Typing mistake

mahruaii hrahsel
Posts: 2
Joined: May 24th, 2017, 11:46 pm

Typing mistake

Unread post by mahruaii hrahsel » June 13th, 2017, 12:58 am

Story angaihnawm thei viau a, țhenkhatah hian typing mistake tam țhin luttuk hian chhiar a ti hrehawm țhin. A țhenah chuan a awmzia ngaihruat chawp ngai khawp ten mistake a awm țhin a. Writers te han țang leh deuh teh u, tlaivar dawn dawn leh tih tur țhulh țhak țhak phah khawp a in story lo chhiar țhin tan hian



Link:
BBcode:
HTML:
Hide post links
Show post links

MayQueen19
Posts: 10
Joined: July 29th, 2021, 8:07 pm

Unread post by MayQueen19 » September 13th, 2021, 10:46 pm

I ngaihdan chu ka hrethiam mahse a then khat te hi buai ve tak tak an ni a,edit hman reng theih ani silo a,khatiang ah kha chuan a chhiartu ten minlo hrethiam hram hram dawn ania.

Link:
BBcode:
HTML:
Hide post links
Show post links

Rource
Posts: 1
Joined: October 11th, 2023, 4:34 pm

Unread post by Rource » October 11th, 2023, 4:38 pm

MayQueen19 wrote:
September 13th, 2021, 10:46 pm
I ngaihdan chu ka hrethiam mahse a then khat te hi buai ve tak tak an ni a,edit hman reng theih ani silo a,khatiang ah kha chuan a chhiartu ten minlo hrethiam hram hram dawn ania.
MR.DARK BOSS




CHAPTER 2





ZONUNMAWII POV...






Nilengin in ka tifai a ,Josh Hmangaihsanga chu ka haw hluah hluah bawk,ka thian kawm ve ber tur te a ban a,kei hrehawm takin min awm tir a ,tlailamah chuan rawngbawl pahin chhuat ka nawt a ,ka hah takzet tawh ka zawh rualin sofa ah chuan ka mu a ,chaw leh chaw hmeh ka siam zo vek tawh bawk nen ka hah bawk a ka mu nghal daih.










A rawn haw hmat ka rinloh vang a ni pakhat ,ka mumang ah chuan ka lo thlawk kual vel a ,eng emaw ridawm ka hriat chuan ka mangram a tangin ka mengchhuak nghal kawk,ka hawi chhuak a tumah ka hmu mai bawk silo “ Tunge awm " tiin ka hawi kual a “ Khatia mi a anga hawi hu hu lo khan min rawn pui rawh " ti a ka mutna hnuailam a tanga thawm rawn awm chu ka en thla a ,Hmangaihsanga chu a lo mu thluak duai a .









“ Enge I tih a " ka tihchuan a thinrim hmel hle “ Engvanga chhuat hi huh lutuka nawt nge inih tih I sawi hmasa thei ang hmanhmawh mai rawh " a rawn ti hluk a ,chhukthla in ka pan nghal vat ,a kut lehlam chuan min vuan a ,kan inpawt tho thei lawk lo lehnghal,a lian bawk si a rit em em lehnghal kei ft 5'1 tan lek chuan a ni ft 6 pel zuarh chu rit tak a ni ,ka theihtawpin ka pawt a ,a rawn rum hawk a .









A kut lehlam ka en chu a na tih hriat tak hian a tiche vaklo “ Tihpalh " tihpahin muangchangin ka kai tho a ,a zak hnuaiah ka dar dahin kan inchhawm a ,a rit tak zet ka hmai chuan chhuat a nawr tep tepin ka hria ,inchung kan chho te chu ka hah hluah hluah tawh ,ka thi tepin ka hria ,a khumah ka mut fel rual chuan tho chhuakin thawk ka la hak a .









A kut chu ka en Chiang a ,a lo vung ul a ban uk kharh leh nghet tlut mai chu ka en reng a ,a thlamuanpui awm hliah hliah hian ka hria ,mahse chu erawh ka tan chuan a nilo ,inhnuai lamah tlan thla in tuilum chu ka chhuang zung zung a ,ka che reng reng chu a hmanhmawh hle bawk ,chawhtawlhah tui dahin ka chho leh a ,a bul ka thlen chuan ngawi rengin min lo melh run a ,ka thaw hak .











Ka tha a khur dar dar a ,puan chu tuilumah chuan hnimin a kut chu en tha ngam mang lo chuan ka hmehsak a ,a rawn rum nghal hawk a na viau aniang “ Damdawiinah kan kal mai dawn em ni " ka tihchuan “ Hmet mai mai rawh ,vawikhatmah chhuat khu huh lutukin nawt tawh suh ang che " a rawn tihmuk a ,ka ngawi reng thinchhe viau lo se chuan a tlu tih ka hriat rual khan ka nuih vak vak ngei ang.







Mahse ka nuih a nihchuan min khawih leh Dawn sa “ Ka tihuh viau in ka hrelo a sin" ka tihchuan a inseh ruh fun a ,hetiang em em a thinchhiat theih mai chu doctor hnenah a thin hi a entir vat a ngai maithei a ni ,ka hmet char char a ,a ziaawm ve deuh chuan ka hria “ Khawnge first aid box I dah " tiin ka en a ,a mitmeng fiah leh pa tak ,mahse rum em em si a min lo en a vang chuah “ Ih I kut hi ka tuam a ngai a " ka tisap a .









Ka hlau em em reng hi a mak lo hran lo e ,min haw em em tu chu tu in nge nel bik ang ni “ Khum sira pawhdawh ah Khan a awm " tiin a awm tha deuh a ,chulam chu ka pan vat ,pawhdawh chu hawngin ka la chhuah nghal a ,a pilh laiah chuan damdawi hnawih sakin ka tuam nghal mawlh mawlh a ,ka zawh rual chuan tho chhuakin chhuah ka tum a .








“ Eitur min rawn pe ang che " a tihchuan bu nghatin inhnuai lam ka pan a ,a in a ka awm a tang a sa lam a eiloh a vang hian a mak ka ti,mahse keipawhin thlai lam vek ka siama ,a eitur siamna ah pawh thlai hring a tam ber ,sa a ngaina lo a nih ka ring ve ringawt ,parbawr ka kan chu suakin ,artui leh chaw nen hmarcha nen chuan ka suak a ,antui erawh chu ka ken tel theihloh a vangin lak leh turin ka kalsan a








A mutna bul dawhkanah chuan ka chhawp nghal mawlh mawlh bawk,a mit a lo chhing a ,a kutna lam chu a dah ngil zurh bawk,a na ve viau ang ,min la hau hrep lo chu a mak ka tizawk hle ,antui chu zu la lehin “ Ka zo e " ka tihrual chuan a rawn meng chhuak a ,khum lu ngheng a tum chu a kutna lam a khawng nge a nersawk a ,ka pan a keimah chuan ka pui nghal vat,a kut veilam zawk a ni chu a lawmawm phian.










Chaw thleng chu a mal chungah ka dahsak a ,a kut khata ei chu a har ve vuai ang,a bulah awm in ka veng a ,min be lo a ngawi reng chuan a ei mual mual ringawt ,ka ril a tam ve takzet ,a chaw thial dan ka hmuh ringawt pawhin ka chil a tiput thei ,min rawn enin “ Chaw zu ei rawh " a rawn tisup a ,mak tizetin ka en “ Engmaw ?" tiin ka zawt nawn leh ngat a ,a lu thingin “ Ka thusawi chu i hria em zu ei rawh " a rawn ti leh a .











Ka nui var var chutiangin a sual em em lo a niang ti rilru chung chuan inhnuai lam ka pan a ,ka zai thla pah rat rat bawk ,dawhkanah chuan ka eitur chhawpin ka ei nghal mawlh mawlh a ,mahni te a chaw ei ka ti thang bawk a ,ngaiah ka neih tawh a ni ber ,min hmutu an awm lo bawka ,ka ei leh teuh tawh ,Pathian zarah chaw hi ka heh a ,ka te na vang vangin ka khal talh a ,tha ka ngah phian bawk .







Ka biang puar nen thenkhat phei chuan Barbie I ang min tifo thin,ka ailian pawhin min zuam sual fo ,an rin aia insual ka thiam a vang leh ka tha chak vang a ni pakhat a ,mahse ka nu leh pa thih hnu a tang kha chuan ka insual khat ta hle thung,a chhan chu ka nau enkawl nana sum ka thawh chhuah a ngai miau si a ,ka nu leh pa chuan pawisa min hnutchhiah teuh tho a ,mahse chu erawh mangan tawp khawk a hman a tan tiin kan la khawih che duh lo a









Thawmhnaw zawrhna dawrah thla khata 5000 hlawhin ka thawk mai thin ,pu Josh Hmangaihsanga rawn lan hma kha chuan ,ka nu leh pa damlai erawhin Delhi lamah nurse ka training char char a ,mahse an awm tak lohah chuan u zawk na na na chuan engkim ka tih a tul ta vek a ,bialpa pawh ka nei ve thin a ,kan hlim thei hle mahse a ni pawhin min phatsanin hmeichhe dang nupuiah a nei tawh a .










Tun hnuah hian min rawn biak leh a tum fo a ,mahse keichuan ka pehhel hram hram thung,tunah chuan ka awmna a hre tawh lo anga ,ka hahdam huai huai thei ,a hma kha chuan ka bialpa anihna ang Khan ka duh thei hle a ,a chhelo a hmeltha ina hausa bawk ,tunah phei chuan doctor ani tawh a ,keipawh a mah vanga nurse nihtum kha ka ni ve a ,mahse engkim a mah in a tihtawp hnu kha chuan nih kha ka tum leh tawh lo .










Chu ai chuan college kal that leh a ,doctor puitling law law nihkha ka tum thin a ,mahse heti hi ka ni leh mai si,chutia ka in ngaihtuah lai chuan inchung lamah thawm a rawn awm a ,ka hawi chhoh rual chuan Josh chuan min lo melh run a “ Ih mamawh I nei a mi" ka tihchuan hawisawnin “ Ka chaw eina khi han seng fel rawh " a rawn ti a ,a aw hi chu a dam thei thlawt lo a nih hi ,ngawi reng chuan a room lam pan chuan ka chho a .









A chaw leh chaw hmeh a eizo thei chu ka thaw huai ,inhnuailamah chhuk lehin a ni chu sofa ah tv enin a lo thu a ,en pawh min en leh tawh chuang lo ,a thleng chu ka sil fai leh nghal thuai thuai a ,khua a thim tawh nen chhunah ka che nasa bawk si a ,ka chau ve takzet ,“ I zawh tawh chuan thingpui kha min lo pe rawh " a rawn tileh a ,ka aukhum chak takzet ,min tirhkualna lamah ka ke hi a na vek tawh .









Thingpui chu chhuang lum sawk sawkin a bulah chuan ka va dah leh a ,ka thutthlak rualin ka ke chu ka en a ,a kham ul a lo sen tan a ,ka chum nghal nak nak ,ngawireng chuan thingpui chu a lem khulh a ,a movie en duhzawng chu mak ka ti ,rul film a lo en a ,ka movie ngainat ang chiah a ngaina ve a maw ni le ?tih chu ka ngaihtuah rauh rauh a ,ka en ve ta reng ,thingpui a inzawh rual chuan tho in ka la a ,ka va sil leh sawk sawk ,a bul nisi hla deuh si ah chuan ka thu thla leh a .








Kan film en a vang chuan ka phu leh zawk zel ,chutiang lam hlir chu kan en a ,min tihhlauh a tum.zawk emaw ni ,mahse ka mut a chhuak riau ,ka ham bai bai a ka muthlu nghal lawp lawp a ,menluih tumin ka inthing leh nak thin,mahse ka meng thei thlawt lo,dar ka ngheng chu ka hria ,a phun sup rinen ,ka muhil zui nghal bawrh bawrh a ,ka inlet talh talh a ,ka taksa chuan nghen a nei tih hriat takin a lumna chuan min ur .










Kei lah chuan ka ngheng nasa sauh,ka kuah nghal chawt bawk ,tu emaw rum hawk ka hriat rualin ka meng nghal kawk a ,Josh chuan min lo melh kur ,a kutna lam ka delh tih ka hriat chuan ka tho nghal vat,ka inthiam lo lutuk chuan kun ngal hian ka kut chu ka sik neuh neuh a “ Ka tihpalh lutuk ka bulah I mu tih ka lo hre lo a " ka tihchuan a tawng tawh lo ,a tho chhuak a kawngka chu a khar nghal hmak bawk.







Ka thaw chhuak hak a ,ka in en chiang chu ka roomah ka lo awm reng ,engtin nge a kut na chung khan ka room hi min thlenpui theih ni ,a mak ka ti takzet ka lu chu ka hiat nauh nauh a ,ka khum chu thlep tha thuak thuakin rawngbawl turin ka chhuak a ,a room lamah a awm a nih ka ring ,inhnuai lamah chuan a awm miah lo ,rawng ka bawl zawh chuan pawnlamah ka chhuak a .










Ui paliana bul lamah ka kal chuan a mei vai hian min lo lawm nghal a ,ka nuih nghal hak hak “ Tihpalh aw niminah khan ka buai em a vangin ka infiam pui hman lo che a" ka tihchuan ka ngaidam che ti awm tak hian min nek nu nu a ,a hmul buk leh nem thap chu ka zut sak nauh nauh,ui hmeltha tak a ni “ I hming ka hre silo a Balto ka ti ve ang che aw ,Balto chu ui fing leh mihringte venghim tu a nia " ka tihchuan pawm ve niawm tak hiana bu nghauh nghauh a .







Ka pawm nghal than ,hetiang ui ka neih chak theih Dan kha ka ngaihtuah ,an vang in Ram changkang tak takah tihloh chuan an awm lo a ,a man pawh a to hle ani Newfoundland an tih ang chi kha a ni a ,ft 2 leh a chanve lai an ni ,an felin an zaidam a ,an lawmawm em em bawk ,keimah hian ui ka ngainat em a vangin an chanchin hi ka ngaithla fo a .






Chu vanga hria pawh chu ka nia ,ka infiam pui a min bawhtlu tawp leh nghal,ka chungah a chuanga min liak hlup hlup a ,kan inchhaih rak chul mai ,nui hak hakin a hmul chu ka tham sak a ,nui chunga ka sirlam ka en chu Josh chuan min lo melh leh ngur tawh “ Bob awmsawn rawh " tiin Balto ti a ka koh chu a hming dik takin a rawn ko a .






Balto pawh chuan a pu thu awih tak chuan a thu sawn a ,mahse ka hmai velah chuan a la rawn nek nu nu tho ,keipawh chuan ka pawm bet a ,pu Josh Hmangaihsanga chu a thaw hrawk “ Tihpalh mahse a rehsia Balto hi ka lo infiam pui mai mai a " ka tihchuan “ Balto a nilo " a rawn tihmuk a “ Mahse keimahin ka ko duh a lawm. " ka tihchuan a lawm hmelloh hle .






“ A hming chu bob a ni ,nanga ui a nilo a ,ilo phuah ve tur pawh a ni heklo ,i tihtur zawng chu tho chhuak la ka chaw ei tur va siam rawh" a rawn ti tuara ,ka phu nghal zawk tinge a sual em em mai le “ Tihpalh " tihpahin ka mittui tla tur chu ka kut chuan ka nuai nawk nawk a ,ding chhuakin inchhung lamah chuan ka tlan lut nghal nal nal .








A ei tur chu insut faih faih pah chuan ka siam mawlh mawlh a ,a rawn luhpawh chuan ka melh lo ,ka kun ngar a ,a ni pawh dawhkanah chuan thu in min be tawh lo in chaw chu a ei nghal mawlh mawlh,ka nu leh pa ka ngaih a zual a ,an ni kha chuan tawngkam vin takin min be ngai lo a ,duat theih tawpin min duat thina ,kha vang khan keipawhin an fanu ka ni kha vannei ka inti hle thin.







Mahse tunah chuan khang hmangaih taka min enkawl tu te khan min kalsan tawh a,ka enkawl let ve hma in min kalsan daih bawk a ,an mi hmangaihna pawh ka la rul let ve lo a sin ,a chaw ei a kham rual chuan ka dah fel leh zung zung a,thleng sil pah chuan ka tahna a vanga ka hnar ping chu ka insut ri leh hrawih thin,a ping vek bawk sia ,a hrehawm tak zet .








Tv en chung chuan min rawn en leh tih ka hria ,mahse ka hnungchhawn miau a ,engtin nge a awm tih ka hmu thei lo “ Kum engzat nge I nih " a rawn tihchuan ka ngawi reng a ,ka tawng a nihchuan ka tahlai a ni bawk nen ka aw a mak vek ang “ Min chhang ta che " a rawn tileh hrawk a ,a sual si hremhmuna awm angah ka in ngai hmiah tawh ,insut hraih chung chuan “ Kum 19 " ka ti tiau a .







Engmah min zawt tawh lo in a ngawi reng a,thleng ka sil zawh chuan ka la ding reng “ I duh chuan I va infiam pui leh thei ang " a tihchuan ka mittui la tling pam chung chuan ka en a ,min lo en ve reng “ Tak tak em?"naupang ang mai a ka biak chuan a lu a bu nghut a ,chuveleh pawnlamah chuan ka tlan chhuak nghal vat a ,Balto pawh chuan min lo chhaih leh nghal.







Ka mittui chu hruhulin ka pawm bet a ,a nghawngah chuan ka bei hle hle a,a nipawh ka tih ang ang chuan a awm tawp a ,ui fel leh fing tak a ni,ka mit chhingin “ Ka mal tawh lutuk a ,nang chiah hi ka thian neihchhun inia min haw ve miah suh aw " ka tihsap chuan ka hmaiah a rawn liak leh hlup a ,ka nui leh hak .









A thlunna chu phelhin tualah chuan ka infiam pui a ,kawngka a tanga Josh an min rawn en chu ka hmu zuai a ,min hau tawh lo chu ka thaw a veng huai bawk ,kan chauh deuh hnu chuan thlung lehin tui ka pe a ,a bulah chuan ka bawk ve nghal zat,tual hi grass phah chhuah vek a nih a vangin a fai sar reng a ,a hahdam thlak viau ,pool pakhat zau tha zet leh a bulah chuan thingkung mawi leh buk laih ang chi chu an awm bawk a .








Ka in nise chuan hei ai hian ka thawveng in ka harh daih ang ,mahse ka ta nilo in phuba a vanga min chhawrtu ta a ni si a ,ka mit chhing vang vangin Balto hmul chu ka zut sak leh hauh hauh a ,ani pawh a thaw hle hle ,a sen buang kan tih ang chi a ni a ,ka duhzawng tak ,“ Mi felpa mi venghimtu nila ka ti" tisap in ka ke chuan ka Khan bet a,a rawn bauh ve nghal zat .








Biak hi a hrethiam vek a nih ka ring hial,ui thenkhat chu sual tak tak an tam in ka nel thei ngai lo ,kan bulah Josh pawh rawn thu in min en vang vanga,ka lai lek lek leh nghal ,a chang hi chuan A hmelah hian min haw tak ang hian a lang ngailo ,a chang erawh chuan huatna mitmengin min en thung a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)