KINDER JOY chapter - 2

[EmilyPachuau]

U Abrama chu ka ve zui reuh em em mai hi a mak ka inti,a khât mawi tâwkin lalsaii ka spy tir zeuh zeuh a,ka hriatchhuah tâk chu saturday tlai dar 3 ah Basketball an veng court ah a khel ṭhin tih zawng.
A dp pawh ka check ngun khawp mai,a bialnu nen a an thlalak en tûrin a number ka hmetchhuak ṭhin hi a ni ringawt,thlahnih lai a ngai a hmang tawh sia a hne ve tawh lo mawni le ka ti mai mai,ka bialpa hlui kha chuan kan thlalak hi vawikhat chauh a la post,kum khat leh thla thum lai kan inzui chhûng khan.

Ka bialpa hlui hi mi mak tak a ni,va ngaizawng hmasa ka ni chu ka ti hauh lo mah se hmelṭha ka ti thei khawp mai,kan veng ṭhenawm lawk a mi niin class 11 kan kal lai a kan principal fapa a ni. Kan inrual tâwk khawp mai,khati khawp khân kan inzui ve nasa a,a chhûngte pawhin min hriatpui kei erawh ka nu chauhin a hre thung, ṭul lo a tiin zirlai nih lai a ngaihzawng neih kha a remti fa lua lo a,mah se khapbeh erawh ka nilo thung,khati tak a inzui leh a chhûngte pawhin min chhaih fiam zak zak laite khân min lo kawp ru reng a,loh theihlohin ka hrechhuak leh si,a kawpna nu ngeiin ka bialpa phone aṭang zan dar 11 velah min rawn call a,an inngaihzawn thu a rawn sawi chiam a nih kha.Mak ka tiin awmdan ka thiamlo,min fiam mai mai turah ka la ring cheu,kha zân khan mut mu pawh ka tuah ṭha theilo rêng rêng,ka call nawn leh khan a pick thei tawh silo,kha kha ngaihzawng vânga ka mut theihlohna hmasa ber a ni.A tawpna a nih pawh ka beisei em em a mah se a la inṭan dawn chauh a lo ni si,a tûka message ka dawn tlem lem lo tak kâr a Lalhmangaiha (ka bialpa) min morning na chu ka open vat a,wish lêt lêm lo in thil awmzia ka zâwt nghâl thawr mai,ka ipik êm a ni.
Mawi taka pha marin a thiannu a nih thu leh nizan lamah a ṭhiannu bawihbawihi thil zir passed thar a chhûngte awmloh hlanin an lawm a,a lo kai ve deuh vanga khatia che kha a nih thu te, bathroom a kal hlana a phone chu lo khawih a nih thu vel a sawi a, ṭhen ka hlau em a,ka sawi thui ngam lem lo,a hmasaber a ni a,chân ka hlau a ni.
Mahse nizân chuan reilote kan in text a,passed lawm chungchang engmah a sawilo,chu mai niloin tunlai chu engmah sawilo a reh vung vungte a chîng a,a chhan zawh a a chhan sawi tûr hre lem lo a a riat kawi nawk nawk châng a tam thar ta riau mai.Rinhlelhna lian tak ka neih phah ta rêng a ni,nizân thil thleng nen khan ka ngaihbel phei chuan ka ngaih hi a ṭhalo zual ngawih ngawih,lalsaii ka hrilh leh tawp, ṭhian dang sawi tham ka neilo saii hi chu tetakte kan nih lai aṭanga inkawm nasa kan ni a veng khatah pawh kan awm hi reng,tunhnaiah veng dangah min insawn san a ka ngai thei viau mai.
Lalsaii pek chuan ka hlauhthâwnna ti belhchhah tûrin a rinawmloh a rin thu a sawi phawng mai si,ka va han hlim lo kartluan tak em.Kha thil thlen hnu khan engmah hi a dik thei tawh lo,kan inhmu ta ngai mang rêng rêng lo a,ka class kal pawh min lam ta ngailo,call a pick ngailo a,text chu tawi te te in min reply ve ṭhin,zawhna khunkhan leh kan inkar chungchâng ka zawh erawh chuan min seenzone a,inhmuh ka sawi chuan chhuanlam ṭha lemlo tak a rawn chhawpchhuak ṭhin,mak ve ngawt mai.
Thlahkhat hnua a chanchin ka hriat leh hmasak ber chu nupui a ru tih,an lo pûk lâwk a ni âwm e,a na ka va han ti tak tawrh vak dan pawh ka hrelo ka hamhaih a,a ngaihna pawh ka hrelo,han ngaihtuah zual châng phei chuan ka na ngawih ngawih ka pasal tur atâna ka lo hual kha midang pasal a ni dawn ta si,a hlimchhawn kha chuan biak tlâk ka awm lo,ka ṭap char char hi a nimai,a mah nena kan future tur kha ka lo plan ve nasa asin ka thianghlimna hlan ngei pawh ka tum,chumi tur chuan inneihna kan hmabak tih leh zirlai zir zawh kan hmabak tih kan hriat rêng avangin engahmah kan intilui ngailo kha a nia,a Insûm thei ka tiin ka ngaisang ru viau ṭhin kha a ni a,tunah lêm heti mai mai hian min kalsan leh thei bawk si,ka nu chu ka hrilh tawp,min hnem thiam ang tawk tawkin min hnem ve a mah se awmzia a awm thui viau lo,lalsaii lah pek chuan ring dik inti fahranin a message tâwp lamah ka rin ang chiah a rawn tih zawm zat reng bawk si,henu han mawl dan hi chuh!

A mah pawh a reh ta hmak mai,Kan inhmu ta ngailo vawikhat erawh chu bazaarah Kan intawk a,min en ve ngar ngarin ka hria,annu rai puar kawh ve lam nen an bazaar a ni maithei,biak ka châk a a insawifiahna pawh ka ngaithla châk mah se min biak hi a phu mawlh lo.Kan inngaizawn chhung khan vawikhat té mah a rinawmloh thu hi ka la hre ngailo a tiang bawkin keipawh a lakah ka rinawmlo ngailo,keimahah hian eng nge Kim lo leh dik lo awm a min duhkhawplo a midang a thlan chhan hi ka hre châk a ni.
Min kalpel hnu a hmeichhe âw in 'bawihbawih hei in pa chu mi hmangaihna tiraw?' a tih ri ka hre thawi a,khanu ngei Kha a nih ka ring Kha zana min lo call tu Kha.

Kha ni Kan intawnni zan khan hmangaiha chuan min rawn call ta ngei a mah se ka pick lo,a rawn call zui ta chuanglo,ka be châk lo a nilo a,ka biak a a âw ka hriat chuan insûm zolo a ka ṭah ka hlau a ni.Ta ṭang khan kan inhmu ta ngailo,kum dâwn a liam ve ta ka dam zel a ka dam hlen ta niin ka hria,ka ṭhen kha ka lawm a ni Pathianah ka tlûk luh phah a,kohhranah te ti lua lo mah ila keimah a keimah ro ro chuan Pathian ka belh nasat phahin ka hnaih phah a ka lawm a ni. Ka thinlung erawh chuan ngaihdamna tak tak a nei theilo,mi chuan min zawh châng te pawhin ka ngaihdam thu te,ka hriatthiam thu te ka sawi ve ṭhin ka thinlung erawh a dang daih,ka thinlunga a hmun luah ṭhin tu chuan ti hian a ti,"Hmangaiha hmangaih tlak loh".

Cont....