My Thirties lover 4 & 5

Story tawi te te emaw luanliamna emaw post na
B.laltlanhlui
Posts: 172
Joined: August 30th, 2023, 7:41 pm

My Thirties lover 4 & 5

Unread post by B.laltlanhlui » November 20th, 2023, 10:25 pm

A tuk ka tho chu darthlalang ah in en in ka sen sen, huana pangpar te chu mawi ta riau hian ka hre tlat

"Zualbawih i harh tawh a ni lawm ni? Tinge room ah khan i awm reng?" Ka nu chuan min rawn au lang lang

"Ka rawn kal" tih pah in ka chhuak nghal vat, choka lam pan nghal in thingpui chu ka inthlit

Jud rawn tho hlawl chu a van chhelo reuh tak, mahse ka zah deuh riau mai a chhan pawh ka hre lo, pehhel ka tum ngar ngar

Hmun chu kun chungin ka phiat tlat, ka kum ngaihtuahin zak rual chu ka ni tawh bik lo asin le, ka ve melh chuan a lo nui suk, ka sen nghal ṭawn ṭawn

Chaw kan ei lai te chuan ka meng ṭha ngam lo, ka kham hma tawp. Room ah chuan lutin ka insiam mawlh mawlh

Ka kal dawnah chuan Jud chu ka bulah a rawn kal a, "Min thlah dawn em? Ka zin kual dawn asin" a lu chu a tuai thur zeuh

"Ka thlah lo mai ang che ka hmanhmawh deuh tlat" ka tk bul deuh hmuk

"Tihsual ka nei em ni? Min pehhel deuh char char in ka hre tlat" a ner leh suk

"Engmah a ni lo, ka tho fuh chiah lo a"ka ti zaih. "Chuti anih chuan ka lo thlah ang che" ka scooty chahbi chu min laksak daih

"Khawi min lo pe teh, a ngai lo ang" va chhuhsak ka tum a, mahse amah a sang nen ka ban pha lo nasa

Scooty chu a ti nung a, helmet chu khum in a hnung ṭhutna chu a rawn kawk zeuh

A tawpah chuan ka kal leh hnuk hnuk tho, ka ṭhut fel hnu chuan helmet spare min khum tir a

A khalh chak lutuk chu a kawrah ka chelh ṭang mai. Kar lo ah dawr tual kan thleng der mai

Hmingtei'n min lo hmuh chuan a phu deuh zawk. A mitmeng ah chuan zawhna chhan sen loh a lang nghal chhuai mai

Kan in thlah fel hnu chuan dawr chhungah kan ṭhian dun in kan in zui lut, Hmingtei chu a ṭhu mai mai thei lo, ka bulah a rawn vei sek

"Sawi duh i neih chuan min zawt vat mai rawh, khatia i awm khan ka awm a nuam miah lo ania" thawmhnaw chu ka khai ṭha mawlh mawlh

"Anih chuan kan inhmuh loh kara thil thleng zawng zawng min hrilh vek rawh" dawhkan ah chuan a rawn thle phei hnap

Ka hrilh fai ta vek a, min phur pui ve nasa, ni chu a ngai te in kan hmang zo ve leh mai

Dawr khar hnu a in kan thlen chuan Jud pawh a lo awm tawh lo, sitting room a kan ṭhut ṭhap lai chuan ka u a rawn phei chhap chhap

"Pa, nu thil hrilh tur che u ka nei ania" a rawn khuh kherh kherh

"Sawi ta che Mama" ka pa chuan a lo chhawn vat, ka nu nen pawh kan ṭhu ngil nghal zawt

"Marengi saw nupui ah neih ka duh a" a rawn tih chuan kan vaiin kan phu zawk

A hnu chuan ka u in palai a tir fel der. U Marengi a nei tur chu ka phur nasa fal viau a ni

Ni pawh a liam ve ta zel, thla a ral leh ti tih, Jud chu ka ngai thei viau mai

Arsi te chu ka thlir leh dauh dauh ṭhin. A nui hmel te ka mitthla ah a cham leh vawng vawng

Kan inhriatna la rei lo viau mahse hriatchian lehzual ka chak zek zek

Mimi pawh kawng ah ka tawk zeuh zeuh, min melh rum thei ngang mai, a bialpa pawh a ni tawh der si lova a nghal ve ania

Kar tawp a lo thleng leh der mai, sofa ah chuan ka lo mu zal vel mai mai kawngka ri ah chuan ka tho chhuak vat

Kawngka rawn kik tu chu tu dang ni lovin Jud ngei a lo ni

****

Jud chu a lo ding reng a, a thawmhnaw te chu ka khai pui sawk sawk. A chau ve ngang aniang ṭhutthleng ah chuan a ṭhu tawp

Tui chu kan lum sak a, a inbual zawh chuan a fresh leh tawh lutuk

Zan inkhawm ban chuan khaw hrang hrang a tlawh velna thla a lak chu kan en hlawm a, mawi tak a ni tawp

Bathlar ah chuan ka dak leh veuh veuh, ka bulah chuan a rawn kal a, mei chu a rawn zu ham ham

"Khatiang kha hriselna atan a ṭha lo ania" ka lo ti hram, a nui leh deuh suk

"I hria em? Ka zin kual chhung zawng khan ka rilru ah i awm reng asin"a rawn tih chuan ka meng bial kawk mai

"Ka awih lo e" tih pah chuan ka ner suk. Ka rilru pawh a insual nasa ngei mai

Ka duh thu ka hrilh mai dawn maw ni? Ka khuh kharh a, a rawn hawi vat

"Hrilh tur che ka nei a, ih hriatchian che ka chak, ka duh che" hnuai lam ka melh daih, ka sa nghal pup pup. Ka biang chu rawn dawm in ka khabe a chawi kang a

"Kei pawhin hriatchian che ka duh alawm mahse bialnu ṭhen hlim hlawt ka ni sia, i rilru tihnat ka hlau viau ania"a ṭawng bah niai

"Min ring rawh ka rilru hi a na har teh mai ania, chance min pek phawt a ngai alawm" ka hawisawn vat

Hetiang thu ka sawi ang tih hi rin harsa ka ti hial zawk a ni. Khawvel hi a lo danglam tawh tak tak anih hi

"Ka fawp thei che ang em?" Pawisawi loh hmel deuhin min rawn melh a, ka lu ka lo bu zeuh

Rawn kun hniam in lungchim zet chuan min fawp vang vang, a nawm zia hi e ka sawi thiam thlawt lo

Mut hmunah chuan ka nui leh ver ver, ka let kual ka let kual, mut pawh chu a har ṭalh

Tui te ka han in leh rih a, engtin tin emaw zan chu ka tlingtla ve thei hram

Zing te chu ka tho hma lutuk, ka nu chuan mak a ti deuh aniang "I tho â a mi?" Min ti ringawt

Rawng te chu ka bawl surh surh, in te chu ka ti fai a, ka nui leh sen sen

Jud chuan min rawn melh zeuh. Ka ṭhen sak, chhungte hmuh loh lai chuan ka beng bulah a rawn phun sup

"Vawiin chu chhuak dun ang hmiang" ka kut chu a rawn vuan a, ka lo bu leh zeuh

****

Nileng hun chu kan hmang nuam ngei mai, inngaizawng te'n an tih ang chu kan ti kim vek ang

Inkai rial in tuipui kam ah chuan kan kal dun a, thla pawh kan la nasa

Phone call a dawng a, a mitmeng a danglam nghal, a chiai vek

Thil awmzia ka zawh chuan rang lutuk a Australia a let a ngaih thu a sawi

Kan haw vat vat, a insiam nghal sawk sawk. Airport lam pan chuan kan in phur chhuak leh nghal

An unau zinga a upa ber in chhiat a lo tawk a ni awm e, ka theih ang tawk chuan ka hnem ve a, dik tak chuan ka huphurh ve alawm

A lo let leh vat tur thu min hrilh a, kal lo tura tih mai chu ka duh rum rum, mahse ka thu a ni der si lova

Kan in thlah fel a thlawh liam hnu chuan ka mittui a rawn tla sawk. Bul kan ṭan ve dawn chauh asin le

Tunah chuan kan chiang leh ta lo ngei mai. A kal aṭang chuan kan inbe reng tho mai

Kan in video call fo a, a awmna chu a nawm hmel thei viau. Sap ram nge nge chu a dan a dang deuh

Kum a lo liam leh ta reng mai, ka u te inneih ni pawh a hnai ta khawp

Chhungkua chuan kan buai laih laih, mikhual kan neiin inleng pawh kan ngah chho viau. Jud chu ka be thei ta re re lo mai

A chhan ka hre lo re re, rilru dang te hi a lo pu a ni thei ang em le? Kei chuan rinawm takin ka lo nghak reng mai si a

Inneih ni a lo thleng ta, kan buai leh ta nuaih nuaih mai, kan inchei nalh viau hlawm bawk. Hmingtei nen chuan kan phur fal deuh bik, ka u te ṭhian dun chu kan chei a, an mawi ve lutuk

Biakin a inneih thutiam an chham lai te chuan ka rilru chu hmun dangah a awm daih

Vawi khat tal hmuh leh ka duh asin. Engvanga reh vung vung nge a nih hriat ka duh ngawih ngawih

Chhungkua a thla kan lakpui lai chuan mipui zingah ka hmu than in ka hria

Ka kal sawn vat a, ka va zawng vel ruai, tu emaw hian ka ban a rawn vuan

Amah ngei chu a lo ni, hmun reh deuh lai chu kan pan a, ka mumang emaw ka ti deuh tlat

Thei leh thei lovin a biang ka han dawm a, ka insik nasa "Tinge ka biak che khan i reh daih?" Ka zawt ta phawng

"Rawn surprise che ka tum a, ka in sum nasa asin. Biak che ka tum fo ṭhin. Tihpalh aw, ka ngai thei lutuk che" a inthiamloh hmel takzet

"Ka thinlung min ruk sak hnuah min kalsan leh a, mi sual tak i nih hi" a awmah chuan ka chum a, min rawn kuah chuan ka nem leh nghal vek

Kan in zui char char, tlai ni tla tur te chu kan thlir a, kan in fawp zeuh bawk

Kum sawm hnuah chuan phone riin min tiharh, ka lak chuan video call a lo ni, ka vah te pahnih an lo ni, an ṭawng ve nasa mai, ka u te nupa pawh an rawn lang ve bawk

Kan awmna hmun chu ka hmuh kual a, ka bula mu ka pasal Jud Lalrinawma pawh a la hnar nasa

Melbourne ah kan cheng a, boruak a nuam khawp mai, ka pa te nen pawh kan inbe zeuh zeuh

Phone kan dah hnu chuan thingpui ka lum a, a khum bulah chuan ka va dah a, a biangah ka fawp zeuh, khumah chuan min rawn pawt lut daih

Min pawm lum thur thur "Tho ang tihtur a tam ania" ka tih chuan min kuah nghet sauh

"Ka hmangaih che" a rawn ti sup a, "Kei pawhin ka hmangaih che" ka ti thawp sat, tho leh ta chuang lo in puan in kan inkhuh bo daih

A tawp ta

(Min lo chhiar sak avangin ka lawm e)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)