UIRE NU... BY Toni DA Ralte Ahmangaihi

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

UIRE NU... BY Toni DA Ralte Ahmangaihi

Unread post by Ngaia » May 31st, 2016, 4:56 pm

UIRE NU...
.

✨Toni Da Ralte✨
.

A mita mittui tling khat vek chu a khap per sak sak a.
.
" A nu uire ania, a fanu pawh eng nge a nih vak bik ang" tia nu pahnih titi a hriat atangin 10 minutes aliam chiah a ni. A thinlung ippik lutuk chu puahkeh chakin a tawt up up a, a han hui leh pap thin. A maimichhing a...hunliam tawh a chhuikir a ni. Ni e, UIRE NU a ni asin.Thudik tak a ni. A pasal , a hmangaih em em leh a engkim ni thin kha phatsanin a uiresan chiang alawm! Ngawi renga diariamna leh chirhthehna a tawrhna pawh a rei ve ta. Mahse..a hun liam tawh khan a rawn chhui leh fô si thin a
.

" Ka duh leh ka rui anga, ka duh duh ka bia ang..nang hian sawi theih pakhatmah i nei lo" tia a pasalin a ankhumna te kha hunin liampui tawh mahse..a thinlungah erawh nawhreh ala ni lo. Duhtaka "tiam tlat e" atihpui, apasal khan an inneih atanga thla reilote hnuah a ze thup rawn pholangin...zu leh hmeichhe dang lakah a uiresan ta fô anih kha! Nupui anihna hre chungin dawhtheih a zir a, hmangaihna thikthu chhia chu hriatthiamnaa khat turin a fuih fô thin. Mahse..zuapa chuan chintawk tih anei ngai lo a. Nupa nun hlim tak leh inpawh taka an hman lohna chin pawh a rei ta. Fanu leh fapa an nei a. Mahse..ani erawh chuan a pasal a hloh thung si! A ta liau liau ni tur leh pangchan ve a chakna thin a pasal chuan, nupui ang nilovin a fate nu ang chauhin a en tawh si a..
.

Tih dikloh leh tihsual palh a nei aniang tia mahni a inenlet chang pawhin..Phatsan leh thlahthlam nihna khawp tura a pelhe lai hre ngang silo. Khumlaizawl nunah a pasal a tilawm zo tawk lo anih ringin..zahzumna dahbo in..nawhchizuar ang maia chetlak a tum ve chang pawh a awm thin. Mahse..chungte chuan a hlawhchhamna a rawn titam sauh zawk a. A pasal chuan a chaw chhumtu satliah ang maiin a en tawh tih a hai lo. Engvang nge tih a hre silo lai hi ani buaithlak ta em em chu
.

" Chhuak rawh ..ka nei peih tawh lo che" tih paha a chhipsama thamsak tu a pasal kha " Keichuan ka hmangaih che a. Khawngaih takin i telloa awm turin min nawrlui suh. Kei leh ifate hi min thlahthlam lo hram rawh" tiin a ngen tàwk tâwk a nih kha! Tlawm theihtawpa tlawm thin nupui khan a tlawmna rah erawh a hmu ngai silo. Ti nge hmangaihtu nih hian thil fair lo tak hmachhawn a ngaih bik ? !
.

Khawharna leh mahni inkhawngaih em em chunga hun a hman laiin amah ngaihsak leh ngaihventu mipakhat a lo lang a. Phone kaltlanga rawn hnem thintu chu a ngaina a. A thian ani. Ni e..a thian mai chauh ani thin. Thinlung kehsawm leh hliama a awm chhung zawng khan vawikhatmah apasal laka pelhe hi angaihtuah ngailo. Mahse..hun aliam a. Duhloh leh hnawl nupui anihna chuan..amah mamawha enkawl chak em emtu mipakhat chu thlirna tlang dang atangin a en ve tan a. Pathian ko eih zo tawh lova inhriaa beidawng tawh nupui khan mihring lakah beiseina a rawn nei leh tan ta a. A mi ngainatpa nen chuan hmaichhanah inkawmin..an nuidun fô a! Nuih na te hi atan chuan thil thleng zen zenlo anih vangin...a ngaihlu lo phallo.
.

Tichuan..Englaipawha a chaklohna châng rana ..zui rengtu THLEMNA chuan a derthawnna chu lemin..THLEMNA TUIPUIAH CHUAN A TLALUT TA ANIH KHA..
.

" Nang MI TENAWM LEH UIRE NU HI, KA IN ATANGIN CHHUAK NGHAL RAWH" titu apasal chu a chhang lo a. Ngawi rengin Zalênna zalen silo nei turin a pasal in chu a chhuahsan ta anih kha..a faten tap chunga an uibehna thute chu ngaithla lo turin a beng a hup tlat a! Nupui rinawmlo chuan hengte hi apaltlang angai tih a hria. A fate hruai a dil ve alawm..phalsak anilo miau a! A vui ngamlo. Uirenu ani miau a..
.

A uirena pa lah thehmeh angin a reh veng veng a. A thinlunga mipa rinna awm zawng zawng chu hnawhbo ani ta. Amah chauhin..ama khawvelah a cheng a. A fate ngaia a tah tlaivar chang a tam Thin. Tin, nitin nghaisa thintu a pasal pawh kha a ngai thin asin. A hmangaihber tlat alawm. A pasal chuan a ngaihzawng lalut nghalin..a fate chuan nuhrawn an hrawn ta.
.

A pasal kha zu in a eihlum tan mek tihah a nupuiin chhuahsanin..thinlung na nen taksa natna a hmachhawn tih a hria a. Theihnise enkawla duat taka pawm a chak thin. Uirenu ani si a. Mahse..uirenu kha a pasal thi mai tur chuan a mamawh ta tlat! A fate ngenna leh apasal thi mek ngenna avangin kum tam tak a chhuahsan tawh a in ni thinah chuan a lut leh ta a. A pasal chu duat taka enkawl chungin a dawmhlum ta..
.
" Ka tihsual rah ka seng A ni. Min phatsan turin kei hian ka nawrlui che a. Min uiresan kha ka thiamloh ani. Min ngaidam rawh aw" a pasal thusawi hnuhnungber chuan a titap a..a tinui bawk..mahse..a va tlai tawh si emm
.

A fanu in hringnun rahbi rap pialin..Sawn a pawm a. A nu nunhlui tharthawh nan an hmansak a, anu chi tuhrah angah an ngaihsak a..A FAIR LO. Uiretupa kha tuman a chala phung kawkin.."mi nu uire chingpa" tiin an cheksawlh ve lo. Nupui khawhar leh tuihal, remchanga hmangtu mi tenawm kha tuman an diriam ve lo. Uirenu erawh tuman " UIRE NU ANIH SAW" tia a hnunglam atanga deusawh an hreh hauh silo. Hrep tak a!!
.

" FAMKIMLO MIHRINGTE HIAN FAMKIMLO KAN MIHRINGPUITE HI FAMKIM TIR KAN TUM A. AN DINHMUN LEH A BULTHUT HRE LOVIN KAN DEM RAWN A. KAN FAMKIMLOH ZIA KAN TARLANG MAI ANI. "
.

" Uire ngaidam turin pasalte ka ngen lo. Nupui uire tur khawpa nawrluih hmang , pasalte hi UIRE AIA AN FELNA KA HMU LO E"



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)