KINDER JOY chapter - 9

[EmilyPachuau]

U Abra nen pawh kan inngaihzawnna thla 1 erh awrh a ni ve ta reng mai,han lendun vel hi kan nei ngai em em lo,vawikhat an band practice naah min hruai ve a,chu chu a ni deuh mai,zei taka min biak a neilo a,min care za lantir nan zantin min lo call ṭhin thung.

Saii chauhin kan inngaizawng tih a la hria a,a bandmate te bulah pawh a ṭhiannu angin ka kal,han vui vâina ka nei em em ngailo,betu erawh hi chu a ngah ve thei khawp mai,han thik deuh châng a tihtauh ve bur bur chu vawihnih ka nei ve tawh a,min thlêm vul chuk ngailo rêng rêng, u mami'n kan inngaizawng tih hi hre rihlo se ka duh em em a,ka nu pawh engmah ka hrilh ngamloh phah


Vawiin ka class bang min lo hruai chu zânah an band concert naa an zai dawn vangin min sâwm ve a, ngaihtuah chiang miahloin ka lo âw hmak,min sâwm chhuak khât a,min sâwm ve chhun a lo hnial kha ka hreh ve a tin ni.

Zanah chuan a sawi ang thlapin an concert na tur lam chu saii nen kan va chhim ve a,ka nute bulah saii te in a riah ka dil a a lo phal hlauh vanga kal thei mai ka ni.

An origina hla 'rose par ' tih an sa a,he hla hi chu a chhuah tirh phat aṭang khan a hit ve a,mipui lam pawhin an lo zâwm ve dual dual a,a rûk tak chuan ka inchhuang ru hle,saii pawh a au thlêr nasa a,kei erawh intithei takin ka lo ding nui vur vur thung,ka ât hmel hian ka hre leh hnuhnawh.

An zai zo lâwmthu a sawi chuan,min rawn en kar pahin ,"ka bialnu supportive lutuk vang chauh a zanin hi che ṭha ka ni" a ti vei kharh a,saii bawkin min rawn sik nek

Hmeichhe hi chu an lo ehh" dual a,ka lai chhe pek khawp mai.

Dar 10 vela kan haw tur chu,a man ka thlah ang che a tih tlat vang khân saii'n min lo nghah pui a,a bike bulah a helmet kengin a mah ka lo nghâk reng,a rawn nui phei vur vur a,u rinpuia pawh a lo thleng phei nghal.

"I che ṭha khawp mai unaupa" tih pahin u rinpuia chuan u Abra chu a dârah a rawn hmer deuh salh a,min rawn en pah zeuh chuan u rinpuia bawk chuan, "kal ang u hmiang" a rawn ti leh a, u Abra chuan "matei chu ka lo thlah dawn a" a tih rual deuh thaw chuan hnunglam aṭang hmeichhe âw hian

"Abraham" a rawn ti tham ṭiak a,kan hawi phei rual deuh vekin ka hria,

A êng lai a rawn thlen phei chuan Rosy-I a lo ni

"Ka ṭhiante nen kan lo kal a,phone ka hman hlanin min lo haw san vek a,taxi hman mai tur ka hmu silo a,min thlah thei em?sawi tûr ka ngah bawk a"

A tih zawh chuan boruak chu a reh nghal tlawk tlawk

"Thlah tur ka nei a" u abra chuan a lo ti a,ka lo hlim ru veng veng
"Zanin chauh chu i phal mai lo em ni" ti in Rosy-I chuan ngenngawl zet hian min rawn a,

Chhan ka tum miahlo,u Abra kutah ka dah deuh tawp

Ka rinloh lutuk chuan u Abra chuan min lo em pahin

"Rinpuia hi zanin chu inhruai haw tir ve mai la,in thlenna tur a inang vek tho a,a pawi i ti êm?" A rawn tih leh chuan,ka thinrim a,ka rilru a na a,chhan dan tûr ka hrelo a,ka ngawi reng mai.

U rinpuia chuan "mate kal ang u,a nih phawt aw unaupa" tih pahin u abra dârah chuan a beng ri deuh thuk a,saii nen a kan inkârah chuan lo kalin kan dârah min kuah nghal,
Kal mai a tum chu ka ding dat a,u Abra chu helmet pek pahin u rinpuia ban chu ka la thla a,ka kal deuh nghal pawk pawk a,ka pen duhthaw hle,engtia rei nge dingin nge ka kal ka hrelo,

"Tluangi" tih ri ka hriatna lam chu ka hawi vat a, lalsaii'n ban a lo vei lauh lauh,ka lo ngaihtuah bing deuh nge ni car dahna ka lo kalpel daih chu niin,ka ngaihtuah ber ka hre bawk silo,zanin zet chu a mi den a na ngat ngat khawp mai,thlakhat erh awrh kan inngaihzawn hnu hian vawikhat pawh Rosy-I lam a sawi ngailo a,ka theihnghilh tir ta ah ka inngai a ka lo lawm ru em em a,mah se a lo lan loh vanga lo sawi ri ngailo chauh kha a ni zâwk reng si.

Haw lamah pawh saii'n min be ṭawng zo meuh lo,u rinpuia pawh a ngawi ngul a,a nuam lêm lo khawp mai.

In kan thle chuan saii room a tlang nghal mai ka tum chu u rinpuia chuan

"Mate hei min lo zâwn pui lawk"
A rawn ti a,ka let leh mai bawk

Sitting room a,dawhkan lian vak lo chu ka zâwn pui a,a rih loh nen heite chu amah pawhin a zo âwm reng sia,a room a rem fahrana kan hûn hnu chuan chhuah leh mai ka tum a,

"Abrahama nen in inkarah awm a awm em ni?"
A rawn tih chuan ka lo phu deuh zawk,inher pahin
"Awm tawh lo dawn hnai a hriatna ka nei"

Ka lo ti ve mai a,

"Ilo lêt duh phawt chuan i tan hmun ka nei reng a nih a nih phawt muttui" a ti leh a,ka chhuak zui nghâl,saii chu a lo intifai zo deuh chiah a hmak phih tûrin a bathroom lamah ka lût ve nghal,ka hmai ka phih fai theih ang hian ka ngaihtuahna te hi phih fai ve theih ka châk khawp mai.

Ka chhuak leh chu saii chuan a mutna bak a âwl chu lo ben thak thak pahin mu tur chuan min sâwm a,

"engmah ka sawi châk lo" tih paha mu in ka inlukhup nghal daih,saii chuan min rawn a a,rei vaklo hnuah a muhîl zui a ni ngei ang a thaw ri sâk sâk ri chuan a zia ve nghal zat,kei erawh ka mu theilo,u Abra te mawlh ka ngaihtuah a ni,lo tlanbo ta daih se engtinge ni ang,ka tuar nawn duh tawh lo.

Zan dar 12 pelh hretah chuan u Abra chuan WhatsApp ah min lo text a

"I mu tawh em" tih tê a lo thawn

Ka seen duh miahlo a,mah se call ka dawng zui nghal

Ka pick lo bawk,a lo call leh tak zêlah chuan a vawi 3 na velah ka pick hram a,
."i thinrim pawhin ka hrethiam che".

A rawn ti deuh tawl,a mah kha hriatthiam ngai a awm zâwk chu a ni reng sia

"Kan inṭhen dawn pawhin hmeichhia vang ni suh se"

Ka tih leh chuan

"Ṭhen tumna che ka nei miahlo,zanin kha chu"

A tih leh rualin

"Mi pahnih tana hmun siam ah hian lêng lo chunga tel ve tumna ka neilo"

Ka lo ti leh hmak thung,

A thaw ri hak a,"a thleng tawh lo ang" a ti sup

"Thleng nawn lo tura ka duh ber te zîng a mi a ni rêng a ni"

Ka tih leh chuan,"naktukah class kal tûrin ka lo hruai ang che,ka tihpalh aw, Rosy-I nen kan inkârah engmah a awm tawh lo a nia"

A ti leh a,phone ka dah hmak,

Insawifiah leh tho tur chuan atir aṭanga insawifiah ngai a awm lo mai tur alawm.

Mut mu pawh tuah ṭha lo in zan hun chu ka tling tla ve hram,zan rei ka tih ber ṭum a ni hial ang.

Zingah saii chuan min hnem nan eng eng emaw a sawi siam siam a,class kal tûrin kan insiam zui bawk,thawh kan hai avangin chaw pawh kan ei lo,saii chu a bialpa in a rawn hruai a,kei pawnah u Abra lo kal hun ka nghâk,saii te lo thlen hnu lawkah a rawn thleng ve a,engmah sawi lo in a bike hnungah chuan ka lawn mawl ve tawp,u rinpuia min hmuh hma a kal vat ka duh.

Traffic jam a kan tân lai chuan kan sirah car a rawn ding a,ka hawi kual vel chuan a driver chu ka zu hmuh fuh ngang mai,hmangaiha a lo ni,a mah chauhin a lo nia,min rawn hmu ve chat, traffic ajam rei deh avângin,min rawn be hman a

"I dam em" a rawn tih chuan u Abra chu car lam hawiin a a thle buk a,

"Umm" tih chauhin ka chhâng

"Ka phone a ṭha lo a,ka number ila neih chuan i hman hunah min lo text rawh aw" a ti a,a zám lo hle mai.

Ka chhan leh hma chuan Kan tlang ta daih a,u Abra chuan a bei chak reuh khawp mai.motor tamna a ni si a ka hlau chuan a kawr hnunglam Chu ka hmer vak a,a ding leh deuh thut chuan a a hnungzangah ka hmai Chu ka va tauh a,ka hmui ka lo seh chilh Sa nen a thip sek a,ka chhuk hnu a ka hmui ka tuai Chua a lo thi ser ser,ka thinrim tawh khawp mai,restaurant pangai ve takah chuan min luh pui a tum a,ka lo duh bik awkawng lo.

Chhan leh vang hrelo a khati teh hrep a a tlan hnuah a hnungah ka intauh dawt a,ka that leh ṭhat loh min zawhna châng pawh hrelo,chapo lutuk,garage ah chuan kan ding dun deuh reng a,min kai pah a min kalpui mai a tum chu ka lo ṭang ve tlat

A kut phih thlâk deuh ṭhuai pah chuan

"Eng nge i hriat a" vin tak si ring miah silo chuan ka lo ti ram hmak a,


Thaw hakin ka lam a rawn inher pah chuan

"Ka kâwng vawn ringawt pawh harsa i ti a,khati khawp a na a siamtu che chu i be leh duh tho si"

A rawn tih chuan a ngaihna ka hrelo

"I sawi awmzia hi pakhatmah ka hrelo,ka kal dawn"

Tih pah chuan ka kalpel nghal fua a,ka bag hrui a min pawt chungin a lamah chuan min hnuk phei deuh dawrh a,ka tukhum a vuanin ka hmui ah chuan min rawn fawp,

Hei hi ka duh lo,min ti lui,ka hmui chu a thip sek a,ka tal nghal zawk,mah se min hâwnna nghet tak vâng chuan ka tal chhuak mai theilo.

A hmuiah chuan duthaw takin min fâwp a,a nuam tihna ka neilo,a thip a,a thikthu chhia leh khati vaka ka thiamlohna awm hmasa lo a min tawngkhum na khan ka rilru a ti na bawk,ṭah erawh ka tum lo

Vawikhat ka tal leh dat a,min la thlah duh silo chu ka thinin a tuar ta lo,a hmuiah chuan na thei ang ber a ka rin tûrin ka seh ta vak,min thlah chiang khawp mai.

Cont...