TE DOY 15K BY Abbra Reo Ririni Khiangte (Pitartei) (Completed)

[ngaia]

mai ah ka hmang ve ngailo ang,Mi nupa in karah ngat phei chuan ka inrawlh ve ngai lo ang!

"I chhel e,Engtinnge khatiang na lutuk tur kha hospital pan lo a i tuar chhuah theih le.."Hmeichhe Doctor bawk kha ka cabin a a rawn luh rualin a ti a,Zalo zet hian ka nui sak ringawt! Ka chhel vang nilo in khang ramhuai pahnih khan ngaihtuahna mumal hmang thei lo a min siam vang ani tih chiang lutuk in ka hria!

"Engtia chhiat nge i nih tih ka zawt dawn lo che a,Mahse i naupai lai chhiat tih in hrelo khawp a i awmdanah hian buaina engemaw tak i nei anih ka ring."a ti leh a,I sawi dik ka lo ti ru mawlh mawlh bawk.

"Thil ngaihtuah ngut ngut lo la,Hmeichhia hi chu kan chhul nen hian kan inzawmna a thuk a,Hahdam taka awm tum hram ang che aw.."Nui var varin ka drip khai lai chu a rawn adjust a,Ngaihtuahna hmang chiam chiam tur pawn engnge ngaihtuah ber tur ka la hre miau lo!

Cabin kawngkhar a rawn in nem hawng a,Zothana hmel tak ngul mai ka hmuh rual chuan ka lungchhe thar thut maiin ka hria.Ani hi nizan khan rawn kallo se chuan ka pumchhunga ka naute thi ngei pawh ka hrelo a nga,Zico in kei aiin a hrechhuak hmasa anih phei chuan chintawk awm lo khawp a rapthlak in ka chungah a che leh duh mai ang!

Doctor chhuah hnuah chuan ka khum bula ţhutthleng ah chuan a rawn ţhu thla a,Ka kut a rawn hum rual chuan ka mittui a luang thla pap a,Rang zet in a rawn tuai hul nghal vat bawk!

"Ka tihpalh.."Zawi sup in a ti a,Ka kut a hum chu a hmuiin a rawn nawr a.

"In nupa in in zin chhuak tih Racheli'n a sawi kha awihlo tur ka ni asin."

"I thiam loh anilo.."

"Nilo..Bawihi,A thusawi kha awihlo ila chuan in ah khan a aia hmain ka rawn kal anga,Ka hruai chhuak hma thei bawk ang che."A ti tâwk a!Engtinnge Racheli pawn dawt chiang lutuk a sawi theih ka hrelo a,Chutiang bawk in Zico nu pawh,An chetdan ka ngaihtuah chian apiang hian ka thinrim thar a,Ka pum a naute ka chan phah bawk a!

"Hremna pek let ka duh." Thinrimna vang in ka aw chu a khur ru dar dar mai! An phu tawk hremna ka pek let ve hma chu ka hahdam thei ngai lo ang!

Ni thum chhung Hospital ah ka awm tawh a,Zico chanchin hriat ka neih loh ang bawk in hriat zui ka mamawh lem lo bawk a,Lisa kha haw tawh lo in an inkawl zui hial mai thei! Mahse an ni pahnih hi ka en liam mai mai hauh lo ang! An tlachhe lai ka hmuh hunah chiah ka hahdam thei in ka ring!

Cabin kawngkhar a rawn in kik keuh keuh a,Zothana'n min awmpui reng zel a,nichin mai khan Jayden ngaihven tur in a haw zawk a!Amah anih hman em em ka ring lo!

Ka beisei loh zet in U Machhani a rawn lang hlawl a,Ka beisei lo lutuk tih piahlam ani!

"Ehe!" Ka ti hluai a,A nui var var a,Naute a rawn hruai tello tih hriat zet hian bag nu zem a ak bawk a,Amah hmeichhe nu sa anih tawh tehreng nen,a lang nu hnap tiin a landan hi sawi ila a dik ber ang!

"Faith-i a sual ve reuh lutuk a,Ka rawn kal thei lawk lo a,I ţha tawh em?" A ti zung zung a,A bag chu dawhkante sang awmah chuan a dah a,Khum bul ţhutna ah chuan a rawn țhu ve vat a.

"Ka țha tawh lutuk.."

"A zialo e,chanchin ka lo hria a. "A ti leh sep a,Zalo zet hian ka nui ta ringawt a!

"Ka nu khan Jayden a rawn hruai haw ringawt a,Zico nen in zin chhuak tih a sawi a,Mahse Jayden rawn harh ţap nasa lutuk ah khan thil diklo a awm anih ka ring ve tawp a..."A ti sep a,Ka melh ve ran a,A mitmengah chuan min khawngaihna a lang chhuak a,Mahse ani pawh hi Zico nu ang chiaha rilru dang daih pu tu ani reng thei!...

"Zothana'n i chanchin min rawn zawt a.."A ti leh sep a,Ka meng nghal kawk a hmuh rual chuan ka kutah a rawn hum a!

"Vincent hi Zothana ani tih ka hria alawm.."

"Engtin.."

"Sawi dawn chuan a tam lutuk,Kum 8 kal ta khan ka hre daih tawh alawm!" A ti leh a,Mak ka tihzia chu ka hmelah a lang chhuak ani ngei ang!
"Delhi ah interior design ka zirlaiin kan inhre tawh alawm!" A ti leh a,Ka thaw hak a.

"Zico nen pawh hian ţhian inkawmngeih lutuk an nia.."Ka hre sual anih ring in chiang zet hian ka melh reng a.

"A dik alawm;Kei te,Zico te,Lisa te hi rualkhat kan nia,Delhi ah lehkha kan zirho vek ţhin a,Zothana hi chu keini aiin a u deuh a,Chulo ah Lisa nu leh pa sumdawnna a enkawl vang khan kan in hmu ve ngailo,Mahse kum 8 kal ta khan buaina ka tawk a,Tah chuan min rawn ţanpui a,Ka tan chuan unaupa ang chiah ani mai!" A tih zawm leh zat a,Sawi tur hrelo in ka ngawi kar a!

"Lisa leh Zico te inkawp hi i hre tawh tho ang a,Chung hun lai daih tawh chuan an cheng dun tawh a,Brad nen hian kan inneih takah khan Mizoramah kan awm ve ta bawk nen,Zothana nen pawh a khat tawk bakin kan inbe ngai tawh lo,Mahse chung hun lai chuan hmeichhe pakhat hmangaih a neih thu hi a sawi ve ţhin a,Nangmah i nih hi ka lo ring ngailo hrim hrim.."A ti leh sep a.

"Min hmangaih tih i bulah a sawi a maw?"

"Umm,I hming erawh a lam ri ngailo,in naupan lai chanchin sawi kha nuam a ti a,I hming erawh tu hriatah mah a sawi chhuak ngailo,Mahse Zico nen in inneih dawn khan nangmah i ni tih hi ka hre chiah!Zico leh Lisa hi an inthlah bawk silo a,Nang nen khan in innei ta daih bawk si a,A tir kha chuan mak ka ti ţhin a sin,Ka tan thil lo sawi vak kha a nuam bawk silo a,An pahnih awm dan chu i mit ngeiin i hmu tawh a,I hre bawk a,Tuna ka hrilh chhan che hi chu rilru natnan hmanglo la ka duh vang zawk ania,Zothana leh Zico hi an inkawm ţhin ka tih tawh kha,Lisa nen an inkar engkim a hriatpui a,Mahse Zico nen in inneih dawn khan Zothana hi a rawn tal buai a,Aaa..Diktak chuan sawi tur a tam lutuk,a lehkhathawn che i chhanlet ngailoh thu te..engkim ka bulah hian a sawi ve ţhin a,A ngaihdan chuan amah kha i duh ve lo ang ah a inngai a!" A ti leh a,Lehkhathawn an sawi ve ziah hi ka hre bawk silo,Khang hunlai khan lehkhathawn pakhat pawh hi ka dawng ngailo hrim hrim!

"Khatia Zico nen in inneih sawmna card i thawn te khan Zothana hi a na lutuk a,Ka hriat tirh ata a vawikhatnan zu a in ve a,Nangmah vang khan a buai hi ani tawp mai,Zico leh Lisa an la inthlah lo tih hrechiang ber tu ani bawk a,A kalsan che kha dik a inti biklo,Mahse engkim a pek theihnan che a kalsan che ani a,Nanglah in i huat phah vang nge biak pawh a tumna che reng reng i chhanglet ngai bawk silo a,Zico nen in inneih ni pawh khan a rawn tel ve a.."A ti leh a.

"Chu thil chu ka hrelo."

"Umm,I hrelo ang,i hriat a duh lo bawk a,Mahse khami ni khan mipa pakhat thinlung na a ka hmuh na hmasa ber ani hial ang,Inneih hunserh a zawh khan a kal bo a,mahse honeymoon in hmanna hotel ah khan zankhua in a awm ve asin.."A ti leh a,Nghet zet in khum khuhna ka ţham tawk ringawt!

"Jayden pian hlim a video a ka lak reng nachhan pawh Zothana min ngenna vang ania,Ka phone a Jayden i pawm lai thlalak a a hmuh hmasak ber ţum phei chuan phone screen a i hmel lo lang kha a kutin a chul a..." harsa ti zet hian a thaw hak a..

"A mittui a tla bawk asin!" A ti leh sep a,Vih sawk ang chiah hian ka thin zawn hi a na zawk mai!

"In inneih ațang khan Lisa hi a theih ang ang in a khuahkhirh ve a,Vawi tam tihluihna hmang in pindan ah kalhkhum a ching ţhin bawk,Mahse chu chu Zico Mizoram chhuahsan a Delhi a alo kal chang in ani thung,Lisa leh Zico bulah nang hi a hmeichhe hmangaih i ni tih a sawi chhuak ngailo hlauh kha i vannei nge i vanduai zawk! Zothana'n khatia Lisa a khuahkhirh tak ațang khan Zico nen an inkar pawh a chhiat phah ta vek a,Zico ngei pawh hi nupui nei lai anih tih hrilh a,Lisa nen an inkar titawp turin a hrilh fo a,aaa..Sawi tur a tam lutuk,Mahse ka theihnghilh leh theih tawh ngailoh tur chu Jayden~a piang hlim video ka lak en chung a a mittui tla kha ni!A tan a natdan tur hrethiam kêlh lo mahila, Mipa,Ka hriat theih chin a chhel em em leh tumruh em em mai kha a hmeichhe hmangaih ngawih ngawih in mipa dang fa,Chu pawh hmeichhe dang a kawpsan reng tih a hriat chian em em fa a pawm a,Nang lah in engmah i hre ve bawk silo nen khan Zothana tan kha chuan ana dawn lutuk hi ani tawp mai!!" A ti leh a,Sawi ve tur pakhatmah ka hrelo!

Lisa leh Zico awmdan en khan hriat chhuah hun ila nei dawn tih a hria a,Mizoram ah in a sa ta tawp a,I hriat miah loh khan a veng him che asin,Zico an Mizoram a chhuahsan reng reng in Lisa nen an inhmuh loh nan rem a ruat ziah a,A tello in i hlim tih a hriat khan engang pawh in na mahse hlim a zir ve a,Zico nen in inkar ah hmeichhe dang an tlakzeh loh nan khan a bei a,Lisa pawh hi nikum kha a zir chhuah hun ani tawh a,Mahse zirna a zawh rualin Mizoramah a rawn let anga,Zico nen a an khawsak dan tur a hriat lawk vek vang in a zirna lamah Zothana hian harsatna a siam sak a,Kum khat chu backed paper a neih phah ta reng bawk,Mahse chu thil chu tumah in an hrelo ang,Kei leh Zothana chiah in ka hria,Zico khawsak ţhin dan i hre lo kha a mak ngawt zawk.."

Za lo zet in ka nuih hak a!

"Ka chhungkua ah khan ka hlim tawk em vang aniang!" Ka ti sep a!

Khum ah ka mu meng kar a,U Machhani a let tawh a,thil tam tak ka hriat loh ka hriat belh phah ta țeuh bawk a! Khang hun lai zawng zawng khan Zico hi rinhlelh theihna tur ang in vawikhat pawh a awm ngailo a,Ka tan kha chuan ngaihțhat loh ngaihna a awm lo hrim hrim! Ka ring em em reng a,Ka tan a mipa hmasa ber anih vang leh tawnhriat ka neih loh lutuk vang te khan bum nuam min lo ti ngawt ang chu!

*Jayden a muhil tawh em?*

Zothana message chu ka chhiar a.

*Umm,Tinge?*

*inbulah ka riak ve duh* teh tawp a!

Hospital aţang ka chhuah ațangin ni hnih a liam leh tawh a,ka bula ka fapa muhil sek sek chu ka melh zauh a!

*A ţullo!*

A seen a,Min reply lo thung!

Kan nufa mutna kawngkhar lock ri khap ka hriat rual chuan ka țang nghal țeuh mai! Pajama leh shirt dum lian lam mah ha chunga Zothana rawn lut mek chu rum zet hian ka lo melh nghek a! A nui suk ringawt!

"A țullo ka tih kha.."Jayden tih harh ka hlau bawk si! Ka ţhu chhuak tur chu khumah a rawn lawn a,Ka sirah a rawn mu a,Ngei zet hian ka lo melh nghek bawk!

"Ka ngai che alawm!"

"Zothan,Naupangchhia deuh a awm hun pawh anih loh hi.."Zawi si vin zet hian ka ti hlak a,A rawn inbeng kan vut rual chuan ka ip chawih a,Ka hmai zawnah a rawn nui suk a,Mahse ka taksa bawh bet lutuk silo in ka sira Jayden muhil lai biangah chuan a fawh sak te zeuh a.

"Naupangchhia vang nilo in duat ka mamawh ve alawm!" A hmuiin ka chalah a rawn nawr a,Ka thawchhuak halh bawk!

Ka sir lamah a let thla leh a,Amah hnungchhawn in Jayden chu ka kuah chial a,A chhuah leh mai ka ring kha ka tisual der mai!

A rawn in her ve vut a,Ka kawngah hneh zet a a rawn kuah tak ah chuan ka ip nghal chawih a.

"Duat ka mamawh ve ka tih kha.." Zawi sup in ka beng bulah a rawn phun a,ka tukhum sam ah a hmai a rawn dah takah chuan ka thinphu a rang nghal dawt dawt bawk!

A thawk lak rual in ka nghawng hnunglam a lum ve ham ham zel a,A thawk lak dan ah a pangngai bik lo tih a hriat kher bawk!

A ban a chet a,Ka kawrhma lam chhungah a rawn zen lut a,A kutphah hrawl zet leh lum vung vung maiin khuh tu awm miah lo a ka taksa a deh rual chuan ka mur nghal sung sung thei!Ka dul chu a chul kual hauh hauh a,"Min duat i tum bawk silo a,Keiman ka duat mai ang che. "A nui tih hriat zet in a taksa a nghing dawt a! A kut a sawn chho a,Bra ka hakloh vang in a kutțang sei thlurh chuan ka hnute a rawn tawk zauh zauh a,a thawk lak dan a rang sauh bawk!

Hneh zet a ka hnute a rawn ţham tawk rual chuan ka kawr chhan ah a banrek ka vuan bet chawt a! A hnar in ka nghawng a rawn nawr a,A kut erawh a chawl thung!

"Zothan.."

"Umm!"

"Jayden a harh ang."Ka tisep a.A banrek ka vawn beh reng chung chuan a kut a chet a,A kut a hrawl bawk a,Țham hneh tak ani ringawt!

"Zangthal rawh.."

"Jayden a harh ang ka tih chu.."

"Ka room ah ka pawm lut daih mai ang che." Ka beng bulah a rawn phun sup! Na deuh in a ban rek chu ka hmer vak a,A kut a chet zawm ve zat a! Ka rum chhuah mai lohnan ka hmui hnuai ka seh a! Ka zeplo,Min khawih hian nuam ka ti a,Mahse hman zana Zico in ațanga min hruai chhuah țum a thil thleng bak kha engmah kan pahnih inkarah a thleng leh tawh lo,Khami ţum khan sex kan hmang bawk hek lo a,Tun hi ka taksa a khawih leh na hmasa ber ani leh mai bawk!

"Bawih.." ka beng bulah a rawn phun leh sup takah chuan ka thaw hawk a! Ka darah a kut pakhat in a rawn vawn leh rual chuan amah hmachhawn turin ka insiam rem a,A ka ațang a thawchhuak ham ham reng a,A mitmu dum fiah zet ah chuan tisa chakna meipui a alh hluah hluah maiin ka hria!

"Ka uang lo ania.."A ti sup a,Ka kawr chhungah a kut chu a la awm reng a,Mahse ka hnung a chul hauh hauh tawh thung!

"Eng ah chuan.."

"Duat ka mamawh ve tho!" A ti leh sup a,ka nui hak a!A mitmengah pawh chu thil chu a lang reng!
"Ka duat lo che ami?" Ka fiam chak tlat!

"Fiah la!" Zawi sup in a ti a,a hma zawng kha chuan a lakah ka pangchang ţhin a,Tunah tak hi chuan min thlahlel in keimah aţang duatna dawn a duh ve tak tak tawh tih a mitmeng thim raih ah chuan a lang reng!


"Kan pahnih inkarah hian thil lian tham a la thleng theilo tih i hriat kha."Ka ti sep a,Ka kut in a biang ah ka chul sak a,a khaberuh kual lian zet ah chuan ka kutțang in ka rin kual riak riak a,A lak aţang duatna tam tak ka dawng tawh a,Tun hi ka lak ațang a phut ve na hmasa ber ani hial ang!

"Ka hria alawm,Chu lo ah i Doctor pawh ka hlau hrim hrim!" Nui suk paha a rawn tih tak ah chuan na deuh in a hnar ka piai sak ta vak a! Ka kawr chhunga a kut chu rawn la chhuak in ka banrek ah a rawn hmer a!

"Min duat rawh ka tih vang khan mipa naupang kum 5 mi lek ang in min treat rawh ka ti miah lo ania." A taksa si chet in min hnuk hnai salh a,Ka mit ah min cho lutuk in min en nghal run bawk!

"Ka doctor i hlau emaw ka ti a.."

"Humm,In fawh te chu a phal alawm." Chimawm zet in a nui leh suk a,Mipa naupang nghal zet hi ka tehkhin ta ber mai!Min tihnat hlau zet a min fawh takah chuan ka chhang let ve vat a,A chetdan a dam in min dim hluah hluah a ni tawp!

"Muhil ve tawh rawh le!" Ka chalah a fawp zauh a,Jayden kuah tur in ka inher a,Ka hnunglam ațang Zothana'n min rawn kuah ve hlu hlu bawk a! He ban tha chak tak leh lum vung vung vang hian ka hahdam hluah hluah zel tih a hrethiam lo mai thei!

"Naktuk Jayden~a school kal hun ani tawh a."Ka ti leh sep a,A ban lehlam chu ka lukham theih turin ka nghawngah a rawn rawlh lut a!
"Ka hruai dawn nia.!"a rawn ti sup bawk!
"Keipawn ka hna ka zawm leh ang chu.."

"No,Bawihi hahdam rih la ka duh ka tih tawh kha,i taksa hi dim a la ngai lutuk!" Hnunglam ațang ka chhip ah a rawn fawp zauh a! Lukham ah a lu a nghah thlak leh thleng chuan ka ngawi ran a!

"Kal chhuah tum ve rih suh.."

"Mahse School ah a awm laiin Zicoa'n lo va hruai ta se.."
"A thleng ngai lo ang,I ngaihngam nan Mami'n a nghak reng thei dawn lawm."A ti leh sup a. Ka thawchhuak hak thung!

"Ka clinic ah ka ţhu dawn tho a,Keipawn ka ngaihven thei tho ania.." a ti leh a,Ka ngaihtuahna ah thil pakhat a rawn lut nghal zawk mai!

Ka che a,Ka kawnga min kuahna chu a phelh a,Ka mu zangthal a,Ka sir ah Zothana chu a rawn inbeng khalh ve vat a.

"A hmain Zico nen hian in inhre tawh tiraw?" Ngaihtuah muk hmel zet hian min melh ngur a!
"Lisa nen an inkawp dan zawng zawng pawh i hriatpui a.." ka ti leh sep a,.

"Chuan?" A rawn ti sup!

"Kan inneih ni pawh khan i awm ve!" A rum ri nghal hrawih mai! A insehruh nghal țeuh tih hriat zet in a bek bul a pawng ţalh ţalh a!

"Honeymoon kan hmanna hotelah pawh i awm ve bawk a!"
"Sawi tawh suh!" A ti tâwk a!
"Jayden pianghlim video a la turin U Machhani i lo ngen bawk a!"

"I duhtawk thei tawh em?" A aw chu a zawi! Mahse na lutuk tuar ang mai hian a ri țuak thung!

"Tinge engkim hre vek chuan min hrilh loh!" Ka ti leh a.A taksa hrawlpui mai che hawk khawp in a thawchhuak a! Min chhang lo in a ngawi vang vang a!


"Engnge ka rawn sawi ang? I pasal khan hmeichhe dang a kawp reng rawn tiin i hlimna kha ka rawn tih chhiat sak ang che maw?" A ti sup a. "I pasal hmeichhe kawp chu nangmah kalsan a ka chhungkaw thar a an fanu neihchhun ania tiin ka rawn sawi ang maw? Kum 18 i tlin ruala i laka ka rilru put dan zawng zawng ka rawn sawi chhuah hnu ah khan i pasal in hmeichhe dang a kawpsan che tiin rawn sawi ila i awih angem?" Lawm lo tih hriat zet hian a rawn ti hrawih a!


"Lehkhathawn i hmu lo tih i sawi khan i hnen a thleng lo tih ka hre ve chiah,Mahse khang hun lai kha chuan i hmu emaw ka ti a,Ka rilru put dan zawng zawng ka rawn sawi hnu pawh a chhanletna ka dawn tak loh ah kha chuan min hnawl niin ka ngai bawk! I laka ka rilru put dan zawng zawng kha i hre vek tawh emaw ka ti a,I hriat vek tawh hnuah i pasal chanchin che lai rawn sawi ila chuan ka thusawi kha i awih dawn lo,Chutiang bawk in i pasal kha a inthup hneh a,I hre ngailo bawk..Nangin i pasal rinhlelh na i neih chhin ngai miah loh lai khan keiin a hmeichhe kawp thu te rawn sawi ta ila i awih angem?" A ti a. "A teuh lo..I awih lo ang, Chuan..keihi min haw zual sauh bawk ang!" Zothana vek chuan khum a ţhu chhuak pah chuan a ti vut a!

"Muhil rawh.."Khum aţang a thawh kan rual chuan khum chu a che ve suih a!

"Nidang ah kan sawi țha leh dawn nia.."Hriat nuam deuh zawk in a rawn ti leh sup a,Khum mawng lam aţang Jayden mutna lam chu a pan a,A taksa lianpui che kual ve chu ka mut dan ngaia mu reng chung chuan ka en reng a.


A kun hniam a,Ka fapa chalah a fawp zauh a,A sam ah a tuai sak leh a,a ding ngil leh a,Hriatthiam har zet hian min rawn melh a.

"Hahdam rawh,Zanin chu ka room ah ka riak mai ang,Zan dang erawh in nufa chiah a mu lo in kan pathum zel in kan mu ang!'' Nui lui suk pah in a pen sawn a,Kawngkhar chu dimte in a rawn nem phui leh a,Ka ruak nghal huai mai!


Ka ngaihtuahna a vak thui viau a chu engnge ngaihtuah ber tur ka hre lawi bawk silo,Zothana kal bo hnu khan min ngaihsak zuilo niin ka ngai a,Mahse a hnuah a chanchin ka hriat leh chuan ka tan hlir engkim a lo ti zel zawk a! Kan nupa buaina pawh ka hriat hma daih in a hria a,Min venhim tum in a lo buai em em reng zel bawk!Tunah te hian Zothana hi lo awm ta lo se engtinnge ka awm zel ang tih ka ngaihtuah a,Ka hmulthi a ding sung sung mai!

Ka muthilh lai ka hrelo a,Khum che vel leh Jayden~a nui ri hak hak leh mipa aw thum lam mah nen a an infiam thawm vang in chiang lo zet in mit ka meng a.

"Jay,Call Mummy!" Zothana aw ri ka hriat rual in khum mawng lam aţang ka fapa in min rawn bawh ta chuk chuk a.

"Mummy,A pa nen kan play a.." a ti a,ka meng nghal kawk mai!
"A pa.."Ka ti sep a.
"Na i nei em?" Ka sir lamah Zothana a rawn ţhu thla a,Ka melh zawk a ,Jaydena'n a pa ti a sawi kha Zothana hi maw?

"Mum,School ka kal tawh dawn tiraw?" Jayden bawk in a rawn ti leh a.
"Umm,Insiam a hun tawh dawn.."Ka ti a,Ka tho ve tur chu Zothana zawk in min lo dang vat a.
"Na i nei em?"a rawn ti vut bawk.
"Aih..."
"Umm,Mahse lo tho duh suh,Mami a awm a,Jayden chu kan lo buaipui thei alawm..Jay ka rual in shower i nei dawn tiraw?" A tih zawm zat a.
Rang zet in Jayden chu khum aţang a ţum thla ve tharh a,
"Zothan a tibuai mai mai ang che,Keiman ka lo bual ang.."
"Aih,Mummy,A pa bulah ka inbual duh alawm.." reuh chuan leh!
Zothana chu ka melh zawk a,Min lo nuih suk vang chuan ner nawng chung in ka hawi sawn a,Engtik aţang khan nge an lo inkoh a pa tak vel ni!
"Kal ang le."Jayden zawk in la fel zet in a tlan chhuak that that a.


"Mu leh rawh.."Khum ah rawn in nem khalh in ka hmui ah a rawn fawp zauh a,Ka lo inring bawk silo nen,Ka la ip chawih zui!
"Zingtin ka tihdan tur anih kha."Nui suk pah in a ding mar a.
"Kal vat teh,School a tlai chuan i chak lo ang!"
"Nupui thinchhe deuh neih ka duh dawn miah lo ania.."Nui huk pah in a ti leh a,Lukham in ka vawm zui dawt a!
"A pa .."Jayden bawk in pawnlam aţangin a rawn au lang lang a.Jayden kohdan vanga Zothana nui suk ka hmuh rual chuan ka nui ve ringawt a.
Room aţang a chhuah hnu thleng pawh chuan ka la nui reng mai!

Zothana room kawngkhar inkhar phui lo aţang chuan Washroom a Jayden rang tung thawm chu a hriat theih a,Lut ve lo in inhnuai panna kailawn ah chuan ka chhuk thla ve ta zawk a.

"Good morning.."Nu Liani bawk in zangkhai fe hian alo ti thui a.
"Morning,Tihpui i ngai em?"
"A teuh lo..Lo ţhu rawh,coffee i duh em?" A ti nghal zung zung a.
"Aih,Jayden a rual in engemaw ka ei mai ang!"
"Aw le,Soup pawh ka siam ania.." a ti leh sawk sawk a,A pian en hi chuan ţuan muang deuh anih duh hmel a mahse a che reng reng hi ani zung zung a,A che buai chhin ngai miah lo bawk!

"U Din,I tho țha maw?" Insiam peih fel at in Mami'n a rawn ti lang lang a.
"Umm..Vawiin kha..Ih..Zico emaw an chhunglam tupawh in rawn hruai an tum chuan min rawn hrilh nghal ang che.." ka ti vat a,A bu zeuh a.


"Aw,Puite hlauthawng mah ta che,Chu lo ah Jayden~a duhlo chung hruai luih theihna dan an nei hleinem!" Nu Liani'n a rawn ti ve vat a,Ni e a sawi dik ngei alawm ,Zico pawh in a fapa anilo a ti tawh a,hahdam tur ka nih rual in ka hahdam thei mang bawk silo.


Ka pa te lam in Zico te lam rawn kal hmasak an nghak a,Chu chu Mizo dan ani bawk a,Keini hmeichhe lam in thil lo va tih hmasak chuk chuk kha dan anilo a,An chhungkaw lam rawn chet chhuah hun kan nghak a,Mahse tun thleng in tumah an la rawn lang lo a,Ka awm ta lo kha an thawveng ta huai awm ngaihna hrelo lutuk in min theihnghilh zui ta pawh ani mai thei!


Door bell a rawn ri a,Mami chu inchung lamah Jayden siam turin a chho ve a,Nu Liani zawk pawh Veg chan a a buai mawlh mawlh vang in ngaihven tur in ka tho chhuak vat a!

Lock ka hawng a,Kawngkhar ka nem hawn ruala ka mihring hmuh te vang chuan ka meng nghal kawk mai!

Zico nu leh Rachel chu an lo ding ran a!

"Lut turin min sawm dawn nange?" Min ngaih pawimawh loh hmel zet hian ka nu zawk in a rawn ti a,Ka hamhaih lutuk chetsawnna chang pawh ka hrelo.

"Aw... Lo lut ru. "Ka ti bah nawk a,Ka nu a rawn pen lut a,Rachel chu ka melh zawk a,Ka ţim sawk thei! Lo en lo law law zawk ila ţha tur!

"He in ah hian i cheng tak tak a maw?" Rachel chuan inchhunga thil awm zawng zawng a enkual chhuah vek hnuah min melh ran pahin a ti hlak a! Zam tur ka nilo in ka hria,Mahse a mitmenga min huatna lang chhuak vang chuan nuam ka tilo a,Ka bu zeuh a.Ner nawng pah in couch ah chuan a ţhu thla chawrh a!

"Thingpui in duh em?" Ka ti a,Ka nu pawh Rachel ang chiah in inchhunga thil awm zawng zawng chik zet a en chhuah vek hnuah a ţhu a.

"Duhlo,Thil sawi duh kan neih vang in kan rawn kal anih hi!" A ti a.A hawi her sang vah ah chuan thil ţha a sawi ka ring lo ve tawp!

"Umm,Sawi ula.."

"I pasal in aţang mipa in a hruai chhuak che a.." a ti a,Ka melh a,Ka mitah tak min lo en ve ran bawk!

"Hruai chhuak satliah nilo in i pasal kut a thlak bawk a.." a nui hak a,Mahse a nuih rual chuan a hmel landan a rapawm zual sauh thung!

"Mizo danah chuan i pasal in ațanga mipa in a hruai chhuak che anih chuan uire i ni a!" A ti a,Phawk zet hian ka melh a.


"Ka sawi diklo ami? I pasal ngei kut a thlak hnuah a hruai chhuak che a,Chu mai pawh nilo in a inah i cheng zui leh a, Uire, Mipa dang um i ni tawh a....!!" Thil tam tak a sawi ţeuh mai! A thusawi vang chuan ka nghilh dûk vek! A fapa in kan nupa khum ah ngei hmeichhe dang a mutpui lai ngei pawh a hmu vek a! Nikhaw hrelo a min sawisak lai ngei pawh in ka fapa rawn hruai turin a rawn kal bawk a,Chung a fapa thiltih zawng zawng chu hre duh lo in uire chhuah in min rawn chhuah anih chu!