U Abra chanchin tlemtê saii aṭanga ka hriat chu,zu a in nasa a,engmah a ti duh lo,a lêng a,a riakchhuak a,a haw ve chhunah tlai tak takah a haw ṭhin, Rosy-I pawhin pasal a nei tawh a,u Abra nun chu a ruak ngawih ngawih dawna hriatna ka nei.
Min lo vei ve ṭhin rêng rêng a nih chuan, tinge min pan tumna emaw min hnaih tumna engmah a neihloh le?
Rinna ka tlachham a,a mah a ka beiseina sâng ber a tih thawn tak vang khan ka na a, vawikhat chauh ni si Kha min hliam dan a thuk em em a,rei tak chhung natna vanga thinlung tawt rawn kehdarh ang mai hian ka awm.
Thla khat lek pawh hian min van ti â hneh tak em,nge ngaizawng ka neihloh vang vang hnu a ka nei leh thut hian awmdan ka thiamlo zawk ka hrelo.
A tihsual siamthat tum a nitin ka class bang min lo nghak nise,Ni rei pawh ka dam nan nghah a ngai dawn lo asin, mahse a mah va be hmasa tur chuan ka chapo mAh mah a ni.
Thiamlohna ka neih ka hrelo,a lakah ka rinawmlo ngailo a,a mahah ka innghat tawp zawk a ni si.
Karhnih hnu lekah final exam Kan hmachhawn tawh dawn avangin class Kan kal mumal tawh lo a,ka nu pawhin call in min rawn ṭawngṭai sak ngun thei hle,mami nen chuan chaw ei dawnah kan inhmu ve zuai a,in khat a chêng dun si kan inhmu khât khawp mai,kan tet deuh lai kha chuan kan inngai thei em em a, class 11 a nih chhoh aṭang khan a mizia hi a dang ta vek,eng nge a chhan tuman kan hrelo.
Ka tukṭhuan ei kham thleng ka sil lai chuan call ka dawng hlawl,ka rilru tak chuan u abra a nih beisei in ka hlauthâwng ru em em a,ka phur em em bawk,ka phone awmna ka lam pan a ka phone ri tleng tleng chu huphurh deuh leh phur ru tak si a ka en chuan, lawmno-a a lo ni daih.
Teh hlawl chuan,number kan in save aṭanga a vawikhat lo call na a ni ngei ang
Ka pick up rual chuan
"Hello tluang,enteh vawiin ka Birthday a nia,lo kal ve la,saii pawh ka sawm a tluangi thu thu a tia mawm,lo kal ve hram ula,kan tam dawn lo a,exam hma huau huau hnuhnung ber pawh a ni maithei asin"
A rawn ti deuh siam siam a,ka chhuak khât lutuk pawh hi a ṭha lo,bâkah saii nen kan inhmu khât sia ka ngai bawk nen, u Abra vanga ka rilru nguai lutuk thin harh nan pawh a ṭha tak ang tiin
"Nia,lo kal kan tum dawn nia,dar engzat nge start in tih a?"
Ka tih leh chuan
"Zan dar 8, present vel kha a ngailo a nia"
Tih pahin a nui thler leh duai a,
Awii a present duh vâng bak a nilo,hetia a ngailo a tih a kan tih loh hian a titau daih zel,
A hma pawhin a Birthday ah tho present a ngailo a tia a ṭang ṭung a,lalsaii a lo buai bawk nen engmah kan present lo a,a titau a,rei tawk min be lo.
Phone call kan tih tâwp hnu chuan,saii nen kan inbe leh rên râwn a, chawhnu lama chhuah dun zawk kan tun, lawmno-a present tur lei pahin
U mami room ka va kik det det a,a lo hawn veleh ka kalna tur vel ka hrilh chuan,
"Rei lo la"
Tih ringawtin min chhang.A nun hi a nguai ngawih ngawih ni ber hian ka hria,tunlai phei chu,ka rual pawhin chaw a ei ngailo,a ni tel hian a chêr ni maiin ka hria,a chhan ka zawh lahin engmah a sawi duh ngai silo a,ka ngaihsak huam peih tawh bik lo,chhan awm lo a titau reng ang hian a awm a,ka ning tlat.
Dar 2 bawr velah saii nen chuan Peter's street ah kan inhmu a,a ni pawh a zia a zawi khawp mai,tinge ka chhehvel a mi te hi an zawi em em le,hlim tak anga lan a tumna phênah hian zêp a nei tih ka hmuh hmaih miahlo, remchang hmasa berah ka zawt em em ang.
Lawmno-a tan T shirt leh perfume chu lei ṭha inti fahranin kan tuam tir a,kan thil lei chhung chu a reilo,kan tei kual vel mai mai nileng a ni ber.
Chaw pangai ei lo in restaurant remchangah kan inhnawh puar a,zan dar 7 velah lawmno-a te inah kan tlang nghal,kan thlen chuan mi an lo awm nual a,kan rinai daihin an lo tam.
Lam zi hut hut kârah chuan rem leh rem lo in kan in zep phei a, lawmno-a chu sofa ah nuam ti fahran a ṭhu in a lo nui thler nasa mai.
Mipa pahnih inkarah a ṭhu a,ti ti a vawrh karlakah zahmawh a sawi leh ni ngei tur a ni a bula mite an lo nui leh hak ṭhin
Present kan pek chuan thiam taka min danwgsawngin cold drinks te chu min han hnawn leh ang lâwp lâwp a
"In duhna ah khan lo awm tawp rawh u"
Tih pahin min kalsan leh daih
Saii nen chuan chair awl an lo rem ṭhapna lamah chuan kan phei hnâ hnâ a,kan va ṭhu ngawi ve kur,kan ti ti dun ta alawm
Khatia a class lo kal lo leh a nguai chhan em em chu a bialpa nen an lo in break ve deuh a,lo in break ve fo tawh mah se tun ṭum erawh a thawh dan a lo dang daih a ni âwm e ti hian a sawi a.
"Aaa buai neuh neuh kha chu kan neihna a rei ve tawh a,hmeichhe dang an awm ve ang tlat a ngaihna hi ka nei a,mah se a pha hneh lutuk a,ka lo duh hneh ve bawk nen khan ka lo ring zel a,dawt hi a thup bo reng theihloh an tih kha a tak tak a nih dawn hi, hmeichhia chu a phênah a lo awm ngei a,mah se hmeichhe dang zawk chu Keimah kha ka lo nia"
A tih chuan ka khawngaih khawp mai,an inkawp na a tîr aṭang a hretu ka ni a,hetianga saii a ti hi ka thinrim khawp mai,tinge mipa te hian thinrimna tur an siam thiam em em mai le?
"Kan vanduai a nih hi"
Tih pahin ka nuih suk a,sawithui pui chi niin ka hrelo,dam tûrin a bei mek a,thar thawh sak tu nih ka duh lo,lalsaii ât zia hi ka ti,a bialpa in a tih dan a sawi zo chiah tihah a bialpa chuan a rawn call leh a,la suh i paltlang ṭep tawh ka tih laiin,a la lui hram,mi luhlul nu hi,be tûrin pawnah a chhuak daih a,ka va han kek châk tak.
Eng tin tin emaw dar 9 chu kan hawlh thleng ve mai,saii pawh chuan a va be rei reuh tak ka ti neuh neuh laiin ka bulah awmpuia a rawn ding deuh hluai a,awmpuia hi kan class a mi tho thawveng leh vei nei tam vak lo,sual silo rui ve zeuh zeuh ang hi a nia,a luruh a ring a,kawm nuam tak a ni.
"Tluangs hei hi in ve rawh,a tui a nia"
Tin pahin glass no a thil tui sen deuh phât chu min hmeh bel a
Rawn kûn hnaih deuh pah chuan
"Tlemin a ruih theih,i buai pawhin ka buaipui ang che,i vei zâwng pawh a la kiang hawk thei a nia"
Tih pah chuan a nui huah huah a,a kal leh daih
No chu thlêk deuh vang vang pahin,zanin chauh alawm,zanin chauh chu a mah theihnghilh nan leh engtiang chiah a thawk thei nge a nih hriat nan tiin ka hnar chu ka kut lehlama hup pingin no khat chu ka tlâk nghal pawp a,ka rinai lem a nuam,mah se keimah zawk hi ka awm a nuam rei lo.
Boruak a rawn uap a,ka thaw sêng lo ṭep ṭep niin ka hria,lalsaii ka call a,busy a inti zel,mihrang zi nuaih nuaih kâra awm chu a pik tiin inchung zâwlah chuan boruak thianghlim dawng tûrin ka chho a,
Vân a arsi lo pe tuarh ka hmuh chuan ka lung a lêng zual,tunge ka ngaih ka hre miahlo.
Ṭhutthlêngsei lo awmah chuan zawi mangkhengin ka ṭhu a,ka maimitchhing diar diar,
Hla tak aṭanga mipa zai ri ka hriat chu ka bengah a châm veng veng a,u Abra min hriatchhuah tir zawk mai.
Theihnghilh tumin mi awmlohna laiah ka awm a,ka tih ngai miahloh ruihtheihthil ka ti a,chu chuan min theihnghilh tir aiin engkim hian a mah min hriatchhuah tir leh si.
"Misual tak i ni, reilote chhungin ka ngaihtuahna i luah khat a,ka thinlunga lo awm tawh sa paihin a hmun ruak i luahlan leh a, theihnghilh che ka tum apiangin ka haihawt loh zia fiahna a ni chêk a niang chu ka hrechhuak nawn leh zawk fo che a nih hi,i sual khâwp mai"
Tih pah chuan ka phun zui niah niah a,hnunglam aṭang a mipa âw thum lam lek lêkin.
"Bawihi"
Tih pah a ka kâwng a a rawn kuah chuan tunge a nih ka hai lo,a rim te,a âw te,a kut dam lutuk a min tawh na te chu
"U abra"
Ka tih pah chuan a lamah ka inher let nghal zat a
Lungrun lutuk hian ka hmuiah a rawn fawp nghal zat bawk
Mah se ka lo nam let leh
"Min ngai ve miahlo a mi? Nangmah vang hian ka ṭahbelh vek tawh,i ṭahbelh min kai a nih hi"
Tin pah chuan ka ṭap ringawt
"Vawikhat pawh min lo be duh miahlo a,khami zan te khan min biak hun nghâk in mut pawh ka mu theilo asin,nangchu i lêng a,i duh duh dana i awm lai khân,nangmah vang hian ka duh dan lo ang hlirin ka awm asin"
Ka tih mawlh mawlh lai chuan min rawn kuah a
Ka beng bul sâtah chuan
"Ka tihpalh aw,min biak duh ka ring lo a"
Tih pahin ka chhîpah a fawp leh zauh bawk
"Ka be duh reng che,biak hlân che ka nghahhlelh vâng hian ka insûm zo lo hi "
Ka tih lai mekin
"I rui a mi"
A rawn ti leh hluai a
"Ka hrelo,ka awmdan hi chu harhfim ka ang lo,no ami saw ka in a"
Tih pahin no chu ka kâwk zauh a
Ka lu a kuk pah chuan "mawl lutuk"
A ti sap a
"Min van duat rei lo ve"
Ka lo ti ve sap bawk
Min kuah leh hlu hlu a,ka pawimawh thar hmel riau hian ka hria,a Jacket a phelh a,ka ban a vawn pahin ka hmuiah min fâwp leh vang vang.
Tun ṭum chu tihluihna a tel tawh lo a,a nuam ka ti,thin te hi pahnih neiin in phut ran siak an inchuh nimai hian ka hria,ka lo ngai hle a nih dawn hi,ka lo thlahlel em em zawk a ni mahna
Rei tawk mai kan din dun leh hnu chuan,
"Hawh ka thlah ang che" tih pahin min kai aaa
Cont...
Abrahama pic hi ka dah tel thiam lo
fb a pic ka dah thar kha lo en mai teh u,ka zeilo êm a ni.saerry guys