Esther-i chu mi dang chhawn tur chuan a kal leh a, a chau tawh nang aniang a pai khat a, Reubena chu a thutna tang chuan a tho zawt a, Esther-i tlu tur chu Zorini chuan alo dawm chat a, "Esther I chau em ni, damdawi I mamawh em, nge chawlh hah dam I mamawh, ka lo chhawk ang che" ati malh malh a, Esther-i chuan "Ka tha e, Zorin" tih pah chuan a nui var var a, 'Shino in heng hi mi rethei kan school a lo kal ve chak te tan kan hmang dawn ati, Shino pawn buai em em chung in a thei tawp a chhuah a kei pawn ka theih tawp ka chhuah ve tur ani, ka in ti chak tur ani' ati rilru mawlh mawlh a, a lu na ngat ngat chu a dawm vang vang a, Zorini chuan "I Luna anih kha, hna tawh nasat lutuk vang a I lu anat chuan I hnar a thi anga, chuan I la thawh luih zel chuan brain tumor thleng in a thlen thei a, brain tumor I nei anih chuan ilo chak lo anga, chuan I hriat na te lo bo in, I hnar a thi fo anga, I lu na chu lo na zual zel in, a tawp ah thihna hial a thlen thei thin ani" Zorini chuan chang sawi ang mai hian alo sawi zuah zuah a, Esther-i chuan hlauh hmel zet in a lo tawlh dawrh a, a meng bial pawp pawp a, "Ka duh lo, thih ka duh lo" a ti chhuak a, a tap dawn nghal mai a, Reubena chuan "Ava mawl tak, vawikhat hna a thawh ve na chauh anih vang tih pawh a hre thiam miah lo nia" alo ti hluk hluk a, "Engtin nge ka tih ang, ka duh lo, Zorin, brain tumor neih ka duh lo, thih ka la duh lo" tih pah chuan rang zet zet in ding leh vei ah chuan a tlan kual pup pup a, "An van mawl dun tak, Pakhat lah saw Robot ang mai in a la awm zui a" Reubena chuan a ti leh hluk a, Rema chuan a thianpa chu a en reng a, anui vur vur a, Reubena chu a kal phei a, Esther-i chu a vuan ding chawt a, Esther-i chuan mittui nen chuan alo en chho heu a, "vawikhat hna thawh avang in brain tumor a neih theih lo, chuan Brain tumor hi hna thawk nasa zawng zawng in an nei lo bawk, I hah vang a luna sa tliah nih kha, Medical room ah kal la, damdawi han dil la, chuan rei lo te mu la I dam leh vek ang, Mawli" ati hmuk hmuk a, a ei man pe tur chuan a kal zui nghal hmuk a, Esther-i chu a thu thla hnawk a, "Ka lawm e, Pet store, ka nunna min chhan him sak vang in ka lawm e" a ti chhuak vak a, a mittui chu a sur zui zung zung a, Reubena chuan "Alien mawl lutuk" ama hriat tham lek chuan a ti sup a,Zorini chuan "Kha I mittui a tla ania, hru rawh, Esther chuan I hna chu kei man ka lo thawk ang, damdawi chu han ei la muhil rawh, Pet Store-a Sawi ang chuan" ati malh malh a, a rawmawl chu a pe a, Reubena chuan "Pet Store" thin rim zet chuan a ti chhuak hluk a, Esther-i chuan "Ka lawm e, Zorin, ka kal nghal dawn nia aw" tih leh thawh a rual zui nghal a, a kal zui nghal nal nal a.
Reubena chu a kal phei a, "Hei, Pet Store ka ni lo aw, Reubena ka nih hi" tih hluk pah chuan Zorini hma ah chuan ava ding a, Zorini chuan alo en he a, "Anih chu ka tih palh ani e, Reuben" a ti fel thak a, Reubena chu a lo rum nghut a, "Robot" tih sup pah chuan a kal zui daih a.
Shino valley ball khel zo chu, a thaw hlai hlai a, tu emaw in a hma a tui bottle a rawn ken lang ah chuan alo la vat a, a in nghal khawlh khawlh a, "Prez, in dim ang che" tih sup pah ah Sharon an a lu a rawn Khawih chuan a tui in lak lawh lai chu a tawp chawt a, a khawng reng ringawt a, Sharon a ni tih chu a hria, mahse aw dang daih anei ni mai hian a hria a, a mah a fan ngawih ngawih, a en chho ho a, Sharon chu a ipte zen in alo kal sawn zui leh daih a, a en reng ringawt a, "Khawi ka duh ve, Sharona tui kha" tih thawt pah a, hmeichhe pakhat in tui bottle a rawn pawh thlak hlawk ah chuan a hawi ho a, "Aw karei" ati thawt a, hmeichhia ho chuan tui bottle chu an lo in chuh anih chu, "Hei, enge in hriat a?" Ati that a, Rap zet chuan a en zui tlawk tlawk a, a tho a, Cafe lam chu a zu en pui leh nawk nawk a, a tlan chho zui leh nghal a, Final khel tur chuan a in puah chah zui leh nghal a, final an khel zo chu a mah pawn a in hria, a chau tawh tak zet ani tih, energy drink chu a in khawlh khawlh a, a thaw zui hak a, Sharon chuan Shino chu a thlir reng a, "Shino, engtin nge maw kan chawlh tir ang che le" ati sup a, tlai ah chuan lawm man te an Sem fel a, a tuk an zirtir tu in chawlh an puang chu an lawm hlawm hle mai, Tlai ah chuan Council member ho chu an thukhawm ran a, Johna chuan Shino chu in ti unau en zet in "Nak tuk lam hi tih fel tur a tam awm si a, engtin nge kan tih ang, Unaunu" ati ham ham a, Shino in Johna a en chu a mitmeng chu a alh ani ber, "Ah, Pre, pe, President ka tih na, President" Johna chuan hlau tih hriat ngawih ngawih hian alo ti bah nawk nawk a, Shino chuan a chal chu a dawm vang vang a, "Naktuk chu kan theih ang ang sawm khawm kan tum anga, ti fel tur in kan kal leh dawn nia, pawihsa hmang in mi kan ruai thei lo ang, a chhan chu heng pawihsa kan hmuh chhuah te hi, Kan hman na tur kan hriat tawh kha" alo ti sep sep a, "President, I tha em?" Malvin chuan alo ti vat a,Shino chuan "ka tha e, Malvin sum kha eng zah nge rawn lut le" ati nghal zat a, "Cafe a tang in Cheng 48567, a lut a, chuan tui lo zuar tu bik lam atang khan, cheng 3410, ani bawk a, chuan Ice cream bik a tang khan, cheng 9655 a lut bawk a. Avaiin 61632 anih chu, mahse kan senso, 34789 paih chuan 26843 kan hlep tih na anih chu" alo ti malh malh a, Shino chuan "anih chuan, School admission tih na, mi pakhat tan 14000 zel ania, mipahnih pawh kan la daih lo anih chu, mi pali tal ni thei se aw" ati vang vang a, Philipa chuan "President anih chuan keimah ni in thil dang enge maw kan tih leh angai lo ang, enge maw lo ngaih tuah chhuah ka tum ange, Mi pali a theih loh pawn pathum tal chu a theih ang chu, Mahse President monthly fee hi" ati zui sap a, "Kha chu ka thla thar a, Denver's ho in a ho nen a kan in elna ah rei tak daih theih tur thawh chhuah kan tum dawn nia, chuan thil tha zawk in hriat chuan min hrilh ula kan ti zel dawn nia" tih pah chuan alu hai chhulh mai chu a dawm leh vang vang a, "President, Denver's nen a in el na a lawmman kha, enge maw mai mai a hmang lo a tih dan pawh a awm maithei sin" An financial secretary chuan chhuanga chuan alo tia, "Aw adik, a tha lutuk" Shino chuan alo ti vat a, "Johna Pawihsa kha naktuk ah bank ah lo va dah fel la, mahse I dah hma School pawihsa kan hman kha dah fel hmasa phawt ang che aw" ati zui nghal a, Johna chuan "Awle, President" alo ti vat a, Shino chuan Paper vel chu a en fel leh mawlh mawlh a, "President ka kal san ang che aw" tih pah chuan an kal san phauh phauh a, Shino in a zo a ahawi chhuah meuh chuan tu mah an lo awm tawh lo a, a lu chu a dawm vang vang a, "Ka zo tep e" ati sap a, a tu lui zui hram hram a, "Duh tawk tawh rawh Shino"tih ri ah chuan a hawi vat a, a tho vat a, " Mi lawilopa pa, he tah"a ti hman tawk, a lu a hai chawlh a, a tlu tla zui riai riai a, Sharon chuan alo dawm vat a, "Shino leh" tih pah chuan a pawm vawng vawng a, "I duh tawk in hah dam rawh le" ati zui sup a, "Milawilopa" Shino chuan ati sap a, a maimi chhing zui riai riai a.
Kimkimi chu a kal hnak hnak a, Motor chuan na tur aneih loh vang ni lo in, an chhung kaw hel neih chhun anih vang zawk in, a bul ah chuan bike a rawn ding chawt a, a en zawk a, "Vice President" tih sap pah chuan a en leh nghal a, Philipa chuan "Lo chuang rawh le, ka hruai haw ang che, hmeichhe tan mahni a ke a van zawng a him lo" ati a, Kimkimi chuan "Teh duah thin che hian in a" ati sup a, a chuang ve mai a, "Kimkim, kan in fawh leh hun chuan I hnu te kha min Khawih tir tawh rawh aw" ati chu Kimkimi chuan "Enga?" Alo ti thawt a, "In fawh leh hun ah" tih lai mek chuan Kimkimi chuan "I sawi ka hre vek, tenawm pa" alo ti that a, "Tenawm lam ani em ni, in ngaihzawn na ah chuan a tel tur a lawm" alo ti let zat a, "A tel tur tihna ani kher lo, I tenawm lutuk aw, a zawh pawh min zawt ngam zawk" alo ti hlaih hlaih a, Philipa chu alo rum nghut a, "Anih chuan, I in peih hun ka lo nghak ange?" Ati sup a, Kimkimi chuan chhan dan tur a haih chham leh der, "Tlan vat vat mai teh" ati hlur ringawt a, Philipa chu a tlan chak ve mai bawk a.
Esther-i chu a khum ah chuan a let kual tep tep a, thlalak vel chu a en a, "Ah, Pet Store-a a lang ve nih hi" ati chhuak sap a, "Awii, a hmelthat leh Zia hi, a fel si, ka hriat loh a piang min hrilh ziah a, lawm thu hrilh nan thil ka tih sak ang mahse enge ka tih sak ang le" ati niah niah a, "Cake siam sak ta ila tha ang a" ati a, cake a siam sak a, a pe a, Reubenan lawm zet a, "Ka lawm e, Esther hmeichhe tha tak ini, ka duh che" ti ang vel in an suangtuah vel a, "Awiii ka zak" tih pah chuan a let kual tawp tawp a, "Pet Store lo nghak rawh Cake tui tawk ka siam ang che, mahse ka zak, awiii" tih zui chiam chung chuang a let kual leh chiam chiam a.
Zorini chu in ah chuan a lut hnak hnak a, Apa chuan "Bawihte" alo ti vat a, a kuah chawt a, "Bawihte pasal chu la nei lo hram rawh" ati nghal mawlh mawlh a, "Pa ka thawh tha thei lo nia" Zorini chuan ati sap a, Apa chuan a thlah vat a, "Ka tih palh, ina em, mahse bawihte pasal chu nei lo hram mai rawh" alo ti leh a, "Awle, pa, ka kal tawh ange aw" a ti a akal zui nghal Pu Malsawma chu lawm zet in a tlan vawn vawn a, an room ah chuan a lut a, "Shinoi nu, a pawm, pasal a nei dawn lo" ava ti nghal chiam a, Anupui Janeti chuan "Ani maw, Awii, ka tawngtai na chhan in a awm anih chu, ka lawm e, Lalpa ka lawm e" alo ti nghal mawlh mawlh a, an nupa chuan an hlim dun kher mai.
Tei chu a khum ah chuan a thu tum vuau a, "Hmela chu a chak lo ang chu aw, ka van be awm hlei lo, hmeichhe dang nen min haw san vel a, a tha e, duh tawk chuan bialnu nei rawhse ka kawm tawh miah lo ang" a ti hmuk hmuk a, a phone chu a melh leh zuk zuk thin a, "Hmela chu min rawn call pawh a tum miah loh le, avan chak dawn lo tak, in biak loh a duh chuan a tha e, ka be awm bik lo emai" ati leh chiam a, a phone chu a off zui nghal zat a, a mu thla hnawk a, "Ni leng in hmeichhe kiang ah a awm char char a, chuan min rawn biak pawh a tum lo a, ka kawm tawh lo Chiang viau ang" thinrim zet chuan a ti mawlh mawlh a, a lungawi lo tak zet a thiantha ber a chan hlen ta ah a in ngai nghal hmiah, hmeichhe pakhat vang a, a thlauh thla chuan a lung ati awi lo zual bawk a, a in let a in let hnu chuan a muhil zui ve mai a.
Rema chuan a phone chu a en reng a, "Ka call mai dawn a mawn le" ati sup a, "Ni lo, ni lo, ka tih angai, in ti chak rawh, Rema in pahnih tan ani, Ni lo, ama tan ani" ati mawlh mawlh a, hmeichhe dang in a an sawi dan chu a beng ah a rawn ri nawn awn awn a, "Naupang emaw a in tia" an tih te, "Rema, rilru lak pen nan a in la naupang chhia" an tih te, "Tiang a in la naupang chhia chawp pui tlin ve pawh tum lo, in lak duh awm ching hi ka ngei ania, Rema hian a lem a chang mai mai tih hre thiam se" an tih te chu a ngaihtuah chhuak uarh uarh a, "Tei, lem chang mi ini lo tih chu ka hria, mahse nang hi, kei mah vang a in la naupang chhia lui ini lo tih hi ka fiah angai ani, ka tih palh" ati mawlh mawlh a, khum ah chuan a let thla tawp a, a phone massege rawn ri chu a en vat a, Reubena alo ni a, "Alien ho hian mi ngaihtuahna an thunun thei tiraw" tih a rawn thawn a, anui hak a, "Thunun thei e, a bik in Alien, mize thlak thei phei chuan" ava ti let a, "Hmela, theih nghilh rawh" tih a rawn thawn let leh a, Rema chu anui hawk hawk a, "Awle, boss" tih ava thawn let a, "Thianpa hmangaihna khawvel ah ka lo lawm lut a che" ati zui sap a.
"Hei thinchhe nu iva rawn haw tlai ve" ti pah a Kimkimi u in a nau a pan phei chu a ding chawt a, "A hmeltha lutuk" ati chhuak sap a, Kimkimi chuan "Ka rei leh rei loh chu ilo buaina tur a awm lo" ati hlak a, Philipa chuan "Ka kal ange aw, Kimkim, naktuk ah ka rawn hruai ang che" ati a, Kimkimi chu a bu nghat a, Kimkimi u, Anna-i chuan "Hi, Anna ka ni, ka nau thian a mi inih" ati no nghalh a, Philipa chuan alo en zawk a, "Aw" a ti sup a, "Anih chu lo lut thing pui te rawn in la" ati leh vat a, Philipa chuan "Ka peih lo" tih leh tlan a rual zui nghal daih a, Kimkimi lawm ah a tla, a mak a ti bawk, Anna hi mipa in an hnar a vawikhat hriat na, a nalh in, a hmel a tha a, chuan mipa kiang a awm no dan a thiam hle bawk, chuan mipa a duh zawng chu an naupan leh upat a thliar lo, a nau ngaihzawng ngei pawh ni se, Pa hmun nu hrang an nih vang ani mahna an in an loh em em, Kimkimi chuan "I method chu a thawk tha vak lo nih hmel" tih khum pah in ring zet chuan a nui lut uarh uarh a, Anna-i chuan "Nui rawh I duh tawk in, mahse a hma ang bawk khan ka lak sak leh ang che" alo ti tuarh a, Kimkimi chu a ding dat a, hlauhthawnna in a rawn tuam hlawp hlawp a, "Ka lo thlir ang che" a ti sup a, a kal zui nghal daih a, kha tiang a chhang tur a, a chakna a sawm khawm nasat Zia kha a u in hria seng a nuih zat leh ngawt ang chu, a nau ngei hi eng vang a, el em em nge anih hi Kimkimi pawh hian hriat thiam har a ti thin, ngaihtuah loh hmel tak in awm mahse a hrehawm ati ve thin hle ani, Kimkimi nu chuan "Anna I nau hi thlah fal ve tawh teh" ati dek dek a, "Lo in rawlh tum lo mai teh, nuhrawn sual tak nih I duh nih loh chuan" alo tih khum hlak a, Kimkimi nu chu a ding ngawi reng reng ringawt a, a theih tawp tak meuh meuh a chhuah chung pawh a, Anna-in a mah leh Kimkimi a ngaina thei miah lo hi a hrehawm a tiin hriat thiam har a ti ve tak zet thin, a pasal a awm lah in a dang lam leh hlauh thin si a, a chang chuan a hlau ru ngawih ngawih hial thin ani.
Shino chu a ril tam chuan a ti harh hlawl a, a khum ah alo mu, eng mah a hre lo, engtin nge a khum alo mut ngawt dan pawh a hre lo, a hriat hnu hnun ber chu Sharon an a kuah a, chuan thla muang tak in a muhil tih zawng ani, Sharon khan a chhung te alo biak sak ani mahna le, in hnuai lam ah chuan a chhuk a, choka ah chuan kal in ei tur a dap rak rak a, chaw leh sa leh chawmeh eng ilo chu a chawh pawlh vak a, oven ah a dah lum a, a ei zui malh malh a, Zorini a rawn kal phei hnek hnek a, chips a rawn la a, "Zorin ila meng a law" ati ha a, "Aw Romantic movie ka en a" atih chuan Shino chuan a en ho a, "Johna nen kan in ngaizawng a, ka lo in zir ang ka tia, ka in zir mek a, Shino, chaw ei tui le" tih pah chuan a kal zui leh hnek hnek a, Shino chuan a fian ken chu a thlauh bawl a, a meng pual awp awp lo chauh, "In ngaihzawng a, Hmela, chuh" ati chhuak thawt a, "Johna, I thi dawn" ati vak a, thinrim zet chuan a ei zui hmawk hmawk a.
Bee Da Shino