TE DOY 15K BY Abbra Reo Ririni Khiangte (Pitartei) (Completed)

[ngaia]

A rawn che vut a,Ka awmna lam chu bing zet in a rawn pan a,A hmel landan tak ngul leh thil kal tawh vang a a taksa chhung ipik hmel lutuk vang chuan rilru mumal a pu tawh lo hial in ka hria!


Ka ţhutna lam kawngkhar a rawn pawh hawn pawp rual chuan ka khek chhuak tuarh. Zothana pawh a rum ri hawk mai!


Mahse engtinmah min rawn tawk lo a,hlau zet hian ka dak chhuak a,A khaberuh kual lianpui che deuh pah hian a ang zuau a! Mahse engmah sawilo in bolero hmalam chu a ngheng a,a ban hrawlpui chu a kuangkuah a,Bing tak in Aizawl khawpui lang tle tuar lam chu a melh ta ngur a!


"Zothan.." A kut kuangkuah phelh miah lo hian min melh zawk a,A hawisawn leh vut a.

"Zothanmawi!" Ka ti tuarh,Ner nawk chungin a rawn che vut a,kawngkhar ah tak chuan a rawn ding a,a hrawl bawk si! Min chhuk melh nghal run a!

"Lehkhathawn i sawi chu pakhatmah ka dawng lo..." ka ti a,Ka sawi zawh hma sia a lo ner leh nawk vang chuan motor chhunga ţhu reng chung chuan ka tlawh nghal zawt anih chu!

A meng awk a!

"Ka dawng lo ka tih chu..Chuan..Inneih sawmna card pawh ka lo thawn lo che.."

"Huh!" A nui che dawt a,Rum deuh a melh pahin ka tlawh leh zawt a,Mahse hneh lutuk in ka ke rekah a rawn hmer chawt a,Min din hnaih zual sauh pah in a rawn kun hniam a!

"Mipa dang i hnaih ka phallo ka tih kha.." A taksa hrawlpui chu a rawn awm lut tial tial a,A chal in ka chal a sik hma si chuan ka thlesawn zeuh a,Rum hawk pahin ka darah a chal in a rawn nawr ta thung a!


"Lehkhathawn engmah ka dawng lo,Chuan min rawn thawn ka ring em em reng zawk a.." ka ti sep a..Thawk a lak pah a a taksa a che awm bak hriat tur dang a awm lo.


"Nitin khan lo let in i bulah min hruai ve mai rinna kha ka nei ţhin a..Mahse kum 5 hnuah pawh i chanchin hriat tur ka hre ta silo a.."Muhil ang chiah in thawk ala a,Pawn lamah a taksa ala awm vek a chu ka darah a chal rawn nghat in min bawh ti tih a.A taksa lum vung vung chuan ka naupan laia a chunga min pawmbet ţum ang chiah khan min ti lum pha ve vek a!


"Min theihnghilh tawh emaw ka ti zawk a sin.."

"A teuh lo.." A rawn ti ţuak mai! Za lo zet hian ka nui lui hak a!

"Tunah chuan i kal bo tawh dawn lo tiraw?"

"Awm turin min duh em?" A ti a,Ka ţhutna seat chu a ban in a rawn nem a,Kan hmai chu a insi lo chauh! A mitmeng hmuh hrehawm khawp a sen rum mai kha a kiang hawk a! Engnge ka hmuh chiah ka hrethiam lo! Mahse ngenna erawh ka hmu chiang hle thung!


Lu ka bu zeuh a..A hmui bul a vun chuar awm raih in a nui a.

"I bula awm turin min duh a ngem?" Kan kiang hnai ah midang awm ve mahse a aw zawi tak si leh thawp sup chu an hre phak ve kher lo ang,Ka tan erawh ring tak ani! Ka kawchhung lam thleng in a fan chhuak vek!

"Umm.."
"Sawi rawh.." a ti a.A chalin ka chal a rawn nawr zui dat a!
"Ka bulah awm turin ka duh che.."Ka ti a.A thaw hak a!
"Sawi leh rawh.." a nui tih hriat zet in a aw ri chu a ni hak mai bawk.

"Ka bulah awm turin ka duh che.." ka ti a.A awm hrang hlek a!
"That's my girl!" A hmuiin ka chalah a rawn nawr ve rual chuan ka ţah nuih hi a ni ber!


Bolero pawn lamah chuan a ding reng a,Mahse ka țhutna ațang a taksa ka nghen theihnan a insiam rem a,A taksa chu ka ngheng a,Zico thil tum leh ka seilenna Home hmanga min vau beh dan te chu ka hrilh a,Thinrim in control tih hriat lutuk a a taksa nghet țha zet in sehruh ţalh ţalh te chu ka hrechiang ngang mai! Ka sawi lai ngei ngei te chuan țah chhuah hawk chang ka nei a! Duat tak in ka sam ah a chul hauh hauh a,Ka naupan lai ang chiah khan ka mittui a rawn tuai hul a,Ka chal ah a fawp leh a,A mitmeng thim raih a min lainatna lang chhuak ka hmuh rual te chuan ka lung a chhe zual telh telh a! Ţap ţiau chung in Jayden awm hran theih ruala min ţhen a tum thu ka sawi zawh rual chuan Zothana zawk a rum chhuak hawk a!


A awm ah nghet lutuk in min kuah bet ta tlat a! A angchhunga awm hahdamthlak zia ka hriat thar leh phah ta bawk a!A lungphu ri ngaithla reng chung chuan mit ka chhing a.


"Ka nunna ai pawh in ka hmangaih che a,Venhim che pawh ka tihtur ani!" Nghet zet in a ti sup a.

Engtinnge hma a lak zel dawn chu ka hrelo a,Mahse Zothana'n ka bula thil a sawi reng reng tawh chu a la ti hlawhtling ngei ngei ţhin..
.

Ka phone rawn ri thut vang chuan ka tal aih a,Zothana chuan dimte in min thlah a,Mami min lo call na ka hmuh rual chuan rang zet hian ka chhang a!

"U Din,Khawnge i awm,U Zico a lo kal a.."Hlauhthawn hmel zet hian a rawn ti a,Ka thawk a rang nghal vek bawk.

"Ih..Washroom i hmang lawk tih ka sawi a,Lo let vat rawh.." a ti leh zung zung a,Phone a tihtawp rual chuan ka thawchhuak hawk a.

"Zico a lo kal.." Zothana inseh ruh ţeuh ka hmuh rual chuan a ban ah ka vuan vat a.

"Ka zui let ang.."

"A ţul tawh lo,Keimah nen kan kal ang.." a ti hmuk a,Lu ka thing vat a.

"Zothan.. I ruahmanna kha buaipui tlang zawk rawh,Kan home sawn a tuar ka hlau tak tak ania.." ka ti halh a."Tunah hian remruatna ţha kan neih loh chuan ka nu leh pa leh kan unau dangte sawn an tuar vek thei,Chuan tun a thil thleng hi ka nu leh pa te rawn phawt a ţha kan tih tawh kha.." ka ti a,Mit a chhing sawk a!

"Khawngaih in..."

"Jayden hi chan ka duh lo.."

"I chan dawn lo.." rawn ding hnaiin ka biangah a rawn vuan a."I chan dawn reng reng lo..."

"Umm..Tunah hian ka zui haw ve tawp che anih chuan uire ka ni dawn a,Zico ang chiah a tenawm ka ni dawn bawk,Nang pawn min tiam bawk a,Zico nen inzawmna kan neih chhung chuan nangnen inzawm na kan nei thei lo.."

"Ka hria.." a ti hrawih mai!


"Nangmah ah rinna zawng zawng ka nghat vek a,Min ti beidawng ngai dawn lo tih ka hre bawk.." ka ti a.A thaw hawk a,Mipa a ni a,Min hmangaih thu a sawi bawk,A hmeichhe hmangaih ber mipa dang nen a cheng dun tir chu a hrehawm ang tih ka hre bawk a,Mahse he thil thleng hi Zico leh Lisa hian kum tam tak liam tawh aţang an lo plan lawk vek tawh ani dawn a,Remruatna fel tak nen lo chuan an che dawn lo a,An pahnih thang ah awk let in an mualpho tur ai zawng zawng kan mualpho theih mai bak ah kan home leh a chhunga cheng te zawng zawng sawn an tuar zui dawn a!Tun tut tut ah Zothana hi ka zui haw ve ngawt thei lo!


Zico car in kan inkhalh let a,Engvang a rawn kal ve ngawt nge a nih ka hrelo a,min be lo a,Ka be lem lo bawk,Jayden chu ka malchungah a muhil a Lisa nen an thil tum chiang tak a ka hriat chhuah vat theih nan ka țawngţai zui mawlh mawlh bawk a.


Zanah pawh Jayden room ah bawk ka mu a,Ka harsatna tawh zawng zawng hi Zothana khan ka nu leh pa te a hrilh kher a ngem ka hrelo a,Achhan chu hman a ţang tawh ka nu leh pa te rilru hahna belhchhah zawng a awm a duh ngai lo a,Pawimawh hmasa ber chu Zico leh Lisa te thil tum hriat chhuah hmasak ani ta ber anih chu!


"Thil i ei ţha em?" Hnunglam aţang Zico rawn țawng ri ka hriat thut vang chuan ka khuh chhuak țhawt ţhawt a,Rang lutuk in choka ah a rawn pen lut a,Ka hnung a rawn beng zui zat a.


"Tui hi in rawh." Glass no a tui rawn thlit chhuah pah chuan a ti a,Ka ban vat a,Ka salad ei lai pawh chu a rawn nawr sawn zui vut a.

"Ka țha.." ka hnung a rawn beng leh tur chu min khawih zui lo tura ka duh zia lantirnan ka kut in ka lo vai sawn a.

"Salad mai mai ei lo hian thil dang ei ta che. " a ti zui hluk a,Ka melh phawk nghal hra mai! Thla eng zah nge ka thil ei ţhat leh that loh pawh ngaihven lo a a sapa tal tawh!

"Ka ei chaklo alawm.."

"Ei chaklo pawh nila i pum chhunga naute vang tal khan i ei luih a ngai.." a ti a.Za lo zet hian ka nui hak a! Kei nilo in naute a lawm a ngaihtuah zawk chu!

"Ka lo hrereng tawh dawn nia.." ka ti hlak a,Chair aţang ka tho chhuak a.

"Kalsawn ringawt suh.." Ta deuh deuh chuan!

Min nem ţhu leh a,Ka salad bowl chu a thlek zauh a,Nichin khan ka hakna lamah ka khuh per a,Ei leh chi anilo hrim hrim!

"A dang ka siam ang che.." bowl laksawn pah chuan a ti a,A awmdan chuan min shock lutuk tih bak sawi tur ka hrelo!
Jayden ka pai lai kha chuan ka eitur zawng zawng te thleng in a siam vek zel a,Lisa rawn lan a ţang a mize dang ta lutuk leh min sual luih a chin aţang phei kha chuan tun ang a min ngaihsak derna a lantir hi ka ring tawh ngailo hrim hrim!

"Babe,Black pepper hi tel ila a pawi em?" Choka chhungril lam a ţang a rawn au lang lang a.Hei pawh hmanrua mai ka ni tih ka inhriat chhuah hma a awm ţhin dan bawk!

"Engmah siam suh,Ka ei chak tawh lo.." ka ti hlak a.

"Chaat masala ka telh sak bawk che.."Bowl chawi chung in a rawn let leh der tawh.

Ka hmaah a rawn dah a,A lak aţang mit ka la sawn miah lo bawk!

"Tur i tel em lo ang chu maw?"
A thaw hawk a!
Amah zawk in fork a awm sa chu a ei a.
"Ti khan engmah ka telh lo tih chu i ring tawh em?"
"Ka ei chak tawh lo.."
"A pawilo e,Ka barh lui thei tho che alawm.." a rawn ti a,Ka melh leh rawm phawt a!
"Ei chhin rawh,Junior i pai lai kha chuan chaat masala telh tam kha i duh ţhin a.."
"Sawi tawh suh.." nghet zet in kut ka hum ruh nghal nghek a! Khang hun lai te khan min duh ve tak tak emaw in tiin hmeichhe vannei ber ah ka inngai ţhin a,Mahse kum tlemte a ral leh meuh chuan min duh vang nilo in a hmanraw pakhat,Khawl ang mai a a fapa hrinsak tu satliah mai ka nih zia min hriatnawn tir leh a!
"Ei rawh le.." a ti leh a. Zuau lo turin ka infuih ru fan fan a,Hmeichhe mi tak anih vang reng pawh a ni ang,Ka chaklohna lai te kha a hria in a chetdan ho te te avang khan keilah ka lo luangliam thuai zel a,Ka naupai vang in ka danglam lutuk lo ka ti zet a chu..A hma zawng aiin ka zuau tih ka inhre thar ta kuar kuar bawk!


"Naktuk in checkup anih kha aw." Ka bulah a ţhu ve reng a.ka bu nghat a.
"Chuan..." a țawng peih lutuk leh min vin vak vak lo te chu thil mak ani e.
"Ka birthday i theihnghilh ania.." a ti leh a,Ka fork ken lai chu bowl tlang ah nghat in ka melh vat a.
"Happy birthday."
"Ka lawm e.." nui paha a rawn tih tak ah chuan ka nui ve hak a!
"Birthday kiss takngial pawh ka hlawh lo ang maw?"
"Zico!" Hmeichhe dang aw in a rawn ti tuarh a,Kitchen luhna lam ka hawi rual chuan thinrim insum tih hriat zet in Lisa a lo ding ran a! A thinrim belhchhah zual tur sauh in ka nuih sak a!

"I hmeichhe hmangaih a lo kal lawm..A lak aţang birthday kiss chu i dawng mai dawn nia." Zico melh zeuh pah chuan ka ti a.

Lisa kal tau nghawng nghawng chu muangchang hian a umzui ve a.

Nileng in inah kan awm a,Zico hna ah a kal a,Zothana pawh hna vangin a zin chhuak a,Naktuk ah a rawn let leh nghal dawn thung!

Tlai lamah Jayden thuamhnaw hak tawh loh dah chhuak pahin a room lamah ka awmpui a,Car lem lianpui hi a room awl zau ah hian kan hung a,Achang chuan khalh kual hi nuam a ti ve in chaw ei loh phah țhaknan hman a ching ve zeuh zeuh zel.
Jayden room kawngkhar a rawn intheh hawng bur a,Ka phu zui dawrh bawk!

Jayden pawh in kawngkhar lam chu phawk hra a melh in a kutțang pahnih a ka chhungah a dah lut a.

Zico harhfim hlawl lo leh a kut a lehkhaphek keng chunga rawn lut chu ka lo melh ran a,Zing lam a a boruak nen chuan dang tak ani ringawt!

Ka hmaah tak a rawn ding a,A mit a sen rum a,Zu rim a nam rum rum bawk a!

"Nang mi h*r nu!" Ţeng chuaih a a au ţhawt rual in ka lu a hai chhah nghal mup a,Jayden chu mangang lutuk in a țe chhuak ta chul bawk a!

"Zico.."

"Jayden hi tu fa nge?" Ka hmai zawnah tak rawn kun hniam pah in a rawn au leh tuarh a! A zawhna vang chuan ka nghilh dup thei mai!

"I fapa.." ka ti chhuak thei ţawk a,A rum hawk a,Ka darah dimlo lutuk a rawn nem nawk rual chuan chhuat ah ka thal zui tawl a,Jayden a ţap an nasa ngang mai.


"Ka fapa nilo..Tufa nge ka tih chu!" Ka tlu tawh chu ka chhip samah a rawn ţham tawk a,Min phih tho a,Ka hmai zawn ah a lehkhaphek ken chu a rawn pharh a.Ka lu chu lehkhaphek lamah chuan a nawr lui leh ta vak a.
"Zico.."
"Țawng țawng lo khan lehkha a inziak kha en rawh."

Thawk ka la vak a,Ka hmaah thinrim kut khur dur dur chunga a lehkha ken chu ka bih a.Ka awih thei lo zawk!

"He thil hi tu hnen aţanga i hmuh nge?" Ka ti a.Zico leh Jayden te DNA test result a ni a..A result ah chuan an pahnih thisen a inmillo.
"Ka dawnna i tan a pawimawh lo."min ben leh mai a chak hmel tak zet!
"Zico..i fapa ngei anih hi.."
"Result ah hian tinge a in mil siloh."
"Tunge result hi pe che.."
"Lisa.." a ti tuarh a,Jayden lah thlabar tih hriat zet hian a ţap chhuak rawng rawng a.


"Saw naupang phiangsen saw tu fapa nge." Lehkha chu hlawm khawm in min vawm a,A chetdan hlau thlabar a Jayden ţap hawm hawm lam chu a pan ding nghal zat a!


"Zico, Jayden kha kutthlak hlek suh." Engtik laiin nge an bul ka thlen phei hman ka hrelo,Jayden chu ka kuah bet chawt a,Ka ngum hi a na chhah nghal mup a! Ka mittui a hnam sawk thei!


Zico bawk chuan Jayden chuanna car chu a rawn tlawh leh chawrh a,Ka fapa mangang khek chul leh ka tai zawn na hit zawk te chu chiang lo riai hian ka hria a.Ka kap zawn a lum chhuak pup a! Ramsa kawlh zet lak aţang ka fapa hum tum chuan nghet leh zual in ka kuah bet a,A nat ka phal reng reng lo!