DARK DREAMS BY KZodinsangi Sangtei - 16+ (Completed)

[ngaia]

DARK DREAMS EPISODE 12

WRITTEN BY Sangtei


Lunch kan eikham hnu chuan ka room lamah lehkha zirturin ka chho nghal a, heihi ka tihdan ve reng thin a nia tih tur em em a awm loh hi chuan leh kha zir a a nimai , ka phone ka charge lai chu massage a rawn thleng tih hriat tak hian a rawn ritlang a, ka la nghal vat a, kan en chuan unknown number a tang bawk in a ni.

Ka hawng a ka'n en chuan shakespeare a poem bawk! ka chhiar chhuak leh ta tho a,

Tiang hian alo inziak a,
Tell me where is fancy bred,
Or in the heart or the head?
How be got ,how nourished?
Reply , peply.
It is ingender'd in the eyes
With gazing fed;and fancy dies
In the cradle where it lies.
Let us all ring. Fancy's knell:
I'll begin it, ding dong bell
All ding dong bell

Ka dah tawp tawh !
Tiang hi tinge min rawn text vak vak thin maile ?tiin kei mah leh kei mah chu ka in zawt ta hial a, James ka la hrilh ve ang tiin ka ngaihtuah a,

Rei ngial ka zir hnu chuan khua pawh a lo tlai lam raih tawh a.
Ka leh kha zir chu dahin ka inbual leh a, ka inbual lai a ka rilru ah chuan tei chhuah harh ve msi mai ka tum a, ta tang chuan Laura khan an awmna kha hla lo khan a sawi tak e tiin.

Ka chhuak tur ch James chuan kawngka rawn knock karh karh pah chuan!
" Jess ka kalna a ilo kal ve duh chuan rawn insiam la inhnuai lamah ka lo nghak ang che . Rawn rei suh inthuam lum deuh bawkla a ti a, a kal leh ta nghal a.
Bathrobe lak mai ka rum a awm hauhlo .
Towel tehlam pawh ka lo keng lut hauh lo mai ka kawr hak lai tawp nen bathroom chu ka lo pan niin, ka kawr haklai lah chu a huh tawh bawk si.

Kawngka chu ka hawng dak dak a, yes James a awmlo ve, mahse tuk verh a in hawng huau mai,
James a thenawm chiah ah hian inpakhat awmin inmal din a ni a, chu chu sean hian a luah a vang chuan tukverh ah a lo dak chhuak ang tih ka hlau tawp, tukin te khan kanin hmu pha reng bawk si a, min rawn bye bye lauh lauh a nih kha.
A van hreh awm tak.
Pawilo ka tlan puat maiang tiin che fuh lo in ti zet chuan ka tlan phei puat a, khumah chuan ka bathrobe leh towel chu ka lo hnut chhiah chiang e.
Ka tuk verh lam ka va hawi chu Sean chu a lo dak vauh vauh mai a.
Lalpa leh khawnge ka kawr? Mahse kan en chiang deuh a, sean chuan min rawn hmu hauh lo.

Tlem chuan ka awm chu a nuam huai mai min hmu se chuan a zahthlak viau ang.

Mahse chet ran loh tur tihna a ni kher lo. ti a mahni leh mahni in hrilhru mawlh mawlh chung chuan thawmhnaw chu ka ha ta sawk sawk a.

SEAN POV
James tein ah chuan Jess chu a awm tih ka hria a, ka awt ngawt mai . Ahma a tang tawh khan Jess hi ka lo duh ru ve tawh thin a, ka hriat loh hlan te hian ka lo enleh ngawih thin kan oposite chiah ah hian a thu a , a hmeltha tak mai leh mize mawi tak mai chuan min hneh ngawih ngawih thin.

Kan school ah chuan thian kawp vak em em a nei ngai lova, Laura ka thiannu hi a kawp a, chuan roland leh James a ni leh mai chu lo chu tumah kawm a neih pawh ka hrelo.

A ni chuan biak pawh hi min be ngailo ka awm ve tih pawh a hrelo.
Mahse kei chuan ka lo en ru reng thin.
Min hmelhriat ve na chu Cindy party ah khan a ni mai a, biak pawh min be chhun zawm leh tawh chuang lo.
Va biak ngawt chu ka zahtheih loh na in a ngam thlawt lo a ni.
Anin bulah a awmna hmasa zaqk a ka thlah tum pawh khan biak tumin ka ang zuau tawh a chu, a ni chuan ka awm ve tih pawh hre lovin Laura rui hlir chu a lo buaipui a biak lohah ka tlak leh ta a ni.

Tukin khan kanin hmu a, a thawmhnaw vel a rem fel niawm tak a ni , tuk verh ah chuan a rawn dak a, kanin hmu chu min rawn nuih var var a.

Hetiang khawp hian nimaw hmeichhia hi an lo hmelthat theih ka ti hial a ni.

Ban ka va vai lauh lauh a , a ani pawh chuan min rawn vai khum ve lauh lauh bawk a, kan in be phak reng a chu, A hmel ka hmuh hi chuan ka thil sawitur zawng zawng hi ka theihnghilh fai leh vek mai thin.

Chuan hei nichin lawk khan saruakin a rawn tlan pawr pawr mai a , tinge niang ti a ka enreng lai chuan a rawn hawi a ,hmulo ang zetin khaw dang ka lo hawi lui hram a, diktak chuan a pian mawitak mai kha ka ta ni turin ka van duh tak em.

Mi en tawh loh hnu pawh chuan alak a tang in ka mit ka la sawn rei thei thlawt lo .
Ka va en leh hrama;
Hmanhmawh zetin thawmhnaw a ha malh malh a, a che reng reng chu a zei thlarh vek maiin ka hria.

A chevel chu hmaih nei hauh lovin ka en thlap ve;

A sam chu a la hnawng riauin ka hria a, tlem a a hlat ve deuh a vangin ka hmu chiang vak lo.

A inbualzo towel a theih nghilh a ni hrim hrim ang, ka nuih sak a, a haihawt ve ngei mai.
Tianga entur a awm fo dawn chuan nikhat ah pawh vawiza lai chu tukverh ah ka dak chhuak duh hial ta ve ang.

Laura nen hian thian nimah ila min duh ru tih chu ka hre ve vek a, ahma kha chuan ka kawp ve mai dawn mi tihna rilru ka put lai tak in ka thinlung leh ngaihtuahna zawng zawng thlak danglam vek thei tu Jess hi a rawn lang leh si a, eng tik emaw ah chuan ka hmangaih zia thu hi ka la hrilh ve ang .

####################################

Ka insiamzo inhnuaia ka chhuk chu James chuan min lo nghak reng tawh a, min hmu chu ka in thuamna casual tak chu lungawi hmel fe huan a melh a.
"Kan kal thei em?
"Aw thei a ni mai!
"Leona chuan" khawnge in kal dawn james ?
"Jess hi ka lenpui dawn thian te in ah.
"Dinner chu min lo nghak duh suh ! "hmundangah kan ei ang.

"James i hriat kha? " weekend chuan chaw hi eikhawm thin ila ka duh tih chu...

"Kanu lunch kan ei khawm tawh tho kha....

"Awle awle a nih nuam deuhin va hmang ru,
"Lo haw har lo ula.


James nen chuan pawnah chuan kan chhuak dun ta a.

"James khawnge kan kal dawn?
"I thlen hunah i hre mai ang,
"thian inhmuh khawmna hmunah ka kan kal dawn tih pah chuan car chhungah chuan lut turin min ti ta nghal a.

Car a thut luh pah chuan "tu i thian te nge?
"Roland te an ni em?

"Aw ni e! "Mahse Roland lo pawh midang te chu ka kawm ve tho alawm.
Chung ho nen chuan ka in hmelhriat tir ang che.

Rei fe kan tlan hnu chuan a car chu a ti ding a,
Kan chhuak chiah chu mak ka ti ngei mai chu hmun chu,

Thil chhe paihkhawmna hmun motor chhia te, tv chhia te, frige chhia te leh a dang dang a lo awm um mai na hmu ah chuan kan awm a.

"James eng hmun nge ningai?

"Jess ka hria a lawm , helai hmunah hian engthawl takin i awm thei ang .

"Police min man tur pawh an lokal lovanga,
"i duh dan dan in hun i hmang thei !
"Tuman an rawn hau bawk lo che anga,

"Tunge i nih tuman an ngaihtuah lovang .
"Chutiang hmun chu hetah chauh hian a ni a awm ni.

"Lo kal teh ka thian te ila hmuh ve loh ho ka hmelhriat tir ang che.tih pah chuan ka kutah min kai phei a. Tu tu a mawni te chu min hmel hriattir pah zel a, ka biak a ka lo nuih zelna lamah chuan ka biangki te chu a kham.na ṭhum in ka hria.

A thian te ho chu an tamin an lo rinuaih nuaih hlawm a.

Cindy ngei pawh tah chuan a tel ve. Kan school a mi pawh tleirawl hoah chuan ka hmu teuh mai mak ka ti lutuk.

"James chuan helai ah hian kar khatah vawikhat tal kan inhmu khawm thin a, i duh dan danin i awm thei ang tu mahin an rawn care lovang che.

Cindy chu rawn kal pheiin "James bulah chuan "James hmanni kha min ngaidam rawh .
"tiang kha a thleng leh ngai tawh lovang tih ka tiam a che.

"James pawh chuan lo nuih letin," ngaihdam mi dilna hmun tur i hre khawp mai," nie kha tiang khan kan in thian na hi ti chhe suh se' a lo ti ve a.

Cindy chu nuih var var pahin" a lawm nan tiin beer can pahnih hi pakhat ve ve in min rawn pe a , lawm thu ka lo hrilh sap a.

"Jess thil pakhat hrilh che ka duh a vangin a nia helai ah hian ka hruai chhan che. " lo kal rawh tih pah chuan hmunfal lamah chuan min hruai phei a.

Hmun fianrial tak mai thing lo tlu chungah chuan min thutir a.

Ka mitah tak chuan rawn enin" Jess min hmangaih ve em?
"Ka hmangaih che James!
"Tuna ka thu sawi tur hian kan in hmangaihna hi ti chhe lo hram se ka duh.

"Eng chu nge sawi la?
A ngawi vang vang a ! A thaw halh bawk a,enge maw sawi hreh tak a nei tih a hmel a tang chuan ka hre mai.
"Hmanzan Cindy party zan a a awmdan min han hrilh vek mai chu ; keipawn na ka ti lo thei lo.

Mahse a rui a a thiam loh a nilo.Cindy chu ka haw letling zawk.

A ngaithla tu tan chuan ana lutuk tlat!

"James min kalsan rih rawh .
"Mahhni a awm fal ka duh chuan inkawp zawm hrih lo ila ka duh, inngaihtuahna hun min pe dawn nia.

"Jess pawi ka ti lutuk kei pawn....."mahse khazan khan ka ruih luattuk a vangin nangmah ang a ka hmuhvang chauha khatia ti kha ka ni......
"Hrethiam hram rawh.

"Ka hrethiam a lawm mahse hun ka mamawh a ni.

"Awle Jess " ka hrethiam lutuk che .
Ka tih sual a ni tih pawh ka hria keimah hi ka inten zawk a sin.
"i duh chen chen kan tawp rih ang.
" Mahse ka hmangaih che a nia,
Tih pah chuan hlimlo zet in min kalsan ta a.

Ka mittui tla chu dan buai vel pawh ka tum lo.
Ka biang ah chuan a luang thla ngiah ngiah a, tinge hmangaihna lamah hian ka van duai em em mai le?
Mipakhat ka tawng a chu chuan midang min ngaihzawn san tawh a, pakhat ka hmangaih leh a mahse tiang hi a ni leh si.
Ka tan a miruat a nilo a niang tiin ka ngaihtuah a,tinge hetiang minhrilh tur hian helai hmun ah hian min hruai? Ka ngaihdam a rin vang nge?

Ka nuleh kapa! ka u te chu ka ngai thar em em a, "Ka nu ka ngai lutuk che u,Ka ti chhuak hial a.

Ka tap hlawp hlawp a, ka rilru chu a hrehawm em a ni.
Ka thaw a ipik lutuk chu awm ngaihna pawh ka hre lo.

Tu a mawni hian a awm ah min rawn kuah bei thlawp a, mittui kar a tang chuan fiah lo riai hian ka meng chhuak a, Roland a lo ni a, a ni mitmeng ah pawh chuan tawrhna ka han hmu ririai a, min bei tirna a tang chuan talchhuakin a awm a chum ṭaih ṭaih pah chuan ka tal pit a,
Tinge ti hian min tih Roland ? " Mawh' ti nge ka rilru min tihnat sak.

"Tap bawrh bawrh rawh Jess, ana tih ka hria...i tah khan a ziaawm mai thei a sin...chuan i duh dan danin mi tirawh.
"A benpaeh min beng hial rawh i rilru hrehawm a chhawk dawn phawt chuan.......

Tap in sut hlap hlap chung chuan "Roland nangmah vang tiraw tuna hetia ka awm chhan hi,
"Nangmah vang vek," James chu i kawp tur chi a ni i ti a, chuan tunah hian enrawh !
Ka lung a chhiat em a vang chuan ka dang pawh a ro zo vek hial a.

"Jess ngaithla rawh!" James khan a tihpalh a tih kha.....
La inhnit faih faih pah chuan "nia mi tinte pawh hi an thiltih sual hi an tihpalh ti ila thilti sual kan tam awm.

"Jess khawngaihin chutiang chuan ngaihtuah lo hram rawh.
"James hi i tana tha tur nia ka rin vangin leh a enkawl thei che a ka rinvang a ni.
"Chuan i thirim leh i rilru na hi chu maw a reh chhun zawm veleh mai ang.

"kha mi zan kan lo in fawh a vang khan engkim a khaw loh phah vek a nih hi,kha thil kha tilo tur kan ni a sin !
"Mahse ka tilo thei bik silo.
"Kei ngei pawh hi ka inhaw tawp thei tawh lo.
"Nangnen hian intawng miah lo tur kan in tawng palh a nih hi.....

"I thusawi chu nang ngei pawn i ringhlel tiraw?I
awih chiah lo in ka hria tiin mittui kar a tang chuan chuan ka han nuih sawh a,

"Shhs 'tawng tawh suh ! tihpah chuan a awm ah chuan min beitir leh a, ka thla chu a muang siai siai maiin ka hria, chu a awm a ka beina chuan him hliah hliah a in hriatna hi ka nei pek a.
Ka thawte chu a veng sawt in ka hria.

Roland hi ka thinlung leh tihtak zetin ka hmangaiha, eng ang pawn ka chung ah thinrim na leh mi tiel khum hmang mahse, kei chuan ka duh phah tawlh tawhl zawkin ka hria .
Ka soul mate tur dik tak a nih zawk te ka ring hial thin a ni.

Mahse 'ka hmangaih che' !chu word thum lek chu tinge a bulah hian sawi ka hrasat em em ni?
Thildang tam tak chu sawi thei mah ila he thilte hi ka ka a tangin a ri chhuak thei lo.

Ka huatthu leh engkim chu ka sawi thei nameuh mai,'amah elhsen na tiamin!

"Roland ka haw lutuk che.
" Nangmah vangin hetiang hian ka.awmphah;
"Jess keipawn hrehawm ka ti lutuk!
"Hlimtak a i awm hi ka duh a, mahse keimah vangin rilru natak in i awm zawk ta si.

A hmuiah chuan han fawh sak siah chunga, Roland ka hmangaih che, ka hmangaih lutuk che,ka taksa pum hian a hmangaih vel vek che tih tak hi ka nap a, mahse chung ho chu ka sawi thei tlat lo.

"Hawh i pangai deuh tawh chuan kan thian te pawh vafin ila," an lo ngaihtuah lutuk tawh ang che.
"I kawm tur leh nangmah tihlim thei deuh tur ka hria a nia, tih pahina romol ah chuan ka mitui ve chu min hruk sak hnu chuan a in her a, min hnung chhawn ta nghal a.


A hmalam a va leh khalh pah chuan a hmaah siah chuan ka va ding a.

"Roland nang hian min tihlim thin nge min ti lungngai thin?

Reitak chu min en ngar ngar hnu chuan ;
"Aw ril tak thawp sat hian" ka ti hlim ngai lovang che.
"Engtik ahmah ka tihlim thei ngai lovang che.
"I hlimna tur ka nilo.
"I life ka tih khawloh sak zawk che a ni.
Ti a min chhan pah chuan ka ban ah min kai lawk a, midang ho lo awmna lamah chuan min kai phei ta dawr dawr a.

Roland hi chu buaina ti chhuak tu a nih rual rualin a chang chuan rilru nei tak a ni leh lawi si thin.
A mizia hi engtikah mah ka hrethiam thei ngai lovang.

Nula pa khat sam buang thar mai bulah chuan nin kai phei a, "hi Lizz hei James a thiannu Jess a nih hi, chuan Jess hei hi Lizz a nih hi!
" lo inkawm rawh u!
Tih pah chuan "Jess nakinah kanin hmuleh dawn nia,

"Khaw nge ikal dawn? ka lo ti hman hmawh a,

"Ka thiante saw ka va belawk ang ka rei lovang .
"Lizz bulah lo hian hmundang ah lo kalsawn miah lovang che tiin min kal sawn san ta a.

Kan hawi vel a Roland a kalna lam ah chuan James chu rui lutuk tak mai din pawh dingngil hleithei lo hian ka va hmu a, chu vang ngei chuan nih hi a kal chhan kalo ti rilru a.

"Kha tiang reng reng a Roland an hmeichhia a buaipui tumah ka la hmu ngai lo.
"oh Roland pawh hi hmangaihna ah chuan a tlu ve ta a nih hi a ,"Lizz i chuan a lo ti a.

A lam chu mak titak a va hawi phei pah chuan,
"I hresual a niang Roland nen chuan thian kan nia , ka lo ti bah deuh nak a.

"In thianna a tang pawh hian hmangaihna a piang thei tho a sin.

"Kei chu James a girl friend zawk ka nia.

"A nih chu "Roland hian a rilru hi a sawi chhuak ve mai mai ngailo." ka bulah pawh vawihnih chiah a thuruk min la hrilh .
"Tunlai chu a mizia a dang ka ti reng a ni.

"Inawm dan ka hmuh khan inkawp tur mi tak inni in ka hretlat in chapo dun ve ve te a nih loh chuan.

Roland chu i hrechiang viau a mi? Ka lo ti khauha.

Beer bottle pakhat chu ka kutah hian min rawn pe a. "La rawh in rawh kan ti ti dawn nia.

"Can pakhat ka lo intawh a, ka inbelh duhtawh lo.

Lo nersak pah chuan "in mai mai rawh beer te chu engmah a ni hlei nem, ti ti a ti tui lo zo tih pah chuan min siai khum saka.

Kei pawh chuan ka lo ban ve ta a.
"Tikhan titi ṭan ang aw, " ka thil hriat ho hi ka hrilh ang che.

"Roland leh James hi unau ang mai an ni tih pawh ka hria.
"Chuvang tak chuan James pawh hi a hmangaih a, "a hmeichhe hmangaih tak pawh nise James a tan hian a kian duh hial awm e, chutiang khawp a rilru tha chu a ni Roland hi.

"A chimawm deuh e tih mai lovah chuan!

"Eng tiang in nge in in hriang tan reng reng a?

"Lizz chuan a thil inlai chu cheers a rawn ti a,bottol chu kan khak tir hlak a,

"chuan Roland nen kan inhriat na chu bar ah a ni a, chu tih lai chuan kum sawm parih vel a nih lai a nia, kei kum 20 !
"kum a tlin loh a vangin bartender chuan intur a lei tir phal lova, kei chu va inrawlhin intur chu ka leisak ta a.

Chuan ka flat ah in zui haw in kan mudun ta a.
"Inmu dun a maw? Tiin ka lo meng phar awrh a, ka beer ken lai chu ka inpawp nghal a.

"Lo thik duh suh; tih pah chuan min rawn nuih sak a,

"Chuan chuta tang chuan kanin kawp deuh ta ren rawn a, mahse kanin kawp dan chu a ni pawn midang a kawp a thulh phah chuang lova, "keipawn ngaizawng dang ka neih ka thulh phah chuang lo.
"Thian tha kan ni tihna a nih chu!

"Kan ngaihdan chuan mamawh kan inpe tawn ah kan inngai ve ve.
"Tunthleng hian maw? Ka lo ti a.
"Min rawn nuihsak pah chuan" ni e a ti mai a.

A beer chu an in leh te te a,
"mahse hei kan mutdun loh na hi thla khat vel lai a ni tawh rawn kal chu a rawn kal fova, ruihnap hian zu a rawnin thin a, a awmdan hi ka khawngaih lutuk.

"He thu hi ka sawi tih hrilh hauh lola hria ang pawn awm hek suh.
Ka lo bu nghat nghat a.
"Sawi tan leh in"ti chuan tumkhat chu ka lo zawt ta a.
"Engmah sawi lovin rui tawkin ka flat ah chuan riakin zingah class a kal leh tawrh a, chuan a rawn lang lo vang vang a," a hnuah a rawn kal leh chuan zu in tur chu ka lo dah bo vek .

"Roland chuan in tur ka duh a rawn ti leh a.
"Kei chuan thian anga min ngai a nih chuan tunlai enge i vei tih leh i rilru ah enge awm ?tih hi min hrilh tur a ni .
Chuti lo chu intur engmah ka pe lovang che ka lo ti hmiah a.

"Ka hmel a rawn en chuan ka ti mai mai lo a ni tih a hriat chuan,
" Awle awle ka hrilh ang che! "intur chu rawn la la, a tih a vang chuan ka dah thatna a tang in scotch umkhat chu ka va chhawp a, glass a thlichhuak in an in hmasa te te a,

"Keilah chuan hre chak tawk in" Le 'ka lo ti thuai a, "a sawi chu maw Roland a sawi a tana mawilo leh a tawngkam chhuak a tan pawh a ka lo beisei loh thil a ni .

"Hriat chak tak chuan enge a sawi tak ka lo ti sek a.
A thilin lai chu in leh pawp pahin min rawn nuihsaka.
"Ele hmangaih a thinlungin a hnar theih hauh loh mai , engtik lai pawh a a bula awm a chak reng thin hmeichhe duhawm tak mai a nei a.

"Mahse chu chu a tan neih a rem silo a, chu vang chuan hrehawm a tiin a rilru ahah a, chu hmeichhe hlat thei ang berah chuan awm tum thin mahse a awm theih loh zia min hrilh mawle, engtik lai pawn chu hmeichhia chu hlim se a duh a,chu chu nang hi inih ka ring bur bawk." a endan che a tang khan.

Ka rilru chu a hlim veng veng maiin ka hria a.
Amah erawh chu ka bulah chuan chung chu engtik ah mah a sawi chhuak ngai lovang.

"Lizz engkim min hrilh a vangin ka lawm e. Ka lo ti sap a.

Oh dear chutiangin ngai suh Roland hi ka thiantha tak a ni a, a hrehawm na leh a rilru hahna hi chhawk thei ni ila chuan ka chhawk em em ang a mah erawh chu chutiang chhawk thei tutur chu a hmeichhe hmangaih chauhin a ni tih hi ka hrechiang lutuk a, "chuvang chuah a hrilh che chu ka ni,

"In class ah Ivy i hria em kha kha kanau a ni a, Ivy pawh khan Roland hi a at chilh thin a duh lutuk hi , "mahse Ivy pawh kha a tibei dawng thak tawh, a chhan chu unaunu anga a chei tlat a vangin .

Tunah chuan Ivy leh Roland pawh unaunu leh unaupa tha tak an ni tawh a ni.

A tihlai tak chuan Roland leh Sean chu rawn kalin james chu an rawn kuah phei a, kan lo thlir dun reng a,

"Lizz chu lo tawngchhuakin mahni thian te tan hian a nun pumpui hi a hmang dawn a nih hi.
La titi pui ngei ngei rawh !"Roland chu a tlai hmain a ti a.

Roland te pawh chuan kan bul chu an rawn thleng chawpchilh chu a ni nghal mai.

"Roland chuan "Jess haw ang u. Tiin James in a motor a dahna lam ah chuan Sean nen chuan james chu an kuah phei nghal a.

"Lizz bulah chuan" thil min hrilh a vangin ka lawm e.
"Kan in hmuleh thin dawn nia," mang tha phawt tiin Roland te chu ka zuiphei nghal a.
"Lizz chuan mirawn auh pah chuan ka thil hrilh che kha hrereng rawh a rwn ti a.
Kut ka vai zauh a Roland te chu ka um ve ta dawr dawr a.


Sean chu driver seat ah chuan a thu a, James chu a tawng vai bual bual a, a rui khermai.
Hetia a awm chhan hi zanin vang tih pawh ka hai lo.
Ka khawngaih lutuk engtia ngaihdan siam tur nge tih pawh ka in hrethiam tawh lo.

James chu a sirlam tuk verh bullam chu a nghen theih tur chuan kan thut mut tir a, chutah kei james a bulah chuan thuin a sir ber ah chuan Roland chu a thu a.
Kan tlan mai dawn maw ka tihlai chuan ,Hmanhmawh tawk chuan Cindy pawh rui zetin Sean a ep chiah ah chuan a rawn thulut ve nghal bawk a,

Motor chu Sean chuan a start ta nghal a , thil pakhat ka ngaituah chu kan kal lam a kan hlim tehreng nen tih hi!

Cindy chu a tawng barh barh mai a, Sean ning lutuk chu a lo chek leh tlak thin a, Cindy lahin hrethiam hek lo.
Ṭumkhat phei chu motor chu a break tuarh mai a, Cindy phei chu a rui nen a va in tauh thelh nghe gnhe a ni. Seat belt a lo hreng hlauh zawk a,

Kei in ring ve hman hek lovi, James a rawn awn bawk nen Roland a lam ah chuan ka va awn phei dawrh a, a nilah chuan min rawn ven tum a a lo hawi lai tak ni bawk nen kan hmai leh hmai chu a in si chaih mai a.
Min rawn fawh ka rinnen min fawp hauh lovin tha takin min thutthat tir leh mai a, kan taksa in sikna ringawt pawh chu ka kham lo veng veng mai.riltam tawk lek in min rawn siam in ka hria.

***************************************************************************************
*********************************