The Feared Crimson King 10

[B.laltlanhlui]

Alice POV

Khumah chuan nuam ti vak lovin ka inlet kual char char. 'Ka khum' tia ka koh hi ran chaw hnim an thuah khawm niin puan an phah hnan leh tawp a

Lal fapa naupang zawk kha chu a zaidam hmel khawp mai. Mahse ka tisual tawh dawn lo. Pi Jane-i'n chhang min rawn ken leh pawh nise ka rilru a nem tawh lovang. Ei tur ka ngaihtuah vang aniang ka pum a ri ruk ruk mai. Tumahin eitur min rawn lak dawn lo aniang

Lal hian rilṭama min thilh tir hma hian tlanchhuahna tur ka zawn vat a ngai a ni. Chu pawh Lal in thinur a, min that lo anih phawt chuan. Kan inhrethiam ngai dawn lo niin ka hria

Darkar a liam a, pen ri chu kawngka zawn ah ka hre chiah

Awi a ni thei lo

Ka mit ka chhing a, zawi te in ka thaw chhuak a, kawngka an rawn hawng ṭhuai mai, bang a ri nghal rawk. Ka meng chiang lutuk ringawt, hetiang hunah hi chuan tupawh an tho ve vek ang

Lal a lo ni. Midang chuan hetiang bur bur hian mi an kaitho miah lovang

Kawngka biang a ding chungin min rawn melh a, amah chu ka lo en reng a, room chhung chu a melh leh a, nimina kan inbiakna kha rawn chhunzawm lo se ka duh hle mai

Second reilote kan ngawih hnu chuan a tih leh tur ka hre lawk thei si lo hian a ti lang hlauhawm lehzual in ka hria

"Min rawn zui rawh" tih zawng chu a sawi a, inher in a kal daih. Khum aṭang chuan tho in pheikhawk ka bun a, ka zui ve mai

Ka hloh palh hlau takin rang lutuk in ka zui a, marble kailawn zau tak kan zawh a, kawngka mawi tak pahnih zawnah chuan a ding chat a, min rawn melh zeuh in kawngka chu a nam hawng a

Ka room aia a let li a mawi zawkah chuan kan lut a, kan piah chiah ah chuan lal khum lian tak a inhung a, ding lam chair sen lian tak chu mei tuah na bulah a in hung a, vei lamah chuan dawhkan lehkhabu chi hrang hrang awmna pawhdawh a awm bawk. A kil tawp ah tukverh ceiling lei nena inpawh thla a awm bawk

Mawi ti takin ka hawi kual voh voh a "Hei hi Lalber pindan anih hi" a rawn ti a

A thinrim leh hun tur ka hriat loh avang chuan a awmna aṭanga hla deuh fe ah chuan ka awm a, ka lam panin a rawn phei a

Min en miah lovin room lai takah chuan a ding a, a rawn sawi zawm leh a "Kan hman lohna a rei tawh a, mahse hetah hian kan awm tawh ang" a ti a, a awki ah chuan eng nge a ngaihtuah a hriat tawh loh

Engmah sawi ngam lovin ka ngawi deuh tawp mai

Room lehlam kawngka chu a kawk a "He mi room ah hian i awm tawh ang, i awmdan ka hmu reng thei tawh ang" a ti a

Room a min kalh khum kha ngaiah ka lo nei tawh a, mahse Crimson Lal room kianga han awm chu ka ngaihtuah zawng pawhin ka awm a nuam hleithei lo

"Hetah lo kal rawh" kawngka te zawk bulah chuan a lo ding reng a, ka va zawm ve vat, mahse a hnaih ah chuan ka ding ngam chuang lo. A chhunga lut turin min zaizir a

Rang lutuk in room ah chuan ka lut a, a te deuh nan a nuam viau mai. Khum pawh a dup nuam in tukverh lah a lian bawk si. Bang ah rose lem an chei a, an puan phah chu a sendang leh sen duk in an ṭhui a, a deh a nuam khawp mai. Kawngka kalh ri chu ka hre leh a

Engtik in nge a lo chhuah hman le? Ka hre lo re re

Room ah chuan ka kal kual a, Lal nen buaina kan nei lo chu a lawmawm ka ti. Tukverh chuan ka mit a la chat mai. Mawi ka van ti tak. Lal chenna hi tlangah tak awm in, a chhehvel khua lo lang chuan a ti pui lutuk ringawt. Mihring erawh chu ka hmu thei lo. Mahse room pangngai takah ka awm ve ta chuan min ti hahdam sawng sawng mai

Darkar khat a liam leh hnu chuan kawngka an rawn kik a, chhiahhlawhte'n tray ah eitur an rawn keng a, steak lian tak, thlai hnah nen an rawn keng a, a tui lutuk ringawt. Steak ei hi chuan nunhlui ka ngai ṭhin

Ka nu hian ni bik deuh ah hian steak min hlui ṭhin a, ka ngai thar hle mai

*"Alice duat, ṭap suh" ka nu chuan ka sam a rawn chul heuh heuh a, a kâwng zawnah ka lo dawm nghet a, a kawrfual chuan ka mittui ka hru a, ṭah ka insum nasa "ka nu ka hrethiam lo a ni, Ransa ei hi ngaiah kan nei a, tinge vawk leh bawng te hi kan ei nasat em em?" Ka ti a*

*Ka nu aw ah chuan a nuih a za tih ka hre mai, kan huana ran te kan infiampui ṭhin a, talh tura an sawngbawl ka han hmuh hian ka rilru a na a ni*

*"Ka fanu duat, heti zawng khera i hrechhuak hi a pawi ka ti, mahse heng ran ho hian nun ṭha tak an hmang tho alawm, i rilru tina lutuk suh" a ti a*

Fork chu plate ah ka dah a, ka fian ken ah chuan ka mittui a rawn far thla keuh. Ka nu leh pa, unaupa leh chhiahhlawh zawng zawng nen ka ngai hle mai. Ka hmai chu ka hru a, ka inhnit hlawp hlawp mai

Ka chhungte thu hnial in Lyria ah khan lo awm lui tlat ila ṭha tur, an thu awih a ka chhuak hi ka inchhir hle mai

Lal Theodore hnenah hian let leh ka duh thu ka sawi mai dawn em ni? Kawppui leh khuanu ruat tih vel hian awmzia a nei lo ka ti mai dawn em ni?

Pawn lamah thil tla ri thawm ka hria a

Lal khan a hria em ni? Eng thil nge thleng le?

Kawngka hawn ri ah chuan ka lo insiam ṭha vat a, dawhkan hnuaiah fork chu ka thukru a

Lal chu a rawn pai lut khut khut mai

Feet nga chauh kan inkarah a awm ang tih in zu rim chuan pindan a khat a. Chhun pawh a la ni lova, eng tik in nge a lo in hman le?

Ka mitah tak a en a "Ka awih chuang lo, tinge dawt min hrilh a? Thil thup chu i nei chiang alawm. Khirh viau suh!" A sawi zawng te chuan a irh awk awk a

*****

Chhunzawm tur