)
- _20171216_150341.JPG (52.93 KiB) Viewed 4095 times
Vuina tur zawng réng rénga i hringnun i hman chuan, engah nge lungawina chu i hmuh teh lul ang?
.
Suangtuahna khawvel ah chéngin duhthu kan sâm kual a, sâm zawh reng reng awm thei lo... A tak ram thlen phei chu a hnai lo nasa!
.
Kumpui lingleta hna thawkin kohhranho tan hun kan nei lo maw? Ngaihtuah chiang teh, inkhawm hman lo léka hna kan thawh hian eng malsawmna dang nge kan dawn belh vak chuan ang? Mal min sawm thin tu Pathian hian a biakbûk panna chang hre lék lo khawpa hna thawk turin nunna min pek i ring bik miah lovang tiraw?
.
Thu tha i ngaihthlakin...mi te tan nge i tan i ngaihthlak thin le?
.
"Ve si" ti pâwl a tang thin i nih chuan nangawh kha mi tu emaw tal chuan "ve si" hmang bawkin i hnung lamah an sawi ve tho ang che. "Kristian ram ve si... Democratic state ve si... Kohhran upa ve si... Hmeichhia ve si... Mipa ve si..." A va tam tak em, ka sawi seng lo. Mahni nihna ngei ngeiah kan "ve si" leh vak vak zel a, vai ho hian kan hming chhâlin lo "ve si" vak vak ta se....ngaithei lo ber ber ah kan tang leh mai law'ng maw?? Chuvangin tûn achinah chuan lo "ve si" tawh suh
.
Chhûngkua vei mang silo, thenawm khawveng leh thalai pui te vei ngawt ngawt tu i lo nih ve mai te hi kan hlau a. Naupang chumchiap ang maiin mahni fail vei mang si lo, thiam chan nân a classmate te fail tlangau pui chiam ang chi kha....ti ngai suh.
.
Thiamloh i chan dâwnin i tâna thiamloh changtu kha hre reng la, nang chuan cap chhuakthar brand tak tak i khum vâ vâ lai khan Ani chuan hling lukhum (tunlai tawng takin Thorn Cap) a khum tih theihnghilh hauh suh. Boyfriend jeans, torn jeans i tih lai khan...ani chuan thuiloh kawrfual a ha asin.
.
Mi hmingthang te zîngah hian Khawvelin a hriatreng awmchhun techu an line theuha pakhatna te chauh an ni. Pakhatna chuan hriatreng a hlawh a, pahnihna erawh chu tuman an chhui zui tawh ngai lem lo. Chutiang bawkin Thupék azawnga thupek ropui ber chu i hre ngéi ang... Mahse a dawttu hi i hriatloh a va hlauhawm si em! I lo hrelo tak tak anih chuan i Bible kha han keu vat teh...thâ a heh lo emai.
.
Tuartu dinhmun nge ngaidamtu dinhmun hi khirh zawk ang le??
...keimahah chuan ngaidamtu dinhmun hi a khirh ka va ti si em!
[*i hmangaih ber chu thah lo ni ta se la* ...a thattu chu i ngaidam thei angem? ]
(Ngaihdam ai chuan tawrh kan thlang châwk...pha suh! Keipawhin ka pha lo, ngaihdam hi a har)
.
Tiam zung zung thin ho hian an sût leh zung zung an tia mi?
(thawt thawt hian) Pha leh zung zung turin sawi zung zung tawh suh...i tawng nâlah i tawlhthlu palh hlauh ange, léi angin hîpna a nei velo ania..
Inkhâwm thulh lo, mi rél thulh chuang si lo... Tawngtai thulh lo, thatchhiat thulh chuang bawk lo...
Pathian thu sawi thulh lo, zawm chuang hek lo..
Huiham, kan hmaikâwr vuah hi i hlîp ngam ang u!
.
I kiang ami kha teh teh suh khai! Thinlung thianghlim i put loh chuan Pastor mai nilo, Isua pawh kha i teh tling thei chuang miah lovang!
.
Khawhar in kal ngailo a an sawi kha i ni maw? E..a va tihchi loh tak em! Tun atang chuan lo kal ziah thin tawh la tiraw, chhiat in tâwk ve thei tho si a.
.
December 25 hi eng ni nge tih leh engvang a serh nge kan nih tih chu khawvel hian a hria. Hindu leh Muslim takngial pawhin Isua piancham ani tih an hre kar. I piancham lawmnaah i hmangaih em em i fa te kha lo rui thle bawk bawk ta se, i rilru a na ang nge i thinrim anga i vaw hrep ang? Nangma piancham mah mah, a hmâ ni zanin an lo la urlâwk zui! (Zaktheilo deuh chu kan awm a ni
).
"Story FB Group members te MERRY CHRISTMAS"
He christmas lo thleng turah hian, Zû aiin Lal Isua lo dah pawimawh hrâm hrâm ang che. I Lal leh chhamdamtu a zû i pawm thei dawn te anih loh chuan chhandam tu che hi a pianni ah tal chuan i thinlung chhûng ah khan lo chén tir ve ta che.....
