The Feared Crimson King 37

[B.laltlanhlui]

Third Person POV

Alice-i chu a khua a har hle a, mahse hei chu a beisei phak bak a ni tlat. Lal a kiangah rawn kal in a biak a lo ring ṭhin a, ankhum hrep dawn pawh nise hmuh a chak hle a ni

Meichher keng pa chuan Lyria ralthuam ang deuh, rawng pawl a ha a, mahse Alice chu bum theih a ni lo. A mite an ni lo tih a hrechiang. A hlau hle bawk

Mipa pahnih chuan lal fapa hmuh an tum a, Jaxon a patea hnuaia thawk an ni a, Lyria mi angin an insiam a, mahse Alice-i chuan a vawi khat hmuhna aṭang khan a hrethiam nghal. An ralthuam phei chu a ni lo lehzual

Sermon-a chuan sipai te ruaiin Lyrian ram mi angin a inchei tir a, an lo chak loh pawh a beih an tawh loh nan a ruahman diam a ni

Reilote hnuah Sermon-a mi rawih te chuan beidawng in tanin chu an chhuahsan a, boruak a zia leh sawt. Alice leh Jaxon chuan kawngka lam an pan ṭhem ṭhem a "Dan zirna room ah kan luh theih chuan chhuah rukna kawng kan pawh thei ang...mahse Theo puih dan tur ka hre lo" Jaxon chuan a rawn ti a

"Tanin aṭanga chhuah duh ka nei" Alice chuan a ti a

"Ngawi teh, engtin maw? Tunge? Khawi aṭang nge?" Jaxon chuan a zawt mawlh mawlh a

"Ka unaupa ania, helai hmunah hian a tang a, ka hmuh theih hram ka beisei" a ti a

"I unaupa hetah a awm maw?" Jaxon chuan hriatthiam loh hmel deuhin a mitko a ti chuar tap a

"Aw, ka rawn let leh vat ang" Alice chuan chabi hrang hrang zinga te deuh chu a zawng kual a

A lu chu na ut ut mahse pawi a ti lo, a unaupa hnen thlen vat chu a duh ber a ni. Kawngka a hawng a, Parcival awm se a ti hle bawk. A lo awm ngei reng a, kailawn ah chhukin a zuk kuah thlawp a

"Lalpa ka lawm e!" Lawm avangin a biangah mittui a luang a, mahse a hlimna chuan a daih rei lo ngei mai. A unaupa chuan a rawn melh ṭawk ṭawk a, a nui tawh tap bawk

A damlo nasa hle tih a hrethiam mai "I lo la dam chu ka lawm hle mai, Ali" Parcival-a aw chu a ṭial ruai a, a damlo hmel chu nidangah a hmu tawh ṭhin mahse hetiang em em chuan a la hmu ngai lo. A hmai a dâng lap a, a var vek bawk. Chaw mumal a ei loh avangin ruh hlang ang chauh a ni tawh

Heng thil zawng zawng thlen lai hian Theodore ve thung chuan engmah hre lovin a patea nen an inbe mek a, Sermon chuan Lal chu thu hmanhmawh thlak deuh a hrilh a, in chhungah mi lut ru lai a hmuh thu leh Lal fapa nen biru tura a duh thu a sawi a

"Ka chhuah a, ka beih ve ngei a ngai!" Theodore chuan a patea hnenah rilru hah deuhin a hrilh a

"Ka hria alawm, ka hria e, i tluchhia anih chuan engkim hi i chan ang!" Tiin Sermon chuan a hnem a

Lal fapa an man hunah lal pindana an rawn hruai hunah chuan a unaupa chhanhim a duh chuan inpe turin a hrilh tawh mai dawn a ni. Chung zawng zawng chu Sermon-a chuan a ruahman fel vek

"Jaxon chu zawng hmu ta se, engtin nge niang?!" Theodore chu pindanah chuan a vei kual sek a, a pawm duh lo viau chungin Alice-i a ngaihtuah lo thei lo

"An zawng hmu lovang, aw Lalber, a biru ṭha lutuk alawm" a ti a

"Min zawn hmuh hma chuan helai hmunah hian ka biru reng dawn tihna em ni?" Theodore chuan a zawt a

"I sipai te ka hrilh lawk diam alawm, min rawn beih tum tu te chu an chak chuang lovang. Engkim a fel vek hun kan nghah a ngai" Sermon chuan dawt a hrilh a, lungngaih hmel deuh angin lanv mahse a rilru chhungril chu a hlim lutuk ringawt. Lalram pahnih chunga rorel tur anga a inngaih tawh vang a ni

Theodore chuan ṭangkai lo hle ah a inngai a, an rawn hneh lohna tur a nih phawt chuan eng pawh a ti duh ang. An rawn luh theih dan tur dang awmin a hre lo. Alice-i'n a pui anih a ring a, mahse engtin nge a theih ang? A unaupa zawk khan Lyrian mi te a lo luhtir zawk te a ni thei ang em? Tih te a ngaihtuah kual a

A pate Sermon-a lah khan anmahni rawn bei tute chu tute nge tih a sawi lo chungin Lyrian mi bak an ni theiin a hre lo

Phatsan nia a inhriatna chuan a pum a ti let but but a, Alice-i a lo ring a, a lo khawngaih kha â a inti thar hle a ni. Lyrian mite thlengin mawle....

An awmna hnuaiah ve thung chuan Alice leh Jaxon chuan Parcival chu an lo hnuk a, mi hmuh hma in Dan zirna room an thleng a, kawngka an hawng chiah, an thlan a tla nasa, sipai pakhat hi an lamah a rawn tlan a, rawn beitute zinga mi a ni

"Hetah hian rawn kal rawh u!" Tiin a han au khawm a, an rawn tlan thlen hma chuan kawngka an khar vat a, Alice chuan a unaupa chu a ṭhut fel tir a, dawhkan chuan kawngka inhawng tur chu a dang a, a chau tawh hle bawk. An thisen zam chu hlauhna in a fan vel a, chuti ni lo se chuan dawhkan pawh an zo miah lovang

Rang takin hmanrua a mamawh. Helai hmunah hian a kal ngun bawk a, chem an khaina pawh a hrechiang tawh lutuk. Bang aṭang chuan a phawi a, kawngka chu an rawn chum ri bur bur a, Jaxon chu a che sawn ngam lova, Parcival chuan beih let dan tur hre mahse ding tur pawhin chakna a nei tawh lo

Alice chauh chu che thei awmchhun a ni. Kawngka an lo hawn ruala a chet nghal vat a ngai. A hma in chem a la hum ngai lova, mahse chutiang ngaihtuah hun a ni rih lo

Tumah a tha zawng pawhin a hneh dawn lo tih a hria, mahse thil mak a thleng ve thei tho tih a hria, a hun ṭha neih chhun chu chan hlau takin mit pawh a khap eih lo. Vawi khat chiah hun a nei reng a

"I tan kan lo kal ania, Lal fapa" Mipa chu kawngka aṭang a rawn au a, naupang chu a hmu lo mahse Sermon-a'n rangkachak pek a tiam zawk kha a hmu a, a ha eng tak mai chuan a nui ṭhen ṭhaw a, kawngka chu a dar in a nrm leh chawrh

Alice chuan a hun neihchhum chu bawhpelh lovin a rawn luh rual chiah in chem chuan a lo bei vat a

Thisen chu a per chhak a, chu pa chu a thi fel der mai. Thisen a chhuah avang chuan a inngaidam thei tawh lo maithei mahse a thah loh chuan anmahni an thi dawn si a, a unaupa leh Jaxon chu an thih a phal lo a ni

Mihring pawh pha tawh lo hialin a inhria a, Alice chu a kehchhe vek. Theodore ve thung chuan phatsan niah a inngai a, a thinrim hle a ni

*****

Chhunzawm tur