The Feared Crimson King 30

[B.laltlanhlui]

Alice POV

Lung ka hmu chiah chu ka hlau lutuk ka chiai vek. Ka thin hi phu rang tak a ni ringawt, ka khawvel hi a tawp ta mai dawnin ka hria

Walzenorian vengtu sipai in min rawn chhan hman hlauh a, min beitu thin hnun ah tak chemin a vit thawih a, chu pa thisen chu chhuatah a far baw hawk hawk mai, kumkhua atan a ngawi ta hmak mai

Tanin chhunga awm zawng zawng te chu min chhantu hlat ah an tawlh sawn diak a, an vai chuan a vau a "Thil atthlak tak tih in tum anih.chuan kir vek rawh u" a ti a

Kei erawh chu min ṭhawng lutuk hi ka la khur ru der der mai. Khatiang thil kha ka beisei loh lutuk thil a ni. Ka thi ṭhelh lo chauh a ni

Vengtu chuan min kaitho dawn a, ka la che sawn mai thei lo. Ka beng te hi a ngawng chhuih mai. Ka thi teuh hle a ni

Min kaithawh hnu chuan tan in kan chhuahsan a, tlan chhuah vang vang ka chak hial a ni. Engkim hi tlanchhiat san theih ni se ka ti hle mai

Lal in kan thlen chuan ball room ka tlan pel fua a, kawngka an lo hawng chiah ka tlan lut leh nghal a, midang pawh ka nghak hman tawh lo

Ka hmu miah lo

"Lady Alice?" Vengtu sipai chuan min lo ko a

Ka thaw a chham dawn tlat, ka dinhmun hi a la hlauhthawnawm tlat, pindam lam ka pan leh a, Theodore kha ka mamawh a ni

"Ngawi teh, Lady Alice!" Hnung lam aṭang min rawn au leh a

Theodore ka mamawh, ka chiai dawn tlat, min beih tum tu kha lo che rang deuh se chuan kei zawk hi chhuatah khan ka thal reng ang

Awi ka duh thei lo!

Ka pum te hi a na riai riai in ka hria, ka inhnit hlawp hlawp a

"Alice!" Ka hnung lam aṭang bawk min rawn au leh a

Theodore a lo ni ta

Min rawn pan hnai a, a ngaihna hre lo zetin min melh a, va pawm thlawp in ka inhnit leh char char a

"Thil dik lo a awm em ni?!" A ti a

Ka la insum hleithei lo. Rei tawk ka ṭah hnu chuan carpet sen ah chuan ka ṭhu thla hnawk a, min hnem pah reng bawk. A ṭawngkam hman chu ngaihthlak a nuam lutuk. Ka irhfiak awk awk a, rilru leh taksa tak pawhin ka chau a ni

Ka lo chik lutuk lem lo a, vengtu sipai a rawn tlan a, Lal hnenah thil thlen dan kimchang a hrilh vek a

"Eng thil chiah maw thleng?!" Lal chu a inseh ruh ṭun mai. A bul hnaiah min la awm tir reng a, a thawmhnaw fem chuan ka mittui ka hru char char

"Aw Lalber, ka lo inring lo lutuk a, ka tihpalh tak tak a ni" a ti sup a

"MIN HRILH VAT MAI RAWH" Lal chu a au vak a

"Awle, Aw Lalber. Lady Alice hian an hliam a tuam sak laiin an zinga pakhat chuan lungtum in a rawn bei a..." a ti a

"ENG MAW?? I sawi tum chu tan ina kan mi man te zinga miin a lo bei a, nangni mi mawl tak te hian in hre lo maw?!" A ti a

Lal chu ka la chelh nghet ngang mai, hahdam taka awm tumin thawk ka han la vak a, min vengtu khan min chhan in min venghim a ni. Tanina kal kha ka duhthlanna liau liau a ni

"Ni love a, ka sawi awmzia chu ka thiam loh a ni e, Aw Lalber! Khawngaihin min ngaidam hram rawh" tiin a kun hniam a

"A bik takin ka la buaipui ang che" Theodore chuan a ti bak hlak a, min kaitho zui bawk

Chumi ni chuan hahdam deuhin ka awm a, Lal Theodore hnenah vengtute awm lo se chu ka thih ngei ka rin thu ka hrilh a, hrem lo turin ka intiamtir thei ta

Ka hlauhna pawh zia hret hret in mangchhia pawh ka nei ngai ta mang lo

Ka lehkhabu chu ka khup thawk a, kar hnih liam ta chhui kir tawh lovin thil nuam zawk ngaihtuah ka tum a, Theodore zaidam zia mai kha

Lehkhabu chu dawhkana ka dah a, ṭhutthleng bân nei chu ka ngheng ar ar mai. Ka rilru hi ka pe thei tak tak lo, nizanah kan lo inhnial deuh nen

Mak ve deuh mai chu kha mi zaidam tak, a awm nghenga ka ṭah khum hawk hawk na pa ngei khan bangah min nawr a, a mit hmuha awm tawh lo turin min ti anih kha!

Walzenorian sipai te hrem theih an nih dan tur ka siam a, chungte chu:

- Mipui bei hmasa a, ti na leh that te chu hrem theih an ni
- Khaw mi suasam a, rawk te pawh hrem theih an ni
- Mi tang te, sawisa a tiduhdah belhchhah te pawh hrem theih an ni

Chutiang vel chu a ni a, mahse Lal Theodore ka hmuhtir khan a thinrim lutuk a, ka dinhmun hrechiang turin min ti a, hnial ka tum lahin min chhuahtir daih bawk si, khata ṭang khan kan inhmu leh ta lo re re

Ka ṭhutna hmun aṭang ka tho a, dan zirna room ah ka kal kual a, a ṭawngkam na tak kha ka lu ah hian a cham reng "I dinhmun hrechiang rawh" a tih kha

Ka awmna hmun chu a kiangah a ni...chu pawh rinna chhete in ka beisei ṭang ṭang. A mood fuh lo ah puh tawh mai ang. Walzenor a ka awm chhung ringawt pawh hian chhanna aiin zawhna ka ngah daih zawk

Theodore hetianga a awm chhan hi eng nge a bul ber ni ang tih thlengin ka dawn vek, ka duhtawk tawh khawp mai. Ka sam ka hui leh pawp a, rorelna room ka pan ve hmak. Vengtu pahnih te chuan mi pakhat thisen kai hnuang hi an lo hnuk chhuak a

"Eng thil nge ni?" Ka lo ti a, Engvanga mi tang pakhat chauh rorelsak nge an nih le? Lyrian mi a ni chiang ang, hliam a tuar nasat dan ah, thisen in a taksa leh hmai a bual hlup alawm

"Min lo hrethiam la, Lady Alice thuruk a ni tlat" tiin an hnuk leh a, a bân leh ke ah chain in an thlung a, amah pawhin a ding thei tawh lo

"Ngawi teh, a thi a chhuah nasat em kha! Ka lo enkawl zuai dawn em ni?" Tih pahin ka zui ve zel a

"Ni lo, tumah in an hmu tur a ni lo. Lal chhungkua Lyrian zinga mi a ni maithei! Lalber thupek ania!" Tiin vengtu pakhat chuan min lo chhang a, rorelna room chu an kal pel a

A ni thei lo. Parcival tihna em ni? Thil thleng thei tur ka ngaihtuah kim hman vek. Ka khur zawih zawih a, ka hriat chhuah ngei a ngai

*****

Chhunzawm tur