HIS ANGEL CHAPTER 10 LAST CHAPTER

[rubyjane]

CATHERINE POV:


Ka harh chhuah leh chuan damdawi inah hian ka lo awm a, ka han hawi kual chu ka khum sir ah ka pa chuan minlo melh run a, "ilo harh tawh a" tih pahin ka lam ah a rawn pen phei a, a hmel chu ka lo en reng ka chungah lungawi lohna nei ang mai hian ania min melh, ka bul alo thleng chuan "tinge damdawi inah ka awm" tiin ka pa chu ka zawt a, min la melh kar pah chuan "a chhan te chu i hre zawk lo em ni" a rawn ti a, ka hamhaih let ling zawk "Enge a chhan chu" ka ti he haw a chutah rawn thaw chhuak hak in ten hmel lutuk a min melh pah hian "Tu sawn nge i pai" a rawn ti ani chu, phawk lutuk in ka pa chu ka en a, "Enga enge i sawi" ka ti bah nawk nawk "Tu fa nge i pai thla 1 lai Ani tawh" ati leh a, mak tih na vangin chhang pawh ka chhang theilo, chutah ka pa bawk chuan "I Cancer mek, i fa pai hi itih tlak loh chuan i nuna in a tuarh phah thei chuvang chuan naute hi iti tlak mai a ngai ang" atih chuan ka thu chhuak nghal zawt "Enga" ka ti tuar, ka pa chu rapthlak ti zet hian ka en a, ka pum chhung a ka fa ngei chu ti tla Turin min ti a maw! Chuan eng natna nge a sawi kha, keichu ka lo cancer reng tihna em ni, tah chhuak leh thinrim na avang chuan ka thaw sek sek a "Enge Pa i sawi awmzia kei hi ka Cancer a maw" ka ti leh a chutah ka bulah rawn thu hniam in "Bawihi ka sawi hi ngaithla rawh, hman ni kan in en tir khan I Cancer tih kan hre chhuak a, mahse kan zep rih anih kha din hmun hlauhawm ah ila awm lo bawk a, treatment te la in damdawi te i ei that chuan i dam leh theih tur thu doctor ten min hrilh a, mahse tunah naute ilo pai si a doctor ten i dinhmun a that vaklo thu leh naute iti tla lo anih chuan i nunna in a tuarh phah dawn thu Cheng in an sawi, naute chu i pai tlang thei mahse a side effects erawh sawi lawk theih ani lo" ati a ka ngaihtuah na chu a chawl dat hian ka hria engvang in nge ka chungah tiang thil hi a thleng, ka nunna leh ka naute ah duh ka thlang a ngai tihna chu ani si a, ka va han thulo Tak em.

Ka pa chu melh in "Ka chungah eng pawh thleng rawh se he ka naute chungah erawh eng mah ka thleng tir thei lovang" ka ti chhuak sep a, ka pa chu rawn ding chhuak nghal in thinrim mitmeng a min melh pah chuan "Eng maw i sawi i nunna ai in kha i sawnn kha i thlang a maw" atih chuan keipawh chu ka ding chhuak ve zat "Pa, ka fa anih hi" ka ti teu hlar "Kha i bialpa Lep chiah zet fa i pai a, ani lah in a kalsan hmak tawh che si a, i Pa hi mual pho taks min siam i duh em ni "A fanu in sawn a pai" tiin min sawi dawn tih I hrelo em ni" ati a keichuan rapthlak ti zet chuan ka pa chu ka melh tlawk tlawk "Ka ti tla dawn chuanglo" ka tih chuan a kut a let vut a, ka lo chhing sawk, mahse min Beng em biklo "Kha i sawn pai kha i nunna ai in i thlang anga maw? A tha e thlang rawh chuan hei hre rawh kei hi tun atang I pa ka ni tawh lovang ka tui thlar che tihna anih chu i hria em" atih chuan ka insum theilo "Pa, chutiang chuan maw I fanu hi min tih dawn a" ka ti tuar a àu in ka àu ani mah zawk "Ka fa pawh ini lo, i nu tenawm zet khan min bum in ka fa anga a chhuah che anih hi" alo ti ve zat, mahse eng thu nge a sawi kha? Ani pawh chu a sawi duhlo a sawi tih hriat lutuk in a mitmeng a tlan chhe nghal zat, chuan kei hi Tuna ka hma a ding mek min hmangaih thin tu em em fa ka nilo a maw! Hah, nui suk in "Awle, i fa ka nilo ani mahna kei erawh chuan ka pa tak tak angin ka en che tih hi hria la, i duh ang ngei in min tui thlar dawn nia, keichu ka nu i sawi ang chiah a mi tenawm ka ni a sawn pai fa mahni thisen zawm pui pawn nilo hi chu i tan ka hnawk sak mai mai ang, ka fa erawh tih tlak ka tum hauhlo Pathian ina duhtak a a siam ka thisen Kai ngei anih hi ka ti tla anih chuan tual that ang mai ka ni dawn chung chu ka thleng tir theilo ani, Chuan min chhuahsan ta che" tiin tap pur chungin ka hma mi chu ka bia a, ani pawh chu ngawi reng in cabin chhung atang min chhuah San a.


Ka pa chhuah hnu chuan khuma bawk thlawp in ka tap nghal hlawk hlawk a, na taka bum ka nih hnu ah Ka mi hmangaih ber fa ka pai a, hlim tur ka nih laiin ka thei hauhlo ani chuan a duh a thlang tawh phatsan ka ni, heng mai pawh nilo in kei hian cancer natna tih Bai awm zet chu ka lo vei reng a, Khawvel hi ava han nunrawng em!
Ka chungah heng zawng zawng hi a thleng a, engtin nge ka tuar chhuah ang? Mahni chauh chuan ka chak tawklo, naute hi lo pai tlang ta pawh ni ila ka fa hmel hmu hmanlo in awm thei reng din hmun ah ka ding mek chu ani si a, lo boral ta ila tu in nge ka fa hi min enkawl sak ta ang, ka pa in a duh thu ngei in min tui thlar a dang thei ka nilo, nie atan chuan mi hnawksak leh buaina thlen tu mai ka ni.


Duhtawk a ka tah zawh hnu chuan thu chhuak in ka phone chu ka la a, pautu-a chu ka call zui zat, "aw bawihte" lehlam atang chuan alo ti var a "damdawi inah ka awm leh tawh a tunah nangmah chiah in ilo kal thei angem" ka ti zawi sep "Awii, enge awmzia!!" A rawn ti hlut "Lo kal la ka hrilh vek ang che phone a sawi maii chi ani lo" ka ti a, alo kal tur thu min hrilh in kan in biak na chu kan ti tawp a, rilru hah zet chuan khum ah chuan ka let sek a ka pum te chu ka chul thul hlim tur ka nih laiin ka hlim thei silo ani, ka ngaihtuahna ka kawm melh melh lai chuan "awii enge i an" tih pah in pautu chu alo lut a, "ilo va thleng chak ve" ka tih chuan "Ka buai lova minlo call lai khan chhuah ka tum sa hrim hrim a, enge i sawi tur chu i hmel te chu ava han bui nasa ve I tap elaw" ati zawt zawt a ka bulah chuan Rawn thu thla ve nghal zat a, ka lo thaw hak "han sawila" atih takah chuan ka pa nen a kan inbiak dan leh ka Rai thu te mai bakah Methhew ina min phatsan dan te leh letter chungchang te ka natna vei mek te chu ka sawi vek a, a kar lak ah mit tui ka hru zeuh zeuh, ka sawi zawh meuh chuan ka thaw hak hak.

Chutah min leinat leh rilru natna mitmeng a min melh pah hian "cath sawi mai tur pawh ka hrelo" ati a, a mit tui a tling pam bawk "awm ngaihna ka hrelo eng tianga awm zel tur nge tihte pawh engmah ka hre thiam rihlo ka thiantha ber ini a engkim ka hrilh vek che anih hi" ka tih chuan ka kut a rawn hum vawng vawng a chutah "Kan mang an lai hian tunge kan kiangah tunge awm i hria em?" Atih chuan ka lu ka lo thing vut "Pathian mihring te min siam tu leh kan sual lai leh fel lai ber pawh a min hmangaih reng a kan kiang a awm thin ani, kan lunggaih chang te kan Mangan chang te hian vui lovin a hnen ah thlen ila, kan mamawh chang chiah in Pathian Bel lo ila, atan kan tih ve thei tawk chu amah chawi mawi a, a rawng bawl sak ani, tunah mang ang in i rum ani tiraw Pathian àu la a tanpui na dil la i duh ang chu a hlen sak ang che. Ila tlai lo ania ama tan rawng bawl la i thlarau nun ngaihtuah awmin a awm lovang, i chunga thil thleng te hi in delh rih tir Suh, a eng zawngin thlir la, a thim zawnga i thlir dawn chuan i rilru ah "sual setana hna thawh Ani hi ka in hneh tir dawn rere lo" ti tlat rawh" ati duah a hnuk ulh teuh in a thu sawi lai chu ka ngaithla sawi diklo a neilo ka lo van han à Tak em! Kawng diklo ka zawh a, ka duh thu ngei in nupa inkar a an hmang thin chu ka ngaihzawng ah ka hmang a, ka thil tih tuh rah chu kei ngei hian ka seng dawn tihna ani, tih loh tawp tur leh Pathian duhlo zawng ka ti a ka vui leh a, in en fiah chu ka ngai tak zet ani.

Ka thianpa pautu-a en chuan "Iva hre ve" ka ti sep a, hma a thu tak hmel deuh kha pu tawh lovin a nui leh har har tawh "Ka pa in min boral San atang khan ks harh chhuak alawm" ati Sam et mahse a nun ah hian zir tur tam tak ka nei tuai (gay) ani chu ka ti theilo a mipat pui ala ngaihzawng lova amah hi hmeichhia kawm nasa leh hmeichhia thil ngaina mi ani tih bak sawi tur ka hrelo, Tuai tiin midang pawn ko fo mahse amah hian a kà ngei in tuai ka ni ala tilo, Gay ka support tihna lam ani lo, Pathian ah a Rinna a nghet a, Pathian thu sawi duah duah lo mahse kei hian ka hmu thei ani.
Tunlai mi kan mak khawp a Pathian thu an sawi luai luai a, mi fate leh chhungkua chhiatna lai an hriat in a sawi duh duh ah an tang thin a, in en fiah deuh chu kan ngai hlawm ani.


Ka thianpa chuan ka inah awm rih tur leh Aman min awmpui tur thu a sawi a, inthlahrung viau mah ila hei bak kawng dang a awm silo a hnial thei ka nilo."Kan thiante chu in kan thleng hunah chanchin kan hrilh dawn nia" min in siam fel pui pah chuan ati a ka lo aw liam puat "doctor chuan i chhuak thei ati a maw" ati zawt leh zat "aw mahse in check up ngun Turin min chah" ka lo ti a, kan in siam zo chu ani der mai, Ka in lam pan chuan kan haw zui nghal a.

In kan thleng chuan a che zung zung a, eirawng te pawh a bawl vek a, "i chhunten an rem ti a maw tunah rih chuan awm pui thawt thawt ka ngai hleinem" tiin chaw kan ei lai chuan ka sawi a "Kha lam ah chuan buai Suh nang mah chauh hi in ngaihtuah rawh ka awm pui loh che chuan ilo suicide duh palh ang" atih chuan za vaklo in ka lo zui a, a alu siam ka ei chu rang lutuk in thlengsilna lamah tlan phei in ka va uak tuar tuarh, ka hnung atang chuan "Alu i ei theilo anih hmel" alo ti a ka ring vel nidang a ka duh tehreng nen ka Rai vang ah ka puh thla tawp.


Zanah chuan ka room ah ka mu a, ani erawh ka room thutleng ah amu thung mut na ah chuan kan titi siam siam a min fuih leh zeuh thin, Methhew chanchin kan sawi chuan tawng a sak talh thei ka thianpa lah chuan min han zawt chik khawp a "Engpawh nise a thleng tur a thleng tawh engmah thlak danglam theih a awmlo mahse nangmah i in thlak danglam thei tih hre ve thung la i hma lam hun thim taka i ngaih kha nangmah ngei in i thlak danglam thei Pathian nen" ati a, ka in chung bang chu en in ka ngawih ren rawn hnu chuan "Eng tin nge bul ka tan ang" ka tih chuan phur lutuk in "Nitin Bible kan chhiar anga kan in khawm ziah bawk ang chung lo pawh a tam" alo ti var a, ka thla a muang ve suai suai chuan ka hria, thiantha an tih chu hei ngei hi ani. Rei tawk fang kan titi hnu chuan a mu hil ta a, kei erawh ka la meng thung "Ani chuan duh a thlang tawh, kei min kalsan in chhungkua dang a din dawn vui dawn mah ila a duh thlang na ngei ani si a, engmah sawisel thei ka nilo Lalpa min pui la ka naute tan nu tha tak ka nih theih Nan, ka thil tihsual avang khan ngaihdam ka dil a che, Thian tha tak min pek avang in lawmthu ka rawn sawi bawk e, Chung zawng zawng chu i fapa tho leh Lal Isua Christa hmingin ka Dil e Amen" rei tak hnu ah rilru leh tih tak zet in ka tawngtai ve leh ta, ka hahdam sawng sawng hian ka hria, rei lovah ka mu hil ve ta hram a.





Hun chelh ding thei ni heklo a kal zung zung ni deuh ber hian ka hria thla 6 lai nau ka lo pai ve der tawh, ka pa nen chuan vawi 1 pawh kan in be leh tawhlo a hmuh pawh ka hmu ngai hek lo, Biak a ka chungchang a sawi kha hriat vek duh mah ila amah ber in min be peih silo a tihtheih awm lo, Methhew pawh a reh vang vang a, a thiante pawh chuti tho Remi leh zo-a an in then a, ka thiante chauh hian ka chanchin an hria Remi hi phai lamah zirna a chhunzawm a midang ka thiante erawh chuan ka in ah min awmpui thung, ka Rai vang leh ka natna vang hian collage ka chhunzawm tawhlo a, in lamah kawr ka thui a ka dawr ah ka thianten anlo zuar ve thung, rin ai takin kan sumdawng na din hi kan hlawk pui in kan lar pui hle heipawh hi Pathian vang chauh ani ka tilo theilo, khang thla 6 chhung zawng khan ka thiante hi ka kiangah an awm reng a, ka harsat leh ka mang ang chang in min tawngtai sak a, a hma a ka lo huphurh ruk ang em em chuan ka nung lo Pathian hnen ah ka in hlan bawk. Ka natna vei mek hian min Kian San lova zual lam apan hret hret zawk hian ka hria, mahse naute tal hi neih hman ka duh a chung pawh chu Pathian hnen ah ka dil ani, ka natna min tihdam sak Turin ka phut lo, mihring kan ni a kan la Boral vek dawn khawvel ah kan cham reng theilo tih ka hria a tlai hma a ka thlarau Pathian hnen a ka hlan hi in chhir lo teh asin.


Ka khum bula ka diary chu ka la a, pen la leh in ka ziak tan leh ta a
"Vawiin ni 29 October hian ka khaw hmuh a fiah vak lo a, duh ang pawn ka ziak nalh theilo ani, a hmasa in ka thiante hnen ah lawm thu ka sawi mawlh mawlh e, nangni tello chuan eng mah ka nilo, kawng engkim ah min veng in min awmpui reng a, engtianga rulh tur nge ka hrelo, Kan thian ho a kan awmkhawm lai te kha ka hun hmang tawh zawng zawng a ka hlim lai ber ani, ka thiante u a tawp Nan in thiannu engkim tih theih neilo hian thil min tih sak Turin ka ngen leh a cheu, ka naute ka pum chhung a awm mek hi a pian rual in khawvel ah ka lo awm tawhlo anih pawh in minlo enkawl sak Turin ka ngen a cheu a harsa ang tih pawh ka hria mahse nangni lo chhungkua a nei dawnlo kei anu natna tih dam theih tawhlo vei mek hi ka mang ang ani, nu leh pa tello in a sei Lian dawn a, khawngaih in minlo en kawl sak dawn nia, ka hmangaih lutuk cheu chuan ka lawm tak zet ani in chungah hian.
Methhew pawh ka ngaihdam thu minlo hrilh sak dawn nia, engkim hi keima tihsual vang ani a ka vui lovang lawm takin ka pawm zawk ang, in za vai in lo in enkawl tha rawh u, hei bak hi diary ka ziah theih ka in ring tawhlo ani -Catherine lalruatpuii"

Diary ka ziah zo chuan ka mit tui chu ka hru hul a, ka natna hi tih dam theih tawhlo ani tih doctor ten min hrilh a, naute ka pai lui vang ani bawk,la boral tur ka ni a, naute tih tlak ai chuan ka pai lui ta zawk ani. Ka khaw hmuh a fiah deuh avang chuan ka tho chhuak tha thei mailo, in vuan tang chung chuan wordrobe hma ah ka ding ve thei hram e, wardrobe chhung chu hawngin ka fa lo piang mai tur thla 2 chiah in a dang tawh tana a kawr leh kikawr ka lo thui ho chu ka en kual a mahni chuan ka nui ver ver mai, wardrobe chu khar in ka hma a darthlalang ah chuan ka in en a in hmu fiah vak theilo mah ila ka cher ruak tih leh ka dul a Lian ve tawh hle tih chu ka hmu thei, ka dul chu ka chul riak riak a "Bawihte ilo piang hunah inu ka awm tawhlo anih chuan min dem Suh aw, ka kawng zawh sual avang in i tuar phah dawn a nu tha tak ka lo nilo mahse min hua lola Pathian i bel tlat dawn nia, theihtawp ka chhuah mek a dam takin lo piang ang che aw ka hmangaih che" ka ti sep a, ka dul chu a rawn pet zeuh a ka nui hak hak ka tawng a hre thiam awm silo a rawn pet ve rigawt, chutia ka awm lai chuan "chaw ei theih" pautu-an ka hnung lam atang a rawn ti a darthlalang atang chuan ka lo melh reng ani khumah a thu ran "Ka lawm lutuk ania aw" ka tih chuan min rawn melh in "Enge i sawi awmzia" atih chuan ka lu ka thing vut chutah rawn tho chhuak in ka dar ah rawn vawn pah in "khatiang in thim zawngin ngaihtuah Suh ka tih che kha, naute nen hian dam takin in Cheng dun dawn alawm lo kal rawh chaw zuk ei ang u," atih chuan in hnuai lamah kan in zui thla a.



1 MONTH LATER

"Catherine i harh em, heyyy harh tehh" Lucy aw ani "Pautu engtin nge kan tih dawn a harh hlei theilo ania" atih chhun zawm zat "Cathhh i harh em damdawi in kan thleng tep ania tuar fan fan rawh" pautu chuan alo ti ve nghal a kei chu ka vai ruai ka khaw hmuh a fiah tawhlo an tawng chu ka hre ruai ruai chauh ani "Lalpa, ka fa lo piang tur tal hi zuah rawh aw" ka ti rilru mawlh malh chawl hahdam dawn tih in hre mah ila ka fa lo piang tur hi ka ngaihtuah em Ani.







"Kan thleng e" pautu-an atih rualin ka kang nghal zawt a reilo te hnu ah chuan ka chhing siar siar a" .

LUCY POV:

ICU chhung ah chuan Catherinei chu an nawr lut a, engmah a hre tawhlo kan biakna pawh ka rilru hah lutuk chu ka tlan chhuak a kan piah lawka biakin ding reng ah chuan ka tlan lut a, thingthi a tap zawih zawih chungin "Aw Lalpa, khawngaih takin Catherine i hi min lak sak Suh, a fa lo piang tur te kha a nghak hlel asin khawngaih leh tih tak zet in ka ngen a che kan thiannu hian kal ala phulo asin Khawngaih in" tiin ka àu tuar tuar a ka mit tui chu a tlir zung zung, ka hlau thawng em Ani. Ding chhuak in hospital lamah chuan ka phei leh a, ICU kawtah chuan kan thiante leh cath-i pa anlo a, ka sa phat eng sawi set set lovin Catherinei pa chu ka pan hnai vut a minlo melh rual in a hmai a ri sawk, "Engtin nge i rawn in lan ngam zawk nang hian a nun iti chhe vek asin, Tunah engmah thleng lo angin i rawn in lan a maw! Eng mihring nge inih, i tuithlar a na tak leh rethei takin i kalsan a, rawn in lan ngam tur ini lo asin" ka ti tuar tuar zah pawh ka sawi theilo ka na em Ani engmah sawi lo in a kun ngur a ka hma ami chu "sawi ve ta che eng vanga ngawi reng nge inih ka hua lutuk che" tiin a kawr awm ah ka tham vak vak ka sawi pah bawk, "Lucy in sum rawh" tiin kan thiante chuan minlo dang a. Chutia kan buai lai chuan Doctor alo chhuak a, ka pan nghal zat "Doctor enge chanchin kan thiannu chu a tha Ani tiraw naute pawh" ka tih zawm zat, "Doctor enge chanchin ni" tiin midang pawh chuan an lo zawt ve malh malh a, chutah doctor chuan thu Deng khawng Tak chu min hrilh ta ani "Naute chu kan zai chhuak a thla kimlo in a piang a tha e, amah erawh chu a nu kan chhan hman ve talo ani" ati anih chu!! Chhuat ah chuan ka thu thla hnawk kan thiante pawh chu in sum zolo in an tap nghal hawk hawk, "Lalpa min lak sak ta amaw" ti zawi sep in ICU chhung ah chuan ka tlan lut a, ka thil hmuh chuan min tina tak zet ani, a fa chu a bul ah anlo mut tir a, amah nun na nei tawhlo tih hriat taka bam pal te chuan ka thinlung an van tina tak em, ka pan hnai a, a fanu duhawm zet chu thlir in amah chu ka thlir leh a "Cath hei i fanu hi pawm ta che, i hnute ngen in a tap rawih rawih anih hi" ka ti zawi sep a, "Bawihte i nu hi àu ta che" tiin a fanu chu ka bia leh a, min melh kiau reuh anih chu "hriat thiam a har khawp mai i fanu hmel tal hmu hman ta che tinge min kalsan thawt thawt ka la phallo asin i kal ana viau ami" tiin cath-i hmai chu ka chul riak riak a, "A ruang kha in lamah Hawn phei a ngai lo chuak tawh rawh" pautu-an alo tih chuan "Enteh kan thiannu hi a meng duhlo ania, fanu Duhawm tak a nei tih pawh a hrelo" tiin pautu-a lam hawi chuan ka ti tiau a, ani pawh hmui pet fan fan chungin alo kal phei a, a fanu hmel chu a thlir ngawih ngawih.
"Kan haw pui a ngai tawh" ati a, ruang la Turin mi 3 chu anlo lut nghal a pawnah min chhuah tir a, ICU kawtah chuan kan thiante chu anlo meng sen tiau hlawm a, apa chuan call a hmang a, an chhungte dang an bia ani mahna.



In kan thleng pui chuan mipui anlo tam tawh khawp, a ruang an nghah rual chuan an tap chhuak hawm hawm a, keipawh chu in sum zolo in ka puak darh ani mahna, theihtawp chuan ka thiannu chu ka tah khum a, ani erawh engmah na leh hreawm nei tawhlo in van lamah min chhoh San chu ani si a, kan thiannu chuan ni 2 October zan dar 11:40 ah min kalsan ta ani, tuarh thiam a har in lung hi a awi hlawl lo, zai ri leh tal ri in inchhung a luah khat a, kan hun tawng hi mumang ni zawk se ka va ti em. A ruang chu ka thawh San loh atih theih ang, zing lamah chuan zan lam ai in mi an rawn pung khawm chak a, kan thiannu kan hmangaih em em hi chhun dar 1:00 ah kan vui dawn ani. A hmai chu ka chul riak riak a "Catherine lalruatpuii i thiante hian kan ngai dawn lutuk che, i fanu hmel tal i hmulo erawh ana ani natna awm tawhlo na hmun ah khan minlo hmuak ang che aw! He khawvel nun rawng zet hian ati chau che a min kalsan Ani tiraw? Minlo hre reng la i fanu hi rethei leh riltam in ka dah lovang, ka hmangaih lutuk che" tiin ka phun sep sep a, a hmai vawt riak tawh ah chuan ka zuk fawp a.
"Lal Isua thian duhawm ka neih hnu hian,
Kawngka zim lam ka zawh tan a lo ni;
Ka doral sualna chhum a lo lang a,
Mahse aw hnehna chu ka ta a ni.


(Hringnun a ral hunin)
Lal Isua hmel ka hmu ang a,
Thihna fate tlantu chu;
He khawvel hi bo mah sela,
Lal Isua ka nei tawh si.


Ka tih thinte ka tih a rem tawh lo,
Ka tih ngai lohte tih a tul zawk a,
Thinlunga Lal atan ka lo thlang ta,
A duhzawng anga awm atan min duh.

Engah nge ka rilru a buai thin le?
He khawvel thilte vang a lo ni e;
Lal Isuan sualna zawng a hneh zo ta,
Lal Isua hming chu fakin awm rawh se."


A thu nawn an rawn lak nawn leh tak ah chuan thawm a ring hlel a pa pawh chu rawn thu hniam in a ri meuhin a tap chhuak hawk hawk "Bawihte ka tihpalh ani, i pa hi ka sual em Ani bawihte lo tho leh rawh i fanu hian nu a mamawh asin" apa chuan a ti mawlh mawlh ka lo tap uarh sauh "Cath i dam tawh ani tiraw mahse keini hi hliam na tak min hnut chhiah asin" tih pahin pautu-a chuan a rawn bawh a, tu pawh chuan kan tah khum tih theih khawp in tap ri a ring hle. Dar 12 ah thla la Turin kawtah a ruang chu an zawn chhuak a, ka han hawi kual chuan kil khat ah Methhew a thiante leh Remi mit sen rawm in anlo ding thap a ka va pan phei nghal "khawnge Methhew" ka thleng rual in ka ti nghal "Kan be tlang theilo number thar a hmang sia" tiin zo-a chuan minlo chhang a "Biak biak pawh a ngai lo kha mihring kha ka hmuh turah rawn in lan veih teh se ka chhuah hauh lovang" remin alo ti nghal zat "Naute kha damdawi inah Cath-i cousin ten an awm pui rih" pautu-an kan bul a rawn ding pah chuan ati a "Ka khawngaih e mai a fanu hmel tak nial pawh a hmu hman silo a" remin alo tih leh chuan kan ngawi thap, zohmangaiha chuan bang a hnek chawrh a kan lo en thap a mit tui alo tla zawih zawih chu ni in "insum rih ang u mipui an Tam si a, tha takin kan thiannu hi thlah ila, a hahdam tawh a lom Pathian hnen ah thlamuang takin a awm tawh" hliman alo tih chuan ka lo thlawp khawp kan thiannu hian tha taka thlah Liam a Phu ani.

Thla kan lak zawh chuan thlanmual lamah kan phur phei nghal a, mittui ka hru leh zeuh zeuh tuar thiam a har em Ani.
Thlanmual Kan thleng chuan thlahna kan hmang leh a, an phum dawn meuh chuan kan tap leh rawih rawih tawh "CATHERINE LALRUATPUII THLA MUANG TAKIN CHAWL TAWH RAWH AW! KAN HMANGAIH LUTUK CHE" tiin Remi a rawn àu tuar tuar a, ka thu hnawk an phum zui nghal a.
An phum zawh chuan midang chu an haw sap sap a kan thian ho erawh kan la awm thap "Engtin nge a fanu hi" hliman alo tih chuan "Ka en kawl dawn" ka ti vat min rawn en nghal thap "Apan aphal ami" remin alo ti a "a tui thlar a lawm" ka tih chuan an meng kawk hlawm "Enga" zo-an alo ti nghal that "Aw a tui thlar a Rai tirh khan" ka tih zawh rual deuh thaw in zohmangaiha a tlan chhuak nghal phut "Khapa kha um zui rawh u, alo va sawisa vel age" remin alo ti chul keini pawh chuan kan um zui nghal vat a, kawngpui kan thleng chuan a tlan liam lai tur kan hmu pha chiah chiah a rang a rang in kan in khalh chhuak zui nghal a rilru buai lai lai hneawm lutuk mai.



In kan thleng chuan rin ang ngei in Catherine-i pa alo din chilh, kan lut pawh chu min ngaihsak lemlo midang ho chuan chanchin min zawt ve mahse kan hre biklo tih in kan Chhang zel "Chuan nang a pa in ti hian a Rai tih i hriat hnu ah I tui thlar a maw! Eng ang mihring phiang sen nge i nih a" Tiin zohmangaiha chu a àu tuar, a chhungte chu anlo meng phawk khawp engmah an hre velo ani mah na, hlima chu va kal hnai in thleh ava tum a mahse "I fanu kha ka hmangaih tak zet asin engtin nge tiang khan I tih theih zawk ka thinlung leh tih tak zet in ka hmangaih asin" zohmangaihan ati leh a, amah chu kan en thap "Sawn pai pawh nise ka hmangaih na a dai chuanglo ang" tiin a muttui a tla anih chu! Phawk deuh a kan en lai in a chhuak vut a keini erawh ngawi rengin kan la ding, zohmangaiha khan cath-i alo duh ru reng tihna em ni?
"Enge awm zia Cath-i PA" tiin an chhungte zing ami chuan alo zawt a, an tawng pawh ngaithla zui peihlo in damdawi in lama kal Turin ka chhuak hmak. Ka thianten pawh chuan minlo zui ve nghat zat zohmangaiha chungchang kal lamah chuan an sawi a ka bengkhawn lemlo ka rilru ah chuan ka thiannu cath-i chiah Ani awm ni.




Hun a liam a cath-i min kalsan atang karkhatna chiah Ani, varanda ah chuan cath-i fanu ka enkawl tak Angel malsawmzeli chu pawm in ka awi mu a, van lam chu ka thlir a, "arsi tamtak zingah khiann ka thiannu duhtak chu a awm ve awm si a, minlo thlir reng ang tih ka hria, i fanu hi thei tawp in ka hmangaih ang tih ka tiam a che". Tiin ka phun chhuak sep a, Angel-i hi cath-i pa te leh chhungte dang dawn min chuhpui nasa viau mahse a diary a thu inziak angin ka enkawl chhunzawm ta ani, Methhew hmel hmuh tur ala awm lova hmuh tur awm pawh nise ka sawisa hrep duh mai ang!.
Naute a rawn khuh kharh kharh takah chuan in chhung ah ka luhpui a, khumah chuan mut in hnute ka pe nghal zat, cath-i inah hian Remi nen kan Cheng a, kan chhungte pawn engkim an hre vek a min hnial lo khawp, Angel-i mu lai chu ka thlir ngawih ngawih a, vawi tam Nan ka mittui a tla leh ta.
Ka dam thei dawnlo ana em Ani.







5 YEAR"S LATER


METHHEW POV:
Kum tamtak a liam hnu pawn kha hmeichhia kha ka theihngilh theilo chu anih ber hi ka hmangaih takzet vawi engzat nge hlat ka tum mahse ka hlawh chham zel ka vawi 1 hmuh na atang min hip in ka vei zui kha nia hmeichhia dang nen phei chuan in Anglo tak an ni Engtin nge hmeichhia dang nen ka teh khin theih!! ka âa zo tawh anih hi kum 5 lai alo liam ta ka kalbo san atang tunah hian engkim ka siam tha tawh a mafia Boss ti tawh lovin lawyer hlawhtling pawl tak ka ni tawh zawk ka nihna a hriat ka hlauh vang leh ka thil chhui in ama pa ngei thah angaih thu ka hriat khan minti chau emem anih kha engkim taktak ka siam that hunah let leh tumin ka kalsan Ani mahse mipa dang nen an chhuah Duna ka hmuh khan minti na takzet nie ka nu that tu chu tu dang ni lovin ka hmangaih nu Pa kha ani. Rilru siam fel in hmalam ka pan angai tiin kum 5 chhung ka in khung bo a mahse ka hmangaihnu tello hringnun hneom zia ka hria a tunah hian engpawh huamin MIZORAM lamah ka thlawk thla dawn ani. A chanchin ka chhui tawp hma a ka hriat kha Delhi ah traning in a awm a chumi zoh a mizoram lamah a let leh tur thu anih kha.

Zingah chuan hma takah ka tho a, ka pi bulah chuan chanchin ka hrilh tawh avang in min ngaihtur thu zing kar atang a sawi nghal a, ka lo let leh vat dawn alawm tiin ka chhang thung, ka phone kha sim card thar ka lei hma in aho hmak a tumah ka bia kawp thei lova, mizoram ka thleng hunah erawh tih dan a awm ve mai ka ring.


(11:00 AM MIZORAM)

A tawp a tawp ah chuan ka ram ah ka let leh thei chu ka hlim ru hle, ka in luahna hlui lam pan chuan ka in khalh chhuak zui nghal a

Ka in kawt ka thleng chuan ka thenawm chu ka thlir vawng vawng a, mi in an luah nge ni a ngai ngai in ala awm a, cath-i erawh a in sawn anti mai Khan ka hria a, chutia ka lo thlir reng lai chuan Lucy ni awm tur tak leh naupang te hmeltha zet chu anlo in zui chhuak a, keipawh chu min rawn hmu chawpchilh ve nghal a, Lucy chuan thlarau hmu ang maiin a meng phawk a mahse a rei lo huat hmel zet a min en leh hnu ah kal mai an tum a "Lucy nangmah tiraw kha fa te ilo nei tawh elaw" tiin ka bia hmasa a, chutah rawn in hawi in "Inah inbia ang" tiin cath-i in chhung ah a lut vut a,keipawh chuan chanchin ka hriat thuai thuai duh avang in ka zui lut ve nghal a, in chhung kan luh chuan engkim a la ngai vek mahse cath-i ka la hmulo a bungrua te chu a awm vek tho sia, sitting room lamah chuan kan in zui lut a, ka thut fel rual a ka hma a frame in tar avang chuan ka ding nghal zawt Enga thil nge ka hmuh hi. "Kan hmangaih kal ta Catherine lalruatpuii thih ni November ni 2 zan dar 11:30" tiin thu in ziak leh duah in cath-i thlalak an dah bawk, "Enge awmzia" ka ti that "Thu rawh" tih zawngin min chhang "Enge awmzia ka tih chu" ka ti leh that chutah in chung step atang Remi alo chhuk a min hmuh rual rual chuan min rawn pan sawk sawk in min Beng hawi nghal sawk "Mi tenawm pa engtin nge i rawn in lan ngam zawk" ati tuar a tap dawn ten ka hria kei erawh chuan ka hma frame in tar chu ka en reng "Heihi enge awmzia" ka tih leh chuan "Thu phawt rawh, Remi nang pawh in sum la thu ila sawi ang u" tiin min pawt thu a "Anu hei tunge ka hlau e" tiin naupang te chuan Lucy kawr awm tham pah chuan ati a, cath-i fanu ni awm tur tak ani an in ang em a "kha kha tu fa nge" ka tih chuan Lucy chu a in hnit faih a, chutah "Remi angeli hi in chungah lo awm pui lok ta che" tiin naupang chu a pe a, Remi pawh chuan rum deuh a min melh hnu ah min chhoh San a,"Sawi rawh" ka ti nghal zat thawk hak in min melh kar a "Cath-i a thi tawh" ati chhuak sep a kei erawh ka nghing chawrh "Engmaw i sawi eng vang nge" ka ti zung zung "Cancer vang leh nau a pai vangin" atih chuan a aia phawk in ka melh "nau a pai a maw" ka tih chuan thinrim zet a min melh pah in "Lo ngawi hmak rawh ka sawi dawn alawm" atih takah chuan ka ngawi ve a chutah "I kal bo San atanga thla khat hnu a i fa apai tih kan hre chhuak a, apan a tui thlar nghal a sawn a pai vangin naute tih tlak a duh silo a, a nunna in a tuarh phah ani, eng vanga kalsan nge i nih? A hmangaih tak zet che a sin" tiin a in sut a sawi chhunzawm leh in "A beidawng lutuk a nun kha, khua har leh lunggaihna mai bakah natna nen a hmang ral asin, a fa hi a hmangaih em em bawk, A kal hma in a thlarau Pathian hnen ah a hlan vek a, khang natna zawng zawng kha a phulo Tak zet ka hua lutuk bawk che, a fanu hi thla kimlo in a piang a, a piang rualin cath-in he khawvel min chhuah San nghal bawk, chuan I hria em a thihna vanga kan nat em em lai in nang erawh chin hriat loh in i reh hmak a, mahse chuti chung chuan a diary ah a ngaihdam thu che a ziak asin, zohmangaiha kan thianpa duhtak in cath-i a hmangaih em avang leh a thihna in a vuak nat em avang in a in awk hlum bawk asin" tiin a tap zawih zawih a, kei rawh ka Kun ngul ka fimlo ka rilru buai tak zet "Chuan hria rawh he inah hian i ke tenawm zet kha rawn rap lut leh tawh ngai Suh ang che i fanu pawh hi i enkawl remti lovin keini enkawl turin ati tih hria la, kha hmeichhia thinlung nem tak leh thianghlim tak kha iti chhe vek a, dam leh thei tawhlo turin i siam bawk a, a fanu in a Len hunah hre ta se a ngaihdam tawh ngai lovang che, kha a diary hi keng la chhuak rawh" tiin diary hlui ve tawh Tak chu la in min vawm a, kei mipa inti ve pawh chu mittui dang zo lovin ka tap ve zawih zawih heng thil te hi a tak tak anih ka ring theilo ka ring phallo "Catherine lalruatpuii kei hi min kalsan tak tak a maw? Ka hmangaih che asin! Eng thil nge thleng mek hi ka hre thiamlo lo let la min hrilh fiah rawh" ka ti rilru mawlh mawlh a.





(Bonus chapter ka rawn dah maithei aw! In duh chuan comment lamah in lo sawi dawn nia, like/share/comments theihngilh lola aw".★