Chapter8
By
Abbra Reo Ririni Khiangte(Pitartei)
(Lokss..Min hauh hma,Kan awmna lamah zing dar 2 a ni ve tho
ka va tlai si em!)Ka thinphu su ri dup dup chuan inchhung hi a luahkhat vek maiin ka hria a,A hma khan he mihring hi Zothanmawia anih rinna chu ka lo nei tawh ngei alawm,Mahse amah ani tih a tak ngei a ka hriat leh takah chuan min shock dan a danglam chuang miah lo.
A hmui a chip hmak a,Min melh ngur bawk a,A vun rawng ti lang thim zual turin Cotton shirt Maroon rawng a ha a,Zespy Pants pawl dal a ha leh bawk.
"Zothan,Hei Dindini kha anih hi.." ka nu rawn țawng ri vang chuan chil ka lem khawlh a!
"Ka hria alawm." Zawi sup in a ti a.Engnge ka ngaihtuah ber ka hrelo,Mahse ka taksa chhung hi a tawt tup tup a,A hma daih pawh khan min lo hrereng tawh a.
"Awww, A va tihzia ve,Kum 15 dawn chu in inhmu tawh silo a,In naupan laia in inzui nasat zia te lah kha..."a ti hliai a, "In lo puitling ve tawh khawp mai!"
Sawi ve tur pakhatmah ka hrelo! Zothana chu ka melh ngawt ngawt a! Kum 13 ka nih laia min kalsan tu..Ka bulah a awm reng tur thu sawi chunga ka hmuh phak loa kal bo ta daih tu kha..!
"Jayden,Haw ang.." Dawhkan chunga ka bag chu ka la sawk sawk a,Ka nu chu mak tih vang in a rawn che dar a,Min melh run tu lak aţang ka fapa chu ka la hrang ta nawlh a,Kawngkharpui lam ka pan hlawk hlawk chu ka tawp ta chawt a!
"Chhungkua hial din tawh tu tan chuan i chet dan kha a naupang chhia mah mah lo maw?" Zothanmawia nuihza insum aw ri vang chuan ka puak darh lo chauh!
"Mambawih,Ti thut thut nge,Hei i u Zothana a rawn thleng a,Kan inkawm ho dawnlo ami?" Inchhunga ka pa rawn lut ve chuan a rawn ti hluai a.
"A naupan lai zia ang chiah kha a lo la pu reng anih hi." Zothanmawi a leh bawk!
Ka fapa chu nghet zet hian ka kuah bet ta ringawt a!
"Ni e,A bikin i lakah khan a pangchang em em reng a,i rawn let har lutuk a thinrim ve rih anih dawn hi.." Ka nu bawk chuan a tih zawm leh a,Ka ţah an ti chhuak hlur vek mai!
"Kan hmanhmawh a,Kan kal zawk mai ang."Hawi let tawh chhuang lo hian ka ti a,
"Jayden,Api leh Apu bulah hian lo awm la,Mum hi kan be lawk ang."Engtik laiin nge ka bul a rawn thlen hman ka hrelo,A taksa lianpui in min rawn sik rual in ka fapa chu a pawm hrang ta nghal nawlh a,Leiah a nghatthla a.
"Nu,Kan han inbe lawk a nge." Ka nu a melh leh a,Ka pa in Jayden ban ah chuan rang zet hian a vuan a.
"Be a good boy." Jayden sam a chul sak zauh pah in a rawn ding ngil leh vut a.
"Inbe lawk ang!" A rawn ti zui sup bawk.
"Ka buai ka tih kha.."
"A rei dawn chuang lo." Tih leh ka ban rekah rawn vawn a rual a,pawn lamah min kai chhuak ta dawt dawt a,Inchhung lama ka nu nui ri hak hak te chu ka la hre pha a.
"Ka kut hi thlah teh." Ti hlak pah in a kutţang chu phelhsak ka tum ve ţang ţang a,Ka hneh lo lutuk chu sawi ngaihna a awm lo zawk.
"Zothanmawi.."
"Bengchheng vak suh,Midang i ti phawk lek mai mai!" Ti nghut pah in Home hnunglam pang hmun reh lam ah min kai bo ta hmiah a.Ka kut a thlah rual rual chuan na lutuk in a awm ah ka nem nghal dawt! A che dawt ringawt anih chu!
"Ka haw lutuk che.." ka ti ta tuarh a,A nui suk a.
"Ka haw ngawih ngawih che.."
"I sawi chhuah ngailo in i mitmeng ah khan ka hmu vek thei a lawm." A ti hmuk,Khawpui lang pe tuar lam chu a en zui ta daih a.
Kei erawh ka hriatthiam siloh natna in min tuam kual hlup hlup hi a ni ber mai! Keimah ka ni tih a hria a,Lem rawn chang in mi hran ang hlak in kan nufa kiang ah hun a hmang a!
"Zodinpui inbia ang ka ti ani lawm ni!" Ka kalsawn tur chu a rawn au nghal ţhawt a! Kan naupang lai ang chiah khan ham ka chak a,A taksa rem lai lai ah chum bawrh bawrh ka chak bawk a!
"I bulah engmah sawi tur ka nei lo."
"Kei in ka nei a lawm,I ngam chuan kal luih tum rawh,Ka thu i zawm loh changa ka chetdan hrechiang ber tu i nih kha.." a rawn ti hlut a,Ka pan phei a,He ka thil tih tum hi ka ti ngei ngei bawk ang!
A hma ah tak ka din rual in kut ka vai fua a,Mahse engthilmah a thlen hma in ka ban rek ah a man chawt a,Rum lutuk in ka chho melh leh a,Ka kut ka pawt let leh tur chu a taksa ah hneh lutuk in min kuah khawm ta vek a!
Ka insut chhuak ta hlawp hlawp a,A ban pakhat chuan min kuah khawm vek a,Ka sam ah dimte te hian a rawn chul zui leh bawk a!
"Ka rawn haw har lutuk vang in ka tihpalh aw." A awmzawna lu nghat ka nih vang in a țawng zawng a a taksa che chuan min ngawr ve dar dar a,Hmana ka kuah ţhin taksa lum vung vung ang chiah khan a taksa pawh a lum in ka hahdam nghal huai thei!
"I sual lutuk!"
Ka ban pahnih pawh a awmah a bet ve vek,Ka che chu a aia nghet leh zual in min rawn kuah bet leh a.A lungphu ri dawt dawt pawh a hma ang chiah khan ka hre leh thei tawh!
"Ka hua che.." A thawk lak zawng a a taksa che awk chu ka hria a.
"Ka haw lutuk che.."
"Keiin ka ngai thung che a lawm." Zawi sup in a rawn ti a,Thawk la ham ham paha ka chhip ah khabe a rawn nghah leh takah chuan ţah chhuah hlauh zet in ka hmui ka pet fan fan a!A hmuiin ka chalah a rawn nawr a!A shirt awm ka ţham tawk a,Vawikhat dang a rawn nawr leh a,lungchhe zet in ka ţap chhuak ta hlawp hlawp a,Keimah a natna awm zawng zawng te nghet taka min kuah chunga ka bun thawl chuan an reh duak theih mai ka ring a! A chhan chu Zothana bula ka awm kha chuan engmah khan min tina thei miau lo a lawm!
Dimte te in ka hnung a rawn chul hauh hauh a,A chetdan hlek leh a pangti lum in min deh hlekna chuan ka lungatichhe zual sauh a,A kal a,Rinchhan tur pakhatmah neilo a ka awm ta ngawt te kha a hrilhhai thlak a,Amah ka ngaih vang lahin zan tam ka ţap tlaivar a,Rawn let leh a,A bula min hruai ve mai tur thu a rawn sawi kha ka beisei fan zel a,Chung ngaihdan atthlak tak tak nei chung chuan ni te kha ka hmang liam a! Mahse ani chu kum10 hnuah pawh a rawn lang ta lo a,Ka beiseina neih ve zawng zawng te kha an tham ral a,Amah ka hriatrengna te pawn min kiansan tial tial a,Mumang lamah ka hmuh chang erawh in khang huna kir leh chakna leh lunglenna khan min tuam a,Mahse pasal nei tawh ka ni tih ka inhriat chhuah rual rual khan ka mumang nuam tak leh he taksa lumna ka hriatrengna a bet reng ţhin pawh kha theihnghilh ka tum zui ţhin a,Mahse tunah hi chuan khang theihnghilh ka tum ngei mai khan a taksaah min kuah bet leh tlat tawh a,Atthlak zet in a angchhunga ka awm ţhin laia hahdamna leh mi tupawh in min tina thei ngai dawnlo a rinna ka neih ţhin te kha a rawn let leh vek a!
"Kum 100 chuang ral tawh ang ani!" Thaw hawk pahin a ti leh sup a,A aw a thum tawh tih mai loh chu a aw rik dan leh a aw ki hniam tak si te kha ala pangngai vek!
"I hlim tawh em?" Ka chalin a awm ka nawr a,A thaw ri hawk a.
"Zothanmawi i hlim tawh em?Tunah chuan i duhthusam ang ngeiin i hlawhtling ta bawk a i hlim tawh em?" Vin vak ka tum a,Mahse min kuah beh hneh lutuk vang in ka ţawng ring thei lo,Ka thawk a chham lek lek bawk.
"Hlim niin min hmu ami?"
"Aw.."
Rum hawk pahin min thlah a,Ka inla hrang tur chu hneh lutukin ka dar ah a rawn hmer ta chawt a.
"Keimah ah hian kimlo a awm tih i hmu thiam miah lo a maw?" A rawn ti tâwk mai!"Zodinpui,Keimah hian kimlo a awm tih hi i hmu thiam lo nge i hrelo der zawk?"
"I duh ber hlawhtlinna chu i neih tawh kha.."
"Aih...Ka engkim leh ka hmeichhe hmangaih ka la nei tel reng reng hleinem!" Ka hmai zawnah a rawn au tuar a,Ka thawk a chham mai dawn in ka hria!
"Ka bula i thutiam zawng zawng te kha i hre tawh lo tih sawi tum hlek suh!" A ti chhum hmuk a,A palian si,A dar hrawl zet chu mi hmuh chian leh zual theihnan a rawn kun hniam ,Ka mit ah tak a melh ngur bawk!
"Engmah ka tiam lo che.."Ka tisep a,Na tuar hrep ang mai hian a rum chhuak nghal hawk a! Ka dar a hmerna tha pawh a khur ru dar dar thei mai!
"Engtinnge chu thil chu i sawi theih?" A mangan hmel lutuk chuan min ti â ve vek mai dawn in ka hria a.Mahse thutiam bawhchhe hmasa a min kalsan tu chu amah hi ani,Engmah ka hriat reng a ţul ve tawh reng reng lo.
"I hlawhtlinna chu chen la,Keichu i kalsan tawh ka ni a,Khami ni a i kal rual khan ka nun aţang pawh in i chhuak tawh!"
"Zodinpui!" Natna in a hmeh hrep ang mai hian a auin a rawn au chhuak tuar a,Ka mit sulh sulh a,Ka kaihza tha a inthleh(p) hnawk rual in ban tha chak zet in min pawm kang nghal nawlh a,Ni hliah zawng in a rawn kun hniam a,a thim mup a,Ka meng leh a,Ka nat changa mangang vek ţhin mipa hmel buai lutuk leh mitmeng buai nuai mai ka hmu leh a.
"Bawihi,Engtin mah i awm dawn lo.." Kum 10 hnuah ka taksa chhung sawi nghing vek thei khawpa min ngaihtuahna awri ka hriat leh na hmasa ber ani hial ang!
Mit ka meng a,Pindan chhung eng dul ruih leh nizung rawn lut tur hliahnan a parda chhahlo te in zar chu ka hmu hmasa ber a,Thawk ka la a,Ka lu chu a la rit luk a,Chu mai pawh nilo in ka taksa chhung hi a chau ngawih ngawih bawk.
"I harh tawh maw?" Mipa awri thum lam mah zawi zet ka hriat rual chuan ka hawi chhuak dawr a,Khum sira Zothana lo ţhu run ka hmuh rual chuan ka taksa hi a lum nghal pup thei!
"Hahdam tum rawh." A ti leh sup a,Ka kut ka chet dawn a,Amah in a lo hum bo hmak a nih chu!
"Che rih suh.." a ti leh sup a,Lukham ah bawk lu ka nghat thla leh a,Nichin khan nikhaw hrelo in ka tlu ringawt a ni ngei ang,Zothana ţhutna lam chu ka thlek leh zauh a,Hmel tak ngul si hian min lo melh ve run a,Ka tluk aţang khan ka harh leh vat ani mai thei,A thuamhnaw hak a la ngai vek a.
"Khawnge Jayden?"
"In lamah Rachel-i'n a hruai haw tawh." A ti sup a,Ka zawhna bak engmah sawi belh a tumlo tih hriat zet in hmui a chip leh hmuk a,Ka kut a hum chu ka melh zawk a,Ka pawt let deuh a,A aia nghet in a rawn hum a.
"Thlah vat teh.." ka ti hlak,A ner nawk a,A taksa hrawlpui a rawn chet vut rual deuh thaw in ka lu zawnah a rawn innem khalh a,Chung lam aţang chuan min melh nghal run a!
"Helai hmunah hian engvanga awm nge i nih tih min zawh i tum miah lo a?" A mit bula vun chuar langin a ţhen leh suk a,Tim daiin a taksa phen aţang chuan ka hawi kual a,Damdawiin ah ka awm anih hmel!
"Engtin.."
"Nau i pa!" A rawn ti sup a! Ka thisen luang lai hi an ding chawt mai in ka hria!
"Ih.."
"NAU_I_PAI !" A ha seh chilh rán chung in a rawn ti leh a,Ka thaw chhuak ta hawk bawk!
Lawm tur ani em pawh ka hrelo! Nilo,engthil nge maw ka ngaihtuah le,Ka pumah ka thisen ring in naute a insiam mek a,Chu thil chu lawm ngawih ngawih tur ka ni! Mahse...Ka ngaihtuahna ah Zico a rawn lut a,Vawt in min ţham nghal sung sung mai!
Ka pasal fa ngei ka pai a,Nupa dang ang chu ni ila lawm lutuk vang in ka khek chhuak chul ang! Mahse Nupa dang ang kan ni ve tawh lo a,Jayden ka tello a a awm theih ruala min ţhen tum tu fa ngei ani ka pai!
"Haw ka duh.." Rilru buai zet in ka sam ka tuai puat a,Thlan in min bual nghal bawrh bawrh bawk!
"Chu lam chu la ngaihtuah rih suh." Ti sup pahin a ţhutna ngaiah a let leh a,Mahse hetah hian hahdam tak a awm mai mai thei ka nilo,Zico in fa ka pai tih hre ta se..Min that duh mai a ngem?Nilo..Ka pum aţang a rawn chhuah velah min lak bosak daih duh mai ang!
"Chhuah lam chu ngaihtuah rih suh ka tih chu!" Ka tho chhuak tur chu Zothana zawk in khum ah min nem bet ta chawt a! Rum zet hian ka chho melh a.
"Hahdam i mamawh!"
"Ka buaina anih tawh chu!"
"Luhlul chhuah suh aw.." ti hmuk pahin a ţhutna ngaiah a țhu thla leh chawrh a,Ka thaw ta ham ham thung!
Mit ka chhing a,Zico in tharum hmanga min sual luih lai te kha a rawn lang zut zut a,Lisa nen an inzui reng laia a fa ka lo pai chu a lawm hauh lo ang! Tim daiin ka dul la thep thlep chu ka tawk de de a! Ka kut chu kutphah lum vung vung in a rawn hum hnan a,Ka tha khur te chu a hre vek thei hial ang!
"Zico pawh a rawn thleng ţep ang!" Zothana aw zawi sup ka hriat leh rual chuan ka meng nghal kawk a!
"Tunge hrilh tur a ti che a?" Ka ti nghal hlak bawk.
"A pa ania,Hriat a phu i ti ve lo ami?" Ngeiawm lutuk a nuih suk pah chuan a tho chhuak ta vut a!
"I sawi dik in ka hria,I nun ah hlutna pakhatmah ka nei ve tawh lo tih chu kum 4 liam ta khan ka hmu tawh a,I ka ngei ațang ka hre leh bawk a.." Min chhuk melh run pah chuan a ti sup a,A ban rek a sana chu a tuai leh zauh a. "I hlim ka duh ber ţhin tih i hriat kha..Hlim reng ang che.." a kut lehlam a kekawr hak ipte a zen luh pah chuan a ti leh sup a,Engtin mah ka chhang lo,a kal chhuah hma in chiang lutuk in min en leh phawt a! Kawchhung ipik hmel zet a thle sawn chunga a thaw chhuak ham ham chuan cabin chhung boruak chu a ti uap churh a,Kawngkhar a nem hawng a,Rawn hawi let leh tawh lo in a pawt khar a! A kal hmasak ţum ang chiah khan ka kawchhung a ruak nghal vek a! A hma ang bawk a ţap chhuak mai lo tur in khumkhuhna chu ka țham tawm ngawt ngawt a!
Ka thaw chhuak anih chuan ka ţap chhuak dawn tih ka hria!
Ka theih ang a nghet in ka inseh ruh fan fan a!
Mahse kawchhunga natna awm te hi a up bo reng theih bawk si loh! Thawm chhuah lo turin ka hmui ka hup phui a,Ka pasal vang nilo,Kum 10 chuang liam tawh a ka nun aţang kal chhuak ta kal nawn lehna vang in ka taksa hi natna in a khat leh a,A tawp ah phei chuan thaw ipik lutuk in ka au chhuak ta tuar a!
Mit ka men leh chuan dim light a lo eng raih a,Engtia rei nge ka mutthilh pawh ka hrelo,ka rilţam dan ah chuan thimhlim mai mai anih ka ring ta lo ve tawp!
Ka che deuh a,Ka khum sir tukverh bula mihring pahnih ka hmuh rual chuan ka meng phar nghal dawr a! Lisa lo nui suk leh Zico a thinrim nge tih pawh hriatthiam loh khawp a min lo melh run tu te vang chuan ka kawchhung hi a rawn inlet but but thei mai!
"I harh thei maw?" Lisa aw no zet leh zangkhai vah,Min zahpahna nei hlawllo ri vang chuan ka intih chak a ngai zual sauh tiin ka infuih a.
"Nau i pai a." A ti leh zat a.Chhan enah ka en lo.
"Zanin chu hetah i riah angai ang,Chuan.."
"Lisa.." Zico zawk in a lo pawt chat vat a! Lisa ner deuh nawng ah chuan tham lo tak tak a min ţawngkhum kha ala kham hlawl lo tih a lang reng!
"Lo va chhuak rawh." Zico chuan a ti sup a.
"Keimah hi maw?"
"Aw,ka reilo ang." Zico vek chuan a dinna ngaia ding reng chung chuan a ti a.
Lisa kal tau nghawng nghawng chuan dimlo baksak in kawngkhar chu a rawn nem khar bur a!
"Ka fa i pai leh ta si a!" Zico aw ri tawrhhlelhawm zet vang chuan ka inseh ruh țeuh a!
"A țhatloh lem loh chu!" Amah vek chuan a ti leh a,A dinna aţang a rawn pen chhuah tak ah chuan rang zet in lukham chu ka hma lamah ka kuah bet ta chawt a.
A nui hmel ngeiawm lutuk ah chuan lo ben leh chawrh mai hi ka duh a!
Khum a tlakdalna in vuah chu a rawn hum a,Ka melh let ve ran a,Natna min pek ang zawng zawng kha pek let ve ka duh a,Chutih rual erawh in țek tlak hmaa kawlphe a awm hmasa zel ang chiah hian min tlan khalh in ka sual let ve dawn pawh a suallet thei lo tur khawp a hmanraw tenawm tak hmang chung a min vau beh a thiam em em mai bawk si!
"Fapa hrin tum ang che.." a ti a,ka beng bulah a rawn kun hnai a,"Hmeichhia anih chuan a pian chhuah hma in i taksa chhungah a thi hman tih i pawm thiam a ngai dawn nia.." ka biang ah a hmui in a rawn nul thuak a.A thinrim phun riin a zui nghal zat bawk!
"Mihring pawh i nilo!" Ka ti tuar a,A hmai ka hamna aţang thisen rawn chhuak ţiam ţiam chu a kutțang in a tuai zauh a! Engtin nge hetiang tak hian ka chungah a nunrawn em em theih!
"I pum ah khan ka fa insiam mek lo se chuan i thil tih man hi i hmu let khawp ang." Ti hluk chung in min ban vut a,Ka tukhum samah a kut a zen chho a,Min kuai dak nghal awrh bawk!
"Hre rawh...i lak aţang ka mamawh awm chhun chu fapa chiah ani..Fapa i neih theih nan țawngţai char char ang che..Chu thil chu i tan leh saw hnuchham in tana ţha ber tur chu ani!" A rawn ti a,Ka inrin hma in ka tukhum sam a ţham reng chung chuan ka hmuiah a rawn fawp nawk nawk a,Sakawlh bawlhhlawh lutuk in min fawp ah ka ngai ta ber mai!
"Zico,Tinge hetiang teh thlawt a rawng hian ka lakah i chet a...?" Min thlah rual chuan ka ti ta thlawt a,a nui huk a,Muangchang in ka harh tirh a lo dinna tukverh bul lam pan chuan a let leh a!
Kei hian a huat zawng tak thil tihsual lian tak lo nei ni ila chuan a chetdan nunrawng tak leh tenawm tak tak te chu chumi vangah chuan ka la puh sak thei ang,Mahse tunang teh thlawt a ka laka a chet theih tur khawp thil tihsual ka neih ka inhre bawk silo,Nupa hlim tak ni ţhin kha meivap chhem darh ang maiin kan hrang ta hlawk a,Chupawh chu ka tan a hrilhhaithlak tawh lutuk,Chu a chhap ah rawng tak tak leh mihring nun a thleng ngailo tur hial a ka lo ngaih ţhin ang chiah in ka lakah a che zawm a!Anchhe dawng tu nih ai pawhin tuna ka nun hmandan hi chu a rapthlak zawk daih! Ka thil hriat ve loh vanga kan nupa kehchhe mek pawh hi hmeichhe awmnem zawk tuar atan chuan a lian tham a! Chauh ngawih ngawih na tham.ani bawk.
"I duhphawt chuan keihi min ţhenin Lisa nen in innei thei reng alawm,Ka nun hremhmun ang maia chantir tur hian i lakah thil tihsual ka nei reng reng em?" Ka ti a,Ipik lutuk in ka ban chu ka phar zuau a! Mak tak maiin Zico mit ah chuan reilote chhung hi min lainatna a rawn lang zawk a,Min hnungchhawn in tukverh ah chuan a dak chhuak ta daih!
"Ka lakah engmah tihsual i neilo.."
"Mahse tinge heng thil hi ka chungah i tih?" Ka ti leh a, Ka ţap thei mai dawn in ka hria.
"A chhan chu fapa ka mamawh!" A ti hmuk a.
"Lisa nen pawh innei thei reng alawm.."
"Aw, Țawng duah lo teh, Lisa chu ka hmeichhe hmangaih ani a,Ani nen fa ken neih leh neih lo chu kan duh thlanna ani!" Rawn inher vut pahin a ti tuar a!
Ka taksa chu a hit khawng vek ni ber in ka hria! Ka beng ah chuan ka taksa chhunga lungphu ri dup dup chu a rawn lut ta mai emaw tih tur khawp in ka lungphu chu a rang a,a ring bawk! Lisa nen an inkawp hi hrelo ka nilo a,Mahse ka hmaah ngei a hmangaih thu a sawi chhuah ka ring ngailo! Ka tha a zawi riai riai a.
"Fapa hring tur in dil ang che..Chu chu i tana ţha ber ani!" Ti nghut pahin room chhung aţang chuan a chhuak a,Kawngkhar a rawn kharphui rual chuan ka sam ţham tawk chung in ka au chhuak ta chiam chiam a! Tinge?Engatinge heng thil hi ka chung ah a thlen bik?
Lisa chu a hmeichhe hmangaih ani a,fapa duh vang in kei min nei thung a maw? Ka chan chu tlawm ka ti lutuk a,Chu ai mah a rapthlak zawk chu Lisa nen fa hring duh silo in kei hmanrua ah min hmang a,Ka nun an ti chhe vek bawk a!
Thil thleng zawng zawng leh Zico thusawi te kha a tak a thleng a nih loh beiseiin thawk ka la a,ka ţap tam tawk bawk ani ngei ang,ka lu a hai chhulh a,Ka thinchhung hi thawk chhuah hrehawm khawp in a rawn tawt a! Zico nei tura thuthlukna ka siam rual khan he thil thleng tur hi ka pawm fel reng a lo ni vek zawk bawk a!