The Feared Crimson King 33

[B.laltlanhlui]

Alice POV

Zanriah kan kil lai te chuan Lal nen kan invuan rial a, Parcival a'n a kawppui a melh dan ang chiah khan min melh ve a

He khawvel ah hian chu aia thlakhlelh dang reng ka nei lo. A kianga hun hman reng mai te ka chak. Mangṭha tih pawh chu a har ṭalh mai. Pindan hrang ah kan la awm dun si a

Kan inhmangaih tawn hi a fuh chiah lo deuh a ni. Ka unaupa, Theodore-a'n tan ina chain a a thlun mek ka chhanchhuah a ngai bawk si a, inthup nasat lehzual ka ngai a ni

Kan ṭhut dun reng lai chuan Lal chu thil ka han dil leh a, duhthlan tur dang ka nei miau lo a ni. A kut ka chul hruh heuh a "Ka lo ngaihtuah mai mai a, naktuk aṭang tan inah ka kal thei ang em?" Ka ti a

"Eng vangin maw?" Theodore a hmelah chuan a pawm chiah lo tih a hmuh theih

"Tanina tang ho hi puih ka duh mai ania" tiin ka han insawifiah a

"A teuh lo mai" a ti hlut a

"Eng a? Ti maw?" Ka kut chu ka la sawn riai riai a

"Risk ka la tawh dawn lo" a ti a

"Eng risk maw?" Ka lo ti a

"An beih leh che ka duh lo" a ti a

Ka thaw halh a, hetiang chuan a ṭha dawn lo tawp mai. Parcival hmuh ka duh asin le. Tan ina ka thawh theih chuan chinchang ka hre thei deuh ang

"Ka inveng thei alawm, Aw lalber. Mite ṭanpui ka duh mai ania!" Ka han ti ṭha leh a

"Lyrian mi an nih avangin puih i duh ani tiro?" A tih zawh ah min rawn thlek leh vang vang a, awi Lalpa leh min ringhlel a ni chiang mai

Hmel pangngai ka pu lui tlat a "Ni love a, Walzenor pawh nise ka pui tho ang" ka ti a

"A ṭha e, Walzenorian sipai te pawh i enkawl vek tawh ang. Tumah in an tina in thah an tum tawh lovang che" a ti a

Awi leh, min rinhlelh loh kha ka duh ber asin le

"Awle, engtik aṭang nge ka ṭan ang?" Ka han ti a, ka lungawi lohna pawh a bo chawpchilh duak

"Naktuk aṭang, khawngaihin min chhuahsan tawh ta che, keimah ah awm rih ka duh ania" a ti a

"Tehreng mai" ka ti a, amah tea awm a duh chu mak ka ti hle mai. Mahse min rinhlelh ai chuan ṭha ka ti tho mai

Chumi zan ka mu chu ka mumang a ṭha vak lo. Theodore leh Parcival an lo inchem vai a, lo dan ka tum chu ka au ṭial riai ruai a, ka harh chhuah hnuah ka ṭap chiam a, chhinchhiahna anih ngei ka ring tlat

Parcival kân a ngai a ni. Mahse Theodore a la awm chuan a pawi zawk ang. Pindan kawngka chu zawi muangin ka hawng a, a reh ṭhiap mai. Hnâr ri pawh hriat tur a awm lo

A mak ka ti ve det, khumah a mu lo nge khawiah nge a kal ang le? Tunah chuan Parcival a pawimawh rih zawk tlat. Ka awm a nuam chiah lo, ka tawt up up mai

Ka unaupa hian engmah a la ei awm si lova chuvangin ruahmanna ka siam a ngai

Choka ah kalin chhiahhlawh te hnenah ka men rei a ngaih thu leh eitur min siam sak turin ka hrilh a, ei siamtu ber koh harh a tum lai chuan ka rilru ka thlak a, chhangthawp chu a tawk mai thu ka hrilh leh ta zawk a

Chumi hnuah chuan tanin thim khup a ka unaupa awmna chu ka zuk thleng thla leh a, boruak a hnawng lutuk chu ka mur sung sung thei

"Alice!" Parcival chuan min lo nuih suk a

Ṭawng zawi tura ka hrilh hnu chuan a hmel hmuh a nuam in a zangkhai deuhin ka hria

"Ei tur ka rawn ken che ania" ti zawi sapin chhang chu ka phawrh zal zal a

"Lalpa leh, ka ril a lo ṭam tawh lutuk a, ka thi dawn ta maiin ka hria alawm" a ti a

Nui seih chungin ka chhang ken chu ka pe a "kha le" ka ti sap a

A mitko san ak in a kut chain ceiling a an thlun chu a rawn ti lang a

"Ni tak e" nui huauh huauh chungin chhang chu ka phel a, ka barh a

"Hei hi ka chhang ei tawh zawng zawng ah a la tui ber" tiin fiamthu a thawh a

A lem zo duak duak a, chutih laiin a hliam chu ka lo en chiang a, ka beisei loh leh rin loh lutuk in a dam chak angreng

A lu ah hliam a awm em tih ka zawn kual lai takin tu emaw hian pawn lam aṭang kawngka a rawn kalh ri rak a, kailawn ah chuan ka chho nghal a, kawngka hawn ka tum chu ka hre dik chiah, tu emaw chuan min kalhkhum chiang a ni

"A inkalh a mi?" Parcival a'n min lo zawh chuan ka chhang lo. Tu emaw chuan min man chiang a ni. Lal in min la hriat chhuah loh pawhin a rei tawh lovang. Pawn lam aṭanga min kalhkhum tu hian lal hnen a pan mek ngei anga, kan thi ngei dawn a ni

Theodore chu a thinrim ngawt ang. Ka ngaihtuah zawng ringawt pawhin ka khur dar dar mai. Bang te hi a zim thar riau in ka hria

Kawngka chu ka theihtawpin ka han nam leh a, a khauh ṭha bawk si chu kailawn ah ka lum thla a

"Alice!" Parcival a'n min rawn au leh a

"Duhtawk rawh, i intina mai mai!" A rawn tih leh hnu chuan a reh ṭhiap a "Man chhuah kan ni ta, a tawp vek" hnuai lam a melh hnu chuan chhuk turin min hui a, a kiang ka thlen chuan ka kuah hnawk a, a mittui chu a rawn far thla kak a

Crimson lal hian hnehna a chang ṭep tawh, ka nu leh pate a man leh hnu chuan a chak tawh ang

Reilote hnuah tanin kawngka chu an rawn nam hawng sawk a, lal ngei mai chu thinrim lutuk in a rawn lut a, a hnungah vengtuten an rawn zui a, mahse amah ngei chuan chinfel a duh thu a sawi a

Chhiahhlawh naupang chhang la tura ka hrilh khan a rawn zui bawk a, ka tawt leh up up mai. Amah hi a ni ngei ang min kalhkhum tu kha. Tan inah vengtu an awm loh chhan pawh kha min fiahna vek a lo nih dawn hi

Lal chu hlauhawm tak a ni ringawt, a inthuamna zawng zawng nen chuan hallway a meichher chhit a rawn keng a, kan lam panin a rawn hnai telh telh. Parcival chu thlah in Lal chu biak ka tum a, ka khur ru der der mai

****

Chhunzawm tur