Ka kut veilam a ka lu dawm pah chuan ka khum bawh a tui tak a lo muhil u Abra chu ka thlir deuh dauh dauh a,a muhîl hi ka la hmu ngai miahlo,ka hmu hmelṭha zual kher mai,a khabe ruh kual chu fiah takin a lang a,a mithmul buk lam lek lek leh dum ṭha tak te chuan an awmhmun chu an inhmeh kher mai,a Hmuihmul leh khabe hmul tlêm a ṭo siar siar a,a mah tawp hi ka tan chuan ennawm pakhat chu a tling ve thawkhat a ni.
Ka phone a sana ka en chuan zîng dar 6:30AM chauh a lo la ni tih ka hriat chuan ka ner sak a, tûk dang a alarm set pawh a tho thei ngai der silo, vawiin ni ang a han thawh hma,saii message ka open nghal vat
"In thleng tluang em"
Tih hi pathum vel a lo awm
"Ka harh chiah "
Tih ka thawn a ka phone chu ka lukham hnuaihah ka rawlh lût leh nghâl,
Nizân thil thleng vel han chhui let ka tum chuan a inpawlh nawk mai,u abra nen kan inhmuh dan ka hrechhuak mai theilo a,min phurh haw lai vel erawh chu ka mitthla ruai ruai thei, ehe nizân min phurh haw khan chanmari phei ah ring lutuk in ka au phei tih ka hrechhuak,a over thei ang berin ka che tih nen,u Abra kâwngah nghet takin ka vuan a, chak tak a min tlanpui chu nuam ti a ka au vel ka hrechhuak uaih uai mai,
Ka thil hriatchhuah vanga ka zak lutuk chuan ka ke chu khumah ka per dat a,tum loh deuhin u abra chu ka ti harh daih,
A rawn meng siar siar a,
"Good morning" tih pah a a lu a rawn kân chuan a posi ngai a a mut na rei tawh tih hriat fahran hian a biang veilam ah chuan a kut a nghenna zia chu a lang kalh a,a sen têk bawk.
"Tinge hetah i riah"
Ka tih leh chuan
"Haw i phallo a"
A lo ti ṭha ve mai,
"Lo ṭhut chhoh i phal em " tih pah chuan khum chu a melh zauh a,ka lu ka lo bu nghat.
"Dar engzat nge" a tih leh chuan ṭha deuhin ka chhâng a,
"Reilote kuah pah che in ka lo mu aw,ka ngai lutuk che a"
Tih pah chuan ka blanket chu a inthawlh sawk sawk a,kei erawh a ka la ṭhu reng
"Nizân khan i bulah ka lo mu duh lo a,zîng a i thawh hunah ngaihtuahna dik lo i put ka hlau a""
A tin chuan,ka ngaihtuahna a kal thui khawp mai,duh se chuan ka ruih lai remchângah la in a duh tawkin a che thei,mah se a duhna hmu lian hmasa lo a ka zahawmna min venhim pui tih ka hriatna chuan min hneh em em a,ka ring leh nghal tawp tawh
Mu ṭha sawk sawk in,a lam hawi pahin a zakhnuai ka zen tlang a,ka kuah ve nghal
"Ka lawm e"
Ka ti sap a,ka chhîpah a rawn fawp zeuh
Tun ṭum chu mi fawh a uar thar hle mai,a hma zawng a hetiang lam ti ngai silo,a lerh dan ka hriat leh an sawi ang hian ka bulah a der pawhin a la awm chhin ngai lo,nge tuna ka bul a a awmdan hi a der zawk?
Ka maimitchhing diar diar tih ah ka phone a rawn vibrate leh dat a,
Saii a nih ringin ka phone chu dîm thei ang berin ka la chhuak leh zal zal a,
U mami text zawk a lo ni.
"Vawiin chu ka chhuak ve lawk dawn,rawng ka bawk zo tawh a,ka lo haw tlai ang"
Tin ringawt,u mami hi mumal tak a titi pui ngei a la ngai a ni.
Ngaihsam zetin ka phone chu ka khum sir a dawhkhan ah chuan ka dah a,rem thei ang ber a mut tumin,ka nu te bul a ka mut ṭhin lai angin u Abra chu a bawp sei zuar ah chuan ka khan ar ar a,a ni'n insiamrem pahin ka kâwngah a lo kuah chat,a khêl a a kut muang chânga sawn thlâk pahin ka khêl chu a hmer deuh salh a,a na ti si khân a nuam tih rukna ka nei, thâwm erawh ka chhuah lo thung,
Chutianga minute 10 rên râwn kan awm hnu chuan a che ta silo chu a muhil ni ngei tur a ngaiin lehlam hawi san ka tum ka insiamrem chu alo phallo nasa,min kuaiher a,a lam hnaih thei tur ang ber chuan ka kâwng a vuanin min pawt lêt salh.
A hmui chu ka hmu hnai khawp mai,a lo sen leh ték a,ka insum zolo chuan ka han fawp hmasa ta ringawt,a ni a lo phur ngang mai,rei tak inhmu tawh lo emaw rei tak inhmu lo tur fawh tak chuan min fawp a,a duhthaw zia Lan tir nan ka kawr chu zen chho in ka âwm ah chuan a kut a rawn nghat nghal chat a,ka lo man bet nghal.
Zah zelah ka ti dawn nge chutia ka lo man veleh chuan
"Zu rim I nam,a ṭhing rim"
A tih leh chuan a âwm ah ka chûm dat a
"Hmeichhe zu in ka ngaina lo" tih pah chuan ka chal ah na lo tê hian a kuk leh karh bawk
Ka zak chem chem mai
"Muhil mai rawh"
Tih pah chuan a mit lo meng kar min rawn chhuk entu chu ka kut chuan ka han huo phui hmak a,nuih nghawr leh dat pah chuan min kuah leh nghâl,minute tam pawh a la ral dâwn emaw ni tih ah a rawn hnar nghâl ta bawrh bawrh mai,
Ka mut hnaih angreng si a,helikopter thlawk tur bul a lo awm ve ang reng hi ni berin ka inhria,a ri kâwk a,a reh leh a,a rik zawm leh a,a ri a châwl leh dat a,heti te chuan tumah a bulah an mutui theilo ang.
Nizânah hetiang thawm hi ka hrelo hrim hrim,lu na nen chuan duhai a intuha lo mah mah a ni,nge nizân khan muhil lo in a lo tlaivar zawk, zîng ka harh lah khan eng thâwm mah a chhuah silo, ramsa chu nise a hnar dan hi a hram dan a nih a ring,em em lutuk a.
Dar kua velah ka thawh san a,chawhmeh te chhung lum in ka intifai a,ka rim zawk chu Keimah hian ka ti theilo ka uak deuh tuarh tuarh mai, chumi vel vâng a ka buai lai chuan bathroom kawngkhar chu a rawn ri bur bur a,
"Tu nge" ka lo ti vat
U abra chuan "lo hawng teh"
Tin pahin bathroom kawngkhar chu a rawn pawt ri dat dat a,a va mak tak eng nge maw a hriat ni
"Tinge" tih pah chuan ka chhoh melh vat a mah se ka chhuk melh leh nghal,
A t shirt var ha in a boxer fual lo fahran leh mawza chiah in bel hian a lo awm a,engtikin nge a lo inphelh ka hrelo,min sual a tum emaw tiin ka âwm chu ka kut chuan ka lo khuh ve ringawt a,thawhnaw taksa khuh tam thei ang ber ka ha sa reng sia.
"I rai a mi"
A rawn tih deuh hlawl chuan
"Engtinge rai se min tih" tih pah a meng zîm san chuan a mit ah ka en a,
"Tiang khan ka ṭhianpa nupui pawh a rai in a awm"
A ti leh ringawt
"Eng tiang chuan maw"
Ka lo tih leh chuan
"Uakk" tih pahin a pum a dawm a
Ka uak ri kha hria in min rawn ngaihven ve ngei ni tur a ni l.
"Ka Rai na turin tih i nei em ni"
Ka tih leh chuan a ngawi vang vang a,
Nuih heuh heuh pah chuan
"Kan ti miahlo a nia"
A ti ringawt,fin hmel fu si hi a nawi ru reuh tlat.
Bathroom aṭanga chhuah pah chuan,
"Inbual ve rawh nangpawh" tih pahin a darah chuan ka su lui sak a
"Ka ril a ṭam,chaw ka ei châk"
A lo ti daih
"I inbual hlanin ka lo siam ang"
Ka tih leh chuan
"Bawihi" a lo ti leh vat a,a lam ka hawi ve vat bawk
"Kan awmdan vel hi nupa kan ang e" a tih pah chuan a nui a a mitko a lo sân euh bawk
"Chhe tak" tih pah chuan ka kalsan daih
Dam tak a kan awm a, Pathianin rem a tih chuan nupa chu kan la ni ve mah na,tukin a u abra hmel chu ka hmu ṭha zual,a hmel pawisawi ti mai ang,a inla mitak rûn na kha hmuh tur a awm lo a,ka tan a hmuh nuam thei tur ang berin a awm nge,a nihna dik tak ka hmu chiah zawk ka hrethiam lo.
Ka room ah lêt leh in ka phone ka la leh zuai a
Lawmno-a missed called a lo awm avangin ka call back nghal vat,a pocket rang khawp mai.
"Aw tluang nizân in haw tluang em tluangs"
A rawn ti vei kher
"Aw tluang e,i hmang nuam em"
Ka tih leh chuan
"Nuam a ni mai, Abrahama hri hre khan a ngaihven lutuk che a nizân kha chu,i meng deuh phual sia" tin pahin a nui uar uar a
Ka lo chek tlak tlak
"Enteh ka Birthday kha chu sâwm che ka tum sa reng a,ka lo sâwm hma che in Abrahama kha zai tur khan ka va be ta phawt a maw,chuan ka sawmna pawh a chhan hma in tluangi leh saii te i sâwm em a ti nghal thawr a,off topic deuh a rawn sawi kha ka hawihai tawp"
A lo tih leh chuan ka hre châk zual sauh mai
"Engtin zel" ka lo tih leh chuan
"Ka chhaih kawlh châk a,ka thu thu ka lo tih khum a,awii ka sawi zawng te hian ka ngei".
A ti leh hluai
"Sawi rawh ngei suh"
Ka tih leh chuan
"I sâwm ve loh chuan ka zai lo ang,an lo kal ve loh phei chuan ka hnek maithei che a tia"
A tih leh chuan chuan ka nuih a za ru khawp mai,lawma ang te hnek a han vo,
"Ui a va sual em em "
Ka tih leh chuan
"In ni ve deuh mi, zep duh suh " a rawn ti kual vel, ka chhan dawn lai takin u Abra chuan min lo ko lawng lawng a,phone chu ka dah nghal daih.
A van bengchheng reuh tak a ma in amaw a ti maw ni chu ahhh tih pahin ka nui hak
Chaw ei dawhkan chu kan kil dun ta rân mai,a ni chu a inthlahrung lo,a ei bawrh bawrh a tui a ti ni turah ka ngai,ka chaw ei lai chawl meuh chuan a mah chu en kar pahin
"U Abra,a hma ang khan buai tawh lo ang aw, hmeichhia vâng ngat phei chuan,tawrh nawn ka duh tawh lo,hmangaih viau che mah ila i hun thim lai ber a ka kalsan hun che a thlen ka hlau"
Ka tih chuan a ni pawh a chaw ei lai a tâwp ve chat a,min thlêk zauh pah chuan
"Min hmangaih maw?"
A ti leh a
"A nih ka ring,a la hma tih chu ka hria a,sawichhuah tumna pawh ka nei ngailo,mah se I laka ka rilru put dan hi,hmangaihna a nih loh chuan ka sawifiah thiamlo"
Ka ti leh duah a
"Ka lawm e,mi thusawi ringlo la keimah chauh min rin chhung chu i na nawn ngailo ang,mah se zu hi hnîm hnai tawh suh"
A ti leh daih,ka zak nawn leh chem chem
"I in ve tho"
Ka lo tih let ve leh vat ṭha chua
"Ka in a vanga in ve tur I nilo,min hau tu tur zawk i nih kha" a tih leh chuan
Chaw chu ka bar zawm leh a,tum loh deuhin exam zawh a Bangalore a thlahnih chhung ka training tur vel chu ka sawi chhuak palh,
A lung nih loh hmel khawp mai,
"I duh chuan ka châwm thei che,hna pangai zawk ka thawk ang nga"
A tih leh chuan
"U abra,nangmah a innghah hi ka duh lo a nilo,mah se ka theihna in a phâk phawt chuan tu lakah mah tlûk luh ka duh lo,ka duhna hi min pawm thiam sak a ngai a nia,keimah vanga i tuina ber i bansan pawh a ngai lo"
Ka tih leh chuan,a kham daih,mah se thinrim hmel leh lawm lo hmel erawh a pu miahlo thung,a mitmeng kha ka chhiar thiamlo pawh a ni maithei.
Chaw eina ka seng fel lai chuan bang a kan khai apron sen par chu a ban zuk a,a ha nghal
"Ka lo sil ang,tikhan lo awm rawh"
A ti ve ngei,ka nuih a ti za ru angreng khawp mai,mipa mahni pa inti ve tawk in a apron par a ha meuh chu,ka nui ru deuh tet tet a hmuh vâng chu ni maw,a thil hak chu a en zeuh a hmel serious zâwk a min rawn en pahin,
"Nui suh " a ti hmuk
Ka nui tawp chiang asin.
Thleng a sil mawlh mawlh a, bei fai reuh phian pawhin ka hria
"Vawiin plan i nei em"
A rawn tih chuan,
"neilo insuk te in tih fel te ka tum, engtik nge haw i tum"
Ka tih chuan,nur nâng a min rawn melh pahin
"Min ning nghâl der a mi"
A ti deuh nang nang a,ka ṭawng sual tih ka hre mai
"Ning lo e,i chhungte i biak âwm ka hre silo a,an ngaihtuah che ka ring a"
Ka tih leh chuan a hmui hnuailam chu a rawn ti pawrh zauh a
"Nilêngin ka lo lêng dawn,tum eng ang pawh ni la min nawr chhuak zo lo ang"
A ti leh ringawt,min van ngam em em
"Au mami'n a hmuh che chuan a lawm lo ang"
Ka ti ringawt
"Sangpuii nen hian in zia a inanglo khawp mai,i hlau a mi?ka hlau ve miahlo a nia"
Tih pah chuan min in tih sek khum a,
"I over" tih pah chuan ka kalsan ta ringawt
Nileng chuan min len chilh ta tak tak a,min insuk pui a, darthlalangte pawh min nawhfai pui thlap,puan a zar a,a ro sa min thlen pui leh a,a fel hnûp hnûp,a mah ah hian hriatloh tam tak ka nei tih ka hriatchhuah phah,
Nileng tak meuh meuhin a lo lêng, tlai dar 5 vel a haw tum a a insiam lai chuan kawngkapui chu a ri dat a,ka nu a lo lût hlawl
U Abra a hmuh chuan mak a tih hmel deuh,mah se engmah a sawi lo,u Abra pawh ka nu biak ve luam pahin haw tur chuan a chhuak a,varanda thleng ka thlah ve,a tlan liam tur chu ka en a,a liam chiah chu ka ruak nghal huai hian ka hria,a mi uap a na a,a chenchilh nih kha ka kham lo nghak ringawt.
Ka nu nên chuan chaw kan ei a,tinge maw a lo haw thut ni
Ka nu chuan ti tak deuh hian
"I u a rai a,pasal a ûm "
A ti chuan ka chaw ei chu ka hak deuh bawrh bawrh
"Ehe"
Tih ringawtin ka chhâng,
"Bawihte thildang ka sawi leh duh chu i u mami hi i pa fa bik a nia,i pa bulah hian kum a tlin hma in a nu in dah in a kal san a,i pa nen hian Mami nu leh i pa hi an innei lo hrim hrim a,chu chu a hostel awm lai khân engtin tin emaw a birth certificate vângin a nu ka nilo tih a hrechhuak a,chuvang alawm a mizia te hi a san tak ni,keichuan ka hmangaihna ka pek che u hi a in zât reng a,mah se a hrethiam lo tlat a,tun ṭum a pasal ûm pawh a ṭhiannu in i pa a rawn hrilh a, chanchin hrechiang tûrin ka lo chhuk nghâl a nih hi,i pa chuan chawlh a hmu thei rih lo a,i u mami rai chungchang hi hriat i nei em?"
A tih leh chuan ka lu ka lo thing ringawt
Hei vang hi a ni maw a hma ang a min treat tawh ngailoh,a zia a dan a,a inlak hran tlat nachhan chu,engmah ka lo hriatpui lo chu ka inchhir a hrehawm ka ti a,mawl ka intih rualin nau ka nihna hlen lo ah ka inngai hle bawk.
Zanah chuan mami chu ka call ve ngei a,mah se a in switch off
WhatsApp ah text in "eng nge i an?ka ngaihtuah lutuk che a, message i hmuh veleh min lo be rawh"
Tih ka thawn tawp
U Abra chu a reh leh vung vung a,saii hnênah u mami chungchang chu ka hrilh,ka la fa bik a ni tih erawh ka sawi tel lo thung.
Cont...
Tun kar aṭang hian ka regu thei ang em ka hrelo,chhunah nilêngin class ka kal a,zanah dar 7 aṭanga dar 9 thleng thil dang ka training dawn bawk a,ka regu lai a ka ziah thui loh Sa nen in beisei ka phâk loh ka hlau khawp mai,mah se theihtawp chhuah a zantin lo dah chu ka tum reng e,ka story ho tê min hlut sak a min lo chhiar sak ṭhin vângin in chungah ka lawm em em bawk e,chuan ka lo dah hian zan dar 6 vel a ka lo dah loh chuan dar 10 velah ka lo dah ṭhin ang aw
