " ui ka van lawm tak ka rilru a hah hman lutuk alom" a ti chul a .A hmel ah chuan a lawm ani tih a hriatttheih a.



" Ka lawm e ",tih pah in a purse chu a la vat a a chhung chu a en thuai a engmah bo a awmlo a nih hmel .Ka lam lo hawi leh in " thianpa ka lawm lutuk ania aw,lawmthu sawi nan hei hi la rawh" tiin a purse atang chuan cheng 1000 a rawn phawrh chhuak a kalo hnar vat thung a .Min pek luih a tum viau a mahse kalo hnar ve tlat vang chuan lawmthu sawi mawlh2 chungin min kalsan ta a .



Mizoram pawh tluang takin ka thleng a , inah ka tawm deuh chawt mai.Nikhat chu Uruatpuia ka nu u fa hian min rawn be hlawl a" Valpui vawin chu central jail lamah min kalpui hman angem? Ka motor tlanloh ni ania taxi lak a buaithlak bawk nen" a ti .Ka peihlo viau a mahse chhuanlam siam tur hre heklo le ,chaw eikhamah kalo lam ang che ka ti leh ta nge2 a.


Uruatpuia hi pastor ania thla khatah vawikhat tal chu central jail leh home hi a tlawh ziah a ,min hruai tel ve ziah leh nghal .Ka motor a chhia a tih loh leh eng eng emaw chhuanlam hi a siam ve ziah .


Phur fahran lo chuan Uruatpuia te in lam panin ka in khalh chhuak zui a ,an in ka thlen chuan alo in peih thlap tawh a ala smart em2 zui a .Ka inchei na ka en chuan ka insit ve tep ani mahse enge maw le ka kalpui rigawt dawn alom



Kan thlen chuan kalo lut ve lo mai ang tah hian kalo nghak ang che ka ti a, Uruatpuia pawh chu a mah chuan a lut ve mai a. I rei chuan ka haw san daih ang che ka ti hram a .



Ka phone khawih chuan rei fe ka ding tawh a Uruatpuia chu a rei ka ti angreng .Ziak zukna tur remchang melh a ka hawi kualna lamah chuan Kan piah deuh hlek a hmeichhe pakhat amah chauh a thu chu ka hmu a .Heng lai ah te enge maw a tih ni?



Eng in nge maw min mawlh ni ? Chu hmeichhia chu hnaih ka chak tlat pek a ,a tawpah chuan ka pan ta nge2 a .Ka hnaih viau tawh hnu ah pawh chuan min hmulo a nih hmel ,a sam sei deuh tak chu a thlah mawl tawp a ,a kut pahnihin a hmai chu a hup bawk a .Aw thian kharh pah a thiannu kalo thu ve thei angem? Ka tih chuan alo hawi chhuak vat a min hmuh chuan a phawk viau a " nagmah maw " a ti bah deuh nuai a ,ka en reng lai chuan " min hre tawhlo ami? Delhi ah kanin hmuh tawh kha" a rawn tih zawm zat a .



Keipawh chuan ka hrechhuak zawk mai mahse heng2 ah te enge a tih?.


Nangmah chauhin em ni? Ka tih chuan "aw,ka patea ka kan a" alo ti tha ve mai a .Enchian chuan a hmeltha takzet.

Amah chu ka hrechiag chak viau bawk...Enge in tih ve a? Tia min zawh chuan kalo chhang vat a .Nuih sak pah hian " kan kal chhan a in anglo hle mai" a ti sap a.I patea chu engvang a tang nge a nih a? Ka tih chuan zawi sap hian " pawngsual" a ti leh tawp a ,sawi mai tur ka hre tawhlo chuan nidangah chuan nagmah chauhin kal tawh suh ka ti rigawt a .


Min chhang tawh dawnlo a maw ka tih hnu ah"engtin nge ka tih chuan ang? Ka patea a ni miau sia ..Mi zawng2 hian an dem a a thisen zawmpui te ngei pawn a hua a " ngawi dat in " itna sual hi Chu a ngeiawm ngawt mai ; nupui nei reng chung a naupang pawisawilo it kha chu a huat thla la a ,mi zawng2 in an dem pawh hi a Phu ve reng ani" ....A thusawi chu a dik ka ti viau a ,chutah lo tawng chhuak lehin' mahse ka tan chuan ka patea a nia chu chu engthil mahin a ti danglam theilo ,a chhungkhat laina te takngial pawn an ensan a mahse khawvel a nia tihsual neilo mihring an awm em ni? Tiin min zawt leh a .



" Sual hi a chak tawh em a ,ka patea pawh hian rilru sual a pu sa biklo mahse sual chuan a chaklohna lai ah beiin a hneh nganglo ani.He ka ngaihdan vang hian min dem ngei ang midang leh nagpawn mahse a thlarau ahahdam nan leh ka theihtawp chhuahna zara beiseina thar a lo neih ve theih nan ka beidawn san mai theilo ani" a tih chuan sawi ve tur reng2 ka hrelo .



A phone no ka dil chuan min pe ve mai bawk a ,in hmelhriat sa pawh kan nilo a chuti chung a Khang thu tam tak min hrilh te kha mak ka ti ang reng viau a ,in bun ruahna tur a mamawh viau pawh ani mahna.




A no ka neih atang chuan ka be fo a ,kan veng alo in hlatlo bawk nen kanin hmu fo bawk a hnu ah phei chuan an inah te ka leng ve thin a kanin pawh sawt khawp mai.



Chutiang a inpawh leh rilru thuhmun ta chu in thup reng theih ni heklo tun dinhmun hi kanlo thleng ta a,ka inchhir lo viau bawk.




Zing ka harh chuan ka nupui alo tho chhuak leh daih tawh a,a harh lai takngial pawh ka hrelo ania.



In phih fai a inhnuai lam ka pan chuan ka nu leh Kimtei anlo titi leh bawrh2 tawh a ,ka nupui pawh chu a nui uar leh viau tawh.Min hmuh rualin thingpui nge coffee alo ti vat a ,tuilum ka lo ti thung a ner nag2 pah hian " tuilum pe che ila thingpui I ti leh awm tho si" a ti nag2 a,kalo nui mai thung a .



Tlai a ka hna bang in a ka haw chuan ka nupui hmel ka hmu hauh lo a ,ka nu bul a ka zawh chuan a nuamsamlo a mut thu minlo hrilh a hmanhmawh deuhin kan room lam ka pan zui nghal a.Ka nupui chu alo mu bam a a mah ang lo takin a nguai riau bawk a ka khawgaih angreng.


A tukah pawh chuan a tho harh vak peihlo a. Ka ngaihtuah viau mai mahse amah berin hna thulh a phal miau silo a hreh deuh chuan ka chhuahsan ta tho a .Nilengin ka rilru ah a awm a tlai ah pawh chuan ka haw hmat phah ta ringawt a



Tlai a ka haw chuan ka nupui chu alo thuchhuak peih tawh a ,dawhkan kil in dawnfawh alo ei mek a tun ang hun a dawnfawh a ei chu mak ka ti viau a.Min hmuh rual chuan ka nu nen an nui rah2 a min melh leh zeuh2 thin bawk a ,a chhan ka zawh lahin an sawi duh silo a .Pawilo zan mutna ah ka zawtchhuak khawp a .



Zan chu ni vat2 se ka ti viau a ,ka nupui Chaw ei te chu ka tur sek reng a a hrethiamlo viau lehghal. A tawpah phei chuan enge lo va mu rawh a ti vin hlar tawh a .


Dar 8 dawnah chuan mu turin kanin zui chho ta nge2 a .Ka zawh hma hauh chuan ka hma ah dingin a dul chu min dwwmtir a" nau ka pai a" a thusawi chu ka hriatsual a maw ni ka ti hial a .Ka ngawih reng vang nge ni " i lawmlo ami? A rawn tih leh chuan ka hriatsual lo Chiang ani .


A in rin hma in ka pawm kang nawlh a ,a te ring viau lehnghal a ...Ka lawm e ,ka hmagaih che tiin ka fawp zui a.


Kei hi pa ka ni tawh dawn chu thu chu ka beng ah a ri nawn tluk2 a ka hlimna hian van a chen hialin ka hria .Ka nupui chu ka en a a pum la thep zan chu ka chul a tah hian ka fa tur a pai chu a ni si a .Pa tam tak te hi an nupui ten nau an pai hian ka awm ang tho hian an awm ve thin angem le?


Zing kan thawh chuan ka unau te chuan min fiam deuh sap2 a ,chaw ei khawm te an rawt ti tih a .

Ka nupui chu ka ngaihtuah viau a " engmah tilo in mu tawp rawh" ka tih chuan a nuih a za viau a ." Min ngaihtuah lutuk Suh" a ti liam mai a .


Ni a liam ve bek2 a kan nu pum chu a puar har ka ti viau a ," ka nupui lah chuan thla thum chauh ala nih hi" a ti sam mai a .Ka nghakhlel tawh lutuk chu mipa tih a tana mawilo khawp a ka khawsak chang lah atam.Ka chhugte chuan min nuih leh thin.




" Valpui,naktuk hi Apuii te inneih ni kha Ani tawh a,tel ve loh chu a nuam silo a ka nu pawh khan kal chu tha a ti viau ani " a tih chuan ka hrechhuak zawk mai a hma atang pawn min hrilh tawh tak alom.



Naktuk chu a van buaithlak dawn ve,office lamah kan buai deuh ani tunlai chu inthiamlo fe hian ka ti a " a poilo ka nute pawh an kal dawn tho a" a tih leh chuan lungawilo hmel pawh a pu hranlo a .Ka thlah hman lo ang che melthum ah daih ani sia bakah ka ngaihtuah deuh che ka tih chuan a ngawi ve rauh2 mai.


I nute an kal dawn tho chuan I duh leh an rualin kal ve mai la tlaiah ka lo hruai che nga ka tih leh chuan ka nupui chu a nui ver2 a , hmeichhe hlimna hi Chu ho te ani an tih thin kha maw



Zingah chuan ka nupui chu a in siam mawlh2 a ,tho tawh rawh i tlai ange tukin chu ka insiam hman dawn silo che a a khat tawk chuan a ti deuh chhen a ,a tawpah chuan ka tho chhuak ta nge2 a .


Hna kal tur a ka insiam mawlh2 lai chuan uar fe mai hian min rawn fawp pek a ,ka hamhaih ang reng ..Min fawh na chhan let ka tum chiah chu a in la hrang leh ang lawi a ka nu ten anlo ko tawh bawk nen " ni hman nuam le" tiin a chhuak zui nghal daih a .Ka hmui chu khawihin ka nui ta rigawt a.



Dar thum velah chuan ka nupui hruai turin ka chhuak zui a. Kan buai viau na in kalo tiam ve tawh bawk sia garage lam pan a ka kal mek lai chuan ka phone alo ri ve chiah bawk a ,ka Phone chu la chhuakin ka en vat a ..Ka nupui hming lo lang ka hmuh rual chuan ka nui suk a ,rei minti leh tawh tih lah a chiag reng kei lah chu chhuah pawh kala chhuak mang silo a ....Insawi thiam dan tur ngaihtuah pah chuan ka pick thuai a hello ka ti zui zat a mahse ka nu aw zawk ani ka hriat.



" Valpui , accident kan tawk tlat mai,damdawi in kan pan mek " a rawn tih chuan ka hrilhhai ang reng ..Kimtei a tha em? Ka ti vat a damdawi in lam chu lo pan ve phawt mai teh tih leh phone dah a rual a.



Chi ai thei ka nilo damdawi in lam ka pan vat a ,ka thlen chuan ka chhugte chu anlo awm tawh a midang zawng chu ka hmu vek mahse khawge ka nupui ? ...Ka nu'n min hmuh chuan min lo pan vat a " Valpui ,engtin nge kan tih ang? Kimtei kha thisen a chhuak nasa ltk " alo ti chul a , hlauhthawnna nasa takin min rawn tham nghal a .



Kilkhat ah chuan Kimtei chhugte pawh anlo awm thap a,Anu chuan a mittui a hru leh zauh2 thin a..Hnemtu tur ber ka ni tih kà hria mahse ka nupui ber kha engtin amaw awm ta se kan naute lo piang tur nen khan.



Doctor lo chhuak chu beiseina sang tak nen kanlo thlir thap a mahse enge a sawi kha" kan chhan thei ta lo ani,a pawi khawp mai dar3:45 " a sawi tawp lam pang chu ka hrechiang thei tawhlo tam hawm2 ri in a zui nghal a,ka bing mup2 mai.



In a kan haw lai pawh chu ka hre manglo ,ka hriat leh hmasak ber chuan kanin ah mi tamtak lo kalin an zai ,thlahna thu an sawi a ...Ka la awi theilo ani,ka nupui nun na nei tawhlo a mu reng chu ka en a ,ka lung a awi thlawtlo ani.A hmai duk deuh te leh a lu an tuam var luk chu ka en a ,a hmai hit thlar chu ka khawih a ,ka fawp bawk a .



Tah hawm2 ka chak a ,ka nupui hmeltha zet kha an na reng2 a nei tawhlo ...A hmui no nalh zet thin te kha thlasik khawt vawtin a hmeh hrep ang maiin a duk vek tawh a ,lum na reng2 a nei lo ...Heihi ka nupui Hmagaihkimi kha ani chiah maw?



A tello chuan engtin nge ka awm tak ang? Van mi te u min en ta che u in hruai tak ka nupui Hmagaihkimi kha ka bulah inlo let tir mai theilo em ni? Min en ta che u khawgaihna pawh in nei zozai lo em ni...Mi tam tak amah thlah Turin anlo kal a ,uitu tam tak tap thawm leh ka thinlung rum vawng2 ri te chuan khawgaihna chhe te pawh a pe lo che u em ni?


Lalpa ani hi min pe let hram rawh,khawgaihin ka ngen a che .




Pastorin vuina thu a sawi te chuan ka lung a tichhe zual a.Natna awm tawhlohna hmun pa angchhung ah thlamuang takin a chawl an ti maw kei a pasal tello hian khawi hmunah mah hlimna tluantling a chhar mawlh lo ang.



Ani chu kan thlah ta a lungdam lo mahse pawmthiam a ngai a mahse ka hrethiam lo engvang nge a ni kher ...Ka nupui Hmagaihkimi pawh khan min ngai ve hian an ringlo em ni.



A rualin ka nupui leh ka fa lo piang tur ka chan a chu mai anilo ka ngaihtuah ka thinlung leh ka engkim ka taksa tihloh chu ka chan a neih engmah ka nei tawhlo.


Van Angel te leh siamtu chung Pathian meuh pawh khian kha hmeichhe pawisawilo lutuk neitu chan ka chang kha min thik em ni ka ti hial thin.



Ka chhugte leh ka thiantha te pawn min fuih in thu tha tak2 min hrilh fo a ...Lu sun hi chin tawk hriatloh chuan khawgaihthlak lam aiin zahpui awm lamah a kal tih hriat a tha ti a min ngainep taka min hrilh tu pawh ka tawng fo mai mahse ka demlo an tawng ve lo a an hmagaih ber an chan velo miau a,an tawn ve hun chuan min hrethiam ve ngei ang.



Ka nupui kha ka ngai a ,nikhat lek pawh a bul a awm leh ka chak a chu lek pawh chu a theihloh a nih chuan minute khat lek tal hmu thei ila tiin duhthu ka sam fo a mahse ka duhthusam chuan hlawhtlin ni reng a nei thei dawn silo a



Nitin hian ka nupui hnen a ka awm theih hun tur ka hnaih telh2 tih ka hria a,hun hi a kal muang ka ti thin.Ka nupui pawh khan a awmna hmun atanga minlo thlirin a bula ka kal theih hun alo thlir reng in ka ring thin .. Min khawgaih viau ka ring bawk a ,min ngai hian a tap ve thin angem tih chu a chhanna ka nei hauhlo natna awm tawhlohna ramah hlim takin a leng an ti anih kha .




Hmelma nunrawng ,khawgaihna chhete mah I neilo em ni? ..


"An sawi thihna nunrawng pawh hian duhsak bik leh thlei bik alo nei a nih dawn hi" .


Chhel takin hmalam ka pan zel ang a ,nakinah chuan thihna meuh pawn ka nupui kiag a ka awm tur min dang thei tawhlo ang ...Ka nupui kiang a hlim taka ka awm leh theih hunah chuan van Angel te ngei pawh khian min lawmpuiin ka ring ani.

Van Angel te nen hlim takin Pathian an fak ang a .Ni e ,van Angel te pawh khi ka thik ani siamtu chung Pathian thleng pawh khian.Ka nupui bulah khan engtik lai pawn an awm bik dawn si a .



" Hmelma hnuhnung ber tih boral a awm tur chu thihna hi ani"..





A tawp ta.....