BEISEINA ARSI CHAPTER 13 by Nutty girl.

Episode kal lai dah luhna

Moderator: writers

Nutty girl
Posts: 209
Joined: May 2nd, 2020, 11:28 pm

BEISEINA ARSI CHAPTER 13 by Nutty girl.

Unread post by Nutty girl » June 29th, 2020, 9:25 pm

BEISEINA ARSI 13




🐼NUTTY GIRL🐼




CHAPTER 13



Family trip kan neih ni tur a lo thleng ve leh ta reng mai. Ka nu lah a ni leh ni lo angin a tho hma ve viau. Eitur a siam teuh mai bakah siam tur a pack teuh mai.



Nico pawh a rawn haw hlawl. A lo la sawi lawk miah lo leh nghal. Mahse a lo haw chu a tih zia viau, a lo haw laia chhungkaw inhmuh khawm pawh a tha.



"Eve,eve min lo pui teh," ka nu chuan min lo au deuh chul mai. "Khawnge he laia bag eng ka pack fel sa kha? Min lo zawn pui vat teh,"tiin a zawng char char.



"Tuna i ken lai kha a ni lo ami?" a bag eng khai lai chu ka kawk zauh. "Ehe...a nih hi,awi ka haihawt sawt zia hi,"tiin a nui uar uar.



Ka nuin thil ken hnem a tum bawk si. Ka pa carin kan kal anga, putea te leh Pa Msa te'n bungrua min phur pui dawn. Chutiang a nih loh chuan inhnawh ngaihna a awm lo.



"Kumkhuaa awm hlen i tum ami?"ka pa pawn a ti ringawt. "Eitur tui hnai tawk tawk in ei theihna tur a nih hi,sawi sel reng reng suh u, "ka nuin a ti hmiah. Pa Msa te pawh chuan an nuih ringawt.




Motorin kan chhungkaw liin kan in zui duah duah. Nico a hmaah a thu,ka pa in a khalh. Hmeichhe pathum a hnungah kan thu thut mai.




Ka nu leh Lalruatfeli an phawk leh tawh lutuk,hla playin ring mang khengin an zai. Mipa pahnih te pawh chuan an nuih ringawt an over ve em a ni.




Nico hian u Matt-a nen kan inngaizawng tih a hre ve tawh. Mak pawh a ti lem chuang lo. "Mipa hi chu kan rinawm bur lo ania,in vengtha la,i nat loh nan fimkhur ang che,i u ka nih na anga ka thurawn che a nih chu,"a ti ve ngei.



Amah hi an rin loh vang pawh hi a ni lo,ka nat an hlau ber hi niin ka hria. Ka pain Nico chu khalh ve turin a ti,a khalh dam dap mai. Keipawh hi la in zir ve ka ngai dawn ni..



Ka rin aiin kal kawng chu a hla fe mai. Ka nu leh Felfeli pawh chu an muthlu lawp lawp tawh. Ka pa leh Nico erawh a zirna vel an sawi.



Ngaihthlak tum ve viau lo mahila beng nei ta na nan chuan an thusawi chu ka hre ve vek. Nico chuan doctorate degree a neih hnuah a duhnaah tak kal a duh thu leh,hospital chu a tul huna a enkawl tur thu a sawi.



Ka pa chuan a pawmpui viau lo naa." Nakinah kan sawi tha leh dawn nia,tuna sawi chu awm zia a awm lo,"a ti tlat.



Hnunglam pang ka en chuan u Matt-a ten min rawn zui reng,an hnungah putea te chhungkua an rawn tlan ve thung. Kan hmaah Pa Msa te an tlan bawk.



Kawngsirah pa Msa te chu an chawl. Kan ding ve nghal vat. "Naupang ho an zun a chhuak a lawm mawle,"pa Msa chuan kan din rualin kan lam panin a rawn kal. A rawn au pah lung lung.



"Bawihi tei harh ve la,a la hla ve tho khat a nia,"ka pa chuan min rawn en chuan a ti. Ka chhuak ve nghal vut.



U Matt-a te pawh an rawn thleng ve chiah. Min hmuh chuan a rawn chhuak nghal vut.



"I chau em?"min en kual thuak thuak chuan a ti sup. Ka chauh loh thu leh nuam ka tih thu ka sawi.



Ka nu te thian ho pawh an ri chul mai,a hmaa an thlalakna ni ngei tur a ni. "La leh hrim hrim ang u,"an ti tlat Nico an a hmeh sak.



Ka unaupa a ni hi awih har ka ti. Tlemin a khabe hmul vel a zuah ve deuh lehnghal. Mizo a ang thlawt lo. Ka nu te hian kan fa lak ti pawh nise ka awih ang...haha



U Matt-a nen chuan ka nu te thianho che tla vel chu kan en mial mial. Hmuhnawm an tling nia mawle! An vanglai an han sawi tak tak phei hi chu, an harh vang ve hle tih a hriat theih mai.



A hmun kan thlen chuan chhun thingpui in hun vel hi a lo ni tawh. A hmun enkawltu pawh an awm thlap. Chhungkaw khat tawpin an awm chilh ve.Chhungkaw khat tawp ti ila,an fanu nula a ni mai. Pa Sawma te nupa min ti hrechhuak zawk mai.




"Kha maw ka eitur keng teuh min sawi min sawi a,siam chawp ngai lovin eitur tui hnai tak kan nei nghal a nih hi,"tiin inti thei tawkin a eitur siam sa ho a phawrh mawlh mawlh.





"Lalrinpui a nupui nge nge, nuipui tha a nih hi aw i neih," Pa Msa chuan ka pa rawn fiam zauh zauh. Kan nui ho leh dar dar thin.



A building a lian reuh ropui sia,ka hlau ti tih. A awm tur kan tam vak lo nen. Zanlamah a hran duh hmel.



"Bawihi..awi a hma kan kal ve chuan chhuatah kaan mu khawm dul mai mawle,tunah chuan an siam tha tawh a,room ang te te in an siam. Room hran teuh pawh kan nei thei hrim hrim,"ka nu chuan buliding ka thlir vung vung lai chu min rawn bia. Min luh san nghal nulh.




"Yea...my bestfriend ,my roommate lo kal vat teh,"Simsiami chuan min pawt dawr dawr. "Hei kan room tur a nuam ber,"tiin min pawt lut nghal hmiah.



"Hey...a mak,i phur ching cheng lutuk,midang nena in hlat lutuk a awm ka duh lo nia," ka tih chuan min melh nghal rawm rawm.



"Hey...ka unaupa room dawt chiahah a awm,zei lo tet tut thei lutuk mai. Dawih ropui si,"a tih chuan ka nuih ver ver. Ka thian a ni lo ang tih ka va hlau si em.



"Chutiang pawh ka lo ngaihtuah thiam hleinem,"
ka tih chuan a pawm khawp mai. Zei lo hi min ti thei ve bawk sia e. A bialpa bulah eng vak a ni bik tawp si lo a e.




"Ka inbual phawt dawn,"tiin towel vel leh hak tur vel ka la. Ka ban deuh chep chuap mai. Tianga awm reng hi chu ka peih ve lo. In lamah pawh ka inbual vat zel.



"Hey...taka na khawnge bathroom a awm?" Siamsiami ka biak chuan min chhang lo reng reng. Ka va en chu khumah a lo chat thla der tawh. Pawi lo ka zawng chawp tawh mai ang.



Rooma ka chhuak chu ka dinglamah ka phei nghal tawng. Kawngkhar a lo in hawng ri ka hriat chuan ka hawi phei zawk. Min pawt deuh nawk mai,ka chhing nghal sawk.



Ka men chuan ka hmaah u Matt-a a lo ding run. Kawngkhar ka ngheng chial bawk.



"Ka hmangaih em em te,ka ngai tawh che,"tiin ka hmuiah a rawn fawp vang vang. Ka thlawk vang vang ni mai hian ka hria,ka vai deuh ria thei.



A in la hrang nghal vut. Ka hmaiah a dawm vang vang. "Ka ngai che,"ti leh supin a hmuiin ka chal a nawr vang vang.



Rei fe chutia ka melh hnu chuan kal mai ka tum. Ka inthlakna ka ken kha ka kutah a awm tawh reng reng lo. Chuat ka en thla vu,U Matt-a ka en leh. A lo en ve run.



Rang mang khengin ka chhar,ka bul ami pui chu a nui deuh hawk mai. "Mawla,"tih ngaihna hre lo lutuk chuan ka ti ta hmiah. Ka tlan chhuah san daih.



Tuna thil thleng kha in hria em? Ka...ka bra leiah a tla bik bawl mai. Ka khai fel ve thlap a,ka bra ber a tla bik...ka zak lutuk hi a ni ringawt. Ka sa pup pup mai.



Bathroom pawh chu ka hmu rang kher mai. Ka rin aiin tui pawh a tam ve viau. Helai hmun hi chu tlawh an awm ve nawk reng thin. Mahse vawiin leh naktuk bik hi chu Pa Joseph-an kan tan a ni mai a tia,a khar tih hmiah a ni awm e.




Ka inbual zawh pawh chuan ka chhuak ngam lo lawk. Malsawmzela vang vek,ka ngei lutuk. A..ka van ning tak.



Amah ka tawh lohnan rilruin ka tawngtai mawlh mawlh. Ka hmu hman hram mahse min hmu ve lo ka biru nghal vat. Hui..ka hringnun hi a va chep ta ve.



Rooma ka luh chuan thawk ka la nghal vawng vawng thei. Siamsiami pawh chu a lo la chatthla tui ngang mai.



Ka phone a rik chuan ka la nghal vat. "Khawiah nge in awm a,kal vat rawh u,"ka nu chu a rawn au nghal lawng lawng. A pawimawh leh viau awm si lo a aw..



Mahse nuber thu chu awih a ngai hrim hrim. Ka chhuk dawn chuan Siamsiami chu a lo harh,chhuk ka tum thu ka sawi chuan ham bui bui chungin a kal ve duh thu a sawi.



An lo awm kim thap chu niin, u Matt-a pawh a awm ve tihna a nih chu. Min lo en deuh chuan ka hawisawn nghal vat zel.



Naupang ho an infiam,an ri ve laih laih reng. Lalruatfeli pawh Pa Msa fa upa ber nen an inrual,an inkawm deuh chawt bawk.



Putea te hian fa pakhat an la tunah kum thum vel chauh a la ni. Min la ngaina phian leh nghal. Tunah pawh ka lam panin a rawn tlan phei teuh teuh mai.



"A u,a u tuiah sawn awm ve chak e," ka kekawr hak chu a pawt det det. "Awi...lo chhang chhe leh dawn bik,naupang ho an infiamna sawn va awmpui ve rawh,"tiin min kalsan nghal nal nal.



Tui ka hleuh ngam bik tawp si lo a. Tui chhungah ka awm ngam bik si lo. A tlangah thuiin tui ka daipui mai mai. Nuam chu a ti ve phian mai.



U Matt-a ka lampanin a rawn kal. Tuiah hian ka zuang thla daih mai nang a. Tih chi a ni bawk si lo,rum tak chuan ka melh ta ringawt. A la khi suk suk zui.



"Tuiah khan awmpui law law la,"a rawn ti. Min en hlek chuan ka lai nghal tut thei.



"Ka cheng ngam mai mai lo,"ka ti nghal vat.



"Ka kawng chen vel lek a nih hi,"tiin amah zawk a chhuk nghal thuih. Anna chu pawm thla in,life-buoy ah chuan a awm tir. Nuam a ti khawp mai,a rak chel chul mai.




Tui chhunga lut ve tur chuan min ti. "Ka awm hi,i thi lo ang,"khi deuh suk chung chan a ti. Nia ring tawp ang.



Min kai thla." Min thlah miah suh ang che,"a tan chuan kawng chen vel ni mahse ka tan ve erawh chuan ka lai chung vel daih a ni.



"A u tu dawih e,"tiin kut bengin a nui uar uar mai. Ka rin aiin a hlauh awm loh mahse u Matt-a hlatah chuan ka awm ngam chuang lo.



U Matt-a ngeng deuh pah ar ar chuan Anna chu ballin kan infiam pui. A rak leh chul zel.



"Chhungkua te pawh in an kha mawle," Nu Puipuii chuan a rawn a ti. Chhungten min chhaih hi chu ngaiah ka nei thei thlawt lo. Ka lai leh nghal ri ngawt tawh.


Anna-i chuan a anu chu a au ve chul mahse a chhuak duh bik thak lo. U Matt-an a awm thiam lutuk chu mak ka ti zawk. A ni pawn a nel tawp.




A va ngaihnawm loh si em! A kal muang in ti ve em?Kal tir puat puat tum pawh hian a theih thlawt lo. A lo thui vak thin lo bawk nen. Min lo hrethiam leh hram hram mai ula aw🥰



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)