The Feared Crimson King 6

[B.laltlanhlui]

Alice POV

"Awle tehreng mai, engpawh min zawt thei alawm" ka nuih let seih a, ka hahdam tawh khawp mai

"Thudik a ni alawm. Kan lal hian dan a siam a, mipui te himna turin lal chhungkua hian inzawmna hi an ngai pawimawh khawp mai. Helai hmunah hian a ni ve lovem ni? An kawppui tur ni lo, midang an nei thei maw?" Hre chak lutuk in ka zawt a, hmelma lal ram hi ka ngaihven loh lutuk chuan buaina ka tawk ve thei tlat

"Hetah pawh a inang deuh tho, danglamna chhe te chauh a awm. Ṭhenkhat chuan khuanu ruat te hian an nunah pawimawhna lian tak neiin an hria a, mahse an hmangaih kher ngai chuang lo. An peng khat ah an ngai a, mahse an duhzawng apiang an nei thei" Pi Jane-i chuan phur deuhin min hrilh a, ka lu a sak pahin oil nen min massage a, nuam ve tak a ni

"Mahse chung chu a thleng tam vak lo, inzawmna kan neih pui te hi nupui pasal ah an innei tlangpui. Ka kawppui nen hian kum sawmthum hlim takin kan innei ta" a ti a. Hnial ka tum deuh a, ka insum leh thei hram. Ka pa venhimna ka ngai hle mai

Ka sam a ro hnuah hriak min chulh leh a, chumi hnuah room thim takah bawk min hruai lut leh a, a lo thim ṭhiap a, ka ngai nghal der mai. Kan in mangṭha zawh chuan keimah chauhin ka awm leh ta

_____________________________________

Lal chu a thutiam ah a ding nghet hle mai, chhiahhlawh te'n tui chauh min lo pe a, chaw erawh ka hmu phak lo nasa. Tumahin min be si lo, ka pum na lutuk chu ka rum nghat. Sakawr sa pawh min pe se, ka ei duh hrim hrim ang. Ka pum a inlet but but a, engemaw tal ei ka chak hle mai

Chakna pawh ka nei tawh lo, tukverh a awm bawk si lo. Ni engzat nge liam tawh pawh ka hre lo. Ka hmu phir vek a, engmah ka ti lo bawk nen ka chau ngawih ngawih

Ka luak te hi a chhuak deuh nghulh mai, chhiahhlawh te'n min rawn kân zin dan aṭang a ni thumna a ni ṭep tawh ang. Khumah nuamsam lo takin ka mu kawm ngal a, kawngka zawi tein an rawn kik a

Ka hriat sual anih ka ring a, an rawn kik nawn leh chuan Pi Jane-i chu dingdihlipin pindanah a rawn lut a

"Hello Pi Jane" nuih luih ka tum a, harsa tak a ni ringawt

"Hello dear" zawi tein a rawn phun sup a

Ka chakna zawng zawng in khumah chuan ka ṭhu chhuak a, ka rum deuh nghut bawk

Ka lam a rawn pan laiin a phun sap a "I tan engemaw ka rawn ken che a, i ril a ṭam tawh ngawt ang" a ti a

Chhang chu min rawlhruk a, ka meng zau nghal kawk "Ka lawm e, ka lawm lutuk. Ni thum a ral tawh em ni?" Ka ti a

"Naktukah a zo ang" a sam rawn tla chu a bengah a zep a, a ṭawn tawm leh a, a hnathawh nasat avangin a tla ṭhen tawh tih a hriat

Chhang chu ka keih hmawk a, ka lem laiin ka zawt leh a "Ngawi teh, Lal in s hre lo tihna em ni?" Ka ti a

A lu a rawn thing a, hawi kual zak zak in kawngka lam a melh a

"Hrem i ni thei asin" ka ti leh a

"Chuvang chuan kan thuruk ni rawh se aw dear. Lal Theodore chu a thinrim hle ang mahse ngaihtuah hah duh suh. Ka ṭha mai ang" tih pahin min nuih seih a

Mak ka ti hle mai. Engtin nge mi hian an ngainat theih zawk le?

"Naktukah Lal in biak che a duh a" a ti a

Ka lo bu zeuh a, chhang nen chauh chuan kan awm leh ta

_______________________________________

Chumi tuk chu ka rin aia hma in Lal ka hmu tlat. Tray ah tukṭhuan ei tur an rawn keng a, Juice nen. Tui ka ti viau na a, ka ei hmanhmawh khawp mai

Ni thum chhung rilṭam deuha ka awm lai khan thawmhnaw an rawn dah belh a, en tur pawhin chakna ka nei lo anih kha. Kawrhnuai hak tur ka ngah tawh bawk a, thawmhnaw thar leh mut kawr pawh ka neih belh nasa hle

Ka tukṭhuan hmuh hmasak ber a ni hial awm mange a

Kawrfual par, a bân sei chu ka thlang a, sipai pahnih in min rawn hruai a, sasua thinga siam kawngka lian, a hmaa ka tlanchhuahna ah bawk khan min hruai lut leh a

Kan luh dawnah chuan ka khur deuh hlek, mahse ka chakna sawm khawmin kawngka chu ka han hawng a. Ding chungin min lo en reng, rangkachak lallukhum a khum vang bawk

Ka lu kunin chibai ka buk a "Tuk chhuah nuam, Aw Lalber" fimkhur takin ka han ti a

"Lo lut rawh" a lo ti bul hmuk a

Ruaiṭhehna hmunah ka zui lut a, ka biak ngei a ngai, ka nghak a nih chuan ka huaisenna a bo hman dawn tlat

"Aw Lalber!" Ka lo ko a, a kal lai chu a ding chawt

Hahdam turin ka infuih mawlh mawlh

"Sawi duh ka nei a, khawngaihin min lo ngaihthlak sak hram rawh" ka ti a

Min chhang lovin a rawn inher a, ka lo thaw deuh hak a

"I thu hi ka hnial thei lo tih ka hria mahse ka thianghlimna hi i lak dawn chuan la nghak deuh la ka duh a" ka ti a

A rawn meng zau kawk a, chumi hnuah ngaihtuah chhuak nei ang mai hian a awm leh a

Ka khur nghal beuh beuh, thil ka tisual em ni le? Ka thu zuk leh tur chuan a tlai tawh lutuk tlat

"Thudik chu maw, Aw Lalber ka hlau alawm. Inzawmna kan nei tih chu ka hria a, mahse ka-" ka kut ka hum ruh a, chhuat chu ka melh daih, engemaw a sawi hun ka nghak tawp

Khawngaihin ṭhatna chhe te tal han nei hram teh

Ka lam a rawn pan a, thil thleng thei tur ka lo ngaihtuah kim hman vek. Min beng leh emaw, min kalhkhum daih thei, anih loh pawhin a hrethiam ang a, min en liam ve thei tho bawk. Rin lawk thiam a har lutuk hian min ti hlau ber. Ka kut a rawn thlan ṭiam ṭiam mai

Ka khabe kuai chho in min dah tir a, a mitmeng pawl tak ah chuan engemaw hmuh ka inring a, ani pawhin min lo en ve reng

"Ṭawng tura ka tih loh che chuan engmah sawi suh ang che, ka kawppui i nih hi ka pawm thei lo" a rawn meng thip ram a "Thupek chu thupek a ni, i zawm ngei bawk tur a ni, ka hrilh tawh che kha" a ti a

Ka khap leh sawk a, ka mittui a hnai viau mai

Min rawn nam deuh sawk a "Tih nat che ka tum lo, ka duh ber chu chhinchhiahna dang i lo thukru lo maw tih a ni" a ti a

Ka hrethiam lo khawp mai "Tinge ka-" min rawn melh chuan ka ngawi nghal chawpchilh. Ka ngaihdan min zawt lo tak e

"A pawi tawh lo e, ka chian tawh alawm" tih pahin a chal a tuai zeuh a

Chianna a? Engtin nge?

Ka hrechhuak ta

Inbualna ah khan

Pi Jane-i'n....

Lal thupek in min lo endik reng a ni maw? Min duhsak vang emaw ka lo ti a

****

Chhunzawm tur