July 14

Story tawi te te emaw luanliamna emaw post na
Tluangpuii Ck
Posts: 110
Joined: February 24th, 2023, 2:29 am

July 14

Unread post by Tluangpuii Ck » April 19th, 2023, 12:02 am

To ,



Dearest *****




En teh ; nang nen a kan thlasik tawp ber chu a liam a nipui lo herchhuakin favang thli a lo thaw leh a hun tam liamin ni tam vei tawh mahse heta nangmah kha i la ngai reng a hetah hian i cham reng a ka thinglung ah hian.


Harsatna kan paltlang dun zozai te kan duhthusam thamral ta te nen lam khan ka chhuikir a chu chuan khawharna min siam a loh theih loh in i hming lam in ka phun chhuak leh sap thin . Lo kir leh turin ka beisei lo che a mahse nghilh hlen tur atan chuan
i uihawm ka ti a ka ngaihtuah chian chuan i ngaihawm ka ti thin.



Kan pahnih kar a in laichin na hmagaihna tia kan vuah kha thamral tawh mahse ka hriatna tha zam tin te hian nitin min hrilh nawn a kalsan leh hnawl ni a ka in hriat lai pawh khan I hmangaihna chu ka ringhlel ngai lo .


Rilru in hun liam tawh a chhuikir a kan nunhlui hlimawm khan a der tel hauhlo in min nuihtir a kan tawp dan ngaihno bei lo zet khan a zawm a chu chuan chhungril atang a lo chhuak hriatthiam rual loh natna a rawn irh chhuak a ka awm zawn ah dawm vang vang chungin " a tha vek e " tiin ka in hrilh thin.



Thinlung kilkhat a cham kumkhua tur a ka tan a khuanu thilthawn pek i nih ka ring a thilthawn pek ngaihnat awmloh leh duhawm ber ani.Zep nak emaw kan nunhlui leh kan paltlang dun zozai te ai khan nagmah min hmangaih thu min hrilh fo thin tu kha ka ngai zawk che .


Heta awmlo ber hi hetah hian i lian ber thung a ka ngaihtuah fo che a hlim la dam la ka duh a chutiang tur a dilsak che lah ka thulh ngailo.Ka hriatchak ber chu maw "min ngai ve thin angem le?" Tih zawng hi ania .Min ngai ve thin lutuk ang tiraw? .

Awmze neilo nunhlui chhuikir a natna insiam fo hi bansan theih se ka ti .Ka rilru ang pu a ka ngaihtuahna ang hi I nei ve thin a nih chuan maw ka chhang ang che " ka damtha a hmalam ka pan ve zel a ka in enkawl tha bawk chuan ka ngai thei lutuk che " .




Ka hmangaih che vang leh i lak a ka rilru puthmang vang hian min dem thei hauhlo ang hmangaihtu nih ropui zia kan hriat dun tawh kha . Natna ka pek zozai che kha chhiarsen nilo mahse min ngaidam tawh tih ka hria keipawn ka ngaidam che .ln ngai turin kan dam dun a dam tur erawh chuan kanin ngaidam thei tawhlo thung a kan thlang sual lo na chu a pawi ka ti.




Kan duhthusam te, kan suangtuahna a khawvel thar kan din dun laite kan beiseina siamchawp hmachhuan a hmalam kan pan dun laite kan duhthusam khawvel a kan hlim dun theih zia mawlh kha aw.



A hunlai a kan hlimpui leh kan duhthusam te kha mal tak a ka tah pui hliam hliam ka ring ngailo asin .




" Bawiha...... Ka ngai lutuk che a"



He khawvel ah hi chuan nang nen bul tan tha leh a hmangaih thu kan thlungdun ka ring tawh ngailo a kan dil loh leh kan beisei loh thil tam tak te tawngin chhim leh hmar tlukin hrang tawh mahila ka thinlung a nangmah kha ila ni reng tih hria la hmalam pan zel turin ka duh che .



Zawhna chhiarsen loh khawp a tam zawh duh che ka nei a a chhan na hmuh kher erawh ka beisei hranlo. Kan kawng ve ve zawh a kan kal hran tak ni atang a vawin ni thleng hian ka theihghilh ngailo che a rem ve tawh ngailo tur kan nunhlui ka tahpui chang lah a tam .




Rilru thianghlim tak pu a kanin zui ve dat dat thin lai te, zak leh lai tak chung a kanin hmangaihna kan tihlan ve thin lai te kha .Kha hmangaihna thianghlim lutuk kha tihchhiat a a awm ka ring ngailo a vawng him tlat tur a intiam tu te pawh kha then hran a an awm ka ring pha ngai miahlo .Mahse ti teh ang khuanu ruatloh hi zawng mahni hian ruat chawp ve bawk thin mahila a tlo ngai lem hleilo a chu chuan tawpna hlimawm a thlen lo a chumi a hneh chuan nat na a pai tel ve chawk thin.



Min ngai a in dawm kun reng turin ka duhlo che mahse min hrechhuak ve thin tur chuan ka phut che zep rual loh in . Min ngaihtuah a min hrechhuak ve thin anih chuan maw natna ka pek thin che kha theihghilh in hlimna ka pek ve chhun che kha hrechhuak fo zawk rawh aw .



Hun kal tawh in bawhbeh tir lo la nunhlui vangin hnungtawlh ngai hauhlo la i hmalam hunah hlimna sang tam tak in alo hmuak dawn che tih hria la hawikir miah suh.



I nui hmel te ,i thinrim mit meng rum ul te , min hmagaihna mit meng mawlh kha i engkim hi ka ngai.



Duat tak a min kuah vawng2 lai te a lehpek awm leh thei tawh lo hial khawp a hlimna min pek thin te kha ka theihghilh thei ngailo .



I hmagaihna leh duatna khan damchhug a daih dawn emaw ti a hlutna chang ka lo hre miahlo kha ka inchhir leh hnuhnawh thin .



Theih ngat se chuan kan hlim dun lai hunah khan let leh ila, tah chuan tumah dang tel ve tawhlo in kan pahnih chauhin kan ni tawh ang a hlim takin kan nui dun ang a , kan harsatna te in hrilh tawnin kanin fuih dun ang a hmalam hun tur thlir dunin khawvel a mi awhawm ber kan ni ngei ang ,chung hunah chuan ka kaltir tawh hauhlo ang che mawle



Ka duhthusam hi nang chuan hnungchhawn a hmalam pansan i duh tawh ngei ka ring, kha ka hlimna ruam a tan reng ai chuan hlimna tak tak tawng tur a tlang chhip chuan chhuah kha I duh zawk ngei ang .



Hmagaihna hi zawng hriatthiam a har a tawpna hlimawm a thlen vek kher lo bawk, a chang chuan a nungrawng ve em em a dan rual loh muttui a ko chhuak ve fo bawk a, thinglung rum leh na vawng vawng khawp a tawrhtir dan pawh a thiam a , chu chuan a thiamloh ni miahlo ah hringmi te anchhia a dawn phah thin bawk .




Mangtha ti a thlah hlen che hi ka hreh a duh thlang thei ni ngat ila chuan i hmeichhe hmagaih ber nih ka thlang nawn leh ngei ang .


Hmalam hun duhawm tawng lo in kawp rem tawh ngai dawnlo mahila a dam tal in dam dun ang aw, chu chuan khuarei ah kan hlimna a lo herchhuah pui ve mial takin .




Dam takin aw, zinkawng zawh nuam le .



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)