The Feared Crimson King 27

[B.laltlanhlui]

Alice POV

"A ṭha e, tunah chuan va ṭhu tawh rawh, i tan hna ka nei ania" a ti a

A hmaa a thu ka hnial khan khawi ram mah min thlen si lova, tun ṭum chu a zawi apiang ka zawm diak diak lovang a mahse bei let tur hian ka taksa leh rilru hi a chau tawh a ni

Ṭhu ṭha in tui no chu ka tep chat chat a, hahdam taka awm ka mamawh a ni

Lal chuan chair nghengin min han hrilhfiah a "Lyria leh Walzenor indona hi a nasa lehzual a" a han ti ṭan a, ka beng ka lo tun hra mai. Helai hmunah hian indona chungchang engmah ka hre lo, Lal in a sawi ngai bawk si lova

"Kan inbiak lai reng pawh hian mi tang za chuang chu he lam panin an rawn kal mek" a ti a, eng thil nge tih a tum le?

"Tinge hetah an rawn kal a?" Ṭawng tura min tih hma chuan ka lo zawt leh thawt thawt a, ka rilru in ka in beng sek ringawt

Mi awmthei fa te chuan indona chungchang an buaipui ngai lo mahse ka u Parcival sawi ka hriat danin Walzenorian sipai te khan kan sipai te a nung chungin tan inah an hruai ṭeuh a, an la man ve loh te pawh mahni inveng turin a hrilh thu a ni

Lal chu ka lam a hawn hawi zeuh a, chumi hnuah a sawi zawm leh a "Eng thil nge an hriat tih hi hriatchhuah ka duh ber chu a ni 'thil duh i neih chuan nangmahin ti rawh' tia an lo sawi ang khan" a tih chuan ka lo bu nghat a, a thil tih tum ka ngaihtuah ngam lo zawk. Min ringhlel em lovang chu maw tia ka ngaihtuah lai takin min rawn melh leh zuai a

"Kan thawh tur ber ka han sawi ṭan ang a, min ring lutuk lo ani tiro, mahse tanin a khah vek hian nuam ka ti bik lo a, thudik sawi dawn chuan Lyrian ho hi khaihlum vek ka duh a" ka ngaihtuah zawng ringawt pawhin ka khur der der. Lungawi lo taka ka awm hmuh inring in min rawn en a

A sawi zawm leh a "Inpawm ka duh lo viau na in nang hian chu ka ngaihdan chu min thlak sak a ni, dik takin ro ka rel dawn a ni" a tih leh lai chuan a thusawi avang in ka dam sawng sawng mai. Chu pawh nise a hna min pek tur nen eng nge a inzawmna ni ang?

"Dik taka rorel ka duh a, an vaia chungthu rel dawn chuan hun a duh rei dawn si a, dan pawm awm tak ziak chhuak tur che in ka duh a, kan rorelna pawh chak takin a kal theih phah dawn a ni. I duh chuan i pawm lo thei a, mahse hun ka khawhral mai mai dawn lo ania" a ti a, mipui za chuang thih leh dam hril tur thil a ni si a

"Ka pawm e" ka lo ti nghal vat, ka ringhlel chhin eih lo, mi nunna chhanna tur anih phawt chuan engpawh ka huam vek

"I ngaihtuah phawt dawn lo em ni?" Lal chuan min nuih suk a

"Dawn love, Aw Lalber" ka ti a

Ka hnathawh a ennawn hunah thil felhlel a hmuh chuan a hnawl ṭhak dawn tih chiang takin min hrilh leh a, zanriah kan kil zawh chuan ka rilru ka seng nasa lutuk hi ka thluak a keh lo chauh. Pindan kan pan laiin Lal chuan a beisei ka phak a rin thu a sawi leh a, mahse ka ngaithla chiang thei tawh lo. Naktuk chu ni ṭha tak ani ngei ang
________________________________________

A tuk zing hma takah Lal in min rawn kaitho a, mahse ka buai phah chuang lo. Ka insiam nghal sawk sawk a, dawhthei takin a pindan ah min lo nghak char char a, ka peih fel meuh chuan tukverh bulah a lo ding reng a, kan dinhmun hetiang ni lo se chuan kan inngeih ngawt ka ring

"Aw Lalber?" Ka va au a, a rawn hawi let leh chu a sang ṭha ngei mai. A pian a nalh hle bawk. Ka chhip aṭanga ka ke ler thlengin min rawn en a, ka fawrfual hak hi a pawl niin a khawng ṭha at at hle a ni. V-line a ni a, engmah sawi lovin min thlir reng ringawt

"Aw Lalber?" Tiin ka ko nawn leh ngat a

A aw thian in a bân min rawn pe a, a bân ka vawn lohna pawh a rei leh ta hle mai ka hahdam huai in ka hria. Huan awmna lam kan pan a, crimson lal a ni tih ka theihnghilh hmin der

Theodore a tawp anih leh tawh. Tanin lam pan lovin hall dang kan pan a, vei lam kawngka kan luh hmasak ber thleng chuan kan kalna tur ka hre lo re re

Room chu a thim ṭhiap a, second reilote hnuah ka zia leh ta, ka hmaa lehkhabu tam tak lo intlar dul chuan ka mit a la takzet. A tirah chuan Library ah kan ding a maw ka tia, han enchian deuh chuan a laiah thil ziahna tur a lo inchhawp

Kan luhna room chu nuam ka ti takzet. Chandelier chu ceiling aṭang a rawn inkhai thla zuar a, paper leh pen tui dawhkana awm thleng chuan hmuh a nuam vel vek

"I lungawi hmel hle mai" Lal Theodore chuan min lo fiam zuk a

"Dan zirna room hian ka mit a la takzet" tih pah chuan lehkhabu sang khat chuang, bang sang taka inrem ṭhap chu ka en kual a, lehkha chhiar hi nuam ka ti a, ka tan chuan vanram a ni ringawt. Mahse hnathawh ka ngai bawk sia

"Hetah hian ka thawk thei ang em?" Phur deuhin ka lo dil a

"Tehreng mai ka pi" a ti a

Hre lo der tlat in puanzar lam ka pan leh a, ka han hawng chiah chu ni zung chuan room a rawn kah eng phut a

"He room chhunga mi hi i duh apiang ṭangkai takin i hmang thei ang. Min thlahtute dan zam leh Walzenor history zirna a ni bawk" Room a chhuahsan hma chuan min hrilhfiah a

"Ka lawm e!" Tiin ka nuih seih a, Lal chu ka han melh ralh a

Lehkhabu ka chhiar chakna chu dah ṭha rih in ka ngaihtuahna te ka han ziak thla a

Lyrian ho tan chauh dan ka siam lovang. Walzenorian pasalṭha tan zawng zawng pawh ka siam vek ang. Theodore chuan a duh dawn lo tih ka hria, chuvang chuan ka thawk nasa lehzual sauh ang

****

Chhunzawm tur