#short#story
#crush #teenager #dream
By-Hmangaihi
Story ka vawikhat ziahna tur ania khawngaih in min lo chhiar sak ve dawn nia chuan LIKE leh COMMENT pawh kha aw hmeltha ho
Mawizuala pa 🪐
Hun hi kal chak viau mahse ani liam pui tur khawp chuan a kal chak lo te pawh a nia nge...
Tlai ni tla tur mawi tak chu ka room balcony atang chuan ka thlir a, ngaihtuahna ka lo kawm tui leh tawh viau ani ang ka phone ri pawh chu ka lo hre mai lo a, phone ka lak rual a 'hello' rawn ti tu chu tu dang nilo in hmana Mawizuala pa ti a hming ka lo phuah sak ngei mai kha a ni mahse a thu rawn sawi teh thut chuan min va ti phu chiang si em....
Zanah chuan ruah a tla cher cher a,lehkhabu hlui te chu parcel ah chuan ka khung tha a , diary kawm a Mawizuala pa tih inziak chu ka han keu let a .......
___FLASHBACK___
[Lalrinhlui ka ni a, u mipa 2 ka nei a chuan kan unau hi pathum chuah kan nia]
Ka thian te hi Sangi, Kimi, Lawmi leh Puii te an nia school khatah kan lut a tet te atanga inkawm tih takah kan duhzawng leh tuina zawng pawh a inang tlang hle a ni
Kan school bang ho lam chu kan ti ti bawrh bawrh hlawm a Sangi chuan min koih dak deuh lawp pah chuan ring leng lawng in "Saw a lo tlan phei ania" a ti ta vak a ka zak lutuk chu men pawh meng ngam lo chuan ka chhing ta tlat a min tlan pel ta mo tih ah 'ti khan in au vak zel a ka duh tih pawh a hre vek tawh ang'titau aw lek lek chuan ka ti a an lo nui thra hlawm mai Lawmi chuan "i duh tih te tal a chu a hriat a ngai ve em em tawh i star na a rei tawh ropui si" a lo tia mahse ka star pa ber U Sangtea hi tlangval senior lam tawh tawngkam thiam leh mi zakthei vaklo chi ania ka duh tih a hriat chuan min chhaih let erh dawn sia ka tan a zahthlak dawn lutuk a bakah ani kum 34 val hna nei tawh leh kei school naupang chutah a kum zatve chauh tan chuan beisei hi a awmlo ve bawk em a..
Zanah chuan "Lalrinhlu lehkha te zir ta che , i zirlo ro ro anih chuan hei KTP kan hnatlang a Sangha duh kan zawng dawn a lo tel ve rawh" ti tu chu ka han melh kawr a chutah a lo nui leh suk si chuan min ti lai leh ta vek a U Sangtea nilo se chu ka ngei ngawt ang le ka pa chuan sangha zawn na a kal tur chuan min tih tho avang chuan ka zui chhuak ve ta a . Kan sangha zawng kan ho dawn meuh chuan dar 10 a lo ri trep tawh a U Sangtea chuan "Rinhlu min lo nghak rawh in veng lamah ka lo kal dawn , tlangval chhelo in an thlah khat om che sia ka thlah pah ang che" a lo tia ka ngei rual in ka lawm viau tho bawk si. Van chu a thiang nuam a arsi pawh an phe un mai thla pawh a bial mawi e U Sangtea chuan"thla khi a mawi tiro" a rawn tia "nia , arsi te pawh khi " ka ti lo sup a "Japanese ho chuan thla khi a mawi tiro an tih hian ka hmangaih che tihna tluk ani an ti " a ti chiah chu ka lo mur uaih thei mai, kan in kan thlen chuan "i mumang ah min lo hmu la o ,muttui" a ti a ka rilru chuan 'nangpawn min lo hmu la'
tih mai kha ka chak a,ka thiante hrilh tur ka van ngah tawh tak
Hun pawh a kal ve zel a September thla kan chuangkai ta vang mai U Sangtea nen pawh phone atang kan inbe ve zeuh zeuh tawh a biak a nawm mai bakah a polite reuh a ...Ka ngaihtuah a class 9 kan nih atanga ka star em em mai zantin mut dawn a pianga tawngtai naa ka dil nen a inbiak chu hlu ka ti a ka lawm bawk tun hun ah hian awm reng thei i la thil hi inthlak danglam tawh lo se hi ka ti thin.
October a lo inher leh meuh chuan duhthusam ang diak diak in thleng lo mah se vuina tur ka la hmulo tluang zel a. Zankhat chu a rawn leng deuh hlawl a , ka nu leh pa te an len chhuah hlan a lo ni hlauh bawk a vannei ka inti rilru hle a, balcony ah chuan kan thu chhuak a guitar perh pah chuan a zai a 'We fell in love in October ' ngei mai chu a rawn sa a ava han inrem tak a zai lai chu ka lo melh nasa bawk ani chek ang chu mit leh mit in tawn fuh chang lah a tam , a zai zawh hnu chuan ka bula rawn tawlh phei pah in min rawn kai a ka mitah chiang tak a min rawn melh pahin "ka duh che"a rawn ti chu ka mumang mai a ni ang tih ka hlau lutuk a ka insik nghal vak a mahse a lo nilo ....he hun ngei hi a lom damchhung lungkham dahtha a ka lo suangtuah leh veng veng thin ka duhthusam ram ngei mai chu . A ho dawn chuan kan inkawt thleng ka thlah a zanin chu Mawizuala(U Sangtea bike)pawh zan dang zawng ai in ka hmu mawi zual 'muttui' a tih pah a ka bianga a rawn fawh zeuh te chuan ka lo khawng lo chauh anih kha.
Ni leh thla pawh a vei ve zel a Board exam hmachhawn tur kan nih vangin January thlatir ah kan study camp a , camp kan luh hma zan chuan U Sangtea chu a rawn leng a muffler var hi min rawn ken sak a , in enkawl tha tur leh zir tha turin min chah ngun mawlh mawlh hle a ni
Hun a kal a, board exam kan zawh hnu chuan U Sangtea mizia chu a inthlak hle a, thil ho te te ah a thinrimna tur a zawng chho tran a a huat thu pawh a chhe sawt khawp mai . Zankhat dawr a ka thil lei ho lam chu a bike hian nula a lo phur a min hmu ang pawn a awmlo an tlang ta daih a. Ka mut dawn chuan ka va text a ka message pawh chu a seen ringawt a , min reply loh vang chuan keipawh chu ka thinrim ta deuh a rawn insawifiah se chu ka thinrim awm silo a ka tia ka rilru no chu a rawn chhuak a . Lawmi ka call a thil thleng vel chu ka hrilh ve nghal a min hnem dan vak hrelo mahse ka min ngaihthlak sak peih ringawt pawh hi ka tan chuan a hlu a , ka rilru in naktukah ka call anga inthen a duh chuan ka then mai ang ka ti a
A tuk zanah chuan ka call a a lo pick-up rual chuan 'nizan khan message kha tinge i seen rik ngawt' ka ti nghal tong a , ka buai deuh a tih chiah in min lo chhang duh chutah lah ka lo call leh nghal ang che tih pah in an dah nghal zui a hrep tak hian a.
A tukah ka thiante chu an rawn leng a Kimi chuan "Hlui, U Sangtea nen hian in boruak a tha vaklo a mi kan thenawm ah a rawn leng ngun lutuk , tunlai bik hi U Tluangi nen hian ka hmu dun ngun " a tih chuan k bing mup mup thei hial mai chhan mai ngaihna pawh k hrelo . Ka thiante chuan min hnep deuh sap sap a , ka tan hian an va hlu thin tak .
Zanah chuan a nih nih ni tawh turin ti a ka call chuan "Bawihi , inkawprem tur a piang kan ni a mahse he khawvel hi chu kan tan a ruat a nilo .......thih hnu piah lam ram an tih hi a awm anih ngai chuan tah chuan tu ma thenhran theih tawh loh tur in ka chelh tlat tawh ang che" a sawi zo a a dah leh daih zui tikhan kan tawp chu a ni der mai sia...
Khati chen ka lo duh tawh a na lo chu ka ni bik lo mahse U Tluangi a duh tawh a bakah kan in ngaihzawn hma daih atang tawh U Tluangi nen a an chhaih fiam fo thin kha an nia awm chu ka ti ve tho mai.
Nia, tunah chuan ka thlah thei tawh ang , amah duh em em thin tu , amah chan tur anga han in suangtuah chang ringawt pawh a trahpui thin tu hian a tak ramah ka hmangaih ber chu ka chan tawh alom
___END OF FLASHBACK ___
Diary chu parcel ah chuan ka khung tha a, tlaia a rawn call a "ka nupui neihna ah min rawn telpui rawh aw" a rawn tih khan a nupui tur hming pawh ka zawt ta miah lo tih ka hrechhuak a.
Kum 4 lai a lo liam ve ta reng mai , keipawn Bookcafe te siam in puitlin ka zir ve mek zel a mahse ti hian ka ngaihtuah thin a tel ve zawkna hringnun chu eng ang chiah a nuam nge a nih ang.......
April par pawh May thlaah a par mawi zawk anih si chuan ani leh kei pawh hi he khawvel ah nilo pialral ah kan par mawi zawk ngei ang le.
_________________________
Ka story min lo chhiar sak avang in ka lawm e
