Tih deuh tuarh pah chuan ka bag in a hmai ah ka vaw pawp a,ka inchhir zui leh nghal,a rawn hawi chu a hnar a thi tih ka hmu nghal,ngatan mah a ngaihloh hmel zeta a hnar thi chu tuai fai puakin ka ban lehlam lehlamah chuan min vuan a.
"I thinrim chuan min hrilh rawh"
A rawn ti leh a,a phone a rawn ri leh chiah bawk,a phawrh chhuah rual a a screen a rosy tih inziak chu ka hmuh hmaih loh chiang kher mai,min en zuk pah chuan a pick up a,ka kalpel nghal hmak,ka ban dinglamah chuan a rawn vuan leh nghal zat,na thei ang bera phih thlâk ṭhuai pahin ka kal deuh hmawk hmawk a,
"Damdawiin a"
A tih ri chu ka hre zuai,mah se vei zui anga awm lo in ka hmalam chu ka pan ding nghal pawp pawp, college kawt ka thlen chuan ka hah khawp mai,engtia rei nge ka kal pawh ka hre mumal tawh lo,saii ka call a,a lo la kal dawn lo zui zingah khan kan insiam rual a ka kal hmasa zawk a ni mai a,henu hi tinge maw chawlh a chin em em le,hetiang rêng rêng chuan class ka awm peih bik lo,ka haw nal nal dawn hi a ni tawp.
In ka thlen chuan ka nu in ka haw chhan vel min lo zawt a,ka nuamsamlo ka ti ringawt.
Lo ṭhu thla teh tih pah a sitting room lama min kaih phei pah chuan ti hian a ti a,
"Mate,hei i pa hna vangin keini hi zokhaw lamah min sawn an tum a ni âwm a,i pa pension hma kum khat erh awrh chauh a awm tawh tho a,kan pha ta lo mai sin,i u nen a lo awm i hreh em?"
A tih chuan,ka ngai dun dawn hle mai,mami nen chauh a awm ka peihlo lam nilo in nu leh pa te uap na hnuai a awm leh awm loh kar a hla si,hreh ang chuan ka awm duh bik lo,kal a hreh ang tih ka hlau a.
'hreh lo e,kum khat te chu dam chuan a rei hleinem "
Ka ti thla ve ngawt
"In exam zawk veleh hna thawk nghal la i hreh em?i pate office ah hna ruak a awm dawn a,training turin Bangalore ah thla thum vel châm a ngai dawn a"
A tih leh chuan
"Ṭha in tih dan dan a nimai,thla hnih zên zâwn bak ka nei tawh chuanglo a, training vata hna thawh a châwm let ve che u ka châk"
Tih pah chuan ka nu chu ka kuah pah veng veng,
"Hawh teh,i nawmsamloh chuan va mu hahdam rawh,i pate office ah ka va kal ve zuai ang nge chinchang hre tûrin"
A tih leh chuan ka room ah chhe zawi zetin ka phei hnâ hnâ a,Netflix a movie ka en mai mai lai chuan u Mami a rawn lut hlawl
"Abrahama kha hnaih suh ka tih che kha,a tawpah chuan nangmah bak i na dawn lo"
A rawn ti nghal thawr,a ni pawh a chhuak daih amaw ka tia eng nge inah a tih le
"Tinge hnaih lo tura min duh em em a,a chhan sawi tûr hre mang silo"
Ka lo tih leh hlak chuan
"Rosy-I hma in bialnu a nei a, Rosy-I vângin a ṭhen leh, Rosy-I tan chuan ui a neilo a kalsan theihloh a neilo bawk,a mah vângin asin rempuii pawh kha mi â ang mai a a awm"
A tih leh chuan u Rempuii chu ka hrechhuak zawk mai,u mami ṭhiannu a ni a,engti emaw kalta aṭang khan a mumal ta lo,a hma a ang tawh lo,a phun bul bul a,a mah phei chuan awm rei tir chi a ni tawh lo,
"Chutiang khawpa awm tûrin an inngaizawng lovang, Abrahama lo haw na pawh a la reilo"
Tinge u Abra hi ka chhan chhan ka hrelo
"Thil tam tak hi i hrelo a,i hriat vek a ngailo,thlah tura ka tih lai che hian ka thu zâwm rawh lalruattluang"
A tih pah chuan chhuah pahin na deuhin ka room kawngkhar a khar a,ka phu deuh dawrh
Thil hi a mak telh telh mai,ka man thiam pha meuhlo chu a nih hi.Kan inngaihzawn tirh a kan awm ang reng khân awm thei ila ka ti hle mai,min tihluihna a nei ngailo a,chu tak chuan min hip bakah mipa diktak a ni tih a lan tir a,ka ring hle bawk,tukin zinga a thil tih ka tawn hma kha chu.
A phone vibrate chur chur ri ah chuan ka meng siar siar a,ka lo muhîl daih a ni maw.
Ka phone ka en chuan u abra a lo ni,pick up ka tum teh hrep lo ka phone chu dah silent in ka hmet thi nghal zat a,ka muhil zui leh nghal.
Ka room kawngkhar inkik ri kauh kauh chuan min tiharh leh a,tinge maw min tihbuai reng hlawm mai le.
Ring deuhin "umm" ka ti vak a, peihlo deuh chuan ka meng a,a lo thim mup.
Ka mu nileng a ni maw tih pahin ka mit ka nuai thuak thuak a,ka nu in kawngkhar a rawn hawng nghal bawk,kawngka aṭang chuan
"Bawihte i thianpa a lo kal a,lo chhuak la"
A tih chuan,chutiang thianpa lo kal tur awm ka hre silo, "aw" tih pahin ka tho a,hmai pawh ka phih si se lo.
Sitting room ka phei chu u Abra a lo ṭhu rûn a,a Leather Jacket dum ngei mai chu a lo ha bawk,min hmu chiah chu a meng buai deuh,thinrim leh lawm hmel hi a inpawlhin ka hria,a lu pawh a thur bam mai, ngaihtuah a nei tam tih a hriat
A mah opposite ah tak chuan ṭhu in side table ka melh deuh ngar ngar a,a lo thlenna a rei ve deuh tawh a ni mahna thingpui a in ri leh khalh ṭhin,
A thingpui in zawh chuan
"Rosy-I"
A ti chiah chu
"Ka hre peihlo" ka lo ti nghal a,thawk a la deuh hak
Ka nu lah room ah a lût daih leh nghal,ka pa haw hun a la ni silo a room a han luh daih kher.
"Mate ahh bawihi tinge nizân aṭang khan engmah a dik theihloh le"
Tih pahin ngenngawl deuh hian min en a
Ka insûm peih lo
"U abra tâwp vat theih a nih lai hian tunah tâwp mai rawh se,ka thiamloh alawm,duh vanga inṭhen in nilo tih hre reng chunga rawn inrawlh ka ni a,ka phu tawk chiah"
Tih pahin ka kut ka kuangkuah zui nghal zat a
"Chutiang sawi suh,tawp leh tûrin bul ka ṭan pui lo che,min tih thlabar hi tawp san rawh,vawiinah pawh darkar khat lai asin in college kawtah ka nghâk che a,call i pick thei silo,ka rilru tur i ngaihtuah miahlo a mi"
A tih leh chuan
"Nizan khan ka rilru tur i ngaihtuah bik em'
Ka lo ti ve salh
"A thleng tawh dawn lo,a damlo a a pangchang ve a nih kha khatiang thil kha a thleng tawh lo ang"
A tih leh chuan
"Pangchang,a panchan ngamna a ila awm a nih chuan in la inthlah lo tihna a nih ber chu,min kalsan phawt rawh,sawidun tur engmah a awm tawh lo,min biak tum suh"
Tih pah chuan ka ding deuh hluai a,a ding ve leh nghal,chumi pah chuan ka dar a rAwn vawn a tum chu ka lo tawlh dawn deuh a, ngunthluk zeta min en leh hnuah a chhuak zui ta a nih kha.
Thla hnih chauh a awm tawh a,ṭan hram hram a ngai,mipa vanga buai hi ka hne lutuk, vawikhat pian ve man a,mipa rinawmlo chauh tawn hi ka duh lo,chance pêk phu miahlo ka lo buaipui a nih hi.
Chaw pawh eng tham mah ka ei lo,ka pa chuan an kalna tur vel chu a sawi bul bul a,ka hnuk a ulh tlat,an kal tur vang nge u abra avanga ṭah chhuak ka ni pawh ka hre tawh lo
Ka thleng sil zo room ka luh chuan ka phone chu ka en a,u abra missed called kha 20 lai a lo awm chu niin.
Min ngaihtuah ve tak tak a nih ka ring,
Saii pawh biak theihin tinge a awm miahloh le,engkim erawh ka hrilh ngam lo,u abra nen an lo in cousin naah sawi chin neih ngai ka ti tlat si.
Zan dar 10 thleng chuan u Abra call beisei deuh siin ka awm a,mah se min lo call miahlo.
Hla ngaitha pahin ka mu leh tawp, reilote chauh kan inngaihzawn ngaihtuah chuan min chiah hneh hman hle tih ka hre thar
Dar thum vel thleng chuan ka meng a,min lo biak hlauhin tih thil thuah WhatsApp chu ka check leh a,mah se min be miahlo
A status ah erawh a ma zai bawk Emily Pachuau hla zam riai riai chu a sa a
"Min dawn ve em laikhum zalin?
Min vei ve lo maw ka vei zât che in,
Liam tur mah ni la,thlah che a har,
Beiseibo mai maw ka beisei le."
Tih chu a hmang a,inngaihbel chi a ni em phei chu ka hrelo~
Vawi tam ka en nawn tluk tluk hnu chuan muthilh tumin ka maimitchhing a...
Cont...
P.S Emily Pachuau - zâm riai riai
Tih hla hi a awm tak tak a,ka phuah a nia ka sa bawk a,in hman chuan ka story chhiartu zawng zawngte khan khawngaihin Youtube lama min lo ngaihthlâksak ve tûrin ka sâwm a che u
