Ka kut khur nasa lutuk chu na zet in ka hum a, tun ah tak hian thildang zawng zawng aia ka mamawh chu ka thinlung hian ahrechiang khawp mai, ka phone lo ri chu hriat loh der tum in ka maimitchhing ringawt a, ka duh min pe tu tur ten min rawn call na ani tih ka hria mai nilo in phone ka pick up anih vaih chuan let leh theih rual ani dawn lo tih tunge ka nih ka in hriat chian tluk in ka hre si a, arapthlak ani ruihhlo zun a ti tak mai a mi in vengkhat nula fel leh hmelthra tur an tih kan uai ta mai hi,atir ah kha chuan ka zahzum thup nan leh ka rilru hreawmna chhawkna thra tak atan ka hmang a mahse tun ah chuan,alo in ka awm thei ta silo a, tun chiah hi ani tawh ang ti chung chuan phone chu pickup in an lo deliver na tur address chu ka hrilh leh ta a. Darkar 2 aliam leh meuh chuan ka zâng leh ta haih mai, ka pa inleng te chu tute nge an nih pawh ngaihven lem lo chuan ka lo titi pui vel bawrh bawrh a anhmel lam leh tunge an nih ngaihven lem lo a lo titi pui ka ni bawk a an trawngmawh riau ni a ka hria chu kei kai cheichuai ta phéng chuan ,"in va trawng mawh ve a",tih pah chuan an hnung ah te kan chum pah sak ang kawrh kawrh a ka pa leh ka nu zak lo er ru zawk zawk te chu, "zanin chu in va ngawi chawi ve", te kan la han ti ta dah leh nghal a ,ka zah loh leh ka ti ti akaltluang tih ahriat khawp mai. Ka mutthilh chhuak vat lo phei se chuan in zahna engzat tak ka chhungte tan thlen ang i maw.
" tho vat teh Lalte tho nghal rawh, chaw ei ahun".
"Nu min lo eisan mai ula......ka tello pawn in ei fo ani lawm ni!", ka puan sin chu arawn thehhlim nghal vâwk a ,
" minute 5 chhungchiah kan nghak ang che anih loh chuan ihria ani lawm ni ipa thinthawk nât zia chu,ti thinrim lo mai rawh eng emaw sawi tur anei aniang vawiin zing chu chhungkua kima chawhluikil ati teh tlat a"
Ka hnar tum dat pah chuan ka nu hma zawn ah chiah chuan ka zuk thru chawrh a thil pawimawh engmah asawi leh chuang chai silo a chaw ei chakna hlawl ka neilo chu ai chuan thildang daih ka rilru ah a awm thung nizan a ka dah thrat ngei mai kha, ka pa chu melh zauh pah chuan "Pa min hrilh tur pawimawh inei em ni???" Ka pa chuan achaw ei lai chu ngawi reng in a eizawm a ,"ineilo anih hmel".
"Lallianzam ithrut na ah khan thru leh nghal rawh !". Van vin thrak thrak ve le awwww. Ngawi reng in ka thru leh ta zâl zâl a , ka pa hi pa azawnga zaidam ber an tih ang chi hi ani a,amaherawh chu athinrim tawh thung erawh chuan tuman athusawi kan hnial ngai hauh lo thung,tun trum pawh hian thinrimna anei ani tih achiang athinrim chhan pawh chiang tak in ka hre bawk .
" lallianzam engvangin nge in result achhuak tih min hrilh loh a?!, in result a chhuak tih izep ruk mai bak ah subj pa 2 ah lai single mark ihmu hi izak miah lo ami nizan te khan Upaliantluanga leh kan pastor thar te kha lo titi pui zawk teh te kha itum a min ti zak zo zai lutuk , kan duat lutuk che avang hi ani tianga i awm tâk ni vawiin tlai atrangin kan pastor thar fapa hnen ah tuition i kal ang ihria amaw? Ka peihlo e ek e bal ee te kha han ti teh dêk college hi chawlh iduh ah ka ngai hmak ang, Nunpuia'n an hrîng ve deuh che anga i zâl râih mai ang",
Atrawngkam tin mai chuan min ti phu zawk zawk ani ber mai, nizan a kan inleng te kha chu eng pawh ni se tuition kal trul ka tih loh dan chu pui tak ani.
"Lalte ipa hian ahmangaih vang che ani tih hriatthiam tum la aw bawihte izirlai ah ithriante aia itihchhiat bik ahlauh vang choh ania tuition chu kal mai rawh aw lalte bawihte", ka nu hi chu ka tan hi chuan vantirhkoh ani ringawt, ka pa in order tak a khatianga tuition kal tur a min tih ai khan ka nu in min thlem pah leh tithratur a min duh zia atih lan na chuan ka rilru ahneh fe zawk. Ka bag chu lak pah in dawhkana ka scooty chahbi lo let ngât chu ka ban zawm nghal zat a ka wallet chu la chhuak in ka nu in engzat nge ka pai tur adah ka check nghal a...... Ummm.... Rs1500 SU fee hi thla tin ka khawntir hi ani ringawt, kan SU te chuan hria se principal hnen ah thlen in min expel hial tawh hi ania ka rin ni mahse an hredawn chuanglo a ka in ngaihtuah hah peih leuh
....Oh!!! Ka helmet ka theihnghilh leh trep alom le .Class kal tur ka insiam tran hma a ka thil tih zauh chuan min fan chiai chiai a, ka bula miriami ka thrian kawm ve ber rawn thrut lai pawh chu ka lo hre miah lo chu ni in, chalk in ka lu a rawn head tak fawk ah chuan loh theih loh in ka ngaihtuahna khawvel ata chu ka harh lo thei ta tlat lo a , kan Eco proffessor thar chuan chiang zet in min lo en a ,rin aiin ala upat hmel loh kei aiin kum 2,3 bak a a upat ka ringlo ,amit a amelh lah chu anâ hrep leh nghal a, " nang kha eng vanga pawn lam lo melh daih nge inih ? Eng nge ihming?".
"Lallianzami mi chuan Lalte tiin min ko thrin a ", min han thlek vang vanga ,
" ihming choh alawm ka zawh che anih tun ah hian eng nge kan zir ?",
miriami chu ka han melh zauh a min lo hrilh beisei tak chung chuan ani lah chuan kan proffessor thar chu mit tla lo lek in alo en reng chu ni in hlawm tak hian a , John chu ka mitmei in ka va zawt leh a alo hawi â ang hû leh ta nghal a ,kan prof thar chu arawn nui chhuak ta hawk hawk a ,"ipa sawi ang chiah inih hi mawle , hahthlak ve dawn reuh hle mai, thru mai teh ,lo ngaithla thra tawh ang che khatianga ithriante mitmei a zawh kual dun dun ngailo tur khan aw" alehkha bu ken chu akeu pah phawk phawk a,classmate ho lah chu an lo nui hak leh nghal a, min va han pawngsual chiang tehreng em hnar tum dat pah chuan ka thru ta zâl zâl a, miriami hnen ah chuan ahming kan zawt nghal a ,ani chuan ka zawh ai bak a tam a chanchin nen min hrilh ta chiam a , trul teh nghek lo thrin he nu tak hi chu ahriat duh zawng ah hi chuan athlun phelh ang zar zar hi ani reuh ah!, class rei ka tih ber trum ani ngei ang ka tuition kal na tur pa chu saw kan prof chimawma saw ani tih ka han hre meuh chuh ka rui pawh ka harhfim kawk mai alawm le.
Ka tuition kal hma chuan kan hit leh zuai a, aduh ang chuan min ching phar mai mai bik lo ang mawle, ka scooty chu ka kick nung thei ta der mai lo leh nghala ninawm kawng lun lai tak ah leh nghal ," anung thei na nge a kha lai ah khan hung rih la ka rual in haw mai rawh tuition irawn kal dawn tho a kan in ah irawn tlang nghal anga ani mai alom atih zia phian ang i scooty kha chu awmawm workshop lam kan phone anga an ni in an lo va lam mai dawn nia", a car chhung a luh pah chuan ahmel chu hmuh chian ngei tum in ka scooty a hung thra zo rawn lut chu chiang zet in ka lo en a, classroom a ahnunglam pang atranga ka hmuh ang chiah khan ala upa lo chiang ang ahnar ngul asang vah a anuih zawngin abiangsum akhuarkalh bawk a ,asam chu afai hmel sar bawk a ahmui lah chu ahrisel tih ahriat hliah hliah bawk athren zawng a aha var tak lo lang chen chuan ka hmuhhmaih hauh lo zu nia .
"Thra min va ti awm em em ve a min en ngawih ngawih mai alawm mawle!.." Za deuh in ahan nui pah hawk a , avawi 1 na atan kan han lai ve ngei anih chu rang fe in ,"ateuhlo mai a, ichimawm em mai a class ah khan ihmel hian alo support teh hrep em anih hi ka lo ti rilru zawk mawle", aha vâr rual zet lang chuan anui ta hawk hawk a,
Acar chu ti ding in abul chiah a in lian zet chu akawk zauh a ," kan thleng ta e lo va lut la lo va enkual rawh le car hi kan hung thra lawk ange", tihpah in chahbi chu ka kut ah arawn hmehbel a ka kut arawn deh chiah chuan engtin emaw ni ka awm ni in ka in hria a ka sawithiam lo ka trek deuh sawk ni ber in ka hria,ka phu deuh zawk a ,nuih deuh hawk pah chuan car lam chu min oan san leh ta daih a ,nga ti nge alak ah hian tiang hian ka awm ziah mai le aw ani pawh in eng ah mah a angai tawp silo ah,ka lu chu thing nawk nawk chung chuan a in kawngkhar chu ka hawng ta zawk a , an in chhung chu ka rindan chiah a fel fai thlap mai , engkim chu athianghlim sar mai banga thlalak a hmeichhe hmelthra tak mai sam ngil zet mai Prof Nunpuia awm a bei chung a nui deuh sang ka han hmu thut chu eng tin emaw ni ka ni deuh nghulh in ka hria, ka thik ti dawn ila ni 1 choh ka la hmelhriat kan prof chimawma hi ka duh anih ngai chuan apawi teh ang abialnu ni awm tak thlalak ami khi ka khingphak dawn der silo a.
"Ava hmuhnawm awm vung vung ve ka hmelthra tih chu ka hailo a mahse khatiang em em a chianga lo in thlek te chu a!",
"I â ami thawm te rawn neih ve ta che, min ti phu alawm mawle", ka thin dawm vang vang chung chuan rum zet in kan han melh a , room 1 lam chu ahan kawk zauha study room anih thu leh chu chu kan room hman tur ani a , inthlak tur a inchunglama akal chhung in lo va thlek tur in min ti ta zawk hlauha , apawi kan tilo nasa mai mai khawp ah, rei tak abul ah hian awm lo ila ka pangai zawk daih a huhang hi ka zo lo tih chiang tak in ka hrethiam eng vanga a mi uap hi nâ bik em em nge maw anih teh hrep le , a inthlak rei teh hrep leh nghal a , iduhduh na lai lo enkual rawh ati alawm le inchunglam pawh hi ka duh pawn ka en kual thei tho tih na anih chu a inchunglam ah chuan room engzat tak awm ang maw ka enkual chak riau mai .
Chu room kawngkhar chu a in kalh lo bik teh mial room dang kawngkhar zawng zawng a inkalh vek a , achhunga thil awm en chak na chuan a tur in min tur et et ani ber mai muangchangin room kawngkhar chu ka hawnga ka han thlek hmasa te te a mipa khum tih hriat tak fel fai tak mai leh bed cover dumpawl lo in phah chu ka han thlek hmasa vang vang a dressing table chunga cream leh haircream eng emaw zat bak a perfume pa 4 lai awm chu kan han thlek kual dan dan a a perfume 1 chuan ka mit ala zar mai hetiang chiah hi Ramhlimawma kha a MBBS a in ziahtlin trum khan ka present anih kha, chu mi kum vek kum tawp lam ah chhan mumal awm lo in min rawn thren a ka nât zia kha perfume chu la kang in ka han hnim vang vanga,
"Min huat hmel deuh in awm mah la min rawn um zui zel chu anih hi t ro? Min huat vang anih tak tak ka ringlo reng ani ka laka itrawngkam vel te kha hmeichhe ho tak hi chu a", ka phu zawk lo theilo hepa hi eng vanga min ti phu zawk zawk fo nge maw anih roh le , alam ka va hawi ta kher kher chu ka va han inchhir tehreng em boxer nen choh awm in asam chu towel var thianghlim tak in a hru pah mawlh mawlh a ,rang lutuk in amah hnungchhawn zawng chuan ka in her chung in ahmel lan dan leh a taksa nalh lutuk tak mai kha ka hmuh hmaih hauh lo nia, ka hmai chu kan tuai puat a ka kut thlan deuh dap chu ka kekawr ah chuan ka han tat deuh pah nawk nawk a.
"Thawmhnaw inbel vat phawt mai teh, chuan maw ka duhzawng chi ini lo tlat mahni thra nia inhre tlat ho hian ka nuih an ti za zawk tih hi lo hre bawk la athrat zawk ka ring", hul deuh hak a anui ri ah chuan ka chhanna avang chuan alungawi hauh lo ani tih ka hrethiam mai,( ala zo lo a hetah tho hian naktuk ah ka lo continue ang ka buai rih deuh hlek a)