The Feared Crimson King 32

[B.laltlanhlui]

Alice POV

Parcival chu a chauh hmel hle mai. A hliam erawh an tuam sak aniang, hmuh a nuam ve deuh

"Ti nge helai hmunah i rawn kal a?" Parcival chuan aw lawi rutin min zawt a

"Inah i la haw lovang tiro?" Tih pahin ka nui sen sen a, chumi hnuah "Crimson lal hi ka kawppui a lo nia, a bulah ka cheng alawm" tiin ka chhang a

"Walzenor i kal chhan chu tattoo inang in neih vang chauh alawm" rum lutuk in a ti nghut a

"Ni e" tiin hnuai lam ka melh tlat a, ka nu leh pa hian an la hrilh hman lo anih ka ring ta tlat

"I â tawh anih hi" ṭhut ngil a tum chu a hliam vangin a khur ngar ngar a

"Awi ni lo, i hliam hi thawi dam thei ila ka ti khawp mai" ka ti thawp sat a

"Ka ṭha e, hei aia nasa pawh ka la tuar thei ang. Ka rilru han la peng teh, helai hmuna i nun dan min han hrilh ta che" ti a min zawh lai chuan ka khawngaih lutuk tlat

Ka âwm a rawn tawt up up a, ka kâ angin engemaw sawi ka tum a, engmah a ri chhuak thei lo. Thawmhnaw dahna bawm a ka bihruk te, indona chhuah chhan leh ka thih teuh zia te, kan hmelma hi ka hmangaih ṭan ka rin thu zawng zawng ka ngaihtuah hian ka na a ni. Ka biangah mittui a rawn far thla keuh a

"A ṭha vek e Ali, i ṭha mai ang" ka unaupa chuan dam dapin a rawn nui suk a, chumi hnuah a tûm leh hmak "A tina che em?" A tih zawh ah ka taksa pum chuan a en chhuak dap a

"Tina love, ka ṭha e, uh...lal nen hian kan inhrethiam dun ṭan a" ka nui chung pawhin ka mittui a rawn far a "Ka khua a har mai chauh a ni" ka ti a

"Ka kuah chak hle mai che, Ali" a bân an thlunna chain chu a ri ral ral a, "Mahse thil hi a awlsam vak lo a ni" a rawn ti fiamthu a, ka lo nuih ver ver hnuah ka kuah nawn leh a

"Kan inhmu leh thei ka lawm lutuk Parcival. Mahse ka hruai chhuak vat ang che" ka ti a

"I kawppui hnenah chuan a ṭha thei ang berin min lo sawi la aw, ka thih loh phah maithei asin" ka unaupa chuan fiamthu a rawn thawh leh a

"Ka ti ngei ang lal fanu ka nih tih a hre lova, a ngaihdan chuan lal chhungkua nen inzawmna kan nei lo, min hrechhuak tawh ni se chu kan inbiak hma hian min that tawh ngei ang" ka ti a

"Awle, ngawi teh, a rukin helai hmunah hian i rawn kal tihna em ni?" A ti a

"Aw, ka chhuak ru a, han sawi takah chuan tanin vengtu a harh hma in ka let leh vat a ngai" tiin ka phun sup a

Parcival chu ka kuah nghet leh sauh a, engkim a ṭhat vek tur thu leh kawng ka zawn hmuh ngei tur thu ka hrilh a

"Ka rawn let leh vat ang" ka kal hma chuan ka tiam nawn leh a, kawngka chu ka khar ṭha leh thlap

Tanin aṭang chuan chhuak zal zalin vengtu lo la muhil chu ka kal pel leh a, Lal pindan ah ka lut leh ṭhem ṭhem a, vanneih thlak takin a lo la mutui khawp mai. Ka room ka pan leh hnu khuma ka mut chiah chuan zing a lo hnai kuar mai. Ka muhil zui bawrh bawrh bawk

Chhunah Pi Jane-i'n min rawn kaitho a, nileng in tumah ka hmu lo tih a hria aniang, ka inpeih fel hnuah dan zirna room ah ka let leh a, engmah ka chhiar lo a, thil ngaihtuah nan hun ka hmang zawk

Lal chenna hmun aṭang hian tlanchhuahna tur ka zawn hmuh theih chuan zanlaiah ka tlan chhuahtir thei ang. Engtia rei nge Theodore hian a dam tir ang ka hre si lo, ka nu leh pa te hruai thlen nan hman a tum dawn chiang mahse a thangkam ah hian an awh mai mai ka ring lo

Chutiang tur chuan an mawl lo bawk. Theodore hnenah lal fanu ka ni tih ka hrilh ang a, Parcival chhuahtir a, keimah min man zawk turin ka hrilh mai dawn em ni? Mahse kan inkar a buai phah vek ang

Crimson lal hian ka rilru chu a nei reng mahse ka la hlau hle bawk

Kawngka an rawn hawng chiah "Hello, Lady Alice" a rawn ti a, ka rilru in mi chhe sawi chu koh aiin an hnai ka ti a

"Hello, Aw Lalber" ding in chibai buk nan ka lo kun a

"Vawiin chu i va hawihhawm ve a?" Lal chuan min rawn fiam zuk a, ka awmna aṭang inches khat velah a ding a, amah a sang ṭha bawk nen ka dak nasat a ngai khawp mai. A sam rawn tla chu a khawih niap niap a

"Ka ngai lutuk che, Alice tereuhte" a tih zawm leh a

Ka lai ve reuh lutuk. Engtik aṭangin nge min fiam leh fak hi a chin ṭan le?

"Zanriah kan ei dun aṭang khan min ngai em ni?" Hrethiam lo deuhin ka han zawt a

"Ni e, eng dawi thil nge i hman ka hre lo mahse ka thinlung leh ngaihtuahna hi i kiangah a awm zel a ni" a ti a

A zaidam ta lutuk hi a mak ka ti. Mahse keipawh a sawi ang hi ka ni ve tho, thil thleng a tam tawh em avangin tunah rih chuan ka hmangaih thu ka sawi thei lo

"I ṭawngkam chu ngaihthlak a nuam hle mai" lai deuhin ka nui a

Ka khabe chu a kuai chho a, ka mit leh hmui chu a entawn zak zak a, kan inkar boruak chu alh ṭha tak a ni. A rawn kun hniam leh a, kan hmui a indai ṭep. Ka hmangaih a ni tih ka chiang tawh. A rimtui ka va ti tak. Inhnaih taka kan awm hian mi pakhat ang mai kan ni. A lungphu ri pawh ka hre thei. Kan infawp anih phei chuan dan theih kan ni lo maithei, thu hian a sawifiah zo lo. A hmui nem thap mai chuan min rawn dai a, a mitmeng mawi tak, pawl ram ah chuan ka en vang vang a, ka hmangaih hle a ni

Engemaw ka sawi ringin min lo nghak a, ka va fawp zeuh. Awm dun thuai ka chak hle a ni. Ka ta ni kumkhua se ka duh a, ka rilru hahna zawng zawng te pawh hi a kiang vek mahna le. Amah nen chauh kan awm ta, kan inthlah leh riai riai a, a aia nasa zawkin min rawn chuktuah leh ta. Theodore âwmah chuan ka kut ka nghat a, ka inthlahdul tih a hriatin ka kâwng a rawn vuan a, thil ziahna dawhkan ah chuan min ṭhuttir in ka mawngtam chu a hmer leh a, ka hnungzang zut chho in lei pialral chu kan tem dun a

Ka hmangaih chiang a ni zep tur pakhat mah a awm lo

****

Chhunzawm tur