Like leh comment kha aw
In comment that dan a zir in kan siam rem ang
Chapter-3
Lalhminghlua pov
Nizan hmasa khan aizawl chu ka thleng fel tawh a tun ah hian kolasib lam ah ka pan mek bawk a, mizoram ah hian haw pawh ka tum hran lo mahse ka pa tih sual kha siam that ka duh a ni..
Dik tak chuan ka pa tih sual em em pawh a ni hran lo ka unaupa Rammuansanga tih sual zawk a ni, kha tia ka pa an man tak ah khan a thinrim in ka pa man Tu te chung ah phuba lak a duh a, kei pawn ka dang a mahse mizoram lam a hmelhriat te tir in a thah tir ta kha nia...
Mahse an fanu grace lalnunhlimi chu a dam chhuak tih kan hre leh a, mahse keini pa2 hi min la hmu lo thung mizoram ah kan awm miau lo a min hmuh ngaihna a awm lo...
Ka pa hi ka tan lo chu a ni lo, mahse thil ti sual Tu a ni a mihring hmanga sumdawng tih a nih vang in kei ngei pawn ka hua a ni, mahse min hring tupa a nih vang in ka haw reng thei lo a, police in an man hnu pawh khan bail chhuah kan tum a mahse a case kha a sang em vang in a theih bawk si loh...
Rammuana chuan a man tupa hnen ah thamna pe in ka pa chhuah tur in a ti a,mahse kha police khan thamna nen thuneitu sang hnen ah a hlan ta kha nia, a vawikhat nan ka pa dodal ngam an awm vang chuan ka lawm ang reng, mitin te hlauh rawn a ni a hei vang hian a in lu ling ka ti mai, a duh a piang a tih theih phah bawk a...
Ka ngaihtuahna ka kawm melh melh lai chuan driver chuan kan thleng tawh thu alo sawi a, gracei te awmna veng chu ka pan ding nghal chat, a chhungkua a chan vek tawh a chhungte dang ala nei tih ka hria mahse tu tu nge an ni tih a hre lo, chu thu ka hriat ve leh a chhungte dang chu ka zawn sak nghal a, ka hmu chhuak ta reng bawk a..
A chhungkua a nu leh pa leh a u te pe let thei lo mahila a chhungkhat te chu ka hmuh sak thei tih ka hria a tlem chuan ka thla a muang ve deuh, gracei te in kawt ah chuan ka ding va mai kawngkhar lu chung ah chuan lalthankimi tih lo in tar chu ka en a, gracei enkawltu hming ngei kha a ni... Kawngkhar chu ka kik a in chhung tang in lo lut rawh tiin min chhawn nghal vat...
Rei lo te ah Nuvalai tak hi a lo lang a, pui theih na che ka nei em alo tih chuan, Grace lalnunhlimi ka hmu duh ka ti thawl mai mak ti hmel a pu deuh a ka va ko a nge ti khan lo thu rawh aw tih pah in a tho zui a..
Ka mi zawn ngei chu rei lo te ah pindan tang in alo chhuak a, gracei chu ka nia eng nge min hmuh duh chhan a tih chuan, zep si se lo in ka zawn chhan leh a chhungte ka hmuh thu ka hrilh chuan mak a ti bawk si leh a hlim bawk si chu a mittui a parawl teuh mai...
Grace lalnunhlimi pov
Ka hma thu mipa chu ka en reng a tu nge a ni tih ka hre bawk si lo mahse a mah hian min hre miau sia, ka chhungte a hmuh thu min hrilh chuan engtin nge a hriat theih kei pawn kum tam tak ka zawng a mahse ka hmu thei lo nih kha, dawt a nih ka ring hial a mahse thlalak leh an address leh no hi min pe a , a no min pek chu ka dial nghal a...
Nu pa1 hian lo la in hello aw nem tak hian alo ti a, ka chhang thei mai lo ka tah a chhuak nghal et et mai ka chhungte ni hram se ka ti ngawih ngawih, tu nge aw a rawn tih leh tak ah chuan grace lalnunhlimi ka nia ka tih chuan awi, grace bawihte Zuali fanu I ni em khaw nge i awm a khaw nge i nu leh pa te alo tih chuan ka tap chhuak hawk mai...
Nu makimi chuan phone chu min laksak in thil awmzia chu a hrilh ta vek a, ka bul a mi pa chu lo thu hnai in min lo kuah a ka hnar thei lo a ni hnar tur pawn chakna ka nei lo a engmah ka sawi thei hek lo, in sum suh tap rawh i duh tawk in ka hrethiam che lawm alo ti dam tluam a..
Numakimi chuan ka chhungte awmna chu zawt in Bairabi ah an awm thu a rawn sawi a, Rindika pawh alo lang ve nghal zat bawk thil awmzia numakimi chuan alo hrilh thuai a...
Numakimi chuan bawiha Tu nge i hming a tih chuan Rambuatsaiha kha nia alo ti a, lawm thu hrilh dan tur che pawh kan hre lo hei leh chen Gracei hian a chhungte a zawng tawh a mahse kan la hmu thei si lo, engtin nge awlsam tak in i hmuh theih ka tih chuan a awlsam em em lo ka zawng na rei tawh a, gracei nu leh pa tang khan ka chhui a alo ti ve leh a...
Grace I chhungte bul ah chuan kal i duh em ka zuk hruai ang che min tih chuan aw ka pawh rang khawp mai , numakimi leh rindika pawn min zui an tum a kan in siam sawk sawk a, bairabi lam pan chuan kan in khalh chhuak nghal thuai a, zan lam ah chuan bairabi chu kan thleng a ka pi te in ni ngei tur kawt ah chuan kan ding vang mai...
In chhung kan lut a, an lo tam khawp mai pitar pa1 in min lo pan in gracei chu i ni em a tih chuan aw ka lo ti vat a, bawihte kan zawng nasa che sin I nu leh pa te nen khan i tet lai a ilo kal bak kha kan hmu leh tawh lo che a I chanchin midang kan zawt a an hre bawk si lo, tun thleng hian kan la zawng che u sin tih pah in a in hnit faih faih a...
Kan chhungkaw chanchin min zawt sup sup a, ka hrilh hnu ah chuan min khawngaih hmel khawp mai, buatsaiha chu lawmthu an hrilh luam a kei ngei pawn lawmthu hrilh chu ka ba a ni, amah vang chauh in ka chhungte ka hmu let leh a