TE DOY 15K BY Abbra Reo Ririni Khiangte (Pitartei) (Completed)

[ngaia]

☆TE DOY 15K☆
Chapter 6
By
Abbra Reo Ririni Khiangte(Pitartei)

Jayden-a room ah ka lut a,A khum hnuai lam a dim light in vuah vang chuan chhuat chu a eng raih a.

"Jay,Mama hian engthil nge a tih tak ang?" Dimte in a sam nem thep chu ka chul sak a.

"Papa hi a danglam tawh bawk si,I hrethiam ve miah lo te hi i vannei a nia,Kan innghahna ten a vawi leh khat a min thlauhthla ta thut te hi a hrilhhai thlak a,a beidawn thlak lutuk bawk."

Zawi te te in ka phun sep sep a,Jayden vang tal pawh hian ka chak angai a,Jayden hi an tel ve tur anilo.

☆ ☆☆☆☆☆
Kawtzawl ah hmeichhe naupang dang ho nen kan infiam a,Mipa naupang in ball an pet bawk a.

Gate chhunga Zothana inhlawh zo rawn haw ka hmuh rual chuan midang chu tlansan in a lam ah ka tlan ta vat a.

"Engnge min lo hawn.." ka ti vat a,A nui nghal suk bawk.

"Engnge i duh?"

"Ka hrelo..Thil ţha deuh ani mai.."Ka ti a.Dimte in ka hnar a piai zauh a,"I mit chhing rawh le.."

Mit meng tura min tih leh chuan ka hmai zawnah Rose par sen a lo leng va va a,Ka khek nghal tuarh bawk.

"I van fel tak.." ka ti vak a,A nui leh mai a,Rose chu dim te in ka la a.
"I ţah leh ka hlau sia,Hlawh ka lak rual in bazar ah hemi lei tur hian ka kal vang vang." A ti sup a.Ka nuih var var ringawt!

Ei rawngbawlna tur thingro la khawm turin kan kal chhuak a,Diktak chuan hmeichhia kal ve an phallo a,Mahse Zothana ka ngen nasat em vang in min hruai ve ta țawk a.

Ka kut ah a vuan tlat a,A chempui ken in hnim pik chu a sam pah zel bawk,Ka duhthusam te min sawi tir char char a,A ngaithla a,A khattawk in atthlak tih hmel zet hian a lo nui leh suk zel a.

"Chung zawng zawng chu tihsak vek che ila ka bul ah i awm char char a ngem?" A rawn ti thut a.

"Nangman ka bulah i awm reng dawn i tih kha.." ka ti ve vat bawk.

"I sawi dik e,Saw laia thingro saw ka sah chhung in ka bulah ţhuin i lo zai char char ang." A ti a,A chempui ken chu kan hma lam ah a lek zauh a.

Midang ho nen kan inţhen hrang a,Innghah kawmna tur kan sawi vek tawh vang in thingro lakkhawm sawk sawk ani tawh mai.

Ţhing ro tlu lianpui pui te chu awlsam zet in a sat bung zung zung a,Ka en kiau reng a,A sang a,A awm hi ka chen pha ve țawk a,Thiamthil a ngah em vang in home a tu pawhin kan ngaisang vek bawk.

A hrawk bawk che ralh ralh ţhin hi ka duh ve ka tihsak tlat zel a,Ka naupan deuh lai phei chuan min pe ve phallo tiin ka ţah khum vak zel,Tunah chuan hmeichhia ka nih vang in ka nei ve thei lo tih min hrilh tawh a,Ka hrethiam ve tawh..Mahse Zothana hrawk bawk che kual hmuhnawm ka tihna erawh a la reh thei lo thung.

"Puite.."

"Awiah.."

"Thing telkhawmna tur hrui hi lo zawng lawk la.." a rawn ti a,Ka bu ve nghat a,A thing sahna thlang lawk a zapanhlo zam buk laih lam chu ka pan a.

"Fimkhur la aw.." a rawn ti leh hram bawk.Ka nui var var ringawt.

Hmawlh nen ţangkawp in hrui chu ka pawt ngar ngar a,A buk tham bawk a,a sak phian mai!

"Zothan,min lo pawhpui rawh.." Ka ti a,Ka hmawlh ken kha hrui hnawk ah a inbat tang nghet tawh bawk si,Zothana koh paha ka tha pek ka thlah dul rual chuan hnim chu a ri suih a,Ka inring hman tawh bawk silo chu ka per nawlh hi ani ber mai!

Ka hriat leh hmasak ber chu ka khup na hit zawk leh ka awm na thum dawt chu ani mai! Ka thawk a sak vek a.Ka mittui a hnam ţiam ţiam bawk.

"Puite.." Hnim in sam ri thawm ka hria a,Ka awm chhung na lutuk chu ka țawng chhuak thei lo a.

"Puite.."

"Lalpa.." ka bulah a rawn ţhu hniam vat a,Bawkkhup zawng in ka awm a,Dimte in min mut zangthal tir leh a,Ka awmah eng emaw in a hnawh tlat vang in ka thaw hlei thei bawk silo.

"Ka tihpalh...Hrui kha zawn tirlo tur che ka ni a sin.." a ti mawlh mawlh a,A hmai a sen vek a,A mit meng chu engtinemaw hian a buai vek bawk a.

"Ka tihpalh aw.."

"A na lutuk.." ka ti ţiau a,A thaw hawk bawk.

"Ka tihpalh.." Ka chal ah a rawn fawp vang vang a,A thinphu ri dawt dawt pawh ka hria a.

A mal chungah dimte in ka lu a nghat a,Mittui tlingpam in ka melh reng ringawt.

"A la na em?"

"Na.." ka ti hlak a.Thinrim ţun tih theih nei bawk silo ang chiah hian a inseh ruh vak a.

"Ka tihpalh.." a ti leh ringawt a.
Ngawi reng in ka awm chhung na lutuk reh hma chu kan nghak char char a,A khattawk in a rawn kun hniam a,A hmuiin ka chal a rawn nawr leh vang vang zel a.

"Ka paw haw mai ang che aw.."

"Ka kal ve thei reng.." ka ti pang pang a,A ipte pui ah a chempui chu dah lut sawk sawk a,Ka khup a thi bawk a,Nichin khan hmawlh kha ka thlah mai loh vang in hnim ka pawh ka thain a hneh bawk silo inpawt let leh khan ka hmawlh ken kha a let pui a,Ka inring bik silo hnim pik ah ka tla lut a,Ka bawk khup thla thlawp ani.

"Ka pua ang che.." nuam lo tih hmel zet in min en a,Lu ka bu ta nge nge a.

Zan ah pawh ka khup sawhna vang in ka khua a sik ta char char a,Zothana a mangang ngang mai a,Vawikhatmah ka mutna aţang a kalsawn lo hrim hrim.

Puan huh in ka chal a dek reng a,ka damdawi ei in min chhawk hnu ah ka muhil a.Chiang lo deuh deuh a ka harh rual apiang in ka kut hum chung in min lo en char char zel.

Mit ka men leh chuan engkim a lo reh ţhiap tawh a,Ka dang a ro in ka ka hi a chhah mup maiin ka hria.

Ka inbeng kang tur chu rang zet in taksa lianpui a rawn kun hniam vut a,Ka meng kiau a,Ka hmai zawn a Zothana hmel a rawn lan tak ah chuan ka thaw huai thei.

"Tui ka in duh.."
"Ka lo la ang." A ti vat a,A țawng zawih dan ah midang tih harh a duh lo ani ngei ang.

Tui nen a rawn let leh chuan ka pang a rawn dek a,Khawsik ka nei tawh lo tih a hriat rual chuan a thaw hawk a.

"Muhil leh rawh aw." Puan min sin țhat tir sawk sawk .

"Va mu ve tawh rawh."

"Aih,Khawiah mah ka kal dawn lo." A ti sup a.Ka kut a rawn hum a,Khum tlangah chuan a kiu a rawn nghat leh a.

"Ka tihpalh aw.."

"Eng vang chuan?"
"Hruai lo tur in ka tir che a..I nat phah bawk a." A ti sup a.Ka en reng ringawt a.

A chang in ka sam a rawn chul leh zauh zel a,A kutzungpuiin ka chal a tuai hauh hauh a,Min duat lutuk vang hian midang a duat te ka hmu thei lo a,Ka tauh khum zel a,Hmanni a keima bulah chiah a nui tawh dawn tih a sawi aţang phei kha chuan mipa bulah chiah a awm a,A dang chu ka bulah ani tawh mai.

"Pawn ah ka kal duh.."

"I damlo leh ang.."

"Mahse ka taksa hi a kham vek a lawm." Ka ti leh hlak a,Rang deuh in ka hmui ah a rawn hup a.Ka chalah a chal a rawn nghat zui nghal dat bawk.

"Midang an harh ang.." nui suk pahin ka chalah a fawp leh zeuh a.

"Ka princess-te reuhte hian kal chhuah a duh a maw?" Kan hnar a insi lo chauh! Ka hmui a la hup reng vang in ka bu zauh a.

"Kal ang le,thawm dim la aw." A ti a,A kut a la sawn a.

Midang te nen kan mut tlar dul vang hian chet reng reng dim a ngai ţhin a,Chu chu min enkawl tute min hrilh tam ber pawh ani zel.

Home hnung lam a hmun reh deuh lai ah min hruai a,puan lum min bah tir tho a chu a jacket min hak tir leh thlap a,thla eng kulh chuan lei chu a chhun eng ruih thei!

Thing tuai hmang a ţhutthleng siam a awm dul bawk a.

"Zothan,An nu leh pa te nen a cheng ho vek te hi an vannei tiraw?" Ka ti a,Khawpui lang pe tuar lam chu ka thlir dauh dauh bawk.

"Nu leh pa neih ve ka chak e..Chuan an chenna in ang ah te sawn ka awm ve chak a,anmahni in room hran te an nei a.."

"Sshhit.. Nakin ah ka tihsak vek ang che ka tih kha.." ka hnung lam aţang min rawn kuah a,Ka darah khabe a rawn nghat leh bawk a.

"Tinge nu leh pa kan neih ve loh..?"

" Kan nei a lawm,Mahse Pathian bulah an kal hmasa a.."

"Tinge min kalsan kher a,Sawta in nalh deuh deuh ang ah te sawn min awmpui ve tur ania.." ka ti a,Ka ţap leh ringawt tawh bawk.

Kan home aţang hian Aizawl khawpui a lang chiang em em a,Ka rualpui te chhungkua nei a,An nu leh pa bulah an awm theih laiin keini chu midang khawngaih na dawng chawp in kan nung a,an ţhiante nen in len pawh a,Motor ah te an chuan theih laiin keini ve chuan kan chaw ei chhumna tur thing kan lak khawm te a ngai a..

"I duhthusam i sawi zawng zawng kha ka theihnghilh hleinem,Ka tihsak vek dawn che a,Mahse hun a la duh mai thei,Tuna i mi awh te neih ang zawng zawng saw ka pe bawk ang che.."

"Thi ve suh aw!." Ka ti a,A thaw hawk a.A lam hawi turin min kuai her a.Ka biang hun niai chu a rawn tuai hul nghal vek bawk.

"Ka nu leh pa te ang a i thih ve daih chuan.."

"Ka thi dawn reng reng lo.." min lo pawt chat vat!

"I duhthusam ka tihpuitlin hma chu ka thi dawn lo,Khawvela hmeichhe hlim ber ah ka siam dawn che..I dream ţhin a lalfanu te neih ang kha ka pe vek bawk dawn che.." a ti a.

"Chumi ka tihsak theih nan che chuan nangpawh ka bulah i awm reng angai dawn bawk." Fiah zet in thumal tin chu a sawi a.

"I ti ang tiraw?" Ka biang tawn tawn ah rawn dawm in a ti leh a.Ka bu nghat a.A nui ve ta suk mai.

"Lut tawh ang,I damlo leh palh ang.."

"Ka mut a la chhuak lo.."

"Luhlul ve si.."

"Ka luhlul ziah lo aw.." ka ti hlak a.A nui leh suk a,Ka kut ah a rawn vuan a,Khawpui lam bawk chu kan en leh a.

"Vawt i ti ami?"

"Aih..."

"I khur a lawm.."

"Anih chuan vawt ka ti aniang.." ka ti a.Chimawm min tih hmel zet hian a nui leh suk a.

"Lut tawh mai ang.."

"Aih,I duhleh lut rawh."
"Ţang tlat zel suh."
"Va lut ve mai la." Cho zet in ka melh a,A chhan chu min luhsan ngai dawn lo tih ka chiang tawk tawh tlat.

"Nangmah chiah in ka awmtir theih che i ring a mi?" A ti nghut a,Ka chhang lo a chu a chakloh na lai ka hrechiang lutuk tih lantir nan mit ka kan khum ak ak a.

A phun hluk a,Ka taksa chu a kang nghal nawlh bawk.
"Au suh.." A hmai a na deuh a ka beng rawn nawr pah chuan a ti a.
"Midang kan ti harh palh ang.." a ti leh sup bawk,A nghawng ah kut ka suih a,Ţhutna lam pan chuan min kalpui a.
"Kawng en ta che.."
"En chung che pawh hian ka hmu thei vek." A ti a,Thawveng zet in a ban ah lu ka nghat a,Van lam ka hawi a,Zothana chuan keimah chiah min en thung.
Ţhutna ah a ţhu thla a,Min nghat thla ve mai dawn maw ka ti a,Mahse a mal chungah amah hmachhawn in min ţhuttir a.

" I khup kha a la na em?"
"Aih..."
"I nat ai hi na daih thei ila.." a rawn ti a,"I mittui tla te leh na i neih te hi hmuh hrehawm ka ti lutuk,Vawiin phei kha chu.." sawi zo lo in a inseh ruh nghek a.

"Engtinmah ka awm loh hi.."

"Mahse i țap a lawm.." a ti a,Dimte in ka biang ah a rawn dawm leh a.

"Ka tihpalh ka tih kha aw.." a ti sup a.Ka ngawi vang vang a.

"Vawi..i vawi 6 sawina a ni tawh em?" Ka tih rual chuan a ner nawk a.Ka tukhum ah a rawn vuan a,A hmai bul chet ah min pawt hnai sawk a,Kan chal a insi dat bawk.

"Engnge i tih dawn.."

"Ka hrelo.." mit a chhing nghal daih,Thla engkulh chuan a bek ruh che ţalh ţalh chu a thup bo sak lo chiang lutuk!

"I thinrim ami?" Ka ti a,Ka tukhum ah a vawn tlat vang in ka awm sawn thei lo hrim hrim!Ka hmai zawn ah a thaw ham ham a,Keipawh chhan ka hriat siloh in ka thin a phu ri dup dup a.

"Inhnaih deuha kan awm hian min hlau em?" A rawn ti a,Mit a la chhing reng.

"Aih..."

"Engtin nge i awm.."

"Ka thinphu a rang vek." Ka ti a.A rawn nui suk a,Muangchang hian mit a rawn meng a.
"Keipawh.."
"I thawk pawh a ring vek." Ka ti a.A nui leh suk a.

"A chhan i hre chak em?"
"Aw.." ka ti a.Chil a lem leh khawlh a,Dimte in ka tukhum a vawnna chu a thlah a.

"Bengchheng miah lo ang che.." a ti a,Ka bu zeuh a,Dimte in ka taksa a rawn hnaih a,Ka awm zawn ah a rawn bei a,A ban chuan nghet deuh in ka hnung ah a suih bawk!

"Min kuah ve rawh." A ti sup a.Nichin kha chuan ka thinphu ri ringawt a ring a,Tunah hi chuan ka tha a khur a,Tim daiin ka kuah bet ve a.

A thawk lak zawk a piang in za ka ti a,A che tawh bawk silo a,Ka hnute zawn ah a thaw leh hawk ţhin a.

"Zothan.."
"Umm.."
"I thawk rual khan a za zel a." Ka ti a.A taksa chu a che dawt a.A nuiin ka hria.
"Min fawp ve rawh le.." a rawn ti leh a.A awmdan ngaiin a la awm reng a.

"Khawi ah?"
"I duhna ber ah a ni mai."
Ka awm ah a bei tlat a,A chalah chuan ka fawp thei dawn lo sa!
A sam ah ka fawp zeuh a.A taksa a che leh dawt a.A nui leh emawni le?
"A aia rei kha min fawp rawh.." a rawn ti leh a,A hma in amah fawp turin min ti ngailo reng reng,Ka chal ah a fawp a ,A duhtawk mai zel a.

Rei deuh a chhip ah chuan ka fawp a.A ka aţang a thaw chhuak leh ani mai thei,Ka awm zawn a lum a,A za leh vek tawh bawk.

"Thil pakhat min tiam rawh.." a rawn ti a,Nghet deuh a min kuahna chu a phelh a.
"Tun a kan awm ang hian mipa dang nen in awm lo ang tih min tiam rawh le." A ti sup a.
"Tunge ka awmpui ringawt a nga?"
"Sshhitt..chu chu ka sawi tum a nilo,Tun ang hian tumah awm pui suh..a țha em?" A ti a.A bu nghat a.
"Anih chuan tiam rawh le.."

"Ka tiam e."ka ti a,Ka chalah a rawn fawp zauh a.A kut zungpuiin ka hmui hnuai a rawn chul a,Zanin a a awmdan hi a mak lutuk!

"Kum 18 i nih hun ah tah hian ka fawp ang.." a ti a,phawk zet in ka melh a.
"Eng vang in.."
"A chhan chu.." a tawp dat a.
"Ka fawp chak a lawm."
"Ka phal miah lo ang.." ka ti a.Rum deuh hian min melh ta nghek a.
"Lut tawh ang." A rawn ti hmuk.
"Ka duhlo...khawvar dawn ah chiah ka lut duh." Ka ti a,A nghawng ah ka tlak lohnan ka kut ka suih bet a,Ka ţhu rem sauh sauh a.
"Che tawh suh.." a rawn ti hluk mai.Ka melh haw a,A mal chung ah ka la ţhu reng a.
"I len em hi!' Ka ti ta vak ringawt, Nghenchhan ngheng thla hnawk in mit a chhing a,A taksa chu a sak vek mai ni.

"Ka tina che mi?" Ka ti a.Nichina ka awma a bei ang chiah khan a thawk a rang leh vek tawh bawk.
"I che lui zel anih kha.." a rawn ti hmuk a,ka chet vang a a thinrimna tur ka hre der silo.
"Ka chet vang ngawt in i thinrim a maw?" Ka ti ha a.Za lo zet hian a nui suk a.
"I la naupang lutuk a ila hrethiam lo anih kha.." a ti a.
"Hetia ka chet hian engtinnge i awm a?" Amah hnaih pah in ka che leh chiah chu Zothana zawk a che vut a,Ţhutthleng ah chuan min bawh bet a,Na deuh in ka chalah a hmui a rawn nawr vak a.Chuan a taksa a khur bawk anih chu!

"I rit si.."
"I che lui zel anih kha.."
"Ka chet i phalloh chhan kha sawi ve mai la." Ka ti a,Ka chunglam a ţang min melh run a,Kg 26 ka ni a,a lian tawh bik ropui bawk si,Ka thaw chhuak țawk țawk mai!


"Kum 18 i nih hun ah ka hrilh ang che."
"Thil reng reng kum 18 i nih hun ah i ti vek a."
"I rilru a puitlin angai alawm.."
"I sual vang anih kha.."
Ka ti a,A nui hawk a,Ka taksa pawh a che ve vek thei!

Ka ta chiah i ni tiraw?" Zothana vek chuan a rawn ti a,Ka chunglam aţang min en reng a,Thli in ka sam a chhem len chu a kiu a rawn in nem khalh pahin a rawn hui sawn a.

"Ih.."

"Ka ta chiah i ni em?" A ti leh sup a,Thla eng kulh mai hliah zawng in a awm a,A thinphu in ka taksa chu a nghawr ve dawt dawt a.

"Sawi rawh le.." Zothana vek chuan a ti leh a.

"I ta chiah ka nia.." ka ti a,A thaw huai a,Ka chalah a rawn fawp leh vang vang a.

"Ka ta chiah i ni,Kumkhua leh kumkhaw piah ah pawh ka ta chiah i ni bawk ang,chuan hei ka tiam bawk che a,I duhthusam engkim kha ka tihsak vek ang che,Tuman an tih nat che ka phal ngai bawk lo ang." A ti sup a,A thusawi chu pakhatmah ka ringhlel lo,A chhan chu ka bula a thil sawi tawh reng reng tihpuitlin loh a nei ngai loa,Tuman min tihnat a phal ngai dawn lo bawk.


☆☆☆☆☆☆☆

Engemaw tla keh ri chuai vang in ka harh zawk a! Pindan chhung chu a lo thim raih tawh a.Ka lungphu a rang nghal zaih zaih bawk!Thawk ka lak vak pahin khum aţang ka tho chhuak a.


Kawngkhar ka nem phui a,Jayden a room lam ka en vat a,Vanneih thlak lutuk in Jayden room ațang anilo.

Inhnuai pan thlakna kailawn lam ka pan a,ka thil hmuh vang chuan ka tawp chawt a,Ka mit nghal suih suih mai!


Zico an hmeichhe pakhat kawngkhar ah a nawr bet a,An infawp tawn tawn a,Chhuat ah chuan an chet velna vanga pot tla keh chu a darh nuai a!


Ka thil hmuh vang chuan ka tawt up up a,Ka awm chhung ah hian tuboh rit tak a chhut chawrh chawrh ang maiin a na a,Thawk lak a sak vek bawk!


Zico an hmeichhia zawk chu a chawi kang nawlh a,Kawngkhar bul a pheikhawk bawm chungah a hlang chho a,a mal karah ding in a taksa rem lai lai chu a tham kual tawn tawn a,hmeichhia zawk chu ka pasal hming lam meuh in a rum chhuak a! Ka â mai dawn in ka hria,Kal sawn ka duh a..Mahse ka kaihza tha hi a inpawt mar tlat!


Thawm an dimlo in an rum ham ham reng a,Zicoa'n hmeichhe kawr chu a pawt hlim tawk a,A dar phen a Lisa nuam ti hmel ka hmuh rual chuan ka uak chhuak ţhawt a! An pahnih chuan inthlah in an rawn hawi chho nghal dawrh a!

Ka mittui vang in ka hmu phe vek a,Chutah ka la awm lai reng chuan Lisa zawk in Zico kawr awm ah a ţham salh a,A lam ah a hnuk hnai a,Zico chuan min hmuh tawh hnu pawh in a hnar miah lo!


Pool sir ah ka ţhu a,Ka ţap chhuak nghal hlawp hlawp a,Ka kawrban pawt chhuak in ka ka hup beh nan ka hmang a,A rapthlak lutuk! Thil thleng kha a tak ngei a hmuh a tan chuan rapthlak tak ani ringawt!

Ka taksa chhung hi duhtawk a chem a zai thler duai duai ang mai hian a na a,Ka thawk lak a sak vek a.Ka tih ngaihna hrelo chu ke ka leng ta nghek nghek ringawt a!


Zico-a'n min hmuh ve reng hnu ah pawh a hnar chhin miah lo te khan min tina a,Ring tak a au chhuah ka duh a,Mahse chumi titur pawh in tha ka nei bawk silo a.


Khum ah ka mu zawi tawp a,Mami bulah Jayden lo enkawl turin ka chah mawlh mawlh a.Inkhawm turin an kal chhuak a,Mami khan nizan a thil thleng kha a hmu angem ka hrelo,A hmu reng mai thei bawk,Pot tla keh thawm vangin inchung lam a mu pawh ka harh laiin ani room bang pindan chawp mai mai a awm tan hriat loh ngaihna a awm lo reng reng!


Zico inah a awm lo a,Nizan khan ka hmu ta sia in ah em thlen tir an hreh aniang,An inkhalh chhuak a,Sunday ani a,Zing lam dar 10 ah pawh a la rawn let lo a.


Ngaihtuah tur ber ka hrethiam lo a,Khang thla liam ta zawng zawng a mak sak tak tak a ka laka a chet ţhin lai pawh khan vawikhatmah inţhen hi ka la ngaihtuah chhin ngailo a,Mahse tunah hi chuan amah nen a chen dun chakna hlawl ka nei tawh lo.