KA TAHPUI A!!?? -Toni DA Ralte Ahmangaihi

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

KA TAHPUI A!!?? -Toni DA Ralte Ahmangaihi

Unread post by Ngaia » May 31st, 2016, 5:01 pm

KA TAHPUI A!!??





Ka cell-phone chu a zai rat rat a, ka han pick-up chuan,”Toni i ni em? Khawngaihin kan in hmu thei ang em?” tiin hmeichhe aw hian min lo zawt a,"Tunge aw?” ka ti a,”R**** HOTEL-ah ka awm a, min lo hmu thei hram lo'm ni? Khawngaih takin; ka mamawh che a ni” tiin zawi tak fiah tak siin min lo chhang leh a, ka tawng leh hmain a tawp ta daih a. Ka inthlak sawk sawk a, ka thianpa {driver} ka call a, min lo lam a, kan lim chho ta nghal a. Ka rilru chu a tawt up up reng a, a chhan ka hre si lo, ka thaw leh hawk thin a. A awmna ni-a a sawina hmun chu kan thleng a, ka call a, a room nambar min hrilhah chuan kan lut ta a. Khum fel taka lo inthlep chungah chuan nula {tleirawl} kum 18 awm mi vel hi a lo thu a, a sam chu a sen deuh thar a, a ngil sang bawk a. Kawr dum nghawngzau angreng fe leh kekawr tlawn dum tho tight zet a ha a, a nghawng lang chin chu a var hai mai a, a ti chu a dip in a hnip hmel hle. A hmai chu a dang deuh tih mai loh chu sawisel tur avang hle, a hmeltha tih hian tawk thei mai se; ka sawi thiam vak lo.



Min rawn en reng a, ka thianpa chu a melh zawk a, a ngaithei lo deuh nia ka hriat avangin ka mitmeiin chhuak turin ka hrilh a, a chhuak a, kawngka ka khar a, thu tura min tih hun ka lo nghak a. A lo ding chhuak a, nui lui tih hriat tak hian,"Ka lawm e, thu ang” tih pahin a kut a rawn phar chhuak a, ka lo ban a, kan inchibai ta a. A reh tlawk tlawk a, a kun chal a, a inhnit leh feih thin. A kut nel thep chu ka va chul a, zangkhai fe hian,"Koh dan tur che pawh ka hre lo a, mahse min mamawhna chhan chu min hrilh la, ka lo ngaithla ang, hun ka ngah lutuk

bik lo va” ka ti a, a bu nghat nghat a. Min rawn en a, a mitmeng mawi takah chuan mittui a tling khat vek a,"Midang nen ka harsatna hi a inang lo maithei,a hmasa berah chuan i thian nih ka duh a, kan inthian thei ang em?” tiin hawihhawm takin min zawt a."Tehreng mai, Tonie ka nia” ka lo ti var a, "Ka hria alawm, ka hriat vang alawm thian atan ka sawm che, min pui tur a ngen che pawh ka tum ngam lo,mahse,in bunruah ka chak em a, chubakah ka story hi min ziahsak ve la ka duh a, post tul i tih leh post la, mahse tunge ka nih tih erawh hre lo se ka duh,” a ti a."Awle, sawi ta che,” ka ti a, thil kal tawh ngaihtuah niawm taka a ngawih vang vang hnu chuan heti hian a chanchin chu min hrilh ta a.


"Aizawl veng pakhatah kum 1993 April ni 9 khan ka lo piang a, ka hming hi ka nu phuah a ni a, mahse MATE tia koh ka ni thin. Ka pa chu 1st class officer a ni a, ka nu erawh chuan dawr a nghak thin. Kan awmthei ve a, kan unau chu 3 chiah kan ni a, a milai ka ni a, ka u hmeichhia, ka nau mipa a ni. Ka pa hi kohhran rawngbawltu a ni a, ka nu lah kohhran hmeichhia-ah nihna nei reng thin a ni.Lehkha ka thiam thei vak lo va, tunah hian BA 1st year ka zir mek a ni. Kum 14 ka nihin thanthi ka nei a, kan hausak avangin duh duh ka lei thei a, make-up pawh ka hmang changkang thei hle. Ka nalh a, ka hmel pawh hi a tha ka ti ve thin, luck pawh ka luck narawh, mahse ka mize nu zem hian zahzumna a keng tel tlat a, tumah han ngaihzawn tak tak ka nei ngai lo.



"Kum 17 ka nih kum chuan nula puitling ang chiahin ka nalhin ka vun pawh a mam em em a, mi enzui ka hlawh tih pawh ka hre ve khawp.Kan veng thenawma mi MAMA nen kan inngaizawng ve ta a, kei aiin kum thumin a upa a, a zeiin min duat thin hle. Ka ngaihzawng hmasa ber a ni a, ka ngaiin ka duh ve hle. A hmeltha a, a luck in betu a ngah thei hle, mahse ka ringtawk em em, a rinawm tih pawh ka hria, A lo leng fo thin a, ka chhungte paw'n an ngainain an innel tawh hle a ni.



"Ka nu leh pate hi an la thalaiin an la upa lo a, ka pa hi khawtlangah pawh a inhmang nasa ve hle, ka nu pawh mi nelawm tia sawi thin a ni, a hmeltha a,'i nu i chhun' an tihte hian ka lawm thin, a ngovin a khal tha em em a, ka pa hi vannei ka ti thin. Mama nen pawh thianghlim takin kan la inngaizawng a, chance nei dun fo mah ila kan chesual ngai lo. Min fight ve thin paw'n ka tap tawp zel a, tihngaihna a hre ngailo. Kan induh telh telh a, first love pasal a nei hi an vang lutuk an tih thin te hian ka lo hlauthawng thei em em thin, ka ngaihzawng hmasa ber leh ka hmangaih hmasak ber a ni si a.



"Independence Day a ni a, Mama chuan lammuala inkhel enpui turin min lo sawm a, a kawr min leisak ka ha a, hlim takin kan inphur a, tlaiah a chhungte an zin avangin a thianpa te inah chaw a ei dawn a, min sawm luih tlat avangin ka ei ve ta ringawt a, ka chhungte chu ka phone tho a. A thianpate chuan mi inhnuai an luah a, kan innel tawh tho a, eirawng ka bawlpui ve nghal a. Chaw ei dawn chuan zawlaidi an in a, ka in ve duh lova, coca-cola ka in thung a. Chaw chu kan ei a, ka puar khawp mai. Rei awm lovin kan haw nghal a, mahse kan in lam min panpui lovin an inah min hruai ta tlat, an in chu a lo thim thiap a, an awmpuinu a haw lai a lo ni a, a chhungte an zin vek si. Ka hlauthawng deuh a, mahse Mama chuan min tihnat duh ka ring phal lo, a roomah kan awm a, zai a play a, a tawng duh riau, zawlaidi kha a rui a niang. Min pawm a, kan infawp a, ka hnute a zen a,a kut ka lasawn nghal a, a tawp duh lo, ka dawh ve tawp a, chumai duhtawk lo chuan ka kap a zen leh a, chu em em chu ka ngam tawh lo va, ka tho a.



"A thinrim ta tlat, min beng a, min hnek bawk, a ngaihna reng ka hre lo, ka hlau em em a, ka tap a, a awmdan maktak avang chuan ka mangang takzet. Min kuah lui a, khumah min nawr bet a, dim lo baksakin ka thawmhnaw a phelh bawrh bawrh a, ka hmangaih ber chuan MIN PAWNGSUAL TA A.



Ka Tap zawih zawih a, mahse ka dem fai vek bik lo, ka thiam lohna a awm ve tho, ka duh em avangin a thu ka hnial ngailova, an ina min kalpui lai te khan lungawi vak lo chungin ka remti a, duh lo tak tak ni ila sex pawh chu ka hmanpui lo thei tho maithei, mahse tan ngaihna ka hre lo va, experience ka la nei lova,lo hnar dan leh thlem lungawi dan ka hre lo a ni.



"Sex kan hman hnu atang chuan min duat zual niin ka hria a, keipaw'n a nih tur ang a ni zo tawh tiin ka pawm dam tan a, ka then phal chuang lova, sex chu kan inhmangaihna suih nghettu- ah ka ngai nghet hmiah. Hun remchang kan neih chuan kan hmang dun ta fo a, a nawmna pawh kapawh tawh hial a ni. Ka zakin ka inkiltawih phah fo thin, mahse ka hnar thei chuang si lo. Sex vangin kan inhau-in kan in tithinrim ngai lo, nupuia min neih ngei pawh a tum, keipaw'n mipa dang hi eng atan mah ka ti lo, tisa leh rilru a inthlunzawm tawh kan nih avangin kan ngampa a, kan induhna pawh kan zep zo lo fo, mahse pawi kan ti lo.



"Inrinni zan a ni a, ka nawmsam loh avangin Mama pawh lo leng lo turin ka hrilh a, ka mu a.Ka lo muhil sek a, ka harh chuan ka nu te room-a tawng ri thum dut dut chu ka pa tawng ri ni a ka hriat loh avangin hlauthawng takin ka in bengkang a, ka'n ngaithla chiang a, a sawi chu engmah ka hre thei chuang lo, a ri chiah ka hria. Ka zun chhuak chhuanlam pahin zung turin ka tho a, kan inverter a chhiat avang leh current kan neih loh avangin a thim thiap a, dimte-in ka kal a, ka zung a. Ka nu te room chu a reh thiap a, mahse rinhlelhna chuan min tur ut ut a, ka room leh ka nute room hi a indawt chiah a ni. Ka room-ah chuan ka ding vang vang a, thawm ka hre leh tlat, na tuar thawm zawng a ni mawlh lo, nuam ti taka rak ri a ni.



"Ka ding chawih a, mak ka ti, ka pa nen nupa nun an hman hi an thawm ka hre ngai lo a, hriat pawh ka duh hek lo. Ka pa chu kohhran committee-ah a kal a, ka u chuan hla a zir a, ka nau erawh a leng chhuak a. Ka nu te enthlak chakna chuan ka khat a, ka dang thei thlawt lo va, kawngka chu kan nam a, a lo inkalh hauh lo; misualte pawh hian vanduaina an insiam chawp thin reng a ni. Ka hawng dek dek a, an khum chu kawngka nen a inep chiah avangin ka hmu chiang hle..karei! Thil mak ber mai chu ka hmu ta..nupa khum KHUMPUI zahawm takah chuan ka nu leh ka hmangaih ber Mama te chu UIRE-na sualah tlu lutin duhthawh em em in an lo inchen tawn vel a nih chu’h!



"Ka thidang lo kha thil mak tak a ni. Ka kawchhung chu a so bulh bulh a, vawt tih vang ni hauh lovin ka khur hlawk hlawk a, na ka tih piahlamah rapthlak ka ti ngawih ngawih a ni. Ka en reng a, ka thawm chu an hre lo nge an hre lo der zawk..an rum dar dar a. Ka nu chu saruak ngalngatin a mu kak suah a, Mama chu a thingthi a, thahrui ngah hmel em emin an tum ram an pan dun a, ka nu chu a rak thawt thawt a, Mama pawh a rum nghut nghut a. Ka luakchhuak ut ut chu bathroom-ah ka tlan luh pui a, ka va luak ta bwrh bawrh a, ka mittui chu a tla zawih zawih a.



"Chumi zan chuan chhin khat pawh chhing lovin ka tap tlaivar a. Ka duh phawt chuan ka ti mualpho-in ka pa ka hrilh thei, mahse KA NU leh KA HMANGAIHBER an ni tlat si, kawng a ping em em a, ka dawihzep nasa si; sawi ta ila an hmuh ve miau loh avangin an awih duh ang em? Finfiahna ka pe thei dawn si lo. Engmah ngaihtuah thei lova muthilh chu ka chak em em a, ka thei si lo, a rapthlak tiraw? A mak ka ti, ka zak ngawih ngawih. Ka pa hi pa a zawnga pa tha leh zaidam em em, ka nu pawh duat thiam tak niin ka hria, a hrisel viauin ka hre bawk, chuti

si ka nu hi engvangin nge a uire?! Ka hre lo, a uirena pa lah Mama maw?! Engmah ka hrethiam thlawt lo, ka buai a ni.



"Engvangin nge a fanu duatlai hmangaih ber chu a uire pui? Tinge min tihnat? Min hmangaih lo em ni? Mama paw'n engtin nge a bialnu nu chu sex a hmanpui theih? Min lo hmangaih ngai lo tihna em ni? Tun hi an vawi engzatna nge? Min lo bum reng a maw? Zawhna hlirin ka khat a, chhanna reng reng ka hmu thei si lo.

"Ka ngawi ta phawt, ka ngam lo a ni mah zawk e. Mama nen pawh kan inhmu leh fo a, mahse sex ka

hmang duh tawh lo, ka ten a ni, ka nu nena intawm chu ka duh lo. Then pawh ka tum nasa, nithum chhung ka biak loh paw'n kan inah a lo kal a, a tap a, ka hmaah a thingthi thul, Mizo tlangval ni awm lo tak a ni. Chutiang hunah chuan ka nu a lo inrawlh a, keimah min hauh pahin Mama hnena kir leh turin min nawr lui thin. Min thik lo nge, hmanrua atan min hmang zawk? Ka mawl huih tawh a, thuruk rapthlak tak ka up bo tlat avang chuan puahdarh ka chak ngawih ngawih a, in bunruahna tlak thian tha ka nei si lo, nei pawh ni ila ka ring ngam lo ang. Ka u tal hrilh ka duh, mahse a hna avangin hmundangah a awm ta daih si, ka nau lah rawlthar thawveng a ni a, a nun a chhiat phah ang tih ka hlau si. Ka pa chu ka hrilh ngamlo hrim hrim,ka khawngaih sa tawh nak alaiin a na tuar hmel hmuh ka duh lo. Tin, lo inthen ta se, chhungkaw kehdarh pawizia ka hre ve a, ka ngaingam si lo. A la tawp mai ang tiin ka inhnem chawp a, ka rilru ka hman nasat avangin ka taksa pawh a tlahniam chak hle, pawn lam hmuhtheihah na ka nei lo a, ka chhungril erawh a nat belh zel a, ka kehsawm lek lek tawh a ni.



"Mama chu pasalah nei ta tawp ila ka chhungkua ka chhan thei ang em? Chu chauh chu kawng awmchhun niin ka ngai a, neih ngei ka tum ta a, ka hmangaih a, ka ngaidam a, a thlen nawn erawh ka phal tawh lo, ka then thei lo a ni ber e. Mahse PATHIAN laka kan thianghlim tawh loh avangin dan puitling tih vel chu ka ngaihtuah ngam lo, inruk tir ka tum a, zan khat chu ka zui haw ta tawp a, mahse an in kan thlen hmain ka chhungte a bia a, ka nuin min lo hruai leh a, min kek hrep a, min hnuk a, min beng a, ka ngawi reng, ka ka ka an chuan kha thil kha ka phuh chhuak dawn si, ka thinlung erawh a kehsawm chiang hle.



"Mama chu ka then mai ni lovin hmelhriat loh biakin ka bia a, eng anga min ngen nasat paw'n ka rilru a let tawh, ka kir thei tawh lo, ka ten hluah hluah a, ka pawm thei tawh thlawt lo a ni. Ka nu nen pawh nufa kan ang ta lo, kan inbe ngai tawh lo va, ka nui hmel hmuh tur a awm tawh lo va, room-ah ka tawm reng a, chaw pawh ka nghei fo, ka pa ngaih kan ti tha lo tan ta. Zan khat chu ka room-ah a lo lut a, inah a awm tam loh avangin ka tlahniam ta pawh chu a hre lem lo a, min han enchiang chu a chek tlawk tlawk a, a mitah chuan zawhna, ka chhan theih loh leh ka chhan ngam loh tur ka hmu a, ka en rei ngam lo. Tichuan Pathian thu min hrilhin, zantin min

hrual ta a, keipawh ka ngaihtuahna a danglam tan ta, ka awmdan avang chuan kan inchhungkhur chu a nuam lovin boruak a rit em em a, kei hian thil thleng kha theihnghilh dawn lo mah ila ka sawi chhuah ngam chuan loh chuan pawm thiam ta mai ila, ka nu leh Mama tan ngaihdam dilsak zawk ila Pathian hnenah tiin ka rilru ka seng tan a. Tin, kei hi nula virgin lo, misual leh hur tak niin ka inhria a, pianthar ka duh a, Pathianin min pawm leh theih dawn phawt chuan a tana ka nun zawng zawng hlan a, pasal pawh nei lova a rawngbawl tura inpumpek tawp ka duh a ni. Hmangaih dang ka neih theih ka ring tawh lo va, neih pawh ka duh tawh chiah lo.



"Sunday zan a ni a, ka pa chuan a ngaitein Pathian thu min hrilh a, ka lu chunga kut nghatin min tawngtai ta a. Ka sualna tam tak leh ka thuruk te nen Pathian hnenah ka inhlan ve ta a, chumizan chu tui tak leh thin thi diaiin ka muhil ta a ni.MAHSE??!!...



Ka nun a hlim tan dawn tihah Setana beihna nge fiahna? Zan hnih a zawnin ka nu leh Mama chetla lai ka phawk leh ta tlat mai, thih ka duh tawh zawk, kan inchung atanga zuanthlak ka tum a, mahse ka thih daih chuan misual pahnih tan chance ka pe tih ka hrechhuak a, ka thulh a, tum dang ka nei ta. Ka chhungkua chhanhim nan kha lehchen kha ka tuar a, tunah chuan phuba lak hun tiin rilru tha lo tak tak ka pu ta a. Ka nu runluih nan chuan amah ang chiaha mihur nih ka tum a ni; Mama erawh min hmuhsitna leh phatsanna hi a pa hmanga rulh let ve ka tum a ni. Ka hna chu ka tan ta a, a hautak asin. Ka nu leh pa rilru zawng ka hliam ta ngei mai, mi hausa fanu kha CALL GIRL ka lo ni ta, mipa ka mutpui a, pawisa ka la a, ka taksa ngei chu ka hralh ta thin a, mahse midang tuma'n an hre mgai lo, ka chhungte chauh lo chuan. Ka u pawh a lo haw tawp, min zilh, min hau, ka ngawi reng si. Engtikah nge a tawp ang le?



"Ka nu hi ka hua a ni, ka nu a lo ni hi ka zak a, ka inchhir a, ka lo piang ve hi pawi ka ti. Ka pa hi ka hmangaih a, ka khawngaih, mahse tih nat ka duh lo. Ka nu uirena ai chuan a fanu sualna chuan a tawrhna a tinep zawk ang. Nizanah ka haw lova, zanin pawh haw ka tum lo, misual ni mah ila midang nawmna thlentu ka la ni thei tal hi ka lawm a ni. Ka chanchin ka hrilhna chhan che leh post la ka duhna chhan chu ka nu ang mihring an lo awm tak mialin chhiar ve se ka duh a ni; Mama ang mipa tan pawh. Tichuan sex hmansualna hian eng pawi nge a khawih a, thinlung hi engtiang chiahin nge a tihnat theih an lo hre tawh ang. Kei chu hmangaih tlak loh leh hmangaih phu lo ka ni a, tihian ka thi mai ang, PATHIAN ka au ngam tawh lo va, ka nu leh Mama hi a la ngaidam thei a nih chuan lawm takin an pahnih tan ka NUN DERTHAWNG tak hi ka hlan ang e."



{Ka awmah a hmai a phuma a tap hlawp hlawp a, keipawh ka tap a. A rapthlak ka ti a, a natdan tur chu tuar ve lo mah ila ka hrethiam. He nula ka hmuhdan chu-nula huaisen..HMANGAIHNA ngah tak leh rilru tha tak a ni. Chhiartu, i vanneihzia hriain he nula khawngaihthlak tak tan hian i hun tlemte pe in i lo TAWNGTAI pui thei lo'm ni? Ka theihtawpin ka han hnem ve ngial a, mi tenawm ber ni a a inhriatna hi paih bo sak theih ka va duh em! Tichuan, ka ngen nasat em avangin a nu leh Mama chu hmu a, thuruk chu hrilh turin leh Pathian hnena ngaihdam dil tura ngen turin ka ti a, amah paw'n ngaidam hram tur leh Pathian chakna hmanga beilet turin ka fuih a, zawm chu a tum ve. Hemi zan hian a nu leh Mama chu kan hmu dun ta a, Mama chu pawisawi lo

hmel leh rilru that hmel tak a ni, a nu pawh nu hmeltha leh itawm em em, nelawm zet a ni.

Mahse THURUK a han sawichhuak chu le...tahna in a zui a, inchhir leh pawiti hmel chu hmuh loh

theih loh khawpa chiang in a in larchhuak a ni. An tawngtai a, mahse hmalam hun erawh PATHIAN

thu a ni, Matei nen pawh kan la in be reng a, thla hnih chuang a nun a sim ta. MAHSE a pa erawh engmah hre lovin a nun a la hmang a, hrilh rih loh kha tha zawkin kan la hria a ni. Thurawn in pe duh a nih chuan keimah kaltlangin in pe thei ang..eng pawh a ngaithla duh a,a tuihal a, puitu a mamawh a ni. Enge a tih zel ang tih chu amah paw'n a hre lo..Pathian a nghak a, tin, NANGPAWH…}



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)