Kinder joy chapter - 3

[EmilyPachuau]

Abrahama ka tawn aṭang thla hnih a liam ve tawh vawikhat chu kan college bulah a bialnu nena an inphur ka hmu thawi fua a bak chu ka hmu leh ta miah lo,vawiin chu lalsaii te inah project buaipui turin kal a ngai a, project ai chuan Abrahama hmuh inbeisei a vang zawkin lalsaii te veng kal ka phur phah,mah se saii chu ka hrilh duh lo min chhaih leh palh ang,a hriat erawh ka hlau teh lua lo,hmangaiha lak aṭang ka move on theiloah a ngai tlat a,ka thei tih hi hria se ka duh.Nakkinah ka la sawipui ang,dar 3 velah sir Mj-a'n entawnlo a exam ang deuh a ban a class a lak hnuah kan bâng ve hram,lalsaii te vengah kan tlang nghal kawngsira ka kal mai mai chu ball in ka lu a rawn fu ri dawm mai,ka hai chhaka ka ṭhu nghâl thlawp,a nat reuh tehrêng nen lalsaii lah chuan min nuih vak vak ringawt,chutah mipa âw pa lutuk hian 'a na em? duhai a rawn thlawk thui a",a rawn tih pah chuan a kut min rawn pe nghal zat ,ka hawi chho chu awi kareiiiii lalabrahama!!! Ka inthlahrung lutuk chu a kut pawh vuan ta lo chuan ka ding sawt sawta ka inthing nghal nawk nawk ka ban lehlam vuanin ka ngawi reng, abrahama chuan lalsaii bulah chuan,"i thiannu hi a beng a chhet a mi Saipui?", a rawn ti heu,ka en tlawk tlawk ringawt.

Lalsaii chuan min nghawk zauh pahin,"chhet lo e,a zak ania'ng", a tih pah chuan min rawn melh leh hrawk.
Abrahama chu aaa chutia mi han tih,ka tlu zo chiah a sawi tûr ka hre rihlo a ni ve mai a,nuamlo leh lutuk mai.Mahse Lalsaii kha tinge Saipui a tih? Amah hrechiangtu leh neltute anchhungte leh hmelhriat ṭhate chauhin Saipui an ti ṭhinin ka hre sia,An lo inhre reng zawk em ni le?
Abrahama en pah chuan ,"na lo", tih pahin saii ka kai a kan kal daih awiii ka zak e,ka va han zak tak,star ten bengchhet amaw ti ve che u se in lâwm bik miahlo ang,tinge Friday ah te a inkhelh le? saturday ah chauh a inkhel ṭhin amaw ka tia,nge ka hresual zâwk le.

Lalsaii te in kan thleng chu ka inti mikhual lo bawk a,an sofa ah ka bawk nghâl thlawp ,nu mapuii (lalsaii nu) chuan thingpui min lo siam nghal zat,nu mapuii hi chu ka favawrate colour fel si,zaidam si thlamuanpui awm leh nu entawntlâk kohhranah inhmang viau mah se inchhung a thlahthlam ngaihlohna te hi ka ngaisang,a mah ang nih hi ka duh,ka nu chu tlemin ṭek a hmuam deuh bâkah mi be ṭha luam chi a nilo ve a mah se a sual hran chuanglo.

Thingpui inzawha sitting project kan tih melh melh laiin kawngka a rawn in kik ri kauh kauh a,nu mapuii bathroom a kal hlan leh lalsaii Google râwn kual inti buai lutuk chuan lo va hawng mai tura min tih chuan peihlo tawkin ka tho a ka va hawng hnâ hnâ,ka va han suprise leh pek tak kawngkhar bula thlan tla deuh chhap ball keng chunga lo ding chu lalabrahama bawk mah se saii u a tel ve,u rinpuia an inkawm tihna mi?u rinpuia chu inkhel hmel pawh a pu ve silo a a mak teh daih e, Abrahama chu ka en tlawk tlawk tih a kut a rawn hmeh rik khep ruala ka harh chuan ka hre ve chiah,a hmelṭha ka ti lutuk khan hmundang ka lo melh theihnghilh ni ngei tur a ni.Ka va han zak double tak vawiin phiangsen chu aw,u rinpuia zawk chuan,"mate kan lo lut",a rawn tih hei chuan ka kian sawk sawka chokaah tui in der tûrin ka lût nghal zaih,mate min tih chhan chu min nel tawh a,an fanu ang chiahin min en ve avangin mate min tia saii hi mambawih an ti thung.

Ka let leh chuan Abrahama te chu an lo awm tawh lo,ka thaw huai mai,lalsaii chu chîk zet leh khap miahlo chuan Abrahama te nêna an inhriat dan ka zawt a nu mapuii û nupui fa bik a lo ni reng.a nih chuan Abrahama pa leh nu mapuii te unau tihna,a van mak,tinge ka hriat ve ngailoh le ti niah niah pah chuan lalsaii chu ka en leh a," a hma chuan Delhi ah lehkha zirin a awm ṭhin a,thu a awih vak lo a Mizoramah a awm tam lo,a nu boralna a tuar thiam lo lutuk a,a inkhawm duh lo bâkah pawn a chhuak duh silo a, ṭha an tih angin chanchin hre phâklo a a awm nan tiin phaiah an dah a,a lo haw na a la rei over lo,phaiah pawh a zir ṭha peih chuanglo M.A a passed a,music lamah a tui bawk sia bar ah te a zai a,a zirchhuah hnu pawhin a lo haw lawk duh lo a,nikum hmasa aṭang vel chauh khan aizawlah a awm,tinge i vei zui tak tak a mi?".Phur deuh a a rawn tih chuan ka lu ka bu nghat,a lo eeehhh vak

Kham lo deuhin a bula insawn sat sat pah chuan ,"a nih Rosy-I kha" ka ti sap mah se a hre thui vak lo ania'ng a hma a a sawi bak kha sawi zui vak tur a hrelo,a nu chungchang vel kan sawi lai mekin an rawn ti thla buan buan a kan hawi phei chu ball an lo ti lum lek niin tunṭum chu min fu tawh lo hlauh mai, Abrahama ka hmu zui nghal zat min rawn nuih suk pahin,"Saipui ka phei mai ang aw",a tih chuan nu mapuii room aṭanga lo chhuak chuan Abrahama chu a rawn be luam,a duat hmel khawp mai,lalsaii pek chuan," u ab ka thiannu hi min thlah sak la a tlai tawh sia bike ilo keng tho em? I buai loh bawk chuan," a rawn ti zat zât lalsaii mai mai chu awww,haw lam pawh kan la sawi tawp silo a,thidang se min ti mawni le, Abrahama chu en pawh ka en ngam tawh lo, lalsaii zawhna chu a chhâng tawh dawn lo amaw ka tih hnuah nuih rik hak pahin,," khawi vengah?"a rawn ti khauh rangtawkin saiin Ramhlun a lo ti vat awiii hrehawm e saizampuii over dan hi chu aw.


Lalsaii chu ka sik ngar ngar min la en duh miahlo zui, Abrahama a rawn ṭawng chhuak leh hlawl,"lo kal la mate" a rawn ti hlawl.

Ka va han nasa lo tak êm,nuam si awiii zak siin ka awm,lalsaii lah chuan mit mi rawn siai zeuh, chêt pawh ka chêt hmain ka thil vek chu ka bag ah a thun sawt sawt a min nawr chhuak nghal daih,
Nu mapuii pawh ka bye ṭha hman lo,kan chhuah dawn chuan,"ka ball hi keng mai la a pawi em mate?" A rawn ti leh kher a over reuh lutuk hi ka vei zual dawn tih ka hre kar,a zei ka ring nghal tawp engkimah eis.


A bike hnungah chuan a ball kengin ka ṭhu ta rân mai,ka lawm a ka lawm lo tiang tur tih hria ila u Mami (ka u) perfume roh lutuk kha ka lo hmang ru l a ni.

Kan tlanchhuak chu lalsaii chuan ban vai vak vak chungin min thlah liam a,haw kawngah chuan kan inbe mang miahlo,a tlanchak deuh a ,"i hlau em", a rawn tih zawk bak chu.A bike chu chuan a hrehawm pawh a nilo,ball kha a tlâk ka hlau lutuk a ka ṭang ṭunga a hrehawm zawk,kan in kawt kan thlen chuan ka signal zeuh a ka chhuk pahin,"ka lawm e" ka tia ka lût nghal vang vang,a thusawi hun pawh ka nghâk lo.Kawngka ka hawng chu ka nu leh ka pa in TV an lo en a,mami chu roomah a awm a nih ka ring,ka nu in,"mami kha tu ball nge" a tih chuan awi a ball ka keng lût daih,mite pawh han hrilh ve âwm ti ila ka lût tlang daih bawk si tinge ka theihnghilh kher kher le a hrehawm thei eeee ka nu en pah chuan "pawnah sâwn a lo awm a ka lo pawm lût daih,miin an theihnghilh a niang" ka ti ringawt a awih chu ka ring chiah lo.

Chaw eikhamah lalsaii chu ka va bia a a nawm leh nawm loh min zawt sek,nuam pawh ka ti duh lo min ṭhawng lutuk a han phur chiam dan ka hrelo,ball chungchang chu ka hrilh a,a number min rawn pe nghal ringawt,aman be tûra ka tih pawhin a duh miahlo misualnu hi.



Hreh tawkin zan dar 9 velah ka va "hi" mah se min seen miahlo 9:30 velah chuan ka beidawng tawh mah se mi status vel ka en laiin a rawn "hello" ve hlauh, seen nghal ka hreh mah se a ball ka kawl daih sia tiin rang mangkhengin ka va reply "ball kha ka nia" tih ringawt ka va thawn,ka chhiar nawn chuan awiii ka sawi diklo hulhual, delete ka tum a a lo seen hman tawh si, hringnun han hrehawm zual zia hi a nui lai emoji panga vel a rawn dah a a rawn typing nghâl zat......



Cont....