The Feared Crimson King 8

[B.laltlanhlui]

Alice POV

Room chhung kil khat, chhuat vawt raih ah chuan ka ṭhu kawm ngal a, hnuai lam ka melh ngar ngar bawk

A vawikhatna atan ka room hi nuam ka ti ve hle mai, khawvel hlata awm pawh hi a thawventhlak zawk hial mai. Mahse hemi hmun hi nuam ka ti lo

Mi sual tak hi chu a ni ve chiang alawm. Thinlung sak tak anih hi. Mi hriatthiamna pawh a nei eih lo, reilote chhung ngilneih hmel tak leh zaidam tak anga a lan vang maiin ka lo ring leh hman ringawt anih kha

Fel tak angin an inlan a, ani pawh hi an ni ang tho anih hi

Ka lo ring sual nasa thei hle mai

Ka in kuah leh hnawp tawh mai

Ka tisual leh ta a ni. Mi sual tak nunah hian ṭhatna hmuh ka tum zel a, mi â tak anih saw, nunrawng tih pawh hian a sawi fiah thei lovang

Ka nu, ka pa leh ka unaupa, an vaiin ka ngai hle mai. In ka ngai, he thil hi tawp vat se ka duh. Ka ning tawh lutuk, ka khaimit hi kailawn a min hnuh lai khan ka lo tina a ni maithei

Ka ṭah nasat lutuk avangin ka mit te hi a vung vek

Kar khat pawh a la liam hman lo, helai hmun ka chhuahsan theihna tur anih phawt chuan hawi let tawh ngai lo turin eng pawh ka ti duh mai ang

Ngaihtuah thui vak pawh ka duh lo, a chhan chu darkar reilote ah vengtu pahnih in Lal bula kal turin min hruai leh a

Darkar rei pawh a la ni lo asin, min huat viau te chuan ti hian min awm tir mai mai se ṭha tur. Ṭawih ral daih pawh pawi ka ti miah lo asin le

Vengtuten min hrilh lai chuan ka che eih lo. A bulah min hruai dawn anih chuan min hnuh mai a ngai ang

"Lady Alice, ti nge sawi nawn kher a ngaih? Lal hnen aṭang thupek kan dawng ania" an ti a

Walzenor a hmeichhia zawng zawng te hi Lady nihna an pe vek em maw ni le? Ka ngaihtuah zawm peih tawh love a

Ka la chetsawn duh chuan loh avangin Vengtute chu an thaw chhuak hawk a, ka lam rawn panin thim lal hnen lamah min hnuk leh a

________________________________________

Dawhkan ngai bawk ni rei vak lo kal ta a, ka tlansan na hmunah bawk khan min ṭhut tir hnawk a, ka hawi kual ngam lo mahse ka bulah chiah hian mi hlauhawm tak mai kha a ṭhu tih ka hre mai

Kan ngawih reng hnu chuan hnuai lam ka la melh tlat, a hma lawka thil thleng kha ngaihtuah loh ka tum nasa

"Rawt duh ka nei...." Crimson lal chu a rawn ṭawng a

Ka che sawn ngam lo

A sawi tum chu hrechak viau mah ila ṭawng tura tih ka ni si lova

"Thu ka sawi lai chuan min lo en kar rawh" a ti a

A thutak em ni? Ka hawina lam tur tal ka thlang thei lo em ni le? Tih thinrim leh ka hlau bawk si, a mitah tak pawh ka en ngam lo

"Alice" a dawhthei tawh lo viau mai. A aw ah chuan invauna ri a lang tlat

"Ka ning tawh lutuk" ka ti sup a

"Sawi chiang nghal rawh" a rawn kun hniam a, mak tih hmel deuhin min en a

Ka thin a rim leh ta hle mai. Ka thin a ur hle a ni. Ka khawharna leh lungawi lohna te hi a rawn irh chhuak vek

"Ka ning tawh a, ka chau tawh hle a ni. I sawi angin ka awm tawh a, i kawppui turin min duh lova, kei pawhin ka duh bik lo che. Ngilneihna lantir pawh i tum lo, i theih pawh hi ka ring" ka theihtawp chuan ka ankhum a

Thil ri bur ka hria a, ka harh nghal kawk mai. Lal chuan dawhkan a lo hnek ri pawp a, ka meng phar dawr dawr mai. A mitko a tichuar tap a, a inhum ruh hle bawk

Awi a ni thei lo

Engmah kha lo sawi lo ila ṭha tur. A thin a ur leh tawh ani ngei ang. Ka hawisawn vat a, hnuai lam ka melh leh daih. Ka khur hlawk hlawk bawk. Engvanga insum thei lo nge ka nih le?"

"Min hlau a ni maw?" A hmel landan leh a awki chu a dam leh tawh hle mai

"Min hlau tur pawh i ni reng" a ti leh a

Ka lo thaw dep dep a, a rawn ṭawng chhuak leh a "Zep ruk i nei tlatin ka hria, kan chhungkua hian thil danglam deuh a thlen hian kan hre thei a" a ti a

Chair chu nghengin a kiu a nghat a, a khabe a dawm leh a

A mitah tak ka en a, thil engemaw hriat chu a nei chiang alawm. Eng nge ka tih tak ang le?

Ka thin te hi a phu dup dup mai. Ka thaw ri chiah chu room chhunga hriat tur awm chhun chu a ni

Ka chil ka lem khawlh a, min hmuh loh hram ka beisei, ka chal aṭang thlan fim a rawn bawl ṭiam ṭiam mai

"Tattoo inang kan neih vang chauh a la dam i tih tih hi inhria ang che Lyrian mi, ka ring lo che a, ka ring ngai bawk lo ang che. Awmzia a neih ka rin ṭhin vang chauh a ni" a ti a

A thaw chhuak hak a

"Tunah hian hun ka pe ang che, min hrilh vat rawh" a ti a

Ka hmui a khur deuh hlak hlak, a hmelma fanu ka ni tih hi hrilh ta ila min that duh hrim hrim ang. Chu mai pawh a ni nang, ka pa thah tumin hmanrua ah min hmang hial maithei

A hre sa anih chuan min fiahna a ni thei ang em? A lam ka hawi duh chuang lo

"Lal nen eng inremsiamna nge in neih? Min hrilh rawh" a ti a

Inremsiamna a? A fiamthu chu a ni em lo maw?

"Ka hrem lo ang che, Lal in a hrilh che sawi phawt rawh, zep i neiin ka hria a, chuti ni lo se chu Lal hian hetah a rawn tir miah lovang che, tum chu a nei chiang alawm" a ti a

Engemaw sawi tumin ka kâ ka ang a, mahse sawi tur reng ka hre lo. Ka lu ka thing tawp ringawt. Tum ka neih ah a ngai maw? A khuanu ruat ka nih hi mawle

"Lal nen hian inzawmna engmah kan nei lo" zawi te in ka ti sap a, a mitah tak ka en bawk

"Lal Artus hian khuanu ruat hi a ring tlat a, chuvanga helai hmuna min rawn thawn a ni" ka ti a

Crimson lal chuan min melh ralh a, a rilru ah engemaw tak chu a awm chiang

"Anih chuan amah chu i hria tihna a ni maw?" A ti a

"Reilote kan inbia a, Walzenor a ka khuanu ruat chu tu pawh ni se ka hmuh ngei ngei a ngai tih thu min hrilh a" ka sawi tawp lam phei chu zawi tak a ni tawh

A aw ki a rawn san a "Anih chuan a mimal takin Walzenor a kal turin a hrilh che maw?" A ti a

****

Chhunzawm tur