*INTHLAH HLEN LO'NG AW*
THUHMAHRUAI
Ka thawnthu ziah hmasa ber a ni, duhthusam loh lai a tam hle ang tih ka ring a, theihpatawp a uluk in ka ti ve na a, a zoṭawng leh chhinchhiahna(punctuation mark) ah te pawh sawisel tur a awm hle in ka ring a, tin, hei hi a tak ngei a thleng tak tak a ni a, he hun tawn anih hunlai hi ka ngaihlu êm a a ti ngaihnawm tu tan a belh takngial pawh ka nei loh tih ka sawi duh e.
KAN THAWNTHU BUL LAM....
Pawl kua ka pass chhuah na sikul ah chuan pawl sawm ni tur in ka lut leh a, ka phur lutuk lemlo pawl sawm nih a matric exam chu ka huphurh bakah sikul chawlh kha ka kham lo a ni, mahse luh a ngai miau si a, school bul kan han ṭan a ka thil hmuh chuan min ti harh kawk ni mai in ka hria, ka la hmuh ngai loh hmeichhe hmelṭha tak mai chuan min hneh in ka mit a la nghal chat a, van lam in ka sikul kal ti nuam tur a an lo tirh a nih ngei ka ring, kei luh nawn phur lo lutuk kha ka phurh thar hurh ni ber in ka hria a, ka pawl kaw nih pui te pawh be mang hlei lo khan chu hmeichhia van lam mi he khawvel a la tlangnel loh hmel tak chu ka bia a, mi chhan dan ah pawh chuan a ngawi chawi dûk mai a, a hming chu K.C Lalhriatpuii a lo ni, a hming a KC chu chhaih nan tak hmang in KS tih te chuan ka ko fiam a, a nui hmel ka hmuh hmasak ber a ni bawk, ka duh ai kan sikul ṭan ni chu rei lo ka ti hle a, ban a lo hun dawn a Ekhai! Tih chi lutuk kan veng a inang a, ka haw na kawng chanve a inang! Ka lawmna tuifinriat chu a liam lo chauh a kan haw dun a, a khat tawk in ka mit sir ralh ralh reng a, a hmelṭha ka ti chiang a ni an in awm na ka hriat duh vang in an in thleng ka zui thla ta a, chuta ṭang chuan ka thlah ta fo a.
Thla khat vel zen zawn chu kan inhre ve ta a, Unit test kan nei dawn amah vang hian lehkha ka zir mumal lo a, zantin ig ah dar 12 thleng te kan inbe ṭhin a, ka biak loh chang lah in ka rilru ah chuan a cham reng ṭhin, engtik lai khan nge ka lo atchilh ni?? Ni khat chu kan test zo a kan ṭhiante in ngaizawng Lawma leh Bethseby te nen kan haw tlang a, an in ah leng tur in keini pathum chu min sawm a, waiwai kan chhum a, kei in thleng a tawp ah ka sil a an ni pathum chu kan in ah ka chhukpui ve leh a, Lawma te chu chhak lam ah ṭhu in kei ni thlang lamah insi chet in kan ṭhu, ka nu a lo lut zawk a a chhuak lehnghal a hnu ah "chance ka pe ve che nih kha" minlo ti, ka u te leh ka pa te chuan fiam nan tak min hmang nghe nghe, chumi thla vek test vawikhatna kan zawh thla chuan a kum hmasa lam a matric result a chhuak a, a ṭhiante luh rual nikum kum laihawl a sikul chawlhsan Kci nen a kan hringnun a mi pawimawh tak ni zui ta, Primary aṭang daih tawh a ka kawm Joseph an sikul a rawn zawm leh a ka hlim zual hle. Puipuii nen pawh chuan nitin zantin kan inbia a ni e, ka hmangaih a ka atchilh a ni, nimahsela ka duh thu ka hrilh ngam hlawl lo, a ni ang hmeichhe hmeltha leh chungnung khan kei ve mai min duh ka ring ngang lo a, ka duh thu ka hrilh vaih chuan min hnawl in kawm pawh min kawm zui peih loh ang tih te ngaihtuah in a ṭhian ka ni ringawt pawh chu ka lawm tawk hle rih mai, Ni e, hlat ai chuan ka thlang tho tho. Thla 4 vel sikul kan kal ve ta a, ka thu hriat duh miah loh ka hria! Kci'n bialpa nei! Ka na hle a chutih rual in tih lan vak ngaihna awm lo, mahse ka thik hle a ni, pawl kua a mi nen an la ni zui lehnghal a! Mahse, ka beidawng duh lo hnaih zual zel ka duh, bei nge sei rundung kan ti mai ang chu! Amah pawh chuan min la be reng a(ṭhian ang in) keipawn chutiang in a bialpa chu an veng a hla a a hmalam a haw a ngai ṭhin a, kei chuan ka la thlah ta ziah tho, ka koh fiam na 'KS' ti a midang in an koh a duh loh lai in kei chuan ka koh a duh zel a, a ni chuan 'Sasauge' tih hlir in min ko bawk a, kan inkar nghet ringawt pawh chu ka lawm tawk hrim hrim, ka hmalam a ka tawn tur hi ka lo hre lawk te pawh a ni mahna le.
A LAIHAWL AH....
Kum tawp lam hnaih a nih chuan a Kci in a kawm ber Christy chuan tun a bialpa hi a duh tak tak loh thu leh a ṭhen tawh thu min lo hrilh a, an inhlat sawt ka ti reng bawk a, chutih rual in Kci nen chuan kan inhnaih zual sauh phah bawk a, Krismas chawlh ah an khua a a haw chu ngai hle mah ila, lawm na leh kumthar nghahhlelhna ka nei, "Kumthar ah kan camp dawn" duh tawk in ka bia in a bul ah ka awm thei dawn tih ka hria a ka hlim a ni, chutih lai pawh chuan i.g ah chuan kan la inbe awl lo a.
Kum a lo thar a camp lut tur chuan kan in pu lut ta sang sang a, board exam zawh hma kan la camp dawn zui, thla hnih leh chanve vel chhung Kci ka hmu tur chu ka lawm êm a ni, camp tirh zan aṭang chuan kan inhnaih nghal hle a, mut tawh hnu ah Joseph a hnenah chuan a chanchin ka sawi mawlh mawlh a, a ni chuan, "i star a nih kha bem rawh" a ti a ka star loh thu ka sawi ngial dawn a ka hnial hneh ta ngang lo a ka inpuang ta nge nge a, Kci nen chuan kan inhnaih zual sawt hle a, ni khat chu ka zing thil ei a fuh chiah loh nge ni, ka pum a na in ka nguai em em a, tlai chaw pawh ka ei lo, a hnu a a sawi leh dan in ka tan a mihlu tak Josepha chuan ka chanchin a lo hrilh chu niin Kci pawh chuan ka awm na min lo zawt nghal chat a, ka bul ah a lo kal ka hmuh chuan ka dam nghal vek in ka hria! Ka beisei phak lo hrim hrim a ka bul ah chuan ding in ka tho a, ka duh thu chu ka hrilh a a ngawi vang vang a kal phei a tum a, a phei zet nang a a lo let leh a,"min kawp suh aw" a ti a ka hlim zia chu thu hian a sawifiah zo lo, Josepha chu min duh ve thu ka va hrilh a, a ni pawh chuan min lo hlimpui hle a, mut nachang hre lek lo in, a chungchang ka sawi leh a ka muhil pawh chu ka nui ver ver reng a, ka lo duh ngawih ngawih ṭhin chu ka ta a ni tih te ka ngaihtuah chuan ka awih lo hial a, a a hnu ni 2/3 velah chuan a ṭhiante leh ka ṭhiante chuan kan infawh tawh leh fawh loh min zawt sek a, lai deuh in fawh ka dil ngam loh thu ka hrilh a, mawl min ti hlawm khawp mai a ka ṭhianpa chuan a bulah a lo sawi niin, Kci chuan,"chutiang te in dil chi ni mi" a lo ti a, chuta ṭang chuan fawh chu ka châk in ka tum ruh hle a(
)A BULAH KA MU......
Kan zirtirtu te hi an lo riah chhawk ṭhin a, choka ah an mu tlangpui choka bulah chuan hmeichhe mu in gate nen a in daidang thung a, mipa erawh a chung ah kan riak thung a, break lai hian mipa tute mai pawh chu hmeichhe room ah hian kan lut deuh reng zel a, tlai khat chu ka pum a na in ka lu a hai thut mai a(an room a ka awm lai in) ka che peih meuh tawh lo, an room ah hian ka u(cousin) kei ai kum khat velah a upa hi a awm bawk a, min ngaihtuah êm vang in an pindan ah chuan min mut tir ve mai an tum a, Kci chu ka bulah chuan mu in a kut no tak chuan ka lu chu a chul heuh heuh a, keichuan thei leh thei lo in mu tawh turin ka hrilh a, a ni pawh chu a mu ve mai a min rawn kuah chiai a, vanram tlafual hi a ni hawt mai a ngai te bawk in a bulah chuan ka dam leh vek ni mai in ka hria a, a muhil lai chu ngun tak in ka en a hmuhnawm ka ti asin aw, fawh mawlh chu ka châk a, ka dawih luat ah fawh loh in ka tlingtla leh ta a.
A tuk zing ah chuan kan pindan a mu te leh mipa a hre tawh phawt chuan min fiam nasa hlawm ngei mai! Zahthlak mahse a lawmawm tho tho
chuta ṭang chuan a bulah chuan ka mu ta zeuh zeuh a, mahse chet sual pui tum na emaw ka nei ngai hauh lo, ka hmangaih a a bul a ka awm kha ka lawm tawk em em a ni.KA FAWP VE TA!!!!
Ni khat chu ka ṭhianpa Josepha chuan chetsual pui lo tur in min fuih mawlh mawlh a, ni e, amah hi ka zah a ka thurawn lakna ber pawh a ni, mahse amah vek chuan a bialnu a chal a a fawh tawh thu leh a nuih ver ver leh a hlim zia min hrilh a, a chal ah tal chuan fawp ka tum leh ta a(hahthlak hian) hun remchang vawihnih vel ka neih ah pawh chuan ka ngam lo zel mai, mahse ṭum khat chu kan school thlang huan ah kan awm dun lai in, a chal a fawh chu ka tum a, huaisen na zawng zawng nen ṭang kawp in a khabe ka dawm kang a, Awii! A chal fawh ka tum kha ka hisap sual ka meng ngam si lo khan, a hmui ka si a lo ni, tum vang ni em em lo chuan a hmui ah ka fawp ta a, kha mi darkar ah na na na kha chuan kei ai hlim kha an awm bik âwm lo e, mi an hmui a ka fawh hmasak ber a ni, kan inhnaih telh telh kan inkar ah thil a tlem telh telh a, ka huangtau ve sawt hle a a tuk zan vel mai ah chuan love bite te kan in siam sak tawn a, a tuk a sikul zawng zawng deuhthaw a fan chhuak a mahse, ka zak lo amah nen a nih vang khan ka hlim hle a ni.
A HMAWR KAN BAWK ṬAN TA.....
Tichuan le rinai in thla hnih hi a lo ral hma hle mai ka ti, a bul a ka awm leh awm loh hi hun hi a dang chuang eih lo tur tih hriatreng si hi a bul ah hian hun hi a kal chak bik tlat ṭhin in ka hria, camp a la awm nan ni 2 chiah a awm tawh a, an khua a a haw tawh tur chu ka ngai lawk in ka huphurh lawk hle a, hemi ni hian zanah kei amah leh Josepha leh a ṭhiannu Christy te nen chuan a tuk a kan tih tur Maths kan chawk ho a, hemi zan hian Kci chuan,"thil hrilh duh che ka nei, naktuk exam zawh ah" min ti a, kei chuan ka nghahhleh êm vang in tun a sawi turin ka ti a, a ni chuan,"ka sawi chuan min haw hma dawn lutuk a ti a" ka ngaihtuah a ti kalthui hle a, eng nge ka huat na chhan tur ni aw ka ti a, ka buai hle a min ṭhen a tum a nih ka ring a, a chhan chu a hnu ah an pindan ah lehkhazir tur a an luh daih vang a ni, Josepha chu ka hrilh a, a ni chuan a lo bia a hetiang in,"ngatinge khatiang ting tang a thil i hrilh i tibuai teh mai nia, a rilru hah lutuk thil ṭha lo deuh a ngaihtuah a" a ti a, a ni chuan,"eng nge?" a ti a, kei chuan,"ṭhen i tum a nih a ring" ka ti a, Kci vek chuan,"tum ta ila eng tin nge min ngaih ang?" "Sual ka ti ngawt ang che" a bul a a ṭhiannu chuan,"khatin ti ngawt suh, feelings a nei hlawl lo a chuvang a ni, tihnat reng ai chuan kalsan a ṭha zawk in a hria a" ka han awih lo laileng khawp a kum tir aṭang reng in ka ṭhiana hi a duh ve tih ka hailo, an nih hnu a an awm dan reng ah pawh amah vang a a hlim zia pawh hmu tu ka ni, eng dang sawi lo chuan ka kalsan a, Kci chuan,"Sepa inkawm lawk ang" a lo ti a, a ṭawng chhunzawm nghal mawlh mawlh a,"zep lo chuan feelings ka nei tawh lo a(a thusawi leh a hmel chu a inper san lutuk)leh khaw hran daih a awm kan nia, ni reng ta pawh ni ila, ka fail emaw pass emaw hostel ka awm dawn bawk nen min ngai anga ka ti hrehawm ang tih ka hlau"(hei chu a dik tih ka hria a) Kci hi mi rilru ṭha tak a ni tih ka hriat vang in feelings a nei lo ni lo vin an khua a a haw san hnu a ka ṭhiana lungngai turin phal lo in, ṭhen a in theihnghilhtir a tum tih ka hria a, kei chuan,"Feelings i nei i nei lutuk, i duh a i hmangaih tih ka hria lawm, i haw san hnu a a khawhar tur i ngai ngam lo mai mai a nih kha, thinlung in nei tawn tawh te kar ah chuan mual leh mel hian tih theih a nei chau lutuk" ka ti a, a ni chuan chuai raih hian,"niaa...ka ngaihlu a ka hmangaih lawm, ka mipa ṭhian neih hmasak ber a ni, tette ṭang hostel ah ka awm a, ka rawn luhtirh a tumah min be tu an awm loh lai a, min rawn be tu a nia, ka tan hian a hlu lutuk, Pen nalh deuh mi dang in an dil sup sup a a pek phal loh pawh min pe a, tun thleng hian ka la dah ṭha reng, mahse i ngaihdan a ni lo maithei, a na tur hi ka ngaihtuah a ni" tiin an inbiak dan chanchin chu min hrilh a, chuta ṭang chuan kan kar hi a hla sawt nimai in ka hria a, kan pahnih a thalak pp a kan hman te delete in, a account password te a thlak a, min ṭhen a tum thu ka hria tih a hria a, ka na ngawih ngawih a awm dan ka thiam lo chuan ig ah ka va text a min ṭhen lo turin ka ngen lawm lawm pawh in a ngaihdan ni sa chu sawh sawn a tum loh thu a sawi a, mahse Josepha sawi ang in a rilru ka hrethiam a khaw dang a a awm dawn vang a ka nat hlau a nih rinna ka nei lian khawp mai a, zan a lo nih chuan a kan camp tawp zan tur chu zai leh lam a hun hman kan tum a, kei chuan zanin chauh tu bul ah mah awm lova, ka bulah chiah awm turin ka sawm a, amah chuan ka ban ah a vuan reng a, pawn ah kan chhuak dun a, kan ṭhiannu pakhat,"thla ka lo lak ang che u" a ti a Kci chuan ka dar ah min ngheng a, a dar ah ka kuah ve a, kan in kut vuan lai chu amah ngei in thla a la a, mahse, lawm a kim lo mut tawh hnu ah chuan ig ah kan in text ah amah zawk chuan kan pahnih a thlalak chu story a in hmang tawn turin min ngen a, mahse, kan inhlat dawn vang a sawi lek a ni tih ka hria, inthlah rih mai ngai dawn in ka hria a, kan in text lai chuan a hma a ka ig reels lo hmuh tawh ka hriat chhuah zawk chu ka va thawn a,"in mangṭha rih ila, intawng leh ang aw, in thlah rih ila, inthlah hlen lo'ng aw" tih chu ka thawn ka lung a chhe ngei mai a, mahse beidawn san mai ka tum lo, nghak reng turin ka inpeih reng tur thu hrilh ka duh a, zan ah chuan ka muhil thei lo a tuk ah camp kan chhuak tawh dawn, zan ah chuan tukverh aṭang chuan a mu lai chu ka en reng a.
A TAWP NAN......
A tuk ah chuan a lo thawh hun chu ka chang rân a, kan madam a riah ve avang in an pindan ah chuan ka lut mai ngam lo a, a ṭhiannu Christina i hi an veng a hlat tham vang in a nu in a ngaihtuah in Christina in a phone a hman sak ṭhin kan ṭhianpa Duhthlana a nu chuan a lo call a, phone pe tur in an pindan ah chuan a va lut a ka lawm kher mai, Kci pawh chu a tho a a insiam sawk sawk a, a pute an a lo hruai dawn a ni ka ko chhuak a a tawp na atan a hmui ah chuan ka fawp leh a, keipawh ka u in min lo hruai a kan kal nghal mai a ka lung chu a leng hle a, ka rilru a thil thar a lo lut a, Sepa sawm in zanah an in a len kan ti thlu phone in a biak tlang theih loh va, mahse a tawp zan tur a ni tho tiin zak chung chung in an inah chuan leng tur in kan kal a, kan zam ru hle a putea te in a awm a ni si, a putea te hmel kan hre silo a pute te chu awm lo se kan ti ru khawp a, kawngka kan kik a pute ' 'aw'(voice)ni ngei tur aw kan hre nghal a kan zam ruk sa nen a!! An in ah kan han ṭhu a putea chu Sepa hmelhriat a lo ni, ka lawm zia chu sikul a a thil theihngilh lakpui in insi riai in kan kal dun a, a thingpui lum in in a an in a ka len luh hmasak ber ṭum te ka ngaihtuah chhuak a, kan haw tawh hnu chuan kan in text a min hmangaih thu min hrilh leh ta a ka thaw veng huai mai a, a tuk a a haw mai tur ngai ngam lo chuan kan han kal ru aw tukverh aṭang a mu lai chu ka en leh a, ka atchilh hle tawh a ni a tuk ah chuan inhmuh leh zuai kan tum a, a tuk a lo nih chuan an in ah ka chho zuai a, a ni a lo chhuak a rei lo te chiah kan inhmu a, inah ka haw Josepha bulah chuan ka ṭap ringawt mai a, a ni chuan min sawm chhuak in a haw lai enliam ngei turin kan chho a, a tawp na atan kan ban kan vai liam a, chumi hnu ah chuan ig ah Josepha hnehah a theihtawp a min enkawl turin a lo ngen a, keipawh min rawn bia lawmthu min hrilh a, kei pawn damchhung a ka lo nghah tur thu leh ka hmangaih reng tur thu in ka chhang a. Ni e, kan inthlah hlen ngai lo vang...
_________________THE END_________________