HRINGNUN

[Muani khawlhring]

HRINGNUN







BY: Muani khawlhring






Long story/episode dah hmain short rawn dah leh zuai ang.ziaktir ka nia mistake tam tak a awm maitheia minlo hrethiam hram hram dawn nia.chuan like, comment,click kha minlo tihsak hram hram dawn nia.












"Chhuak nghal rawh ,ka fa pawh inilo,ka that ang che,ka mamoh lo che"ka pa in a ti tuar tuara,kut min thlak tumin a in hrosa bawka ,kan thenawm te leh ka u te nupa lo kalin an dang hram hram chauh ani.rilru na zetin ka pa chu ka en renga.engge tih sual ka neih,? ngatinge a ruih a pianga tawngkam chhe tin renga min an khum ziah le?a fa hi ka ni tak tak lo zawk amonle?tiin zawhna ka in zawt mawlh mawlh .a fa ka nih zia nemnghet Turin kan hmelah danglamna a awmlo,min hmu a piangin hmeichhia si ah chuan I pa I ang hle mai, hmeichhia te chuan an nu te an chhun zawk thina mahse ang chu I pa chiah chih min ti thin,mizia leh engkimah ka chhun vek bawk.







A ruih a pianga min an khum chu tuar thei tawh loin chhuak Turin ka insiam mawlh mawlh,ka nu leh ka nau ten minlo dang ve bawk.mahse ka luhlul a. Ka pa hmuphaklo kal vang vang chu ka tum bur tawh. Tum man min dem bik su,kum sawmhnih chuang kalo tuar tawh,mi zingah inthlhrung leh zak reng rengin hun kalo hmang thin a, mihring ve tho ka nia tawp chin ka neive a,ka tuar thei tawh biklo a ni e.khuanu pawh hian min dem biklo ang.






Chhuak lo Turin min danga mahse ka tih tawh ti lui tlat mi ka ni a,min dang mahse an mut Huna chhuak chu ka la tum fan..





Ka pa chu ka u in hruaiin a chhuah puia,mi dang Chuan chhuaklo tur leh a ruih a reh Hunah a tha leh mai ang an ti sap sap.ni e a ruih loh lai chuan khawvela pa tha ber ani.mahse a ruihloh chu a tlem zawk ani.pathian zarah hna chhete ka nei ve a ka in chawm thei alom tiin chhuah chu ka tum ruh hle . Heng zahna zozai te hi ka tuar ngam toh lo Ani.





Ka nuin chhuah a ngailo a duhleh a mah chhuak rawhse,ti mahse ka nuhrawn a ni miau sia ka naupan laiin kha ti khawp khan min en hrangin minti retheia,kalo puitling hnuin min duat leh lawia,kei chuan ka naupang laia min tih thin dan theihnghilh in ka theih tawpin ka hmangaih let ve bawk.chutiang nuaih chu kan nih vangin ka niah hian ka innghat but ngam tlatlo ani. Hna ka neia, in ka luah anga ka in chawm thei emem ang. Ka pa hlatah hian awm Ila zahna leh rilru natna te hi ka neilo zawk ang .






Kan chhungkaw buai lutuk avang hian,naupangtein depression ka neia,vawitam tak intih hlum pawh kalo tum tawh bawk,mahse pathian in min awmpui tlat a,thi loin kala dam ve zel chu ani hi, ka harsatna tawhte ka sawi chhuak ngailo a keimahin ka tuar mai thin,ka muthmunah hian mittui nena mut loh lai hi ka nei manglo.zan khawthim leh ka lukham hi engkim min hriatpuitu te an nia, hmun reh ka ngaina bawk.







Kapa chu zan reiah pawh a rawn la hawlo,mahse pawi ka tilo zawk,ka nuleh ka naute an mut hnu chuan ka thawmhnaw ka Siam fel vek tawh vang chuan in ak in ka chhuak zui,ka thiannu ka biak tawh a vangin an in lam panin ka kal nghal a, in luahtur ka hmuh hma chu an bula ka awm ve pawh an remti bawk, inthlhrung viau mahila tunah Chuan tih ngaihna dang a awm miau siloa.






Ka thlen chuan ka thiannu leh a nu chuan minlo hmuak a,ka thiannu hi a pa a boral hmaa an nufa chauh a awm an ni, a pa hi sipai penson a nih a vangin an khawsak pawh a pangngai viau,mahni in ah an awma,in Lian leh zau tak Ani bawk a hnuai lam zawng mi an luah tir bawk,ka thiannu nu hi private teacher Ani bawk .





Nu Rami (ka thiannu nu) in luah kherloa an zinga awm reng tur chuan min tia,mahse chu chu ka tumlo,midang tih buai ka duhloh vang a ni zawk. Ka chhungten min biak pawh theihloh nan ka block vek bawk.






Ti chuan reilo te ah in luahtur chu ka hmu vat a Lian lemlo mahse a tawk viau ,a te fel ata ka duh zawk. Ka chhungte chanchin ka hre ngai tawhloa keimah pawh ka zia ve tawh viau chuan ka hria,mahse ka rilru ah chuan an awm ve reng,ka pa hmangaihna dawnga ngailo mah Ila,kapa a nihna a bo lova kei chuan ka hmangaih renga,mahse ngaihsak loh luih ka duh.






Chhungkua neilo mahila thian tha tak ka neia,ka harsatna te min hrethiamin min buaipui renga,ka tan chu aia hlu chu a awmlo, a hmaa rual pawl ngailo kha ka thiannu puihna zarah rual te ka pawl ve tan a,ka natna te pawn min kiansan ve telh telh bawk. A hma zawnga mipa pawh melh ngamlo khan tunah Chuan duhzawng te pawh ka nei ve tawh a,a ni pawn min hnar biklo tih a chetzia leh awmdanah ka hai lo,mahse hma a lak hun ka nghak ve tlat ,hma la hmasa tu zawh nih chu ka duh biklo.







Zanah chuan ka thiannu piancham kan lawm chu tah chuan ka mipa duh ruk emem chuan min duh thu a sawi a, kalo duh ruk ve em avang chuan in ngaihtuah buailoin ka duh ve thu leh a bialnu ni tura min sawm hun ka nghah reng thuin ka chhang vat.nui sukin min kuah vawng vawng a .ka pian tirh a tanga ka hlim ni ber a ni hial ang.





Ka chanchin engkim ka thiannu hnen atang a hre veka, mahse chuti chung a min duh avang chuan ka lawm tak zet ."I hun kal tawh chu eng ang pawh lo nise tun a tang chuan khawvela hmeichhe hlim berah ka Siam ang che,I tan ka theihtawp ka chhuah a nga,ka venghim tlat ang che"a tih chuan lawm luatah ka mittui chu Dan ruallohin a rawn tla nguai nguai a,dim zeta min hruk sakin hmangaih hmel zetin min en bawk. Lalpa he mihringhi min Pak avangin ka lawm e ka ti rilru mawlh mawlh.





Ka thiannu piancham chu hlim takin kan hmang hi a,hetiang hlimna hi kala tawn ngailoh a vangin awmdan ka thiam lo lek lek . Over min ti maithei mahse tette a tanga chhungkaw buai chuar taka seilian a hmangaihna dawnga ngailo tu tan chuan awm Dan thiam a har em ani.





Sangtea(ka bialpa aw) nen pawh kum hnih zet kan in zui tawh a,khatih chhung zawng khan min ngaihsak in min duat emem a,duattu leh hmangaih tu nei ngailo chu ka pangchang thei hle,mahse chung hunah te chuan dawhthei takin min enkawla,ka kiangah a awm reng thin.






Ka piancham alo thlen chuan ka hnaah ka buai em avang chuan kalo theihnghilh hmu n der a, kan dawra rawn kalin ka thian nuin lawmpuina thu min rawn hlan chuan ka hre chhuak ve leh chauh.ka piancham hi ka lawm ngailo a ka mangnghilh fo reng kha ania,kan chhungaw ngaihtuah chuan a awmlo hranlo lo, mahse khatih hun chhung zawng pawh khan ka thiannu hian min theihnghilh nhailoa kumtin a phak tawk in min ngaih tuaha thilpek te min rawn pe a ka birthday a nih thu min hrilh fo kha ania. "Tunah Chuan hlim takin I nun I hmang tawha,I hmangaih ber I nei bawka ,I piancham hi chu theihnghilh tawh Suh "tiin min fiam zui hlak chuan .ka hmangaih ber kala neihlohhi kan la inngaizawng chauh alom tia kalo fiam let chuan kan nui dun bawk bawk a .







Zanah chuan sangtea chuan hruaina tur che ka nei a tih tlat avang chuan peihlo zeta insiamin ka zui ve leh mai. Hmun pakhatah hian min hruaia engge kan tih dawn tia ka zawh chun "nghak rawh" tih chauh in min chhang chu ka lawmli lek lek. Ka kut a ben Rik rual chuan kan awmna hmun thim zet chu eng nghal tuarh in birthday song sain kan thian te chu an lo awm thap a,ka beisei loh lutuk a nih vang chuan ka meng kawk thei. Chutah a khup lehlam a thingthi chung chuan "kumkhuaa ka kiangah awma ka nupui nih I duh a ngem?" ka mit ah min en reng chunga a tih chuan lawm luat avanga ka mittui rawn tla pawh chu Dan buai ka tum lo" aw ka duh "tih pahin ka kuah vat, ka kut chu min lak sakin a zungbun mawi zet chu min bun tirin min fawp vawng vawng.







Lawm avnga au thawm te, kut bengri ten a rawn zawm zat."ka piancham a min propose hi ka lo ring ngailoa" ka tih sup chuan ka hnarah rawn piai zeuh in a nui suk.





Tunah Chuan min hmangaihtu ka kiangah a awm tawha,engdang mah ka ngai tawh biklo e.pathian hian ka harsatna hriain hemipa min hmangaihtu min pe hi ka lawm tak zet,khang natna te kha tuar lo ta Ila tunang a nun hlimna hi ka nei kher angem?.




Kohhran Dan thianghlim in kan inneia, kan inneih ni chuan kan hlim khawp mai, engtik ni ah emo chuan pathian malsawmna dawngin fanau te neiin chhungkaw hlim tak kanla nih ngei ang tih hi ka ring tlat ani. Chhungkaw hrehawm tak Kara seilian ka nih vangin kha tiang chhungkaw din kha ka thil hlauh ber ani.









...............................A tawp ta..............................