KEIDAO BY AMY CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

KEIDAO BY AMY CCK (Completed)

Unread post by Ngaia » June 7th, 2020, 8:31 pm

g2upa37e.jpg
g2upa37e.jpg (37.39 KiB) Viewed 49302 times
CHAPTER - 1 πŸ’ž by Amy Cck ( Dream Girl )







" Pa... College ka luh ve tak tak hma in bazar ve ka duh aw. Thawmhnaw pawh engmah kan la lei ve lo a.. " Ka opposite chiah sofa par sei zet a ka u naunu chuan ka nu... Ohh... A nu a ni zawk mah ang chu taksa ngheng dar dar chuan a thil duh chu a rawn sawi zet zet a. Chhak lam sofa ah ka pa erawh thu thluang zuar in TV remote keng in chanel a hmet kual zauh zauh bawk.








" Teh reng mai! Admission te in han ti zo tawh bawk a. Mambawihi pawh in a duh ve ang chu in unau in in bazar dawn nia. " Ka pa chuan a rawn ti dam dup a. Ka mit sir in ka hma zawn sofa a hmeichhe pahnih ner nawng leh ei lo hmel deuh a an in en lai chu ka hmu fuh hram pek a.








" Ruatfeli te chu bazar hranpa pawh a ngai hlei nem. College kal thar tur pawh a ni lo a. Kum khat a zo tawh a thawmhnaw leh tlak chham i nei pawh ka ring lo. Tun tum chu i nau hi kian mai la? " Zang khai vah leh huat tur awm lo ang zet hian ka nu hrawn chuan a rawn ti a. Chhan pawh ka chhang buai peih vel lo. Hre lo ang hmak in ka phone ka hmeh san mial mial a. A huat tawk a tling leh dawn tih pawh ka chiang. Mahse a ni huat mai mai chu eng a tan mah ka ti lo. A tak takah chuan min haw sa reng miau a.









" Chu chiah! Pa.... A U te chu thawm hnaw pawh a ngah em khi. A wardrobe ah pawh a khat vek a chu bakah a in pakhatah pawh a awm teuh..... " Rum zet a ka va melh avang chuan a tawng tawp chawt. Ka lam a rawn hawi rual a ka mit meng a hmuh rual in a meng khup nghal zal zal bawk.









Ni ee.... A sawi sual chuang lo! Ka thawm hnaw chu he in a mi let hi ka nu in lamah ka la nei miau. Chuan in pahnih nei ang a min sawi fo pawh hi a dik lo chuang lo. Tun a ka awmna hi ka pa in a ni a. Vaivakawn ah tun a a nupui leh fa rawn chhawm nen hian an awm a, kei pawh tiam in. Ka nu erawh Veng dangah a pasal nen an awm bawk.









" Chu chiah! I nau in thawmhnaw nei lo em em in i ta hak a dil che lah hian i lo ui tung zel a. I ha seng chuang der si lo. " A nu chuan a thla vang a lo hauh sak nghal vat a . Ka phone hum reng chuan ka thu ngar a. I nau... I nau.. Hi an tia ka pa hmuh leh hriat ah chiah. Pawn lam ah tha hluak ang a lang hi an chhung lam erawh hmuh tur tha pakhat mah a awm lo. Ka pa mit lah hi an tih del sak hneh in an bum kual hneh bawk nen a hma chuan ka sawi ve thin, tunah erawh engmah ka sawi kual peih tawh lo.









" A.... Eng pawh ni se chu tah buai vak kha a ngai ber lo. In unau a in bazarna daih loh tur in ka hlawh hi a tlem chhe lo. Tha deuh hian lehkha hi han zir phawt mai u la. " Ka pa chuan a rawn ti dam dup a. Ka nu hrawn leh a fanu chuan an ei lo ngang mai tih an hmelah a lang chhuak vek mahse an fing bawk a an sawi buai duh ta lo. Kei pawh in an mahni tih thinrim leh tih lung nih loh ka duh vang hrim hrim in bazar pawh chu ka hnial duh lo. Dik tak te chuan an bul a bazar ai chuan ni leng a rawra chhut pawh ka duh zawk.








" Pa... Kan khua ah chuan engtik maw kan kal dawn a? Ka pi leh pu ten min rawn zawt a. College luh hma a zin i tih vek tawh kha! " Chhani chuan a rawn ti leh a. A nu nen chuan a hmui dak thei zet in ka pa an on zui leh nghal char char bawk.








" Naktip lamah kan tin zawn dawn nia. Chhungkua a zinna hun thawl a ni pah a. Mambawihi pawh tih tur em em a nei bik lo a. Kan pali hian kan chhung zin rup dawn a nia! " Ka pa in nui deuh hawk chuan a rawn ti a. An thu sawi vang chuan ka hawi chhuak nghal vat.








" Khawi ah maw? Kei chu ka zin dawn lo, in duh leh in chhungkua khan han zin ru! " Ka ti ram hmak. Ka pa chu lawm lo tih hriat zet hian a hrawk a rawn thian khurh khurh a. Kei erawh ngeng zet in ka thu ter at thung.








" In chhungkua ti ve ziah mai. A nih chuan nang hi kan chhungkua ni si lo hian enge i tih ve reng? " Ka nu hrawn chuan ngeiawm zet hian a rawn ti a. Kan thut na atang chuan kan in melh rum ngei bawk.








" Kan vai hian chhungkua kan ni. Sawi buai emaw tum suh u. A tu a te pawh, in thinrimna hi a ho thei lutuk a. Hmeichhe pathum lek hi thu pang ngai pawh hi a sawi theih lo! " Ka pa chuan a rawn ti chhur chhur chu a nupui fing khereki chuan tlawn deuh pah in a in sawi thiam khum leh nghal par par bawk chu ka ner sak.








" Ni ee.. Kan ti leh hluai thin a. Mahse hengte hi chhungkaw in pawhna zel a nia. Ruatfeli pawh a tawngkam hi a kha in a duh tui lo leh lutuk thin a. Mi hi a zah lo lek lek thin a, mahse he in chhung a awm reng chung a in chhungkua a han tih ngawt hi chuan nu ber tan chuan hriat hi a nuam lo ve em a sin. " Ka nu hrawn thu sawi vel vang chuan ka ner sak.







Ka phone rawn ri bawk nen an in sawi thiamna leh ka pa an tlawnna thu vel ka ngaihthlak peih loh vang chuan balcony lamah chhuak in ka phone chu ka chhang nghal daih a. Van lam fai vuk leh a hma tawh lo a ni tih lan nan a dum deuh khup chu en vang vang in thawk ka la nghal halh .







" Pay pui tur chhelo tawk ka hmu a nia! " Phone ka lak rual in ka thiannu Hmingtei chuan a rawn ti nghal lang lang a. Ka banrek a sana chu ka en nghal vat a. Dar 9 a lo ri thuak tawh.







" Zan in chu ka chhuak peih lo e. Midang sawm mai la. " Zawi si mi hriat hlau si chuan ka ti let nghal zat chu a rawn nui nghal har har a. A mizia tih hre reng mah i la a chang hi chuan a thawveng leh lutuk hi ka ngei lek lek thin.







" I duh loh te chuan pawi hlei nem. Ka duh sak vang che nia chu bakah a chhelo teh a nia aw. I in chhir a nge .... ! "








" Hming..... zan in chu ka chhuak peih lo tak tak. " Thaw hak in ka ti let sap.







" Okk..... Mahse i in chhir nan tal pawh a pic ka lo thawn ve reng reng ang che. " A tawng dan aw ri atang chuan a nui tih ka hre thei.







" Hmingdul ka duh lo ka tih chu. I hne awm lutuk. " Ti vak in phone chu ka off a nui chung in min rawn thawn a tum thu a la sawi hram pek a nih chu.







Thaw hak in van lam chu ka melh vang vang a, hmeichhe pakhat hma lam hun eng tak nei thin emaw in ti kha tunah chuan mahni taksa ngei hmang a pawisa la lut in ka nun ka hmang mek chu a nia. Mahse engkim hi ka duh dan a ni bik lo. Loh theih loh in ka nun dan hian min nawr tlat miau a. Chu bakah he thilah hian ka chhungte ka dem kum khua bawk ang.








In chhung ka luh leh meuh chuan ka pa leh a nupui chu an lo in ti lawm fel leh vek tawh. Ka pa bulah hnai zet a lo thu in a nui uar uar a. Khawnge an fanu rangkachak pawh hi. In thiar fi hlim hun hi a hre mah mah thin. An bul a thut khaw muan leh ka peih lo chu ka room lam a kal ka tum a ka pa min auh na avang in ka ding dat.








" Kan zinna tur a I mamawh vel kha lo la khawm ve la. Zan in a I peih loh pawn naktuk nileng leh zan a la awm bawk a. Ka sawi ang khan kan chhungkua in i nu te khaw lamah kan zin dawn! " Ka pa thu sawi khauh zet vang chuan ka in hum ruh nghal talh talh a. Sofa nghen chhan phen atang in a nupui pawh in min rawn melh nghal ralh.








" Chu chu a ngai lo ang. Ka zin ve dawn miau lo. " Ka ti let nghat chu ka pa thin in a tuar lo a nih pawn ka pawi sa nek lo. An bul a ka zin chuan an khua ah, an chhungte leh then leh rual hmaah min tih mualpho phet bak an tum leh dawn miau lo tih ka chiang a nupui leh fanu hian.









" Ka fanu i ni a ka thu chu i zawm mai tur a ni. I duh emaw duh loh pawn i tel dawn.. Chu chu ka thu thluk na a ni! " Ding chhuak in ka pa chuan a rawn ti chhur chhur.








" Pa... Pa maw? I fanu ka nih ang in he mite nufa kan inah i lak luh dawn khan min rawn bik em? Rawn lo ti raw... Chuvang chuan kha tiang zawng khan sawi miah suh! " Ka ti let ngat chu ka pa hmai chu thinrim vang a rawn sen tawlh tawlh in a mit meng pawh a dur nghal khup.








" Huuu..... I tan a tha tur ka ngaih tuah loh i ring a mi? Kan zin vek chuan nangmah in i awm a ngai dawn a. Ka ngaihtuah vang zawk che a nih chu! " A rawn ti deuh hmuk chu awi lo lutuk in ka then sak.







" Min ngaihtuah tak tak chuan ka bulah awm rawh. He mi te nu fa chu an duh leh an mahni in zin mai rawh se! Pa... Kan pahnih pawh in kan awm thei reng! " Ka ti chhuak nghal vak chu ka nu hrawn chu a rawn ding chhuak nghal vat.







" Duhtak i lo hria em? Min en hrang ka tih reng kha. Ka nu... Ka nau pawh ti duh lo in he mi te nufa... An nufa.. Tiang hlir in min ko a. Ka tan hian han tih vak ngaihna a awm lo! " Rilru nat hmel lutuk a rawn tiin a in sut nghal hlarh hlarh a. Khawi lamah tah belh lutuk ang mai.







" Mi hrang in ni reng a lawm. Mi chhungkaw ti chhe tu. In nu fa hian mi tenawm tak in ni. Nang hian eng tikah mah ka nu din hmun i luah thei ngai dawn lo. " Ka ti zo chiah chu ka biang a ri nghal chawrh a ka pai nghal nak bawk. Ka biang thip leh sahal vet vet leh lu hai nghal mup vang chuan mit ka chhing nghal vang vang a. Ka tah chhuah hlau lutuk in ka hmui ka pet nghal fan fan bawk.








" Kha tiang khan i nu hi chhang pang pang tawh suh! Naupang te te si hi i huang tau mah mah. He in chhungah na na na hi chuan kha i nu mipa rawp lutuk vang a a pasal leh fa ngaihsak lo a chhuah santu hming kha lam rik ka duh hlek lo tih hre bawk rawh! " Ka pa chuan thinrim lutuk hian a rawn ti chhuak chhur chhur a. In seh ruh vak in ka ding nghil nghal zat bawk.








" Ka nu min chhuah san chhanah khan ka nu chiah mawhpuh hauh suh, i dik bik miah lo! Ka nu sawi chhe tur hian engmah i ni lo! " Ka ti khum nghal vak chu ka pa in min ben leh tum in a ban a rawn lek uai a. Ben leh in ring zet in mit ka chhing nghal vak a, chu mi rual in ka biang sa hat hatah chuan ka mittui a rawn luang lum thla nghal pap bawk.








" Naupang te te, i room ah chho nghal rawh! Ka chawm chawp hian tawngkam chal tlai zet in min be tur a ni hauh lo! " Ka pa aw vin ri hrawk avang chuan mit ka meng riai riai a min ben leh em chu a duh tawh bik lo a nih ka ring. Ka hnung atang a hmeichhe hmel nui sawng ah chuan ka tlawm zia leh min hmuh sit zia bak ka hmu lo. Eng pawh sawi i la ka pa a lo thu hnuai hmasa leh vek tawh tih lah chiang reng bawk.







" Ka pa i nih vang ringawt hian ka lakah in chhuang duh suh. Mi fa pa ten an tih ang chanve pawh ka lakah hian thil engmah tih i nei lo! " Ti chhuak vak in ka biang chu ka kut hnung lam chuan ka hru nghal thak a. Ka room lam pan chuan ka kal nghal hlak hlak bawk. In chung ka chhoh dawn te chuan ka nu hrawn in ka pa a thlem a, min sawi chhun zawm dan te chu ka la hre pha vek bawk.







Ni e... Kum engzat nge liam tawh pawh ka hre nek lo. Thil engkimah kei aiin ka nu hrawn leh a fanu din hmun hi a tha zawk char char a. Ka thu chu engah mah ka pa hian a ngai ve ngai lo. Zan lamah thil ka sawi min pawm pui vek tawh pawh hi zing a lo nih leh meuh chuan ka thu sawi leh dil ve te chu hnawl an ni leh ziah. Eng ti fa ko in nge zanah he ramhuai nu hian ka pa hi a dawi a, a lo thlem thin ni.







Ka nu dik tak pawh ka tan em em a ni bik lo. A fanu vang tal pawh hian hmeichhe dang lak a a pasal a chan tur kha bei let ve tur a nia. Tlawm tak a mipa dang min um san lo khan. Mahse chuti chung chuan ka nu chu midang hmaah mualpho tak a an sawi emaw ka phal chuang bik lo. Heng ramhuai hmeichhe pahnih hmaah ngat phei chuan ka nu a nih ang in ka tan tlat dawn a ni tawp.







" Heii.. I tawng theih zarah ka pa kut i tuar leh a ni maw?" In chung step hmawr a hmeichhe lo thu ran chuan min nuih sak in min lo tih khum a. Chhang lo a kal tlang ka tum chu a thu rawn sawi vang in ka ding dat.







"Huhh... Ti nge i chhaw em em a, I nu ve mai mai kha tan tlak a awm lo tih hi eng tin nge ka hrilh fiah dawn che ni! " A rawn ti rual in in hum ruh vak in ka ding khawng at.







Ka pa hmaah chuan khawi lamah mifel ber ang mai in a U... Dei.. Dei.. A ti zet zet a. A hran a kan awm chuan tiang mize pu hi a ni thung. Ohh... Chu lo ah kum lamah pawh kan in rual reng miau. Kei aiin thla tlem te chiah in a nau lek chauh a ni.








" He ta tang hian ka lo ngai thla vek a lawm. Haha... Ka rawn chhuk ve a nih chuan ka pa in kut kha a thlak duh lo mai thei che a. Chuvang chuan heta tang a a ri lo ngaihthlak pawh kha a nuam ve hran pa hrim hrim! Engvang in nge he inah hian i la awm reng duh zawk? Kei chu ni i la i nu bulah ka awm vang vang tawh ang! " Tih zawm zat in a rawn ding chhuak a. Ni e... An nufa vang hian vawi eng zat nge ka pa kut ka tawrh tawh. Chhia tin reng min puh a, Chu ti chung chuan he in a awm hi ka la thlang fan bawk.







" I duh chu i hre tawh a ni lawm ni. Vanduai thlak tak in keimah i ni lo hlauh a. He inah ka la awm chhan maw, nang leh khu i nu ramhuai hmai hnih nei ti thinrim tur in. " Ka ti let ngat chu a rawn meng ling ve nghal ram.







" Ka nu chu i haw hle mai tiraw? Ka dem hran lo che i nu erawh chu dem tur pawh awm lo in kei leh ka nu min hlauh vang in he in atang a chhuak a nih kha. Ka nu chu eng rilru pawh lo pu mahse a fanu hi min la ngaihtuah tal a. Min en la, he tiang ang inah min chen pui a, pa tha tawp khawk min pe in ka hma hun min chher sak a! " A rawn ti nghal zet zet chu vuak thluk tawp ka chak ut ut. Hei vang tak hi a lawm ka nu ka huat thar leh thin.








" Sawi tha viau mah la nang leh i nu din hmun hniam zia bak i rawn sawi lang lo! I nu chuan ka pa in a chhawm thei tih a hriat avang in .. Ohh... I nu mai bakah nang thleng in in tlawn huam a. Ka nu chuan a mah a in chawm zo tih a in hriat avang in midang lakah a in nghat ve ngai lo. Ti chuan kan danglam na i man pha em? " Ka ti let ngat chu a hmelah a thinrim zia a lang ve ang bawk hian kei pawh ka thinrim.








" Zak thei lo. Ka pa in i tawng dan kha hria se i chan tur i hre em? " A rawn ti vak rual in za lo lutuk in ka nui chhuak nghal hak hak.






" Sawi dik loh ka nei a mi? Nang leh i nu chanchin leh mizia ka hriat chian em vang hian ka ngaina thei lo cheu pawh hi ka in dem lo. Thil pakhat leh chiah.... Nang leh i nu hian in vanneih na vang liau liau a ka pa in rawn bum thluk hma hian mipa dang bum tum hian i nu hian mipa dang z*ng eng zat nge a cheh tawh? " Ngei zet a melh in ka tih khum sak chu ka taksa a rawn nem nghal chawr a. Ka then khum sak.







Ka tawngkam hi a tla hawlh ve tih chu ka hria mahse ka ngaih pawimawh lo ber te zing a mi a ni thung. He mi te nufa chungah ngat phei chuan a na thei ang ber a tawng chhuah ka duh, an tih ang chiah in.







" Hmeli i va ngam zawk ve a! " Rawn ti vin tuar a min rawn pawt deuh nawk nawk chu lo sual let ve in kan in buan a ni ta der. Na lutuk lo a ka nem rual in step ah chuan a lum thla ta rawp a. Ka pa leh a nu au chul in a rawn kal a in chung step atang chuan ding in ka thlir thla ta tawp a. Ka pa rawn hawi chhauh rual in a mit meng a thinrimna nasa lutuk ka hmu nghal zat bawk.







" Lalruatfel eng vang a buaina hi cho chhuak ziah ngei i nih a! Kut ka thlak che i duh loh chuan i room ah lut rawh! " In hnuai step a ka pa ding run a rawn hawi chho in a rawn ti chhuak thawt a. Zan rei a ni tawh bawk nen a aw chu ring tak a ni tawp.







" Ka sawi i hria em? I room ah lut rang rawh! " A rawn ti leh thawt rual in in her in ka room lamah ka kal nghal hmak a. Ka room ka luh hma in Lalchhanhimi tap tuau a tawng ri leh a ke ruh a pelh an ti ri chu ka hre hman pek a. Ka thaw veng hawk in ka hria. Ti kha chuan zin an tum pawh an thulh leh ka beisei.







" Heii..... I chhuak tawh em? " Ka phone chuan Hmingtei chu phone in ka ti vat a. Chhuah ka tum lo zet a he in chhung boruak pik lutuk a awm ai chuan chhuah vang vang a engmah hre lo a va chet ka duh ta zawk.







" Chhuak tawh mahse i rilru i thlak chuan ka lo hruai ang che! " Music ri hulh hulh chu phone atang pawn ka hre pha. Dar 10 a la ri lo deuh a, ka lo in siam tur thu leh min lo hruai tur in ka ti nghal zat a phone kan ti tawp nghal bawk.







Ka thawmhnaw chu phelh vat vat in shower ka nei zawk a, ka pa min ben na sen hlar chu thup deuh in makeup ka hmang ve a. Ka mit pawh dum fiah kalh a tiin ka hmui erawh a no tawk lek in ka hnawih thung. Highways dum fit zet ha in kawr ko bah sin dum the hlem zet chungah top jacket chu ka in thawlh tawp a. Ka room tukverh chu hawng them them in ka in pawn lam bang a bet chi thing kung atang chuan ka chhuak ru nghal zat a. Ka tih fo tawh a nih vang in ka harsat lem lo.







Taxi stand lam pan chuan kawngpuiah chuan ka kal a, Hmingtei pawh scooty chungah a lo thu vang tawh. College kan kal tirh atang a ka kawm a ni ve a. Thil sual kan tih na kawngah chuan in thlawp tha tak kan ni ringawt. Semester thar atang in 3rd sem kan ni ve dawn a. Tunah hmeichhe kum 20 mi lek niin sual bawiah kan lut thuk tawh hle bawk.








Kan in ve chu kha tiang teh nuai a nih avang in pawn lam hi nuam ka ti zawk a. Kan thil tih thin avang hian ka chhungte pawh pocket money ka dil ngai lo. Ka mamawh a nih chuan ka nu ka dil a, ka pa in min pek chuan ka hnawl lem chuang lo mahse kei ma ir awm chhuak chuan ka dil ngai hauh lo a. Dil pawh ka duh hek lo. Hmingtei erawh thingtlang lam atang a rawn awm a nia. Hostel a awm in a ni pawh hi an chhungkaw en ang aiin kan thil tih avang hian a che thei fu. Scooty te pawh hi a chhungte pawisa ni lo in, a ma thawh chhuah ve liau liau a ni bawk.







" Enteh Ruat.... Zan in a mi te chu an chhelo bawn a nia aw. Ka ngaihtuah ringawt pawh hian ka tim sung sung thei. " Party na kan thlen chuan a scooty ti ding in a ti nghal lang lang a. Midang tan chuan tlai tawh mahse kan tan chuan kan khawvel a in tan chiah thung.







" Zan in chu in tur bak ka duh lo. A mood ah ka cheng lo a ni tawp. I duh leh an pahnih chuan nei rawh! " Ka ti chu a ner nasa mai. Mahse ka peih lo tak tak. Engmah hre lo a chah thlak chiah ka duh.








" Ihhh.... Min duh lo! " A rawn ti chu ka awi lo ngang mai. Dik tak chuan Hmingtei hi ka thiannu a nih vang pawh ni lo in a chhelo ve thlawt. A pian a nalh in a mah hi a harh vang sar/sarh a. A mah dawr thin tu te reng reng hi mi hausa vek an ni. Kei pawh chu tiang chiah chu mahse kei erawh ka duh khirh em vang leh pawisa mamawh uchuak ka nih loh avang in Hmingtei ang em em chuan ka regu lo. Ka duh hunah Hmingtei ka be mai a, chu tah pawh tlangval lo chu ka duh lo bawk. Mi pasal hausa tak tak leh nei nung tak tak pawn min beisei ve chawk mahse chhungkaw din tawh ho chu ka duh thak lo. Chu chu ka fair ve na ka ti bawk.








" Engee.... Ner vak tur a awm a mi? Min duh lo tak tak a lawm , ka hrilh ru ang che a chhelo zawk leh nghal . Hmeichhe dang pawh a duh an awm lo a nih hmel. Dik tak chuan nang pawh hi a duh lo mai thei che. Ka hmuh dan chuan mipa mahni lu zo ve tak leh in duh tawk ve tak a nih hmel! " A rawn ti zui nghal zat chu ka beng khawn peih lem lo.







Eng tiang a chhelo leh mahni in dah sang pawh ni se hmeichhe pay pui tur a zawng a nih chuan ka ngaisang teh lua lo a mahse chu tiang mipa chu kei mai ni lo Hmingtei tak ngial pawn a la tawn loh avang in ka hmu ve chak det.







" Room chu ding lam atang a chhiar a 3 na a awm a nih chu aw. Min nghak reng tawh a I lo han chho ve mai dawn a nia! " In chhung kan luh rual chuan Hmingtei chuan a ti lang lang a music ring zet in an play a midang pawh an lo sa pa tal leh hulh hulh tawh. Ohh.... Ka sawi hmaih chu keini ang hi an tam ve a nia. Kum naupang tak tak, keini aia nau daih te pawh an awm nuk.








Zan a khawi khawi emaw a standing ho nen kan danglam na chu keini chuan mi pangai chung lam hret kan chhai kual thin a. Vawi khat min mutpui man pawh hi a tam viau bawk. Chu ta tang ringawt pawh chuan an hauhsak zia a lang ka ti mai.








" Woww.... Hei chu... Eng tin nge nangmah chiah in i lo in theih. Zan inah tu man an hauh lawk loh che chuan ka chan pual i ni! " In tur danah bul a ka thu chu Ricky chuan phur zet in a rawn ti lawng lawng a. Ner nang in ka in tur chu ka in san leh hmak.








Hei pawh tlangval chhelo pangai tak chu a ni, ngaihzawng pawh chhelo deuh a nei tih ka hria a mahse hmeichhe tam tak hi a pay kual pui reng a. Kei nen pawh vawi khat chu kan ti ve tawh ngei! Mahse a bialnu a rapthlak em avang in hlat ka thlang ta zawk. Pawisa chu ngah mahse kan mualpho phah chuan kan tan
a hlawk teh viau lo.







" Eng zat nge i duh ang? Min hnawl zel lo la chuan hmeichhe dang pan miah lo pawn nang mahah hian ka lungawi ang tih ka chiang maw le! " Ti sup in ka biang chu a kut tang chuan a rawn thai ruak ruak a. Ka bek sam chu ka bengah a zep nghal zat bawk.







" Min hnaih lo teh. Zan in chu ka peih lo! " Ti hlak in a kut chu ka vai sawn a. No thum ka in na a ni tawh bawk nen ka lu a hai chiai chiai tan tawh.







" Woww... A tha.. Zan in chu tumah an awm lo tih ka chiang e! " Min rawn hnai zual sauh in a rawn ti sup a. Ka sual nge ka chiang lo pawh hi ka hre lo he pa hi chu ka hnaih chak tlat lo. A hmel leh mit meng hur hmel lutuk vang a ni mah na.







" Hmela...Thlawk bo teh! Ka hmaah hian eng zat a tam i pawisa pawh kha rawn phawrh mah la, nang a z*ng kher hi chu cheh nawn leh ka tum lo! " Seh chilh nawk a ti vak in ngei awm zet a melh in ka nui nghal sak chu ka in tur ken lai min rawn phih thlak sak nawk a. Ka hma zawnah chuan a rawn dah ri nghal chawrh bawk.







" Kan hria ang chu. I in duh ve khang lang a, Zan in hian ka hmuh tir khawp ang che! " Ti chhuak hrawk in min pawt tho deuh lawp chu ka lo tang ve ting tang bawk. Midang tam tak chu awm mahse tun ang hunah chuan tuman min pui dawn lo tih ka hria. He hmunah hian mamawh zawng vek a kal khawm an ni miau a. Midang puih a an buaina a rawn in rawlh na hun an nei lo a ni mah zawk.







" A kut kha thlah rawh! " Aw thum leh khauh zet in a rawn ti ri hrawk avang chuan Ricky pawh tiam in kan hawi nghal dawr a. Mi thenkhat erawh chu an awm dan ngai reng in an awm a, a then an la lam ang suau suau bawk. Mi pakhat kan lam pan a rawn pen phei pawk pawk chu light eng lutuk lo vang nge ka ruih deuh tawh vang zawk , a hmel ka hmu chiang thei mang lo leh nghal.







" Hei... Thiana a duh zawng i ni lo tih i hre thiam in ka ring! " Kan bul a rawn ding khawng luah a rawn ti thum hmuk tu chu ka melh chho haw a. A sang in a pian chu a nalh ka ti dawn nge mipa pian ka duh thu sam chiah a ni. A hmel erawh light hnung chhawn zawng a a ding deuh run avang in ka la hmu fiah thei lo cheu.







A kamis var dak hlur chu a in hmeh tih piah lam in a taksa pian dik thlurh ah chuan a lang nalh a. A kawr chung chu a banah uai tir in a kekawr ip a zen hlun bawk. A pa len mai bakah a taksa in phut mawi tawk chiah avang chuan a lang sar vuah ka ti lo thei lo.







" I buai na tur ni lo ah rawn in rawlh suh. Thian kan nih lai awm reng reng ka hre lo bawk! " Ricky chuan a ti let ve nghut a. Ka ban rekah a la vuan bet tawng tawng bawk. Kan hma a mipa lian zet chu a rawn nui suk a, a nuih dan chu a elh sen a ang ka ti mah zawk.






" Ok! Vawi khat chiah ka sawi leh ang, a kut kha thlah rawh! " A rawn ti ri deuh hrawk a. Music ring tak tak karah pawh a aw bung ri nghut chu hriat hmaih chi pawh a ni lo.






" Ka theih ka ring lo! I tih turah kan rawn in rawlh loh ang chiah in midang.. " Ricky tawng lak lawh lai chu a pai nghal nawk a. Ka kut a vawn chu a pai rual chuan thlah thawl in min theh deuh lawp ka ti mai ka tluk tawp ka rin laiin ban tha chak zet in a taksa lian leh hrawl zet ngheng in min pawt bet nghal thlawp a nih chu. Ka thin a phu nghal dawt dawt leh nghal.






" Kha kha ka tih tur chu niin ka hria! " Ka nghen mek taksa lian zet chu a tawng thum dur dur chuan min nghawr ve zel leh nghal. Couch a Ricky let thal tawp rawn rum tuah tuah chu ner khum sawk in ka kawngah a kut chu a rawn ti nghet sauh a. Min pen sawn pui nghal pawk pawk chu sawi buai lo in ka zui ve mai a. Min thenkhat pawh chuan min en zui ve vawng vawng bawk.







" Ihhh. . Ka lawm e! Min puih avang in. Ka kal thei tawh ang! Tih tur ka nei a! " In chung panna step a kan chho chu in chung kan thlen rual in ka ti sap. Engvang a polite ta em em nge ka nih. Ohh... Kha pa lak atang a min puih vang pawh a ni mah na.







" Heii.... Thianpa! Kha thil vang ringawt khan ka zui thei lo che! " Min ngai pawimawh lo zet a min kal pui zel avang chuan a taksa khauh zet chu ka nam nghal tawng tawng. Mahse room min din pui na zawn ka en chuan engmah ka sawi thei tawh lo. Khawng at a ding in ka meng bial kalh a. Ka ruih zawng zawng pawh an reh vek hial in ka hria.







" Nang mah hi maw? " Ka ti chhuak nghal haw. Hmingtein a chhelo tih kha a sawi tak! Mahse he pa hi chu a perfect lutuk mah mah a ni tawp. Mak ti lutuk a ka melh chho haw chu min rawn melh chhuk run in nalh leh pa lutuk hian a rawn nui nghal suk a. Ka sawi tawh em? A perfume ri pa hrak hi a mah bik ngawih ngawih.







" Dar kar chanve ka nghak tawh che! " Room kan luh rual in a aw thum leh pa zet chuan a rawn ti deuh hmuk a. Ka hawi let chu kawngka pawt khar dawp in a herh kalh nghal khup bawk.







" Ka rawn tlai dawn tih i hre sa in ka ring! " Ka ti let ngat chu a kawr chung a ban a mi chu sir lam chair ah chuan a theh phei nghal vut a. Kawi sawi zet a kawngka ngheng a ding awn run chuan a kut hrawl zet chuan a kekawr ip a zen nghal run bawk.







" I rawn thlen hnuah pawh darkar chanve chu in hnuaiah khan i rawn tawi khaw muang! " A rawn ti deuh hmuk chu mak ti zet in ka melh let ta haw.







" A dik a ni lawm ni? " A mit hmul San uk a a rawn ti leh chu meng kual ralh in ka hmui ka pet sawi ta zeuh. A darkar a zawng chuan ka hre lo mahse ... A sawi dik vel in ka ring.







" Sorry! " Ka ti let sap ringawt. A mit meng thim dur khup a khap lek lo a min melh run vang nge ka zam deuh tlat a nih chu. Tlem lo lem hlek lo phei i la chuan ka zam zia pawh a hmu ve ngei ang.






" Kum eng zat nge i nih? " A rawn ti sup chu ngai pawimawh duh lo zet in room chhung chu ka hawi kual san ralh ralh a. Ka jacket hak chu hlip in tlem tawlh hnung in khum dup nuam zetah chuan ka thu thla nghal thak a , ka jacket pawh ka sirah ka dah nghal thak bawk.






" I hmeichhe mut pui tur te kha tiang thu kha i zawt thlap thin em lo ang chu tiraw? " Ka kut chuan hnung lam khum a in nem khalh in nui pah hian ka ti chhuak halh a, a mit meng dur khupah chuan nuih za hmel ka hmu deuh bawk.






" Chhan harsa a nih loh kha! Ka hmuh dan che chuan i la upa hran lo! I nu leh pa, i chhungten hetiang thil i ti tih hi an hriatpui che ka ring lo bawk! " A aw pa leh ri thum deuh dut avang chu ka melh let vat a. A hmel lah chu a tak ngur in a thu tak em em mai leh nghal.






" Enteh! I bulah hian interview tur in ka lo kal lo. Kan thil tih tur leh i zawhna vel khan in zawm na a nei lo bawk! " Ka sam hui chho pap in ning zet chuan ka ti chhuak halh a . Tu nu leh pa mah in ka tih ang hi an fate tih a tan an phal dawn lo tih te chu hriat sa.






" Kan tih tur! Hmm.... Chutiang lam engmah ka la sawi lo in ka hria. I duh tal a nih chuan ka zawhna chhang la i mamawh zat sum chu ka pe ang che! " A rawn ti deuh sup chu ngei lutuk in ka ter ding nghal at.






Hmela mai mai chu min fiam kual te a tum khang lang a nih chuan a ti sual khawp ang. Hmeichhe dang in zuar ang a min nam nul a tum a nih pawn a rin ang chu ka ni hauh lo bawk ang. A chhan chu sum mamawh luak ka ni ve lo a. Hei chu ka awm duh dah vang pakhatah ka ngai tawh.






"Huuhh.... I duh vak na nge? A tha ka lo ti fu a sin. Zawhna chhan mai mai a sum lak luh chu! Chu loh reng a nuam han chen pui tur che chuan ka duh zawng pawh i ni lo mai thei a! " Min ngaihnep hmel zet a ner nawk in a rawn ti deuh hmuk chu ka in sum thei tawh ngang lo. Khum a ka kawr chung chu la in thinrim tun in ka in hum ruh nghal vak bawk.







Mipa ka pay pui tawh te reng reng hian min duh loh thu an la sawi ngai lo mai ni lo in min biak zui tum tam tak an awm zawk. Chu ta karah he pa ve mai mai.. Ohh... A chhelo viau tih chu ka hre ve tho mahse chu vang ringawt chuan a duh duh zawhna min zawt thei bik lo. Kei ni ang chuan kan background hi kan thup ve tlat thin. Mawl he hu lutuk mai.







" Min mutpui duh lo... Hmela mai mai chu(h) ! I hmeichhe duh zawng ka nih loh chuan engvang in nge ka hun i khawh ral reng! Vanduai thlak tak in i zawhna chhang a sum lak chu ka duh lo ni mai rawh se! " A lam pan a kal nghal hlak hlak in ka tih khum ta vak chu min nuih sawh zawk mah in ka hre hial.







A mit meng thuk ruihah chuan ka thu sawi khan a mahah effect a nei lem lo in ka hre bawk. Chu chuan min ti thinrim zual. Ka zan hun hman dan fuh lo sa nen ka ka chhung hi a alh hluah hluah ni ber in ka hre tawh.







" Hmela kal sawn rawh! Nang lo hi mipa chu ka hmu hneh sawh lutuk ! " Ti vin hlar in kawngka bul a ding ngur pa chu melh let ram chuan kawngka chu nem hawn ka tum nghal zat a. Kawngka lock ka her rik khap rual in ka kut chu kut lian leh lum thur thur chuan a rawn vawn hnan nghal vut bawk chu rum lutuk in ka melh chho nghal nghek.







" Ka duh lo che tih ka sawi lo! " A rawn ti deuh hmuk chu ngei lutuk in ka ner khum vak. Sawi dawt lo mahse min duh ni se chuan kawngka bul a ding in min en mai mai hauh lo ang. Min fiam kual a tum ve khang lang leh nghal.







" A lo nih tak chu! Kei mah zawk hian ka rilru ka thlak. Nang hi ka hnawl zawk che ni rawh se! " Ka ti chhuak nghek chu ka kut a vawn hnan chu a rawn hum nghet tulh tulh a. A hmel chu rawn chang tawlh tawlh in a mit meng pawh a rum zual sawt bawk.







" Ohhh.... I haw leh si em ni? Ka hrilh ang che zawhna in zawh vak vak hi a thing. Nakinah kan in dawr leh.... Ni lo... Kei chu ni tawh lo in hmeichhe dang i dawr leh hunah chuan an personal life zawt vak vak tawh suh! Free Advice a nih chu! " Nui lui sang a melh chho ha in mit ka siai khum sak a. Kawngka chu ka nem hawng nghal zat bawk.







" Chawh lutuk! Khatiang mipa.... Ehee... Enge.... Eng thil nge i tih? Hmela min dah thla rawh! " Room ka pen chhuak ka phun bal bal chu ka taksa rawn kang deuh nawlh vang chuan ka rak nghal tung.







Ka room chhuah san zawh chauhah chuan min luh pui leh nghal hmuk chu chhuat a min nghah thlak rual in thinrim lutuk in ka per nghal vak a. Thinrim lutuk a an khum a vin hrep ka tum chu a thil rawn tih avang chuan ka tawp chiang teh a sin!







A hmui lum ham ham chuan ka hmui a rawn khar nghal chawt a. Ka kawng a rawn vuan in a taksa khauh zet si chet chuan min pawt hnai nghal hrawk a. Kawngka a min nem beh rawk rual in a lei thap hrak chuan ka hmui a rawn nawr kau nghal zat bawk. Duh thaw leh huam hauh lutuk chuan min fawp tawn tawn a. Ka ham hai leh mak tih vang chuan ka chhang let ve pawn ka hre lo.







" Ti khan ka duh loh che chu i la ring tho em? " Ti thawp sup in min fawhna chu tawp in a in la hrang nghal zat a. A in lak hran pah chuan kham loh hmel zet in a hmui hnuai lam chu a pet nghal zauh bawk.






" Hmeichhe dang ang ka ni lo! I rin aiin ka to bawk ang! I duh lo a nih chuan tunah hian kan ti tawp thei! " Thawk la halh in ka ti chhuak sap chu a rawn nui suk a. Min awm hnai em avang chuan ka hmai pawh a rawn lum tel hawk thei.






" Shiiii..... Ka hria! Hmeichhe dang ang i ni lo! Chu vang chuan zan in hian nang leh kei hian he room hi kan chhuah san dawn lo! " A kut tang a ka hmui rawn tawk in a aw pa leh thawp sup chuan a rawn ti sup a. A kut tang chuan ka hmui chu a tuai nghal hauh hauh a. A mit meng thim khup leh cool ruih chuan ka hmui chiah a en ngur a. Room chhung chu reh thuap mahse he pa, a hming pawh ka hriat loh nen hian kan in karah hian boruak danglam zet chu a awm tih ka hria.






" Ohhhh..... Lalruatfel mipa chhelo tak a ni a, dawi at in i awm mek a. Chutiang bawk in he I hma a mipa hian khang hun chhung zawng a mipa dang in i lak a an duh ang tho kha a beisei ve! " Ka chhunglam chuan a rawn ti nghal vat bawk.






Ka ngaihtuahna atang a chhuak in ka mit ka chhing sawk a, zan in hian ka thiam thil chu ka lan chhuah tir khawp ang. He pa hi tu pawh chu lo ni se min theihnghilh mai mai loh na tur sul hnu ka hnut chhiah dawn khawp! Ti rilru in ka ban chu phar chhuak in a nghawngah chuan ka kuah a. A san em avang chuan ka fawh theih na tur in ka lamah ka pawt hnai nghal salh bawk chu a rawn khi ve suk bawk!




πŸ’•πŸ’• a kam keu na awπŸ’žπŸ’ž



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:31 pm

CHAPTER - 2 πŸ’• by Amy Cck ( Dream Girl)





πŸ’•πŸ’• Changtupa hmingah ' Sang ' a tel leh tawh🀣🀣 min hlap mai teh u ka rilru ah a lang tlat zelπŸ’•πŸ’•





* LAWMSANGZUALA Pov *








" I in chhir lo ang! " Ka sir a ka thianpa Papuia chuan a rawn ti sup a , ner khum nawk in ka hma a in tur chu ka tlak nghal pawp a. Papuia lah chu a phur hmel em em mai leh nghal.








" He ta ka rawn kal chhan chu i hmai ka zah vang chauh a nia. Kha tiang lam chu ka tui ve lo. A thu hrim in hmeichhe chi hrang hrang pawisa tam tak seng a mut pui kual vel lo hian hmeichhe tel lo a i awm thei ngang lo a nih chuan nupui nei ta mai la! " Nui ruh ruh chuan ka ti let ngut a. Ka thu sawi chu a pawm loh hmel ang reng viau leh nghal.








" A ngai ringawt chu an hneawm! Chu bakah he party hi i lo haw lawm nan leh ka hna tlin lawm nan a ka buatsaih a nia i la haw thiang lo! Chu lo ah heng hmeichhia te chu tu nge an nih kan hre chhun zawm tawh lo ang bawk hian an ni pawh in min ngaihven chhun zawm lo a. Leh lam takah chuan thawk an ti veng zawk! " Ti lawng lawng in thutna atang chuan a ding chhuak a. A hmeichhe nghah mek te ka ti mai, thli thlai tur chuan tukverh lam chu a pan a. Kei erawh ka phone ka bih ngur thung. Manoi chu text in ka be leh zauh thin, ka naupanlai thian ka ti thei ang chu.








" Khu le! A tawpah chuan an rawn thleng e. Khu nu te khu chu a khal reuh sia a mawi ve thlawt! Khum chung a han phelh ruah vek phei chuan duhawm tak hi a ni ringawt. " Papuia tawng vang chuan khi suk in ka ding chhuak ve nghal vut a. A bul a ka va din rual in kan awmna in lam pan a hmeichhe pahnih rawn kal chu ka melh ve nghal vut bawk.








" Thiana leh! An nau mah mah lo maw I tan chuan! " Nui chhuak hawk in ka ti chhuak hawk. Mahse hmeichhe pakhat zawk erawh ah chuan ka mit a fu nghal chat a. Balcony a chhuak zui vut in an rawn hnai zel chu ka melh run a. Helai a hmeichhe dang ang lo tak in a in chei pangai viau leh nghal.








" Room ah hian an rawn chho dawn a nih chu! Lo nghak rawh ! " Papuian phone a biak zawh chuan a rawn ti nghal sup a. Ka phur teh chiam lo nang in ka hnial ta bik lo.








" Ee... Bro ! I duh zawng a nih loh pawh in a loh thlawn chuan let tir lo la! Heng hmeichhia ho chuan sum hi an thu pui ber! " Kawngka a pawh hawn rual chuan mit siai zeuh in a la rawn ti hram pek a.








" Ls! I mu tawh a mi? " Ka phone rawn ri nghawr dar dar ka lak rual chuan leh lamah Manoi chuan a rawn ti nghal sap a. Balcony atang chuan pen lut in in hnuai lam a hmeichhe rawn kal tur chu nghak chhun zawm chung in ka be ve mai a.








" Ti nge i lo phone a? " Ka ti let sup chu phone leh lam a mi chu a lawm loh hmel ngang mai.








" I reh vung vung lutuk a. Zan in chu i rawn len ka ring a mahse i rawn lang miah lo a! " Lawm lo aw lutuk chuan a rawn ti a. Nui suk in thiante nen kan in hmuh khawm vang tiin ka phat mawi thei hram.








" A nih chuan, Papuia sawi kha a dik tihna mi? I hna kal san in he lamah i awm tawh dawn tak tak maw? " Zang khai zet chuan a rawn ti a. A tawng dan atang ringawt pawh chuan a phur tih ka hre thei.








" Umm... Loh theih loh na in min nang ching ta miau sia. Eng pawh nise a tlai tawh mu la, naktukah in hmuh kan tum dawn nia! " Ka ti let sup a.. Kei pawh haw tur a min ti in phone ka dah zui nghal a. Ka rin ai a ka mi nghah a rawn lan har avang chuan haw mai ka rilru nghal a. Engvang a lo nghak teh hrep nge ka ni pawh ka hre lo. Ka ban lek chhuak vut in sana chu ka melh nghal ngur a, zanlai a hnai thuak tawh.








Ka kawr chhung chu ban vut in room chu ka chhuah san nghal vut a. Room han chhuah san takah chuan pawn lam thawm chu a la tha ang reng viau leh nghal. He hmun hi Papuia te spot niin a awmna a fianrial bawk a. Tu mah hmai zah tur an awm lem lo. Huau huau lam lawm mi a ni ve hrim hrim bawk nen a mah nen pawh a in hmeh viau.








In hnuai lamah chhuan chhuk in midang ho chu kal pel a chhuah mai ka tum chu mi pahnih lo in pawt buai ka hmuh vang chuan ka ding deuh chawt a. Midang pawh in engah vak mah an ngaih loh avang chuan kal sawm mai ka tum chu a hmeichhia zawk in hmel pho vah a, a ban a pawttu, a melh rum al a a enchu ka va hmu chhun zawm zat a kal sawn mai ka tum chu ka rilru thlak in an lam pan chuan ka pen zui nghal vut bawk.




Tum lo deuh in ka hmeichhe hriat ngai pawh ni lo vang in mi kut ka thlak leh nghal. Chu tah he hmeichhia hi ka nghah mek hmeichhia kha a lo ni bawk a. Keiin in chungah ka nghah reng laiin hetah mipa dang nen an lo in pawt buai thei a. Hmeichhe pangai chu a ni lo tih chiang reng. Chu ti chung chuan engvang a in chung lam room pan pui nge ka nih ka hrethiam lo.








Mahni lu zo leh confi zet a room chu melh kual ralh in ka zawhna pawh chu tham lo fe in min chhang fi thla thak chu ka nuih a za ru viau. Ka zawhna chhang a a duh ang zat ka pek tur thu ka sawi chu a la na reuh phian leh nghal. Hmeichhe dang ang lo tak in a in duh thiam in a mah leh a mah chu a in veng thiam in a lan dan chu mawiin it awm viau mahse a tawng kam chhuak chu a kha fak a. Ngaihno a bei teh chiam lo mahse eng tin emaw tak zun a nei reuh lawi bawk si chu hriat chian ka chak tlat a nih chu.








" Hrep chuan ! Lawmsangzual tiang hmeichhia hi i ngai nat chi an nih loh kha! " Ka chhung lam a mi chuan a rawn ti a mahse ka hnai mek hmeichhe taksa lum ham ham leh ka fawh mek hmui nem thep leh thlum dep dep hi ka hlat thei tawh thak lo.








A hmui kau tiarah chuan ka lei chu rawlh lut in duh thaw leh uar zet chuan ka fawp tawn tawn a. A ni pawh chuan a lam a min paat hnaiin zei zet in min chhang let ve tan tan bawk. A naupan hmel ngaihtuah in a zei reuh viau leh nghal. A kut ka nghawng a mi chu sawn thla in ka kekawr kap zawn chu a kut chuan a chul kual nghal ruai a. Ka kekawr chhung a mi rawn che tual tual pawh chu ka hre rang ngei mai.





Ka kawnghren chu pawt phelh in a vawi khat tihna a ni po tih hriat zet in ka kekawr kil pawh a hmet phelh nghal zat a, a kut sei thlarh chu a zen lut nghal riai riai bawk. . Rum chhuak hrawk in kawngkharah chuan ka nem bet zual nghal hrawk a. A ka chhung sa hiamah chuan ka lei chu ka hawl kual nghal ruai bawk. Ka z*ng chu hum in muang chang in ka kekawr chhungah chuan a hr*wt kual a. Chu mi pah chuan chak hmel lutuk hian a rawn rum chhuak nghal dar dar a, chu chuan min ti phur in ka hnuai lam pawh a rawn khawng zual nghal tawlh tawlh bawk.






" Ka sawi tawh kha! Ka man chu to viau mahse i in chhir hauh lo ang! " Ka beng bul ah a aw sexy zet chuan a rawn ti chhuak sar sar a. A hmai zawnah ka kun hniam miau avang in a mit meng h*r hiamah chuan a confi tawk zia ka hmuh sak bawk. Tunah tak chuan engzat a tam in chhiar in min rawk vek tum mahse pawi tihna chhe te mah ka nei tawh lo a ni ber.








A kut ka kekawr chhung a mi chu ka mit a mit meng de sar sar a min melh chho ralh chung chuan a la chhuak riai riai a. A kut tang nalh zet chuan ka kamis kilh chu muang chang a hmet phelh in rei lo teah min phelh zawh sak der bawk. Ka taksa chu melh kual dan dan in sexy leh it awm lutuk hian a hmui a pet nghal zeuh a. Hmeichhe in zuar thin mai mai a ni tih hre reng chung in ka thluak a ti buai tan der.








" Ti khan i ding khawng reng dawn tih sawi tum miah suh! Min mamawh tih chu chiang tak in kan hre ve ve! " Thawp sap a rawn tiin a kut tang sei nalh zet chuan ka taksa chu a thai kual riak riak a. Hnuai lam melh in ka mitah bawk min rawn melh chho leh a. A melhna zawn ka en chu tum loh zet in ka nui chhuak hawk. Thup tum eng ang mah i la ka bawiha a lo puar kawh luah tawh miau.






" Hmeichhe naupang chhaih kual in ka awm chu a nia! " Ti chhuak hluk in ka sam chu ka tuai nghal phawk a. Hmeichhe sum hmang a mutpui duh tur khawp a mipa, hmeichhe mamawh ka ni lo tih chu ka hria. Mahse henu te hian a sawi tawh! Kei in ka ti lo a nih chuan in hnuaiah mipa dang hnaih mai tur tam tak an awm tih. Eng vang nge ka hre hrep lo mipa dang bul a a kal chu ka phal ta tlat lo. Mahse hmeichhe tleirawl mai han khawih chu dik thei chiah in ka hre bawk si lo.






. " Naupang! Naupang ka nih leh nih loh chu fiahna chance I nei a! I bawh pelh duh a nih chuan.. " A dar san ak in sir lam atang chuan a put chhuak nghal zeuh a. Min kal pel tur chiah chu a ban rek a buan bet chawt a hnaih chilh rawk in a hmui no chekah chuan ka fawp nghal tawn tawn a. Hmeichhe te lutuk chu ni lo mahse mizo mipaah chuan a sang lam ka paal mah zawk avang in min fawp let tur chuan a rawn ding di hlip nghal iak iak a. A mi fawh chhan let dan chu duh thaw viau siin a tawk reuh viau leh nghal.







A jacket chu phelh sak in a hnuai a kawr kaubah sin zet a hak pawh chu a lu lamah ka pawt hlip nghal thawk a. Ka che hman hmawh lutuk chu a rawn nui chhuak hak a. Kei pawh ka nui ve hawk tho. A taksa chu ka rin aiin a no nalh a. Bra dum plain tawp ha mahse a lan dan a sexy zual sauh zawk.







A nghawng var sar chu ka kut chuan hriat kim loh hlau ang mai hian a chul kual nghal ruai a. A nghawng leh beng kawm vel chu ka hmui a faap kual ruai in a chang in ka hne leh dek dek thin. Thaw halh halh a rawn ding di hlip iak iak in nuam ti zet chuan a rum chhuak dar dar a. A mal a chawi kang nawlh in rang zet in ka kawngah chuan a baap in min rawn kherh bet nghal hmiah a. A hmui hnawm chap a gawp tawn tawn in khum lam chu ka pan pui nghal vut bawk.



A hmeichhia zawk pawh a zak lo a nih chuan ka buai vak na tur ka hre bik lo. Mipa hrisel tha pangai tan chuan a chet zia leh min thlem dan hi hnar phal chi rual a ni lo ang chiah in over viau si lo in min hip thiam riau bawk hian min yi phur a ni ber in ka hria. Khum a ka nghah thlak dawp rual in a kekawr chu ka pawt hlip thla nghal hrawk a! Nui hak a rawn in beng kang in ka hma zawn khum chungah chuan a rawn tho chhuak nghal vat a, a mit meng atang chuan a tih tur chu ka hmu thiam nghal vek bawk chu ka khi suk.






Ka kekawr kawng chu rawn vuan nghal hmiah in a kut tang sei thlarh chuan min mit mei ran in ziper chu a zip thla a. Ka bawiha kekawrte chhan a rawn puar deuh luah chu melh in min rawn nuih sak a. He tiang ang a hmeichhia min hip tu hi ka tawng ngai lo ti i la ka sawi sual lo ang.












Muang chang a ka bawiha chu phawrh chhuak in a hma zawnah chuan a rawn kawh chhuak nghal luah a. A mit meng atang lawh chuan a phur zia ka hmu thei.








" A lian tak zet! " Ti sap in a kut chuan zei zet in a hra*t nghal zat a. A zeiin mipa tan chuan duh thu sam a ni ringawt! A ka chung lum hiam a a hm*am rual in ka thaw chhuak nghal hawk a. Ka in sum theih na zawng zawng in min kian San nghal vek bawk.








*sensor*








A hmeichhiatna sa tha zet a ka luh rual chuan a taksa a rawn kang ak a. Kei pawh ka thaw chhuak hawk. A nei tight in a sa ham ham a, ka bawh beh mek hmeichhia pawh chuan sawi lo mahse a na a tih deuh tih a hmelah ka hmu deuh.








" I duhawm lutuk! " Ti sup in a hmuiah huh hlapah chuan ka fawp zui tawn tawn a. Ka kut chuan a hnute chu hrawm kual tawn tawn in muang chang in kan taksa hnuai lam chu ka chet tan a. Engvang a dim dawi a, na emaw hreawm a tih hlau viau nge ka nih hrep hian.








Thaw halh halh a a lam a min kuah hnaiin min rawn fawp let ve leh tan tan a. A chet danah a na ti a zia tih ka hriat avang chuan ka che pawh chu ka dim lo tulh tulh a. Hnuai lam atang chuan rawn che ve talh talh in a taksa chu a rawn khur der der a. A zo dawn tih hria in kei pawn ka speed ka ti rang nghal sauh a. A taksa nel thep leh mam han chu bawh thlawp in ka kut chuan a hnute hmur rawn kawh la chu ka hum run a. Ka sam a rawn chul a thawk leh halh hlah tu hmeichhia, a hming pawh ka hriat loh ah hian ka duh chu ka hmu viau.








" Ti kha chuan kan zo in ka hria! " Sir lam a ka leh thlak tawp rual a rawn ti halh in a thu chhuak a. A sam sei hniang chu a chhip a vial khawm malh malh in ka lam chu a rawn hawi a, mawi zet a rawn nui sak in a hmui hnuai a pet sawi zeuh a. A biang sen tai hlar leh a mit meng t*h zawh chiah tih hriat zet a phel phang chu ka en kham thei lo.








" Ka la duh khawp lo! " Khum atang a thawh mai a tum chu a ban a vuan in ka lamah a rawn awn nghal rak rak a, a taksa mam han leh ruak kang a min rawn delh in ka hmai zawnah chuan a rawn kun hniam nghal zat chu ka lo nuih suk.








" Mahse kan in rem dan a ni lo! " A rawn ti let sap chu ngaihven zui lo in a tukhum a dawn in ka lamah ka pawt hnai nghal hmiah a. A hmui thlum tui zet a fawp zui ngawng ngawng a thu chhuak in ka taksa chungah chuan ka pawt kai nghal vut a. A nui ri mawi leh ngaihno bei zet a rawn nui chhuak hak in a fawhna chu a chhang let ve leh nghal zat a. Hnuai lam atang chuan ka z*ng chu a hmeichhiatna hnawm chapah chuan ka luh tir leh nghal ruai ruai a. He hmeichhia hi ka kham thei in ka ring ta hauh lo!




*



*



" Heii.... Bro! Tho tawh teh. Spot ti fai tu tur ten room hi tih fai an duh a nia. " Ka dar a rawn beng thuk thuk a rawn ti ri ka hriat rual in rang lutuk in ka in thu chhuak nghal vut a. Ka hma zawn a Papuia tawnzau leh kekawr bul ha a coffee khu vat vat lo keng chu ka melh nghal vut a. Room chu ka melh kaal nghal thuak thuak bawk.








" Enge! Dik lo a awm a mi? I tho a te a ni zawk lo maw? " Papuia chuan nui hawk hian fiamthu deuh hian a rawn ti nghal sup bawk.








" Khaw nge kha hmeichhia kha? " Papuia melh ngur chuan ka ti nghal hmuk. Engtin nge ka lo muthilh theih. Ka hriat hnu hnung ber kha chuan kha hmeichhe taksa kuah bet chung khan ka mu ngei. Mahse tunah a lo bo hmak a nih reuh chu.








" Lawmsangzual leh! Kha hmeichhia kha i hriat loh hlan in a chhuak tih sawi miah suh. A rawk che em en vat teh! " Ti chhuak hluai in Papuia chuan room chu a en kual ve nghal ruai a. Chair nghenchhan a ka kawr chung chu ban in ka bulah a rawn theh nghal vut bawk.








Ka walet chu la chhuak in kan en nghal zat a. Engkim chu a ngai vek in a awm. Lehkha them lo in zep chuan ka mit a la nghal chawt a. La chhuak a ka keu chu ka nui ta suk.








* I mutui sia ka haw a hun tawh a. Ka duh zat ka la ta mai. Ka sawi kha hmeichhe dang zawng zawng aiin ka to tih chu! * tih te mai hi a lo in ziak a nih chu.








Khum a mu thla nghal dawp in ka kut chu ka tukhum a suih in ka khi leh suk thin. Hmeichhe dang ang chu a lo ni lo tak zet e. A duh chuan ka walet ruak thak in a kal san thei mahse a ti hauh lo. Hmeichhe fair ve tak niin a ma tawkah a in veng thiam hle tih zawng ka hria.








" Kha hmeichhia kha biak pawh dan i hria em? " Ti sup in mak min tih hmel zet a Papuia min melh na chu ka nuih suk a. A Hming tak ngial pawh ni zan khan ka hre lo! Ni lo... Min hrilh duh lo a ni mah zawk. A personal life lam zawh chuan a lawm lo zia thum then miah lo in a ter at kha a nia.








" Hre mai mai lo! I harh tawh chuan Manoi call vat ang che. A call i chhang thei si lo a min rawn ti harh a lawm. Eng tin nge ka bulah i awm tih a hriat ni? " Ti bui bui in a coffee ken chu a lem zui nghal hlak a. Ka rilruah erawh nizan a hmeichhia ringawt kha a awm thung.








" I koh a ni kha! " Ti chhuak hluk in lukham pakhat chuan ka vawm nghal tawlh chu a coffee ken ka la tih buak sak zui.








" Ka hre lo. Cindy thiannu a nih kha! Kha nu kha chu ka hmu ve vak ngai lo. Ngaihtuah zui buai duh suh, a ni pawh khan a hre zawm dawn lo che. Nizanah ti khan hun in hmang a zaninah i sul hnu kha mipa dang in an nawh reh leh nghal lo ang tih a hriat miah lo. " Papuia chuan a rawn ti deuh sup a. A thu sawi vang chuan ka mood a rawn ti chhe nghal vek chu in chung lam ka melh nghal run.








" Cindy I tih nu chu .."








" Tih teh! Ls... Cindy pawh chu a hming tak tak a ni lo tih ka hria. Engvang a call girl pakhat ngaihtuah zui tlat nge I nih a? Kha.. I bialnu suak hi be vat zawk teh! A vawi engzat rawn call na nge pawh ka hre lo chhang vat mai teh! " Ti deuh hmuk in a kekawr ip a phone chu ka bulah a rawn theh thla nghal zat chu ka ban ve ta vut.








" A tawpah chuan i biak ve theih hram a. Vawin chu min chhuah pui dawn i tih vek tawh kha! " Phone ka lak rual in Manoi chuan a rawn ti nghal lang lang chu Papuia melh in ka ner nawng. Papuia lah chuan a kut zungpui ti pir va va in min chhuah san zui nghal hmak bawk.








" Ok! Mahse a hmasa in College lamah kal ka ngai dawn a. Chin chang min hrilh tur in i lo kal ve nghal anga. A tih chi viau ang. " Ka ti let ta nge nge. College tan la hun chiah lo mahse ka hna hi a thar tur a nih vang in va kal ve hrim hrim kha ka duh.








" Olee... Tha lutuk! Mi lo sawm la. " Manoi chuan a rawn ti let sap chu ka sawm tur thu in ka chhang let ta nghal sup.








" Bro! I chhuak nghal dawn a? " In hnuai lam a ka chhuak rual in Papuia chuan a lo ti nghal vat. In chhung chu nizan ang lo hlauh in a reh thiap tawh a. Nizan sul hnu hmuh tur a awm hauh lo kha hmeichhia ang chiah khan.








" Manoi nen chhuah dun kan ngai a! Photss! " Ti sup a nui suk in ka kut chu ka vai zauh a. Min rawn nuih suk in eng emaw a rawn sawi lawng lawng a. Kawngka lam ka pan tur chu in chhung sir kil lam a couch dum lo in hung chuan ka mit a la nghal chawt a. Kha hmeichhia bawk kha ka mitthlaah a rawn lang leh nghal chu duh lo in ka lu ka thing nghut a. Ka kal pel nghal vut. Zing a nih ang in khaw var in liam pui rawh se. Hmeichhia ka hriat ngai lo ngaihtuah zui reng tur a mi hman leh tih tur nei lo ka ni lo.








Kan in a ka luh rual in ka nu in min lo chhawn vat a. Ka pa erawh a hriselna lam a that chiah loh avang in room a chhuah san mang lo. Ka tleirawl chhuah atang in ram dangah lehkha zir in ka awm bo char char a. Ka zirna ka zawh hnu pawh ram danah hna ka thawh chhung zawm nghal bawk. Ram dang University a lecture hna thawk pah in ka degree ka siam chho ve zel a. Ka tui chilh bawk a kan ram lam a let ka ngaihtuah ngai lo.








Mahse ka pa hriselna a tlak hniam thut avang leh hna a zawm theih loh avang in a ai ka awh a ngai ta sia. Loh theih loh vang in ka haw ta reng bawk. Kan chhungkua hi kan khawsa thei ang reng a, College chang tlung tak din in chutah chuan ka pa hi Principal ni lai mek a ni a. Tunah erawh ka thlak a ngai ta thung dawn a nih hmel.








College mai bak ah hmun eng emaw zatah coching leh computer zirna class kal na kan hawng bawk a. Fapa mal ka ni a, kan chhungkua han chawm em em ngai kan awm lo bawk nen sum lamah chuan kan harsa lo ve khawp.








" Manoi kha i be tawh em? Call i chang thei si lo a min rawn phone a! " Ka nu chuan ka room a min zui lut in a ti nghal zat a. Ka thawm hnawm ka phelh san mual mual thung.








" Nu! Kan in be tawh a lawm. Vawinah College kan va tlawh dawn a! Class kal awm hma a a hmun hma vel va en kual ka duh deuh a. " Ti sup in ka nu chu ka melh run a. Manoi nen kan in be tawh tih a hriat takah chuan a thawven hmel ta huai.







" Manoi hi chu hmeichhe fel tak a ni! I ti ve em? " Ka nu in ka thawmhnaw ti fel pah chuan a rawn ti sap.






" A dik a lawm. " Ka ti deuh sup chu a rawn thaw nghal halh.







" Bawiha! Nupui neih lam te hi hnaih ve tawh teh! Kei chuan Manoi tha ka ti a, i pa pawn a mo a tan a duh thu a sawi ve bawk a. I pa hriselna tha lo nen... "






" Nu.. Ka pa hriselna that loh vang in chhawk k tum mek chu nih hi! Ka nupui neih nen chuan a in kung kai na ka hre lo! Chu bakah Manoi pawh hi ti zawng khan be thin tawh suh u. Ka nupui tur chu kei mah ngeiin ka hmu ve mai ang! " Lawm vak lo chuan ka ti deuh hmuk.







" Hmeichhe lam ngaihtuah hek lo. I kum pawh in a tlin tawh lutuk. Manoi aia tha hi chu i hmu chuang lo ang! A fel in a polite em em a, kei ni thleng in min rawn ngaihtuah em em a. In hna thawh lah a in mil viau bawk leh nghal! " A la rawn ti hram chu ngai thla zui peih lo in shower nei tur in bathroom lam ah ka luh san vut.







Ka nu ngaihdanah chuan a dik ve na chen a awm. Ka pa leh Manoi pa hi thian tha lutuk an ni a. Manoi pa pawh MZU ah Professor niin Manoi erawh kan College ah lecturer hna a chel ve mek bawk. Tette atang a lo in hre chho kan ni a. Manoi U mipa nen hian kan in rual khat vel bawk. Manoi erawh kei ni ai a nau deuh tihna a nih chuh.








Hmeichhe fel leh nun nem tak niin mi hriatthiamna pawh a ngah a. Ka awm loh pawn kan in lamah ka nu leh pa a lo va tlawh tang tang zel a. Ka nu leh pa tan chuan an duh chhan pawh a awm viau. Mahse keimahah hian thil danglam vak a rawn thawk teh chiam lo bakah Manoi hi chu hmeichhia ang a en hi har ka ti.








Shower nei zo a full mirror a ka in en chu ka hmui ti sawiin ka taksa chu ka thlek kual nghal thuak thuak a. Ka dar leh hnung zang vel a kut tin hamna hnu hma sen ralh ka hmuh rual in ka then suk. Ka nghawng zawnah love bite duk deuh hlak awm chu ka tuai nghal zauh bawk. Thawmhnaw dahna pawt hawng in ka shirt var nghawng V tawp chu la chhuak a ha in pants dum ka in thawlh tawp bawk a.







" Theihnghilh chu i har reuh phian! " Ti chhuak sup in motor chahbi leh ka walet chu ka ban nghal vut a. In hnuai lam ka chhuk rual a ka nu ka kal thu hrilh in ka chhuak zui nghal zat a. Manoi te in kawt a motor ti ding in an inah ka lut zui nghal vut a. A nu chuan min lo be leh siam siam tawh. A fanu nen hian an in chhun fuh khawp a, min hmuh tawh chuan thu sawi tur in an khat liam a ni ber. Hei hi kan in pawhna chi khat ka ti bawk.








" I U i be thin em? " Motor stearing her khual pawp in passenger seat lam a hmeichhe thu chu ka melh tel vut a. Shir var ha in pawnfel fual hnek hnak, hmuh nuam zel chu a feng bawk a. Manoi hi chu ka hriatna a rei tawh bawk a, hmeichhe nu leh rilru no zet a ni bawk nen. Ka thiam tawk chuan ka duat ve viau a. Awmna hmun lo hrang bawk nen. Mahse hmeichhe han tih kual a, han duat vel hi ka peih zawng a nih loh vang hian maang tam takah chuan han hnawl deuh chang pawh ka ngah.







" Kum tawpah a lo haw ka ring! A sawi dan chu a nia. Chuan vawin tlai chu ka nu in zanriah ei tur in a sawm vek tawh che kha aw Ls! " A rawn ti zui zat chu ka nui suk ringawt.







" I nu kan hrilh nghal a nge? " Tih leh ka chhan let hma in ka nu a call zui nghal zat a. Heng hmeichhe ho hian min thu hnuai ni ta ber in ka hria. Ram dang a kei mah a ka awm lai kha ka ngai rum rum.








Kan tih tur kan ti zawh meuh chuan a lo tlai thuak tawh. Manoi nu in min sawm ngawrh em avang chuan a in lam a chaw ei tur in kan let ve ta rawi a. Tawng tam teh chiam lo mah i la mi hi an ngainat thiam avang hian ka nel ve viau. Manoi pa nen pawh kan ti ti luam a. Ka hna thawh chung chang vel te kan sawi zui luam a. Papuia call ka dawn avang chuan chhang tur in ka tho nghal vut a fianrial lam ka pan ta nghal.








" Ka ngaithla e! " Ti sup in phone chu ka beng zawnah ka lek vut a. Zing lamah khan kha hmeichhia kha min lo ngaihven zui sak tur in ka chah ve ngawt kha a nia. Kei hi ka a zo tawh tak zet.







" Bro! Engmah hriat ngaihna a awm lo. Cindy ka zawt ngial a , a sawi duh bawk si lo a. " A rawn tih chuan chhan zui ngaihna vak hre lo chuan kan in biakna ka ti tawp ta ngawt.







" Lawmsangzual! Hmu leh pawh ni la enge i tih theih chuang. Hmeichhe awm duh dah sa tliah mai a nih kha. " Ti sup in theihnghilh chu ka thlang ta zawk! A hmeichhia zawk jn min hre lo a ka hriat a duh loh a nih chuan ka um zui chhan tur ka hre ta bik lo.








___________________________________________________







* LALRUATFELI POV *








" Ruat.... Miin i no min rawn dil a! " Hmingtei chuan phone ka lak rual chuan a rawn ti sap a. Kei erawh darthlalang lian zet hma a in en in ka taksa ka thlek kual ngat ngat thung.







" Tu in? " Ka ti let zat chu nizan a miin a rawn tih chuan ka thinphu a rang nghal dawt dawt. Ni zan a ka mipa hmuh mit meng thim khup leh chhelo zet kha ka mitthlaah a lang nghal kuar kuar bawk.







" Ka pe.... "






" Pe suh! Pe lo ang! Lo pe reng reng suh ! I pek a ka chanchin i sawi vaih chuan i chal dawn lo rapthlak a nia! " A tawng lai pawt chat in ka ti nghal vak. Engvang a hlauh thawng em em nge ka nih pawh ka in hre bik lo.







" Vak vak a che! Ka hre ve reng a ka pe lo tih sawi ka tum a lawm! " A rawn ti bai bai chu ka in thiam lo leh deuh.







" Pe suh aw. Eng lo a nia, a muthilh laiin ka duh zat la in ka chhuah san daih a. A lawm lo a ni mai thei . " Ka ti let hap chu a hre thiam ve mai a. Direct in tuman ka no an nei lo. Hmingtei atang vek in ka ti thin. Hmingtei pawh in hming lem vuah in no dang a la hmang cheu bawk a. Kan fimkhur ve pangai chuan ka hria.








" Hetiang em em hian eng tin nge a sulhnu a hnut chhiah theih zawk! " Ti chhuak hap in darthlalang hmaah chuan bra leh panty nen chuan ka ding teu a. Ka taksa chu hmun hrang hrangah a duk thiah a. Ka hnute bawr vel leh ka nghawng te, ka taksa chu a duk thliah a nih chu. Nizan kan chet dan ka ngaihtuah in kei mah in ka sen leh tan tan thin. Zun chu a nei chiang khawp.






" Hett! Lalruatfel mipa zawng zawng chu an in ang vek. Tenawm tak vek an ni! I mawina bak duh an nei lo! ' ti chhuak sap in ka riltam bawk si chu thawmhnaw ka ha malh malh a. Ka taksa a kha pa sulhnu awm vang chuan kaw lum e ti lo in ka in ha phui mai mai khawp. Ka sam ka tawn tur chu ka beng hnuai leh nghawng vel pawh min fawh duk na a lang deuh thliah a nih chu. Thaw hak in ka thlah hnak a ka room ka chhuah san zui nghal zat.








In hnuai lam a ka chhuk chu a lo reh thap a. Nizan zan khua in ka chhuak a. Zingkarah let in tukverh atang bawk a lut in chaw hma pum tawp ka mu a. Tu man ka room a ka in kalh khum chuan min rawn ti buai ngai lo. An tan chuan ka tawm bo daih hi an hlimna kha a ni miau a.







Thingpui lum in batter leh chhang chu ka la chhuak a. Thingpui so hma in chhangah chuan batter chu ka tat mawlh mawlh a. Thingpui sa lutuk ka in theih lo avang in nghak dai pah chuan ka phone chu ka hmet kual vel a. Kan class group ah an thu chei chu engmah sawi ve lem lo chuan ka chhiar thla dan dan a. Kan principal damlohna avang in a fapa phai lam a awm in a din hmun a rawn luah dawn tih vel. An sawi hnem lutuk chu thai puat puat in ka clear nghal pawp a. Ka thingpui chu dawhkan a la phei in ka lem nghal hlak bawk.








" In thiam lohna nei miah lo in i la rawn chhuk ngam a nia! " Rawn ti vin hlar tu vang chuan muang chang a ka no ken chu dah thla in ka thutna atang chuan ka melh chho ralh a. A ke chu a na tak tak a nih hmel, tuam luk in tiang a hawl tel bawk chu chhang peih lo a nuih sak in ka phone ka bih leh nghal hmak.







" Hmeli! " A rawn chet dan avang chuan ka rak that. Ka thingpui dawhkan a mi kha la in ka chhip atang in min rawn leih a nih chu! Vanneih thlak tak in ka thingpui a sa tawh lo hlauh zawk a. Ni lo se chuan ka hmai vel hi a duk thleh thluah ka ring.







" Phu ba a nih kha! Nang mah vang in kan zin theih loh phah! " A hma zawn a ka din rual in min cho zet in a rawn ti sak a. Ka thinrim lutuk chu eng sawi set set lo a keh thluk nawk tawh mai hi ka duh a. Mahse na nei zawk a ni a, tunah kut ka thlak leh a nih chuan a zual ko nasa leh lutuk dawn tih ka hre sa reng bawk chu ka thleng a chhang vel chu la sawk sawk jn tui deuhnaah chuan ka nghat deuh chawr a. Thinrim in sum zet in thawk ka la nghal halh bawk.








" Khaw nge ka pa? " Ka din ngai a ding reng chuan ka ti sap a. Ka thinrimna chu thup ka la tum fan.







" Ohhh.... I va van duai tak! Tunah tak chuan office ah a awm daih ang. Chu vang chuan min hek tum eng ang mah la a theih lo! " Ngeiawm zet a rawn tiin min nuih zui nghal hak a. Chhani hnung chhawn zawng a ka ding avang in ka nui sak chu min hmu ve lem lo.








Ka bul a thingpui bel la lum pep pep chu vuan in a in rin hma chuan a lam hawiin Lalchhanhimi chu thingpui chuan ka theh let thawt a. A sam , a hmai leh a kawr vel atang chuan thingpui far thlurh thlurh in a samah te chuan thingpui fe a kai buai bawk.








" Ka pa a awm lo! A dik ti raw? Thingpui no khat lek ai chuan a bel a mi hi kei chuan ka ngai na zawk! Duh aiin a fe a lo tam mah mah a! Sorry! " Ti sap a nui hak in in chung step ah ka tlan chho nghal daih chu tap tuai a a nu a ko riin a zawm zat. Ka room ah lut in ka phone chu earphone a connect in ring zet in hla ka ngaithla nghal hmak bawk. Ti khan ka pa bulah an sawi a nga ka pa in min hau a nga , a zo der!





*



*




" Mambawih khaw nge i kal dawn? " Hman hmawh zet a in hnuai A chhuk a kawngka lam ka pan chu ka pa in a rawn ti sup a ka ding dat.






" Pa... Ih... Ka nu damdawi inah an kal pui, chuan... Min rawn hrilh a ka kal dawn! " Hman hmawh lutuk chuan ka ti vat a. Zin kan cancel bawk nen ka pa in chawlh a lo la ting tang tawh bawk chu inah kan in khung deuh chawt a. Ka pa in a a awm miau avang in ka duh hun hun ah ka chhuak thei chuang lo. Ka room rawn kik a a rawn luh leh thut a chin avang hian ka pa in awm chuan ka fel ve viau.








Ka pa chuan hruai ka ngaih leh ngaih loh min zawt a ka chhan hma in a nupui in a lo chhang leh zet zet tawh. Taxi a kal tur in leh fair min pek a tum chu lak pawh la duh lo in ka chhuak zui hmak. Taxi stand kan hnaih bawk a, damdawiin lam chu ka pan vat a. Ka nu hi ka hua mahse na emaw hreawm a tawrh hian ka pal zam thei lo. A din hmun ka hriat chian vang pawh a ni mahna.








Ka nu an dah luhna ward ah chuan ka lut vat a. A pasal pawh a lo awm ve run. An lam pan a kal chuan ka nu chu ka ko a mahse ni khaw gre lo in a lo la awm thung.







" I rawn kal chu a lawmawm e! " Ka sir a ka nu pasal chuan a rawn ti sup chu ka chhang peih lo. A hmel ringawt pawh hi ka ten, ka nu hian hetiang mipa a then thei lo hi ka hre thiam thei lo.







Doctor in pakhat chiah in awm pui theih a rawn tih avang in kei mah zawk chu ka chhuak a, corridor sir a thut na awlah chuan ka thu a. Ka nu in Stroke a neih avang in tluk thut hi a hmang thin a. A mah enkawl duh eng ang mah i la, an bula awm chu ka duh lo. A Pasal leh a pasal fapa hi ka ngai na lo bur bakah awm duh loh chhan tha tak ka nei miau. Chu vang chuan ka pa inah eng ang a hreawm pawh in awm mah i la ka la awm fan.


















Ka dang a ro em avang chuan tui in tur zawng in ka vak kual a. Cooler ka hmuh hmasak ber lah chu a chhia nge tui a awm lo zawk a chhuak thei thak lo. Floor hnuai a mi in tur chuan ka chhuak a, tui ka in zo in her a kal ka tum chu ka hnung lam a mi rawn kal nge lo ding chu ka su nghal chawrh a. Ka sut nat teh lul nen kei mah zawk chu chhuatah mawng sawh dawp in ka thu thla chawrh zawk leh nghal.







" A naaaa.... " Ka ban a in beng thawh mai ka tum chu ka banrek na lutuk vang chuan ka rak nghal that. Engmah reng reng hi ka nun ah hian thleng dik a awm lo. Vanduai tur a piang hi chu ka ni ve chiang a lawm.







" Mawl lutuk! Nang mah vang in ka ban.... " Ka hawi chhuak chu ka tawng tawp chawt. Ni lo.... Tu nge ka sut hi? Rang lutuk in ka kun leh nghal vat a. Ka hma zawn a mipa lah chu a la rawn thu hniam ang deuh deuh leh nghal.







" I tha em? " A rawn ti sup chu kun ngar a lu bu nghat in mit ka chhing ngawt ngawt a. Ka kut rih na in min hip ngawt ngawt bawk. Ka taksa lah chu a lum pup pup bawk nen. Vawi khat chiah ka la hmuh a ni a, kan in hmuh zan atang khan ni eng emaw zat ral tawh mahse a aw ri thum sup leh cool lutuk hi ka lo la theihnghilh miah lo. Ka hma zawnah a thu ngur bawk si chu ka che chang ngam tawh lo hrim hrim!






KEIDAO ( Ka Duat tihna mai awπŸ’• πŸ™ƒ)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:31 pm

CHAPTER - 3 πŸ’• by Amy Cck ( Dream Girl)









" Heii.. I tha em? " A rawn tih nawn leh sup takah chuan hawi chhuak lo thei ka ni tawh hek lo. Huphurh ru deuh tak chuan a lam chu ka hawi a. Ka zawn vel ah a rawn thu thla ve bawk nen kan mit leh mit chu a in tawng nghal run a. Kei mah ang tho a mak a tih ve ka rin nen a hmel leh mit meng chu a danglam chhin miah lo chuan min ti ham haih leh zual!









" Ka tha! " Aw thian khar in ka ti nawn leh sap a. A mit meng tak deuh run leh thim deuh khup ah chuan melh let ran in zam lo ang a lan ve chu ka la tum ve fan.








" Ka ring chiah lo! " Rawn ti thum dut in ka kut na lam chu a rawn ban vut a. Ka banah vuan in a lamah a la phei nghal zat bawk. Kei mah atang a mit chu la sawn in ka kut vel chu a thlek kual nghal thuak thuak chu mak ti lutuk in ka en ta tawp. He pa hian min hre lo a nih te ka ring ta rum rum.









" A ruh a auh a ni mai thei! Kan awmna in a zir bawkah doctor kan check tir dawn nia! " Ka lo en reng lai chuan min rawn melh leh vut in dam deuh zawk chuan a rawn ti thum dut a. Tunah chuan min hre lo a nih ka ring nghet ta bawk a ka hahdam huai thei.








" Kal i la? I tho thei em? " A rawn ti leh nghal sup chu mak ti lutuk in ka hawi a heu leh nghal.







" Khawiah maw kan kal ang? " Ka ti chhuak phawng chu a rawn khi suk a. Hman zan ang chiah khan a lan dan chu a pa viau leh nghal.








" Kei mah vang in i in ti na sia! Doctor hmuh pui che chu ka bat ni in ka hria! " Nui deuh suk hian a rawn ti nawn leh sup. Rang lutuk in ka lu ka thing nghal nawk nawk a, tunah hian min hre lo a, a tha lutuk mahse doctor te kan hmuh dun leh chuan engtin emaw min hre chhuak lo ang tih ka sawi thei lo.









" I tho thei em? Ka lo pui ang che! " Ti sup in ka chhan na pawh nghak lo chuan a kut leh lam a ka ban vuan in leh lam chuan ka kawngah a rawn vuan a min tung ding nghal nawlh ka ti mai. Shirt var ha in A chungah coat a ha tawp a, a lan dan chu a in hmeh viau leh nghal.









" Ka tha! Ka tha lutuk a nia chu vang chuan doctor chu keimah in ka hmu mai ang! " Tih bah deuh nak nak a tawlh hrang deuh in kal sawn mai ka tum chu ka banah bawk chuan min rawn vuan bet leh chawt. Ka a tak ngial dawn! Engvang a hetiang hmun a in tawng nge kan nih, van hah thlak tak!








" Keimah vang a nia keimah ngeiin kal pui che ka duh! " A rawn ti sup chu a lam hawi a in her a han hnial ka tum deuh chu a mit meng leh hmel a thu tak em avang chuan engmah ka sawi ngam lo. A mit meng thim dur khup ah khian hnial eng ang mah i la min ngaihthlak duh hmel pawh a pu lo. Ohh.... Hman zan atang khan a mizia tur chu a chiang viau a thu a duh ve thaw khat viau ang tih chu!









" Ole! A nih chuan kal ang. Mahse ka kut hi thlah la. " Ka ti ta halh. Ka hnial a ka sawi buai kual vel a nih chuan ka tawngkam eng eng emaw lai ah min hriat chhuah ka hlau a ni pah bawk.









" Nope! I tlan bo leh lo ang tih Tu nge hria? " Ti deuh hmuk a mit min siai suk in ka ban a vawn chu a melh chhuk nghal run a. Ka thinphu a rawn rang nghal dawt dawt. ' tlan bo leh lo ang! ' a ti a nih chu. He pa hian min hre reng zawk em ni? Ka rilru chuan ka ngaihtuah chhun zawm nghal char char . Ka kut ah min vuan chuan min pen pui nghal pawk pawk a. Dek.. Pawh ka ti ngam tawh lo. Ka zui kual ve ta ngawt.









Kei hi hmeichhe vantlang tak ka ni ve in ka hria a. Fit 5 leh inch 4 niin sang viau lo mah i la ka pian hi ka duh tawk ve viau. Model te kan ni law law lo a nih chuan san lutuk pawh nalh ka ti chuang lo a. Mizo hmeichhia ah chuan ka in duh tawk viau lai in he ka hma a mipa ka kut vuan a min kal pui tu ka hmuh hian ka in hmu te chem chem thei. A loh ber ah fit 6 chu a hawlh chiang a ang. A taksa in phut mawi leh in vuah dik bawk nen a lan dan chu a pui tawp a ni mai.









" Chuan.. " Ti sup a ka ban doctor in min khawih sak mawlh mawlh lai chuan a rawn ti thum sup a. Ka bulah a ding deuh luah bawk nen ka dak deuh vah a. A lam ka hawi rang lutuk chu min nuih nghal suk bawk.








" Eng tin nge ka kauh/koh ang che? " Nuih za hmel pu reng chuan a rawn ti sup a. Chhan mai ngaihna ka hre lo, ka hming a hriat ka duh bawk si lo! Chhan dawn loh lah in a mawi tawh bawk si lo chu ka rilru a vak kual nghal ruai.








" Kan zo e! Kar khat hnuah a tuamna phelh tur hian i lo kal leh dawn a nia. " Doctor chuan a rawn ti hlauh chu ka lawm lutuk hi kuah nawk nawk hial ka duh. Ka sir a mipa lian zet ding pawh chuan min zawt chhun zawm lo chuan doctor chu a be chhun zawm ta daih bawk.








" Kar khat! " Ka hmui ti sawi zeuh in ka phun sap.







" Engmaw i sawi? " Rawn ti sup tu chu ka melh chho vat a.. Mit meng ti zim sun in min lo melh reng tawh.








" Engmah a ni lo! Ka lawm e, chuan ka tha tak tak a nia! " Ka ti zui ta ngawt. Kar khat chhung ka kut kan tuam a ngai dawn. A awm zia chu ka tan chuan pawn chhuah khap a ni! Ka pa in kawngka pui atang a zanrei a ka chhuak du du min hmu chuan a chhan min zawt ngei dawn. Chhunah lah chhuah chhan tur ka nei lo. Thian han kawm tur tak ngial pawh. Hmingtei te hostel lah ka kal peih ngai der bawk si lo.








"Tih tur dang ka nei a ka kal nghal mai ang! " A rawn tawng leh pawh nghak tawh lo chuan ka ti zui nghal zat a. In her in ka kal nghal nal nal chu min um zui ta bik lo. Ka nu awmna lamah chuan ka kal nghal a. A ni pawh a lo harh ve tawh. Engmah han hlauh thawn awm chu awm tawh lo mahse ngaih that nan zan chu riak tur in an ti ta tho.








Ka nu ber a tha ta bawk a haw tur in ka chhuak zui nghal a. Damdawiin ka chhuak chiah chu khua pawh a lo thim vek tawh. Ka ril lah chu a tam ang reng viau leh nghal. Taxi hmang mai tur pawh in hmuh tur emaw han phar mai tur an awm lo leh nghal chu ke in kawng sir zai zaiah chuan ka kal a. Ka kut na lah chu a damdawi thawh a reh tawh nge min tur deuh et et bawk.








" Enge a? Kawng sir ah pawh a sir tawp khawk ah ka kal hi! " Ti vak in ka hnung lam sir deuh a motor rawn ti ri reng chu ka leh hawi vak a. Ril tam tawh nen motor vang bawk nen thin a rim hlur tawh!








" Lo lut rawh! " Motor glass rawn down a rawn ti sup tu chu ka ner khum nang. Engvang in nge hepa hi ka tlan chhiat san theih miah loh!








" Engvang in nge min zui reng a? " Ka ti ta vak. Ka tawngkam lah chu ka ti pawr ve viau leh nghal. Motor atang chuan rawn chhuk in ka awmna lam chu a rawn pan nghal vut a. Khaw thim tawh bawk nen a hmel chu a lang rum in en mai pawh hian a nel awm hran loh tih chu a hriat.








" Nang zui mai mai hman ka nih i ring a mi? Tihpalh thil thu in kan in hmu ah ngai zawk la i ti fuh zawk ang! " Ka hma zawn chiah a rawn ding run in a ti nghal hmuk chu ka ner nang.








" Lut la! In in thleng ka thlah ang che! " A rawn ti chhun zawm hmuk chu tlan chhiat posi in ka ding tawh. He pa hi ka hlau deuh tan riau leh nghal.








" Ka... Ka duh lo! Ka sawi awm zia chu thlah ka ngai lo. Hmel hriat loh leh nghal! " Ka tawng chu a mit meng thim khup avang chuan a zuih ral thak.








" Hmel hriat loh chu kan ni in ka hre lo! Nang pawh hian min hre chiang lutuk tlat! " A rawn ti sup a, a sawi zawh rual in sawi fuh in ti zet in a then nghal suk bawk.








" Nang hian min hria? Vawin pawh khan min hre reng sia, min hre lo ang in i lo awm der char char a ni maw? " Vin lutuk chuan ka ti nghal vak. Ka tawng ring in ka tang bawkah ka kut na pawh a rawn phu et et thei hial.








" Ka hria che a lawm! Mahse ka hriat loh der lai che ka hre miah lo. Lut la a tlai tawh hi zanah hmeichhia mahni chauh a chhuah chu a hlauhawm! " Ngaih sam zet chuan a rawn ti sup a. Kei erawh ka din na ngaiah ka ding reng a, ka lut hreh bawk si mahse motor an vang tawh bawk si.









" Okk... I rilru nawmna tur a nih chuan zawhna ka zawt lo ang che tih ka tiam e. Chuan sawi kher ngaiin ka hre lo viau na a eng rilru chhia mah i lakah hian ka pu lo! Tunah tak chuan, ti chuan min ring ngam em? " A rawn ti deuh duah chu a awm zawn en in ka ding ngar.









" Min ring ngam em? " rawn ti nawn leh sup in motor kawngka chu a pawt hawng a , kawngka vuan chuan a ding khawng luah a. Thli a thaw vuk vuk a ruah a sur phei chuan kan in chu ka thleng har ngawt dawn chiang bawk si.








" Ring ngam lo! " Ka ti sap chu hah thlak min tih hmel zet in a thaw chhuak hawk a. Motor kawngka pawh chu a nem khar nghal dawp bawk. Ka ngaih kawi vang leh ka luh lul vang pawh ni bik lo in ka nihna a hria a, zah lo leh ngampa zet a ka lakah a chet ka hlau bawk. vawi khat kan mutdun a sex kan hman vang ringawt khan min zuam ka duh lo a. Duh vang reng a sex hman leh duh loh chung in khawih luih chu thinlungah a thawh dan a dang ve tho miau.








" Mahse rin che chu ka lo tum ang! " In her a a pen sawn tur chu ka thu sawi vang chuan a ding chawt a. Ka lam bawk chu a rawn hawi leh vut a, duh thlan tur ka nei chuang lo miau a. Min chhang lo chuan a dar a rawn san uk a. Then suk in passenger seat kawngka chu a pawt hawng leh nghal vut a. Ka thut luh rual in kawngka a rawn khar nghal dawp bawk.








" Chuan khawi lam nge kan pan dawn? " Driver seat a a rawn thut luh rual in a rawn ti nghal sup a. A kut leh lam a motor stearing vuan in a taksa erawh ka lam a rawn hawi thung.








" Ohh. . Vaivakawn lamah, mahse i tan a harsat chuan temple ah min dah thei tho. " Ka ti nghal zat chu ner sawk in a thut dan a siam rem a. Motor ti nung in a tlan chhuak zui nghal vut.








" Vaivakawn atang in LRM hospital lam daih i rawn pan chu a nia. " Ti sup ri vang chuan driver seat lam chu ka melh nghal vat a. Min bia pawh niin ka hre lo, a hla a tih thu a mah leh a mah a in hrilh a ni zawk mah.








" Ka mi hmuh tur awm miau hek! " Ka ti let hram chu rawn hawiin min nuih suk a. Motor darthlalang chu down in pawn lam ka hawi san daih.








Kan in be tawh lo a. Ka hming pawh min zawt tawh bik lo. Music ring lutuk lo a play in kan ngai thla dun a. Motor a ka luh tirh kha chuan ka thu mar at kha a nia tunah chuan hahdam lutuk in nghenchhan ka ngheng a. Pawn lam thlir in thli rawn thaw heuh heuh chu in chhem tir pah in ka rilru a hla play chu ka sak pui a. Ka awm dan chu a hahdam reuh phian hian ka hre bawk.








" I muthlu chu a ni em lo maw? " Motor ding dawt a rawn ti sup tu avang chuan a lam chu ka hawi a. Chik zet a min melh in ka phone a rik leh rik loh min zawt nghal sup a. Ka in dap chu a lo ri tak tak bawk.







" Hello! " Phone chu chhang in ka ti sap a. Motor pawh chu a tlan chhuah tir leh nghal vut a. Tlem in a hla play kha a ti zawi deuh bawk.








" Zan in i hman dawn em? I hman chuan ka rawn sawm ang che. " Hmingtei chuan a rawn ti zui lang lang chu driver seat lam ka melh zawk a. Vanneih thlak tak in ka phone biak chu a hre pha lo a nih ka ring. Bing zet a hma lam melh ngur in stearing chu a hum run bawk.








" Ohh... Zan in chu ka hman lo ni mai rawh se! Ka kut ka ti ulh palh a, a in mil lo e mai! " Zawi sap chuan ka ti a. Hmingtei pawh chuan ka nat leh nat loh min zawt luam a. Ni dangah in be leh tur in kan in biakna kan ti tawp a. In thlahrung deuh tak a driver seat lam ka melh chu a awm dan ngai reng a a la awm avang chuan thaw hak in seat chu ka ngheng leh dat a mit ka chhing zui leh nghal zat.









Mit chhing reng chung chuan mipa aw thum bul bul in phone a hmang ri chu ka ngaithla reng a. A aw chu hriat a nuam in min ti hahdam sawng sawng a. Mang lam a ka lut riai riai chu ka hmaiah tui in min rawn per leh thin vang chuan ka phu leh zeuh thin. Tu emaw phun hluk ri leh ka taksa chu pang ti lum nuam zet in rawn khuh in ka sir lam chu a rawn hmet ri khup a. Ka taksa chu a rawn lum ham ham a mahse ka mutthil chhuak lutuk vang chuan ka meng thei tawh lo thung.









Ka mit ka meng chhuak riai riai chu ka awmna hre chhuak thut in ka thu tung nghal at a. Motor chhungah kan la awm reng. Ka sir lam ka hawi chu ruah a lo sur cherh cherh a, driver seat lam ka hawi rual in ka thaw nghal huai. Phone hmet mual mual a lo thu run in motor chu kawng sirah a hung a. Pawn lam ka hawi leh chu vaivakawn lai takah kan lo awm tawh.









" Ehh... Tihpalh ka lo muhil daih a. Min lo kaihthawh tur che nia. " Ti bah bawk nawk nawk in ka phone ka hmet eng chu zan dar 9 a lo ni tawh. Chuan ka pa missed call a lo awm bawk.








" Khaw nge kal i tum? " Hman hmawh zet a che a ka awmna lam kawngka nem hawn mai ka tum chu ka ban a rawn vuan in a ti nghal nghut a. Ka then deuh sak a hmuh rual in ka ban a na tih hre chhuak ang mai in min thlah leh nghal zat.








" Kan in a hla tawh lo a, heta tang hian ka kal tawh mai ang. Min thlah avang in ka lawm e! " Ka ti zui nghal sap chu rum nghut in ka lamah rawn awn in kawngka tlem ka nam hawn chu a rawn pawt khar nghal hmuk a. Ka ham haih lek lek zawk.








Ka kalna lam tur sawi la in in kawt thleng ka thlah ang che. I kut kha ruah i do pui thei lo ang! " A rawn ti sup a. Chu tia a sawi tak vang nge ruah lah chu A rawn sur tam zual sauh leh nghal. Kan in peng lam chu ka hrilh ta ngawt, ka duh aiin he pa hian min hre chiang tawh mah mah leh nghal. Eng mi nge A nih lah ka hre ve der si lo. A lo sual viau phei chuan nakinah buaina min la siam thei tih thleng in ka ngaihtuah bawk.









" He tah hian! Ka lawm nawn leh ni rawh se. " Ti sap in kan in kawt gate bulah chuan ding tur in ka ti a. Kawngka nem hawng in driver seat lam chu hawi in ka nui var var a. Darkar 3 aia tam a hun ka khawh ral sak a nia. An in a haw daih tawh tur kha ka mut thluk avang in ka mut thilh chhung min lo thut pui ve char char a. Ho ang deuh in lang mahse miin ka tan.. Ni lo.. Ka lakah beisei engmah nei lo a an hun min pek vawi khatna a nih avang in ka chhung lam hi a hlim veng veng bawk.









Motor atang a chhuak vat in ka huh zawr hlau zet in gate chu ka hawng nghal vat a. Kan in lam pan chuan ka tlan nghal vat vat bawk. Tun a ka ngaihtuah ber chu na chhawkna / natchhawkna damdawiin ei a khum a puan lum a in khuh a mut a ni. Ka kut vang hian nge ka awm a nuam zan lo bawk nen. Mut hahdam ka chak lutuk ringawt.









Kawngka chu hawn mai tum in ka pawt a mahse a lo in kalh tawh. Thli thaw nen motor atang a kan in ka pan na lamah ruah in min ti huh deuh chap bawk chu a vawt ka ti tan deuh bawk chu doorbell chu ka hmet nghal ralh a. Mahse tuman ka din ren rawn pawn min hawn chuang lo chu khaw awm dan nen an mut ring in ka pa no chu hmet chhuak in ka call nghal zat bawk.









" Pa.. Kawngka hi... " Phone a rawn lak rual a ka ti chu a thil sawi vang chuan ka tawp chat.







" Inah i awm lo maw? " Aw khur beuh beuh chuan ka ti sap. Ruah lah chu a sur awn in a sur tak bawk si chu ka hnung lam zawng zawng a theh huh vek tawh a. Ka pa in a thawhpui boral avang in lu men tur in a chhuak a rawn tih phei chuan ka tah a chhuak ut ut hial.








Doorbell chu ka hmet nawn chhen a. Ka pa a awm lo rem changah lah in kawngka min hawn duh lo tih ka hre thiam mai. Ni lo se chuan hetiang khawp a doorbell ka hmeh hi an hriat loh ka ring lo. Ruah sur bawk nen bathlar sir ah chuan ka thu tawm kak a. Ka taksa bawl tek tek chu vawt ka tih vang a ni bawk.









Nidang ang chu ni se engah mah ka ngai lo ang. Mahse zan in chu ka nuam chiah lo nen ka awm dan hi a hreawm tak zet. Ka kut kan tuamna chu a huh duh lo eng ang ang mah i la a zawr vek tawh. Ka thawmhnaw nen zawng zawng ka huh vek a. Zan khua a tiang a ka awm chuan ka damlo thei hial in ka ring.








___________________________________________________








* LAWMSANGZUALA POV *








Vawin ka pa thisen test result vel tlai lam a a chhuah dawn avang in lam sak tur in ka chhuak a. Test result chu lam in engmah rilru hahna tur a awm lo chu ka thaw veng viau bawk. Haw tum a ka kal chu ka hma zawn sir lam deuh cooler hma a hmeichhe min hnung chhawn zawng a ding chuan ka mit a la tlat pek a.








A sam sei hniang chu a thlah thluan zar a. A mal phuar tang a kekawr ha in shirt a body fit zaih chu a hah bawk. A pian atang sawn ka hai thei lo hrim hrim ti rilru in chu hmeichhia min hnung chhawn zawng a ding chu ka pan nghal pawk pawk a.






A hnung a ka ding rual a a rawn in her chu ka taksa rawn su chawrh in chhuatah chuan ka tlu nghal thlawrh a. A rak nghal that a kei ka nui suk. A aw kha ka theihnghilh lo miau a. Ka hmeichhe zawn ngei kha a ni tih ka chiang ta viau bawk.








Thinrim aw vin hlar a min vin tan tan a a rawn hawi chhuak chu min hmuh rual in rang zet in a kun leh nghal vat a. A chetdan naupang chhia zet vang in ka nui nge kha ti chen ka zawn tawh rin loh zet a ka hmuh leh vang hian ka hlim a ka nui pawh ka in hre thiam lo. Mahse tunah hian ka chhung lam atang in ka nui tih zawng ka hria.








Ka rin loh zet in a lo tlu na reuh zek leh nghal chu a bul a thu hniam in a kut te leh kut tang sei sang chu ka thlek kual nghal vat a. A kut phah sen tan leh banrek bul puar deuh ka hmuh phei chuan ka in thiam lo ru viau bawk. Min hre lo ang hmak in confi zet in min melh ran a. Khaw eng ah, chiang zet leh hnai chet chawt a ka en tak ah chuan a hma ai khan a hmel a tha zawk tih ka chiang sawt leh nghal.








A ban entir pui ka tum chu a la tang ve tang tang reuh a. Ka bel chiang a a mizia leh chet dan pawh a la ngai vek. A kut vuan a ka kal pui chu ka hnung lamah min zui ve det det a. Ni tin ka zawng tawh lo ang tiin keimah leh keimah ka in hrilh ziah a mahse zing khua a rawn var a, a ngai ang bawk in ka rilru ah hmuh thut in beisei in tiin ka zawng leh thin a. A hma a a huau huau leh party kal tha peih lo khan thianten min sawm chuan ka chhuak ve ta ziah bawk. Chu pawh he hmeichhia hi ka hmuh thut beisei vang in. Mahse tunah damdawiin ah tum loh zet in ka hmu chu a nia kal san tawp chu ka tum hauh lo.








Tih tur nei tawh si lo in damdawiin pawn lam a parking ah chuan motor chhungah ka thu run a. Khua lah chu a thim thet thet tawh leh nghal chu ka hmuh loh hlan in a haw tawh a nih ka ring leh rum rum thin. Mahse rawn chhuak chu nise ka hmu hmaih ka ring bawk si lo chu ka in khalh haw mai duh bik lo.








" A tawp ah chuan! " Ti sup in damdawiin atang a hmeichhe rawn chhuak chu melh run in ka nui suk. A dar a a sam chu hnung lam a hui in a hawi kual ruai a, mi nghah a neih ring in ka en zui reng chu kawng sir a chuan a kal zui hlak hlak a. Muang chang in a hnungah chuan ka zui a. Rawn hruai mai tum hmel an awm tak loh ah chuan ka motor a chuang lut tur in ka ko ta nge nge a. Min lah chu a la rin loh hmel reuh em em zui leh nghal.








Ka motor chhung a thu lut tur pawn keimah zawk in in tiam kam na ka siam chu a nia. A ho ang reng viau tih chu hre mah i la ka sawi zo vek tawh. Ka nunah a vawi khat na a a tan he hmeichhia hian min hnawl ka hlau ta tlat hi ka thiam loh nge he hmeichhia te reuh vang zawk.








Passenger seat ah chuan ngawi reng a thuin pawn lam chu a thlir dauh dauh a . A sam thli in a chhem chuan a hmai a zar te chu engah mah a ngai lo. Ni dang zawng aia muang a ka speed hniam in ka tlan pui a. A sawi sel lo bawk a, tawng in engmah sawi lo mah i la ka bulah a awm hian ka hahdam tlat miau.








" I phone a ri in ka hria! " Ti sup a a lam ka hawi chu hre lo ang hmak in pawn lam a hawi ngar a. Motor ka tih din tak ah chuan a rawn hawi ve hram. Tu in nge rawn bia tih chu hre lo mah i la, a tawng dan hmangah chuan ka ngaih bel thiam vek bawk si chu motor stearing chu nghet zet a hum in pal zam hram ka tum fan a. A sawi chhuak tu zawk a ka tang a nih chuan a lawm lo hmel ka tuar ngei a ngai dawn.








" Lawmsangzual! A nun a nia, i in rawl a ngai lo! " Ka rilru chuan ka in hrilh nawn mawlh mawlh a. Phone a rawn be tu kha hre ngat i la chuan kut ka thlak duh hial ka ring. Pangai tak a ka bul a a awm lai a thil tenawm zet ti tur a rawn thlem tu a ni miau a. A kut lo na pawh hi in thiam lo viau mah i la, zan in a a chhuah na dal tu ah a tan tak avang in ka lawm tawh zawk hial.







Ka ngaihtuah na pik tun vang leh hmeichhia ang mai a ka ngaihtuah na vak kual vel vang chuan ka thawk zawng ringawt pawn ka hah hluah hluah a ni tawp. Ka hmeichhe ngaih ven hmasak ber hetiang mai a nih avang hian a ruk tak chuan ka tlawm vawng vawng in ka in hria a. Chu tah he nu te lah hian min ngaihven ve ang pawn a lang der si lo chu ka tlawm tak zet.







" Glass kha up rawh i kut tuam na kha a hnawm ang! " Melh pawh melh lo in hma lam chu ka melh lui ngur a. Ruah rawn sur sung sung in a kut tuam a tih huh ka hlauh vang in ka be ta hram. A lam ka hawi a nih chuan tul lo zet a a lak a ka thik thu ka lo pek chhiat ringawt vang a ka thinrim hmel a hmuh hi ka duh lo.








" Ka sawi chu.. " Ti chhuak hluk a passenger seat lam ka hawi chu ka thaw chhuak hawk a. Eng tin nge muhil chung chuan darthlalang a up theih teh lul ang! Motor chu ti ding dawt in passenger seat lamah chuan ka awn phei a. Glass chu ka up sak nghal hmuk a, awm sawn leh mai ka tum chu ka beng zawn a thaw ri sak sak vang chuan ka awm hrang thei mai lo.








" Min rin loh thu sawi si in hlauh nei lo zet in i muhil chu a nia! " Ti sup in hnai zet a ka melh run a. A mit hmul sei sang chu a chhing chial a. A hnar ngur nalh leh zum sat chu ka nuih suk. A hmui no chek chu lipstick hmang a tih sen chawp a ni ve lo tih ka chiang a. Enge ka tih ka hriat hma in ka hmuiin a lo si reng tawh. Ka phone rawn ri vang chuan phun hluk in ka thutna ah ka thu let dawt a. Manoi call chu ka chhang nghal sup bawk.









" I lo haw tep tawh em? Patea result hre chak in ka nu leh pa rual in ka rawn leng ve a. A tlai tawh sia! " Manoi chuan a rawn ti lang lang a. Sana ka ban a mi ka en vut rual in ka ner sawk. Chawhnu lam ka chhuak ka la chhuak tlang char char miau.








" Min ti buai zia hi! " Ti sup in passenger seat a hmeichhe thaw sak sak chu melh run in ka phun sup.







" Ls! " Phone a Manoi min auh na avang chuan phone ka bia tih ka hre chhuak chiah chu lu ka thing nghut.








" Ka la rawn let mai theih loh hmel. Ka nu leh pa bulah khan result chu a tha vek ti in lo sawi la. Ka rawn let hunah a result chu in en mai dawn nia. Hna pawimawh ka nei a ka rawn be leh ang che! " Ti sup in phone chu ka off nghal hmuk. Ka chhungte ngaihven lo thak a ka thil buai pui hi!









" Uhh.... I a tawh! Lawmsangzual i a zo tawh! " Ti chhuak sup in motor chu ka ti nung leh nghal vut a. Temple ah tlan thla in rei lo te ah vaivakawn chu ka thleng thla der. Ruah lah chu a tak tha fu leh nghal. Ka piah lawk a hmeichhe muhil thaw sak sak chu kaih thawh mai uihawm khawp in a mutui bawk si chu stearing bawh meuh in a muhil lai hmel chu ka thlir vung vung a. Ka phone phawrh in tih tur awm hek lo vawi tam tak a muhil hmel duhawm zet chu thla ka lak sak hman.




*





" I kawp tur chi hmeichhia a ni lo tih i chiang tawh bawk a. Zan in hi a tawpna ber ni rawh se! " Ti sup in ka hma zawn a hmeichhia an in lam pan a tlan chu ka thlir zui vung vung a. Zan in ringawt pawh call pakhat a dawn avang in kha tiang khawp khan ka thin a ti rim a , ka hnaih lui zel a nih chuan a nun khaw lo zet vang sawn ka a lo chauh dawn tih ka hre miau.









Motor chu tlan chhuah tir mai lo chuan kawngka bul a hmeichhe ding chu ka melh run a. In a luh ve leh ka let ang, chuan vawi khat mah ka hmu leh tawh lo ang a ka zawng leh tawh lo ang ti rilru in ka thlir run a. Ruah lah chu a sur tak in motor darthlalang te chu a rawn theh thawt thawt a. Ka mi nghah lah chu pawnah a la ding ran bawk.








" Hrep chuan! Eng thil nge a tih saw? " Ti chhuak hluk in driver seat lam kawng ka chu ka nem hawng nghal rawp a. Pawn bathlar a hmeichhe thu tawm chat leh kun deuh lap lam pan chuan ka kal zui nghal pawk pawk a. Ka taksa zawng zawng chu ruah in min nan huh nghal vek a mahse ka ngai pawimawh hauh lo. A hma zawnah ka din ngur takah chuan A rawn hawi chhuak ha a kei erawh in lawm lo lutuk in ka melh chhuk ngur thung.








" I la kal lo maw? " A aw tham chel leh khur ru der der atang chuan a vawt a ti tih lah chiang reng. Chhang lo chuan a hma zawnah chuan ka ding run a. Kawngka lam ka en vut a. A in kalh bawk si lo chu engvang a ruah sur hnuai a thu teh hrep nge a nih!









" I la kal lo tak tak! " Rawn ti nawn leh sap in a nui zui hak a. Mahse a mit meng dul raih atang chuan a tap tih ka hre thei thung chu thawk ka la hawk in ka kai tho a. Kawngka bul lam chu ka pan pui nghal hmuk bawk. Kawngka chu kik in rei ngial doorbell ka hmet a chhanna erawh a awm lo. Mi mawl ni lo tan chuan in chhung a mi te hian luh an phal lo hrim hrim tih lah chiang reng. Ka bul a hmeichhe ding khur der der lah chuan vawt a tih hmel ngang bawk.








" Nakinah an rawn hawng mai ang. A tlai tawh haw ve tawh rawh! " Ti sap tu chu ka motor lamah ka kai let dawr dawr a. Tang ve deuh mahse engah mah ka ngai lo a ni tawp. Nakin a an rawn hawn hun tur chu eng tik nge tih pawh a hre lo a. Chutiang a rei ruah a do chuan a damlo in ni khaw hre lo in a tlu thei.









" Tawng..... Hlek suh! Tun ai bak chuan ka thin hi i ti rim belh tawh suh! " Motor kawngka pawt hawng in ka ti chhuak hrawk. Mit meng khup zal zal in motor ah chuan a thu lut a. Eng buaina ah nge ka in hnam hnawih ka hre nek tawh lo. Mahse ti ngawt kha chuan ka kal san thei lo a ni tawp.




*



*




Thawm ri deuh rawk rawk vang chuan ka mu chu in let thawk in lukham chuan ka beng ka hup nghal hmuk a. Zing kar karah eng vang a thawm dim lo em em nge a nih hrep hian. Khum a thu chhuak hlawl in ka tho nghal vut a room chu chhuah san in thawm bengchheng zet awmna lam chu ka pan nghal vut a. Dining room kawngka bul ah chuan ding run in kawngka chu ka ngheng run a.








Dining room chhung a ka shirt ha chung a hnawk zet a hmeichhe che kual ka ti dawn nge phar kual vel chu a hmuh nawm reuh phian . Ka sam tuai thuak a ka nui suk riah chuan a rawn hawi vat a. A sam sei zet kha a chhip ah a tawm khawm vek a. A lan dan chu a sexy reuh phian.








" I lo tho tawh maw? " Ti sap in a rawn nui lui sak a. Ka melh ngur vang nge a awmna vel hnawk nuai chu thlek kual in in thiam lo mit meng zet hian ka din na lam chu a rawn melh leh nghal vat a.








" Sorry! Ka ti hnawk vek a, mahse ka ril a tam tawh lutuk a ka kut leh lam hmang tha thei lo hian ka che a ti khawr vek a! " A rawn ti leh nghal sap chu a lam pan in ka pen phei nghal pawk pawk a. A hmel a in thiam loh na leh nuam lo tih na chu ka hmuh hmaih hauh lo bawk.








" I khawsik chu a reh tawh a! " Ti sup in a chal chu ka khawih nghal zauh a. Nizan zan khua in a khawsik reh hlei thei lo vang in keimah zawk ka tal buai char char a. Zing lamah ka chhing ve sek a chu pawh a thawm siam vang in ka harh hma leh tho chu a nia. Chawnpui lam a kan inah nizan khan ka hruai ta ngawt a. In ka thlen pui meuh chuan a khawsik a sang tawh viau leh nghal. Eng thil nge a chungah thleng hi ka hre chak a. A chhungte kha mak ka ti tawp thei lo.








" Ka tha! Mahse ka ril a tam lutuk tak tak. Chuan I thawmhnaw min hak hawh tir vang in ka lawm e! " Tawlh hnung dat in a ti sap a. A mizia ka rin lo deuh a nei hi kei ngei pawh in mak ka ti.








Ka hmuh hmasak ber kha chuan hmeichhe zak thei lo leh mahni taksa ngei hmang a sum la lutah ka ngai a. Nizan a an in ka hmuh khan an harsat hmel lo bawk nen hmeichhe awm duh dah satliah ah ka ngai leh hman a. Mahse kei mah ngeiin an in kawt atang ka hruai chhuah dan ka ngaihtuah let khan keima ah lai nat na a rawn piang leh nghal. He tiang em em a thawk leh khat a ka rilru a hruai kual thei hi mak ka ti bawk.








" I lawm chuan i hming hriat chu ka phu ve i ti lo maw? " Ti sup in a eitur siam hnawk nuai chu ka chhun zawm sak nghal mual mual a. Ngawi ngar a ka sir a ding chu ka melh leh run thin. Kan in tawn dan a fuh loh em vang khan in thup a duh a nih chuan ka ti lui dawn lo. Mahse puih a ngaih chuan ka in huam thuk viau bawk.







" Lalruatfeli! "







" Eng maw? " A tawng zawi sap vang chuan ka en nghal vut a.








" Ka hming chu Lalruatfeli! Chuan I hre lo mai thei a, ni zan min puihna zawng zawng kha ka tan chuan a hlu lutuk ringawt !" A rawn ti chhuak sap chu nui suk in eitur ka siam zawm nghal mual mual a. Hei pawh a vawi khat na, Tu mah ei tur ka la siam sak ngai lo! Ni khat lek chhung in midang bul a ka tih ngai loh a chungah hian ka ti hnem lutuk hi ka dam lo te a nih ka ring rum rum!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:32 pm

CHAPTER - 4 πŸ’• by Amy Cck ( Dream Girl)









" I chhungte biak sak tur che in min duh em? " Thil kan ei mawlh mawlh lai chuan a rawn ti sup a. A mah pawh en kem lo chuan lu ka thing mat mat. Kei ngei pawh in ka hrilhgiah theih loh laiin a ni hian eng ti kawng mah in min hrilhfiah sak theih ka ring lo. Hrilhfiah a hnek in ka pa thinrim ka tawrh phah zawk dawn chiang bawk.









" Ngaithla teh! Sawi theih chu ka nei chiah lo tih hre tho mah i la hmeichhe tleirawl tan tirh chiah i la ni a. Ka puih i duh chuan.. " Ti sup in a thil ei chawl meuh chuan min en ngur a. Nui lui sak in ka melh let nghal zat.









" Enteh ka pu! Puih ka mamawh ka tih loh kha! Kha tiang lam chu kan sawi tawh lo thei em? " Pangai tak a sawi chhuak ang in lang mah i la ka fian ka hum ngheh danah ka pangai hlawl lo.









" Luhlul reuh hle mai! " A ti chhuak hluk chu ka chhang buai duh ta lo. A phone rawn rik takah chuan a chhang nghal sup a. A tawng dan velah chuan a bialnu a bia a nih ka ring, a chang in a nui leh suk thin. He tiang mipa nei tu hmeichhia chu a vannei ka ti hmann tep. Mahse ngaihzawng nei reng chung in kei min mutpui thei tho a. Belhchian chuan mipa dang ang reng a nih tho ka ring. Ka thil ngaihtuah kual vel vang vang lu ka thing nak.









Ka chungah that a chhuah nasa em em a, chu ti lai a a kawi zawng a lo ngaihtuah chu kei mah leh kei mah ka in thiam lo leh hnu hnawh. Eng pawh nise a bialnu chu hmeichhe vannei tak a ni hrim hrim.









Phone a biak rei tak deuh avang chuan ka thawmhnaw thlak a haw lam ka ngaih tuah ta zawk a. Hmui phun in room ah ka in thlak tur thu ka hrilh a. A beng bul a phone lek ngur chuan a bu nghut. A phone biak a mi chu a tawng duh barh barh viau a nih ka ring, a mah pawh a tawng ve mang lo. A rul tawk zel a chhang in a chang in a nui leh suk suk thin.









Kei nen pawh eng mah kan sawi luam lo a. Midang lak a ka chanchin sawi chhuak vak chi ka nih loh ang chiah in mi chanchin hrir hi ka tum vak ngai lo. Ti hian.... Ka nung ve tawp a, ka rilru in a ngaihtuah leh min hruai na lam lam ah ka kual ve mai mai a. Eng thil pawh ti I la min hau tu leh min zilh tu an awm loh miau avang in ka tal kual vel mai mai in ka hre thin.









Ka thawmhnaw la hnawm deuh chu ka in thawlh nghal vat a. Ka kut tuam pawh loh theih loh na avang in ni zan khan kan phelh ta ngawt a. Nimen ang em em chuan na tawh lo mahse a vung ve hlak a. En mai aiin thil han lak leh han hum mai a theih lo ve khang lang leh nghal.









" Ka kal aw! " Room ka chhuak chu phone a lo la be reng. Haw ka duh tawh miau avang in ka au ta tawp a. Khua a tha leh vuk tawh a, ni sa a ka kal chuan ka thawmhnaw hnawm chap pawh hi a ka hem ro phah thei a nga a zia fu ang ti rilru a kawngka pawh hawn mai ka tum chuan ka hnung lam atang in ban tha chak zet hian a rawn nem khar nghal dawp chu ka phu zuk a ka in her nghal vat.









" Nakinah ka rawn hmu ang che! " Min melh run chung chuan a rawn ti sup a. Tak vah a melh in mit ka khap fak fak mahse a phone a dah thlak tak ah chuan phone a a mi biak a ni tih ka hre ve nghal chiah. Ka sir a a ban hrawlzet chu kham run in min melh chhuk ngur chu ka nuih tlawn ta tawp.









" Heii... Enge a? " Ka lam a a rawn awm hnai ruai ruai chu hlau thawng lutuk in ka ti nghal chul a. Ka hlau thawng nghal ringawt leh nghal. Ka hmai zawn ah thaa lum ham ham chu mit ka chhing tak ngawt vang in ka hmuh thei lo. Mahse min hnaih hle toh chu ka taksa hian a feel thei.









" Min lo nghak rawh! Ka thlah ang che! " Ti thum sup a a in la hrang vut chu rang lutuk in ka meng nghal vat a. Nuih za in sum zet a min lo melh run in ka hmaah chuan a ding deuh luah a. Lu ka buk nghat takah chuan in her in room lam a pan nghal nul nul bawk.








" Min ti hlau hman tep! " Ti sap in ka awm ka dawm leh hnu hnawh a. Mahse engvang in nge ka chhung lam hi a hlim em em pawh ka hre lo. Chhuah ka tum tawh zet chu in chhung lam a kal leh in sofa ah chuan ka thu thla dat a, kei mah chuan ka nui leh sak thin .









Eng pawh chu ni se rei lo te chhung lek pawn min ngaihsak zia ka hmu a. Nizan ka dam lo khawsik tlun deuh pawh tlaivar deuh thaw thak in min buaipui a. Zing a rawn tho a, eng mah dang ti hmasa lo in a kut lum yhur thur leh dam dup a ka chal leh nghawng rawn khawih hmasa ber in ka that tawh leh tawh loh min zawt a. Chu tah min zawt sa tliah mai mai ni lo in min ngaihtuah tak tak hmel a pu a a mit meng dur khup a ka hmu bawk.









Min duat tu leh ngaihsak tu dik tak ka tawn loh na chin pawh hi ka hre tawh lo. Ka nu chu ka chen pui lo ang law law a nia, ka pa lak atang ngei pawh in ka dawn loh na a rei tawh. Ka room kawngka kik a a rawn dak zawk hi ka chan chu a ni tawh mai a. Kei pawh in ngaiah ka nei hial tawh bawk.









Shirt dum ban tluan ha in a ban chu a pawt chho hret a, pants gray ha in a in thuam dan chu ho viau mahse a chhelo a ni tawp. Ka lak a a that lutuk vang nge sawi sel lai tur engmah ka hre lo. Min min kan khum uk in kawngka lam a pan chu ka zui nghal det det a. A naupang hran tawh lo tih a hmel leh chet danah hian a lang vek a. Chu tih laiin chhungkaw awm thei ve tak an ni tih pawh ka hmu thiam nghal bawk.









" I kut kha damdawi hnawih in tuam nghal ang che! " Driver seat lam a tang a rawn ti thum sup tu chu ka melh nghal vat a. Vawin kan motor chuang dun chu a dan a dang zar tawh. Ni sa tang at chuan min ti harh sung sung a. Motor chhung a a hla play chu ka thiam lai lai zawm in ka zai lang lang a. Tih ngaihna vak min hre bik lo chu min en in a nui leh suk suk thin. A sawi ang tak tak zawhna emaw ka tan a hreawm tir thil a sawi chhuak miah lo bawk.









" In i luh ve leh! Thil dang buaipui lo in! " Ka chhan mai loh avang chuan a rawn ti nawn leh sup chu ka nui nghal var var . Ka nihna engkim hre vek chung a pangai tak leh min ngaihtuah tak a min la be thei hian ka chhung lamah hlimna a thlen ka ti lo thei lo. Ka chhungte ngeiin call girl ka ni tih hria se tiang hian min be thei tawh kher a ngem.









" Awlee... Ka pu! " Nui hak a ka ti chu a rawn nui ve suk. Hma lam hawiin hla bawk chu ka sak pui lang lang a. He tiang a rilru thawveng a ka awm lo chin pawh ka hre tawh lo hial. Kan in gate bulah chuan motor chu a ti ding dawt a. Kan in ka lo tih ve chiah motor chhung a tang chuan ka thlir tlawk tlawk a. A chhung a luh saw ka chak lo tak zet.









" Dik lo a awm em? " Ka hmel nguai deuh chu a hre thiam nge min ngaihtuah aw zet chuan a rawn ti sup. Ka rilru chuan nizan a a in a ka awm lai ka la thlahlel a, tuk thuan kan ei dun re chu ka ngaihtuah let ta ngawt.









" Aizawl a cheng hlun hi i ni nge i chhungte bulah i awm? Hei chiah hi chu min hrilh la ka duh! " Kan in ka melh ran chu a rawn ti nawn leh sup. Nizan thil vel vang khan kan in a nih loh a ring a nih ka ring.









" Ka nia lawm! Ka pa leh ka nu pawh....! Ka ti buai viau che a ka in thlahrung lutuk a nia. Chuan chaly! " Ti sap in motor kawngka chu ka nem hawng a chhuak zui nghal vat in a lam ka hawi chu ka thu sawi kha a ngaihtuah chhun zawm nge a hre thiam chiah lo chu a chal ti chuar ngur in min melh run chu ka nuih nghal hak.








" Ka lawm e tih na! chaly .... Chu ka lawm e tihna! " Nui ver ver a tiin mit ka siai zeuh a. Min nuih let suk chu bak vai zeuh in motor chu ka nem khar a kan in lam chu ka pan nghal zat.








Kan in ka hnaih tulh tulh a, ka ngaihtuahna a hnual tulh tulh bawk. Ka pa a lo la haw loh phei chuan a nupui tr nufa nen ter at a in hauh leh kan hma bak tih ka chiang a. A hma chuan he tiang mizia hi ka ni bik lo, mahse ka chenpui ten an zir bik loh em avang leh tawngkam tha a biak ka hlawh loh em avang hian ka hriat loh hlan in ka tawng chhuak hi a ngeiawm in mi khei fak a tawng chhuah te ka ching tan a. Ngaiah ka nei ta bawk.









Kawngka chu kik in chhung lam atang chuan Chhani chuan a rawn hawng ta vat a. Min lo nuih sawng chu ner khum sak in ka lut nghal zat a. Sitting room a ka pa min hnung chhawn zawng a phone hmang ka hmuh takah chuan ka thaw huai thei . Ka pa a awm chuan tlem in he mite nufa pawh hian an zia an thup thin miau a. Ka room a chhauh tlang a in bual fai a mut nghal tum chuan step pakhat chu ka pen hman ka pa min kauh na avang chuan ka pa lam chu ka hawi vat a. A bul a kal tur in min hrilh nghal sup.









" Khaw nge i kal? " Ka pa hma a ka din rual in k a pa aw khauh leh ri bung vut chu ka hre zawm zat a. Choka luh dawn thu thlengah Chhani a thu a a nu erawh TV bulah a thu thung.








" Damdawiin ah...! "







" Dawt ka ngaithla duh hlek lo a nia! " Ka sawi zawh hma in ka pa chuan a rawn ti chhuak nghal hrawk chu ka pa chu ka melh chho vat a. Engvang a thinrim nghal ringawt nge a nih lah ka hre lo.








" Dawt ka sawi hlei nem! Damdawiin ah ka kal... "








" Zankhua chuan i awm lo a ni lawm ni! Tun lawk khan i nu ka bia, nimin thim dawnah i rawn let thu a sawi a, mahse tunah in i rawn lut chauh a! " Ka pa chuan a rawn ti leh nghal hrawk. A hmel a dur khup a, a mit meng pawh a rum viau bawk.








" Nia.. Eng lo.. " Sawi mai dan tur ka hre lo chu ka thaw chhuak nghal hak.








" Mipa nen in fawr tih sawi mai ta che! " Thuthleng a ka nuhrawn chuan ngeiawm zet hian a rawn ti hmak chu rum zet in ka melh nghal nghek.








" Chu chu a dik em? " Ka pa thinrim aw hlauhawm lutuk chuan a rawn ti nghal chhur chhur bawk.








" Chutiang a ni lo. Nizan ah he mi te nu fa hian kawngka min hawn duh lo a. Chuvang chuan.... " Ka pa rum nghut ri vang chuan ka tawng tawp leh chawt. A hmelah chuan ka lak a a thinrimna a thup then miah lo leh nghal.








" Dawt hian ti nge min puh ziah a! I pa a chhuah a vang in kei ni te chu kan mu hma a, ruah sur bawk nen kawngka ri kha kan lo hre har deuh a. Mahse i nau in a hriat ve che khan a rawn hawn che a ruah sur hnuai ah mipa ban vuan in in in zui hlawk hlawk kha a hmu vek cheu!" Ka nu hrawn chu rawn ding ter at in a rawn ti nghal piap piap chu awi lo lutuk in ka nui ta hak.








Kha tiang a rei kawngka ka chum in doorbell ka hmet a, chu tah kha pa pawh khan a hmet ve bawk mahse an rawn hawng tawp si lo a. Ka haw hma in ka pa bulah ka sawi hlau in an lo in sawi khalh leh vek tih ka hre nghal vek bawk.








" Chutiang a I u i hmuh chuan ko let mai ta che nang pawh! " Lalchhani lam hawi chuan ka pa chuan a ti nghal hmuk.







" Ka ko a mahse kha pa nen khan motor ah an chuang a, an tlan nghal daih a. Ruah a tam bawk sia.. " Chhani chuan a rawn ti zawm nghal zat.








" Dawt sawi suh! Kawngka pawh i rawn hawn loh kha, mi pangai tan chu kha tiang khawp a kawngka ka chum kha hriat loh thei a ni lo! " Ka ti let tuar. Ka khawsik a rawn in tham leh tan nge ka taksa chu sa hal hut hut mahse chhung lam atang in vawt in min tham er er a. Ka thawk pawh a sa hat hat bawk.









" I thiam loh naah pawh in sawi thiam i la tum tal chu a nia! Zan khua in mipa i awm pui lo a nih chuan i pa hi hrilh la! " Ka nuhrawn chuan a rawn ti hmak a. In hum ruh ngawt ngawt in ka ding ran a. Eng pawh sawi i la ka pa hian a awi dawn lo. Tih chu kan vaiin kan chiang vek.








" Tu nge rawn thlah Tu che kha? " Ja pa chuan a rawn ti sup.







" Lalruatfel! Nizan a kan in atang a hruai chhuak a tun a rawn thlah leh tu che kha tu nge? " Ka pa aw ring zet ka hriat rual in ka darah min vuan in min thing nghal nawk a, min thlah rual in chhuatah ka thu thla hnawk. Ka kut ruh na sa bawk nen ka in nem khalh nan a ka hmang chu ka chhing nghal sawk.








" Ka hre lo! A hming ka hre lo! " Ka ti chhuak nghal vak a. Ding in ka pa min koh na pawh ngaihven lo in ka room lam ah ka tlan chho hlak hlak a. Ka ban rek na lutuk chu ka kut leh lam a vuan in ka room ka luh rual in kawngka ngheng dawt in ka tap chhuak nghal hawk a. Ka pa dik tak ni chung in engvang a khung a thisen zawm pui ni lo te aia min ring lo ziah nge a nih bik.








A chang chuan thih daih chakna ka nei rum rum thin a. Mahse ka rilru hian a ngam leh chiah lo thin. Ka nun hreawm lutuk vang hian thih chak eng ang mah i la ka sual lutuk vang hian mahni in tih hlum ka ngaihtuah ve pawh hi ka thulh leh thin. Ka thih hun a ka kal na tur ka chian em vang pawh a ni mahna. Van lam hremna aia chuan khawvel a hreawm tawrh ka la thlan tal thin.









" A ho lutuk! I vawi khat na pawh a nih loh kha. I tah chuan nuam an ti dawn tih i hriat kha. " Kei mah chuan ka phun sap a. Ka kut chuan ka mittui hru in bathroom lam ka pan nghal vat a. Nizan ah mipa ka zui tih a hriat ringawt pawh in a thinrim a, kha aia nasa ka ti tih a hriat hun chuan a kut khum min that duh hial ang. Ka pa hian thin butut an tih ang hi a nei miau a , chu chu khu mite nufa khuan rem changah an hmang ziah bawk.









Shower nei zo in khum a ka mu tur chu kha pa... Ohh... A hming pawh ka hre ve miah lo tih ka hre chhuak chiah. A thu sawi hre chhuak thut in ka kut chu rem lo zet a kei mah a damdawi hnawih in ka thiam tawk chuan ka tuam a. Ka pa in ka that leh that lo pawh hriat hmasa tum lo a min vin nghal nghek lai in kha pa kha chuan ka hmel leh mit meng atang in ka na tuar lai a hmu thiam vel bik a.









" Khai khin suh! " In sut hraih in ka phun chhuak sap. Ka bag a damdawi chu la in ka hmawm nghal zat a. A khua a rawn sik leh tak tak hma a mut thilh vat tum chuan khumah chuan ka muthla nghal zat a. Midang chuan ka tawn ang boruak an tawn hian an nu te bulah an hreawm tihna te an sawi thin a kei erawh chu ka nu hi ka ngaihtuah chhin ngai miah lo. Kei ai a mipa a dih zawk miau avang in ka ngai chhin ngai lo.





*





Tu emaw ka bul a che kual vel vang chuan peih lo zet in mit ka meng a, ka thil hmuh vang chuan khap fak fak in ka khum sir a ka pa chu ka melh reng a. Ka kut tuam kha phelh in damdawi a lo hnawih hluau hluau a nih chu!








" A na viau em? " A rawn ti sup in lu thing mat mat in ka thu chhuak a. Khua a lo thim vek tawh. Chawhma a ka mu khan zan dar 8 ah ka thang harh chauh a nih chu. Ni khaw hre lo in ka awm nge ka damdawi ei vang khan mutui ve hrim hrim pawh ka hre lo.









" Damdawiin ah ka tlu palh a. A ulh ringawt a lawm! " Ka ti sap chu a rawn thaw huai a. Ka tluk na ka ti chu a hahdam hmel deuh. Thin bu tut chu nei mahse ka pa hi pa rilru chhia a ni lo . Kan pafa in kkarah midang rawn tla zep lo se chuan ka nu ngaih ven lo thak in ka pa hi ka ngaihven ang mahse chi chu ka duh thu sam mai a ni thung.









" Ka fanu i ni a ka hmangaih in kawng dik lo i zawh hi ka hlau a ni! Nang lah hian ka thu i zawm tha duh tlat si lo a. " Ka kut ruh vung deuh al hmet kual nuap nuap chuan a rawn ti sup a. Ka mit tui a tling nghal pam. Ka pa nen hian a fal a kan in biak loh na chen pawh ka hre tawh lo.









" He in i i in a ni a. Midang in luh an phal loh vang ngawt a lut lo tur i ni lo bawk. I nu leh i nau hi nel hram hram tum ve la. Nizan thil pawh kha in in hrethiam lo palh mai a nih kha! " A rawn ti nawn leh sup chu ka hmui let fan fan in ka pa chu ka en reng.









" An duh thu ngeiin min kalh khum a lawm. Pa.. I fanu neih chhun ka nih hi! Tlem tal chuan min ring ve la. " Ka ti chhuak tiau. Ka pa hi haw thin mah i la ka pa a ni reng a, a lakah ka pang chang leh thin.









" Ka ring lo che ka tih loh kha! Mambawih mahse chhungkua i duh ang i nei lo a nih pawn tiang a rilru kawi hi pu tur in ka duh lo che. That i chhuah hmasa zawk a nih chuan i nu leh i nau pawh khuan an nel ve em em ang che. I mi hriat ngai loh leh a hming pawh i hriat loh chu zui ngawt tur i ni lo tih hrethiam rual i ni tawh a sin! " Ka mit a min en ngur chuan a ti sup .









A awm lo a engmah a hre ve lo. Hna a kal chhung zawng zawng khan eng tin nge kan awm pawh a hre ngai ve miau lo a. Tlai a rawn haw ve meuh chuan an ni mize thup thiam phakar bawk si chuan an lo ti leh hiam a. Kei chuan ka mizia ka thup ve thiam lo a ka dih bawk hek lo. Chuan ni dan khan kha pa khan zui lo i la tunah hian he tah ka awm lo mai thei zawk.









" A tlai tawh nizan i tlai var bawk sia zu mu ve rawh! " Ka ti chhuak sap. Ka thinlung hi a lawm thei mawlh lo. Ka pa a ni a, nizan ka haw lo kha a thin a rim a nih pawn ka dem lo. Mahse in ka luh khan kha tiang a thinrim nghal vak lo khan ka that leh that loh te, tawh sual ka tawh leh tawh lo min zawy hmasa se, chu mi hnu ah a duh chuan min hau nghek rawh se. Chu tiang chu ka beisei a ni a, chutiang a a ti a nih chuan min hmangaih tih a chiang dawn miau bakah min hau tur in dikna a nei bawk. Mahse min tih dan teh tawp khan ka rilru a ti na em a ni.









Kha pa, a hming pawh ka hriat loh kha chuan ka tlu a. Na ti a ka au that rual in min ngaihtuah zet in ka na min en sak nghal in doctor min pan pui a. Zan tlai tawh a tawhsual ka tawh hlau in a motor ah min chuan tir a. Kan in kawt ah min dah hnu ah pawh min ngaihtuah vang leh ka dam loh a hlauh vang in min thinrim khum hial a.








A motor a min luh tir tur ka tan deuh khan min vin hrawk a nih kha. Mahse a mit meng leh a che zia ah min ngaihtuah tih a lan chian em vang in ka hnial ngam bik lo. Kha tiang kha ka pa lak atang a ka beisei chu a ni a mahse midang hnen atang in ka dawng daih hian ka rilru a ti na tak zet.




*



*



" Vawin chu class in tan tawh dawn bawk a, office ka kal rual in ka thlah kawi hman ang cheu in unau in! " Zing chaw kan ei lai chuan ka pa in a rawn ti sup a. Chhani leh a nu chuan nui hak hal in thil an sawi chhun zawm nghal barh barh a kei erawh ngawi reng in thil ka ei thung.








" Pa kan kal rual in ka thian te pathum sawm ve nghal i la! " Lalchhani lah chuan a la ti ham ham zui. Zahna hi chu a pai lo ve thlawt.








" Ni e... A ni jmasa ber tur a ni sia, thian kal pui a neih chuan a tan pawh a nuam sawt dawn a! " A nu in a rawn tui hnih nghal vat a. A mah pawn kal se a zak chuang dawn lo tih ka hre chiang lutuk in ka thut hmunah ka lo ner sak.








" Kei chu ka thiannu in min rawn sawm dawn. Min kal san mai ru. " Ti hmak in ka thleng ka nawr sawn a. Ka kut tab a sil in ka room ah ka chho nghal zat a. Room ka luh rual in Hmingtei call in min lo lam hman leh hman loh tur thu ka zawt a. Kal rual chu a lo duh ve thu a aawi chuan ka thaw huai.








Shirt pan lam a var hlang tawp ha in kekawr highways dum kawng sang chu ka ha a . Ka shirt hak chu ka kawng fek vel chen a suih in sneakers var chu ka bun leh tawp a. In cheina hi ka duh man to ngai hran lo a mahse ka neih ho erawh ka uluk viau.









Ka in siam zo a ka pa te pawh ka room tukverh atang in an chhuak tawh tih ka hmuh a. Kei pawh Hmingtei lo va nghak tur in ka chhuak zui nghal zat a. Kawnah ka nghak mai thin a, a tan pawh kan in a rawn pen leh vel a buaithlak a vang in.








" Enge i kut chu a an? In ah in kalh khum chu a nuam dang dai viau lo maw? " Nui hak hak a tiin scooty darthlalang atang chuan min rawn melh zeuh a. Ner nang in a hnungah ka sik nghal hlak. Chhuah min sawm a piang in ka theih loh thu in ka chhang ziah a. Ka thei lo tak tak reng bawk a, ka tukverh atang a chhuak ru tur in ka kut ka la hman a thil ka hum vak ngam loh avang in ka thei lo a, ka pa in in a hlum hneh bawk nen nileng zankhua in ka room ah ka in kalh khum ti i la ka sawi sual lo ang.









" Kan principal ai awh tur a fapa chu i hre ve reng reng em? " College gate a kan tlan lut rual in ka ti zui lang lang.








" a teuh lo. Mahse a fing in a zir san hmel khawp mai. Ram dang a hna bang in a rawn haw tih vel chu an sawi. Eng engah emaw master degree leh doctorate degree a neih nual a. Lecturer leh professor ho in meeting an neih thlap hnuah a pa ai a awh thei ve chauh a. A bright thaw khat tur ah ngai tawp ang. " Parking a ding in a helmet phelh pah chuan a ti siam siam a.








" Ni mai mai teh se. Kan tan chuan a ngai reng tho a kan college life! " Nui hak hal chuan ka ti a. A ni pawh a rawn nui ve hak tho.








" Kan class room lamah chuan kan phei a. Coridor phei vel pawh midang an lo tam ve nuk nuk tawh. First semester tan tur room zawng te nen kan in sul pel zut zut a. Lalchhani leh a thiante in kai a nui thler duai duai pawh ral khat atang in ka hmu bawk.








" Nang ni thian dun kha i va rawn tlai ve. In in la senior nghal ringawt a ni maw? " Kan room kawngka opposite a ding a midang che vel kan thlir kual chu ka bul a rawn ding a rawn ti deuh sup vang chuan in en in ka nui hak.







" Lalhruai thu thar kan hria a nia aw. SU thlan hunah din ve i tum a ni maw? " Ka ti nghal sap chu a lu tuai hauh hauh in a rawn khi suk a. Hmingtei nen kan nuih ta ringawt.







" Common room assistant lam kha in vote ngei ngei a ngai a nia. " A rawn ti let sup a. Thian han tih tur lua chu nei lo mah i la college ka rah chin hi ka mizia a dang ve deuh a. Mi ka be ve luam a, hriat a pui hi chu ka nei ve nuk.







" College miss a tel duh lo ngat pahnih in min support chuan ka tlin ka ring tlat;" Fiamthu a ti in nui sawng chu lei kan chhuah khum nghal vak. First sem kan nih khan kan SU te khan Hmingtei nen hian college miss thlan dawn khan kan hming an la ve a. Photo lak ni turah duh lo in, in thu rual in kan tlan bo nghal pang a nih kha. Chu ta tang a in kawm a in chhar chho tan chu kan ni bawk.







Chuan class 12 ka zawh thleng kha chuan ka la pangai ve. Form kan ha a, school ah pawisa pai a ngaih miau loh avang in ka tling tla ve mai thei a. Mahse college han kal takah chuan mamawh neuh neuh, note xerox ngai toh vel nen pawisa ka mamawh tan a. Ka nu dil i la chuan min pe mai zel a, mahse kan veng a in hlat bawk nen ka pa lah office a kal hma a ka sawi pawh in ka nu hrawn dil tur in min ti ziah a, loh theih loh vang in Hmingtei thil mi sawi hmuh hi ka ti ve a. Ka sawi ang in sum hmang vak vak chi ka nih loh avang in ka mamawh leh rilru kal sual thut te a nih loh chuan ka ti regu lo.








" Hruai... Class ti fai ho tan an in tur vel kan lo va lei ang. " Hmingtei chuan ti sap in mit min rawn siai zeuh a, a thluak hi chu a hmang a nia. Hruaia hian 1 sem kan nih atang khan min ngai zawng ve deuh a mahse ngaihzawng neih ka duh lo tiin ka hnial fi thla thak a. Tun thleng pawh in min la duh tih a chet danah ka hria mahse ngaihzawng tur chuan Tu mipa mah hi hnaih ka duh loh avang in ka thian en ta zawk a. Mipa nen min sawi zawm tur a hre lo bawk a min nawr tut tut duh bik lo.









" Nia... Chuan staff room ah bucket leh fian kan rawn dil nghal a nga! " Ka ti ve sap chu pawisa min pe ve mai a. Kan class CR a ni bawk a, a fel in a nel awm a. A in hawng viau bawk.








College gate pawn chhak lam dawr ah lut in in tur vel chu ka lei a. Siam chawp ngai chu kan lei a vang in staff room ah bucket emaw dekchi emaw, chini vel nen a mix na tur dil tur in kan tlang nghal a. Bucket a lo rem chan hlauh takah chuan chini bun in tui kan fill a fianpui nen kan chawk kual nghal zat a. Kan in chhin ngun lutuk chu kan thian dun in kan nui kan nui ringawt bawk.









" Tha tak a kan thawh ho theih ka beisei! " Mipa aw thum sup leh cool ruih ri ka hriat chu ka hriat tawh hnu ni tlat a ka hriat avang in ka hawi chhuak vat a. Principal office kawngka in hawng atang a rawn ri chhuak a ni leh nghal.








" Sir... Principal thar a lo thleng tawh a mi? " Kan bul a kan class teacher thu chu en in ka ti sap chu a office ah lecturer ho te nen meeting an neih thu in min chhang ve mai a. Engvang a a aw kha kha pa aw nen a in ang viau nge a nih?








A tawng ri eng emaw tak hriat leh beisei a ka beng ka chhi reng chu principal office kawngka an la rawn khar daih leh nghal a nih chu! Hmui ti sawi vak in ka thil chawh chu ka chhun zawm nghal hmak.








" A nih Sir kan principal chu a upat hmel tawh viau em? " Hmingtei chuan a rawn ti ve sap a. Kei pawh in ka hre chiang chak chu ka melh ve nghal vat.









" A naupang chhe zawk zawk tawh lo na chung in kum 30 a tling a nih pawn a tling tawk tawk vel ang. Tun ang lai ah thiamna a sang tawh a, kum u pa kher principal tur tih a awm chung lo bawk a. Kei chuan a that hmel ka ti fu! " A ti chhunzawm duah a.









" Class group ah kan in hnial nasa hlawm lutuk a. A hming vel... A then in nupui a la nei lo an tia a then in a awmna ah sap nula a ngai zawng an ti bawk a! "Nui hak hak in Hmingtei chuan a rawn ti leh sap chu sir pawh a nui ve suk.








" Dr. Lawmsangzuala! Nupui erawh a neih awm ka hre lo. Neih erawh a hun tawh khawp ang! " A rawn ti sup.








" Dr maw? " Lal Hmingtei nuih a za ngang mai. Sir in a hming bul a Dr an dah chhan an sawifiah leh vel a. Kan hlim phian.








" Doctor dam lo enkawl tu te chiah hi an hming bulah Dr an dah bik lo tih hre tawh rawh u! " Sir chuan a ti deuh sup.








" Kei te chuan ka hria. Hmingduli hi lawm hre lo! " Ka ti nghal vak chu kan pathum in kan nui chhuak vek.








" Ruatfel! In rawn chhuk dawn tawh em? Assembly neih hma in class student te in tur chu rawn keng vat u la " Hruaia pawh staff room a rawn chho in a rawn ti a.








" Kan siam zo chiah " Ti hliai in ka ding a kut ka hru nghal malh malh bawk. Sir in Hruaia hnen ah class vawin chu a awm nghal dawn lo a. Assembly nei in Principal thar in in hmel hriattirna a neih dawn avang in zirlai ho hrilh tur in a ti nghal sup bawk.








" Oii.... Dispo cub kan lak theih nghilh daih lo zu chhuk ru ka han la leh lawk ang. " Tih leh let leh ka rual a. Hruaian bucket lian zawk khaiin hmingtein a te zawk leh fianpui a keng ve bawk. Ka let leh chu kan thut naah dispo chu ka hmu tawh mai si lo. Sir in a lo dah tha hman a nih ring in teachers common room lam chu ka pan nghal vat.









" May i coming sir? " Kawngka bul a ding in ka ti sap chu lecturer dang lo awm ve ho pawh an rawn hawi ve a. Mahse a zing a mipa khat awm ve ka hmuh rual in thlarau hmu ang hlauh in ka meng nghal kawk.









Kamis dum coat dum! A taksa rem zuih ha in common room single sofaah chuan a thu a. Tie sen a awrh chu a thawmhnaw dum vek nen in hmeh tak a ni. A mit meng thim khup chuan chiang leh chik fahran in min melh run a. A ban sei thlurh chuan in ti thu nei zet in sofa banah chuan a khan zuah bawk!








" Aww.. Ruatfel! Dispo kha in ken thlak theih nghilh a ka dawhkan a kha ka la lut! " Kan class teacher in a rawn ti nghal zat a. Kei erawh kawngka bulah ka ding reng ringawt. Lecturer ho nen ka mi hmuh pa chu an in be leh sup sup thin. Mahse chu ti chung pawh chuan ka lam a rawn melh deuh ngur tho. Enge saw pa sawn kan college ah a rawn tih!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:32 pm

CHAPTER - 5 πŸ’• by Amy Cck ( Dream Girl)









" Ti nge? I nawm loh hmel! " Kan class room ah ka thu chu ka hnung lam a tang min rawn be pah a min sawi dawt avang chuan ka phu dawr leh nghal.








" I mawl thei e mai. " Ti vin hlar in ka bul a Hmingtei chu ka melh nghal ram. Mi mah rilru hah ve nak a lai a.








" Assembly an tan dawn a. Kal ang ka rawn tia I hre thei lo a nih kha. Principal thar in introduction ang deuh in thu a sawi dawn bawk a! Roll call a awm dawn a a haw ruk theih ka ring lo " A rawn ti zui nghal zat chu thawk pik hmel zet in ka thaw chhuak hak.








" A mak e! Kal ang thut na kan chang lo ang! Chu bakah i hmu chak ve lo a mi principal fapa chu? " Ka hma zawn a ding hliai chuan a rawn ti vak chu ngui bam in ka melh chho.









" Tu nge a nih hria la chuan tiang hian i phur hawr hawr bik miah lo ang maw le! Kei chuan vawi hnih... Ni leh lo tukin zing nen vawi thum lai ka hmu tawh. Ka sual lutuk min rawn hrem tur in Pathian hian a rawn tir a nih hial ka ring! " Nur nang a melh in ka ti ta hap chu a hriat thiam loh hmel ngang mai.









" Enge a! Ti nge ka hmuh chak loh ngawt ang? " Mak ti hmel lutuk chuan a la rawn ti heu chu ner nang in a bag hruiah chuan ka pawt vak a, ka bulah a rawn thu nghal thak bawk.








" Principal tur nen hian kan mu dun tawh! " A beng bulah zawi sap a ka ti chu meng bial kawk in ang pham in min en ta ngawt.








" Hman zan a, mi muhil lai ka haw san daih kha! Kha pa kha.. Hmeli nangma min kawh hmuh a nia engtin nge i hriat loh thei! " Ti vak in a malah chuan ka chum nghal tawlh.








" Oii... A ni maw? Dik tak chuan kha mi zan khan a hmel ka hmu hlei nem. Aa... Engtin nge kan tih ang? " A rawn ti ve vak a. A rilru a hah thar leh hnu hnawh a ni ber.









" Sawi lo teh! Ka kut ka tih nat zan pawn a in ah ka riak. Chuan... Oii.... Kan in ah te ka in thlah tir vel a nia! Khang kha chu eng pawh ni se a school naupang te kan lo ni reng sia. College atang hian min hnawt chhuak hrim hrim ang! " Rilru hah lutuk chuan ka ti chhuak hap. Hmingtei pawh a rilru a hah hmel ngang mai.









" Tlan bo mai i la. Assembly ah awm lo mai ang. 200 find te chu a ho e mai! " A rawn ti chhuak ta sap.








" Zingah khan min hmu tawh. Mahse eng tin mah a awm lo. Haw chu ka thlang e. " Ti sap in ka ding a. Hmingtei pawh a rawn ding ve nghal at a. Rang zet a college gate pui lam kan pan chu lecturer te an rawn chhuk tawh mai bakah gate bulah SU te an duty tawh bawk. Chhuah chu an phal tawh hauh lo ang.








" Room ah tawm char char mai ang! " Hmingtein a rawn tih rual in kan hnunglam a tangin kan college SU Vice in " Lut tawh ang u le. " Tih leh ka dar ve ve a min kuah a min kal pui a rual nghal chu tan ngam pawh a ni tawh lo.









Assembly room bang kil lam chu chuh in kan pahnih chuan ka thu tawm kak a. Kan biru a ni mah zawk. Stage ah kan SU pakhat leh mizo lecturer an thu a. Chair pakhat la ruak huai vang chuan kan awm a nuam thei lo. Tlar hmaah zirtirtu leh SU dang an thu a. SU thenkhat kawngka bul ah ding in lo lut thar ho thutna an lo kawh hmuh zel bawk.









" Ka va zung lawk ka thutna hi min lo hauh la. Ka hlau thawng lutuk a ka zun a ti chhuak vek! " Hmingtei chuan ti sap in a chhuak zui nghal a. Zing lamah khan min hmu vek tawh a engvang a biru kher nge ka nih pawh ka in hre bik lo. Thu kun lap a ka phone ka hmet mial mial ka hawi chhuak leh chiah ka mi hmuh vang chuan rang lutuk bang kil ka nek nghal rawk rawk a. Stage a chair awl ah khan kha pa kha a lo thu run tawh.









A palian rauh bawk nen a lang sar vuah bawk si. Biru eng ang mah i la kan thut na atang chuan a lang chiang lutuk ringawt. Hma lam chu a mit meng thim khup leh tak run chuan a melh ngur a. A hma kan in hmuh vel kha chuan college kal ka nih a ring loh vang in ka chungah that a chhuah a ni mai thei a. Tunah chuan a college naupang te ah call girl an awm chu a duh teuh lo. Thil a thlen sual palh chuan college ti hming chhe thei kan ni miau.








Ka bul a Hmingtei rawn thu chu a hahdam hmel ta huai lutuk avang in ka en leh haw thin. " Min hre lo! " A rawn ti sap chu ka melh ha.








" Kei chu min hre lo a nih ka ring. Ka va chhuah khan stepah kan in tawk a ka thin phut nasat zia chu mahse min kal pel daih a. Nang a hria che a nih pawn kei chu min hre lo a nih ka ring! " Zang khai vah a a rawn ti chu ka meng pual pam tawh. Ti nge ka vanduai theih bik em em le ka in ti ru hial.









Bih ruk in awm zia nei hek lo cofi ang deuh chuan ka thu ve ngawt a. Principal in introduction a neih lai te chuan student fel lutuk ang maiin ka en ve kiau a. Ka lam a rawn hawi erawh chuan ka hawi sawn rang thei viau thung. Assembly kan zo a ka rin ang em em in thil pawi a thleng lo. Banah pawh mi zawng zawng chhuah hnuah kan chhuak a. Garage a kha pa motor a in hun chhung chu college atang kan chhuak lo hmak bawk. A motor a tlan chhuah hnuah kan haw ve ngam chiah a. Kha tiang khan ni tin kan awm loh hram ka beisei.









Zan riah kan kil laiin Chhanin college vel chung chang leh kan Principal thar chung chang a sawi leh zet zet a. An thian ho in an star zia vel ka pa leh a nu hma a a sawi lai te chuan ka lo ner sak sak.









Ka room a ka chhoh hnu in ka nu in min rawn phone a. Ka college tan ni a ni tih a hriat ve vang in. Midang nu leh pa in an tih thin ang a rawn ti ah ka ngai hmiah a. Ka chhang chhe ngai chuang lo a mahse a bul a awm tur a min sawm a piang in ka la hnial ngat ngat.










Khua a lum ve ang reng a vang in mut dawnah shower ka nei a. Ka rilru ti hah a tih buai loh hram tum in thil dang ka ngaihtuah lui hram hram a. Kan han in tih fel meuh chuan dar 9 a lo ri der tawh. Khum a mu zang thal at in ka hmai chu mask a chiah in year phone in hla ka ngai thla pah a. Keimah a ka awm nasa lutuk hi midang bul a awm pawh ka thiam lo lek lek.









Zan a a chang zauh a ka chhuak toh loh chuan a hran in ka leng in thian ka kawm ngai lo. Hei vang tak hian ka nu hrawn te nufa pawh hian min sawi chhiat viau tum mahse ka mize ngeng zet tih loh hi chu han sawi vak tur ka awm lo a. Min ngei ru zet in kan la cheng ho ve dial dial chu a nia.









Hla ka ngaihthlak reng lai chuan ka ring tone a rawn zai daih chu ka phone ka en vat a. Number hlang chauh a nih avang in ka reject hmak a. Ka no save loh chu ka chhang ngai lo, fimkhur thil ah ka mipa mutpui tawh te an lo nih ka hlau a. Call girl ve si ah chuan fimkhur leh duh tui ve tak ka ni ka ti lo thei lo.









" Ninawm sek mang e aw! ' ka earphone pawt thla a ti hlak in min rawn call nawn leh na no chu en in ka block nghal hmak a. Mu zang thal chung chuan whatsApp ah lut in class group vel chu ka en kual dan dan a. Principal thar chung chang vel an lo khel mek a ni leh pek chu clear pawp in message vel chu ka en kual dan dan a. College atang in min rawn bia a min rawn bem tum tak tak pawh an awm ve mahse message ka hawng ngai lo. Class a ka biak tlang nel sa leh ka hriat sa an nih loh chuan.









" Number ngai bawk kha! " Ti sap in whatsApp message pakhat chu a Dp en tum in ka han hmet a. A la hide ve zui leh nghal, message a lo hnut chhiah chu ka open hram pek a. Mahse ka thil hmuh avang chuan rang lutuk in ka thu chhuak nghal nawlh a. Ka mask pawh ka pawt thla nghal vat bawk.









*In gate bulah ka awm* tih zawng , chuan photo pakhat nen. Pic a rawn thawn chu ka dl nghal zat a. Ka muhil lai hmel ka hmuh rual in ang pham in ka phone chu ka melh ha. Hei chu kha pa motor a ka chuan ni kha a ni tih ka hria. Chuan he no hi a mah tihna.









Rang lutuk in ka khum atang a tho in ka room light chu ti eng in tukverh parda chu ka pawt phei nghal pawp a. Chiang zet in kan in gate bulah motor ding chu ka va hmu bawk. Motor chhung a thu erawh ka hmu thei lo. Mahse ka hlau thawng viau. He pa hian ka chhungte hrilh a tum chu a ni em lo maw.








* enge i rawn tih? * whatsApp atang chuan thin phu dep dep in ka text let a. A rawn seen rang em em mai leh nghal. Ka message a rawn reply lawk bawk si lo chu tukverh bul atang chuan ka thlir reng a. Rei lo te ah motor kawngka chu rawn in nem hawng in kha pa kha a rawn chhuak zui nghal vut chu mit pawh khap lo in ka melh ta haw.









Kan in lam hawi a ding run in a motor chu a ngheng deuh run a. Tshirt pangai leh Jokerpant tawp a ha tih ka hmu thei vek ang chiah in a ni pawn min rawn hmu tih ka hre thei. A kut a beng zawn a a lek vut rual in ka phone ah whatsApp call a rawn thleng chawp chilh nghal der bawk.









" Zan in i chhuak lo a! " A rawn ti sup chu chhang let lo in ka ner nang.








" Enge i lo tih? Haw rawh! " Ka ti nghal tawl chu a rawn nui suk. Phone atang mah ni se ka hre chiang.








" I chhuah loh nan ka rawn veng che. " A rawn ti sup chu awi lo lutuk in ka nui hak.








" Eng thil pawh sawi la ka rawn chhuak thei lo " Min kauh/koh chhuah hlau lutuk chuan ka ti nghal vak chu leh lam a mi chu hahdam huai ang mai hian a thaw suai suai a.








" A that chu! Naktukah college i rawn thlen rual in principal office ah ka hmu hmasa duh che! " A rawn ti deuh sup chu a ngaihna ka hre lo, ka hlau thawng nghal em em ringawt.








" Engvang in! " Ka ti let nghal vak .







" Ka hmuh duh vang che in! Muttui phawt. " Rawn ti hmuk in a phone a off nghal hmak chu hrilhai lutuk in a dinna lam chu ka en reng a. A ni pawh in ka room lam chu a rawn melh chho ngur bawk.









" Ngati nge min hmuh duh ang le? " Keimah chuan ka room chhung a vei kual in ka ti leh hap thin. Min hmuh duh chhan chu rin hriat tho mah i la ka ngaihtuah tawp thei chuang lo. Ka room tukverh parda chu ka keu leh dek dek a. A mah tak chu ka hmu tawh lo mahse a motor erawh a la in hung reng. Zan dar 11 a pel tawh a engvang a la haw lo nge a nih!




*



*



" Enge min hmuh duh chhan? " Principal room ah ka ding ran tawh. Ka hma zawn chair a mipa thu run chuan a kiu pahnih chu dawhkan a hung in min melh run a. Nizan min hmuh duh thu a sawi atang khan chhin khat te mah ka chhing lo. Ka room ah ka vei kual reng a. Eng tik lai in nge kan in kawt atang khan a tlan sawn erawh ka hre miah lo.









" I dinna hi i hria em? " A rawn ti sup chu hrethiam lo zet in ka melh ha. Thaw chhuak hawk in a thutna atang chuan a rawn ding chhuak vut a. Kan in kar a dawhkan chu rawn hel kual pawk pawk in ka hma zawn ah a rawn ding nghal ngur chu ka thaw tawh pawn ka hre lo.








" Enteh! College atang a min hnawt chhuak a nih pawn ka sawi buai lo ang mahse.... " Ka tawng lai chu a rawn nuih deuh hawk vang in ka chawl dat.









" Engvang in nge ka hnawh chhuah ang che? " Nui hmel pu deuh hian a rawn ti sup a. A ngaihna ka hre lo deuh deuh. A hmui ti sawi zauh in a hnung chiah dawhkan ngheng chuan a ding awn deuh a. Kamis maroon hring leh coat dum dak thlurh ha in a kamis hring duk ah chuan a tie dum chu a lang chiang in a in hmeh viau bawk.









" Hmm.... Lalruatfeli! 3rd semester section A! Nangmah vang in tuman complain an rawn nei lo a. Test emaw exam velah pawh a pangai pawl I ni bawk a. Engvang in nge ka hnawh chhuah ang che? " A rawn ti sup chu min thawng dawt. He pa mizia hi ka hre thiam thei lo. Ka hmuh a piang in a mizia tur ang ka ngaihtuah char char zel a mahse ka rin loh lam daih hian min thawng leh zawk hlauh thin.









" Mahse tun ang a hawih hawm lo zet a min bia a nih chuan i chhungte ka kauh/koh ngei chu a ngai ang. Kan lo in hria emaw, college pawn lamah chuan eng tin pawn lo in nel mah i la he hmunah hi chuan kei Principal ka ni a, nang ka zirlai i ni bawk! " Dawh kan chung a pen tuai vir pah chuan a ti leh sup a. A hma zawnah chuan ka ding zum zal thung.









" I hrethiam em? " Ti sup a min rawn melh khui chu lu ka bu nghat. " A... Aw hrethiam e Sir! Ka kal thei tawh em? " Min melh run avang chuan ka ti nawn leh sap a rawn then suk in lu a bu nghut.








" Chuan thil pakhat leh chiah! A hma in eng tin nge i lo awm a, eng nung chang nge i put ka ngai pawi mawh lo! Mahse tunah chuan ka student i ni a, kan college ti mualpho tu i nih ka duh lo a, chutiang zawng a I khawsa a nih chuan ka suspend emaw hnawt chhuak hreh dawn lo che. " Kawngka lam ka pan lai chu a rawn ti sup a. Lu bu nghat in ka chhuak zui nghal.









" Teuh ther ther ve! " Pawn ka chhuak chu thaw huaiin ka ti chhuak halh. Kha tia a sawi takah chuan ka him tih ka chiang bawk a ka hahdam huai ka ti lo thei lo.








Ka helh kam lutuk vang in hma tawkah class ka kal phah a. First ka neih loh avang in room a kal lo in canteen lam ka pan a. Kal pah te chuan ka nui leh sak thin. A hmel en kha chuan kha tiang mizia kha a put ka ring thiam lo. Mahse ka rin loh dan hlir in a awm a. A chungah ka lawm lo ka tih chuan dawt ka sawi tih na a ni hial ang.









" Ruat.. I va kal hma. I pa motor ka rawn tlan pel a I chuang tur ah ka ngai a! " Canteen ah Hmingtei rawn lut in a rawn ti nghal zat a. Coffee a duh thu ring leng lawng in a sawi nghal lang lang a. Kan canteen nghak Tu te pawh hian an chhin chhiah tawh.









Inah ka awm peih loh vang in ka kal hma lui tiin ka chhang a. Hmingtei nen kan room chu in ang mahse kan subject lak a in an vek loh avang in class kan kal dan a in ang lo leh zeuh thin a. Tunah phei chuan semester thar kan kai ta bawk nen class kan thu dun lo fo dawn a nih hmel.









" Tak a! Zan in chu i chhuak thei dawn em? Ka thianpa in a birthday party ah min sawm a, nang pawh a sawm che, a nuam dawn a nia i kut i tih nat atang khan i la tawm chawt a. Class test leh assignment neih tak tak hma in tih thawveng a ni mai. " A coffee in hlak hlak chuan a ti a. Hmingtei hi chu a all round ve a, hmelhriat leh thian te a ngah viau bawk. Kei erawh a zarah min hre tu an awm ve zauh thin.









" Ka hre lo le, mahse a pawi vak chu ka ring lo. Mahse a hma lamah chuan ka chhuak thei lo tih i hriat kha! " Mit san ak in ka ti sap chu ner nang in a hma dawn lo a rawn ti nghal vat.









" Chuan I customer rawn be tu che an awm leh tawh a. " Nui deuh ti tih chuan a rawn ti nghal sap chu ka chhan hma in kawngka lam atang Lalchhani leh a thian te an rawn lut rual deuh thap avang chuan ka ngawi leh ta zawk. College kal nan ka pa motor a hmang hi a ni ringawt. Mahse chu erawh ka ngaihven lo in ka thik teh chiam lo.









" Alee.. A che buai dawn e. " Hmingtei nen kan tawng malh malh lai chuan Hmingtei chuan a rawn ti chhuak pawng a. A en na lam ka hawi chuan kan senior pakhat leh Chhani chu an lo in din chilh mek tih ka va hmu ve nghal vat bawk. An awm danah chuan an thil order chung changah an in hnial a nih hmel.









" A thiam zawk pawn lut thar lek a nia ngawih ve mai mai tur. I unaunu hi chu a bawn ve e! Kei nin kan senior te kan han zah thiam nen. " Nui ruh ruh in Hmingtei chuan a ti sap a. Ka ner nang.









" A ho e mai chhuak ang class tan a hun dawn! " Ti sap in ka ding a. Ka thut na chair nghen chhan a ka bag khai chu ka ak nghal zat a. Hmingtei rawn ding in a coffee man pe ka nghak chu Lalchhani te awmna lam ka va melh a. Tum bur a an thian ho a an thu chu en in ka ner nang. In ah pawh hne tawh nak a lai in college leh zelah chuan ka hmu peih lo.








____________________________________________________








* LAWMSANGZUALA POV *








" Ka hmaah hian a rawn lang lui nge thil thleng palh! " Couch a thu thla dawt in ka ti sup. Hman zan a ka in a ka hruai lut tih loh kha ka hmu leh tawh miah lo a. Mahse vawinah tum loh zet in college staff room ah a rawn lang leh hlawl a. Min thawng in mak ka ti tih pawh ka zep lo. Assembly na ah lah chuan min hre lo ang a awm hmak in bang bulah thu at in ka thusawi lai te chu min la melh ang kiau a.









College ban hnu in thil sawi pui tum in gate pawnah ka nghak deuh ren rawn a, a haw tawh nge a hmel hmuh tur reng a awm lo leh nghal. Manoi ka rual a kan in lam a rawn kawi a tum avang in kan in khalh haw ta chauh bawk.









Haw kawngah chuan Manoi chu college chung chang vel sawiin a tawng leh siam siam a. Ka ngaihtuahna ah erawh Lalruatfeli tih ringawt kha a la awm thung. In kan thleng a ka nu in ka rin ang chiah in Manoi chu chaw ei ah a sawm nghal pang a. Choka lamah tawng barh barh a an in zui lut chu lu thin san nghut in ka room lamah ka chhauh/chhoh san nghal vut.









Zan riah kil zawh pawn ka pangai thei lo. Ka ngaihtuahna hian eng emaw min kam run tu a awm tlat a nih chu. Ka room ah pawh awm hle hle thei lo chuan ka vei kual leh thuak thuak thin.









" Theihnghilh hmak tawh tur ka ni a sin! " Ti chhuak hmuk in ka motor chahbi chu ka ban nghal vut a. Kha ti chen ka ngaihven lo lui ngar ngar a vawin a ka hmuh leh takah chuan ka rilru a dik thei meuh lo. Hmeichhe awm duh dah ve mai mai emaw ka tih khan college a lo kal reng a. Chuan vawinah a bio data ka check kual a, a pa pawh sorkar hna thawk a ni a, chhungkaw pangai leh khawsak harsa ni si lo engvang a sum duh vang mai mai a kha tiang a che nge a nih ka hre chak bawk.








" Bawiha Manoi hi i va thlah dawn em ni? " Step ka chhuk ka nu in min hmuh rual in a lo ti nghal vat chu ka rilru hman hmawh tawh nen hnial mai ka tum ut ut a mahse ka thlah tur thu in ka chhang ta zawk.









Manoi te inah pawh lut kawi lo chuan an in kawtah motor ti ding in ka thlah tawp a. Manoi pawn mak min tih hmel deuh tih ka hria mahse ka lut ve a nih chuan ka duh aia rei min chelh leh ngei dawn tih ka hria a. Rilru hman hmawh nen a in mil hauh lo.








Motor chu Vaivakawn lamah ka tlan chhuah tir a. Enge ka kal chhan ka hre bik lo mahse Zan in hian ka kal lo a nih chuan rilru nuam in ka mut thilh theih ka ring hrep lo miau. An in gate sir deuh ah chuan motor hung run in ka sir lam a in chu ka melh vung vung a. An veng tak hi a fianrial deuh avang in kawng kal hmuh tur an vang pharh a. Chu bakah a tlai ve tawh ang reng viau bawk.









" Inah a awm nge awm lo pawh hre chiang lo in ti hian i awm chu a nia! " Motor seat nghen chhan ngheng chuan ka thaw chhuak leh hawk a. Vawinah college atang in a phone no ka lak chuan ka call a, a la lo mai pawh ni lo ka call a piang a reject hmak hmak a. Thinrim tun in whatsApp atang chuan ka text ta ngawt bawk. A Dp ka hmu thei lo a, a last seen tak ngial pawh a hide vek a. Ka text a rawn chang let lo bawk nen ka ngaihtuahna chu a vak kual thui ang reng viau bawk.









A ni hi mipa hmu tur in a chhuak a chuvang a call leh text chhang thei lo ah ka puh thul. Engvang a a he nu hi ngaihven viau nge ka nih pawh ka hre nek lo. Vawin khan hmu leh kher lo i la chuan ka theihnghilh hlen mai thei tur a ni tawh a.









" Hrep tak hian! " Ti chhuak thawt in motor stearing chu ka chum dawt a. Ka ngaihtuahna fim zawk chuan ka in rawlh loh na tur leh ka buai loh na tur ah ka lut tih min hrilh a mahse eng emaw feeling hrep vang hian ka duh thu in ka ngaihtuah lo thei ngawt bawk si lo.









" A tawpah chuan! " Ti hmuk in ka WhatsApp message rawn lut chu ka nuih suk a, nghen chhan ngheng dawt in ka thaw chhuak nghal hawk hawk. . Motor kawngka chu nem hawng rawp in ka pen chhuak nghal vut a. Ka hma zawn a in chu melh run in chhawng hnih na a hmeichhe pakhat rawn lang ka hmuh takah chuan then suk in ka call nghal zat.









A aw ka hriat takah chuan ka thaw pik leh kaw chhung tawt tun kha chawp leh chilh in an reh nghal huai huai a. Ka hlauh tak ber ni a lang chu in a awm lo in khawi lai hmun ah emaw khaw lo zet a a lo va chet leh ka hlau ni ta ber in ka in hria. Ka biak zawh hnuah pawh chuan rei fe an in kawtah chuan ka motor chhungah thu in ka awm run reng a. Tlai takah kan in lamah ka let ve chiah a mahse ka hahdam huai a, a zia ta phian.









Zingah pawh hma zetah hna kal tur in ka chhuah phah a. Ka office ka thleng a ka thut fel rual in kawngka a hmeichhe pakhat luh rawn dil chu lo lut tur in ka hrilh nghal sup a. Ka hmuh a piang in a confi in zam hmel a pu ngai lo kha a nia. Mahse tukin zing chuan a hmel lan dan a danglam thung. A mit hnuaiah chuan dark circle a kual raih a. A kut chu hma lamah suih in a kut tang chu a sik niap niap bawk.








an in biak chhung in ka mitah pawh min en tha ngam hek lo. Mahse kei hian he college atang a hnawh chhuah emaw lam kha ka ngaihtuah hauh lo. Ka hna ka tan chauh a, college dang in tiang zirlai an nei tih hre chhuak se an hnawt chhuak duh ngei ang tih kei ngei pawn ka chiang. Chutiang bawk in tiang zirlai kan nei tih midang in an hriat chuan kan college hming a chhia in zirlai tam tak pawh an chhuak duh hial ang. Mahse kei chuan chance pek leh ka duh tlat.






Hmeichhe tleirawl mai a la ni a, a nun ah hian thil tam tak a la tawng dawn a. Tunah hian a zirna lam ang zawng a ka ngaihtuah pawn a nun sim na hunah hmang se ka duh pui. Chu lo ah kei hian he nu hi ka hmuh hian a hmelah hian eng emaw ka hmu thin a chu tak chu enge a nih ka hre lo mahse kalsan harsa ka ti tih erawh ka chiang viau.



*




*




" Enge zanah chhuahna tur i nei awm i sawi si lo a. " Ka chhuak tur chu ka nu in a rawn ti vat a. Khaw lum nen ka in khalh chhuah mai mai tur thu a chhang in ka chhuak zui nghal vut. Ka rilru erawh in ho mai mai a in khalh chhuak tur ka ni lo tih a hre chiang viau leh nghal.







" Ka awi thei lo! " Ka thil hmuh avang chuan ka nui chhuak hawk. Nui reng si chuan ka nuih erawh a za hauh lo. Za lo tak a ni . Ruatfeli te in kawt a ka motor chu tawlh hnung deuh in motor chhung atang chuan ka chhuak vut a. Gate bul hlim thim deuh lai atang chuan in chung tukverh sir lam zawk atang a hmeichhe chhuah ruk tum mek chu ka en zui ngur.









" Lawmsangzual i chance pek hi a ni chuan a ngai pawimawh vak lem lo a nih saw! " Ti hmuk in gate lam rawn pan tu hmeichhia chuan min hmuh loh nan ka tawlh sawn a. Gate chu rawn ri rak in dim zet hian a rawn chhuak them them a. Kawr fual a khup khuh pha chiah lo a chhing ha in a pheikhawk sang chu a khai la la a. Thawm a in ti dim lutuk chu leh lam zawng a ngaihtuah chuan a nuih zat thlak reuh phian.








" Nang maw? " Kal sawn tum a a rawn in her chiah chu a sir lam thim chin a ka ding chu ka pen chhuak ve vut a. Meng bial kawk in thlarau hmu ang mai hian a vun te chu a dang var nghal pap bawk.








" Khaw nge chhuah ruk i tum leh tak? " Ti hmuk in a hma zawnah chuan ka ding nghal run a. A loh ber ah dar 9 chu a rik tawh ka ring. Chil lem kalh in kan sir vel chu a hawi kual nghal ruai a. Metal road ah chuan ke lawng te tlawng in a ding teu leh nghal.








" Ka chhuak ru reng reng lo! " Rawn ti sap in a hmel chu rawn siam tha in a mit meng bial kiau chuan min melh chho nghal ram bawk.




" Tak zet! " Ti sup in a mah chu en kual nghal dun dun in ka then deuh suk bawk.




" I lo buai ve na tur a ni lo! Ti nge kan in bulah hian i lo kal ve ziah! Tih tur ka nei ka kal dawn! " Ti hmak in pir vah in min kal pel a nih chu!








" Kha ti mai chuan ni lo e! " Ti hmuk a in her in ka hma a hmeichhia hman hmawh zet a kal hlak hlak chu a hnunglam atang a kawng fek lai ah ka pawm kang nghal nawl chu a rawn te that.









" Midang in i chhuak tur hi an hriat ve kher i duh ka ring lo! " A beng zawn a phun sup chu kan hma deuh a ka motor ka hun na lam pan chuan ka kal pui a. Ka sawi a hrethiam a ni chek ang chu thawm siam lo in a tal ve fat fat ringawt. Chu erawh ka ngai pawimawh chiam lo. Motor kawngka chu pawt hawng in ka nghat lut dawt a. Kawngka ka khar rual in ka lock nghal hmiah bawk chu chhung lam atang in a kut zung lai min rawn hmuh a nih chu.








" A va hahthlak deuh ve! " Thaw chhuak hawk a tiin motor chu ka kal hual nghal vut a. Motor chhung a ka thut luh rual in motor lock hawng tur a min tiin a rawn vin nghal vak chu ka melh ngur.








" Nang pa hi.... Kan principal i nih vang ringawt khan tiang hian ka chungah i rawn che thei lo! " Rawn ti vak in a kut a a pheikhawk sang ken chuan min tin nghal uai chu rum ngut in ka phih thlak sak nghal hmuk a, motor hnung lamah ka theh phei nghal vut chu a meng phawk nghal hra.








" Hmela! I chak lo ang aw! " Ti vin hlar a a rawn che chu a ban rek pahnih a man bet chawt in motor kawngka ah chuan ka nem bet rawk a. A ni ve te hian a tha chak lo lutuk hian engtin mah min ti na thei lo tih chu a hrechiang daih zawk in ka ring.



" Hrep chuan! Ngaihthla rawh! Lalruatfel ka sawi chu i hria em? " Min ngai thla duh lo a a tal lui fat fat chu a hmai zawnah ka au khum hrawk.









" Ka office a ka thu hrilh che kha i ngai tuah zui lo nge i ngai pawimawh lo hrim hrim pawh ka hre nek lo. Mahse zan in hi chuan ka thu sawi hi i zawm ngei ang! " Aw kii san vak tawh lo chuan ka ti chhuak hluk a. Rum zet a a mit a melh run in a kut ka vawn beh pawh chu ka hmer na zual sauh.









" I career a chhiat vek i duh loh chuan tunah i kawh mawh bawl hi ban san rawh! Eng emaw harsatna leh buaina i neih chuan ka tanpui ang che! Min ring rawh! " Ti chhuak hmuk in a mit meng rum alah chuan ka melh ngur a . A hmel chu tlem a rawn danglam tial tial in nuih za in sum hmel leh min ngaihnepna mit meng chuan min en ta ran.









" Nang hian min puih i duh a maw? Kei hi kawh mawh bawl ah min ngai a. Nang pawh enge i nih bik. Kei ang hmeichhia i sum hmang a lo mutpui duh ve tho mipa i nih kha! " A thu sawi tawp lam chu a rawn vin ta nghek a. A mit meng sen ram chuan chiang zet in min melh bawk.









" Ka sawi dik lutuk a sawi tur pawh i hre tawh lo a ni tiraw! I rin aiin nang ni mipa ho hi ka hre chiang ang cheu. In duh in neihna tur a nih chuan pawi sak in nei ngai lo , i puih pawh ka duh lo. " Ti vak a a rawn tal phat chu a kut chu ka thlah thawl a. Ka thut mar vut rual in a rawn thu tha a a kut chu a tuai nghal vat vat bawk.









" Ka ring dik chiah! Nang hian i duh vang leh awm herh vang a he tiang a nun hmang i ni lo. Ka puih duh lo mah la ka pui dawn che. Ven I ngai a zan tin i chhuak ru tur chang a ka motor a kalh khum ziah I ngai a nih pawn ka tih hreh lo! Tiang a kum khat chhung zan tin kan in kalh khum chuan i sim em em ang! " Ti chhuak sup in motor seat nghenchhan chu ka ngheng nghal dawt a. Chahbi chu ka jacket hak chhung lam a dah a kut kuang kuah in mit ka chhing zui nghal hmuk chu hmeichhe thaw hak riin a rawn zui nghal.








" Heii... Nang pa hi.. "








" Lawmsangzuala! I duh chuan min u thei ang. College campus pawn lamah chiah! " A tawng pawt chat a ti hmuk in that chhe zet chuan a lamah ka thle buk a. A ner zui nang leh nghal.








" Ka fiamthu lo a nia. Ka thian ten min nghak reng tawh ang! " Zawi sap chuan a rawn ti a. Engvang a tiang lam a sawi hian ka kaw chhung hi rawn pik tup tup thin nge a nih. Hei pawh hi ka la zawng chhuak khawp ang.









" I phone in i kal theih loh thu hrilh mai rawh! Ka sawi tawh ang in zan khua in tah kan awm dawn! Motor hi kan chhuah san a nih chuan saw in kawngka saw kik in ka luh pui ang che nge i chhungte hmaah i thil tih thin hi ka sawi ang. Chuan enge i duh thlang rawh le! " Dam dup in sawi mah i la ka aw chhuak khauh ru zet leh mit meng ah hian ka thu tak hle tih a hmuh ngei ka ring.









" Ka awm ang in! Ni lo.... keimah ah chang in saw in ah sawn awm ve la chuan ka tih ang hian i ti ve thin tho ang. Ka thiante bulah hian engmah ngaihtuah lo lek in ka khawsa thei thin. Chu hun rei lo te ka hahdam ve nan a ka chhuak ru thin chu kei chuan sual ah ka ngai ve lo! Kei aia sual leh tenawm tak tak vek in min hual miau a! " Thawp sap a rawn ti chu chik zet in ka melh run a. A biang a mittui rawn luang ngiai ngiai chu thup tum in tukverh lam a hawi nghal daih bawk.









" Chuan... Ka pui ang che! I ti ti raw nangmah ring tur che in min ti bawk a mahse ka awi lo che. A chhan chu kha thu kha mi dang hnen atang pawh in ka hre tawh. Mahse a tawpna chu rapthlak tak a ni! I hre duh lo hial zawk ang! " Pawn lam hawi reng chung chuan a ti nawn leh sap a. A aw ah chuan beidawn na, natna leh khawhar na ri ka hre tel bawk.









" Kei chuan ka sawi hi ka hlen thin! I la hria em, min ring tur a ka tih hmasak zawk che a thil thleng kha? " Ti sup a a mal chung a a kut ka va hum chu rang zet in a rawn hawi a. Engvang a he hmeichhe nun a in rawlh tum phet nge ka nih ka in hrethiam ta hauh lo. Mahse sual lam kawng a zawh a thim lam a ke a pen hi ka phal lo ni ta ber in ka hria.





πŸ’•πŸ’•πŸ’• a ngaihawm lohπŸ˜‚πŸ˜‚ 😒😒

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:32 pm

CHAPTER - 6 πŸ’• by Amy Cck ( Dream Girl )







πŸ’•πŸ’• A tawi tiu teu lutuk hi ka in thlahrung zawkπŸ˜πŸ˜πŸ’•πŸ’•






" Ka pui ang che ! " Ka kut hum run a ti sup tu chu ka melh ngawt ngawt a. Nghet zet in ka kut chu a hun run a, a mit meng cool ruih chuan a fiam thu lo tih hriat zet in min melh run bawk. A sawi ang hian dawt min hrilh chu ka ring lo. A chanchin engmah hre lo mah i la ka hriat vr chin zawng atang pawh khan a thu sawiah a ding nghet tih ka hria.









" Tum buai duh suh! " Ti hmak in ka hawi sawn hmak chu a thaw ri nghal hawk. Motor kawngka chu ka sawi leh dawt a, a in hawng thei bawk si lo chu thaw chhuak hak in seat nghen chhan chu ka ngheng nghal dat a. Driver seat lam ka hawi chu kan awm dan chu awi lo lutuk in ka ner nang.









Kei mah ang chiah in seat nghenchhan chu a ngheng run a. A mit meng tak run kha chhing hmuk in a ban hrawl zet chu a kuang kuah deuh hlun bawk. He pa hi a a deuh nge pawh ka hre lo a sawi ang khan tih tak tak a tum loh hram beisei mah i la kan awm dan en chuan kan ti mek bawk si.









" Aw....Lalruat.... I lo kal har lutuk , ka rawn chhuak i tihna rei tawh zia hi! In veng taxi standah hian min riah tir i tum chu a ni em lo maw? " Phone ka lak rual in eng mah pawh ka sawi hman lo Hmingtei chuan a rawn ti nghal lang lang chu hahthlak ti zet a thaw chhuak leh hak in ka sir lam chu ka en phei a mahse a mujil nge a muhil der zawk pawh ka hre lo mahse min kal tir chu a tum hmel loh khawp mai.








" Enteh.... Hming! Eng lo a nia, zan in chu ka lo kal theih loh hmel, hei... Englo... "









" I van mawl tak! Rawn sawi vat ta che ka nghah rei tawh zia che hi! Chu bakah nang mah vang in mi ka lo be vek tawh a! " Ka tawng pawt chat in a rawn ti nghal vak a. A rawn vin danah A thinrim tih ka hre thei.









" Nia... Ihh.... Lo kal chu ka tum a mahse.. " Ti zui halh in ka ner leh sak thin. He pa hi ka bulah a awm tih ka sawi ringawt duh bawk si lo. Kan in atang a ka chhuah dawn khan min lo lam tur in ka ti ve thlap bawk si chu hreawm ka ti zawk hial.









" Min tih buai zia hi! " Ti hmak in phone min la off san hmak zui chu ka phone chu la thla riai riai in ka ngawi vang vang a. Kan awm na chu a reh tlawk tlawk a ni ber.









" Tun a I thian emaw an tih te hian an ngaihtuah tak tak lo che! " Rawn ti thum dut vang chuan rum zet in ka sir lam chu ka melh nghal nghek a. Ka awm dan chu ka sawi thiam lo, mahse ka thin a rim em em a ni tih erawh ka chiang lutuk tlat. Ka chhung lam atang hian in hnial peih at a min tham ur ur tu an awm bawk.









" Nang mah hmangaih tu leh i thian tha tak chuan kawng dik lo i zawh hi a duh hauh lo ang. I sawi danah i chhungte hi i ngaina vak lo a ni mahna mahse tun a I thian te ai chuan an hmangaih zawk che chu ka ring! " Ka chhan let mai loh avang chuan a rawn ti nawn leh sup.









" Hmangaih! Ka thian te hian min hmangaih emaw min ngaihsak ka tih lai ka hre miah lo! Mahse saw in chhung ninawm leh boruak rit zet atang sawn hmun dang daihah min hruai thin. Chu bakah ka nu leh pa hmangaihna pawh dawng thei lo hi midang in min rawn hmangaih ka phut buai ngai lo hrim hrim!









Ka duh zawng chu saw in atang a hun rei lo re.. Rei lo te chiah pawh kal bo a ni mai! Chu zawng chu! " Hma lam kawng pui reh zet ka thlir na atang chuan kan in gate lam chu ka melh sawn nghal zat a. Kan in tak erawh chu kan motor thutna hian a zir loh em avang in ka hmu lo thung.









" Haa .... Chu zawng chu! " Ti sup in a rawn nui nghawr dawt chu ei lo fa hran in ka melh nghal ram.









" Ka hriat dan in i nu leh pa an in then a ni awm a. I pa bulah i cheng mek bawk a, hreawm i tih chuan engvang in nge i nu bulah i awm mai loh! " A rawn ti hmuk chu ka kut chu nghet zet in ka hum nghal vak a. Mit khap lek lo a melh ram in ka hmui hnuai ka pet fan fan. Ka tawng chhuak a nih chuan an chhia ka hlawh duh tak ngial dawn miau.









" Ok.... Ok... Thinrim ah la lo la, registerah i nu leh pa hming a chuang a, chu ta tang chuan ka hria. Mahse ka zawhna chu erawh a la ngai reng! I nu pawh i hlatah a awm chuang lo bawk a! " A rawn ti leh sup chu ka thinrim in control tum in ka nui chhuak hak.








" Enteh ka pu..! "









" Lawmsangzuala! Mahse nang ai chuan ka u pa fe in ka ring a min u thei ang! " A rawn ti sup chu ka ner nasa mai. Ka va han u awm lo tak. U ai chuan pu tih pawh ka duh zawk.









" Ka chung chang min zawt tur hian kan in karah engmah a awm lo. U che pawh ka duh lo a. Ka nu bul a ka awm leh awm loh chhan pawh i hriat a ngai hran lo. Kan in hre ngai lo a..... " A rawn che deuh vut chu tawng tawp chawt in ka thutna kawngka lamah ka awn nghal rawk rawk a. A ni pawh ja lamah a rawn awn deuh ngur bawk. Kan awm dan chu pawn lam atang a min rawn hmu Tu tan chuan rilru kawi pawh put a awl khawp ang.









" Enge? Ka sawi dik lo a mi? Nang pawn I nau ang in min en loh kha. I nau chu khum chungah nuam tawl puiin sex i hman pui duh ka ring lo. Kei nen erawh kan mu dun tawh a nih kha! " Ka la ti hram chu a mit meng dur khup chu a dang lam deuh a. Rapthlak min ti a nih pawn ka pawi sa lo. Ka theih tawp chuan ka tawngkam ka khuh mawi ve chuan ka hria.









" I sawi dik! Nau ang chuan ka en thei lo che. Kan in kar a thil thleng tawh ngaihtuah phei chuan ka nau chu i ni thei hauh lo. Mahse ngai thla rawh! Tunah hian hmeichhia... Ohhh... Call girl satliah ang in ka en lo che a, ka rilru ah pawh a lang hek lo. Mahse ka hrilh ang che khaw laiah... Hotel, party khawi hmunah pawh mipa i zui ka hmu a nih chuan i rin aia nasa in ka che ang! " Ti chhuak hrawk in a mit meng dur khup chuan min melh run bawk.









Ka thaw em pawh ka hre lo. Eng vang a ka nun a rawn in rawlh a, tiang a min vau vak nge a nih zawt a thinrim chiam tur ka nia mahse ka sawi tur zawng zawng ka hrawkah hian an tang khawm vek. Kan hmai chu a in si lo chauh a, a sam hma in ka chal a rawn hawlh pha in a hmui chuan ka hmui a rawn si leh lek lek thin.









" I haw thei tawh ang! " Ka nghen mek motor kawngka chu a rawn ri thawt a, nui suk in min la hnaih chilh reng. Rang lutuk in ka kut chuan motor kawngka chu ka herh a , nem hawng nghal rawp in che buai deuh nuai chuan ka chhuak nghal rawk rawk. Hmeichhia ang in min en lo tih sawi deuh mahse kei mah zawk hi ka dik lo. Min hnaih a piang khan ka dik lo zual deuh deuh bawk.









" Khawi lam kawng mah zawh tum suh! A tlai tawh, haw la mu ang che! I pheikhawk chu ka lo kawl rih mai ang! " Motor glass rawn down a rawn ti sup Tu chu ka melh nghal haw a. A kut chu rawn lek vut in motor chu a ti nung a, mit min rawn siai suk in a tlan chhuak nghal vut chu ka en liam ta tawp.









" Aww... Ka vanduai tluang zel dawng. Lalruatfel pheikhawk tel lo chuan i chhuak ngawt thei lo! " Ban phar hliai in ka ti chhuak hap. Kha pa kha nge kei hi a zawk pawh ka in hre nek tawh lo. Kan in lam pan chuan ka let a. Dim zet a gate chu nem hawng in ka room lam tukverh chu ka pan a. Zan in ka chhuak chu kan gate ka pel hi a ni ringawt.









Ka room ah chuan tukverh atang bawk chuan ka lut a. Bang a sana pui in tar chu melh in ka ner nang. Kha pa nen khan kan awm dun rei pawh in ka hre lo a mahse a tlai tawh tak zet. Chhuah nawn leh tum mah i la a hun tawh lo hul hual.









Ka thawmhnaw thlak in shower ka nei a, mut dawnah ngei ngeiin ka in bual thin. Ka tih than tawh a ni a, ngaiah ka nei tawh bawk. Bathroom atang a ka chhuak chu khum a ka phone chu a lo in ring ral ral a. Hmingtei a nih ring in ka la a mahse no ka hmuh erawh chuan ka ner sak.









" I bag ah khan chahbi i hmu tawh ka ring a. I hmu lo a nih pawn I hmu vat ang. In in chhuah san a khawiah emaw i kal duh a nih chuan tah khan i kal thei ang! A hmun chu i la hriat ka ring! Call ka lak rual in A rawn ti sup a. Ka chhan let hma in a off zui nghal hmuk bawk chu ka hma zawn full mirror ah chuan ka in rn haw ringawt.









Khum sir a ka bag khai chu ka zen nghal rak rak a, a sawi ang chiah in chahbi bawr a lo awm bawk. " Enge a hriat a? " Ka ti ta ngawt. Chahbi chu table a dah in khumah chuan ka mu nghal daih a. Ka rilru erawh a harh tulh tulh thung. Ka mitthla a kha pa hmel rawn lang reng lah chu ka duh thu a ni der lo bawk.




*



*



" Mambawih i hman em? " In hnuai atang in ka pa in A rawn ti chu darthlalang a in en leh zawk in ka bag chu ka la a, chahbi dawhkan a mi chu la in ka room atang chuan ka chhuak nghal zat a. Vawin chu ka pa te rual a ka kal ve mai a ngaih hmel. Nizanah Hmingtei ka chungah a lawm lo bawk nen min rawn sawm tur pawn ka ti ngam teuh lo.









Seat hmaah chuan ka thu a, a hnung ah Lalchhani leh a thiante pathum an in hnawh thung. Ninawm khawp in motor chhungah chuan an nui ri leh tawng ri a khat bawk. Ka bag a earphone chu la chhuak in ka phone nen conect in hla ka ngai thla hmak a. Midang chuan kan chhungkua hi chhungkaw nuam hmuh in min rawn hmu a. Kohhranah kan hming a tha a. Pathian ram leh thawh lawm neuh neuh pawh a pe tam pawl leh kohhran upa ho in an hriat ve chhungkua kan ni a. Mahse kan in chhung khur tak tak erawh hremhmun ila fual ah ka puh ber.









Class kan la a, ka ngaihtuahnaah erawh kan principal hnenah kal vat ka ngai tih ka vawng ran. A in chahbi hi ka mamawh reng reng lo. A mah vang in ka thiannu lah chuan min tih tauh khum daih leh nghal.









" Heiii.... Ruatfel khaw nge i kal dawn! " College campus a ka kal chu ka hnung lam a atang Hruaian a rawn ti lawng lawng a. Ding dat a ka in her rual in min rawn nang ching ve nghal der bawk.









" Office ah! Nang pawh maw? " Ka ti let sap chu library ah a lehkhabu hawh a submit tur thu in min chhang ve sup a. Kan chho rual a, a ni hi chu a fel ve thlawt tih ka hria. Mahse kei mah hian mi dang han pawh vak ka duh loh leh ka thiam loh avang hian kan in hlat mai pawh a.










" Thil ei rual i la, a chhuak hmasa zawk zawk in nghah aw! " Nui suk a tiin library room lam kawngah chuan min pen san a . Kei pawh staff room lam pan in ka kal ve mai a. Ka room luh na erawh staff room ni lo in principal office a ni ta daih. 1 leh 2 sem ka zir lai khan principal room chu sawi loh staff room tak ngial pawh ka lut mang ngai lo a nia. Mahse tunah erawh ka kal zing ta malh malh khawp mai.









" I kawl thei ang ka tih kha! " A dawh kan hma a chabi ka dah thlak chu melh run in a ti hmuk. A aw ah chuan a lawm hmel em em lo bawk.









" Ka duh lo ni mai rawh se! Eng vang in nge i in chahbi chu ka kawl duh ngawt ang? Awm lo lutuk mai! " Ti zui hlak in ka nui nghal hak.









" I sawi kha, in in saw I ngaina lo a tlan bo sanna i duh tih! Chuan I thiante bulah i kal a, kha tiang thil i tih pawh a ngai lo. Kha inah khan ka kal ngai lo a, ka chhungte pawh in an rawn tlawh ngai hek lo. Tlan bo nan i hmang thei ang. Eng hun ah pawh!!" A rawn ti hmuk chu thaw hak in ka sam ka hui chho pap.









" Pawisa i mamawh a nih pawn kha tiang a I taksa i hmang tangkai dawn a nih ai chuan i mamawh chu ka pe ang che! " Ti zawi sup in a rawn ding a kei erawh ka ner nang.









" Chu tiang ka mamawh lo. I chahbi hi la la chuan ka pheikhawk kha min pe la, in ti buai tawh lo ang. Min en liam thei ngang lo a nih chuan transfer certificate min pe mai la! " Ka ti zui ve ngat ngat chu a ner nawk.









" Engvang in college hi chhuah san duh zawk ang mai hian i tawng le. Ngai thla rawh, kan in hriat dan chu eng pawh ni se ka student i nih ang in i hma lam hun ka ngaih tuah a. Ka la dawh hram hram lai che hian duh tawk mai rawh! " A rawn ti sup chu ka nui sak. Min ngaihven a min tanpui tur in ka duh lo tih chiang tak in ka hrilh tawh a mahse min ngaithla duh lo hi ka hre thiam lo zawk.









" Min tanpui i duh chhan hi eng nge ka hre lo a mahse ka lak atang hian phut let chu i nei ang ti raw... Sir! " A lam pan a kal hnai in a hma zawnah chuan ka ding vang a. Ni e... Vawin hian mipa dang ang tho rilru a pu a nih chuan ka fin fiah khawp ang.









" Eng emaw? Kan in karah hian a awm a. Ka hre vek a lawm, kei hian ka hip che tih hi! " Ti sap in ka kut chuan a nghawngah ka kuah a, a taksa hnaih ang ber a ding in ka melh chho ralh bawk. Kei hi hmeichhe nung chang tha chu ka ni lo mahse college ah kher kher chuan khaw lo tak a awm ka duh lo. He pa hian min hnaih luih phet a tum miau sia ka tih ngei a ngai.









Tunah hian a che sual palh a nih chuan a hmingchhiatna chhuan lam in a lak atang hian ka za len ang. Chuan ka nin pangai kha nuam em em lo mahse min lo ti buai chhen a, ka thil tih a lo in rawlh an awm tawh dawn lo bawk a.









" I awm danah hian a lang vek! Zan rei tak thleng kan in kawtah i awm a, college atang a min hnawh chhuah hial theih na tur in chiang zet in min man bawk a. Mahse min la hum tlat a. Min hnawh bo chu sawi loh i in chahbi min la be ang deuh deuh bawk. Tiang a thil ti kual vel lo hian i duh chu sawi tha mai la, Tu nge hria ka hnawl bik lo ang che tih? " Ti thawp sap in a mit a melh chho kalh in dingdi hlip ak ak in ka hmui chuan a hmui chu ka tawk da da a. A che sawn lo a min nam sawn in min dan pawh a tum lo.









Ka rin ang chiah mipa dang nen an dang lam dawn lo. Ka lakah beisei a neih vang tih hi ka chian ngei dawn a ni tawp. Ti rilru in ka kuahna ti nghet zual sauh in ka thiam tawk chuan ka fawp a, a sang in a palian bawk nen ka duh ang in chet erawh ka che thei lo. Ka fawhna pawh min chhang let hek lo mahse tlawm ka la tum chuang lo. Ka thiam dan tawk chuan ka pa fawp lui zel .








" Lalruatfel i hlawh chham! " Ka rilru chuan in ti sap in zak ru deuh tak chuan ka in la hrang riai riai a, mahse mipa thaw ri hrawk ka hriat rual deuh thaw in ka kawngah kut lian leh tha ngah zet chuan min pawt hnai nghal hrut in ka fawh zawh chiah na hmui lum ham ham chuan min rawn fawp chhun zawm tawn tawn a. Rei lo te chhung chu ka ham haih hman, min chhang let dawn lo a maw ka ti hman bawk.








" Min hnar thei lo! " Ti sap in ka nui sak chu kan bul dawh kan chungah min thut tir vut in min fawh chhun zawm nghal nghawng nghawng a. Ka kut leh lam a dawhkan a in nem khalh in leh lam chuan a hmai lum sa vung vung chu vuan bet in uar zet chuan ka fawp ve tan tan a. A lei hrawl leh thap hrak a ka hmui tawn nawr kau in zei leh uar zet chuan a chet nghal nghawng nghawng a.









A rilru chawk buai a fiam hlak kha ka tum a nia mahse khang ka ngaihtuahna khan tlem tlem in min thlawh bo san zel a. Tunah chuan eng mah dang ka ngaihtuah thei tawh lo, he mipa zei zet a min fawp mek tu tih loh chu ka thluak hi a ruak vek in ka hria.









Ka mal in karah a rawn in rawlh a rum chhuak nghut in a ban tha chak zet chuan ka kawng a rawn vuan in a lamah min hnuk hnai nghal hrawk a. Chu tih rual in a kut leh lam in ka hnute a rawn tham nghal tawk bawk chu ka rum chhuak nghal hak.









πŸ’•πŸ’• edit loh😴😴 a tawi bawk. Zan in ka mut chhuah dan chu a na mai lo lutuk a. Ka type chak theih loh bakah ka mit ding lamah hian bawlhhlawh tang ang in mit meng a ti nuam lo a, men a ti hreawm bawk nen lo hre thiam mai ru awπŸ™πŸ™

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)