LUST BY:NUNUI FRANKY HMAR EPISODE 1

[Big bear]

*LUST*
*BY: NUNUI FRANKY HMAR*

*EPISODE 1*


Ka hnathawhna hmun chu a buai hle a, pheikhawk siama hmun liantak ani a, mahse mi hausa tak pakhatin a lei dawn avangin thawktu tamtham tak an bang then tawh a , kei erawh kan in bul hnai anih vangin hna kal a awlsam em2 a, min ban hma loh chuan ka bang lovang ka ti rilru a



'Thelma, heng design te hi CEO hnenah ilo pe dawn nia' tiin kan boss ber Martha chuan ngui lap hian ati a



' Boss, engtin nge ka..... boss thar tur chu eng ang mi nge anih ang' ka tih chuan a thaw hak a


' A hming chu Jasper, Jasper Jordan JJ'


' Chupa chu ........'



' Ka kal a hun tawh ani, vawiin chawhnu ah alo kal ang , tha deuhin a tan ilo thawk dawn nia' tiin min kuah a, he Department ah hian reitak ka lo thawk ve tawh a, mahse investor thenkhat in an sum invest sa an laklet vek avangin a tlachhe tan a, neitu thar a neih phah a , chawhma chhung zawng kan buai hle a, pheikhawk siamna lamah ka kal a, khua a lum tawh si a, mei khu nen a hreawm khawp mai


' Miss Thelma, awmsawn rawh, thir a rawn.......' ka chung zawn ka hawi chho a, thil liantak hi a rawn tla dawn a, ka thi ngei dawn anih hi tiin ka maimitchhing a, vawi lehkhatah ka per dawrh a, lei ah kan tlu rawih a , ka kiu chu a thip ngei mai


' I tha maw' min chhan tupa chuan min kaihthawh pahin ati a, a coat-suit hak var tak pawh chu a bal ve tho a , ka hmelhriat anilo, helai hmuna mi hi anih chuan ka hre ngei ang


' Min tanpui avangin ka lawm e, Mr ......'


' Jordan, i fimkhur dawn nia' tiin ka darah a rawn beng a, ka kiu chu a thlek zauh a, a then sak a


' A thi anih kha mawle' ati sup a, hnathawk ho anlo tlankhawm nghal a


' Ka tha e, i chungah ka lawm takzet ani, i inti na em' ka tih chuan a lu a thing a, mipa hmeltha tak tia sawitur anilo mahse a pa em2 a, a hnar ngul sang vah te, a hmui chhah vaklo, a mit hring phat mai leh taksa lian leh inphut mawi tak, aaaaaa ka dream boy ang mai ani, keihi, hmelhriatloh mipa lehnghal



' Miss Thelma, buaina a awm ani, fibre thenkhat mi tu emaw in anlo tichhia ani'


' Engmaw, vawiin hian CEO thar alo kal dawn asin' tiin fibre dahna lam chu ka pan vat a, engtin nge niang, buaina hlir mai, hlir2


'CEO alo thleng , staff zawng2 tunah hall ah kal vek tur ' kan ngawi thap a


' Awle, nakin ah kan buaipui dawn nia' tiin company lam panin kan inzui phei hlawm a, ka thuamhnaw pawh ka thlak hmanlo, ka kiu lah chu a thip em2 lehnghal, design ho te, sampe chi hrang2 Boss Martha in pe tura min tih chu ka keng a , hall kha chuan kan thu thap a , stage lam ka hawi a,ka thil hmuh avang chuan ka ding chat a, khipa khi CEO thar maw, a coat hak chu a beng fai a, a bulah board member an ding thup bawk a, ka nunna chhan tu kha , factory ah alo kal ve tihna ania, ka mit nuai in ka thu a .



' Ka hming chu Jasper Jordan ani a, CEO thar, in hna tha taka in thawh ka beisei ani' ati sup a, staff ho chu an ri mar2 a



'CEO in Martha Secretry koh turin minti a' tiin staff pakhat chuan min rawn koh a, CEO room lam panin ka kal a, ka zam ani, kawngka kik in ka lut a



' Sir, heihi CEO hlui Martha Lambert khan i hnenah pe turin min ti ani' tiin ka files pawm chu a dawhkanah ka dah a, ka khur ru dar2 mai, a hma khan CEO ani tih ka hre hauhlo, min chhanchhuak tu kha .


Thelma Lambert maw' ati sup a, a hmel chu a nelawm lo takzet ani, min en run a , ka ti ril hi a khur ru der2 mai


' Aw nie ... The....'


' In enkawl that i ngai anih kha, ka secretry atan hmeichhe cher chhe tak ka duhlo ania, i hliam kha enkawl vat rawh, chuan naktuk zingah board meeting lo koh ang che dar 10 ah'tiin a phone chu a hmang zui nghal a chhuak turin min ti bawk a, bos thar zet chu a hrawn a hreawm dawn mange, zanah chuan ka sil tha ngei mai, whiskey dawm in inchungah ka lawn a, a chang chuan nu leh pa neih ve te ka chak thin, unau te , hlim taka awm khawm ve ka chak ani


A ngai te in dar 5 a rik chuan ka tho a, Amber street ah chuan ka tlan kual leh a, ka apartment bul chiah hi hotel ani a, tahchuan breakfast leh dinner ka ei mai thin a, a awlsam zawk . Shower ka neih hnu chuan office kal turin ka insiam a, dar 9 hmm, boss tawhkhirh zet bulah ka hun ka hmang dawn chu ania , mit chhing sakin ka pheikhawk boss Martha min design sak chu ka phawrh a, a thusawi ka hriat reng pakhat chu hmeichhe pheikhawk nalh tak bun tu chu a hmelchhe ngailo ani atih kha



' CEO thar hi keichu a pa ka ti e, ka van duh tak'


' Keitak, a pa si, a nupui hlui lah kha model lar tak Monroe kha ala ni zui'


' Mahse fa an neilo anti, CEO hian .....' staff pahnih in min hmuh rual chuan an tawng tawp chat a, mi chungchang hi sawitur an hre reng anih hi , conference hall ah chuan an thu thap a, an tawng mar2 reng a, CEO thutna bulah chuan ka ding a , kawngkhar inhawng lam chu kan hawi thap a, Clark Savior coat-suit design mawi taka rawn ha tu chu mit khap leko in ka en reng a , thu a pe thang tih a hriat ngawih2 mai ani, ka bul hnai a rawn thlen chuan ka lo ip chawih2 a , chair ah chuan a thu a , company dinhmun vel te chu present an pe a


' Miss Thelma..' ka phu chiang ngei mai, enge maw ka ngaihtuah ni , CEO chuan minlo en kur a

' Sir '


' Nang aia upa hlir kan nih hi, min zahlo takin tiang hi i ti theilo ang, i pa te rual kan nih hi '



' Board member ho hian i thil ruahman kha kan...'

' Awle, a pawmlo zawng chu in bang vek thei ang, in thu2 ani, ka company ani' tiin a ding a, min chhuk en run a


' Ka office ah minlo zui rawh ' tiin a chhuak zui nghal a, ka va han haw tak em, in dah sang lutuk mai.




Thla khat zet a liam ta, company pawhin hma a sawn zel a , a sum a seng hnem bawk a, kan rama pheikhawp brand lar ber leh hralh kal ber siam chhuaktu kan ni lehta, hna a thawk nasa em2 a, a hna a tlin bawk a, hnathawk thatchhe deuh te leh hna kal khat deuh te chu a ban hmiah2 zel a, hnathawk a ren vaklo , a secretry mah ni ila min be khat em2 a, biak hmasak a ngai fo a, a tul te ah lo chuan ka bia in ka tibuai ngailo



Chhun chawlh lai ani a , staff ho chu restaurant leh canteen lam panin an chhuak vek a, keipawh chhuah ka tum laitak chuan ka dawhkan bulah CEO chu a rawn ding a, minti phu chiang kher mai, enge maw a duh ni.


' Sir, mamawh i nei emni' ka tih chuan a lu a thing a


'Lunch eichhuak ang' tiin a kalsawn zui nghal a, enge maw a hriat ni, a samah tham hrep mai ka duh , ka bag la in a hnungah ka um vat a, a pen hlawk si, elevatorah a lut a, minlo nghak a, ka thawka buailo chauh ani, ngawi rengin inhnuai lam panin kan chhuk a



' He company ah hian kum engzat nge i thawh tawh'


' Kum 4 sir'


' Awle, pasal neih te i tumlo emni' atih chuan ka tumloh deuhin ka nui chhuak hak a, min rawn en a


' Ka hrelo le, ka ta ve tur hi ala piang velo pawh ani mahna' ka tih chuan a nui suk a , gate lam pan chuan a pen leh pawk2 a, huizzzz hmeichhia lo ni takse chuan




' Eng restaurant ah nge '


' I duh2 na ah ani mai' ka tih chuan a thle bak a, a sana rangkachak chu a bih leh zauh a, min rawn en a



' Anih chuan canteen ah kan chawl mai dawn nia' tiin canteen lam chu a pan a, thil tuilo tak min eipui a tum emni, uikawm lutuk, lunch ei turin min hruaichhuak a, hrep hian , a hnungah ka chhiahkhum nghek ringawt




Canteen kan luh rual2 chuan staff ho chu anlo ding thap a , thu turin a hui zauh a , thutna awl lamah chuan a kal a, a hnungah ka zui dat2 a



' Enge i ei duh ang' ati leh sup a, menu chu ka bih a


' Hamburger ka lo ei ange, apple juice nen' ka ti sap a


' Keipawh chutiang chu ka lo duh ang' tiin waiter chu a melh zauh a, in hmatawnin kan thu a, ka hawi chhuak ngam meuhlo, mi ho chu an phun sep2 a, anlo hawi leh zauh thin bawk a, CEO alo chawlh ve vang pawh ani mahna



' Chuan, eng hmunah nge i chen'


' Amber street ah'



' Keipawh chulai hmunah chuan ka cheng alawm'



' Anih chu' tiin ka nui lui vel a, a za lo khawp mai, eitur alo thlen chuan ngawi rengin kan ei dun a



' Bialpa emaw bialnu i nei em' atih chuan ka thil eilai chu ka hak a, tui intur min pe vat a, eng ang zawhna nge ni ngai ni.


' Sir, ka nei ngailo' ka tih chuan a mithmul a ti sang zauh a



' Thil engemaw min tihsak turin ka duh che '


' Eng lampang'


' Nakin ah le' tiin a hmui chu a hru a, kan eizawh chuan company lam panin kan in zui lut a, a tawngtlem si, a nelawm loh si, ka tih deuh reuh



Chawhnu ah factory a hnathawk ho ka enfel a ngaih avangin ka thuamhnaw hak chu ka thlak a, factory a an hak thin suit chu ka ha a, vans ka bun bawk a, pheikhawk siam nana thil pawimawh ho chu anlo chhuang khu vut2 a, a then in pheikhawk anlo siam a, a rim hi a tui hran lemlo


' Miss Thelma, he pheikhawk hi i bunchhin duh em' tiin design thar ber chu min rawn entir a, a rawng chu ka duh zawng tak ani, nui sakin chair ah chuan ka thu a, ka pheikhawk bun lai phelh in high heels sen nalh zet chu ka rawlh chhin a, ka thawhchhuah chuan lei dawn ila thla chanve vel chaw ka ngei angai ngei ang le , bun a nuam em2 lehnghal


' A bun a nuam khawp mai, limited edition ani em' tiin designer Tommy chu ka zawt a



' I inhmeh khawp mai, lei ta che'


' Nilo, chaw nghei ka duh hleinem' ka tih lai chuan ka bula thu te chu an ding suau a, ka hnungah hian CEO a awm tihna emni, ka lehhawi a, uluk takin minlo en a , pheikhawk chu ka phelh vat a, Tommy chu ka pe a




' Sir, ilo kal dawn tih i sawi lova' ka tih chuan min en a



' Hrilh tur che in min kalsan daih ani' ti supin a hawi kual a, a bula ka awm hian ka awmdan ka hrethiamlo thin , a perfume in kah rim te chuan min zem a muai2 a, ka tlu lo chauh ani, floor tile a kan kal lai chuan thil nal chu ka rap fuh palh a, ka te that a, vanneih thlak takin CEO chuan minlo dawm hman a , kan in melh hnai khawp mai , min thlah a



' Ka lawm e' ka ti leh sup a, a lu a bu nghut a


' Vawiin tlai ah party na ah ka ruala kal turin ka duh che'


' Sir, ka ... ka thei.....'


' Hlawh tha tak ka pe dawn che alawm' enge maw min tihtir a tum chiah ni le


' Sir.....'


' Hna banah kan haw rual dawn nia, chuan ka office ah mino hmu dawn nia ' tiin a kalsawn zui nghal a, khawngaihin te ti se , puih ka hnialloh tehlul nen , mipa thu duh lutuk
[2/26, 7:38 PM] nunuifrankyhmar: Office ban hun anih chuan muangchangin ka ding a, kawngkhar a kawisawi zeta Jasper ding ka hmuh chuan ka phu nasa ngei mai, hetianga mi en kur hi a bansan a ngai ani, kum 24 mi lungphu chawla thih ka la duhlo ani, min rawn pan hnai a , min thlek vung2 a , ka pawnfen fen hmawra inzawmna inthuikual chu ka in rin hma in a pawt hrawk a, a hnungzangah ka chum pawp a, ka haw lutuk, min pawngsual a tum emni


' Enge tia i inhriat, min.......'


' Hun a awm tawhlo vang ani, tikhan i kamis hak kha phelh ang che,a hnuai ah kawrbah i ha tho ani lawmni'



' Maw, ruak a kal turin min duh emni'


' I duh a thu ani mai, Miss Thelma hun kan nei tlem ania' tiin a sana chu a bih leh zauh a



' Tihpalh mahse hetiang pheikhawk te, pawnfen chhing nen hi chuan khawiah mah ka zui theilo ang che'


' Min zui dawn tih ka hria' tiin min rawn panhnai a, dawhkanah chuan ka thu zawt a , min en run2 bawksi nuam ka tilo ani , ka hmui ah a rawn fawp chat a, ka maimitchhing tawp, boss in a hnuaia thawk a fawp anih chu, namsawn ka tum lai chuan min manbet a , mipa ka la fawp ngailo, pathlawi hi ka first kiss maw



' Sir'


' Hmeichhe fawh nuam tak ini' tiin min fawp leh a, ka awmdan chu thla neilo a fly antih ang kha, ka kamis hak chu a kilhna a phelh a, ka lo dawhtawp ani, enge a tih dawn ka hrelo, min fawp pah reng a, ka hnute a rawn tham chuan ka te that a, ka kawr hak chu a lo phelh daih tawh, a nui suk a



' Taksa mawi tak i nei bawk ani' tiin a coat ipte atangin diamond thi a rawn phawrh a



' Heihi i awrh dawnnia' ati sup a, min pawt hnai a, min awrh tir nghal a



' Family party ania, ka nupui thar tur anga hmelhriat tir che ka duh ani' building liantak hma a kan din chuan ati a, camera a de chuai2 bawk a, ka vawn theih nan a kut chu a rawn phar a


' Tha takin i ti thei ang tih ka hria, Miss Thelma' ti supin min rawn fawp leh a, camera khan a rawn la fuh chiang ani, inchhungah chuan kan lut a, mi mit chu kan pahnih chungah a fuh thap a, ka zam ngei mai, hetiang party ah hian ka la kal ngailo, eng buaina ah nge ka in hnuhluh tak hi ni.



' Ka nupui hual ini' ti leh supin ka kawngah a rawn kuah a, ka en chho ha a


' Tinge drama chu kan chan kher a ngaih' ka ti sap a


' Thawnthu sei tak ani' tiin inchung pan chhohna atanga Mr and Mrs Jordan lo chhuk chu ka hmu vat a , mi pangai ziak leh chhiar thiam tan chuan hriat loh theih an nilo, kan lam panin an rawn kal ta lehnghal, ka tumloh deuhin Jasper chu ka sik vak a



' Relax, zawhna an zawt teuh dawn che a, pheikhawk lampang ilo hrilh teuh dawnnia' tiin ka nghawngah a rawn nul thuak a



' Tlai lam chibai ka nu, ka pa' tiin Jasper chuan a nu leh pa chu alo chibai a, an fapa en kan in keimah chu min melh kur a, ka zam ngei mai



' Heihi kan monu thar tur chu emni' tiin Mrs Jordan chuan min melh zauh a


' Mama, heihi Thelma Lambert , ka nupui hual' ti supin min rawn kuah nghet sauh a, kei hian eng ang buaina ah nge ka in hnuhluh tak hi , mi mit chu kan p=ahnih ah a fuh reng bawk si.


' Wow, a hmeltha hle mai, ka fapa duh i thlang thiam e' tiin a pa chuian min nuih sak a, a kalsawn zui nghal a ka thaw huai mai, Jasper chu ka en chho ha a


' Eng buaina ah nge min hnuhluh tak hi, I nupui hual ka ni duhlo'


' I ni tawh si ani, ngaihzawng i neihloh kha , i riltam em' tiin min zawt zui nghal a



' Ka hua che, engkim ka hrilh vek dawn, kan inkar a thil awm hi' tiin min vawnna chu ka thlah a, mahse ka hma ah hmeichhe pakhat alo din avang chuan ka ding dat a, ka bulah chawp leh chilhin Jasper chu a rawn ding nghal a



' Khawngaihin honey, ka riltam tawh lutuk' tiin min rawn kuah a, kan hma a hmeichhe ding chuan thinrim hmel takin min en a , tunge anih ka hrelo



' Jasper, heihi maw i nupui tur chu'


' Hello Monroe, khawnge i bialpa naupang zet kha' elsen zeta Jasper in atih chuan ka lo ip chawih2 a



' Eng ang hmeichhe lak tlailo nge maw i kawp hi le, a banah eng lunghlu zungbun mah hmuh tur a awmloh ni' min melh raw2 pah chuan ati a




' Nang anga tlereuh lawm tak anih loh vang pawh ani mahna, kan riltam hle a, minlo hrethiam la' tiin room pakhat ah min kai lut a, choka ani, eitur dawhkana an chhawp chu a tui hmel hlawm khawp mai .



' I duhtawkin i ei thei ang' tiin min thlah a



' Khanu kha i nupui hlui ani tiraw, tinge engmah hi a awmzia ka hrelo ' ka ti hap a



' Ka nupui nih chu i duh reng2 em, Miss Lambert, sum hman senloh ka nei a, i duhtawkin i hmang thei ang'


' Mr Jordan , hmangaihna chu sawtah te, khitah te, khutah te hmuh tur a awm hleinem' ka ti sap a, hriatthiamloh hmel zetin min en a




' Awle, ka duhzawng tak ini ti ta ila '



' Ka ni lul lovang' tiin ka nui hak a , eitur chu enge pawh ka hrelo, ka hmawm mawlh2 a




' Enge hetah hian kan tih ber' ka tih chuan hall lam chu a kawk zauha


' Ka nu leh pa inneih anniversary ah hian kan inhual ang'


' Maw, engmah min hrilh lawk lo, Ka theilo'


' Thu rawh, a lem chauh alawm, sawlaia hmeichhe awm ho sawn ka nupui nih chakin an awm asin'


' Anih chuan tinge chung ho chu i neih loh'



' C'mon, mi tihloh dan anilo, hlim takin ka siam ang che tih ka tiam a che' tiin ka eitur chu ei turin min hrilh a , eng ang buaina ah nge ka in hnamhnawih tak hi



to be cont......