KINDER JOY chapter - 6

[EmilyPachuau]

Ka phone ri in tukin chu min kaitho,ka lo silent theihnghilh daih a nih dawn hi,meng chiangkuanglo deuhin ka "hello" a
Lalsaii'n

'vawiin chu ka nuam vak lo a,ka lo kallo ang,min lo kan la bânah eitur tu deuh hlek nen' a tih chuan ka down vek,saii chu a damlo khât a,a khua a sik hluah te a nih loh chuan class pawh a ṭhulh mai mai ngailo,a ni meuh a kal peihloh chuan a na ve hle turah ka ngai.

Aw ka lo pawh thuai a,vawiin chu ka lung a van lêng leh pek dawn ve,saii tello chuan ka khawvêl hi a nguai a,ka zuai a,hlimna rêng ka neilo.

Class pawh chu rin lâwk ang ngeiin a boring khawp mai,lawmno-a ka bulah a rawn ṭhu nileng.

Lawmno-a hi saii te veng a mi tho niin tlemin an in a inhlat deuh,inkawm tam lo mah ila kan innel thawkhat ve viau,tlemin a tuai deuh a a ṭawng no thei phian bawk,a nuih hian a nui liam ve mai ngailo mi hi a chûm deuh sawk zela,mipa na na na chu mipa thâ in min chûm ṭhin si a,a ni hlim leh lawm a a awm laiin a bula awmte chu kan lo ṭhen leh tlawk tlawk zel,pa taka awm zawk a ngai ṭhin lawmno-a bulah chuan, hmeichhia pawh pa tak leh rorum takin intisek chungin kan awm ṭhin,thil lah hi a hre thei em em leh nghal,a mah tawp hi phone neilo tan chuan social media anga chak par par ang hi a ni,Aizawla awm si lunglei lama thil thlengte hi a hre thei a nia âw,a fel bâkah dawt tlem a sawi tel ṭhin a,a la sawi thiam em em zui,amah hre ngai vaklo tu nen inkawm se a thlawh theih thu sawi bawk se, awihlo hi an tam lo ang, chutiang khawp chu a ni ve.

Nilenga lawmno-a bula ka awm chu ka chau hi a ni tawp,chauhtometre full in ka chau,a ṭawng ka rui a,min chûm chau a,min ṭhuai chhum lek lek ni maiin ka hria, darkar 6 zet chutiang ka tawrh hnu chuan lalsaii tlawh tûrin an veng lamah ka tlang a, lawmno-a pawhin min zui,nizân lama an vêng YMA thil tihna vel min entir a, Abrahama ka hmu nawlh mai,hrelo âwm ang deuhin

"Hepa hi tunge"
Ka lo ti chat,a han sawi tak tak alawm le

"Bialnu a nghet a nei a tunhnai mai khân an inṭhen a,tunah rih chuan a single mek mah se a single rei ka ringlo a ni chu a luck a,star tu pawh a ngah bâkah an hausa a,a lar ve sia, veng dang nula star tu pawh an tam mai mah se,an chang ngailo ang"

A tih zuah zuah hnu chuan mak tih hmel deuha amah en pah chuan,

"Timaw"
Ka lo ti ha a

"Keimah nen kan inngaizawng dawn,ka message a reply hun chiah ka nghâk tawh"

A tih chuan ka chil ka phuhchhuak lo chauh,ka nuih vak chuan a titau ang nga a sawi thui duhlo ang tih ka hlau bawk si,nuih insûm deuhin a mizia vel ka zawt leh a

Lawmno-a bawk chuan

"A sual ve hi a ni tawp mai,min treat dan aṭang hian ka hre thei,min reply duh miahlo mah se beidawn ka tum chuang lo taaaa mawwm,
A bialnu hlui lalrosyi dei duai kha chu a duat thei khawp mai, khatiang vun ngo inhnawih sen satliah kawr thawleng deuh deuh ha, pheikhawk bun sâng thei si,biak dawn chuan lo chhuk phawt la tih ngai tur an chi a duh tlat a,kei ka awm reng laiin,khanu per pur kha,ka ngei a nia"

A tih leh zek hnu chuan zawi deuhin
"Chuti teh lua a nih loh kha,a phu lo che"

Ka lo ti zaih

"Nangpawh in ṭha i ti a,a chanchin min zawh chat kha"
Tih pahin a infak zui leh chiam,a sawi tam hma in saii te in kan thleng hlauh,khati em em a saii te in hla tih ṭum kha ka la nei ngailo,mah se chanchin tlem ka hriatbelh a a hlawkthlak khawp mai,nizân ka message a reply lo tih mai loh chu han iai na ka neilo,


Kawngka pawh kik miahlo in ka lut thawr a,u rinpuia a lo hawi phâwk vak,

"Khawnge saii?"
Ka tih chuan a mitko sânin a room awmna lam ah a mit chu a ti che ralh a,ka lût ve nghal.

Lalsaii chu a lo mu hlun,ka va be deuh luam a,a damloh dan vel a sawi pahin a bialpa nen nizân lama an inhauh thu te a sawi a,kan ti nek nek chu ni a liam ṭep avangin haw tûrin ka ding deuh hluai, saii'n kawngka bul thleng min thlah chu nu mapuii chuan choka ṭanga chhuah pahin

"chaw lo ei ve law law rawh,bai sial deuh ka siam a nia "

A tih leh tâkah chuan kei lah thlêm sam,ka âw ve leh tawp,ka nûte ka dil a,ka awmna chin an chian avangin an lo phal ve mai bawk.

Chaw ei laiin lalsaii chu chhuah pawh a lo chhuak peihlo,kan eikham vek hnuah lalsaii eitur a hranin nu mapuii chuan a siam a,nu mapuii hi chu awww a va han fel tak êm.

Dawrah eng eng emaw lei tûrin ka chhuak ve nghal daih,saii te in aṭang dawr hi tlemin a hla ve deuh a,ke chuan minute 10 kal vel,hmun thim zual deuh bik lai in ruak awmna hi a awm a,u rinpuia pawhin "

"ka kalpui ang che a hlauhawm si hmeichhe tan mahni a kal a ṭha ngailo,mah se bathroom ah ka'n lût lawk "

A ni bathroom awm nghah te chu,a rei lutuk a mutbu pek tawp mai a châkawm ṭhin,
A lût chiah kha ka chhuak ru nghal daih kha a nia, ka hlau hran lo,kan veng pakhat zawk tlukah ka ngai.


Ka kal zel a thim lai ka thleng chiah chu mipa âw thum deuh hian "mate" a rawn ti a,ka kal lamah a reh phei sia ka hlau lutuk chu ka phu dawrh mai,ka thlarau pawh hi a phir vek ka ring, "thlahrang" tih vak pahin ka tlan lêt leh a


"Lalruattluang,keimah Abrahama mi â nu"

Rawn ti hluk ri ka hriat chuan ka ding dat

"I bike ka hmu hleinem,eng nge khatiang thim lai laiah i tih a,inthawi i tum a mi? U abra'"

Ka tih leh chuan

"U Abra" a ti ve sup a,"khawnge i kal dawn"
A tih zawm nghâl,

"Dawrah sâwn ka kal lawk dawn a,tan min lo veng ka lo let leh nghal ang"

Tih pahin ka kal daih

"Heta ṭang engtin nge ka ven phâk che ang nga" a tih leh chuan ka chhâng tawh lo,
Ka kal nal nal


Ka van hlau hman ve, engtinge ka hmingpum te a hriat le,eng nge khatah khan a tih le? Aaa zawhna ka vân ngah,keimah chuan ka chhâng sêng silo


Ka leitur ang ang ka lei zawh chuan ka let leh a, u Abra awmna chu a lo reh khiap mai,a awm tawh lo a nih dawn hi ti a kalpelh mi ka tum chu mipa inhnit ri hrawih thawm ka hria a,ka thlêk let dêk dêk,chuanglo ruai a u abra lo ṭhu chu ka hmu,a mit a hru zauh zauh bawk,a Jacket a lo phelh a, ṭhut chhan atân a hmang a ni maithei

Tihngaihna ka hrelo,ka thlêm châk bawk si chu a bula zuk ṭhut ve pahin

"Bang tawh la,hei KINDER JOY ka pe ang che"

Naupang thlem ang deuh a ka tih chuan a rawn nui nghawr dat

"Chu chu eng nge' tih pahin a mit a hru zuai a ka lam a lo hawi,mah se a thim êm vângin a hmel ka hmu chiang theilo,ka kut a ka thil ken artui pian ang tak a chhûnga chocolate leh toys chhawm awm chu ka pe a
A ngaihna a hriatloh hmel khawp mai

"Hawng la" ka tih chuan seh hawn mai a tum,

A zeilo hle mai "khawi" tih pahin a kut aṭang chuan ka lâksak a,ka hawn sak pah bawk,eitur awmna lam chu ka Eitir a,

"A tui em"
Ka tih chuan

"A thlum"
Tih ringawtin min chhâng,mah se a ei zo vek,tui a ti a nih ka ring
A zo mai dawn a maw a ti a niang a ngawi vung vung a,toys awmna lam chu ka kheh sak leh,a chhûngah hmeichhe lem a lo awm daih,ka ta tur a nih a vângin hmeichhe ta zawk ka lei kha a nia,tunah tlangvâl ṭhankin inla sek lutuk mai hnênah ka pe daih sia,a inhmeh ta lo khawp mai,

A thim deuh avângin phone light chuan ka ên a,

"Kha i pawhfuh" tih pahin ka hmehbel chawt.

Mak a tih hmel khawp mai

"Hetiang a pa lo emai ka pawh sak che ni mai rawh se" a tih leh chuan

Thawk lak vak pahin ka phone light chu a mah chhun nan ka hmang a,a mit a chhing sawk,mah se a mit chu a bui deuh tih ka hmu thei

"Ka pe tawh che a,i ta alawm"

Ka ti ve tlat,lawm loh hmel deuh hian chu milem chu a kekawr ipte ah a ak vei ṭat a,ka nuih a za ru khawp mai

"Nangmah ka pawtfuh châk daih zâwk che asin mate" thawp sata a tih leh chuan
Sec 30 vel ka ngawi dat a,

"Bialnu ṭhen hlim ve si han lerh "

Ka ti thawr,

"Ka nei tawh chuang hleinem " a ti liam puat a,min en deuh kar mai,

"Tak a" a rawn tih hluai chuan ka phu leh deuh zuk mai

"Mawla, ṭawng thut thut mah ta che"
Ka tih leh chuan


"Kan awmdun a,kan inbe ve reng a,ka ṭawng thut loh kha,zatluang"

Tih pahin a nui ri kher


Cont..

Saturday leh Sunday chu ka chawl dawn e