A SAWI ANG NGEIIN MAW BY Mawia Chhangte Arsenal

[Ngaia]

A SAWI ANG NGEIIN MAW....
(Vawiin hi Laipuitlang Leimin champha ani a, hemi pual a ka thuziah kan post nawn leh a nge, i chhiar a nih chuan i inchhir lovang)

Kum 2005 Khuangchawi thla anih chuan nula leh tlangval, nu leh pa te leh Kohhran a rawngbawltu hrang hrangte chu Rabung pan turin an inbuatsaih sauh sauh a, Rabung a Bung lianpui awm miten a an sawi thin a taka an hmu tur chu an suangtuah lawk a, kal an chak hlawm hle.

Hmundanga ka awm lai tak anih avangin chak tak chungin ka kal ve thei lova, ka thiante 2 chu thlengdun turin an inbuatsaih a ka tel ve dawn loh avanga pawi an tihthute min rawn hrilh ve bawk.

Khuangchawi thla tahrik ni 6 tuk ah chuan Rabung pan turin motor an pan sup sup mai a, 407 chunga chuang tih pawh hriat loh khawpin kawngchhe tak kar ah chuan an zai bawk bawk hlawm a, hreawm ti hmel reng awm lovin Rabung chu kan Branch/kohhran zaipawl pawh chuan an thleng ta a, Rabung nula leh tlangval, naupang fel tak tak ten mikhual an lo hmuak a, ka thiante pahnih chu Lalramnghaki (Nghaki) te in a thleng turin an lo ti a ni.

Khawmpui haw Report:
Inkhawmpui a zawh hnu chuan ka thiante chuan an thlenin nula fel zia an sawi nasa hle mai, phone in an bia a keipawhin ka be ve thin, kan thianho thum a kan awm hi chuan kan be deuh ziah thin bawk a. Hmel inhmu ve lo mah ni ila kan Inkawm ngeih em em a kan innel a kan inpawh hle bawk.

Nghaki chu Aizawl ah puanthui in a awm thin a, a naute 4 a awmpui bawk a, chuti chung chuan Rabung lam a a chhungte pawisa ala thawn thei thin.

Aizawl a a awm laite hian inhmuh kan tum thin a, mahse harsatna a awm leh thin avangin kan inhmu lawk thei lova. kum 6 lai aliam a 2011 October thla ah damloh na avangin Aizawl Civil Hospital ah ka awm ta a. Phone in kan inbia a ani pawh in inhmuhpah nipahfawmin min rawn kan a tum ruh hle mai, Pathian ni ah lo kal atum thu sawiin kan awmna laite kan inhrilh chiang a, kan thian hoin kan kawm ngeih em em ka hmuh dawn avangin ka hlim hle a, ka chhungte hnen ah pawh ka sawi nasa hle mai. Dar khat a nih chuan min rawn phone a "inawmna kawngka bulah khan ka rawn kal a. ka lo lut ngam lo a ka haw leh mai" a rawn ti pek a nih chu....ka hmuh chak tawh teh lul nen.. a van pawi tak em...

Hmel inhmu lo mah ila kan in be zel tho a, a nuih dan atang leh a Aw ri atang chuan a fel dawn tih a hriat reng mai a. hmeltha tak anih loh thu erawh ka thian ten an sawi thin. Nitin in be thin mah ila kan thianho zingah chuan tuman kan ngaizawng lem lo.

Kan thianho zing ami pakhat a rawn text emaw a rawn phone a midang min biak ve loh chuan kan titau ziah thin a, mi hi a rawn be leh vek zel ....

Kan inhmu ve ta:

Aizawl ah ka awm ve tak ah chuan 2005 atanga ka thiante kal tlanga ka thiannu nive ta Nghaki te in ah chuan 2012 kum tawp ah chuan an in ah han len ka tum ve ta a... an awmna laite phone a inhrilh chung zelin an in chu ka thleng ta hlawl mai. An tukverh atang chuan min lo au a phur takin an in kawngka hawngin an in chu ka lut ta hlawl mai ....

Kan in be nasa bawk a kan innel tawh bawk avang chuan an kawngka ka luh rual chuan 'i van hmelchhe em em' kan inti ve ve a, chuveleh banah inmanin kan inchai nghal pek anih chu... mipa zawk na3 chuan tha ka lo ngai deuh aniang, ka thiannu cherchhe ve tak chu thutthleng ah ka bawhbet ta run mai a, nui uarh uarh pahin "tho tawh rawh" tih pahin ka awm ah a rawn chum dat dat a.. inleng mi 9 lai anneih avang chuan kei pawh chu ka tho ve mai bawk...

An in leh kan in a inhlat vak loh avang chuan ka leng ta fo a.. thlasik a nih chhoh tawh avangin chhuatah mutna kan phah a mupahin TV kan en thin a. Tv en laite hian kan inchai leh rih thin a, nuam dangdai tak ani...

Chaw kan ei khawm:
Kan thianpa pakhat Aizawl rawn zin chu remchang ah hmangin chaw kan eikhawm ta a.. Anni pawh an inhmu lo rei tawh bawk a an inngai ngei mai, kan chaw ei laite chuan kan hlim em em a a nau te ho pawhin min nel bawk a chawhmeh a tui lo tur tur kan insuah sak nghek nghek thin.

Chaw kan eikham hnu Zan dar 8 vel ah chuan hawn kan tum ta a.. Laipuitlang a awm annih avangin kan awmna Electric veng ah chuan ke in haw kan ngai a.. lir kanneih loh avangin min khawngaih chuan min rawn thlah a.. kawnglak ah chuan kan infiam a kan inum leh rih thin a hlim taka kawng kan kal hnu chuan kan veng kan lo thleng reng tawh chu niin...kan inah kan lut a rei pawh kan thut hma chuan Nghaki chuan haw ka duh keimahin ka haw ngam lo ania min thlah ru a tih avangin kan han thlah chho leh a.. An in thleng kan thlah hnu chuan tawite min lo thlah la kan haw leh tawh mai ange kan ti ta a..

Min rawn thlah chu kan titi tui leh pek khawp a, PWD Office lam ah kan han chho a, PWD Building bul vel chu a lo khi nasa em em a.. a khik dan leh a hlauhawm dan vel te chu min hrilh hre velin an luah ngam tawh loh thute a sawi luam bawk..

A chim hi an hlau a thiat vat vat se kan ti thei lutuk a tih laimek chuan a chim anga a rawn delh mai cheu angah.. in innen a inzawn ropui sia tiin kan tihthaih vel a... A zepangaiin a nui leh vak vak a.. I mawl lutuk tihpahin ka mawng a pet a. ka um a ka man hmu chuan a mawngah ka pet sak ve tak kha.

In chu rawn chim se chu kan inzawn sia min rawn delh anga. kan ruang hi an zawng luih luih anga min hmu thei lawk si lo hian kan chhungte hi an mangang awm te a ti vel a.. keini lah chuan thian hmelchhe deuh kan nei tawh lo anga alawmawm ngawt ang kan ti fiamthu vel a.....

A va pawi tak em..
Hun a rawn kal zel a ka zan mu chu zing dar 3 vel ah ka harh hlawl mai a, fb ah lutin meng an lo la awm zeuh zeuh a. mi thil post te kan en kual vel hnu chuan Mipakhat hian Laipuitlang PWD Building a chim thu a rawn post ta.. ka hmuh veleh chuan Nghaki te chu ka rilru ah an awm nghal a, a hmaa PWD Building kawt a fiamthua kan thusawi ka hrechhuak zawk bawk a. Fb atang ka out a. Phone book ka hmet nghal a. Nghaki chu phone kan tum thin a Sweech-off ain ti zel bawk si. vawi tam tak ka try hnu chuan ka beidawng ta a... an tel ve angem le... nge tello ang tih ngaihtuah reng chung chuan ngaihtha lo takin khumah chuan ka awm reng a.

Khua alo var chuan miten leimin thlalak an post ka en uluk hlawm hle a. mitthi an sawi apiang leh fb a post apiang ah Lalramnghaki (Nghaki) a tel ve em? tiin ka zawt zel a. mahse chhanna a awm lo.

Ka phone a lo ri a kan thianpa pakhat chuan Nghaki a telve thu leh an la hmuh loh thu a rawn sawi ta. ka insiam sawk sawk a Laipuitlang lam ka pan ta nghal a, Tihtheih a tlem hle mai, nghaki hi ala dam angem. nge a lo thi tawh ang le.. ngaihtuahna a buai mup mup a. kan thiandun chuan an zawn chhung zawng kan awm ve zel a. Zan ah nise dar 11 thleng kan awm a. zing ah zawngtute thawhrualin kan kal ve nghal a. nilengin hun kan hmanga an hmu ve thei si lo. a hmaa a thusawi mawlh mai kha.. a thlengdik ani tih ka hriat hian pawi ka ti a. ka rilru ana a. arawn delh cheu anga kan tih laite. thian hmelchhe deuh kan nei tawh lo anga a alawmawm awm ka tih laite..

Ka telloin in awm thei lo nangni thian 3 hi min tih laite. a tel lova awm chu alo har ngei mai. a phone number pawh tumthlengin ka delete phal lo a. mahse awmzia erawh a awm tam lo.

Nihnih leh zan hnih lai an zawn hnu chuan an hmu ve ta hram a. kan lawm rualin pawi kan ti bawk si. awmdan thiam a har zia kha. kuang chhunga a mu bal mai te, a chala ka zuk chul pawn engtin mah min lo tihtawh si lo te kha ka rilru tina zualtu ani a, Ngo em em mai kha ti tak mai a a hmai a duk ta te kha hmuh ava han hreawm tak em.

Kan thianho chuan Motor kan hmang a a ruang pawh an khua Rabung thlengin kan han zui ve a. Rabung khaw ho fel zia te kha aw... Zan dar 11 vel a kan thleng kha mi tam em em mai in an lo hmuak a. mi 10 chuang thusawitute khan a fel zia an sawihmaih phal hlawm lo.

A naute an boral ve tho avangin an inchu mitthi in diktak ni te hian ka hria a, Mitthi hming ah an unau a an han ziak te kha aw..... ava han rapthlak tak em... tunah hian la dam nise chuan kan hlimna hi a nasa lehzual tur.... A sawi ang leh kan sawi ang ngeiin a nunna chu a tawpta si a. ava han pawi tak em...