KINDER JOY chapter - 5

[EmilyPachuau]

" ka hrechianglo ka nu te sawidan chuan Rosy-I kha a chhungten mipa hausa deuh an neih tir an tia,an lo buai ru ve reng a ang inruk an tum a Rosy-I chhungten an lo hre sia inhmuh leh chhuah vel an phal tawh lo a,a phone te an lâksak an tia" a rawn tih chuan a mak ka ti angreng,tun anglaiah tiang mi hi an lo la awm ang tih ngaihna ka hre miahlo,tinge Abrahama chu an duh loh em em le,an hausa ve tho sia,drama tam tak a awm ngei ka ring.



Zîng ka tho chu Sunday a ni sia inkhawm tûrin ka insiam nghal,ka kal hma deuhin call ka dawng Abrahama hnên aṭang,ka puan bih ṭhat sawk sawk pah chuan ka pick a,

"pawnah ka awm,ball chu min lo pe la",

Phur falua ka nilo bawk a umm tih zawnga chhangin ball chu ka pawm chhuak hnâ hnâ,
Kawngkhar ka hawng chiah chu Abrahama chu hmai khem deuh nuau hian a bike nghêngin a lo ding,ball va pêk pah chuan "tihpalh aw,ka lo theihnghilh daih a" ka ti zuih rêt a,


"I mutui em" a rawn tih leh daih chuan mak ti deuha amah chu en pahin ka umm leh tawp."i inkhawm dawn a mi?" A tih leh chuan "aw" ka lo pawh leh vat a.

Hetianga ka inchei a hmuhte chuan ka inkhawm dawn tihna a nimai a,inzawh chi pawh a nia mawni le,chhaw reuh mange.

Min chhang zui tawh lêm lo chuan a t shirt hmalam chhunga a ball dah zeuh pah chuan a in turn a a kal daih,eng emaw tal te pawh sawi ve âwm,a vân polite lo tak Abrahama tih ve si, Abrahama ngêng chi, Isaac-A pa Abrahama nen chuan an mizia a inanglo teh ang chu.

"Bible zirtirna tel miahlo a fate hming Bible a mi phuah hi chu ah" tih zui sap pahin inchhungah ka lût a,u mami'n min lo man nghal chat mai kawngka ka thleng chiah chu

"Khapa kha eng nge a rawn tih" a tih chuan thil awmdan vel ka hrilh a

"Hnaih tam suh" a tih zawm zat. Zawhna dang ka neih leh hma chuan min kalsan daih,chaw kan ei a,inkhawm tûrin kan chhuak nghal.


Inkhawm bân veleh ka momo duh deuh lei tûrin kan biakin chhakah chuan ka peng leh nghal a,rei fe ka nghah hnuah sawmthum man tlawng ka chang ve hram,nghah rei ve nen a va han ho ber,mah se a tui a,ei hrim hrim kha a manhla ti in ka inhnêm chawp.

In lam ka pan chuan mi pawh an lo tam vak tawh lo,kan in thlen hma deuha Abrahama leh a ṭhiante lo ṭhu khawm chu ka lo hmu mai lo, tlangval hawklak lêng turah ngaiin kal pelh mai ka tum chu "tluangbawih" rawn ti ri ka hriat avangin ka hawi let zawk a,

U Henry-a a lo ni,kan veng mi hausa fapa awm ṭha duh vak lo a nia,a hmelṭha khawp mai a ni pawh,ka en vung vung hnuah "bye" a tia a nui suk, Abrahama pawh a lo kiai tel suk chu ka mit sir
chuan a hmu reng mahse ka hmulo der, nuih let sak pah chuan ka kal daih,mipa dang âw in "tunge a" a tih chu ka hre pha reng mahse ka ngaihven duh lo chak tawkin ka lim puat a kan in ka thleng nghal.

Ka thil lei chu ka ei nghal mawp mawp,mah se ngaihtuah chhuah ka nei tukina u Mami sawi kha,eng nge a awmzia ni ang le? Tinge hnaih lo tura min tih le? Ngaihtuah neuh neuh chuan ka bo telh telh aaaa ka ngaihtuah tam peihlo ho emai.


Zanah lalsaii nen reilote a bialpa chungchang kan sawi a, ka mu nghal.

A tûk ka tho chu ka phone ka en nghal zat, routine ka en chuan first class chu sir mj-a class a lo ni.Boring leh dawn
Sir mj-a hi a hming tak chu sir Muanpuia a ni a,modern history min zirtir laiin Michael Jackson a sawi daih zel a chuvanga sir mj-a Michael Jackson-a kan tih phah inan phei chu an inanglo nasa,a dul a kiar reuh si.

Ka kal dawn ṭep ah message ka dawng hlawl, Abrahama hnên aṭang,"morning" a rawn ti,ka reply châk viau a chu ka hreh deuh avângin chat pawh ka open lo.

Bialnu a ṭhen zo ve chiah sia nula dang min han be leh nghal ahhh a lerh loh ka ring ta lo,class ah lalsaii ka hrilh chuan a phur khawp mai, reply rawh tih leh ka phone phih thlâk a ruala,a type ta nghal zat zat mai,ka hmuh rual chuan lâksak ka tum a a lo phallo nasa,kan inchuh hrep hnuah ka lâksak thei hram, ka'n en chu leh, "vawiinah min lo lam kan ban hunah" tih hawrawp kim manglo leh inpawlh sual nawk chunga in type chu a lo in send,kan inchuhna lamah khan tihian a lo in type a nih dawn hi,ka zak lutuk chuan ka delete hma in Lalsaii chu a hnungzang ah ka beng ri awk.

Ka delete tur chiah chu a seen hman,a typing zo a message lo thleng chu "dar engzatah nge in ban" a rawn ti.

A phone hi a bih nileng ṭhin amawni a van seen rang em em,ka be châk ve tho bawk si chuan "3" tih ringawt chu ka thawn a "ok" a rawn ti.

A hman tihna nge a lo nih tak chu a tihna,a awmzia ka hre lo,lalsaii ka ngei si ka lawm bawk si awmngaihna ka hrelo ,ka reply na a lo hmu ve bawk nen min chhaih reng.

Min duhpui nge ngaihzawng ka neih ve hrim hrim a duh pawh ka hrethiam tawh lo.

Class kan bâng Gate kan pel chiah chu gate sir aṭang "mate" rawn tih rikna lam kan hawi chuan Abrahama a lo awm, awii a lo kal tak tak,lalsaii chuan min lo kheuh ngar ngar, a bike chahbi min hmuh zeuh pah chuan a mithmul a ti kâng euh a,

"Saipui i thiannu chu ka lo thlah leh mai ang aw vawiin pawh" a tih leh chuan phur fahranin lalsaii chuan " i bul a ni hlauh a ka phal mai ang" a lo ti nghal pang


Abrahama chuan a dar sân ak pahin min lo en a,ka zui leh hne hne mai.
Kan inphur chhuak chu a ni leh ta reng mai, vawiin chu jogger pants dum chungah t shirt grey a ha a,air max a bun tel bawk,a inhmeh ngang mai,ka lo vân chîk kher kher bawk ve mawle

A hma ang bawkin kan tlan chhung chu kan inbe leh miahlo,nuamlo thei si.

Kan in kan thlen hnu chuan ka chhuk tharh a, kûn deuh lap chûng chuang,"saii a â lutuk a,a lo text che a ka phone aṭang khan" ka tih zuai daih hnu chuan a ngawi vang vang a, a rawn nui ri zui hak

"Ka phurh nuam i tih vângin min lo bia amaw ka tia" a tih leh chuan

"Teuhlo mai" ka lo ti vat

"A nuam chiahlo a mi" a tih leh chuan

"Teuhlo mai" ka lo ti leh

"A nuam tho tihna mi" a rawn tih leh zel takah chuan

"I ho e a" ka ti leh ringawt,

Min en deuh vang vang hnuah "ka kal phawt mai ang,thingpui in i phalloh hmel emai" a tih chuan chhan dan ka hre leh tawh lo,a in turn a ka bulah a lo din leh chuan ka chhîp a chûl zeuh a

"bialpa i nei tiraw" a tih leh chuan

Ka lu ka lo thing nasa mai,
"Ka hre reng sia" tih pahin a tlanchhuak zui nghal daih.

Inchhung ka tlân lût chu ka phone a ri zui nghal zat,ka en chuan lalsaii a lo ni. Missed called 3 lai a lo awm tawh,
Ka pick up nghal chu,a lo ehem vak, a thil min rawn zawh vel lah chu a ho si,a tlanchak em tih vel mai mai, rei vak lo kan inbiak hnuah noodles ka chhum a ka ei zawhah room-ah mu hahdam tûrin ka lût,ka WhatsApp ka en chu engmah pawh ka dawng lo, Abrahama status ka en leh nghal zat,an band pic ni âwm deuh hi a lo ni a, caption a "today" tih Tlawng a hmang

Tlangval senior status ni âwm tawk vel lek a ni,hla ngaihthlak pahin ka let ka let a,vawiin ka ngaihtuah chuan ka hlim lutuk chu ka khumah ka per et et reng mai.

Rawngbawl tûrin ka tho a, chawei lai te chuan ka lo kiai leh suk ṭhin,ka nun a chhan min zawh chuan ka lo enliam tawp, u mami erawh min en chîk khawp mai,tinge mawni.


Mut paha phone ka khawih leh lai chuan Abrahama message ka dawng leh,minute 5 vel ka nghah hnu chuan ka open a,thlalak a lo nia,samzai sei ve deuh pakhat Tlawng hi a ni.

Min thawnsual a nih ringin ka reply lem lo a,ka seen tin a hmu a nih ka ring a rawn typing ṭha leh,

"Tun ṭum chu i sam min hnutchhiah a,a lehpekah i thinlung em ni ni ang" a rawn tih chuan

Zaklo hi ka ti reuh lutuk a,ka nui chhuak leh hak, "i mumang" tih ka va thawn a,a seen leh ta mai lo chu ka lo muhil chhunzawm daih.



Cont.....