VALENTINE.

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

VALENTINE.

Unread post by Ngaia » February 18th, 2018, 1:31 pm

MiMi Renthlei


V-day pualin keiman a ka lo tawn ve tawh thu tawi te hmangin ka rawn ti ve angnge.
.
VALENTINE.
๐Ÿ’˜๐Ÿ’˜I la hria em? kha mi ni khan nileng in ruahsur hnuaiah ka nghak che a kan inhmuhna tur hmun ngei ah khan, in college function ah host inih avangin i rawn tlai tur thu min hrilha vawitam ka rawn phone che 'ka hman tep' tih chu ka chhanna dawn tam ber a ni, i tana thil pek hlu tak ka neih zawng zawng nen a ka lei ngei mai chu ka en nawn fo a, ka hlim na a nasat em avangin ka nghak fan fan che a, mahse i hmel hmuh hun reng a awm thei si lo. Khua a thim dawn takngial vawikhat ka sawm leh che, 'nidangah ani mai' tih chu ka chhan na neih chhun a ni. Zan alo ni a, ka phone ka en chuan, 'I tana ka lei zungbun pawh vawiin hun special tak ah hian tumah thil pek loh chu ka tia, midang ka hmelhriat pawh ni lo ka pe ta mai' tih chu ka chhan na dawn a ni leh ta.
.
๐Ÿ’˜๐Ÿ’˜Atawk viau ani, thenna biahthu hlau leh khur chungin ka hlan che a, rang takin i lo pawm ta maia, ka thinlung chu hmun tin maiah adarh ani ber, ka na ani tih bak sawi tur ka hre lo ka tlawm ngawih ngawih, a tawp nan tiin ka rawn pan leh che a, mahse ka tan hmun a awm tawh lo tih ka hriat in ka zak ngawih ngawih, in awm dun lai hmuh kha ka tum ber a ni lo asin. Ka lakah i chet dan mawi lo tak ang khan tu lakah mah ti tawh lo la ka duh ani, i rilru ka hmin thlu zo lo anih chuan tlang taka min hrilh vat kha ka tan tawrh dan thiam a awl zawk mahna mahse ka haw lo che ka dem bawk lo che ka ti lawm zo lo che anih chuan min ngaidam dawn nia.
.
.
.
"TAH LAI BANG TAWH LA"
๐Ÿ’˜๐Ÿ’˜Duhtak, tah lai bang tawh la enteh kan inneih sawm na card mawi tak leh hlu tak pawn i mittui luang a dang zo bik lo anih hi ahuh vek tawh, ka tiam a che engtik ni ah emaw chuan i lenrual unau te leh chun leh zua te pawn an ngaidam ngei ang che tih ka ring tlat a ni.
๐Ÿ’˜๐Ÿ’˜Khawvel hmachhawn hlau suh la i kiangah ka awm tlat dawn si a, i rilru a nat ka phal ngai lo ang i nat chuan ka na ve zel ani tih i hriat kha, mal in ka awm tir ngai lo ang che ka hmangaih che a ka hmangaih reng bawk ang che.
๐Ÿ’˜๐Ÿ’˜Kan nunhlui te chuan min tih buai ka phal ngai lo ang, ka khawvel ti mawi tu i ni a he khawvel ah hian bul tan tha in hlim takin ka siam ang che tih ka tiam a che, min ring hlel lo la kan lo upat hun thleng pawn i vun te lo chuarin lo chak lo mah la, i kiangah ka awm zel ang ka kalsan che hlau lo la. Ka hmangaih zia che tuktin ka hrilh nawn fo ang che.
.
.
ARUK TE IN AW.
๐Ÿ’˜๐Ÿ’˜Khawvelah hian ilo piang ve hi ka lawm a nang nei thei lo mah ila i hmel ka hmuh ringawt pawn ka lawm tawk ka phu lo che tih ka hria. Mahse i hmangaih na leh khawngaih na ka dil lo ang che ka duh ber chu hlim tak in awm la i thiltih na apiangah hmui ngil la ka duh a ni. Ka tan chuan ka khawvel i ni a, i tan erawh piang ve lo ang mai ka ni. Nitin engnge itiha khawiah nge ikal tiin ka beng ka chhi fo a, i hrisel na atha em tih chu ka ngaihven fo thin. Hah takin hna thawk lo la huaisen takin i theihna te kha hmang la, i ropui zia mi zawng zawng hnen ah lan tir ang che. Ka hmangaih che๐Ÿ’˜๐Ÿ’˜



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)