LETTER TO PASTOR DÀRA BY Jona Fanai Jr.

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

LETTER TO PASTOR DÀRA BY Jona Fanai Jr.

Unread post by Ngaia » June 3rd, 2016, 12:44 am

LETTER TO PASTOR DÀRA

Khami ni kha ka theihnghilh thei tawh dawn lova, ka hriat rengna a bo ta te a nih loh chuan hriat loh pawh tum ila ka theihnghilh thei chuang lo ang. Engtinnge ka sawi ang aw. . Lawmthu sawi dân tur pawh ka hre lova, ka thiam hek lo. Mahse, ka lawm em em a, hei hi ka lawmthu sawinaah min lo ngaih sak dawn nia aw.

"Mihring nun tleu laklawh chu ka hrethiam a, an tleu tir reng erawh ka hrethiam thei lo" i tih kha ka vawng tlat a. Kha ka hringnun tleu laklawh kha changchawiin mahni inthiam chawp na'n ka hmang a, ka sual chhanah ka pawm lui tlat a, min vaw chhe ta vekah ka ngai a, tho leh thei ka ni tawh loah ka inngai lui tlat a, kha kha ka saltanna a ni tih réng ka lo hre ngai lo.

Zan khat chu tlangval pakhat rui em em chênna mu leh mal pawh nei lo chu kawtthlerah a mu kawi nuai a. A hringnun kha a ning ngawih ngawih a, a khawvel pawh tawp vek tawhah a inngai a, vawi tam tak mahni intihhlum tumin hruihrual nen hmun fianrial a pan fova. Kha zan thlenga a la dam chhan kha a hrethiam bik lo.

Kha tlangval zurui berh leh rimchhe em em kha midang hmu tu te chuan an kal pêl mai mai a, an sawiselin an rêl nghal bawrh bawrh a. Chutih rualin khawtlang hruaitu ten dimna tel map lovin an la vaw zui a. A rui chu thuhran a taksa nâ leh riltam ringawt pawh kha chauh pui tham a sin. A dinhmun diktak chu hria se an vaw nghal ngawt bikin ka ring lo.

Nang chuan a bul hnai lam i pan a, kaithovin i inah i hruai lût a, inbual fai tirin chaw ei tur i pe a, thuamhnaw inbel tur i pek mai bakah in inah i la riah tir leh zel a. Kha thil ringawt pawh kha a tan chuan he khawvelah hian amah lainat a hmangaihtu an la awm ve tih hriat tirtu a ni a, hma lama ke pên tura huaisenna pe tu a lo ni daih a sin.

I thusawi a la hriat reng chu, 'eng ang pawhin awm tawh mah ila hun kal tawh chu a liam tawh a, hun lo awm leh tûr atan a inbuatsaih hi a awlsam tawh zawk a. Khawvelah hian mi vanduai ber an awm thei lova keini aia vanduai an lo awm ve leh zel tho a, chuvang chuan nun hi beidawn tir loh a, bul tan that leh zawk hi a fin thlaka a hlawk zawk bawk' i tih kha.

Central Jail leh Thana a tan pension thei lo, ruihhlo a neihna tur a nih phawt chuan engmah pawisa lo, kawtthler sualna chitin a tuma tluk phak loh kha a tawpah chuan a beidawng leh tho thin a. A taksa leh hmel dawldang leh cher chhe tawh tak khan he khawvelah hmangaihtu leh lainattu nei tawh lo ah a inngai a, mi zawng zawngin an hêl vek niin a inhria a. Mahse, chhan chhuahin a awm ta. Chu i chhan chhuah a chu keimah hi ka ni a sin. Nang ang vek a Pulpit tlang chauh a midang te zawm tur a thu tha tak tak sawi a mahni nunah engmah hmuh tur awm si lo ni lovin nuna par chhuak pathian ringtu hi ni vek ta ula a va nuam dawn em!

Kha zan atang chiah khan ka nuna thil tha tih duhna tlem la awm chu a pung chho tial tial a, beiseina nung a neih phah a, tichuan ka nunna tluka ka ngaih hlut ruihhlo sim chakna ka nei ve ta a, he khawvel harhfima hmachhawn ngam lo khan nun awmzia ka man thiam tan a. Beiseina thar nen ka nung ta a ni.

Kum 10 zet liam ta a boral mai tawh tur i chhanchhuah kha i hre tawh kher lo emaw i ngaihtuah chhunzawm tawh kher lo a ni thei e. Kha ruihhlo ngawlvei, khawvel mi ten an ensan tawh leh kohhran hruaitu te pawn an fate hnaih tir an phal loh khan zanin khan Pathian Maicham hmaah thu a sawi a sin. Nangmah avang liau liau a mitthi tawh kaihthawh leh a awm khan nupui fanau te nei ve tawhin nun thar nen khawvel thar a din a, Maicham chungah thu a sawi ta hial a nih chu!

Nangmah avang hian ka lawm a, lo tlu tawh mah ila ka kal leh thei ta. Tunah chuan midang te tan a malsawmna thlen tu a lo ni ve ta. Ka va lawm tak em. Khawngaihna atanga khawngaih leh chhawnna dawngtu hian a Lal rawng chauh bawl tawh turin a intiam tawh a. Chung zawng zawng bul chu nangmah i lo ni. I chungah ka lawm takzet e.

I chhan chhuah,
Lalropuia (Puia)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)