KHUANGPUILAM LEAQUE BY Tluangpuia hilthang

[Ngaia]

KEIMAH INFIAMMI 1
KHUANGPUILAM LEAQUE
Tluangpuia hilthang

Kha tia Roberto Baggio in Penalty a pet goal loh avang a, Brazil chu World Cup Vawi li Champion thei hmasa ber an lo nih hnu lawk atang chuan kan veng in thum lek a, Unau paruk te chuan Khuangpuilam leaque chu kan tan ve nghal a. Kha tih lai kha chuan leaque hming pawh chu kan hre chuang hlei lo a, In tum kual kha kan ti mai thin. A tunlai tawng takin leaque kan ti thla ve ngawt chu a ni a.
Unau thum a member paruk te chu mi pahnih theuh in Team thum ah kan in siam in siam a. Unau tang dun awm lo tur khan kan han in thlang a, kan hming pawh Romario, Babeto, Stoichkov leh Baggio te kan ni nawk hlawm. Champion a piang in kan lak tur lakhuihthei hmin tha deuh kan zawng a. A champ kha chuan kut in kan han chum phel a tui ti takin kan ei thin.
A chak tam tam champion kha an ni mai a, In draw awm lo in goal thum khung hmasa sa kha kan chak mai thin. Tih fuh loh tum chuan tlai khat tawp inkhelh ngaih chang te kha a awm a. Midang inkhel ve chak tawh te khan ning zet in min lo thlir a. An haw mai chuan goal a lut thut ang a, an inkhel thei lo ang tih an hlau bawk si. Chak zawk kan awm hma kha chu nghakhlel tak khan min lo thlir mai thin a ni.
Kan field pawh kha an lian lo khawp a, Kan in kawt feet sawmli bial vel kha a ni mai a. Goal post ah pawh brick bung pahnih Pen hnih a zau ah kan dah kha a ni leh mai bawk a. In goal lam in pen zim bik ti khan kan in hnial nasa thei hle thin. A chang leh kan han pen tha leh thul a. Refree tih vel kha an awm hran lo a, a hnial hrat leh tawng chak deuh kha kan dik a ni mai.
Ka tanpui pa Tesena nen khan Unau zing a tawng thei leh hnial hrat kha kan ni bawk a, a khelh lam thiam vak lo mah ila kan champ leh nge nge thin. Kan in hnial na tam ber kha chu kan goal post brick bung a lo tawi si, goal chhung ah kal tih leh goal chung ah a kal tih kha a ni ber a. Kan han ti tau a kan khelh chhunzawm duh lo kha, Kan tumpui te inkhelh la kham si lo khan a goal ti mai ang an han ti a. Kha tiang tactic hmang khan kan champ ngun thin khawp mai.
Inkhelh tui lai tak te khan Ball neitu ber a chhung ten an rawn koh khan a buaithlak leh duh bawk. A chak zawk lam han nih a, an ni a chak loh lam an nih lai phei chuana thinrim thlak theih tak a ni.
Kum lam a lo upa ve zel a, kan football khelh ve thin chuan School sport na ah tak ngial pawh tel tur khawp in min chher chhuak bawk si lo a. Ai a u zawk te nula rim zui te chu kan lo duh ta zawk a. English Premier Leaque tih dan ang deuh a, Sunday School ban a piang a kan khelh thin, Football hmang a kan in tum kual chu hriat mang loh lai in kan lo chawlh san ta a ni.
Hnial hrat leh tawng theih vang a ding chang thin te chuan kha leaque kha kan chhawr lo hle a. Titau lo a khel a champ ve ngai lo te erawh chu school Sport leh Tournament puitling te khel chho in, champion no mawi han chawi ta te pawh an awm a ni.
Eng kawng ah pawh dawt a ding chang te hi han awhawm viau in lang thin mah se, Thu dik chu a tlo a a nget ve ngai lo a, Van malsawmna dawng in eng hun ah emaw chuan a par chhuak leh tho thin.