KA NU DAWT SAWI PARIAT BY Nunmawia Kop

[Ngaia]

KA NU DAWT SAWI PARIAT
Khawvel mihring piang chhuak tawh reng reng chu Nu in thisen tam tak senga a hrin chhuahte kan ni a. He khawvel eng mawi tak hmu tura kan lo pian chhuah tirh a zirtirtu hmasa ber chu Hringtunu te hi an ni.
* Ka Nu dawt dawi vawikhatna chu.
ka lo thiang lian a, ka nu chuan kan in bula luiah chuan sangha a man thin a, kei pawh sangha man dante min zirtir thin. Sangha chu ka taksa than lenna'na chaw tha a ni tih a hre reng a, tum khat chu sangha pahnih chauh hi kan man a, ka nu chuan a chhum a. Sangha tui hang ka hawp lai chuan ka nu chu ka sirah a thu a, sangha ruh ka paih tawhna kara a ti tlem la tang ve ve te chu a lo tep ve chap chap tih ka'n hriat chuan ka nu chu ka khawngaih ta tlat a. Sangaha pakhat la awm chu ei turin ka nu chu ka han ngen a, ani chuan a lu lo thin pahin, " ka fapa, ei zo vek rawh. Kei chuan sangha hi ka duh ve tak tak hleinem," a ti a....
*Ka nu dawtsawi vawihnihna chu...
Sikul kal rual ka lo ni a, ka nu chuan ka sikul fee tur a tuak a. nawhalh siamna hmunah a thawka, zan lamah in lamah nawhalh fung tur hmawlhte hi a suih zankhua thin chuti anga rim taka a thawh hmang chuan ka sikul fee tur chu kan neih phah ve thin a. thlasik khaw vawh lai hian zan khat chu ka zan mu ka thangharh a, bati eng teng teng hnuaiah ka nu chuan hmawlhte hi a lo la suih tlauh tlauh mai a, "ka nu, mu tawh ta che, a tlai tawh ania. Naktuk zingah i thawk chhun zawm leh mai dawn alawm," ka ti a ka nu chu a nui mai a, " ka fapa, mu rawh, ka chau hleinem," a ti a...
*Ka nu dawtsawi vawi thumna chu,.,.
Kum tawp ekzam pui a lo thleng a, ka nu chuan sikulah min hruai a, ka ekzam zawh hun nghakin pawn ni sen sa hnuaiah a lo thu ngat ngat a. Hun tawp dar a rik velah ka tlan chhuak a, ka nu chu ka va pawm a. Ka nu chuan a pei pawn a thingpui pai chu no ah a'n thli a, thingpui ka in lai chuan ka nu chala thlan bawl tiam tiam chu ka hmu a, a tui a hal ve hle in ka ring. Ka nu chu pek ka han tum a, a kut a thing a, " ka fapa nangma'n in rawh. ka tui a hal lo ve", a ti a.....
* Ka nu dawtsawi vawili na chu..
ka pa thih hnuah ka nu chuan pa nih a kawp chho va. nu hna a thawh bakah, pa hna thawk telin, hna hriam tak tak nen a vaihma a lo ngai ta a, kan chhungkaw nun chu a hahthlak telh telh mai. eitur nei lovin tam kan tuar fo va, a ni telin kan rethei tulh tulh a, kan thenawma ka patea'n eng emaw changin kan mamawh min pe a, chutia chhuanchham tak meuh meuh a kan chhungkua kan han awm takah chuan, thenawm khawvengte chuan tih ngaihna tak hre bik hek lo le, min lainat chhungkua lutuk chu, ka nu chu pasal dang nei leh mai turin thu an rawn hlawm thin a. mahse chu ti anga an tih chang chuan ka nu chuan, " Hmangaihna ka mamawh ve hran love," a lo ti leh mai thin aa.....
*Ka nu dawt sawi vawi nga na chu...
Ka zirlaite zovin, hna ka hmu veta. ka nu chu pitar a lo ni tawh a, mahse chuti chung chuan bazarah thlai rah eng ilo fahran zuar turin a la thawk chhuak reng a. Pawisa ka thawn changte hian min rawn thawn let leh a, "pawisa chu ka nei alawm," a ti zel a....
*Ka nu dawtsawi vawi ruk na chu....
master degree ka neih hnuah, American Corporation hnuaiah ka thawk a, ka hlawh pawh a pung chak hle. Ka nu chu America ramah nun nuam zawka khawsa tura hruai ka tum a, mahse min tibuaitu mai nih a hlau tlat a, "changkang taka nun ka ngai ve hleinem," a ti mai a...
*Ka nu dawtsawi vawisarih na chu....
ka nu chu pitar tak tak a ni ta. Tar kiring mai a lo nih hnu chuan Cancer natna in a tlak buak a, damdawiinah an dah tih min rawn hrilh a. Tuipui ral atangin ka thlawk haw vang vang a, an zai zo hlim hlawl hi ka nang a, ka nu chuan min lo nuih sen sen a. ka nu tar chaklo tak mai, engmah ei thei lova cher kuam mai ka han hmuh chaun ka mittui a tla ta zawih zawih a. A kut cher thiak mai leh ther fep mai chuan min rawn vuan a, ka nu chuan,"ka fapa, tap suh ka na lo ve," a ti a....
*Ka nu dawtsawi vawiriatna chu....
Ka nu chaun dawt vawiriat min hrilh hnu in a thi ta!... mahse dawt min hrilh thintu ka nu kha vantirhkoh ngei a ni tih ka chiang! "NU" tih thumal hi ka tan chaun khawvel sawi na a ni
extra....
Abraham Lincoln-a chuan heti hian a sawi a ka bat zawng zawng hi tlak dawn ila, ka Nu laka ka bat hi ka tlak seng molh lovang a ti.
Bishop Thomson-a chaun tihian uar takin a sawi bawk a. Nu tihthumal ah hian thinlung hlimna engzata tam nge inphum ang aw!! a lo ti bawk a ni.
Pa ber leng hawng in a sawi hmasak ber thin pawh " khawnge i nu?" tih a ni thin. Naupang kawtlaia tualchai leng haw pawhin, "khawnge a Nu a awm?" tih a ni fo thin.
William Thakarey chuan ti hian a sawi bawk a, " naupang/fate hmuiah chuan " NU" tih hi Pathian hming tluka hlu a va ni chiang em tiin uar takin a sawi bawk.
Spain thufing ah chuan, Puithiam kawrfual aiin Nu pawnfen pawh a hlu zawk tiin, NU pawimawh zia, hlut zia, ropui zia uar takin a lo sawi bawk ani.
MOTHER'S DAY LO THLENG TURAH HIAN "KA NU KA HMANGAIH CHE" I TI VE DAWN LAWM NI?