KEI LEH KA THIANTE BY Jona Fanai Jr.

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

KEI LEH KA THIANTE BY Jona Fanai Jr.

Unread post by Ngaia » June 3rd, 2016, 12:41 am

KEI LEH KA THIANTE

'Kohhran ka belh lai' tih kha rin aiin min hlut sak a, tun tum chu thuhran deuhin aw, a nui peih tan.

FOOTBALL

Thingtlang khaw pakhata kan inkhelhnaah an inkhelh tan tawh hnuah ka thleng a, kan team te an inkhelh tawh dawn avangin kan thiante thlennaah ka innghat sawk sawk a field lam ka pan nghal a. Tournament thleng tu khua nen kan inkhel a. Kan inhnehtawk khawp mai a, boruak lah atrang nasa mai a, an players pakhat khel bawn deuh a awm a, min pet thlu fo mai a, atawpah ka thinrim deuh chuan ka pet lui ve ngat a, a khaw neitu a nih avangin a lo inla huai khawp mai a min hnek ta bur mai a, min lo thelh laih laih a, thinrim tawkin, "bânah field pawnah kan insual ang" kan inti ngat a. Kan inkhel zo thlen Inah ka inbual zo chu ka insual pui tum chu an chhungkaw pa ber chu lo niin min melh rûn mai a, nuam lo duh tak a ni.

Higher kan kal lai a School games, Vaivakawna kan khelh tumin kan thianpa Zualte-a hi left wing-ah a tlân a, a ball cross tûr a pet suala a goal ta daih a, a lawm lutuk celebrate chuan grass a an slide ang hian thingthiin a slide ta pek a lawm le! Field kha thridip a ni sia a khup zawng zawng a pilh duaih mai a, khel chhunzawm thei lovin an thlak nghal daih.

Kan thianpa Liana pawh hi Football khel thiam lem lo, peih zet mai hi a nia. Tlai kan practise-naah kan telh ve thin a. Nang Liana, chumi chu check rawh aw kan tih tawh hi chu a check nasa thei khawp a an ball liam chharnaah te, an zunnaah te hian a zui zel mai a ni. Haha, check ve thei rem rem.

Kan thianpa Achunga pawh hi Football Tournament kan khelh dawn trumin Jersey no.7 ka hak loh chuan ka khel dawn lo a ti ta tlat mai sia, no.7 kan hak tir a last defence-ah lungawi tawkin a awm tluan ve thrak tho. Achunga sawi takah chuan khawhar In khat tlatin tlangval kan riak a, zanlai pelh hret muttui vanglai takin ring mangkhengin 'hand ball' tiin a lo tho chhuak hluai mai chuh khawhar In riak e ti lo chuan kan nui nasa teh e.

THIL DANG AW

School games-ah tho Table Tennis-ah ka chhuak a, final kan khelh trumin ka kut a thlan nasa sia bat ka hum nghet zo tawh si lova ka top spin tur ka bet ka thlawh ta fua mai a, ka khel puipa hahmai pahnih a bal hlawk mai chu nuih a za duh lo ngei mai.

Thianpa Ruatfela pawh thingtlang khaw pakhata kan zin trumin nula lên tur inti hre zetin zan chaw eikham hlimah a lêng chhuak nghal a, a lênna te kha UPC(Mizoram) an lo nia, an khuaah anmahni chiah an lo awm avangin an Inah an inkhawm mai thin a. Ruatfela leng pawh chu inkhawm zan a lo ni si a Khuang a vuak sak triah triah mai mawle! Zan khat pawh rui deuh chungin a zaikhawm a, a zun chhuak chu mi In bul hmun thim deuh laiah a zung ngawt pek a, a lo hawi vak si loa a zunna hma chiahah chuan nu pakhat a lo zung chu niin a zun khum huh vek.

A zunkhum nu hi kan thianpa Ronana nu a nia. Vawikhat kan zaikhawm trumin zaikhawmna In piah deuhah kan thian ho hi kan thu bial laih a, Ronan-a chuan hmeichhe pakhat zaikhawmna In piah deuha a zung lai chu a hmu fuh pek a, a tho hluai a 'va buan ang u' tih leh tlan phei a rual a. A ni, chu hmeichhe zung chu a nu lo niin! A bul a thleng phei chiah chu a nu chuan thinrim zetin, 'Lalkhawchhan, haw nghal rawh' a lo ti chang fak mai a, che chhe ve pangbal.

Zan khat kan thian hoa kan rui pawh Y.M.A in min khawm a, Y.M.A rûnah min hruai a min zilh malh malh a, 'tikhan, tha deuhin haw ula, rui tawh miah suh u' min tia, 'awle' kan ti ve mai a. Kan lo rui hle ni tur a ni, 'va haw tawh r'u' an tia kan tho a Kawngka awmna lam kan hai a bathroom-ah kan inzui lût dial mai chuh tihngaihna vak an hre bik lo. Min nuih ve tawp.

Aizawlah pawh Bike a la tam lutuk lo a, Vawikhat thianpa Rema nen Lalhminga Bike kan risk ve ngawt pek a lawm le! Sikulpuikawn atangin chhuk lamah chuan neutral-in a khalh thla ve mai a, Kulikawnah kan thiante inah kan leng a. Kan haw leh tur chu a han start nung vat vat a, 'Lo chuang rawh le' a ti a ka chuang kai chiah tih chuan a tlan chhuak tur chu a hma a kang ta vawk mai a, ka lo inring vak si lo nen a hnung lamah chuan ka eu dawrh a, mawng sawh dawtin ka pit liam a, tukhum vaw zawtin ka thal a ka inbin tap tap mai a. Rema lah chuan Bike thlah mai lo chuan footpath ah chuan a lawn ta ur ur mai a. Ka nat leh nat loh pawh ka hre chang tawh lo miin min hmu em tih enin ka han hawi kual mai chu police station leh dawr atang te, hostel leh Tukverh vel atang chuan min lo thlir thrup tawh mai a. Zahthlak ve duh haih haih tak a ni.

Ka pa nên huana kan feh trumin Thlamah kan thu a, ka ke ka tawm avangin a kham khawp mai a, ka han thluang chu ka pa chu a lo awm hnai deuh sia ka tlawh let tawp mai a, a nuihzatthlak duh lo teh a sin.

Lunglei a ka zin trumin kawngpui sirah ka thru a, tleirawl chhe lo zet lo kal chu ka lo fiam a, a no.te ka dil a. A hnu a ka nutei te In a ka kal chu a fanu lo niin, a lo hrilh leh vek sia hrilh a hai duh ngang mai.

Kan thianpa Saia Biakina solo pawh a zai laiin a hahchhiau pek a, microphone stand a la vai thlu zui.

Hemi chin hi ni leh teh se. Nidangah a dang.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)