"Ka Pasal", akhi suk,,
" Ka Pasal duhtak",
"Ka Pasal duhlai",
"Engnge i hriat a", meng lemlo hian arawn ti sup
" Min kal san suh aw, ",
" Ka hrelo le ka thu anilo a",
"Aih,, Nang em hi chu min laksak tawhlo hram rawh se",
" Chutiangin an ti ngai lo,, Keichu Pathian bula awm hi
Ka thlahlel tawh Nat leh hreawm awm tawhlohna hmuna kal ka chak asin", akut ka vawn chu phelhin ka hawi tau hmak
"Min duhpui velo ami? ", rang zetin ka bu nghat nghat,,
" Ka bula awm reng turin ka duh che ,, Fa te kan nei anga Tar thleng in kan awm dun ang, Tu mawng pawh kan beng dun tur ani",
"Teeeee",
" Engmah ka hre duhlo", ,
damdawiinah Kan Inneih aṭang thla2 zet kan awm ta, Atello a haw ka tum ṭhaklo, Ka Pasal awmna piang chu ka awmna tur ani mai Inthlak tur leh intifai tura haw turin min ti fo an beidawng tawh,, Atello a Room a luh chu sawiloh In a luh pawh ka ngamlo ka tumlo bur bawk.
Thla hmasa kha chuan arawn harh ṭha viau a atlukna alu sawh pawh athuk hranlo ,,Thawh te pawh atho peiha muang changin kan walk dun ṭhin Kan in ngaihzawn lai aṭanga in kawmngeih kan nia kan in zui nasa bawk..min kalsan hun ka suangtuah ngailo adamleh dawn tih chauh ka rilru ah hian dah ka tum ,adam tur hi ani ringawt.
Aṭhat ve viau tawh hnuah tlang hrileng in arawn man leha adam ve ṭana kan ngaih laiin natna dang anei leh tih kan hrechhuak leh Avan han beidawn thlak tak em,,
"Tinge Pathian hian natna zawng zawng hi neih kim tir vek atum che ami ?",ka ti tawp min chhan na chu maw
" 'Ka hmangaih te na tuar lai hmuh ve ka duhlo an nat ve ai chuan keiman kalo tawrh sak vek ang 'ka ti ṭhina ",ati nih chu..
Pathian laka ka vui sak viau laiin ani lah hian aring ropui mai si a,, aṭawngṭai sak ngai zawk hi adam deuh chuan ka lu chungah kut nghatin min ṭawngṭai sak zawk ṭhin,..
.
.
"Puite haw aduha, ",, Ka Nu chu ka melh ha,
Min hriat thiam hmel zeta bu nghatin Ahmui apet zauh
"A chhungte bula awm aduha, , ", mittui tling pamin min melh,
" Nu",
"Aduh dan hi kan zawm aṭha in ka hria",
" Aihhhh,,, ",
" Upuite Ka U duhdan hi kan zawm ahun tawh,, ",
" Engnge i sawi awm Zia chu I beidawng tawh tihna ami,, In beidawng tawh tihna em ni,, Ateuhlo keichu ka beidawng dawnlo aṭha dawn adamleh dawn alawm", ,
"Puite",
" Ka Pasal hi adam leh em em ang,, Fa te kannei anga Tu te kannei dun dawn Tinge beisei nei tawhlo angmaia in ṭawnga, ",
" Upuite",
"Aih,, Adam hma chu kan haw lo ang bill pawh keiman ka pe vek mai ang",
" Puite chutiang lam anilo",
"Ni e,, Tiang chu ka tawng hnem tawh Beisei awm tawhlo te hnena kan sawi ṭhin alawm,,, khawngaihin haw puilo ang Ala dam ṭha llo um Nu,, aw Ruatdik", , Lehlam min hawi sanin akun ngaih,
.
.
"Ka Pasal duhtak " ,, Ka aw a hriat rual chuan chau tih hriat zetin arawn meng, acher tawh nak laiin Aw, akut chu hum sakin ka biangah chuan ka hmehbel nghal,,
"I haw duh ami? ", muang changin akhap , ka mittui aluang thla pap.
"Ka hria e,, Kan haw dawnnia aw, ", muang changin anui seih,, ahmui phun chu hriat chian tumin ka kun hnai
" Ka Hmangaih lutuk che ania aw Ka Nupui duhtak", Ka thinlung arawn nat zawk vang chuan ka ṭap chhuak hawk
"Min hmangaih thu ka hre duhlo, i dam leh tur thu chiah ka hre duh, ",, , thawhsana hnung chhawn zui nghalin ka mittui chu ka hru mawlh mawlh,
Keichuan An thu hnuhnungah ka ngai tlat , ka Hmangaih em em te hnen aṭanga ka hriat hnuhnun ber ani miau ṭhin si a,,
" Ka Nupui duh tak", Arawn phun leh sap
" Ka kiangah i awm renga ka lawm lutuk,,, Ka sawi kha hrereng ang che aw,,, Ka thinlung, ka thinlung zawng zawngin ka hmangaih che ania, ",
" Engmah sawi tawh suh,, ", amittui chu abek ah arawn luang thla delh delh,, akut chu zawi zetin arawn phar lu ka thing, adah thla leh "Puite",
" Um, ", akut chu muang changin arawn phar leh ,, ka vawn rualin Ka biangah bawk chuan ka nem chilh leh,
Lalpa ka la thlahlel em ani,,, ka mittui ka dang theilo, ahmuha ṭahloh ka tum ṭhin nen
" Ka sawi kha theih nghilh suhaw itiam vek tawh kha", lu ka thing,
"Haw turin Ka in peih tawh e", ,
"Hruai", amit achhing zui chial
" Hruai", ka ti ṭiau, akut arawn ti che dat, ka thaw hak mai
"Min kal tir rawh Teee", menglo chuan arawn ti sap
" Aih,,, Ka Naute Nangmahin ka kaltir theilo che,,", abiangah chuan chulin ahmui ah chuan ka fawp vang vang. Ahmui chu rawn ti che vein min fawp let ve..
"Ka hmangaih che Puite", , A awmah chuan ka bei ka mittui aluang zawih zawih, Alung phu phu zawi tial tial chu chiang zetin ka hrethei, ,
akut la lum ther ther chu nghet zeta vuanin ,,Akut lum vawt tial tial ka fill theih ang bawkin ataksa ka khawih theih hun atlem tial tial tih ka hrechiang bawk ,, Phone hmangin aṭhen an tlan chhuak a ṭap rawih rawih thawm nen Hruaia Mitthi an sawngbawl dana an buaipui dawn chuan chhuak turin min hrilh.
" UPuite ", Ruatdika chuan min rawn vuan
" Keiman, keiman ka ti thei angem? ", mittui tling pamin ka en Nurse ka ni tih an hre ve vek bawka in melh kualin aan bu nghat,
Ka tih fo ṭhin ka hna mah ni se ka va zam teh lul em,, an tray min rawn pek chu kut khur dar dar in ka vuan ka Hmangaih em em tana ka tih theih hnuhnung ber ani ta si a, Ahmuiah chuan fawp leh vang vangin asawi hnuhnun ber chu ka sawi ve sap, ,
"Ka Nutê,, Enkawl, Ka Pasal alo kal kha lo hmuak ru aw,, Khawharin lo awm tir lo ula Min ngai hman lek loa hlimin lo siam ru aw", , Ka Nu aṭap rawih rawih a kei erawh ka hul daih thung Ka Pasal kha adam tawh ani tih ka thinlung hian apawm nghet tlat Ka ṭap lai hmuh hi hreawm ati dawn tih ka hria, , 'ihlim chuan ka hlim a i ṭah chuan ka ṭap ve ṭhin' atih kha ka ṭap tur anillo ani pawh hlim turin ka duh.
Hruaia te Inah chuan Mi anlo tlim hmur,, Hlim takin He Inah hian Ka Pasal Duhtak nen Luttur leh Cheng turin ka Lo dream ve hman asin, ,
Min lainat leh khawngaih tu hmel ka hmu awllo a, min lo ṭah khum rawih rawih tu lah bo lo,, Ka Pasal hmel ka en a Ani chu adam tawha ahlim em em ani tih ka ngaihtuah naah alo lut nghal zel vangin Ka ṭah chhuak tur abo vek zel.
Akuang an chhin dawn meuh chuan e ka Va puak keh chiang em , Ka theilo Ka thei thlawtlo Thihna hi ka hua
"Hruaia",,
"Lalpa Ka Pasal ka hmangaih em em Ani asin Kan hmahun te kan sawi dun in kan suangtuah ve nasa asin,,
I Hnenah Pawh kanlo thlen dun ṭhin kha min hriatsak vek ani lawm ni i pawisawi kan hlauh zia te kha i hmu vek ani lawm ni Hetiang Natna ipe chung pawn nangmah biak che kan ṭhulh ngailoh kha Tingee ,Tinge i dam tir ve loh kan la thlahlel asin, ,,",
"Nu Ka la phallo, , Khawngaihtakin min dil sak rawh ",
Ka Nu chu ka en min chhang thei anilo rawl chhuahin aṭap rawih rawih,, Ka hawi kuala ṭaplo reng an awm lo Luthing in Ka pasal chu ka luhkhung lo chauh minlak sak ka hlau ngawih ngawih,,
*Ka hmangaih Ka nupui duhtak *,,,
Hruaia Chu ka en vat, Abiang lumna nei tawh reng renglo chu ka vuan nghal
"Aw Ka Pasal Duhtak, min ngai ve ani tiraw min thlahlel ve ani tiraw ka lak bo tir dawn lo che ka hnen aṭang hian tuman an la bo dawnlo che,, ", ,
*Nilo e,, chutin an ti ngailo Puite ka Nupui inih kha puitling takin aw* Min fuih na ṭawngkam ka bengah ari tluk tluk,,
Thil Huphurh leh tih hreh ka tih tho ngai ṭhin si Abulah ka vui ṭhin laia asawi ziah ṭhin *Hruaia Bialnu inih hi Zam mah ta che,, Puitling takin aw, I ti thei tih ka hria Ka bialnu i nih hi Chiangtakin Hre reng rawh* ati ve ziah ṭhin,,
Ka thil hma chhawn tur nen in mil lo viau ṭhin mahse Bu nghatin Hruaia bialnu ka ni ka ti ve sap zel,, Huaisenna min pek phei chu ka hre lemlo. .mahse inrintawkna leh chhelna min pe in tihpuitlin ngei duhna rilru min siam sak thung,
Mahse maw Kha mi hun atan khan nilo in Tun hun atan hian ani khang thu te kha min lo hrilh ṭhin Ka hma hun tur alo ngaihtuah ve nasa ṭhin hle tih ka hre chhuak
Athu min tiam tir zawng zawng nen Arilru alo van hah ṭhin dawn tak em
A natna neitu atuartu zawk hi kan va tluklo tak em,,ani chu maw engtianga harsa pawh nise abei a a fight ngei ngei ṭhin,, chutianga awm ve tur chuan min lo ti reng ṭhin a ,,Apuitlinga thil angaihtuah thui ṭhin hle bawk athutlukna hi asual ngailo, Pathian adah pawimawh na ringawt pawh hi ava entawn tlak tak em
"Ka ṭawngṭai thei angem? ", ka ti sap, , Ruatdika chu ding hluai in Mike chu min lak sak, ,
Hruaian min dinpui ani chek ang,,vawikhat ka hmui ka pet tihloh chu hnukulh miahlo in Hruaia ka Pasal ka la thlakhleh ngawih ngawih tan rilru leh thinlung takin ka ṭawngṭai chhuak thei a, ,
Aduh dan pakhat chu ka tihlawh tling phawt mai,,
a duhthusam pakhat erawh ka tihlawh tling thei angem ka hrelo le.
.
.
.
5 years Later
" Ruatdik", ka pen lai ka tawp chawt,,
Hruaia thlan ah chuan Ruatdika chu Alo ṭhu ngui bur..
"Ehe Upuite ", arawn ding deuh hluai.
" Kan in hmuhlohna arei tawh hle mai tiraw", ka ti sap.
Hruaia thlanah chuan ṭhu dunin Ka eitur ken chu ka pe ve nghal,
"Kan In ichhuah san khan Kan hlimna zawng zawng i chhuah pui vek nimai in ka hria", thutak zetin ati sup,
" Aaa a awihawmloh thei emaia, , E I Nupui neih kalo hria a Fa te innei ve tawh em? ",
" Tinge ilo kalloh", ati daih.
"Nia, , ", ka ti ringawt chhuanlam tur ka hrelo,, ka rilru insual buai nasat zia kha aw,, akarah ka lo ṭap veleh chhen bawk nen.
" Kan Inṭhen tawh a",
"engnga", ka ti vak,, ka awih lo ve em alawm... Akhi suk
"Ka Nu leh Pa azahlo lutuk a", awihlo hmel zetin ka melh.
" Chutiang ngawt ani dawn ami,, Fa innei hmanlo ami? ",
" Um,,, ",
" A zialo hle mai engmah pawh ka hrelo,, Engtik khan arei tawh em? ", lu athing zauh,,
"I inla hrang lutuk a,, ka Nu leh Pa pawn an ngai em em che a,, ", vui aw chuan ati nghut,,
" Ilo Patling ve ruih tawh alawm mawle, khabe hmul leh hmuihmul zawng zawng nen,", ka nui hak aner nang,,
"Anih leh nang", thaw deuh hapin Hruaia thlan lung chu ka en,
" Ka Pasal hi ka la duh tawk viau rih a,, ",,
" Upuite",
"Min U tawh teh suh,, Ka Upat hmel zual kum30 lai chu ni tawh tho mahila Keiai i upat hmel tawh zawk", mit ko ka san ak,, anui tut tut.
" I sawi dik, kum30 hmel pawh i la pu lo, ",,
" Nia ka naupang tawlh tawlh dawn I u hian min thik lutuk anga arawn thawh leh phah mai thei asin", , Abu nghat..
"Upuite, ohhh,,, Puite ", nui sukin ka bu nghat
"Ummm Ka aaa,, Lo ngai haw lo la Ka U hi theihnghilh tawh la Nun bul ṭan ṭha leh tawh rawh,, Nangmah duhtu che an tama I kum ala over chuanglo a", ahmui apet zauh
" Ka sawi awm zia chu Itlai tak tak hma hian Ka U hi chu engtikah mah arawn let tawh dawnlo,, Amah vanga tianga i awm reng hi aduh miahlo ang Hma lam ipan hi aduh ka ring tlat",
"Aduh dan alawm", min melh ha,
"Mahse ka duh velo,, Nakinah ka thih hunah abul ka thlen hunah pasal dang ka lo nei anih chuan ariang dawn lutuk asin",
" Upuite ", ati hluaii.
"Nakinah,,,, ala hman hmawh thlak hleinem,, Ka Pasal anga fel leh hmelṭha cool lutuk kha kala hmu leh lo a,, ka hmuh leh hunah kanla nei ve leh mahna ",
" Um",
"Lungngai suh,,,, Ihre hmasa ber dawn", akut arawn ti pir vah.
"U puih ingaih chuan minlo be hreh lo la aw",
" Min u tawh suh",
"Puite",
" Min u leh chuan PaRuatdik ka ti ang che", anui huk.
"Hruai itum tawhlo ami? ",
" Um", a ti nghal hmak,,
"Aṭha,, Nu leh Pa zahlo chu e ban hmak tur", kan nui dun hak hak,,
" Ka U nen kan inkawm laiin i rawn inrawlhah mahse pawilo Ka thawl huai mai ka biak ber hian min chhang duh bawk siloa Athurawn te kan la ve e ka tia", alleh hawi zauh. . Ka khawngaih reuh emai Engkima engkim sawi duna tidun ṭhin an ni tih hrechiang tu tan chuan en liam ahar ani ka mittui chu ka khap per sak. .
.
.
.
"Puitei ini tiraw", Ka hma a ding chu ka melh zauh,,
ka tihlai chhunzawmin ka chhang pah
" Um,, puih theihna che ka nei em? ", Damdawiina awm kan nih miau vangin polite angai tlat.
"Kan in be lawk thei angem? ",
" Kal rawh upuite kan lo chhun zawm ang, ", Ka duty pui Zualtei chuana rawn ti nghal
" Ok, thanks lo kal rawh helamah ", thingpui chu kan thli leh rih.
" Engnge ni i sawi duh chu sawi la, ",
"Hruaia nupui ini tiraw", ka hak ṭep.. Ka la intih buak zui
"A ka tihpalh lutuk asa em? ",
" Ka ṭha, , enga tan nge itih ", ka ti sap
"Aa ohh ih englo ania Ruatdika Nupui ka nia, , Naktukah Bungrua lak an tum a, Ih englo ania Upuite min biak sak rawh ka phone pawh achhang duh lo a, , Ka thiamloh vek ania ka hria ngaihdam dil ka duh a mahse ka biak pawh aduhlo tihngaihna ka hre tawh loa ka lo pan tawp che",
"Eng nge ka sawi ang engmah pawh ka hrelo ", Tuna bungrua anlak dawn chauh chuan Anin ṭhenna ala rei lemlo tihna ania nga Huisss
"Ih englo ania,, ", inthla hrun hmel tawkin min melh,
" Uhruaia Room khaa ka tih awm zia chu In room kha Tumah luah tu an awm chuang silo a Ih englo ania Kan room ringawt kha chu ate ka tia fa te kan neih phei chuan Zauh ila ka tia, Ruatdika khan aduh lo a athinrim nghal ringawta Ka nu te bulah ka sawi ang ka tia ", ahmui apet zauh.
" Anih chu", ka ti ban charh.. Kan hun liam tawh ka mitthlaah arawn lang nghal chuaih chuaih.
"I lung ka ti awilo anih chuan ka tihpalh lutuk,, ",
" Aih chutiang engmah a awmlo i sawi dik reng alawm", ka ti sap,, a thaw deuh huai.
" Englo ania upuite kha mi ni khan ka ṭawngtam deuh tih ka hria mahse kha kha ka sawitum anilo ka inthiamlo tak zet Kut thlak pawh kha ka phu ngawih ngawih, ",
"Kut athlak che amaw", ,
" Aaaa kha chu sawi angailo,, Upuite khawngaihin min biak sak rawh aw azah zia che ka hria i thu chu a awih em em ang",
"Ka lo be dawnnia",
" Oi upuite ka van lawm tak",
"Ka thu azawm phei chu ka ringlemlo a mahse ka lo be hrim hrim ang A U hi achhun", ngawi datin
" Ka lo be dawnnia, , Duty lai ka ni sia", ka ti daih
"Aw, nia min lo be ngei ngei rawh se aw", ka bu nghat..
" Ka lawm lutuk ", ala rawn ti hram...
ni lengin awm nuamlo in min siam,, Haw lamah Peng kawi in Kum5 liam ta a kan Nunhlui zawng zawng arawn in munglet nghal tawp tawp Gate bulah chuan ka ding deuh ran. .
" Puite", Rawn ti thum duttu vang chuan ka hawi let.
"Pa", ka ti nghal sap,
" tinge kha tah khan i din renga ", , min kuai herin min luhpui kawngka kan luh dawn chuan ka ding leh dat..
".. Tunge lo haw hi ", ati lung lung.
" Vak vak zel che hian tunge aa", min hmu chu ngawi hmakin min rawn kuah nghal,
"Puite,, tinge I nu te hi min rawn tlawh ngai miahloh a kan ngaih teh reng che nen, , min haw ta aniang chu kan lo ti asin", amittui atling nghal pam, angaihtuah chhuah tur hre miau hekiii
" Nu,, Min ṭah khum reng lo la ka rilaṭam ania ",
" Ani maw lo kal rawh a ei theih reng alawm,, bawihpui ", ati nghal lang lang.
"Min rawn tlawh ziah rawh nilo Nitin lo kal ziah tawh ang che ihria em? ",
" Amak ṭhin emaia tikhan lo ti ringawt zel suh ",
" Ehe Upuite Enge ilo tih dawna,, ",
" Aw,, Ilo leng duh lo Itia ka lo leng anih hi Aparuatdik ", Hre chhuak ni awm takin alu ahiat a anui deuh suk,,
" Engnge a Apa ruatdik te in intih tak mai",
"Nu keiai achal hmel daih tawh tiraw hmui hmul te an zuah vela inla patling lutuk",
" Patling kan ni tawh alawm", alo ti ve nghut,,
Zan riah te killin kan titi luam,, Hruaia Rooma luh ka dil chuan phawk deuhin min en,
"In room alawm min dil angai hleinem han kal rawh han kal rawh chahbi kan la ange", tih leh thawh arual nghal..
Kan Inneih hmaa ka luh bak kha ka la lutleh lo hrim hrim Kum5 hnuah ka lut leh dawn chu aniah,,
"Luhpui i duh em? ",
"Ka ṭha lawm Nu min ngaihtuah suh inkhawm ingaihkha",
" Engtin nge ka inkhawm san theih ang che, ",
"I inkhawm ṭhulh chhan nih ka duh miahlo", aner nang
" Inkhawm la ka lo nghak dawn che lawm, ",
" Ilo haw vaih", ka nui tawp, , Ka Pa pawn luthing nar narin Room ah aluh san. .
Room ka luh dawn chuan thawk ka la hmasa ham ham kawngka ka kalh zui nghal bawk. ka thin zuk phu rang dat data mawle
"Ka naute ka lo kal ania ", , Engkim hi ala ngai vek an ti fai reng tih hriat zetin ahnum hlarh bawk.
Alukhum te a earphone te A guitar zawng zawng nen
A wardrobe ka hawng ka mittui atling nghal pam,
Kan inneih hnuah chuan ikawr hak tur ka thlan sak ziah ang che katih apiang khan aner nung zel anih kha,
Aduh dan leh ka duhdan hi a inperhsan ṭhin sia ka thlan hi aduh ngailo reng reng.. A kawrlum duh em em ka thawmhnaw leisak a duh ve awm chhun chu phawrhin ka pawm vawng vawng,, Ka mittui ka dang thei tawhlo,,
Akhum lam chu panin akawrlum chu ka mutpui ka mittui aluangthla zawih zawih
"Hruai Min hmu em I kawrlum chiah hi em ni min hnut chhiah i kuah te ka la thlahlel asin ", , Ka lo in ṭap muhil daih ,,,ka harh rual rualin kawngka in kik dawt dawt thawm ka hre nghal
" Upuite kawngka lo hawng teh,, upuite iṭha em? ",
Pawnlama an ṭawng thawm chu ka hre ruai ruai muang changin ka tho.. ka lu ana vek thei
" Iṭha em? ", ngaihtuah hmel zet in min en ṭhap mai
" Keimahni vanga kan Naute Nupa inṭhen hi kan duhlo,, ",
" Upuite engnge i sawi awmzia",
"Room chu zauh rawh u",
" Maw",
"Ka Pasal nena kan room ania hetah hi chuan thuneihna kala nei ve thei in ka hria", ka ti leh sap.
" Engtin nge in in hmu ami,, Upuite adawtthu sawi leh amittui hmang khan alo bum ve che ani maw",
"Keini heti mai chauh hi kan ni tawha Nangni leh zel in inṭhen te chuan Ka Nu leh Pa chan tur te hi ngaihtuah vela mi hmuh dan adang daih tur asin, he room vang mai mai a Ininṭhen hi I U nen hian kan phallo,,",
" Upuite engtin nge mai mai itih theih,", arilru na hmel lutuk chu ka khawngaih zawk
"I U te Nupa thu tlukna hi i zawm dawnlo ami? ", ka tileh
" Upuite chutiangin ti suh,, ",
" Nu Pa ka thutluk na hi in hrethiamlo mai thei mahse nangmahni ka ngaihtuah vang zawk che u ani tih min hriatsak hram rawh u", ,
'Fapa pahnih chauh an neia an Mo te ve ve an chhuak a niah Hrawn an har ru zek aniang an pawn lam nun leh an chhungril nun alo dang ve tho anih hi' Kha thu kha sawi tu ka hrelo mahse ka bengah acham reng,, Ka duh vanga chhuak ka ni lul lo Tih an hre ve tawh der silo,, he Ina awm hi thla hlel leh Inthiamlo zet in nih kha ka chhuah,, Lehlamah ka chhungte an lo awm ve bawk nen.
Chaw ka eitheilo a,, Room ah ka riak duh bawk silo, thlanah ka kal awllo a ,chhun leh zan pawh sawiloin ka rilrua aluh rualin ka pan nghal tawp zel ,ka kal lai pawh ka hre ngailo anih kha,,Thlanmual mitam takina an ṭih kha ka tan chuan ka thlamuanna ka hlimna,, him riaua ka in hriatna hmun ani miau si a..
Thil ei theilo leh mutheilo ta chu ka taksa ah arawn lang
Ka Pa(hruaia pa) mang angin ,ka nu leh pa bulah
'Tiang chuan kanin kawl hlum ve mai ang' tiin min hruai turin alo va hrilh tawp kha ania.
.
"Atheih loh", Ruatdika chuan ati bur.
" Bawihpui Puitei khan asawi dik tho alawm ",
" Aihhhh,,,, Ka room duhkhawp lo tu hi e ka chenpui bik nachhan tur ka hrelo. ",
"Naupang chhia viau suh,, Fa te innei anga room zau te chu anuam daih zawk dawn alawm",
" Aih", ati hmuk,
"I U room abo i duh loh te chuan duhleh Inhnuaiah pawh khuan kan sawn thla thei reng tho a",
" Engmah sawn angailo ", tih leh rooma luh arual nghal.
An thaw dun hak
"Kan râwn ngam lo che a,, Bawihpuia hian aduhlo bur bawk sia,, Ilo sawi chhuak hmasa chu kan lawm letling zawk",
" Nge in ngamloh Nu in fanu ka nih hi,,, Ka lo bia aang keimah ni vanga an inṭhen phah hi kan duhlo reng reng Kan chenna reng pawh anilo a Hruaia pawn pawi ati miahlo ang,, ",
" Puite", Fanu neilo ani bawka min kuahin aṭap leh tawh
.
Ruatdika room chu kik karh karhin luh ka dil min luhtir duh mailo
"Min hawn loh chuan ka lo kal tawh ngailo ang", ka tih rualin kawngka ari nghal rak.
" Engpawh sawi rawh ka thutlukna angai reng", ti nghatin Akhum ah chuan aṭhu tum nghal bur
Reife kan in biak hnuah thaw hakin hmai atuai puat
"Ole aṭha e,, I thu chu ka zawm ang mahse Thil pakhat Ka phut",
" Sawila",
"Pasal dang ineih hunah chauh Ka U room chu ka ṭhiat ang", ati nghat,, Ka va ngawi chiang tak
" Ka Rilru damna tur anih chu,, Anih loh chuan Akilhna pakhat pawh phawi anilo ang", chiang kel kawla min en in
Akut arawn phar, "Deal", ati deuh sup,, ka chil ka lem ri khalha mai,,
End of Chapter-4,
Long story ziah lai ka nei bawk sia akarah hemite hi anlo lang veleh chhen bawk sia,, angaihnawm loh ngawt ang
