KINDER JOY chapter - 18

[EmilyPachuau]

Ka nute pawh an lo lêt der mai,chhungkaw Kim a awm Chu a dan a dang a nuam ka ti,mahni Kha chuan ka lung a lêng thei em em a,u Abra lo leng fo mah se chhungte ngaih laia bialpain a hnem dam theih dan ngawt a awm sil.

Ka nute lo haw karkhat na chiah a ni a,vawiin chu u mami te chhungkua (a pasal leh fanu) pawh zanhnih riakin an lo kal dawn a,ka nu phur lutukin tlai dar 2 vel aṭang rawng min bawk tir nghal ngawt pek,a tunu a ngai tawh lutuk ni berin ka hria,a phi sek a, keipawhin bawihtei chu ka ngai tawh takzet,ka nu'n a duat lutuk hi chu nula uai tawh mah ila ka thik lek lek ṭhin,group video call te kan nei reng a,ka nu lunglêng lutuk hi a hmel aṭang te hian a hmuh theih vek zel.

Tlai dar 3 a an lo la thlen loh phei chuan,a phi tawh sa nen a phusa hi a ni ber,gate bulah a va tei fua fua a,a châng leh hmun a hawl nâwk nawk a,ka bai siam a rawn chawk leh zauh a, sitting room ah lâ a va phiar leh a,

"I u te chu call teh,dar 3 ah kan lo thleng ang a ti sia an va rei ve"

A tih sek takah chuan ka call ta nge nge,a in ring quit tlat mai

"An lo tlân laklawh ania'ng a pick up theilo"

Ka tih chuan

"Ka'n call ve chhin ang nge"

A ti leh hram

A ring quit leh tho

Tlai dar 4 thleng pawh chuan an lo la thleng theilo,ka nu ngaih a ṭha tawh chiah lo,kei chu ka awm ngaiin ka awm reng naute hmu châk viau mah ila han phi cheng na tur a awm ka hrelo

Ka pa zawk pawhin ka nu chu an khak ve ngei a,ka nu erawh a awm ngaiin a awm zawm char char tho

A khât mawi tâwkin u mami chu ka nu chuan a call deuh reng a,a ring quit zel tho

Mak ka ti ta deuh,chanchin engmah sawi silo a ti êm êm a han thang rei chu, vêng inhlat lutuk pawh kan ni silo a.

4:30 a ni leh der tawh,ka nu bawk chuan call leh tur a min tih avangin ka call a,

Min lo chhâwntu erawh patling âw a ni tlat

"Hello,phone neitu te hi hei an accident hlauh mai a,an ngaihtuahawm angreng,LRM hospital lamah lo kal thuai teh u"

A rawn ti chu ka nghilh nghâl dup

Ka phone pawh ka thloh lai ka hrelo,ka nu'n min lo sâwi deuh nawk nawkah chuan ka harh leh ta deuh,a va mak dâwn ve,chhun khaw êngah engtinnge an chetsual theih mai le.

Thil awmdan chu chhumbung deuhin ka nu bulah ka sawi a,a ṭap nghal ngawt pek a,
Keipawh ka hlauthâwng a ni,mah se ka nu hnêm tu zâwk nih tumin ka intipachang hram hram a,ka pate nen hospital lam panin kan phei nghâl.

U mami leh an pa chu a seat hma lama chuang an nih avangin an serious hle a,u mami thluakah thisen a tling a,an pa pah a nâkruh ti tluanin chu chuan internal bleeding a siam a, zêp loh chuan ngaihtuahawm tak an ni ve ve.

Naute chu chu a hnunga car seat ah naute ṭhutna tur bik a an siam seat vuah chawp leh ah an ṭhut tir a,seat belt a hrên bawk avangin hliam a neilo hlauh a ni.

Police ten investigation an neih nghal a,a landanin an car break fail vangin kawng thlang kawngpui aṭang a hnai te ah an tlan liam a, thingkungah an zu su a ni âwm e.

A mak a ni engkim hi,ka nu phei chuan engmah a ei theilo,ni thum lai ICU ah an awm nupa tawh,hmalam an pan thei silo, pên khat lek pawh a hmalam kan pan theih nan kan dil ṭawk ṭawk a,chhân kan ni thei silo.

U mami pasal te lam nen keini nen hospital ah kan awm deuh nuk mai,tumah haw bik nih kan duh silo, Doctor phei chuan

"a chhe ber tawng thei turin inpuahchah mai rawh u,a nihloh pawhin kan theih chin kan ti a,a bak engkim ti thei Lalpa hnên a damna dil a nimai"

A ti tawp,bawihtei ka khawngaih,naute thla 3 chho bawr vel lek nu Hnute tello a han awm tlei chu hrehawm tak a ni,u mami pasal te in lamah naute buaipui turin ka awm ve chawt tawp,u mami pasal û Hmeichhia fa pahnih nei tawh lo haw leh hi a lo awm hlauh a,a ni min puihna zarah bawihteii pawh a tlei theih dan danin kan buaipui thei hlauh a,zanlaia a hnute châk ṭhin ber chuan ka rilru a khawih ṭhin,

Ka muhil mang ngailo hi a ni tawp mai,u Abra pawh chanchin ka hrilh mumal lo,engtin tin emaw a lo hria a ni mahna,ka awmna ah a awm ve tawp a,a châng leh hospital lamah a phei ve leh a, hospital lamah mamawh awm se a tlan zung zung a,kan va hlawkpui tak êm,engmah a sawisel ngailo,

In lam a a lo kal châng pawhin naute te chu zei leh zeilo hian min puak chhâwk ve a

Awih hlu hlu pah chuan

"Muhil rawh i chau ang" a ti ve ngêi ṭhin.

Zan mut hunah chauh ka inhmu lo a a nimai tih tur khawpin min buaipui a,a chhungte lak a inthlahrun pawh a na duh khawp mai,saii a lo kal zeuh zeuh bawk a,a ni pawhin nau min chhâwk nasa,u Mami pasal û u tepuii chu awm tho mah se a ni fa pahnih lai pawm chu a mah inhuam viau mah se tihbuai a nuam silo.

U mami te chetsual aṭang kar khatna chiah ah an pa chuan min kalsan a,a hrehawm duh khawp mai,sawi leh tih tur hi kan hrelo,kan sûn viau rualin u mami tal chu chhan tlâk a la awm mahna tiin ṭawngṭaina nen kan bei nasa a,mah se a ni pawhin an pa kal aṭanga ni 2 naah min liamsan ve leh a ni.

Ka tuar thiam lo,ka tuar thiam thlawt lo,inpawh zui chiam lo mah ila unaunu neih hlutna min hriattir tu a ni ve a,thlakhatah vawikhat êm pawh kan inhmu lo a,kan inhmuh ve hun a thleng dawn a,chunglam hian a mite a ngaih tawh vang em ni min lâksak leh si.

Ka nu leh pa pawh an na takzet, chutiang bawkin an pa chhûngte pawh,


Aaa inhnêm chuang tur kan awm lo a ni ber e.

Chumi ah bawk chuan u Abra leh a ṭhiante an ṭangkai ti mai ang

Engkimah, ṭhenrual leh hmelhriat ṭha lo kal se an lo buaipui zung zung a,kei ve chu biak tlâk pawhin ka awm ngailo,a buai loh kârah riltamim ka awm tih hlau takin frooti te chhang te min lo pe a,a ni pawh a chau tih ka hria,a mitmeng pawh a nung sar bik lo,min hawsan a châwl tura ka tih pawhin

"Na taka i awm laiin ka chawl thei bik lo"

A ti ve tlat ṭhin a,ka tan hi chuan a ni tluk hi chu an awm lo tih min hriatnawn tir tu a ni fo rêng a ni.


U mami te mual min liamsan aṭang thla a tling ta der mai,bawihteii (u mami fanu) chu kan chuh deuh tawp a

Bawihteii pa te lam pawhin lung si zan loin thu an ti tlu ve hrâm

Ka nu'n

"Nangni chu hei tu pahnih khawhar hnêm tu tur in nei alawm,bawihteii tak chu kan lo enkawl ang nge" a tih tlat vângin
Bawihteii chu kan bulah a awm a,nu chan ka chang a ni mai.

Ka duat em vang hian mut mu pawh tuah ṭha lo eng ang mah ila zîng dar 5 ah te ka thawhpui zak zak a,zan lam nise a mut mai theihloh vângin dar 12 thleng a in awih châng kan ngah ṭhin.

U Abra bawk chuan min duat pui em em a,a toys tur te a lo lei a,a thawmhnaw turte a lo lei thûl,mipa na na na chu a bazaar zei vak lo a, bawihteii kan han hak chhin tir chuan a lo thawl leh nge nge ṭhin

Ti lutuk lo tura ka tih pawh hian

"I fanu chu ka fanu ve tho alawm,kan fanu"

A ti tlat a,a lo kal chuan kut ruakin a lo kal ngailo,ka nu ten pawn an nel tawh bawk a,kan inah chuan a inti neitu thei khawp mai,makpa chei tak hian ka nu le pa te pawhin an chei a,u mami te liam hnu a bawihteii tihloh a min ti hlim bertu a ni rêng a ni.


Cont.....