Kinder joy Chapter - 8

[EmilyPachuau]

Min tlanpui ve mai,engmah min zawt zui ta lem lo,in kan thlen chuan a hmingin thingpui in tûrin ka sâwm ve a,rinloh deuhin a lo lût nelh,
U mami awm lo se ka ti kher mai.

Kawngka ka'n lût a,a lo reh khiap mai leh nghal,ka nu chu ka lo deuh lâng lâng a, ṭhu turin u abra chu ka signal nan ka mitko ka lo san euh, a ṭhu ve mai bawk.

Ka nu chu an room aṭang a lo chhuak a,chinchang a sawi zung zung a,ka Pa pawh ngaihtuahawm lutuk a lo nilo e,u mami a lo la haw lo bawk.

"Hei i thianpa a mi"

Tih pahin u Abra chu ka nu chuan a en zeuh a,

"Umm min lo thlah a,saii cousin a nih hi"

Ka tih zawm zat,ka nu chuan a pa hmingte a zawt luam a,a hre lo ania'ng han sawi zawm tur em em a hre bik lo,room lamah ka nu'n min luh san leh vat a, Thingpui ka lum leh nghal,

Choka lama au lawng lawngin

"U abra a thlum nge a hâng"

Ka ti a,

"I duh duh a nimai"

A tih leh chuan,ka kiai sak a,ka thingpui in tur nen ṭhuthona lamah ka chawi phei nghal

A thingpui in hun chu khap miahloin ka en a,a ngaih a ṭha vak lo ni tur a ni

"Tur a tel em"
A rawn ti hlawl

Ka lu ka thing a,ka thingpui chu ka lem ri pah khawlh a,a in ve ta,a rinang a ni chiahlo a niang phâwk tâwkin min en a,thingpui chu a en leh


"A paw sia a hâng daih" a tih leh chuan

"Rinloh lama ṭanga ilo lam thut a ka rilru puthmang a nih kha,beiseiloh deuh hian i lo awm leh nawlh ṭhin "

Ka tih chuan

"Khuanu remruat a ni mahna"
A lo ti vei sup

"I lerh reuh nek ka ring"
Tih pah chuan ka ke chu thuthlengah ka hlâng nghal zat a,ka ṭhutna lam lo hawi a insiamrem pahin

"Ka rinawm tel bawk alawm"

A lo ti leh

Eng eng emaw zawh leh ka tum lai chuan kawngkapui chu a ri rak a,u mami a lo lut nghâl,u Abra a hmu tel chu a lawm vak lo aniang, room ah a lût nghal daih

"Mak ber bur ve sangpuii chu"

A tih chuan

"In inhria mi"
Ka lo tih leh chuan

"Tiang chu nimai, ka'n phei ang nge, thingpui i lum sial ropui si"

Tih pahin a ding hluai a,a helmet a khai nghal ṭat bawk

Ka ui der peih vel lo,kawngpui thleng chu a hmingin ka thlah ve a,kan invai liam zui nghal


Chaw eikhamah chuan saii nen vawiin chanchin vel kan sawi a,kan inbe rei ve phian mai,kan inbiak lai chuan status ka en mai mai a,u abra status bawk chuan ka mit a la,a room tukverh bul ni âwm tak a guitar perh a a zai lai tho a ni.

Tun ṭum erawh mama chhangte hla 'tum tawk lêng' chu a sa ve thung


"Keichu vahnuai khuanu lêng ruat rêng ka lo ni,tumtawk lêng an piang silo"

A ti chuai deuh raih a, caption erawh a dah tel lo,saii chu ka hrilh ve nghal,

"Hmannia a lo thlah che kha ila hria em?"

A tih chuan rang deuhin ka lo âw a

"Zanah khan rosyi pasal hual nen an insual a ni âwm e,u Abrahama khan a khawih na ve deuh hlek a,a ban ruh a tliak a,case an file lo hlauh,a mipa lam te khan an lo hrethiam a a vannei tawp,a rui sia pawisak a nei vak lo a nih ka ring "

A rawn tih chuan ka thin a lo phu nghal dup dup mai,a chhan sawitur pawh ka hrelo,zu te hial a in phah a,mi a insualpui hial chuan Rosy-I chu a Hmangaih hle tihna a ni phawt ang nga,a theihnghilh theih ka ringlo ve tawp,chuvang ania'ng a hmai pawh kha a khem deuh nuau ni.

"Tinge, tiangte chu an inṭhen tir kher le?"

Ka lo ti ve sap a

Saii bawk chuan "u Abrahama pa leh Rosy-I pate hi Politics an khelh ho lai khân an thu a inhmulo a,khata ṭang khan neuh neuh awm chhoin an inhmelma zui an tia, Rosy-I nen an inngaizawng tih an hriat khan a hmeichhe lamte khan an helh lutuk a,an ni an inngaihzawnna kum chuang a lo ni tawh sia,an inṭhen thei silo a,a tawpah a âwm bera an ngaihin a pasal tur an lo be tawp a ni âwm e,kumthar lamah an inkutsuih dawn an ti"

A rawn ti duah a,ka Khawngaih reuh hle mai

"Beisei chi a ni dawn lo a nih chu a"

Ka tih leh chuan

"Beisei e,an innei pawh a nilo a,han beiseiloh ngawt nachhan tur a awm hleinem,bâkah hope a pek che hi"

A lo ti leh a,thlêm sam tih takah ka lo awih leh hmiah,mah se nat ka duh tawhlohna hian na takin min pawt a,hmangaih neih ka zuam tawh lo,mah se Abra min hip dan hi chu a dang daih, hmangaih ngai ngawih ngawih hmuh hian ka hmu.

"I pa chu eng nge a an?" A rawn tih leh daih takah chuan chanchin chu ka hrilh ve luam a,phone kan dah zui nghal

U Abra message ka dawng leh hlawl,

"Naktuk aṭang chuan ka lo lam ziah tawh ang che aw"

A rawn ti khiah mai,a ve ngawt chuan

"Keimah pawhin ka haw thiam"

Ka lo ti hmak

"Aww,i thiamlo ka tilo,ka request che pawh a nilo ka rawn hrilh hria che a nih chu"

A rawn ti leh khanglang

"I duh duh Dana i tih tur pawh ka nilo"

Ka lo ti ve leh

"Ka duh duh hian ti thei che ila ka ngaihsak miahlo ang che"

A rawn tih leh chuan

"I tawngkam kha a ṭhing e"

Ka tih leh chuan

"Naktuk aṭang a nih chu aw"a tia a offline zui daih
In bialnu che deuh tawp tihna a ni maw
A nuam sia a nuam lo tho sia awmdan thiam a va har êm,min bem ta se aw ka pawh suh angem,a theihnghilh theih ngailoh tur hmeichhia a awm ve reng si a

Lalsaii ka va text leh,tiang chiah khian ka han zawt a

"Chance pek a phu alawm,i lo star sa bawk a,bâkah nangmah te a haw i Ngai tawh dawn lo a a ṭha alawm,hmangaiha theihnghilh nan pawh"

A rawn tih chuan,a sawi nawn leh hma kha chu ka lo hre tawh lo vang vang asin.

Ka mu chu zîng dar 4 velah ka harh hlawl a,ka WhatsApp ka lût leh nghal,ka phâk ang tawk hi chuan ka inhmang ve a ni.

U Abra status a lo awm leh,mipa ve si a van ngah thei reuh tak,ka view a,an band thlalak ni ngei tur hi a lo hmang a, caption ah

"kan tling ta thei ṭep e, project tam tak hlawhchhampui hnuah beiseina sâng tak nen"
tih a hmang tel a,eng emaw chu an ti dawn a ni ngei ang


A tukah chuan a sawi ang ngeiin min lo lam ta rêng a,khata ṭang khan chhum lo chat loin min lo hruai ta ziah a,u rinpuia erawh a reh hmak thung,ka ti na viau nge ni hmangaih tlâkah min ngailo,ka hrethiam lo.

U Abra min lo hruai ṭhin aṭang thla khatna chiah a ni,min hruai haw châng hian engmah a sawi zui ngailo a,a keychain ah erawh chuan ka kinder joy pek a a toys chhawm hmeichhe lem kha a lo khai a,ka nuih a za ru khawp mai, Rosy-I lam ngaihbel theih thil engmah a post ngailo a,a sawi ngailo bawk.

Chu chuan ka ngaih a ti ṭha a,a mah ah rinna ka nghat nghet a,chance pek pawh a phu ve ngei niin ka hriat phah,mah se ka duh tih tihlanna erawh engmah ka hmuh tir ngailo thung, hmeichhe easy tak anga lan ka duh lo.

Zan ah chuan min lo call ve ngei,vawiin ka test a ka tih ṭhat leh ṭhat loh te min zawt ve luam a, ṭha takin ka lo chhang ve mai bawk,minute 10 vel kan inbe ve tawh ang tih ah

"Ka ta ah ka ngai tawp tawh mai dawn che asin"

A rawn tih thut chuan,ka hamhaih a,chhan Ngaihna ka hre mai lo,ka ngawi vang vang a,ka lu ka bu ringawt he hun hi thleng ngei tura ka rin a thlen na chance erawh tlemtê chauh ni a ka ngaih kha a ni a,a tak a ka tawng ta mai hi ka la ring phallo cheu

"Zatluang" a rawn tih leh chuan,ka lu ka bu ringawt a,a hmu theilo tih ka theihnghilh daih,

"Awih,ka lu ka bûk kha,i hmuh theihloh vang maiin tikhan min lo suh,ṭahbelh".

Ka tih leh chuan a rawn nui ri hak a,

"Hei vang hi alâwm ka vei veng veng che,muttui"

Tih leh phone dah a rual a,a va sweet lo sât sât ve mawle


Cont