ʙʏ- 𝘉~𝘔𝘢𝘭𝘭𝘰𝘸
"Georgia, i tello chuan engtin nge ka awm ang, khawngaihin in ngaihtuah tha leh rawh" Tiin ka bialpa ni mek, Harvey chuan min tia, a mah ka en ringawt pawh chuan ka khawngaih, mahse amah nen a inkawp reng chunga midang daih ka rilru mai pawh nilo, ka thinlung chhung thleng a dah chung chuan ka kawp lui thei ngang lo ani.
"Harvey, tihnat che ka duh lo ka tih kha, kan kal thui hma a kan inthen a ngai ani" Ka ti deuh sap a, Harvey lah chuan thawk a la deuh halh a, khua a vawh tawh avangin a thaw khu leh thin bawk.
"A chhan sawi rawh" Ati chang rat a, engtin nge kei hian ani lo duh ka nei tih hi hrilh se min tih a, "Ani kha ila duh reng ani tiraw" Kan ngawih dun vang vang hnuah a ti leh a.
"Tu maw??... Ah... Teuh lo, Noah te chuan kawppui tha tak a nei tawh lawm" Ka ti nghal zung zung a, "Anih si chuan engtin nge min pehhel char char theih, sawi rawh" Ka lam pang a rawn hawi a, thudik hrilh ta ila, engtin chiah nge min ngaih ang?
Tiang rêng hian min duh ka ring ngai lo sin le, a hma te kha chuan Noah ka theihnghilh nan khan, amah ngei ngaizawng turin min hrilh kha ania, tunah ka theihnghilh phah chuang der lo, a awmdan zawng zawng ah Noah zel ka ngaihtuah chhuak ta zawk chu ani sia.
"Noah theihnghilh nan chauh a min ngaizawng tura ka tih che kha ila hria em?" Ati halh a, melh pawh ka melh duh tawh lo, mahse ka mit sir chuan min la en reng tih ka hre thei.
Ka bu zeuh a, "Ka theihnghilh tir thei chuang lo che a... " A ngawi leh a, engtin mah ka chhang duh tawh lo, ka inpuang ani ringawt dawn.
"Gigi, lungngai suh, tu te pawh mai hian mahni hma kan sial vek, thudik min hrilh la ka kalsan ang che" Chu thu a sawi chuan ka rilru ka insiam fel chiang hle in ka hria. Thudik hrilh a, Harvey hmuh theih loh a awm ka thlang ta ani.
"Nie, Noah hi tun thlengin ka theihnghilh thei lo, ka hmangaih ani, Harvey, ka tana min tihsak zawng zawng te kha ka theihnghilh tawh loang, tiang thu hi hrilh che ka duh ngai lo, i theih tawk a liam in min buaipui a, zanrei a ka buai chang pawh in engmah sawi kawi loin min pui zel a, khatiang ani chunga Noah ka theihnghilh thei lo hi kei ngei pawn mak ka ti, tiang ka hrilh che hian i rilru ka ti na ngei ang tiraw, mahse ka zep lahin i chungah ka inthiam thei siloa, ngaihdam dil tlak che pawh ka ni lo tih ka hria, mahse tuna chinah i hma ah ka lo inlan tawh miah loang.
Nang chu i tha lutuk, in sit ngai lo la, kei aia tha hmeichhia, nangmah hmangaih let tu che ngei chu tawng turin duhsakna ka hlan a che, ka kal phawt mai ang"ka tia, ka insut deuh hrawih a, Harvey chuan nghet zetin min lo kuah a, "Gigi, ka hmangaih reng tawh ang che, ngaihdam min dil ngam lo a maw, ka lakah inthiam lo duh reng reng suh, engtikah mah ka kalsan ve loang che, engtik hunah pawh lo let i duh anih chuan ka pawm thei reng ang che, in enkawl tha ang che aw" Tiin ka lu ah chuan a tuai vut vut a,, a in la hrang ta a.
Kha mi chinah bak kha chu kan inhmu tawh lo vang vang a, thla khat teh meuh mai kan inhmu tawh lo.
Noah hmuh tumin a a partment lam ka pan a, mahse a bialnu pawn a a thlah lai chu ka man fuh leh hlauh a, chu zan chuan ani he khawvel a hreawmna min siam lian ber tu leh, inchhir reng reng a ka nun ka hman chhoh tak na chu.
Noah te chu ka thlir reng a, an inhau tih hai rual anilo, a bialnu lah chuan ngaihdam a dil ngawih ngawih a, Noah ve thung chuan a hmaah inlan tawh lo turin a hrilh a, a lut zui ta daih a.
A hmeichhia chu a kal lawk loa, ka lo thlir ve reng a, rei vak loah phone a hmang a, minute nga hnu velah luxury car ngei hian mipakhat hian a lo hruai a, an inkiss thuak thuak mai a, chu nu mai mai chu ka Noah a lo kawp ngam ania(h) . Va hnuh chawrh mai chu ka duh a, mahse an tlan hman chiah chiah.
Noah apartment lamah chuan ka kal zui a, ka va luh chuan zu rim a nam huam a, thuthleng ah zawi zetin a lo thu a, mahse a tukhum lam chauh ka hmu thei.
"Engtin nge ilo let leh ngam a, mihring pawh i nilo, ramsa i nih kha" A lo ti thrawt a, ka phu dawrh mai.
Keimah maw ka inti hman a, "Jen, haw nghal rawh, kut ka thlak hma che in" Ati khauh charh a, "Noah, Jen ka nilo" Ka ti chu a rawn hawi, a mengbuai hman nak a, a insiam tha leh vat a, "Enge i lo tih dawn?" A ti deuh hmak. Engtik lai mahin hepa hian min lawm ngai lo.
"Zu in pui tur che in" Tih leh a lam pan ka rual a, dawhkan a zu chu ka in ve nghal bawrh bawrh a, ani chu a rui tawh a niang, a inbelh tawh lem loa, min thlir mawl tawp.
"Ani khan min kawp tih i hria em?" Atih chuan Noah chu ka melh vat a, a kamis nghawng chu a phelh kau deuh a, a necktie a pawt dul bawk, a pa tak zet, tiang reng a hmuh pa hi ka nei ngai lo, ohh,, ngawi rawh a bialnu in a kawp thu a sawi tak.
"Ka lo hmu hman a lawm, a bialpa chu i tluk meuh nange, luxury car nen ka hmu a" Ka tih chu, dawhkan a ka zu thlit sa a lem thla pap a, "Engtin nge tikhan min sawi khum theih a, min hmangaih in ti ve si in, min nuih sawh a maw?"ati chher chher a, ka kawngah nghet zetin a lamah min pawt hnai dawrh bawk, "Noah ka sawi tum ani hlei nem, ka tuarpui tak zet che sin, mahse phuba ila thei tih i hria em?" Ka tia, kei rui lungpuam ngaihtuahna mumal pu tawh lo chuan ka tia, ani in man thiam zet hian, "Ka hrethiam" Ati sup a.
Chuan 🫶
Zing a ka harh meuh chuan ka awmna chu ka hrethiam lo tep a, mahse room a lo lut mek ka hmuh chuan ka hrechiang nghal khawp mai.
"Noah!" Ka ti halh a, "In ha la, haw nghal rawh, tun bak in hmu tawh loang"ati nghal ngawt a, ka hrethiam lo tak zet, khum atang chuan ka tho thla nghal tharh a, ka taksa lah chu a na thum leh nghal a, ka zu in nasat ka tuar lo ani ngei ang.
"Noah, ka bialpa meuh kalsanin ka lo pan che tih i hrethiam em?" Ka tia, "Chung ka ngai pawimawh lo, haw la ani mai, vawiin chhunah mai hian nupui ka nei tawh dawn tih i hre ve ngei ang chu maw?" Atia, chu bak bak a, min thrawng tu ka la tawng meuh lo.
"Babe, Georgia chu a harh tawh mia?" Lo ti tu chu ka melh vat, a bialnu ngei kha ani.
Ka va hrethiam lo teh reng em.. "Hey, in inneih dawn maw?" Ka tih chuan, Noah rawn in rawlh vatin, "A hming chu Jen aw" A rawn ti, a nupui tur chu a thlavang a hauh na ve hle mai.
"Babe, i thian ang khan i sawi sia, kan inneih tur chu a va hre lo ve" Jen chuan hriatthiam loh hml deuh hian Noah chu a melh zui a, "A la rui ani mai thei" A lo ti duh lek chauh.
"Noah, sawi dun tur kan nei lo maw?" Ka tih chuan, "Bae, lo chhuak lawk la, kan be lawk ange" Tiin Jen chu a va fawp zeuh a, nizana Noah min fawh kha ka hrechhuak zawk a, ka na thar hle mai. Min bum chiang hle bawk.
Jen chhuah rual rual chuan, "Mi tenawm pa" Ka ti thrawt a, "Tenawm chu tu zawk nge, kei nge nangmah? I bialpa kalsan in min rawn thlem vel a, ka zu in kha remchangah la in, huhh,, dawt min hrilh bawk a, Jen i hmuh dan kha sawi ta ila, engtin nge a tih ang che?" Min cho deuh a min melh na chu ka ngei khawp mai.
"Nizana kan awmdan kha sawi ve ta ila?" Ka tih chuan "Min hrai rui angin ka sawi ang che anga, tu thusawi zawk nge a rin ang?"oh, eng thangah nge ka awh teh hrep ni.
" Nang hi mi tenawm tak ini, an rosum leh an thil tih theihna chauh i um niin ka hria, i tenawm tak zet"ka ti trawt a, room a tang chuan ka chhuak nghal a.
Jen lah chuan min lo ko dingin an inneihna ah min lo la sawm veleh nghal a, an inneihna tluang lo se ati mawni, "Noah hian i rosum bak a duh lo" Tiin ka chhuak zui daih a.
Ka apartment lam ka pan ve nghal a, nizan vangin ka lu chu a la rit burh a, ka chau em em bawk nen ka lu chu a hai em em khawp a.
Ka motor chu vawileh khatah hnung lam atang hian min rawn su chawrh a, ka darthlalang hma lam ka toh ri keh chhawk ri leh ka luna zet kha ka hriat hnu hnun ber ani.
∆∆
"Gigi, ilo harh ta maw?" Lo ti tu chu Harvey kha ani, engtin nge ani hi anih theih, ka lu chu a na leh deuh hlek a.
"Doctor, a lu kha ala na ani lo maw?" Harvey chuan a ti vat a, mahse rei vak loah ka pangai leh mai a, damdawiin ah ka awm tih ka hre nghal zat bawk.
"Miss Georgia, i ngaihtuahna seng nasa lutuk suh, i lu khan a tawrh phah leh zel ania, in enkawl tha ang che" Tiin nurse te nen an chhuak ta a.
"Harvey, engtin nge tah hian ka awm theih a, chuan nang pawh?" Ka ti deuh sep a, "I accident na hmunah khan i phone an chhar a, chuan min lo call a" Atia.
"Engtikah nge ka chhuah theih ang? Chuan Noah.. " Ka ti hman awrh a, a nupui neih tur kha ka hrechhuak a.
"Nupui kha a nei tawh em?" Ka ti zui zat, hahthlak tih hmel deuh a min lo en pah hian, "I rawn harhchhuak lawk loh khan thla a muang zawkin ka hria" A ti deuh halh a.
"Noah chu?" Ka lo ti veleh, "A boral tawh"tih zawngin min chhang a, " Tiang khawp chuan mi i huat, nupui a nei tawh anih chuan min hrilh tha ve mai la"ka tia..
"Georgia, a nupui tur khan a kap hlum, an inneih na an hman hma deuhin, engmah i hre lo nih hi, karhnih chhung teh meuh mai i harh lo a sin, chuan tunah hian i ke ngeiin i kal thei dawn lo tih i in hre lo ang tiraw? " Ati leh zel a, ka thudawn te chuan min thrawng hlawm lutuk a, dawnsawn dan ka thiam lo takzet.
Ka ke chu ka ngaihtuah chhuak a, tih chet ka tum a ka thei miah lo mawle, engtin nge thlen theih le? Ka lu chiah kha ka tauhin ka hre sia.
"Harvey, engtin nge a nih theih?" Tiin ka tap ta vak a, ka lu lah chu a na em em a, a thiam ang tawk chuan min hnem ve mawlh mawlh a.
Chutiang a hun hmang reng reng chuan thlakhat dawn kan awm ta a, Harvey an min buai pui char char a, ka chhungte awm lo bawk nen, ani chu ka hmang tangkai takzet a, a chungah hian ka inthiam lo hle bawk.
Harvey min hrilh danin Noah chu a nupui chuan a thil ti sual lai a man ang in a sawi a, rilru buai deuha awmin a kap hlum ta ani awm e.
Tun thleng hian ka la awih thei lo, a duh ve hmel sia, doctor ten min lo check leh chuan kan chhuah theih tur thu a lo sawi a.
Kan inpack fel vek tawh a, amaherawh chu kei chu ke in ka haw thei dawn loa, wheelchair nen ka haw angai dawn ani.
"Kan in lamah ka hruai haw ang che, ka chhungte pawn hmuh che an nghakhlel tawh viau ania" Atih chuan, ka lo hnial vat a, "Engmah i ti thei dawn chuang lo, i dam hma chu kan bulah i awm dawn nia" Atia.
Ka chhang buai tawh lo, kan ngawih dun tak rengah chuan ka kalsan dawn a ka thusawi te ka ngaihtuah let leh a, "Min ngei viau em?" Ka tia,, "Ka hmangaihna che hi a sang zawk" Ati deuh tlat mai, ngaihna awm lo.
∆
A tawpah chuan gate lian vak lo ah a tlan lut a, he hmun hi chu ka kal vawikhat na ani.
"Khawi hmun nge?" Tia ka zawh chuan an in anih thu te a sawi ve luam a, kei lah chu ka lo zam nghal em em ringawt.
Hreawm tak a ka kalsan hnuah pawh a inah ngei min la hruai duh ania, engtiang takin nge maw min lo hmangaih ang ni?
Noah... Ka hriatchhuah rual chuan a ni chu he khawvelah hian a awm ve tawh lo tih ka hrechhuak a, Noah that tu chu a nupui kha ani a, engtin tak maw a awm ve ang, ani kha chuan kei angin a hmangaih ve lo tihna ani phawt anga, Noah, ka van khawngaih tak che em!
"Georgia, i muttui a luang ringawt ania, enge i ngaihtuah a?" Tih pah a Harvey-an ka biang min lo chul sak chuan a kut chu ka dahsawn vat a, "Engmah ni loe, ka lawm lutuk vang zawk mawle" Tiin ka nui lui a.
Car atang chuan chhukin ka lam chu min lo hawn sak vat a, wheelchair a rawn nawr tel bawk, tah te chuan min thut tir leh vek a.
An in kan han luh chuan a nu leh a pa an lo awm a, a nau chu ka hmu tello.
"Georgia, Harvey, beisei aiin in lo thleng hma" Harvey nu chuan a lo ti vat a, ka bulah a rawn thu hniam zui a, na lai ka neih leh neih loh te min lo zawt zung zung a, a rilru a that hmel viau mai.
Hnung lam tangin Harvey chuan a nau a awm leh awm loh a zawt vat a, room a a awm thu a hrilh a, ko turin a kal zui vat bawk.
A pa pawh chuan min be tha khawp a, Harvey hian kan chungchang zawng zawng a hrilh lo amawni ka ti hial zawk, mahse motor kan chuan lai khan a hrilh vek thu a sawi bawk sia.
__
"Georgia, hei Rachael-i" Tiin a nu in min hmel hriat tir leh a, ka thaw a lo veng hman viau tawh a, mahse Rachael ka hmu chiah chu ka inthlahrung zawt zawt a, theih nise haw daih mai ka duh.
A mitmeng fiah fel tak leh fin hmel zet, rum deuhin a meng leh nghal a, a nel awm hlawl loh, naupang phei chu ni ila, ka hmuh avang hian ka tap thei hial in ka ring.
Min chibai tha ve mai a, "Ti khan lo in kawm ula, ei tur ka lo va la ang che u" Tiin a nu chu a kal leh daih a, Harvey lah khan kan thawmhnaw room lamah a dah lut ve daih a, ka zam zia chu aww,,, midang chu awm ve se tiang em em hian ka zam lo ang.
"Thei chu ni ila, he in atang hian ka pet chhuak nal nal ang che,,, i ngam pa reuh zawk ka ti, khati khawp khan ka u kha i hnawl in i bum ania, i lo tenawm khawp mai, hetiang a piangsual a Pathian in a siam che pawh hi ka dem miah lo, Noah kha a thihdan te ka lo hria a, chupawh nangmah vang bawk, mi inkar a i tlak zeh bakah, kut lo in tual i that der chu ani bawk sia, thlamuang deuhin i mu ngam dawn em ni? Georgia Smith?"ka hma takah chuan a rawn ding a, chhan ngaihna pawh ka hre lo, keimah tawp hi ka hreawm a, thih daih mai ka chak ani.
"Noah kha keimah vang ani lo" Ka ti ringawt a, a ner deuh sawng a, "I hre lo amaw? An inneih hma zan a in thil tih te kha? A nupui tur ni ta la engtin nge i awm ang, i thi lo kha lawm hle zawk rawh, ka u vangin i nun a him hlauh a, a dawt leh ah chuan ka u pawn a chhan theih che ka ring tawh lo ania" Ati leh a, rapthlak ka tih em em zia chu, ka lu te hi ana ut ut a, kha accident a ka lo thi daih lo te kha ka ui hnuhnawh khawp mai
Zan lamah chuan room hran ah ka awm thei hlauh a, chupawh keimahin ka mu thei loa, Harvey chuan min buaipui vek a, an inah chuan ka him zia te min hrilh mawlh mawlh a, ka in ang chiah a min entur in min hrilh a, a nauin min tawngkhum dan hria se zawng, heti mai ani bik teuh lo.
Min kalsan dawn chuan ei tur ka khum bulah a dah vek a, apple pum te pawh a dah nuk mai, ka riltam chu a hlau ve anih dawn hi.
Mahni a awm ta na fam chu ka inngaihtuah leh chet chet a, kha zan khan tiang khan awm lo ila chuan ka hmangaih hi ka chan kher in ka ring loa, tuna ka awmdan zawng zawng te hian ka awm pawn ka ring hek lo.
Hun kal tawh ania ngaihtuah loh tum pawn a hreawm, ka beng te hi a rawn ri vak vak a, enge a sawi tih lah ka hre thei loa, keimah hi ka hah tak zet, ka duh tak ka that na chuan min hmet chau hnuk a, awmdan ka thiam lo, ka mengchhuak pawp a, a la thim vek, ka ngaihtuah na ah te chuan Noah chuan ka puihna min dil vak vak a, kei lah chuan silai in ka kap pawp a, he thil hi tih tawp ka duh a, mahse ka ngaihtuah na tak ngial pawh ka thunun zo tawh lo anih hi.
Tui in tum in dawhkan ka melh vut a, thir awm chhun chemte chu a lang sar em em a, tui te chu a lang tawh lo hrim hrim.
Chemte chu ka vuan chawt a, "Noah,ka hmangaih awm chhun,ka hmangaih hmasa ber leh hnuhnung ber tur thihna in min then ai chuan ka lo thi ve zawk mai ang, tichuan ka nun pawh a nuam zawk ang" Tiin vawi leh khat a, ka ban chu ka zai ta vak a, a na kher mai, vawikhat mai duh tawk lo in vawihnih, vawithum, vawili lai, ka hmangaih Noah hmu tur che in ka lo kal ania.
*The end.*
*Ka ngaihtuahna a ka story duang te hi In ang mai a luah loh a, dah rawp ai chuan tiin ka rawn ziah chhuak ve ta ani*
Ka story ziah min lo chhiar sak avangin ka lawm em em e
