The Feared Crimson King 18

[B.laltlanhlui]

Theodore POV

Alice-i dawhkan chunga a muhil chu hmuhnawm ka ti riau mai. Chhiahhlawh 'Arthur leh chhiahhlawh hmeichhe naupang in kan eina an rawn ti fai a, dim te a che turin ka lo zaizir a, ka hmuiin "Shh" ka ti a

Dawhkan an tihfai zawh ah wine ka tlak zo a, ka ṭhutna aṭang tho in Alice chu kaih thawh ka tum a, a la mutui viau mai. Min hlau lo se ka tih avangin a dar ah dim te in ka vuan a, ka kut lian deuh nena khaikhin in la te ve tak a ni

Tih harh tumin ka sawi leh deuh a, ka rin loh lutuk in ka bân a rawn ngheng a, a biang in min rawn nawk a

Ka la harh chiang lutuk bik lo nen ka en char char a, a thla a muan hmel takzet. Ka kut zungṭang chu a thawk khum ham ham a

Ka harh chhuak thut "Alice" ka ti a

"Imm?"

"Tho rawh" ka ti zawi sup a

Rawn rum nghat in a rawn hawi chhuak a

"Tinge room hi a vir muai muai a?" A ti a

"I in hnem lutuk a, chuvang anih kha" a dar ka vawnna chu ka la sawn a

Chair aṭang rawn tho in kawngka lam chu bu deuh luk luk in a pan a, a kut ka lo vuan vat a, mut chhuah hmel deuhin min rawn melh a, a kut chuan ka bân ka vawn tir a, hma ka hruai a, a tlu tawh miah lovang. Min rawn zui ve mai bawk a

Pindan lam kan pan lai chuan hnuai lam ka melh reng a, Alice-i lahin min ngheng tui em em lehnghal. Pi Jane-i'n dim deuhin min rawn kalpel a, chibai min buk zuai a, min mangṭha pahin a rawn siai zeuh a

Kan kal lai reng chuan ka bân a la vuan reng a, min la ngheng pah reng bawk. Tiang em em hian ka bulah nuam ti takin a la awm ngai lo. Wine vang a ni ang,tu mah hian ka bula awm nuam an ti lo. Ka thil tih tawh te ngaihtuah phei chuan a awm ve tho mai

Ka pindan kawngka chu ka hawng a, a tlai tawh nen bati leh tapchhak a mei an lo chhit chu pindana eng awm chhun a ni

Alice i'n min vawnna a thlah a, ka khum lam panin a ṭhu a, a zal riai riai a, a mu kawm ngal mai. Kei erawh ka ding chat thung

"I khum ani lo ania" ka ti a

A rawn meng diar diar a, min chhan mai loh avangin a lam ka va pan a, ka sawi nawn leh a

"Saw mi room ah sawn ka awm duh lo" a pindan kawngka chu a kawk a

"Engvangin maw?" Ka ti a, a kawr nghawng chhung a rawn lang deuh a

Hmeichhe hmelṭha tak a ni. Hriatreng tlak chu a ni ve e

"Ka khua a har alawm. A chang in Lal sual tak khan min rawn ankhum ṭhin a" a ti nuah nuah a, ka thinrim lai leh zaidam lai hi min thliar hrang a ni ber mai a

"Awle anih chuan hetah hian mu rawh" tih pahin ṭhutna lam pan ka tum a, engemaw che zeuh ri ka hria a, a kut tereuhte chuan min rawn vuan a "Keimahin min awm tir suh" a ti zawi sap a

Eng thil nge ni ta le?

"Khawngaihin" a ti leh a, min rawn chhoh en a, ui note a ang reuh lutuk

Awi leh

"Eng thil nge ti se min duh?" Ka ti a

Min chhang lovin khumah min pawt ṭhu a

Ka pawm lo thei tho na in ka wine in a rawn thawh avangin pawi ka ti lem lo. Khum ah chuan ṭhu in ka nghak deuh a, meng chiang vak lo in min melh a, a tawlh phei surh a, khum chu a beng thak thak, mu ve turin min duh tak tak maw?

Ka thaw chhuak hak a, inbumna a ni thei ang em? A rui der mai mai a ni lo maw le? Hei tak hi a tum a ni maithei asin 'Ka rinna hlawh chhuah hi'

Ka harh hunah hian min lo tin reng thei asin. Hriam hrei keng angin a lang lo a, engemaw tih a tum vaih chuan kumkhua in ngaihtuah buai lovin ka tan tir tawh ang

A kiangah chuan ka tlu zal ve a, infiamna kan ṭan dawn ta, ka awm a rawn kham a, ka che tawh lo, chumi hnu chuan a rawn thaw sek sek a

"Khawngaihin Lal sual tak lak aṭang min chhanhim hram rawh...." a rawn ti a

"Tehreng mai" ka lo ti ve mai a, a muhil zui ta aniang
________________________________________

Alice POV

Ka chil ka lem khawlh a, ka hmui leh dang a ro lutuk, mahse ka bul chiah hi lum nuam tak a ni

Ka mit ka meng chiah, a lo thim khup a, sava an rawn hram chuah chuah bawk. Ni rawn chhuak chuan a rawn kah eng vek a

Ka nghawng hi thawk khum tu awm ang maiin a lum ham ham zel a, ka meng zau kawk mai. Eng thil nge thleng le?

Bân rit takin min lo kuah a, ka nam sawn nghal hmak, ka thaw chhuak hak a, lal pawh a rawn meng kawk a, khum aṭang tho in kawngka lam chu ka pan a

"La awm rih rawh" Lal chuan min rawn au a, engah mah ka ngai lem lo. Inbualna room awmna ka hre tawh bawk a, ka pan nghal vat

Vengtute kal pelin inbualna room kawngka ka khar a, ka hmuh ve theih chhun a ni. Keimaha awm ka duh, ka hmai ka phih sawk sawk a, niminah khan eng thil nge thleng le? A pahnihna ah chuan ti nge engmah ka hriat chhuah theih tawh loh? A pathumna chu engvanga Lal khuma mu nge ka nih le?

Awi ni lo, ka han in en vang vang a, ka kawr chu a dik chiah lo, mahse na ka nei bawk si lo. Khawngaihin kan hmang lo tih min han hrilh hram teh u.....

Darthlalang a ka han inen chuan ka sam a thur a, ka pum a na hle bawk. Ka damlo dawn aniang

Ka in ve tak alawm le! Awle hahdam taka awm ka mamawh. A pawi em lovang chu maw? Ka ruih vangin engmah ka hre thei tawh lo

Mahse ti leh teh ang engvanga a khuma mu nge ka nih le? Ka hriat chhuah ngei a ngai

Ka sam ka khuih hnuah thawmhnaw ka siam ṭha mawlh mawlh a, Lal chenna a thawk ho hian kan mu dun tih hre lo se ka duh

Inbualna room chhuahsan in kawngka chu ka khar a, ka hmanhmawh bawk nen pindan ah chuan ka inchhuih a, thaw leh hawk in ka hawng dek dek a

Lal chu khumah ṭhu in a chal a tuai neuh neuh a, a ruih a reh ve tawh aniang, min rawn melh zawk a

"Kan hmang em?" Ka ti chhuak phawng a, ka hmui ka hup leh nghal vat. Bul ṭan dan fuh lo tak a ni Alice ka ti rilru neuh neuh

A rawn nui chhuak hawk a, ka biang a sa hut hut a, ka biang pawh sen tak a ni ringawt

****

Chhunzawm tur