KA KHUALZIN NA 1
BRAHMAPUTRA LUI KAM AH
Tluangpuia hilthang
Khawvel hmun thum a then a hmun hnih tui a nih thu Geography ah kan zir thin a. Chung zing ah chuan tui thianghlim erawh a tam lo hle a. Kan ram Mizoram erawh kan vannei a ram han kal ila, tui kan pai loh pawn kawrtin mai ah tui in tlak vawt tui em em a lo awm zel a. Thlaler hmun a tui van thin thu an sawi han hriat phei chuan kan ram vanneih zia a chiang leh zual awm e. Tui thianghlim kan tih tam ber hi lui atanga kan hmuh a ni hlawm a. Lui kan tih te pawh chu in len hleih tak tak an ni hlawm a. Khawvel a lui lian ber Amazon lui chu a hnuai a awm lui lian panga belhkhawm ai pawn tui a tam zawk a.
Tun dinhmuna kan ram dil lian ber Serlui tuikhuah chu kan tukverh atangin lang reng mah se chiang leh zual a hre tur in a hmun ah ka la kal lo a. A chanchin han sawi ngial dawn pawn mi sawi leh ziah ka hriat bak han sawi belh tur ka hre chuang lo. He ka sawi tur Brahmaputra lui hi chu a hmun ngei a ka hmuh tawh a ni a. A lui chung Restaurant ah ka riltam pawh ka lo in hnang fak ve tawh a ni.
Kum 2002 Krismas a zo a kumthar hmang turin kan in puah chah suau suau tawh a. Ka Pa u chiah Shillong a awm te chu Mizoram ah Krismas leh kumthar hmang in an lo chuang chhuak a. An fapa pakhat in kumthar Shillong ah hman tum in a haw thla a. A haw hnu chuan Shillong pawh i la hmuh loh kha, Kumthar zuk hmanpui rawh an ti a.
State pawn hi Silchar ka la pel lo hrim hrim a, Chu pawh motor ruih a reh dawn chauh a kan haw leh nghal kha a ni a. Shillong kal ve reng reng pawh a chakawm a lawm ti khan, kal tur chuan ka in siam ta a. Sailova album released hlim a ni a, Hmeltha leh Zoram tang fan fan tih hla chuan zoram a fan hneh hle a. Krismas hla ai mah in thalai lam ah phei chuan a tla na mah zawk a. Chung zawng zawng tlansan chuan Shillong lam chu ka pan ta a ni.
Night bus an tih ah chuan kan chuang ve ta ngei a. Vanneih chuan nula hmeltha deuh hi kan thut pui a, an lo in hawn viau phei chuan kut hmawr hi vawt ti miah lo in a siam theih, an tih te kha ka hre ve zul a. Ka vannei ang em aw ka tih rauh rauh lai chuan Roman Catholic Sister kum sawmnga bawr vel hang ve zet mai hi ka thutpui tur a lo ni a. Ka vanduai nge ka vannei pawh chu ka hre ta chuang lo a. Ka kut erawh chu thildang a ti lum lo in Second hand kutkawr lum ka lei chuan ka tih lum a ngai dawn tih a chiang ta hle mai.
Tluang takin kan tlan a Jowai vel atang chuan ka motor rui pawh ka harh tan a. Kawng sir a far thing lo ding sung mai te, tlangram ni si zawl deuh dur mai kan hmu te chu hmuh nawm ka ti ngei mai. Shillong luh dawn a ruai ah motor kan rui leh pek a.
Ka motor chuang ning tawh lutuk chu khaw tawn tirh ah chuan kan chhuk ve ta hmiah mai a. PCO atangin ka unaupa ka va bia a, Khawnge i awm a rawn ti a. Khaw tawn tirh ah kan ti mai chu i va chhuk hma ve, Dhankheti ah chhuk rawh ka tih kha Khawi ah mah lo kal sawn suh sang che. Alu Kudam a nih dawn chu kawng bul ah lo awm tlat la ka rawn kal nghal ang a ti a. A bike chuan min rawn lam ta vang vang a. Tlem a tlem ah kan bo lo chauh zawng a ni.
Ka Papuia te veng Oakland hi a nuam viau a, Wards lake leh polo bazar a hnai viau mai a. A hmun a fai in compound zau nuam tak an nei deuh vek a. La kal ngai lo tan chuan sapram pawh ti bak chuan a nuam chuang lo ang ka rilru a. Ka unaupa chuan hmun langsar deuh chin chu min fanpui deuh vek a. Wards lake, Hyderi park, Golfing, Shillong peak leh Police bazar te min tlawh pui a. Tumkhat restaurant min chawlpui ka ei tur min han thlan tir chu tui ka ti ta mang lo a, pawisa kan seng thlawn ta nual mai a ni.
January thla tir ah ka papuia te chu an lo hawng thla a, Pathianni ah training turin Delhi a kal leh nghal dawn a. Guwahati hmuh pah in Airport thleng zuk thlah la an ti a. Khawhmuh zauh nan pawh a tha a lawm an ti khan ka aw rang ngei mai.
Pathianni chawhma inkhawm ban chuan Guwahat kal tur chuan kan chhuak ta a. Tun tum chu night bus ai chuan chuan a nuam deuh a. India car lar zet Ambassador kan tih thin ah chuan ka chuang ta a. Mumang te pawh a ang rum rum mai dawn a lawm.
A hma ah a driver nen chuan kan thu a, a hnung ah thawl deuh in ka Papuia chu a mah in a thu thung a. Officer te chu driver bul ah an thu thin khan ka hria a. Ka hriat let ling chiah chuan kan chuang ta zawk a. Motor min lo dal deuh an awm kha chuan a chunglam thilsen kha an vir pap pap kan tlang leh mai zel a.
Tluang tak in Airport chu dar hnih vel ah kan thleng a. Airport kawt a coffee te kan in zawh chuan Brahmaputra lui en tur chuan kan chhuak ta a. Hemi hnu kum sawm pahnih 2015 August ah thlawhna ka chuanna hmasa ber, he Airport atang vek hian ka tan ve leh a ni a, a mak ve ang reng hle mai.
Ka ai lal a awm ta lo chu a hnung ah lal hmel zet in kan thu ve ta a. India rama lui lian ber, khawvel ah pawh palina ni phak Brahmaputra lui en tur chuan kan chhuak ta a. Kan tlan ve leh fe hnu chuan kan hma lam chu a lo pawl ta phut mai le. Saw saw Brahmaputra lui chu a nih saw Driver in an ti chu ka hlim ngei mai.
Brahmaputra lui hi khawvel a lui lian ber Amazon leh a dawttu Congo lui te ang in Equatorial ram lum lutuk a lui ang a, ruahtui tam tawkin a chawm ang kha a ni lo a. Himalaya tlangram vur leh monsoon ruah te chuan kumtluan in an chawm a, Kumtluan in tui tlem lutuk lo tam lutuk lo in a awm reng thin. Tropical Rain forest in a chawm lui te ang in a kam ah khawvel huap a ramngaw ropui a awm hek lo.
Motor atang chuan kan han chhuk a, a kam tiau pho kan thleng phei chu ka hlim ngei mai. Khawvela huap a Beach lar awmna Hawaii thliarkar te, Florida State beach lar celebrity te nuam tawlna hmun Palm beach te, India ram beach nuam a an sawi Goa beach leh Tlem hnai leh deuh Kolkatta bul a Mandarmani beach te chu la hmu lo mah ila. Ka hmuh ve phak chhun chu luikam tiaupho te chu ka tan chuan an nep chuang lo.
Chu Brahmaputra lui kam ah chuan ka ding a, Khawilam nge a hnar tih hriat mang loh khawp a tui champut mai chu ka thlir a. Heti khawp a lui lian hi a chawlhna tur tuifinriat lam pan in chawl lo in kal zel a, a tawp ah an chawlhna tur hmun tuifinriat an thleng thin chu a ni a. Tuifinriat ai a zau Van ropui chhui fiah sen loh a zau a cheng tur te hi, kan kalkawng ah hian kan va chawl nasa em. A then phei chu kan chawl hlen mek a nih si hi ' tiin ka ngaihtuah a.
Ka rilru a lokal ding deuh nge Driver chuan min rawn bia a. Brahmaputra lui chung lawng a Restaurant ah chuan min luh pui ta a. Kan ril a tam deuh tawh avang in kan han in hnawh puar sawk sawk a. Lawng bathlar atang chuan tui cham put mai chu kan thlir leh vang vang a. Muang chang in Shillong khawpui pan chuan kan haw chho ta a.
KA KHUALZIN NA BY Tluangpuia hilthang
KA KHUALZIN NA 2
05 RIDER
Tluangpuia hilthang
Bullet bike hi ka awt ve thei hle a. A huhova an han tlan dum dum ka hmuh phei chuan mit tla lek lo hian ka lo thlir leh vung vung mai thin. Han awt viau pawh ni ila ka nei zo ve lo tih ka hria a. Awh hmel zet a thla han lakpui hi ka duh leh tlat lo thung a. Mite an tanpui thu han hriat te hian a ropui ka ti hle thin.
Kum 2015 kum bullet khawmpui Imphal a hmang turin kan khaw bullet club 05 Rider te chu Ngopa lam atangin an kal a. An khawmpui zawh chuan Dimapur lam ah Guwahati tlawh pah in an lo haw kual. An zing ah chuan ka chhang chiah pasal hi a tel ve a. Shillong ka la awm lai a ni a mipa li in chaw kan rawn ei dawn tiin min rawn hrilh a. Makpa te lo hnar thu awm suh, aw le ka lo ti ve mai a. An lo thleng ta, ka in luahna nu pitar kum 93 mi chuan ' Tluangpui i mikhual turte chu an va hlauh awm khep khup ve ? Khawi lai misual rual emaw tih tur a lawm' a lo ti a. A ni reng lah tak a, bike a zawng a bike thawm na ber chi in an lokal a. Zin kawng thui tak zawh tih tak ah, an bal in an bawr chhawr hlawm em em a. An jacket ah te lah chuan ruhro ni awm tak tak te kha a awm fur a. Han en mai chuan an hlauhawm em hlawm tak a ni. Kan han in chibai a, kan han in biak tak ah chuan, rin ai in an tawng a lo sin hlawm a. Tuai thlahrang te pawh min ti hre chhuak rum rum a. Kan incheina leh kan hmel atang ringawt hi chuan kan nihna zawng zawng hi a lo hriat bik loh a nih hi. Zirtir Thoma ang a a nak zen ve kher lo ngaih chang pawh a awm dawn a nih hi. Damchhung chenpui tur zawn nan phei chuan lo zen vang vang tur a nih hi tih te min ngaihtuah thlen tir a. Chaw te lah chu an han ei tlem hlawm em em a. An khal an khal a an kham san ni mai khan ka hmu a. Chu chu bullet lam ka hnaihna ber leh 05 Rider ka hnaih lai ber niin ka hria. A khalh chu sawi loh thla tak ngial pawh ka la lakpui lo kha a ni si a.
Kum 2003 January thla atang in bike ka nei ve tan a. A hnu lawk April ni khat atangin Kolasib ah pawh motor a registered ve theih ta a. Aizawl, Lunglei, Saiha leh Champhai te hnung zuiin 05 tih a ni a. Tun ah phei chuan 05 A pawh tam fe a lo awm ve ta reng mai. Ka thianpa pakhat hian Pulsar 150 lei thar in an registered a. 05 ngei mai a han registerd ve chu chak viau mah ila, sum lam ka ui deuh avang chuan ka ti ta lo a. Kum 2008 a Hunk kan han lei ve leh kha chuan, ka registerd ta thlap a ni. Bullet ringawt pawh club ding thei khawp a, 05 registerd lo tam ta mai hian. Lirthei lam ah chuan kan district pawh, kan thang hle tih a entir awm e. Kawng dang ah hian kan thang viau em ? tih phei chu ka hre lo a. Kha tia thian dun a bike kawl ta chu, kan in zui ve nasa hle a. Hmundang tlan vak ngai hek lo, kan kal than na lam veng ah chuan, kan lo kal zing viau a ni ang. Hemi te pahnih hi Taxi ai pawn tlanna an hre zawk, min lo ti te pawh an awm a ni awm e.
Kum 2004 December thla a lo nih chuan tlanna ngai ngawr ngawr ni lo, tlanna tur kan hmu ta. Kan thianpa Champhai a hnathawk a awm chuan, Hnahlan lam ah nupui a hmuta thut mai. Mo hruai a kan kal ve ngei a ngai ta. Motor kan ruih thin chu thuhran, bike a hla deuh hlek han chhuah chhin ve kha kan chak bawk a. Bike a kal dun kan ti thlu ta a. A bike a thar deuh bawk a, a hran keng lo a inphurh mai nise kan ti a. Mo hruai tur chuan KM 350 vel kal tur chuan, 05 Rider kan nih na chu kan tan ta. Kan zin kawng tur hi haw lam nen chuan, KM 700 vel lai a ni dawn a ni. Inrinni tlai ah Kolasib kan chhuahsan a, Aizawl Chaltlang ah kan riak chho a. Pathianni zing dar ruk vel ah Champhai pan chuan kan chhuak leh nghal a. Kan chhuak zing bawk a Tuirial kam vel kan tlan lai chuan, Tiau chhum pawh a la tam khawp mai. Seling ah tukthuan ei chho in, kan chhuak leh nghal a. Pathianni a ni bawk a motor tawh tur a awm lo nen, a khawhar thlak khawp mai. A kalkawng hi lupui kan reng mai a ngai a. Kan chho vang vang a, kan chhuk leh vang vang mai thin. Chu ti hlir a tlan kan ni bawk a, petrol litre khat a a thui thei ang ber tlan tum thin, kan nihna hre reng in. A Switch kan off deuh char char thei a, off sual a lo chho leh thut, a awm lo bawk nen a tha phian mai. A rei deuh hnu chuan, duh ang a kan tlan chak theih loh avang in, kan ning ta letling zawk a.
Kawng peng a lo awm hian kan buai leh tep thin a. A kawng a in tiat si, Mizo thawnthu ah Phungpuinu kawng leh Nuchhimi Pu te kawng ang a. In danglam hleihna a lo awm vak lo nen. Kawngsir ah pangpar a lo vul leh chak thin a. A reh bawk nen a lunglen thlak duh hle. Tluang taka tlan zel in, tlai dar li vel ah Champhai kan thleng chho ta a ni.
Vengthlang ah ka thianpa thianpa te in ah kan thleng a. Bike bo nasat lai kha a ni a, zan ah chuan chain in bike chu min han phuar sak a. A phuar nasa lutuk kha, phelh leh pawh a huphurawm letling ta zawk mah a. Ka thianpa chuan Chelsea leh Arsenal inkhel kha a la en peih a. Ka chau bawk a ka muhil hma hle mai. Zing kan tho pawh hah a dam sawng sawng mai a lawn
Tlai dar hnih vel ah Hnahlan pan in kan chhuak leh a. Champhai leilet zawl, Zote leh Ngur tlan pel in Vapar ah thingpui kan in chawl a. Ta tang hi chuan kawng pawh Alkatra luan a ni tawh lo a. A tlan pawh a tlanchak theih tawh lo a. Tuithoh lei an dawh mek kan tlan pel a. Ral leh lam a ramngaw dur khup mai lo lang chu kan thlir a. Ramngaw ngaina lo tak pawh chu, ka lung an ti leng reuh khawp mai a. A chhunga ramsa chi hrang hrang tam tur zia ka ngaihtuah lai chuan Hnahlan dai kan lo thleng reng tawh a. An hmingthan na an grape huan te chuan min lo hmuak hmasa in, tluang takin Hnahlan pawh chu kan lut leh ta a ni.
Kan thlen in ah in nghat fel in, kan han in sil sawk sawk a. Khawlai ah kan han tei chhuak nghal a. Sawi ve reng reng ah tiin Grape Wine chu kan han in a. A lo thawkna phian mai a, a hma pawh a kan thlenin te tuichawi sa a in bual inthlahrung kha. Kan han in bual phar phar nghal a. Inbual rawh u an tih lai pawh a, ka bal lo e ti zo chiah kha. Kan lengchhuak a, kan va bal ta viau zawk nge maw ni?
Zan lam ah khawhar in ah kan riak a. Mikhual na a khawhar in ka riah hmasak ber leh awm chhun a la ni awm e. Nula ho in mutbu min han phah sak thlap a. Ka chauh deuh vang nge mut te kha a tui bik riau khan ka hria. Kha tiang reng reng chuan, khawhar in riah reng a chakawm mai dawn a lawm. Khatiang khan branch dang pawn ti ve ta ziah se. Tunge khawhar in riak tam, nula ten an hriat na a ni ang a. Tlangval tan lah a lo nuam tho bawk si a. Khawhar in riak tur, in hmuh hleih theih tawh loh lam ah hian, khawhar in riak te hi kan that phah phian lawng maw ? tih te ka ngaihtuah zui a.
A tuk mo thlah ni a ni a, Biak In lam a mo thian turte pahnih, an lo tel theih loh avangin, monu thiannu pakhat nen chuan, thlahna hun ah chuan thian ah kan han tang leh lawp lawp a. Programme te a zawh hnu chuan tlang lam ah thla la tur in kan chho ta a. Hnahlan tlang hi a nuam khawp mai a. Phul nuam deuh mai hi a ni a, a bul a far kungte chuan an ti mawi hle a. Shillong peak te pawh min ti hre chhuak rum rum mai. Khawtual nula thlalak pui tur hruai tur kan hre lo erawh, kan pa tlang ta deuh a. Chaltlang nula kan thianpa nau kha, kan lakpui ta vek in ka hria. Thlalak sawi tak ah chuan, khawtual nula ka lakpui lo tak ngial dawn khan ka hria a. Mo thlahna chaw ei kham khan, Tleirawl pakhat kha chu kan pawt nawk nawk a. Kan lakpui ve hram tak kha maw le. Hnahlan nula thla ka lakpui hmasa ber leh awm chhun a ni ta a ni.
A tuk ah Hnahlan nula fel hruai chuan hlawhtling in ti takin kan haw ta a. Champhai ah tukthuan ei in, Tah hian kan thian thenkhat ten min lo hmuak a, Aizawl ah kan riak thla leh a. Atuk tlai ah KM 700 zet, 05 Rider pahnih ten kan ride chu zo in, tluang takin Kolasib kan thleng leh ta a ni.
Tluang taka Kolasib kan thlen leh theihna na chhan hi Accident kan hlauh em avang in fimkhur tak in kan tlan a, kan rui lo hrim hrim bawk a. Chubak ah Pathian in min tanpui vang liau liau a ni. He lei kan khual zinna ram ah hian hawng leh tur kan nih in hre reng i la, Kan Accident theihna tur a hmelma pa thangkam ah awk mai lo tur in fimkhur bawk ila, Pathian duh zawng a tha leh lawm tlak ah chauh kan taksa hi hlan thin ila. Kan innghet vanram kan thleng thei dawn a lo ni.
05 RIDER
Tluangpuia hilthang
Bullet bike hi ka awt ve thei hle a. A huhova an han tlan dum dum ka hmuh phei chuan mit tla lek lo hian ka lo thlir leh vung vung mai thin. Han awt viau pawh ni ila ka nei zo ve lo tih ka hria a. Awh hmel zet a thla han lakpui hi ka duh leh tlat lo thung a. Mite an tanpui thu han hriat te hian a ropui ka ti hle thin.
Kum 2015 kum bullet khawmpui Imphal a hmang turin kan khaw bullet club 05 Rider te chu Ngopa lam atangin an kal a. An khawmpui zawh chuan Dimapur lam ah Guwahati tlawh pah in an lo haw kual. An zing ah chuan ka chhang chiah pasal hi a tel ve a. Shillong ka la awm lai a ni a mipa li in chaw kan rawn ei dawn tiin min rawn hrilh a. Makpa te lo hnar thu awm suh, aw le ka lo ti ve mai a. An lo thleng ta, ka in luahna nu pitar kum 93 mi chuan ' Tluangpui i mikhual turte chu an va hlauh awm khep khup ve ? Khawi lai misual rual emaw tih tur a lawm' a lo ti a. A ni reng lah tak a, bike a zawng a bike thawm na ber chi in an lokal a. Zin kawng thui tak zawh tih tak ah, an bal in an bawr chhawr hlawm em em a. An jacket ah te lah chuan ruhro ni awm tak tak te kha a awm fur a. Han en mai chuan an hlauhawm em hlawm tak a ni. Kan han in chibai a, kan han in biak tak ah chuan, rin ai in an tawng a lo sin hlawm a. Tuai thlahrang te pawh min ti hre chhuak rum rum a. Kan incheina leh kan hmel atang ringawt hi chuan kan nihna zawng zawng hi a lo hriat bik loh a nih hi. Zirtir Thoma ang a a nak zen ve kher lo ngaih chang pawh a awm dawn a nih hi. Damchhung chenpui tur zawn nan phei chuan lo zen vang vang tur a nih hi tih te min ngaihtuah thlen tir a. Chaw te lah chu an han ei tlem hlawm em em a. An khal an khal a an kham san ni mai khan ka hmu a. Chu chu bullet lam ka hnaihna ber leh 05 Rider ka hnaih lai ber niin ka hria. A khalh chu sawi loh thla tak ngial pawh ka la lakpui lo kha a ni si a.
Kum 2003 January thla atang in bike ka nei ve tan a. A hnu lawk April ni khat atangin Kolasib ah pawh motor a registered ve theih ta a. Aizawl, Lunglei, Saiha leh Champhai te hnung zuiin 05 tih a ni a. Tun ah phei chuan 05 A pawh tam fe a lo awm ve ta reng mai. Ka thianpa pakhat hian Pulsar 150 lei thar in an registered a. 05 ngei mai a han registerd ve chu chak viau mah ila, sum lam ka ui deuh avang chuan ka ti ta lo a. Kum 2008 a Hunk kan han lei ve leh kha chuan, ka registerd ta thlap a ni. Bullet ringawt pawh club ding thei khawp a, 05 registerd lo tam ta mai hian. Lirthei lam ah chuan kan district pawh, kan thang hle tih a entir awm e. Kawng dang ah hian kan thang viau em ? tih phei chu ka hre lo a. Kha tia thian dun a bike kawl ta chu, kan in zui ve nasa hle a. Hmundang tlan vak ngai hek lo, kan kal than na lam veng ah chuan, kan lo kal zing viau a ni ang. Hemi te pahnih hi Taxi ai pawn tlanna an hre zawk, min lo ti te pawh an awm a ni awm e.
Kum 2004 December thla a lo nih chuan tlanna ngai ngawr ngawr ni lo, tlanna tur kan hmu ta. Kan thianpa Champhai a hnathawk a awm chuan, Hnahlan lam ah nupui a hmuta thut mai. Mo hruai a kan kal ve ngei a ngai ta. Motor kan ruih thin chu thuhran, bike a hla deuh hlek han chhuah chhin ve kha kan chak bawk a. Bike a kal dun kan ti thlu ta a. A bike a thar deuh bawk a, a hran keng lo a inphurh mai nise kan ti a. Mo hruai tur chuan KM 350 vel kal tur chuan, 05 Rider kan nih na chu kan tan ta. Kan zin kawng tur hi haw lam nen chuan, KM 700 vel lai a ni dawn a ni. Inrinni tlai ah Kolasib kan chhuahsan a, Aizawl Chaltlang ah kan riak chho a. Pathianni zing dar ruk vel ah Champhai pan chuan kan chhuak leh nghal a. Kan chhuak zing bawk a Tuirial kam vel kan tlan lai chuan, Tiau chhum pawh a la tam khawp mai. Seling ah tukthuan ei chho in, kan chhuak leh nghal a. Pathianni a ni bawk a motor tawh tur a awm lo nen, a khawhar thlak khawp mai. A kalkawng hi lupui kan reng mai a ngai a. Kan chho vang vang a, kan chhuk leh vang vang mai thin. Chu ti hlir a tlan kan ni bawk a, petrol litre khat a a thui thei ang ber tlan tum thin, kan nihna hre reng in. A Switch kan off deuh char char thei a, off sual a lo chho leh thut, a awm lo bawk nen a tha phian mai. A rei deuh hnu chuan, duh ang a kan tlan chak theih loh avang in, kan ning ta letling zawk a.
Kawng peng a lo awm hian kan buai leh tep thin a. A kawng a in tiat si, Mizo thawnthu ah Phungpuinu kawng leh Nuchhimi Pu te kawng ang a. In danglam hleihna a lo awm vak lo nen. Kawngsir ah pangpar a lo vul leh chak thin a. A reh bawk nen a lunglen thlak duh hle. Tluang taka tlan zel in, tlai dar li vel ah Champhai kan thleng chho ta a ni.
Vengthlang ah ka thianpa thianpa te in ah kan thleng a. Bike bo nasat lai kha a ni a, zan ah chuan chain in bike chu min han phuar sak a. A phuar nasa lutuk kha, phelh leh pawh a huphurawm letling ta zawk mah a. Ka thianpa chuan Chelsea leh Arsenal inkhel kha a la en peih a. Ka chau bawk a ka muhil hma hle mai. Zing kan tho pawh hah a dam sawng sawng mai a lawn
Tlai dar hnih vel ah Hnahlan pan in kan chhuak leh a. Champhai leilet zawl, Zote leh Ngur tlan pel in Vapar ah thingpui kan in chawl a. Ta tang hi chuan kawng pawh Alkatra luan a ni tawh lo a. A tlan pawh a tlanchak theih tawh lo a. Tuithoh lei an dawh mek kan tlan pel a. Ral leh lam a ramngaw dur khup mai lo lang chu kan thlir a. Ramngaw ngaina lo tak pawh chu, ka lung an ti leng reuh khawp mai a. A chhunga ramsa chi hrang hrang tam tur zia ka ngaihtuah lai chuan Hnahlan dai kan lo thleng reng tawh a. An hmingthan na an grape huan te chuan min lo hmuak hmasa in, tluang takin Hnahlan pawh chu kan lut leh ta a ni.
Kan thlen in ah in nghat fel in, kan han in sil sawk sawk a. Khawlai ah kan han tei chhuak nghal a. Sawi ve reng reng ah tiin Grape Wine chu kan han in a. A lo thawkna phian mai a, a hma pawh a kan thlenin te tuichawi sa a in bual inthlahrung kha. Kan han in bual phar phar nghal a. Inbual rawh u an tih lai pawh a, ka bal lo e ti zo chiah kha. Kan lengchhuak a, kan va bal ta viau zawk nge maw ni?
Zan lam ah khawhar in ah kan riak a. Mikhual na a khawhar in ka riah hmasak ber leh awm chhun a la ni awm e. Nula ho in mutbu min han phah sak thlap a. Ka chauh deuh vang nge mut te kha a tui bik riau khan ka hria. Kha tiang reng reng chuan, khawhar in riah reng a chakawm mai dawn a lawm. Khatiang khan branch dang pawn ti ve ta ziah se. Tunge khawhar in riak tam, nula ten an hriat na a ni ang a. Tlangval tan lah a lo nuam tho bawk si a. Khawhar in riak tur, in hmuh hleih theih tawh loh lam ah hian, khawhar in riak te hi kan that phah phian lawng maw ? tih te ka ngaihtuah zui a.
A tuk mo thlah ni a ni a, Biak In lam a mo thian turte pahnih, an lo tel theih loh avangin, monu thiannu pakhat nen chuan, thlahna hun ah chuan thian ah kan han tang leh lawp lawp a. Programme te a zawh hnu chuan tlang lam ah thla la tur in kan chho ta a. Hnahlan tlang hi a nuam khawp mai a. Phul nuam deuh mai hi a ni a, a bul a far kungte chuan an ti mawi hle a. Shillong peak te pawh min ti hre chhuak rum rum mai. Khawtual nula thlalak pui tur hruai tur kan hre lo erawh, kan pa tlang ta deuh a. Chaltlang nula kan thianpa nau kha, kan lakpui ta vek in ka hria. Thlalak sawi tak ah chuan, khawtual nula ka lakpui lo tak ngial dawn khan ka hria a. Mo thlahna chaw ei kham khan, Tleirawl pakhat kha chu kan pawt nawk nawk a. Kan lakpui ve hram tak kha maw le. Hnahlan nula thla ka lakpui hmasa ber leh awm chhun a ni ta a ni.
A tuk ah Hnahlan nula fel hruai chuan hlawhtling in ti takin kan haw ta a. Champhai ah tukthuan ei in, Tah hian kan thian thenkhat ten min lo hmuak a, Aizawl ah kan riak thla leh a. Atuk tlai ah KM 700 zet, 05 Rider pahnih ten kan ride chu zo in, tluang takin Kolasib kan thleng leh ta a ni.
Tluang taka Kolasib kan thlen leh theihna na chhan hi Accident kan hlauh em avang in fimkhur tak in kan tlan a, kan rui lo hrim hrim bawk a. Chubak ah Pathian in min tanpui vang liau liau a ni. He lei kan khual zinna ram ah hian hawng leh tur kan nih in hre reng i la, Kan Accident theihna tur a hmelma pa thangkam ah awk mai lo tur in fimkhur bawk ila, Pathian duh zawng a tha leh lawm tlak ah chauh kan taksa hi hlan thin ila. Kan innghet vanram kan thleng thei dawn a lo ni.
Link: | |
BBcode: | |
HTML: | |
Hide post links |
KA KHUALZIN NA 3
KA HA HMAI A BAL
Tluangpuia hilthang
October thla vel atang hi chuan khawlum lutuk pawh zia chho tan tawh a. A hmu leh neih tur hria chuan thlasik khaw vawt tawrh pui tur, nupui pasal neih hun atan an hmang chho tan mek a. Kan thiannu pakhat hian naktuk chu Bilkhawthlir ah inneih na ah kal ila, I thianpa lo sawm la pahnih kan ni dawn a a ti a.
Tlangval a hming a Bike nei ve si, nula phurh tur hre lo a ka awm bik reng bik hi hmel in a zir loh chu thu hran, nula han tih kual vel dan hi ka thiam lo hrim hrim bawk a. Chuvang chuan aw sin lam hi chu ka phur khat khawp mai, Kanu dawr nghak tur ka thlah leh ka farnu ka bazar pui hi samsei ka phurh chu a ni mai a. Chutia nula in Mo lawmna a kal pui tur a min han sawm chu kan phur khawp a, ka thianpa pawh chu hrilh ve nghal in, a ni pawh chuan tih tur tul dang a neih hran loh avang in a lo yes ve mai a.
A tuk dar sawm vel ka splendor dum chuan kan in khalh chhuak ve ta a. Ka thawmhnaw neih that ve ber ha in, mwng a hawlh ang sek in ka za ruai mai a. An in kan va thleng chu a thiannu nen chuan an lo awm tawh a. A thiannu chu rin aiin a lo hmeltha vak lo a, Ka thianpa hnen ah khan a thiannu a hmel tha lutuk kha ka ti si a, a hmel an hmu chu a phur vak lo tih ka hre nghal a. Ka thianpa Bike chu kawk in a thiannu hnen ah chuan kha kha i chuanna tur a nia, chuang ula i kal vat ang u kan ti nghal a. Ka thianpa pawh chuan phur vak lo chuan an phur ta a, Bilkhawthlir pan chuan kan in zui thla ta a.
Inneih na te kan han hman zawh hnu tlai dar 4 vel ah ruai kan theh a. Kan nula hruaite chu Khaw thim hnu ah haw chho pui chauh ila ti in ruahmanna kan siam a. An ni pawh chuan boruak a nuam zawk daih a lawm an lo ti ve a. Khua a thim tan tawh tih chuan inneihna a kal ve, ka thiannu pate a chu kan bul ah a lokal ve a. Keimah chauh in ka haw dawn tho a, a vawt awm bawk si a. Mami ka motor ah lo haw mai ula a rawn ti ta mai a. Kan thiante nen kan ni sia an tih pawn an bul ah kan sawi ang e a ti ta zel a. Mami te hi ka bul ah lokal mai se, a vawt deuh tawh bak ah mahni in ka ni tho a pawi em a rawn ti a. Ngai lo tih chi ni tawh hek lo, phur lo zet chuan a remchan hlauh chu kan ti a. A motor ah chuan ka thiannu te pahnih chu an haw ta a.
Tum deuh bar a kan awm lai chuan inneih na hmang a kal ve nula pahnih hian, riah kan tum a in ruah tho chuan kan lo haw ve mai an rawn ti a. Hmeltha dun lem lo mahse, ai han tih tawl a nalh loh chu thuhran, kan nula hruaiten min haw san tawh tho bawk si a, nula tho a lawm le ti chuan kan aw dun ta ringawt a. Ka thianpa nen chuan pakhat ve ve chuan kan phur ta a.
In ti zei tawk khan ka thianpa te chu ka hma ah kan tlan tir a. Presbytery Inkhawmpui Bairabi a hmang, Inneihna ah hian kal an duh avang Kolasib a cham bang an lo ni a. Keicham kan thleng chho tep tawh tih chuan, two Wheeler a nula phurh chuan tul hlei lo ah hian han break thut thut ila, an hnute hian min do run reng mai a an tih kha kan hre chhuak ta pek a. Tun hi a hman hun chiah a nih dawn hi ti khan, eng rau ber a maw ni kha kan chang pek a. A break chu kan hmet thut a, ka nula phurh lah cher ban ve zet mai hi a ni a. A hnute pawh singsihlip tiah vel chauh tur kha a lo ni si a. A ha lam thui chi lo ni nen, a ha hmai chuan ka hnung a rawn tauh ta sawk mai a. I hnung na em ? ka lo in ring hman lo a a la rawn ti zui a. A ruk a na ti deuh si khan mahni in thiam loh na nen, na lo e kan lo ti a.
A ha hmai ringawt hian ka hnung hian a tauh bik tur a ni lo, ti rilru ran chuan na tawk in a break chu kan kuai leh a. Thil pawi a thleng ta, Motor lian in oil a tih buak na lai a lo ni a, chiang em em mai chuan kan tlu ta a. Ka ha hmai pakhat chu chiañg em em mai hian kan sawh a. Ka thianpa te an rawn tlan let in min rawn buaipui nghal a.
Kan Accident na bul keicham a dawr pakhat ah chuan min luh pui ta a. Min han en vel a ka ha hmai pakhat hi a lo auh a. Na chhawk na atan zu a tha an ti a, kan chawlhna te chuan an zu chu min lei tir a. Na chhawkna tur chu ti khan kan tlak nghal pup pup a. Tihdang lam in ka lo awm ta nge, bike chu ka khalh leh thei nghal mai a. A tuk ah ha doctor ka va in entir chu "bung lo mah se thlasik ah a na thin ang, Chepral vek ila ha lem vuah mai rawh" min ti a. Aw tih mai loh chu tih theih dang awm hek lo a chepral ta vek a, Ha lem ka vuah phah ta a.
Bike a nula phurh ve ka chak luat ah, zei tawk a nula hnute do tum khan, ka hnung in nula ha hmai a do ta zawk a. Ka ha hmai bal phah in ha lem ka vuah phah ta a ni. Mi tih ang zawng zawng tih ve tum kher suh, I tan chhiatna thlentu an ni thei.
KA HA HMAI A BAL
Tluangpuia hilthang
October thla vel atang hi chuan khawlum lutuk pawh zia chho tan tawh a. A hmu leh neih tur hria chuan thlasik khaw vawt tawrh pui tur, nupui pasal neih hun atan an hmang chho tan mek a. Kan thiannu pakhat hian naktuk chu Bilkhawthlir ah inneih na ah kal ila, I thianpa lo sawm la pahnih kan ni dawn a a ti a.
Tlangval a hming a Bike nei ve si, nula phurh tur hre lo a ka awm bik reng bik hi hmel in a zir loh chu thu hran, nula han tih kual vel dan hi ka thiam lo hrim hrim bawk a. Chuvang chuan aw sin lam hi chu ka phur khat khawp mai, Kanu dawr nghak tur ka thlah leh ka farnu ka bazar pui hi samsei ka phurh chu a ni mai a. Chutia nula in Mo lawmna a kal pui tur a min han sawm chu kan phur khawp a, ka thianpa pawh chu hrilh ve nghal in, a ni pawh chuan tih tur tul dang a neih hran loh avang in a lo yes ve mai a.
A tuk dar sawm vel ka splendor dum chuan kan in khalh chhuak ve ta a. Ka thawmhnaw neih that ve ber ha in, mwng a hawlh ang sek in ka za ruai mai a. An in kan va thleng chu a thiannu nen chuan an lo awm tawh a. A thiannu chu rin aiin a lo hmeltha vak lo a, Ka thianpa hnen ah khan a thiannu a hmel tha lutuk kha ka ti si a, a hmel an hmu chu a phur vak lo tih ka hre nghal a. Ka thianpa Bike chu kawk in a thiannu hnen ah chuan kha kha i chuanna tur a nia, chuang ula i kal vat ang u kan ti nghal a. Ka thianpa pawh chuan phur vak lo chuan an phur ta a, Bilkhawthlir pan chuan kan in zui thla ta a.
Inneih na te kan han hman zawh hnu tlai dar 4 vel ah ruai kan theh a. Kan nula hruaite chu Khaw thim hnu ah haw chho pui chauh ila ti in ruahmanna kan siam a. An ni pawh chuan boruak a nuam zawk daih a lawm an lo ti ve a. Khua a thim tan tawh tih chuan inneihna a kal ve, ka thiannu pate a chu kan bul ah a lokal ve a. Keimah chauh in ka haw dawn tho a, a vawt awm bawk si a. Mami ka motor ah lo haw mai ula a rawn ti ta mai a. Kan thiante nen kan ni sia an tih pawn an bul ah kan sawi ang e a ti ta zel a. Mami te hi ka bul ah lokal mai se, a vawt deuh tawh bak ah mahni in ka ni tho a pawi em a rawn ti a. Ngai lo tih chi ni tawh hek lo, phur lo zet chuan a remchan hlauh chu kan ti a. A motor ah chuan ka thiannu te pahnih chu an haw ta a.
Tum deuh bar a kan awm lai chuan inneih na hmang a kal ve nula pahnih hian, riah kan tum a in ruah tho chuan kan lo haw ve mai an rawn ti a. Hmeltha dun lem lo mahse, ai han tih tawl a nalh loh chu thuhran, kan nula hruaiten min haw san tawh tho bawk si a, nula tho a lawm le ti chuan kan aw dun ta ringawt a. Ka thianpa nen chuan pakhat ve ve chuan kan phur ta a.
In ti zei tawk khan ka thianpa te chu ka hma ah kan tlan tir a. Presbytery Inkhawmpui Bairabi a hmang, Inneihna ah hian kal an duh avang Kolasib a cham bang an lo ni a. Keicham kan thleng chho tep tawh tih chuan, two Wheeler a nula phurh chuan tul hlei lo ah hian han break thut thut ila, an hnute hian min do run reng mai a an tih kha kan hre chhuak ta pek a. Tun hi a hman hun chiah a nih dawn hi ti khan, eng rau ber a maw ni kha kan chang pek a. A break chu kan hmet thut a, ka nula phurh lah cher ban ve zet mai hi a ni a. A hnute pawh singsihlip tiah vel chauh tur kha a lo ni si a. A ha lam thui chi lo ni nen, a ha hmai chuan ka hnung a rawn tauh ta sawk mai a. I hnung na em ? ka lo in ring hman lo a a la rawn ti zui a. A ruk a na ti deuh si khan mahni in thiam loh na nen, na lo e kan lo ti a.
A ha hmai ringawt hian ka hnung hian a tauh bik tur a ni lo, ti rilru ran chuan na tawk in a break chu kan kuai leh a. Thil pawi a thleng ta, Motor lian in oil a tih buak na lai a lo ni a, chiang em em mai chuan kan tlu ta a. Ka ha hmai pakhat chu chiañg em em mai hian kan sawh a. Ka thianpa te an rawn tlan let in min rawn buaipui nghal a.
Kan Accident na bul keicham a dawr pakhat ah chuan min luh pui ta a. Min han en vel a ka ha hmai pakhat hi a lo auh a. Na chhawk na atan zu a tha an ti a, kan chawlhna te chuan an zu chu min lei tir a. Na chhawkna tur chu ti khan kan tlak nghal pup pup a. Tihdang lam in ka lo awm ta nge, bike chu ka khalh leh thei nghal mai a. A tuk ah ha doctor ka va in entir chu "bung lo mah se thlasik ah a na thin ang, Chepral vek ila ha lem vuah mai rawh" min ti a. Aw tih mai loh chu tih theih dang awm hek lo a chepral ta vek a, Ha lem ka vuah phah ta a.
Bike a nula phurh ve ka chak luat ah, zei tawk a nula hnute do tum khan, ka hnung in nula ha hmai a do ta zawk a. Ka ha hmai bal phah in ha lem ka vuah phah ta a ni. Mi tih ang zawng zawng tih ve tum kher suh, I tan chhiatna thlentu an ni thei.
Link: | |
BBcode: | |
HTML: | |
Hide post links |
KA KHUALZIN NA 4
KA TAXI LEH BIBLE SOCIETY
Tluangpuia hilthang
Bible Society han tih hi chuan naupang pakhat Mary Jones rilru ah a lo awm nghal thin a. Bible man tlawm zawk a kan lei theihna tura an hnathawh te hi a ropui khawp mai. Mizo Kohhran te hi Bible Society rawngbawlna ngai pawimawh tak Kohhran kan lo ni hlawm leh zel a. Bible Society of India hnuai ah Aizawl Auxiliary chu a thawh hlawk ber an ni thin te hi ngaihthlak a va nuam thin em. Bible Society rawngbawlna kal tlang mi hnen a Pathian in puanna an sawi thin te pawh ka hre ve thin a, an vanneih zia ka ngaihtuah fo thin.
Ruah an sur buan buan a khawpui an rik dur dur hi chuan mahni in lum ah, engmah lungkham lo a mut veng veng a chakawm thin. Mi tamtak chuan fiamthu in labour khaw tha an ti thin reng a ni, Taxi han neih a tlanna han hmuh that loh phei chuan ruahsur lai te hi passenger tam hunlai a ni duh a, Phur lutuk lo pawh a service hram a ngai thin.
Kum 2012 fur lai a ni a vai kuhva khar chhawng in Sesawng ah, kuhva khar tur zawng in ka taxi min hmang a. Tlanna vang nen a hla deuh hlek tlanna kan hmu chu ka lawm kher mai, Zing dar sarih vel ah Kolasib chhuah san in, Dar sawm vel ah Thuampui ah zing chaw kan ei chho a. Tluang takin dar sawm pahnih vel ah Sesawng chu kan thleng chho ta a.
Kan tih tur kan tih fel zawh hnu chuan tlai dar thum vel ah Kolasib panin kan haw thla leh nghal a. Mahni in lam pan kan ni bawk a ka hlim hle mai. Dar 3:30 vel ah Bung Bangla leh Tuirial inkar kan tlan lai in ruahpui van awn a rawn sur ta, Kawng chhak lam ah lei min mai thei hi a tam em em a. Zemabawk thlen chhoh vat vat chu rilru ah a lian ber a ni.
Ka hma chiah a 407 tlan chu ka um ve char char a. Chutia kan tlan chhoh ve char char lai chuan 407 nen a kan inkar ah tak mai chuan lei lo min in a in bun ta rum mai. Lei chu lo min belhin min chhilh palh ang tih ka hlau kher mai. Hnung zawng a kan tawlh tur chu a tang ta tlat mai. Nunna chan a hlauh awm tiin han kalsan dawn ila, Taxi hi neih zawng zawng a eizawn na tur a ka lei thar ve chauh a ni a. Kum chanve em pawh a la tling lo a, ka chhuah san phal bik si lo. Bei nge sei run dung ti in theih tawp in tawlh kir kan tum leh a, ka beisei loh lutuk in kan tawlh kir thei ta hlauh mai a, ka lawm kher mai. A thlang deuh leimin in a khuh phak loh atang chuan ka hel ta a, tluang takin kolasib chu kan thleng ta a.
Leimin kar ah mak deuh mai a kan han hnung tawlh a, kan him pial ta mai kha Pathian min ven vang liau liau ni in ka hria. Ka taxi hi ka neih hlimin Bible Society ah ka life nghal a, Chu Bible Society hmang a rawng a lo bawl ve na chu Pathian in a hun tak ah min hriat sak ve ni ber in ka hria.
Tlai ngai lo Pathian kan nei hi ringtute kan vanneih pakhat chu a va han ni tak em. Ni li pawn tlai se a hun ah a thleng miau a !
KA TAXI LEH BIBLE SOCIETY
Tluangpuia hilthang
Bible Society han tih hi chuan naupang pakhat Mary Jones rilru ah a lo awm nghal thin a. Bible man tlawm zawk a kan lei theihna tura an hnathawh te hi a ropui khawp mai. Mizo Kohhran te hi Bible Society rawngbawlna ngai pawimawh tak Kohhran kan lo ni hlawm leh zel a. Bible Society of India hnuai ah Aizawl Auxiliary chu a thawh hlawk ber an ni thin te hi ngaihthlak a va nuam thin em. Bible Society rawngbawlna kal tlang mi hnen a Pathian in puanna an sawi thin te pawh ka hre ve thin a, an vanneih zia ka ngaihtuah fo thin.
Ruah an sur buan buan a khawpui an rik dur dur hi chuan mahni in lum ah, engmah lungkham lo a mut veng veng a chakawm thin. Mi tamtak chuan fiamthu in labour khaw tha an ti thin reng a ni, Taxi han neih a tlanna han hmuh that loh phei chuan ruahsur lai te hi passenger tam hunlai a ni duh a, Phur lutuk lo pawh a service hram a ngai thin.
Kum 2012 fur lai a ni a vai kuhva khar chhawng in Sesawng ah, kuhva khar tur zawng in ka taxi min hmang a. Tlanna vang nen a hla deuh hlek tlanna kan hmu chu ka lawm kher mai, Zing dar sarih vel ah Kolasib chhuah san in, Dar sawm vel ah Thuampui ah zing chaw kan ei chho a. Tluang takin dar sawm pahnih vel ah Sesawng chu kan thleng chho ta a.
Kan tih tur kan tih fel zawh hnu chuan tlai dar thum vel ah Kolasib panin kan haw thla leh nghal a. Mahni in lam pan kan ni bawk a ka hlim hle mai. Dar 3:30 vel ah Bung Bangla leh Tuirial inkar kan tlan lai in ruahpui van awn a rawn sur ta, Kawng chhak lam ah lei min mai thei hi a tam em em a. Zemabawk thlen chhoh vat vat chu rilru ah a lian ber a ni.
Ka hma chiah a 407 tlan chu ka um ve char char a. Chutia kan tlan chhoh ve char char lai chuan 407 nen a kan inkar ah tak mai chuan lei lo min in a in bun ta rum mai. Lei chu lo min belhin min chhilh palh ang tih ka hlau kher mai. Hnung zawng a kan tawlh tur chu a tang ta tlat mai. Nunna chan a hlauh awm tiin han kalsan dawn ila, Taxi hi neih zawng zawng a eizawn na tur a ka lei thar ve chauh a ni a. Kum chanve em pawh a la tling lo a, ka chhuah san phal bik si lo. Bei nge sei run dung ti in theih tawp in tawlh kir kan tum leh a, ka beisei loh lutuk in kan tawlh kir thei ta hlauh mai a, ka lawm kher mai. A thlang deuh leimin in a khuh phak loh atang chuan ka hel ta a, tluang takin kolasib chu kan thleng ta a.
Leimin kar ah mak deuh mai a kan han hnung tawlh a, kan him pial ta mai kha Pathian min ven vang liau liau ni in ka hria. Ka taxi hi ka neih hlimin Bible Society ah ka life nghal a, Chu Bible Society hmang a rawng a lo bawl ve na chu Pathian in a hun tak ah min hriat sak ve ni ber in ka hria.
Tlai ngai lo Pathian kan nei hi ringtute kan vanneih pakhat chu a va han ni tak em. Ni li pawn tlai se a hun ah a thleng miau a !
Link: | |
BBcode: | |
HTML: | |
Hide post links |
ADVERTISEMENT (A hnuai a milem hi a nia hmeh zeuh tur chu)